تعالي إنعشـي نبضـي

[المطلعي]

تعالي إنعشـي نبضـي وداري حشمـة المخـذوول
رقاب الصبر تنحرها حـواس ٍ خمـس مشتاقـه !!


تعالي بروزي صورة سنيني واسعفـي المعلـووول
ترى ريش الولـه يرسـم خيالـج داخـل أحداقـه


أبيت أقطف ثمر غيرج مع انه ناضـج ومدلـووول
وابى قلبـي ولـو غبتـي // يدنـس لبـس ميثاقـه


رصنت العمر في كف الغرام ولـو يمـر الحـوول
بتلقينـي الغريـم الـي طيوفـج تشطـر أعماقـه


يقولون العرب عن سهد هالناظر من المسؤووول ؟؟
واقوووول إن السهد يحكي سوالـف روووح توّاقـه


ثواني مبهمـه عـدّت ولا لاقـت عـذر مقبـووول
عشـان تقبّـل خـدود النّـدم وتـطـوّل إعنـاقـه


فراق المووت أرحملـي ولا لغـز ٍ بليـا حلـووول
يجـرع طفلـة أفكـاري عـذاب ويطـرد إشفاقـه


إذا هي غلطة الساري على جمر " الأصول اصوول "
ترى عيب ٍ على الرجـال يحقـر شـارب أعراقـه


فلا أرضى تقولي لي (( بظهّر قصتي في الموول ))
واذا الغيره بشرعج هم // هـلا بالهـم وإرهاقـه !


انا ما أهمل تراب العزّ في أرض الهوى ممحـوول
واعصار الزمن مـا هـز ّ بـي عـادات خفّاقـه !


تجيني مغلّفه بغرووور فايـق نسبـة المعقـوووول
واجيـج آصيـل متواضـع تحلّـى بتـاج أخلاقـه


تدزيلي بمسج ( أكرهك ) وارفع حاجبـي مذهـوول
اليـن أيقـن بـأن الحـب خـط ّ بـأول أوراقـه


إذا إن العيوون نعـاس والمبسـم يشيـل عقـووول
طبيعي البنت " دلوووعـه وشيطوونـه وخقاقـه " !


الا يا غيرة الغـادات وبغضـة غانيـات الطـووول
وعثرة ضامرات العـوود صـدري ضاقـت آفاقـه


تعبت أستنشق عنـادج وأزفـر مفـردات الهـوول
تعبـت آجامـل الضحكـه ودمّـي يدفـق أعواقـه


تعالي فتّشي ضلعـي وزيحـي سـترة المسـدوول
لـج الله مـا بقـت الا مشاعـر تنطـر إشـراقـه


تعالي إطربي سمعـي بنغمـة ثغـرج المعسـووول
وليفج ما وجد غير الدموووع تـروّض أشواقـه !!

[الخيل]

لو أني جيت متعني أو ني جيـــت لك باقول
،،، طبيعي يعلثم لساني قصــيدك حزة اشراقه

قصيد يحير العاقل ويرحل به الى المجهول
،،، يثير الشك في بال الفهــيم بلحظة أشفاقه

يحولني من أنسانه تحب الواضح المعقول
،،، الى أنسانه غريبة حيل وللأهات منساقه

حروف تنقرى بعرض القصيد وتنقرى بالطول
،،، ومداد الحرف من بين السطور يثبت أعراقه

فطين بسرد مضمونه فريدٍ وشامل المدلول
،،، ومن تقرى له حروفه تجيه بصدق مشتاقه


المطلعي

صح لسانك يالفذ
تقبل مروري

الخيل

[الشاعره!]

معادلة كيميا ,,بها محلول!!!
في قعر سحّاحة حبر ساقه>

شاعر| ومالي عند قافه حول
مختلفةٍ برّاقه اوراااقه!!

بك ضارب احساس القصيد أصول
وغيرك,, جمل ماله ..ولا ناقه..

اظن شعرك شاربٍ REDBULL
من وين جايب كل هالطااااااااااقه؟!!

المطلعي اقرا قصيدك.... فيصبح لقصيد غيرك طعم الماء.

[عينــاويــة بالقــووو]

يا
سلااااااااااااااااااااااااااااااااااااااااام
أنا ماني بشاعرة و لا أعرف اكتب شعر بس أحب اقراه و حبيت أمر ع شعركم الرووووعة والصراحة شعرك طرررر يالمطلعي .. و انتي بعد يا شاعرة ماعليه كلام .. والله يوفقكم الى مافيه الخير
وإلى الامـــــــــــــام دائماَ .. أختكم عيناوية بالقووو :smile:

[المطلعي]

الخيل

مـسـا السكر مسااااء الورد لأحمر يا جميل القول
مساااااء الكاااد والشعر الخزامي بجوهر أعماقه

مساء ٍ زاهي بحضور النّدي الطاهر المعسووول
مســــــــاء يكتّف ايدين المـــآآسي ويخنق أعناقه

مساء ٍ راقي بطعم الحرووف الراقيه بحلوووول
سمو الشاعر المبهر جميع النــاس بإشــــــراقه

مساء الطيب والاحساس وبوح الخافي المجهول
مســـــاء يســطــّر افراحك على مضمون أوراقه

مســـــاء الخير .. نوّرني قصيد ٍ شافي المعلوول
وشعري لا رحل عنكم يجي طـــــــايع لأشـــواقه


صح لسانج وكلج

وشكرا على الزياره

تحياتي

[عينــاويــة بالقــووو]

:: الخيل ::
صح لسانج يا الخيل ع الشعر الأكثر من رائع ..
و انشالله نقرالكم المزيد و المزيد من شعركم المميز ..
أختج عيناوية بالقووو..








