باص المنتدى ينتظركم لمقاضي رمضان

[رَحِيْلُ الْودّ]

السلام عليكم ورحمة الله وبركاته

غدا ان شاء الله بيطل علينا شهر الرحمه والمغفر اللهم بلغنا اياه
ومن مظاهر الاستعداد لشهر رمضان دخول السوق " الذهاب للسوق " لشراء ماتحتاجه العائله من مواد غذائيه استهلاكيه لشهر رمضان وغالبا تحتوي على الطحين والرز وحب الهريس والجريش
والمكسرات والبهارات والعصير وعلى راسهم الفيمتو والتانج وشششش بعد :confused:
واكثر النساء تكتب كل احتياجاتها في ورقه ..:smile:
حتى لاتنسى وتظطر للذهاب مرتين او ثلاث < وحنا عاد نتحجج نبي بس الروحه :wink:
المهم اعضائنا الكرام الكل مدعو للذهاب غدآ الى السوق في

http://www.tasawak.com/images/karforiamge001.jpg

الرجاء من الجميع التقيد سيكون الباص متواجدا امام باب المنتدى الساعه التاسعه صباحا :rolleyes:

البنات مافي داعي للتأخير :mad:

العيال بعد مافي داعي للتأخير :mad: :mad: :mad:

وهذا الباص في انتظاركم
7
7
7http://asdaa.net/mag/7qaeq/bas-5-star/10_coolbus_36299.jpg


الي يتأخر سيجد هذا بأنتظاره لحمله في الدفعه الثانيه الى السوق الساعه 10 صباحا
مع ملاحظة ان السياره الثانيه مافيها مكيف
7
7
7http://www.eda2at.net/vb/uploaded/907_1178406947.jpg

يالله كل واحد يتخيل انه راح السوق
وسؤال حقيقي
ماهو اكثر شي تحرص انك تشتريه لشهر رمضان ... وليه ؟!

مشكورة نجووم ع الموضوع الجميل ، نقلته بتصرف بسيط :biggrin:

[همس قلبي]

\
/
\

تسليمن يا آآهااات

اكثر شيء احب اتريه الفيمتوو


\
/

[غلاتــي غـيــر } ~]

قلت لج ام الافكار روووعه مثلي:cool:

أنا صراحه كل شيء حلو واكثر شي العصاير و سمبوسه ابويه الي انا حاشرتنه عليها خخ:biggrin:

يسلموو غناتي ..؟

[يـآس]

وعليكم السلام ورحمة الله وبركاته

وجان يبطل باب رمضان :rolleyes: ( سؤال يسدح نفسه : من الي بطل الباب؟ :biggrin: )

مررت على الموضوع بالامس وكان توه فريش لكن كنت مضطر اطلع عشان اتلاحق الصلاه
وبما ان الباص فاتني ( يا زين باصكم في حياتي ماركبت جذي باصات :rolleyes: )

بالنسبه لي وانا صغير اهم شي كان الجلي ولازم يكون احمر والتانج <--- هذي لي معاه حكايات
( كان يسويلي أغراءات وأنا توني اتعلم الصيام .. كنت ارجع من المدرسه وانسدح في الصاله اتخيل كل أنواع الاكل ويوم ترقد الوالده ويهدى البيت .. ألين*على المطبخ وأحلى كوب تانج لأحلى ولد دامر في الدنيا :biggrin: )




------------
ألين : اتفضل :biggrin:


لكن الحين :rolleyes: الكبر شين واهم شي يكون طبق شوربه على الفطور وصلى الله وسلم وبارك
يعني من أهم المشتريات بالنسبه لي الشوربه

اللهم اغفر لنا في هذا الشهر الفضيل واعنا على حمدك وشكرك وحسن عبادتك



يعطيج العافيه آهات على النقل والتصرف بهذا الموضوع الخفيف الطيب :smile:

دمتِ على الودّ




_______

الي لاحظ كلمة مررت يطوفها لان ما طلع معايه كلمة بالفصحى في الرد كله غيرها :tongue:

[رَحِيْلُ الْودّ]

يا حلوهن البنات فيمتو وسمبوسه ..:biggrin:

همس قلبي / تسلمين الغلا ع المرور الاول ..ومبروك عليج الشهر

غلاتي / هب فكرتنا فكرة ربيعتي بس يالله مخي ومخها واحد ..خخخ ..ومشكورة ع ردج الحلو ..



