مايكروسوفت الوورد

[الشاعره!]

في وسط صفحة مايكروسوفت الوورد=خطيت لك من خاطري عشرين
ادري ,وتدري انت تسوى زود=لكن هذا الي قدرت الحين
قلبي وعيني واليسار شهود=وروحٍ تبنّوها ثلاث سنين
ثمٍّ جفوها ,,والجفا مقصود=روحي يتيمه واهلها مجفين
واللـــــــــه ربي الواحد المعبود=ماغير اهوجس كل حين وحين
واسامر القمرا وبيّ اشرود=اسمعهم ولكنّ عقلي وين
مايقتل العشّاق غير ابرود=لامن تمكّن بالحشا تمكين
نكران عشرتنا "خطا" و"جحود"=ولاعاش راسٍ يفعل الثنتين
لا قاله الله ذا الفعل منقود=اهون على روحي وطا السكين
لاصار عندك هرج طيّب جوود=ولاصار ماعندك,,سكوتك زين
لاتخلي القايد يجي مقيود=ولاتعشمّه خيره, غراب البين
ترى الهجر والبعد مابه فود=عليك بالقول الحسن واللين
عليك بكتاب الله المفنود=الي يحثّك تِسكت الواشين
الزم رفيفك دام هو موجود=واغنم زمانك ,مير وقتك شين
لاتشغل افكارك برسم حدود=تراك تشعل فيني النارين
نارٍ تطفّيها دموع خدود=ونارٍ عليها ما قوت ذا العين
اقول... لاصار الامل مفقود=اجيب صبري يا غلاي امنين؟
اخطيت لكن الخطا مردود=وإنْرَدّ لي كل صاعٍ بصاعين
تسعة شهور وخافقي محسود=على الفرح مع ناسه الغاليين
انا ماانام ولك عيون رقود=ربي يجمّل حالنا..ويزين



"الشاعره"
30-09-2007

[قصايد]

الشاعره ,,

صح الله لسانج ولا هنتي ..

بوح راقي .. وقلمك مبدع ,,


ملاحظه :- ماريد اسمع انج اعتزلتي مره ثانيه ..:smile:

[الشاعره!]

ق ص ا ي د
شاعرتنا المبدعه ومشرفتنا النشيطه,,
الابداع انتم هله...ومشكوره على تنسيق النص الحين احلى

هجرت شعري فوق عشر ايام,,
واثر الفكر في ذا العشر ظايق
الناس فطّر,واحرفي صيّام
واشوف حزني ع الهجر لايق
نصبت لي وسط الفيافي خيام
يالله عسى بال العرب رايق..
خل السهر لي,وخلّهم نيّام..
يعوقني عن نومتي عايق..
رمح استحل الي سليلة سام
بن نوح,,الي بمركبه سايق,,
:wink:

[غلاتــي غـيــر } ~]

صح السانج

يسلمو ع القصيده الحلووه

ويعطيج العافيه

ولا هنتي

سلاامي لج

[الشاعره!]

صح ابدنج
الله يسلمج
الله يعافيج
الله لايهينج
سلامي لج!

[عينــاويــة بالقــووو]

صـــــــح الله لـــســـــانج ع الابدااااع الراقي .. والقصيدة الرائعة ..

و عسااااااج ع الزووووود ان شاء الله ..سلااااااااااامي لــــــــــج ..

[غــــموض]

فعلا ابدعتي

صح السانج الغلا

ويعطيج العافيه على الابيات الجميله

تقبلي مروري

أختج راعيت الاستيشن الحمر

[المطلعي]

انا ما كنت احسب شي شاعرغير عبد الرحمن رفيع في البحرين ههههه

بس غيرتي نظرتي بالشعر البحريني

طلعتوا مبدعيييييييييييييييييييييييين

[الشاعره!]

ظما الوجدان , هنادي الجودر, منيره سبت, امل المرزوق, مروه الجنيد,فتحيه عجلان
ناصر بن حمد,عبدالله بن خالد ,فيصل المريسي,هشام الشروقي,علي الشروقي,بدر بن سعود الدوسري,ثامر الكعبي,حمد بن علي الكعبي=الي هو معروف في الامارات,دعيج البنعلي,سعيد النعيمي,سنا الفضه,شوقي العامري,صالح النعيمي,عبدالعزيز الشامري,فقير الحظ.,
شاعره!

شعراء البحرين مااقدر اعدهم...

[الشاعره!]

عيانويه بالقو تسلمين يالغاليه ع المرور ...واتمنى اجوف لج مرور في صفحاتي المتواظعه

[الشاعره!]

راعيه,, تسلمين بالغاليه ع المرور... لاعدم ...

[نـد يـم العيــن]

قليله كلمة ابداع فيج يالشاعرهـ

لشعر حضور عندما تكونين هناا

دمتي بود
نديم العين

[المطلعي]

ظما الوجدان , هنادي الجودر, منيره سبت, امل المرزوق, مروه الجنيد,فتحيه عجلان
ناصر بن حمد,عبدالله بن خالد ,فيصل المريسي,هشام الشروقي,علي الشروقي,بدر بن سعود الدوسري,ثامر الكعبي,حمد بن علي الكعبي=الي هو معروف في الامارات,دعيج البنعلي,سعيد النعيمي,سنا الفضه,شوقي العامري,صالح النعيمي,عبدالعزيز الشامري,فقير الحظ.,
شاعره!

