جديدي

[المطلعي]

يا غايبه هل للمشاعر بقايا ؟؟
ولا نسفها الصمت يوم أختفيتي !

إشتقتلج كلمه تسيل بحشايا
ما وقّّفت سيلان لو في مبيتي

مازلت بج معجب لما لا نهايا
إعجاب في قمة صروحه رقيتي

عاشرت عالم وأفتقدت السجايا
العذبه الي بملكها إصطفيتي

لو بج عيوب ٍ في عيوني مزايا
كن العيوب تموت لامن وعيتي

وكن الكلام الي يمر الشفايا
يصبح قصيده مبهره لا حكيتي

لو تبحثي بالزهر مرّه معايا
عن فرق مقنع بينكم ما لقيتي

في كبريائج ما يغازل هوايا
ولا الأدب في مقلتينه ربيتي

من صوتج إستحليت طعم الصبايا
لين الغزل سرمد على شطر بيتي

وشلوون لو تلمس يدينج يدايا
وبسلهمات عيون حسنى طغيتي ؟!

أوّااااه يا ريم ٍ تعيش بفلايا
ثار الهدوء وما لمحتج أتيتي

زهّبت للقيا العزيزه هدايا
قولي متى تهجر هداياج بيتي ؟!

أنا أذكرج .. قلتي ( حكمت الحنايا )
وبالدرك الأسفل م الغرام إصتليتي

وقلتي قراية مفرداتي " هوايه "
تبدين لي الإعجاب كلما قريتي

ورحتي وأودعتي العواطف عرايا
مثل الحلم جيتي وفجأه انجليتي

الحظ طبعه ينتهك لي منايا
لا توقفي ويّاه دامج دريتي

ماعوّضنّي الخود ذرّة غلايا
وذكرى حضورج غاليه ما حييتي

شاعرج يا الهامه سليم النوايا
إن قال خذتي القلب فعلا خذيتي

يبقى سؤاله في ختام الحكايا
هل للعلاقه وضْح ولا انتهيتي ؟!


وصباحكم ورد

[لهيب]

صباحك ورد
صح لسانك يالشيخ على الكلمات الجميلة

[المطلعي]

صباحك نرجس وبختري الغالي

الجمال في وجهك .. لا هنت

وصح بدنك ملايين

[عينــاويــة بالقــووو]

بسم الله الرحمن الرحيم
.
..
السلام عليكم ورحمة الله وبركاته
×؟÷!×
؟×!
!
صـــــــــــح لـــــســـــــانــــــك يـــــا الـــشـــــاعــــــر .. و لا هــــان مــنــطوقـــك العـــذبــ ~..
...
..

الصراحة قــصــيــدة و لا أروع .. كـلـمـات فـي قمــة الجــمـــال .. أبــيــات تنـســج ابداعــها

المــعــتاد في هذه الحــروف الــمــتــمــيـــزة ..

>><><<

فــكــرت أخــتــار أجــمل بـيــت عجــبــني الصراحــة ما قــدرت أختــار .. كـــل بــيــت

يــفـــوق الأبــيــات الأخرى روعة و جمال و احساس .. أبدعــت أبــدعــت أبـــدعــت

و بدون مجــامــلــة مــا أعرف كـيـف أعـبـر عـن اعــجــابــي بـهذه القــصـيدة المتـمـيـزة ..

<>×<>
×<>×
×

شـــاعــرنــا الــمــتــألــق أشـكــرك علـى هــذا الخــط الـــرائــع .. و دمــت قــلــمــاً مــبــدعــاً ..

×؟÷!×
؟×!
!

مــــع الــتـــحــيـــة ~..

[الخيل]

لو بج عيوب ٍ في عيوني مزايا
,,, كن العيوب تموت لامن وعيتي

المطلعي

صح لسااااااااااااااانك مليار يتليه مليار يالشاعر
قصيدة ولا اروع
غياب اتعب قسم الشعر وعودة اثرت واسفرت من خلالها اركان الشعر بالهير

بوركت يالشاعر
وربي يسلم يمينك لي تعنت وخطت اروع مثل بازهى صورة

تقبل مروري المتواضع يالفذ

الخيل

[الكايد]

صح لسانك
ومشا اللة عليك

[الشاعره!]

