دماني العين
30-10-2007, 01:15 AM
http://www.gallery.7oob.net/data/media/20/ccpixie4ani.gif
مسسسا الورد والكادي ع الجميييع ...
ظيفنا في دردشه مهضومه هي صاحبة الرووح الطيبه والأحساس المرهف :
المميزه دايما فزعة قصيد
1- أختيارك لنك فزعة قصيد بالصدفه ؟ او لسبب معين ؟
قبل لا اجاوب احب اشكرج على مواضيعج الحلوه مش بس هالموضوع والي اكيد انه يقرب الاعضاء من بعض عن طريق معرفة ميول واسلوب كل واحد منهم
نرجع للسؤال.. نك فزعة قصيد اخترته بالصدفه ,تعودت كل مره ادخل اون -ع المسنجر- اكتب نك جديد ويكون بيت شعر ارتجالي اكتبه في اللحظه, لكن فجأه مسحت بيت الشعر وكتبت فزعة قصيد ,وماشالله الربع على طول ماقصرو ابدو اعجابهم وهالشي شجعني اني خلاص التزم بهالنك ,لكن مايمنع اني ارجع لنك >>شاعره!
2- ماهي هواياتك بشكل عام؟
هواياتي الشعر والكتابه عموماً سواء نبطي فصحى او انجليزي .. وركوب الخيل ,,والتصميم على البرامج الهندسيه مثل اوتوكاد وثري دي ماكس, وتلقوني متمكنه بعد في الرياضه بشكل خاص كرة السله..
3- هل تحبين الاناقه ؟ وشوه الماركه لي تفضلينها ؟
احب الاناقه اكيد.. والاناقه عندي هي في البساطه .. والماركات الي احبها تعتمد مثلاً الشنط احب قوتشي وديور, الساعات احب رولكس وشوبارد وبعد قوتشي ..
4- الطفل ما أهميته ؟ وماذا يعنيلج ؟ وكيف تكون التربيه الصالحه ؟
الطفل ..احلى شي في الدنيا,, وانا بحكم ان ماعندنا في البيت اطفال .. اماعدا اختي وانا اشوف فيها نفسي واحس ابيها تحصل كل شي والا ابي اي طفل ينحرم من شي يبيه , وفي نفس الوقت العقل مطلوب انا مع عدم الحرمان وعدم الخضوع لكل الطلبات ..وهذا هو اساس التربيه الصالحه وماننسى الدين..
5- تجربه صارتلج في المطبخ ؟
والله انا مالي في المطبخ , لكن مره كنت معصبه ع الوالد الله يحفظه اوانا الي يعرفني يعرف اني عصبيه ..لحد الجنون اوقات
ف مره كنت امعصبه وابوي يبي يعصبني زود بطريقة الظحك ف قال لي قومي سويلي جاي (شاي) ف اانا قلت برد له هالحركه وحطيت له ملح و فلفل في الجاي ,,بس تفاجأت ان الوالد شربه ولا جن صاير شي
!
6- نصيحه توجهينها لبنت حواء ؟
نصيحتي للبنات ... اقول لكل بنت.. انتي نصف المجتمع وانتي نبض الحياه خلي لج دور فاعل ..درسي وكملي وابدعي واشتغلي ولاتوقفين عند حد معين وتتركين دراستج على امل الزواج وانتي بعدج ماكملتي حتى الاعدادي..طالبي بحقوقج اذا كنتي محرومه منها .. واسعي ورى النجاح وكذبي مقولة ان المرأه محتاجه للرجل عشان تنجح ..
اكيد المرأه تحتاج الرجل مثل ما الرجل يحتاج المرأه لكن هالشي مايعني ان المرأه تحصل قمع ورفض وعدم الاعتراف بمهاراتها وفكرها..
7- ماهي الصفه لي تتمنينها في رجل المستقبل ؟
اتمنى يكون مثقف محترم ملتزم ومالطموحه حد..ومتفهم ويقدر المرأه
8- أطرف موقف صارلج ؟ وماهي ردة فعلك ؟
اطرف موقف صار لي.. الي قلته في موضوع دماني العين عن المواقف الطريفه في السفر >> وهذي دعوه للي ماقراه يروح يدوره في الموضوع عشان يشارك بعد في الموضوع .
