السكن مع اهل الزوج مع ام ضد ؟!!

[غلاتــي غـيــر } ~]

السلام عليكم ورحمة الله وبركاته..؟


كثيرون وكثيرات يرفضن فكرة العيش مع أهل الزوج رفضاً قاطعاً ،
رغم أن كثيراً من آبائنا وأمهاتنا ربما كانت بداية حياتهم في بيت العائلة الكبير
في ذلك البيت كانت الجدة والعمة كلهن أمهات يربين الجميع ، ويتشاركن هم البيت
الآن تعقدت الحياة العصرية....

هل توافقين انك تسكنين في بيت اهل زوجك ؟؟ وما هي ردة فعلك أيها الزوج؟

أتمنى التفاعل في هذا الموضوع ولاسيما انه يواكب أيامنا هذه..

[عينــاويــة بالقــووو]

مليوووووووووووون بالمية موافقة اني اعيش فبيت عمتية( أم الزوج) لان محد غيرها بيعوضني عن

حنان الأم .. وما انسى انها عمتية .. و بالنسبة لي انا وعايلتنا .. من استوينا الحمدالله عايلة وايد

متداخلة و قوية وما نستغني عن بعضنا و انا ما اقدر اصبر عن بنات خالتية و بنات عماتية يعني

طول عمري عايشة فبيئة كلنا عايلة وحدة الحمدالله .. فكيف عقب تبيني اعيش فبيت اروحية ..

لالالالا ما اتخيل .. اصلا إن كان عايش فبيت اروحه ماباه بزوااااااله ..و لاني لو حطيت مكاني مكان

امه ماريد ولدية يطلع عن بيتية .. و ماريــــــــد أفرق بين الولـــــد و أمه وأهله ..

وهذا رايي الشخصي أكيـــــــــد .. ::تحياتي لكم ::

عيناوية بالقووووووو

عيناوية بالقووووو

[غلاتــي غـيــر } ~]

مشكوور غناتي ع رايج الحلووو ...؟

سلااااااااامي

[غــــموض]

انا ماعندي مانع
واتمنى عمتي تكون طيبه شراتي واكيد بحاول اكسبها :biggrin:

وترى الوحده تذبح يعني مابا اعيش بروحي

[غلاتــي غـيــر } ~]

تسلمين غناتي ع رايج الحلوو

وصدقج الوحده تذبح...؟

وان شاء الله تحصلون عمه طيبه تحبكم مثل عيالها :biggrin:

سلاااااااامي

[***بدويه كسرتيم***]

أكيد .. ابغي اعيش في بيت ام ريلي لاني احب اللمه ما احب اكون روووحي وعمتيه شراات امي .. وبتكون غلاااتها نفس غلاااات امي ..!!

تسلمين ع الموووضوع

[راعي العسيمه]

سلمتي الغلا على الموضوع

مممممم الحرمه يوم ترفض انها تعيش في بيت العمه كانها ترفض الريل من الاساس

وشوفيها لو عاشت مع عمتها ؟؟؟

شو بيستوي عليها ؟؟ يووم بيكون عندها عيال درزن ذيج الساعه كيفها تستقر ويا ريلها

وحنا ما قلنا لازم ما يكون لها بيت بروحها برايه لها الحق كله

بس على الاقل يوم بتيب عيال

:biggrin: :biggrin: حلاااات العمه يوم تكون شريره عشان تغايض من الخاطر

ويستوي في البيت اكشن :biggrin: :cool: :eek: وحركات خطيره

وبهلوان العمه وجمباز الحرمه :rolleyes: :cool: :biggrin:

خخخخخخخخ انا عنيه اميه ميته يعني حرمتيه غصبن عليها بتيلس في بيت ابويه

محد فيه غير منصور وحرمته والبافين استقروو الا جان حرمة منصور بتغايض حرمتيه

خخخخخخخخخخ


السموحه

[غلاتــي غـيــر } ~]

بدويه مشكووره غناتيع رد الحلوو...؟

راعي العسيمه ..؟

جان اضحك عليك خخخخخ

يسلمووو اخوي ع رد الجميل ......؟؟

سلاااااااااااامي

[رَحِيْلُ الْودّ]

السلام عليكم ورحمة الله وبركاته ..

إذا كانت الظروف المادية تساعد على السكن في بيت منفصل فهذا ما أراه أفضل لأنه لن تمضي سنتين حتى يصبح المكان ضيق على الزوجين وتصبح عملية الاعتزال ضرورة ..

إذا كانت الظروف صعبة لا بأس بذلك مع وجود اقتراح مؤكد بالتنفيذ بالانفصال في بيت آخر ..

شكراً لكِ غلاتي ..