دلعوه اهله / ترا مكانك الكريل الحين:mad: لنك بطيت اشوووي ، بس يالله بنسوي لك واسطه ..هالمره لانه اول يوم بتركب الباص " الكشوخي ":cool:

يعني بعض الناس : ما كانوا يصومون صيام صدقي ، خخخخخ:biggrin:

زينه الشوربه حلوه بس امي تقول لا لا لا تردكم عن الاكل :frown: بس نسويها :biggrin:

[اللحظة الأخيرة]

وعليكم السلام ورحمة الله وبركاته


الله يسلمكم من يوم استويت أهم شي عندي الفيمتو.. و يوم كنت صغير.. بعد ما يجهز الفطور.. و الفيمتو جااااهز.. ماروم أقاوم.. أفطر قبل الاذان بدقايق :biggrin:

امممم شو بعد:confused: ... بسس هذا اللي الاهم

آهات.. مره ثانيه نبغي سياره كشخه و يفضل أكثر من وحده عشان كلنا نسير :biggrin: >>> فضيحه ننزل من الباص خخخ

تقبلي مروري.....

[يـآس]

دلعوه اهله / ترا مكانك الكريل الحين:mad: لنك بطيت اشوووي ، بس يالله بنسوي لك واسطه ..هالمره لانه اول يوم بتركب الباص " الكشوخي ":cool:

يعني بعض الناس : ما كانوا يصومون صيام صدقي ، خخخخخ:biggrin:

زينه الشوربه حلوه بس امي تقول لا لا لا تردكم عن الاكل :frown: بس نسويها :biggrin:




ياحبي للكريل وانا صغير :rolleyes:
<<< ومازال

:biggrin: وشكرا كلك ذوق ( أخيرا بركب باص :rolleyes: )

:redface: وماكانوا يصومون شو نسوي عاد والله يعني مرات لازم يعني تعرفين عاد وخلاص فهميها

:biggrin:



العاكس طلع خقاق ولد عز ما يركب باصات هاهاها :wink:

[رَحِيْلُ الْودّ]

هلا العاكس

ترا السالفة نباها تستوي الحق ما تلحق وباص واحد يسد بس كل مره اتريب ... زمان المدرسة مال اول :biggrin:

كلكم تحبون الفيمتو !! ما شاء ربيعك ينسدح جنه راقد ومن يرقدون سار وشرب تانج وانته قبل الاذان بدقايق تشرب فيمتو ..

لقينا فضايح جديدة للأعضاء خخخخ:biggrin:

تسلم العاكس ع المرور

[رَحِيْلُ الْودّ]

قبل زمان اول كان الاكل اللي نسويه ف ارمضان ما نسويه في غير ارمضان عسب جيه كنا نتوله ع هالصيااااني ..:biggrin:

بس احين كل شي متواجد وفي كل وقت ، وبعض الاكل صار عادي بالنسبه لنا لكن الفرق ان نحن جد جد ملتزمين به في ارمضان

ويمكن احلى شي عندي الكريمه ، اللي كانت تسويها شغالتنا يوم كنت صف 8 واحين محد يسويها ..:frown:

بس نشتريها زاهبة :frown: ،، لكن احس هل بيتنا كلهم حريصين انها تكون موجودة كل يوووم :smile:

[اللحظة الأخيرة]

آهات

يعني لازم جيه مرات يعني ناكل شي.. ولا نشرب شي مب زين امايه تقولي لازم تاكل شسوي :biggrin:


قبل زمان اول كان الاكل اللي نسويه ف ارمضان ما نسويه في غير ارمضان

و لا زلنا نحن... فيمتو تانج كراميل جيلي كستر...... هذا ما نشتريه غير في رمضان:biggrin:


-------- لمدلع.. كنت شاك يعني :mad:

[يـآس]

آهات شو "كريمه " ؟؟ خبريني يمكن أحبها <<< ااخ فاتته

العاكس
وانا اقدر اشك .. لالا لا اطمن كل شي تحت السيطره :wink:




وأذكر :rolleyes: الساقو والكستر يوم الوالده تسويه حق فوالة بعد التراويح وتغرفه في صحون يبرد وانا اخلص على الجدر .. وانتوا تقولون لي كريمه وسمبوسه :confused:
( السمبوسه كنا نشتريها من عند البياع بو كرتون اخ احلى سمبوسه ذقتها في حياتي :redface: )

أيام نشعر انها الاجمل والاروع رغم ان لكل زمان نكهته الخاصه ولنستشعر حلاوة هذه الايام علينا ان نضع في بالنا ان المستقبل سيجعلها هيا الافضل :smile: ( احلف انت بس :biggrin: )

[رَحِيْلُ الْودّ]

دلعوه اهله / صدق انها ايام جميله اول ..

