تسجيل الدخول

مشاهدة النسخة كاملة : تسألني


غــــموض
21-09-2007, 02:22 AM
مرحبا الساع علومكم عساكم إلا بخير

اباكم تقرون وتتعطوني راييكم وبكل صراحه:rolleyes:

عشان اشجعوني.:tongue: ...


تسألني يا الغلا ليه انا احبك
شي بداخلي يفز لاشفتك
شي بعيني يدمع لافارقتك
شي بعروقي يسري لجلك
شي بضلوعي ينطق بأسمك
شي برجولي يشدني واتبعك
شي بيديني يرجف لاصافحتك
شي يعصر كبدي لاجرحتك
شي بخفوقي يطري لاذكرتك
وبعد هذا كله تسأل ليه أحبك
أحبك وكل هذا اظن يثبتلك "احبك"

والسموحه

أختكم راعيت الاستيشن الحمر
عينــاويــة بالقــووو
21-09-2007, 02:44 AM
صـــــــــــــــــــــــــــح لســــــــانج .. ويا سلااااااام ع القصيدة الرائــعــة والطرررر ..

و لا .. لا .. استـــمري و نحن في انتظار المزيد .. و عساااااج ع الزوووود انشالله ..

وأكـــيد كاتبتنها فيني صح :wink: ؟؟ هههههههههههه:biggrin: >>أسوي سوالف ..

وسلااااامي لــــــج شاعرتنا اليديدة ..
السولعيـه
21-09-2007, 02:45 AM
::

ياسلامي عليج ياختيه والله ... وبعد يسالونج ...
صح لسانج ياختيه وكلمات غااويه ... اتمنى لج التقدم بمجال الشعر ياختيه

ونرقب منج الزود

:
:
غــــموض
21-09-2007, 02:47 AM
عينـــاويه لاتخبرين حد اني كاتبتنها فييج
عشان مايزعلووون :biggrin:
ويعطيج العافيه على المرور الغلا


الشيخه روضه يسلمو على الراي والمرور الغلا
الخيل
21-09-2007, 04:29 AM
راعيت_الاستيشن_الحمر

السلام عليج
السموحة ع نقل المشاركة
بس برأيي القصيده مختلة من حيث الوزن والقافية

مثلا ////
تسألني يا الغلا ليه انا احبك
،،، شي بداخلي يفز لاشفتك
لو قلنا :::
ليش تسأل كيف أنا أحبك
،،، ومن لقيتك فز أنا قلبي


والرجا بالوصل وبقربك
،،، وللمودة قلــــبك يلبي

بهالطريقة اذا مشيتي على بحر معين بوزن معين
وبالرغم من بساطته الا أنك يمكن أن تنجزي قصيدة متزنة ورائعه

كل التمنياتب التوفيق

الخيل
الريــف اليمــااني
21-09-2007, 04:43 AM
صح لســـــــــانج غناتي
غــــموض
22-09-2007, 03:45 AM
يسلمو لعيونهم وعكس على المرور
غــــموض
22-09-2007, 03:49 AM
راعيت_الاستيشن_الحمر

السلام عليج
السموحة ع نقل المشاركة
بس برأيي القصيده مختلة من حيث الوزن والقافية

مثلا ////
تسألني يا الغلا ليه انا احبك
،،، شي بداخلي يفز لاشفتك
لو قلنا :::
ليش تسأل كيف أنا أحبك
،،، ومن لقيتك فز أنا قلبي


والرجا بالوصل وبقربك
،،، وللمودة قلــــبك يلبي

بهالطريقة اذا مشيتي على بحر معين بوزن معين
وبالرغم من بساطته الا أنك يمكن أن تنجزي قصيدة متزنة ورائعه

كل التمنياتب التوفيق

الخيل

يعطيج العافيه الخيل على الملاحظه

ومنكم بنستفيد انشاالله

ولاتبخلين علينا بالنقد

سلامي لج الغلا
الخيال
23-09-2007, 01:58 AM
تحياتي لج والى الامام
غــــموض
23-09-2007, 04:27 AM
يسلمو ع المرور الخيال
قصايد
23-09-2007, 10:59 AM
راعية الاستشن ,,

صح الله لسانج ..والله لا هان منطوقج

انا من اشد المعجبين بما يبوح به قلمك ,, اريد ان اراك من المتقدمين

اختي الخيل ما قصرت ,, وانا مابزيد ع الي قالته

وان شاء الله اشوف اليديد عندنا في قسم الشعر ..

لك الود والتقدير

قصايد
الشاعره!
23-09-2007, 08:29 PM
صح الساااااااااااانج ياراعيه,,,, ولاهنتي يالغلا


ورايي مثل ماقالت الخيل ,,
لكني بظيف شي>>ماتقدر لازم

شي في عيني يدمع؟ >مافي شي من العين غير الدمع ,واحنا لو قلنا شي معناته انتكلم عن مجهول من معلوم لكن في حالة العين ف الشي معلوم الي هو الدمع!

وتسلميييييييين ع روحج الرياظيه
غــــموض
24-09-2007, 02:20 PM
يعطيكم العافيه قصايد وشاعره على الارآء

ومثل ماقلت للخيل منكم بنتعلم

ولاتبخلــون علينا