9_من من الشعراء لي دايم تستمعين لهم ؟ وشوه أقرب قصيده لج؟
انا مااسمع لشعراء اسمع لنفسي , لاني كل ماقريت لشاعر او شاعره اشوف ان انا امتلك قصيد احلى ف اهوّن وارجع اقرى قصيدي
لكن احب عبدالرحمن بن مساعد .. اما اقرب قصيده لنفسي هي قصيدتي الي كتبتها في تخرجي من المدرسه
ما تهون سنين احلى من سنين العمر كله
ما تهون اجمل تفاصيل العمر لو هي قليله
ما يهون البعد وان قالوا حياه البعد سهله
ما يهون البعد دامي عشت ذكراه الجميله
قاسيه الايام لكن ما تنسّي الخل خله
لا حشى ما نسى صحابي طيبهم مالقى مثيله
ذكركم يا اصحاب باقي مثل طيفي ما املّه
كيف بس انسى غلا بين الملا مالقى بديله
كلمةٍ ف القلب مدري توصل الاحساس واالا
كلمةٍ للكل للي بعثر حمولي الثقيله
والله حالي اليوم ثاني حال طفل امفارق اهله
حال طفلٍ متعبه الاحساس فاقد كل حيله
بس انا رغم الالم والدمع رغم الحزن كله
فرحة الكون اسكنت بي ولو هي الفرحن بخيله
باحتفل باليوم ياشعري حزين القول خَلّه
وإذكر اللحظات هذي ذكرها بالقلب شيله
طالبك ربي تحت عرشك تجمعنا بظله
ولا تفرق شملنا يارب يا من نلتجيله
طالبك يا رب يا خلاق هالكون كله
جعل كل الذكريات بعمرنا سنين طويله
وسلامتج ,, وترى كنت ياهل حتى ماوصلت الـ 17
10_ أعضاء تودين معرفتهم عن قرب ؟
كل عضو مستهين بـ فزعة قصيد ابي اقابله عشان اشوفه عن قرب وهو يبدّل رايه
11- نصيحه توجهينها في تطوير المنتدي ؟
المنتدى غالي علينا والغالي لازم يحس بغلاته ... ادري المنتدى جماد لكن المعنى مجازي... باختصار لازم نعطيه بكل حب وصدق ..
http://www.gallery.7oob.net/data/media/20/ccnewyearline3.gif
مسسسا الورد والكادي ع الجميييع ...
ظيفنا في دردشه مهضومه هي صاحبة الرووح الطيبه والأحساس المرهف :
المميزه دايما فزعة قصيد
1- أختيارك لنك فزعة قصيد بالصدفه ؟ او لسبب معين ؟
قبل لا اجاوب احب اشكرج على مواضيعج الحلوه مش بس هالموضوع والي اكيد انه يقرب الاعضاء من بعض عن طريق معرفة ميول واسلوب كل واحد منهم
نرجع للسؤال.. نك فزعة قصيد اخترته بالصدفه ,تعودت كل مره ادخل اون -ع المسنجر- اكتب نك جديد ويكون بيت شعر ارتجالي اكتبه في اللحظه, لكن فجأه مسحت بيت الشعر وكتبت فزعة قصيد ,وماشالله الربع على طول ماقصرو ابدو اعجابهم وهالشي شجعني اني خلاص التزم بهالنك ,لكن مايمنع اني ارجع لنك >>شاعره!
2- ماهي هواياتك بشكل عام؟
هواياتي الشعر والكتابه عموماً سواء نبطي فصحى او انجليزي .. وركوب الخيل ,,والتصميم على البرامج الهندسيه مثل اوتوكاد وثري دي ماكس, وتلقوني متمكنه بعد في الرياضه بشكل خاص كرة السله..
3- هل تحبين الاناقه ؟ وشوه الماركه لي تفضلينها ؟
احب الاناقه اكيد.. والاناقه عندي هي في البساطه .. والماركات الي احبها تعتمد مثلاً الشنط احب قوتشي وديور, الساعات احب رولكس وشوبارد وبعد قوتشي ..
4- الطفل ما أهميته ؟ وماذا يعنيلج ؟ وكيف تكون التربيه الصالحه ؟
الطفل ..احلى شي في الدنيا,, وانا بحكم ان ماعندنا في البيت اطفال .. اماعدا اختي وانا اشوف فيها نفسي واحس ابيها تحصل كل شي والا ابي اي طفل ينحرم من شي يبيه , وفي نفس الوقت العقل مطلوب انا مع عدم الحرمان وعدم الخضوع لكل الطلبات ..وهذا هو اساس التربيه الصالحه وماننسى الدين..
