(¯`·._) طيـ ـحـ ـة كـ ـريـ ــ مـ (¯`·._)

[ظميا]

بلا مقدمات


ابتديت باسم مولاي الكريم=وانتخيت بقوم من نسل الكرام
واحمد الله بزود وهاب النعيم=خالقي بالحق رزاق النعام
لك أوجه شكوتي ياذا النديم=في حضور قروم عالين المقام
بلاضغاين واحمل فواد(ن) حشيم=كلمتي سيفي ومبراتي حزام
حدني وقتي على شي(ن) عظيم=سار بي صوبه ولا لي من مشام
قد طويت هموم وردتني حطيـم=واجمع اشتاتي واحاول بالحطام
والدروب هموم والمسرا يهيـم=بس احاول خطوتـي لاتستهـام
ماوطيت اللاش وجنبت الهشيم=كود بحفظ لي غرامـه بإلتـزام
دار بي وقتي كما لف اللئيم=مغتنم ضعفي وسهدي يالكرام
علموني ليش مقفي بي مديم=وين ماصديت وافتني سهام
وكيف ما مديت كفي كاليتيم=مالقيت اللي يعاوني بقيام
طيحتي كانت كما طيحة كريم=بالنذاله عاذله غادي همام
زايد الطعنات ذوبن الصميم=واغرقن عزمي وكسرن الحسام
جو صبري عاكرن دايم ظليم=لوبغيت الصبر خوّفني الظلام
وإن قوا هالخافق دروب العتيم=ماقوا فالحب ترويض العتام
ناهبن لذات خفـّاقه مديم=تاعبنه في صحاته والمنام
غادين له فالهوا خير الكليم=واهبنه كل منطوق الكلام
والختام بذكر هادينا الفهيم=خير مخلوق(ن) دعا كل الأنام
للنجاة فيوم لك فعلك غريم=وجملة الأشهاد تلفي به قيام


ظميـا

[جريح الحب]

والدروب هموم والمسرا يهيم
بس احاول خطوتي لاتستهام

اصبتي يالشاعرة

ابيات في قمة الروعة والجمال,,

صح لسانج مليار يالشاعرة على هالجزلة

كل الاحترام

جريح الحب

[رحــــــاله]

بلاضغاين واحمل فواد(ن) حشيم
كلمتي سيفي ومبراتي حزام
حدني وقتي على شي(ن) عظيم
سار بي صوبه ولا لي من مشام


،،،


ربي لا هانج على هالابيات القمه في الروعه ... هيه و الله بلا مديح !...

مع إني وجدت صعوبه في فهم أغلب الكلمات بس حاولت أعرف معانيهن من السياق ..
=)


نرقب الزود منج،

تحياتي ،

[الروح تفدااك]

الله الله علييييييييييييييييييج سلمت يمناااااااااااااااج الغلا الصراحه روووعه الابيااااات ولاتحرمينا من يديدج

[الخيل]

ظميا

مرحبا الساع بالحاضرة الغايبة
وصح الله لسانج غناتي على هالحضور الغالي
والطرح المميز
فعلا اجدتي التعبير والصياغة والوزن
لكي كل الامنيات
وتقبلي مروري واعجابي بالحضور والحروف


الخيل

[شح شح]

:
:
:

زايد الطعنات ذوبن الصميم
واغرقن عزمي وكسرن الحسام

قصيده رائعه رائعه رائعه ..

صح السااااااااااااااااانج يالشاعره ...

ارويتناا بقصيدتج ...ياضميا :rolleyes:

:
:
:

[شمـوخ]

والدروب هموم والمسرا يهيم
بس احاول خطوتي لاتستهام


قصيدة جميلة وابيات قمة ف الروعه

صح لسانج يالشاعره

تسلمين ونرقب يديدج المميز لا عدمناج.~

[عــ زاخــر ــامــري]

صح لسانج

وتسلمين والله على القصيده

ولا تحرمينا يديدج

[ظميا]

والدروب هموم والمسرا يهيم
بس احاول خطوتي لاتستهام

اصبتي يالشاعرة

ابيات في قمة الروعة والجمال,,

صح لسانج مليار يالشاعرة على هالجزلة

كل الاحترام

جريح الحب

صح بدنك وكلك اخويه

يسعدني تشريفك دوماً

لاهنت

[ظميا]

بلاضغاين واحمل فواد(ن) حشيم
كلمتي سيفي ومبراتي حزام
حدني وقتي على شي(ن) عظيم
سار بي صوبه ولا لي من مشام


،،،


ربي لا هانج على هالابيات القمه في الروعه ... هيه و الله بلا مديح !...

مع إني وجدت صعوبه في فهم أغلب الكلمات بس حاولت أعرف معانيهن من السياق ..
=)


نرقب الزود منج،

تحياتي ،

ولا هان من قال يالغلا

نورتي المتصفح

[ظميا]

الله الله علييييييييييييييييييج سلمت يمناااااااااااااااج الغلا الصراحه روووعه الابيااااات ولاتحرمينا من يديدج

ربي يسلمج ويعافيج

لاهنتي ع المرور

[عبدالله بن نعمان الكعبي]

ابتديت باسم مولاي الكريم
وانتخيت بقوم من نسل الكرام
واحمد الله بزود وهاب النعيم
خالقي بالحق رزاق النعام
لك أوجه شكوتي ياذا النديم
في حضور قروم عالين المقام
بلاضغاين واحمل فواد(ن) حشيم
كلمتي سيفي ومبراتي حزام
حدني وقتي على شي(ن) عظيم
سار بي صوبه ولا لي من مشام
قد طويت هموم وردتني حطيم
واجمع اشتاتي واحاول بالحطام
والدروب هموم والمسرا يهيم
بس احاول خطوتي لاتستهام
ماوطيت اللاش وجنبت الهشيم
كود بحفظ لي غرامه بإلتزام
دار بي وقتي كما لف اللئيم
مغتنم ضعفي وسهدي يالكرام
علموني ليش مقفي بي مديم
وين ماصديت وافتني سهام
وكيف ما مديت كفي كاليتيم
مالقيت اللي يعاوني بقيام
طيحتي كانت كما طيحة كريم
بالنذاله عاذله غادي همام
زايد الطعنات ذوبن الصميم
واغرقن عزمي وكسرن الحسام
جو صبري عاكرن دايم ظليم
لوبغيت الصبر خوّفني الظلام
وإن قوا هالخافق دروب العتيم
ماقوا فالحب ترويض العتام
ناهبن لذات خفّاقه مديم
تاعبنه في صحاته والمنام
غادين له فالهوا خير الكليم
واهبنه كل منطوق الكلام
والختام بذكر هادينا الفهيم
خير مخلوق(ن) دعا كل الأنام
للنجاة فيوم لك فعلك غريم
وجملة الأشهاد تلفي به قيام



صح لسااانك


قصيده روعه وما عليها كلااام

بيض الله ويهك