واااااااااااااااو
المطلعي!! ابي اختار بيت عجبني ماقدرت لكن بختار اكثر بيتين اعجبوني ,,

لو تبحثي بالزهر مرّه معايا
عن فرق مقنع بينكم ما لقيتي

ابداع والله ,,

زهّبت للقيا العزيزه هدايا
قولي متى تهجر هداياج بيتي ؟!
تصوير الهدايا رااائع ,, دايماً تكون الهدايا مفعول به عند الشعراء وعندك اراها فاعل!!


ملاحظه : سرمد ,, اسم ,, واشك في امكانية تحويلها لفعل .؟؟

في النهايه احب اشكرك وعندي أمر ماهو بطلب : لاتهجر الساااااااااااااااااحه:biggrin:

[المطلعي]

عيناويه بالقووو

ما ميز القصيده الا بصمتج عليها وتعليقج العاطر على ابياتها

كلي امتنان بهذي المتابعه وما زلنا مقصرين بحق ذائقتكم الشعريه :)

لا هانج الرب

[المطلعي]

الشاعره الياسيه .. الخيل

أحيان التعليقات ع القصيده تكون أروع منها :)

صح بدنج وكل السموحه ع الغياب .. ظروف ومشاغل وضغوطات الحياه

بس منتدى الهير مثل ميّة النيل على قولة المصاروه :) من ذاقها لازم يرجعلها

مرورج مب متواضع ابد .. شاكرلج تكريمج لي ولقصيدتي

ولا هنتي يا بنت الأيواد

[المطلعي]

شاعره !

يا هلا بج الشاعره .. معطره بمرورج مثل ما تعودنا

بخصوص ( سرمد ) ماشاء الله عليج :) انا بعد كان عندي شك فيها يوم حطيتها :) بس ما دري كيف في الاخير انبلعتلي

بتخبر عنها وبشوف راي النقاد الي اعرفهم :)

ساحتكم ثريه بالشعراء امثالج ومستحيل حد يتخلى عن قراية جديدكم .. صاير من هواياتي :)

لا عدمت متابعتج ,, بالتوفيق ,, وجعل أيامج سعيده

[جريح الحب]

صح لسانك يالشاعر لاهنت على هالقصيدة

كل الاحترام
جريح الحب

[المطلعي]

صح بدنك اخويه جريح الحب ,, وبيض الله ويهك ,, والاحترام متبادل يالغالي

لاهانك الرب

[هوى اليحر]

صح لسانك يا الشاعر ويعطييك العافييه ونترقب لجديدك الرائع .....

[المطلعي]

حيّ الله بنت اليحر

يا هلا بج ,, مشرفه ,, ومبخره الجو بحضورج

دمتي بالف عافيه

[نـد يـم العيــن]

لو بج عيوب ٍ في عيوني مزايا
كن العيوب تموت لامن وعيتي


الله الله

يالمــــــطلعــي

قمّه على قمّه

قليله كثير كلمة ... مميز
بل انت أكثر بكثير بكثير بكثير


صح لسانكـ

مسلم المحرمي

[المطلعي]

يا هلا بك يالمحرّمي

شرف لي يالغالي ,, شاعر واعتز بإطرائك

ومرور عيونك على القصيده ,, وتصفحها

لا خليتك

[غرام الود]

ورحتي وأودعتي العواطف عرايا
مثل الحلم جيتي وفجأه انجليتي

الحظ طبعه ينتهك لي منايا
لا توقفي ويّاه دامج دريتي



صح لساانك وسلمت يمنااك على ما خطت


في انتظار جديدك ^_^


غراااام الود

[قصايد]

لو تبحثي بالزهر مرّه معايا
عن فرق مقنع بينكم ما لقيتي

في كبريائج ما يغازل هوايا
ولا الأدب في مقلتينه ربيتي



mbd3 .. mtmyz .. raaaaaaaaaaaaaaaaaaaaaaaaaaa23

la hent ya alsha3r o la han mn6o8k

fi muntaha aljzalah...

t8bl mrori albse6..

[جنون الحب]

صح منطوقك اخويه

الى الامام دوم

ونتريا كل يديد منك

تحياتي لك

[عبدالله بن نعمان الكعبي]

صح لسااانك

قصيده عالقمه


بيض الله ويهك

[المطلعي]

تحية لكل من عطّرني بحضوره , ويعل ربي يسلمكم ويعطيكم العافيه على هالتعليقات الطيبه , وان شاء الله الا أستاهل بهاء إطراءتكم و تواجدكم البديع في صفحتي .

[شيبه منتهيي]

عاشرت عالم وأفتقدت السجايا
العذبه الي بملكها إصطفيتي

صح السانك

الله لا حرمنا من جديدك