شعراء البحرين مااقدر اعدهم...


مثل ما توقعت

ما اعرف ليش انتوا البنات تتحسسون من اي كلمه !

ما قصدي اقلل من قيمة حد .. واكيد شي شعراء

بس انا اتكلم عن نفسي .. ما كنت اعرف حد الا عبد الرحمن رفيع ( واحد خبرني عنه وشفته صدفه )

لاني اصلا ما اقرا مجلات ولا اطالع القنوات الشعريه ولا اتابع الشعراء حتى !

فـ ما قد مر عليه شاعر بحريني ولا اعرف اسلوبهم

واتفاجأت بشاعريتهم العملاقه

لانج منهم

هذا قصدي .. والسموحه ما بنفضض مره ثانيه .. توبه :)

[الشاعره!]

نديييييييييييييييم المبدع الراقي تسلم ع المرور الراقي..
ولي مرور على روائعك..

[الشاعره!]

المطططططططلعي يا شاعرنا مازعلت.. ولاتحسست .. انا بالعكس حبيت انوّرك :smile:
وتسلم ياالشااااااااعر مرورك دايماً له وقع محبب في صفحاتي..

[الخيل]

شاعره

صح لسانج يا ختيه على هالابيات الرائعه
ورأئي أنتي تعرفينه
ف ابداعج ملحوظ ويسعدنا
ومرحبا بكي بساحة قسم الشعر مرة ثانية

الخيل

[الهاجس]

أختي شاعره

جميل مايخط قلمك .

والاجمل عندما تتناسق الكلمات مع الافكار وتخرج لنا بقصيده جميله ورائعه .

[همس قلبي]

\
/
\

شاعره!

.
.

جميله تلك الابيات التي اخطها يمناكي ..
لا اجد في جعبتي .. عباراات الاعجااب لكي اسطرها لك ..
فكل كلمة اعجااب .. اراها لا تفيك حقكي ..

كل ما انتهيت من قراءت القصيده اجد نفسي اعود الى البداايه .. لقراءتها مره اخرى..

اشتم رائحه الشوق تنشر ربيعها على ابيااتك .. لتزيدها عذوبه وجماال ..

.

.

اقول... لاصار الامل مفقود
،،،،،،،،،،،،،اجيب صبري يا غلاي امنين؟

اخطيت لكن الخطا مردود
،،،،،،،،،،،،،وإنْرَدّ لي كل صاعٍ بصاعين

تسعة شهور وخافقي محسود
،،،،،،،،،،،،،على الفرح مع ناسه الغاليين

انا ماانام ولك عيون رقود
،،،،،،،،،،،،، ربي يجمّل حالنا..ويزين


احترت في اياي الابيات اختاار .. فكل بيت اجمل من الاخر
.

.


صح لساانج يا شاعرتنا!!

ولا هان منطووقج يالغاليه

ويعطيج ربي العافيه على هالابدااع

..

.

كم انا سعيده بعودتك لكتااابة الشعر


.
.

كل الود

همس قلبي

\
/
\

[الشاعره!]

الخيل صح الله ابدنج تسملين ع المرور الطيب ..

[الشاعره!]

الهاااااااااااااجس مشكووور ياخوي ع المرور الطيب وتسلم من ذوقك .. في انتظار مواظيعك..

[جريح الحب]

شاعرة! للشعر عنوان فانت قواميسه ومعانية الجميلة

اعجبتني الابيات جدا,, صح لسانج يالشاعرة واعتلى شانج

احترامي وتقديري لكم

جريح الحب

[الشاعره!]

همس قلبي..
مرورج عذب...وكلامج اعذب... لاتبخلين علينا بالردود..وفي انتظار جديدج

[الشاعره!]

جريح الحب...شاعرنا,, صح الله ابدنك وتسلم ياخوي ع المرور الي يعطيني دفعه معنويه..

[نفحة الهيل]

تسعة شهور وخافقي محسود
على الفرح مع ناسه الغاليين
انا ماانام ولك عيون رقود
ربي يجمّل حالنا..ويزين


صح لسانج وابدعتي يا الشاعره يوم بعد يوم يزيد اعجابي بج يا الغاليه


تحياتي لج وسمووحه ع المرور البسيط

[الشاعره!]

تسعة شهور وخافقي محسود
على الفرح مع ناسه الغاليين
انا ماانام ولك عيون رقود
ربي يجمّل حالنا..ويزين


صح لسانج وابدعتي يا الشاعره يوم بعد يوم يزيد اعجابي بج يا الغاليه


تحياتي لج وسمووحه ع المرور البسيط



صح اله ابدنج غناتي .. اخجلتيني والله بكلامج الراقي
مرورج ع اعين والراس