اسمع هالقصيدة للتوطين تعور القلب

[عينــاويــة بالقــووو]

بسم الله الرحمن الرحيم

السلام عليكم ورحمة الله وبركاته


شحاااااااالكم عربااان زاااااااايد ؟؟ عساكم الا بخــيــــــر ..

وأنا أفرفر ما بين المواقع و المنتديات .. صادفت هالقصيدة و لفتني موضوعها ..

قصة شاب من شباب دولتنا الغالية ،، وكان ضحية من ضحايا التوطين ..

كتب هذه القصيدة لتترجم آهاته و معاناته .. عسى أن تصل للجهات المختصة ..

ولما سمعتها انكسر خاطرية .. للأسف والله للأسف !!!

قصيدة تهم كــل المواطنين .. أرجوا سماعها و في انتظار ردودكم ..

http://www.4shared.com/file/22721001/2c3ea00a/Ame-__-_.html?dirPwdVerified=f59128da

:: لتشغيل الصوت ،، اضغط على زر التشغيل في الصورة الموجودة في صفحة الرابط ::


::ملاحظة::

التوطين : بالاختصار المفيد هو تعيين غير المواطنين في وظائف المواطنين ..


ومــــــع التـــــحـــــــيـــــــــة ~ ..

[رمش الغلا81]

سامعتنها من اول ...

والله كلامه صدق ماكذب ..

وبصرااااااااااحه قصيده اتعور القلب ..

تسلمين ختيه على الطرح

[ツجريحة بأسبابكツ]

بسم الله الرحمن الرحيم


السلام عليكم ورحمة الله وبركاته

!

.

!


عينااويه بالقوو

^^ يسلمو يالغلآآا ع القصييدة الحلوة والمؤثرة

بالفعل تعور القلب..,><

الله يكون فعونه وفعون كل اللي بنفس حاآآلته


طرح مميز .. واختياآر رآائع جدا


ربي يعطييج الصحة والعافية..


وبانتظآر أكييد الجديد من موآضيعج ...


دمتي بحفظ الرحمن ورعآيته ..


!

.

!

تحيتي

[عينــاويــة بالقــووو]

:: رمــش الغلااااا ::

الله يسلمج فديتج ،، ومشكوووووورة ع المرور الغااااااالي و لا تحرمينا من تفاعلج المتواصل ..


ツجريحة بأسبابكツ

نورتي الموضوع و زدتيه حلاه بتفاعلج معانا ،، والله يسلم غاليج و مغليج ..

ومرورج المميز و الرائع و أشكرج ع الكلام الراقي و الرد الأرقى ..

ودمتي ذخراً و فخراً لهذا المنتدى ،، و لا تحرمينا من تواصلج الدائم ..

مـــــــــــــع التــــحــــــيـــــــــة ~..

[عينــاويــة بالقــووو]

و يبتلكم كلمات القصيدة اذا حابيت تقرونها ^_^ ..

وش عاد يا دار ٍ بها صار ( توطين )
و في مكتب التوظيف س...ن و م.......ن !
مديرهم م.....ت و نائبْته ن.....ن
و على الرسبشن حمّص و فول و زيتون !
كل ما اتصلت اسمع ( الو مرحبا مين ؟
بدّك وظيفه ؟ .. مين دلّك على هون ؟ )
اقول انا لي اتصل صار شهرين
و انتوا وعدتوني متى بس توفون
اسمي ( مواطن ) ( جامعي ) طيب و زين
كني ابخطب عندكم و اتّغلون !
عندي شهاده طايحه بجبدي سنين
عشش عليها شي له ستة عيون !!
لو للشهاده لسان قالت
(على وين ناوي توديني .. تلف فيني الكون ؟ )
من كثر ما صورتها غارق بدين
للهندي راعي المطبعه صرت مديون
لا ليلي ليل ولا نهاري نوى يبين
دقيت راسي لين ما صرت مينون] !
مطلوب خبره عالأقل في مجالين
ولا تجينا بواسطه و سير مدهون !
ولا انثبر في بيتك .. افرك بكفين
يومك يشابه امسك و عيش مغبون
تعدادنا ويّاهم اربع ملايين
و اهل البلد للحين ما صاروا مليون !!
ويلاه من باكر اذا وضعنا الحين
و احنا اقل من الربع حالنا شجون !
و اللي ابتسم له حظه والله مسكين !
حصّل وظيفه .. بس في وين .. تدرون ؟
ساكن في راس الخيمه .. حطوه في العين !!
و اللي سكن في الذيد .. في السلع مدفون !!
يشوف اهله بس في الأسبوع يومين
و اذا حسبتوا الدرب كم ساعه .. تبكون
يعني في كل احواله ذاق الأمرين
شغّال محزون و بلا شغل محزون
و الأجبني اللي راتبه فوق عشرين
فله و سياره و تذاكر .. و طاعون
عنده بدل كل شي عالراتب الفين
حتى بدل معجون اسنان و صابون !
و من بعد ما يجمع من بلادي فلسين
و يربّي م القعده على الكرسي بطون
و يصير في بلاده غني و عنده برجين
يرحل و هو جاحد .. و كم مثله ملعون !
و حتى الجماعه قوم مدحت و نسرين
مردّهم لبلادهم لو يطولون
يرضون بشوية دراهم .. و شفتين
صبح و عصر .. لو حتى في الليل يرضون
بس لو سمعتوا همسهم بينهم بين
وسط القهاوي يلعنون و يسبون !
لا تحسبوني عنصري .. كلنا طين
و الخل لو عاتب محبينه يمون
داري و انا اولى بها من الغريبين
ما يوصلون لحبها لو يموتون
و ( الأقربون اولى ) .. كلام ٍ من الدين
ما جبته من شعري مع الهام و ظنون
ولد البلد ما يبغي لبلاده الشين
بالروح بالدم يفتديها ولا يخون
لكن سؤاله يوم قلتوا له ( توطين )
يا كيف بيد الغرب توظيفه يكون ؟؟!!
شعارهم معروف ( راجعنا بعدين )
و باين من التأجيل .. انهم يخافون
اذا معك خبره .. يا اهلين و سهلين
و اذا شهاده بس .. عنك يصدون
ما عندنا شاغر .. و بطلنا تعيين
ولو تحرق الهاتف ترى ما يردون !
من وين اجيب الخبره ؟ من وين من وين ؟
دام الوظيفه عند سوسن و ميسون !
عندي بمطبخ بيتنا خبره سنتين !
تنفع اذا صاروا المطاعم يوطنون ؟؟!
ولا اهاجر و آخذ الخبره في الصين ؟
صح العيون صغار .. لكن يقدْرون
سؤال يا دار ٍ ..صراحه بترضين ؟
اني اسافر و اطلب الغرب لي عون ؟
و سؤال يا ناس ٍ على الراس و العين
صدق الوظايف واسطه و سير مدهون ؟
اما الجواب الشافي يجيني الحين
اما الجواب الشافي يجيني الحين
او هاتوا تأشيره .. اذا كنتوا ترضون

[بنت بو عسكور]

ما كذب الساع
ربي يكون في عونه ذي الريال وفي عون غيره من شباب الوطن ذي هو حالناا
وتسلمين على القصيده

[عينــاويــة بالقــووو]

آآآآآآمييييييين والله يسلمج الغلا .. ومشكووووورة ع المرور الجميل و لا تحرمينا

من تفاعلج و تواصلج الدائم .. والله يفرج كربة كل مواطن ياااااا رب ..

مـــــع التــحــــيــــة ~..