5- تجربه صارتلج في المطبخ ؟
والله انا مالي في المطبخ , لكن مره كنت معصبه ع الوالد الله يحفظه اوانا الي يعرفني يعرف اني عصبيه ..لحد الجنون اوقات
ف مره كنت امعصبه وابوي يبي يعصبني زود بطريقة الظحك ف قال لي قومي سويلي جاي (شاي) ف اانا قلت برد له هالحركه وحطيت له ملح و فلفل في الجاي ,,بس تفاجأت ان الوالد شربه ولا جن صاير شي
!
6- نصيحه توجهينها لبنت حواء ؟
نصيحتي للبنات ... اقول لكل بنت.. انتي نصف المجتمع وانتي نبض الحياه خلي لج دور فاعل ..درسي وكملي وابدعي واشتغلي ولاتوقفين عند حد معين وتتركين دراستج على امل الزواج وانتي بعدج ماكملتي حتى الاعدادي..طالبي بحقوقج اذا كنتي محرومه منها .. واسعي ورى النجاح وكذبي مقولة ان المرأه محتاجه للرجل عشان تنجح ..
اكيد المرأه تحتاج الرجل مثل ما الرجل يحتاج المرأه لكن هالشي مايعني ان المرأه تحصل قمع ورفض وعدم الاعتراف بمهاراتها وفكرها..
7- ماهي الصفه لي تتمنينها في رجل المستقبل ؟
اتمنى يكون مثقف محترم ملتزم ومالطموحه حد..ومتفهم ويقدر المرأه
8- أطرف موقف صارلج ؟ وماهي ردة فعلك ؟
اطرف موقف صار لي.. الي قلته في موضوع دماني العين عن المواقف الطريفه في السفر >> وهذي دعوه للي ماقراه يروح يدوره في الموضوع عشان يشارك بعد في الموضوع .
9_من من الشعراء لي دايم تستمعين لهم ؟ وشوه أقرب قصيده لج؟
انا مااسمع لشعراء اسمع لنفسي , لاني كل ماقريت لشاعر او شاعره اشوف ان انا امتلك قصيد احلى ف اهوّن وارجع اقرى قصيدي
لكن احب عبدالرحمن بن مساعد .. اما اقرب قصيده لنفسي هي قصيدتي الي كتبتها في تخرجي من المدرسه
ما تهون سنين احلى من سنين العمر كله
ما تهون اجمل تفاصيل العمر لو هي قليله
ما يهون البعد وان قالوا حياه البعد سهله
ما يهون البعد دامي عشت ذكراه الجميله
قاسيه الايام لكن ما تنسّي الخل خله
لا حشى ما نسى صحابي طيبهم مالقى مثيله
ذكركم يا اصحاب باقي مثل طيفي ما املّه
كيف بس انسى غلا بين الملا مالقى بديله
كلمةٍ ف القلب مدري توصل الاحساس واالا
كلمةٍ للكل للي بعثر حمولي الثقيله
والله حالي اليوم ثاني حال طفل امفارق اهله
حال طفلٍ متعبه الاحساس فاقد كل حيله
بس انا رغم الالم والدمع رغم الحزن كله
فرحة الكون اسكنت بي ولو هي الفرحن بخيله
باحتفل باليوم ياشعري حزين القول خَلّه
وإذكر اللحظات هذي ذكرها بالقلب شيله
طالبك ربي تحت عرشك تجمعنا بظله
ولا تفرق شملنا يارب يا من نلتجيله
طالبك يا رب يا خلاق هالكون كله
جعل كل الذكريات بعمرنا سنين طويله
وسلامتج ,, وترى كنت ياهل حتى ماوصلت الـ 17
10_ أعضاء تودين معرفتهم عن قرب ؟
كل عضو مستهين بـ فزعة قصيد ابي اقابله عشان اشوفه عن قرب وهو يبدّل رايه
11- نصيحه توجهينها في تطوير المنتدي ؟
المنتدى غالي علينا والغالي لازم يحس بغلاته ... ادري المنتدى جماد لكن المعنى مجازي... باختصار لازم نعطيه بكل حب وصدق ..
http://www.gallery.7oob.net/data/media/20/ccnewyearline3.gif