كريمه خخخ ماتعرفها يمكن نحن مخترعين لها اسم ارواحنا واسمها شي ثاني ..بسال امي اخاف اكون غلطانه !! بس اذكر ان فيها بسكوت واحياناً يزر "جزر" ، ومرات فراولة ما اعرف طبخه جيه جنها اسكريم بس شغالتنا " الله يذكرج بالخير يا انكووم " كانت تسوييها حلوووووة نتضارب عليها ..


اما سمبوسة البياع هاي كلنا خطفنا عليها هو مبرزبها في الشارع ونحن كل يوم نزيد الكمية بس سبحان الله ما كان ايينا شي ، لكن احين ..والله حاجة غريبة !!

ضحكت يوم اقرا سالفة الجدر !! خخخخخ ما اظن حد ما سواها !!

بس ماعرف ليش بديت احس انك اشوي اشوي هاه مستلغث !!:biggrin:

ومشكور ع هالطله الحلوه

[يـآس]

العفو يا آهات :redface:

ومب من شي بسيط حليلي كنت سشمونه :biggrin:

اجبروا محوبي ابقوه .. وفرقوا ما بيني وبينه .. بيننا حب نشا توه .. دوم عيني تبجي الزينه :tongue:

وتخبري عن الكريمه الله يخليج ولو ممكن تحطينها لنا مع الطريقه :redface:
والعاكس قاعد يصيد في الميا العكره .. تحذروا ههههه :tongue: ( صايد خطأ مطبعي وفاضحني به :biggrin: )

واعتذر عن المداخلات الكثيره في هذا الموضوع ( شو نسوي ييتي عالعوق :redface: )

دمتم على الخير وتقبل الله صيامكم

[رَحِيْلُ الْودّ]

دلعوه //

ان شاء الله بنحط الطريقة ..بس غريبه في هالمشاركه ما حطيت اسم شي تحبه ولا خلاص خلصن ..:biggrin:

ملاحظه : كيف رمت تغلط في هالجملة بالذات :صايد خطأ مطبعي وفاضحكني به

[يـآس]

:eek:

:redface: عدلتها .. سبحان الله حبكت يعني هالكلمه

الظاهر العاكس سره باتع :confused:







ملاحظه :
توني انتبهت اني صدق بطيني :tongue: .. آهات عقلي عند الكريمه لاتلوميني ماعرضت اكل من الي يحبه قلبو*

قلبو: ماي هارت :tongue:

[شمـوخ]

انا حبوبي اركب السيارة الثانية الي بلا مكيف :biggrin:


واكثر شي اشتريه :rolleyes: ماعرف ،، كل شي يمكن خخ

يمكن الفيمتو ،، والشوربة (دلوع حتى نحن نحبها :tongue: )

اممم وبس ...يوعانه ماقدر افكر

اهات موضوع حلو..تسلمين (=

[رَحِيْلُ الْودّ]

هلا شموخ


حتى انتي يوعانه !! وفيمتو .. :wink: تسلم لي هالطلة والله ..لا تفكرين وايد بس نترياج عقب الفطور بلكي بيهدا بطنج من الاصوات الجميلة !

الله يتقبل صيامج الغلا

[رحــــــاله]

لاحووووول فاااتني الباس و شكله في المحطه الحين :mad:


آهات... . ليش ما كتبتيه في الإهداءات هههههههه ع الأقل اتلاحقنا ابـ شي !!
:confused:


يلا ما علينا ... آخر مره هب تسيرين عني ثاني مره

.. بغيت أعرف إذا في محشي ورق عنب ؟؟ بتسبح بالليمون و عليه طمام و بطاطس متشبع بزيت الزيتون خخخخخخ + كوب ماي بارد ...... عقبه جاي حليب بالزعفران ( زياده سكر )

... و عقبه حد اييب كنافه على غفله هههههه حااااره و الجبنه ذايبه :redface: .....

بللل !! يالصيام شو يسوي :frown:



..........




هالموضوووع ايووووع :mad:


كثري منه














:biggrin:

تحياتي

[رَحِيْلُ الْودّ]

يم يم يم ..

حلو ورق العنب في خاطري والله ، بسير اخبر امي ..

مشكورة رحالة ع الموضوع ، اتصدقين نحن بعد وااااااااايد حريصين ع ورق العنب هذا يعني هو من الاشياء المهمه عندنا في ارمضان ..

تسلمين ع المرور يالغلا

[رَحِيْلُ الْودّ]

ابغي ارجع الباص

اتذكرت الباجلا ..خخخخ :biggrin:

[ولد البدو]

ثاااااااااااااااااااااااااااااااااااااااااانكس