........

[المطلعي]

شاعره !

أقرأ قصيدج .. فيصبح قصيدي بلا طعم

شـــــاعره تكتب بعشر عقول
وتقطف النرجس من أعراقه

ياناس فهْموني ترى مذهوول
آشوف شعر ٍ في وسط باقه

ما كنّه الا زهر بس مجهوول
متخفي ٍ بابــيـــــــــات برّاقـه

لا مش طبيعي this مش معقول
ما شفت مثلك موول باطراقه !


مهما قصايدج اختلطت بقصايدنا

لنا طعم الماء

ولج طعم التوووووت

[المطلعي]

عيناويه بالقوو

يكفي انج متذوقة الشعر

وتعليقج مصدر فخري واعتزازي

صح بدنج ولا تحرمينا من هالتواصل

نورتينا وبخرتينا

[قصايد]

المطلعي


شاعرنا المبدع .. صح الله لسانك ولا هنت

بياض ويه يالشاعر .. لا تحرمنا المزيد

قصايد

[ظميا]

أنـــا ماقــــول غير إنك لكل الطايـــلات تطـول
……………………..ولا امدح ياغير اني لمحتك صبـــح وإشراقـه

عزيز (ن) مايغير طبعك الراقي ياكـــود فعــــول
……………………..وعزاك أنك وطيت الحب ونفســـــك له سبّاقــه

ولا امـلك من المعنى وجيز(ن) لك يوفي قول
……………………..ولا حتــى بعـــــد اقــدر اخـــــطك حبر بأوراقـــه

لك الله كم سقيت الشعر معاني ترتوي بأصول
……………………..وغذيت القصيد شعور يعانق نبــــض خفاقـــه

دعيت الباري الواحد خلق عبد(ن) وبه مسؤول
……………………..عسى حبل المودة يطيب وحبك ترتوي ســـاقه

وتشرب لين تذكرني على حزة ظما وتقول
……………………..تغنت ظميتي بالعوق عساها ماتجي عاقــــه

وتعطيها عهد انك على الذكرى أبد بتحول
……………………..يالين يطيب خفاقك عن همومــــه وتشفـــاقه

سلامي حاضر(ن) يمطر عدد مازاركم بهطول
……………………..وكثر السحب ومزونه وكثر ماجات منساقه


والسموحة منك

بس قريتها قبل..وقريتها اليوم

ومازالت مميزة..وتجذبني دوم

لها جاذبية غريبة..ويكسوها سحر لايمتلكه إلا أنت

دمت برعاية المولى

[شمـوخ]

صح لسانكم يميع

ع الابيات الي خطيتوها

لا هنتوا شعرا الهيــر..~

نرقب يديدكم المميز [=

[راعي العسيمه]

لالالالالالا حنا ماروم

صح لسانك الغالى قصيده تهبل

وما عليها كلالالالام

السموحه
راعي العسيمه

[نـد يـم العيــن]

المطلعي

أولاً أسفرت ونورت الهير بحضورك هنا

شاعر كبير رائع ومميز بكل ماتجود به قريحته الشعريه
جزل من راس جزل يالسنافي

الخيل - شاعره -ظميا
دمتن بكل ود

نديم كان هنا

[المطلعي]

قصايد

صح الله بدنج اختي الشاعره

وويهج ابيض

لا عدمت نورج

[المطلعي]

ظميا

كلي شكر على اطرائج الفخري

والسحر في ابياتج

وأعيد واقوولج :)

لزوم الذووق يوقفلج ليا صغتي الشعر ويقول
" تحياتي وتقديري " ويهدي لحضرتج بــاااقه

الا يلي عنيتيلي .. بطلّه تــفــرح المـعـلـووول
هلا بج من صميم القلب واركــانه واعمـــاقه

ثمر شكري تركته في حدايق صفحتي مدلول
وصدري لديرة أشعارج بطا يبعث من أشواقه

[المطلعي]

شموخ

صح الله بدنج ودمتي بكل خير

اشكرج ع الاطراء

[المطلعي]

راعي العسيمه

صح كلك الغالي

وشرف لي مرورك

[المطلعي]

نديم

شاعري العزيز

يا هلا بك الغالي

كم شرفني تعليقك .. وكم اسعدني اعجابك

النور نورك الشيخ .. ولا تحرمني من تواصلك

كل الاحترام

[! حلو المزوحي !]

صح الله لسانك يا الشاعر

وبيض الله ويهك ياربي

سلمت ودمت ياربي

ومنك العذر والسموحه

حلو المزوحي

[المطلعي]

صح الله بدنك الغالي

وويهك ابيض

شرف كبير مرورك

فلا تحرمني منه

ودمت بود .. وتواصل

[الــحــره]

صفحه .. عن عشر صفحات ..

ما شاء الله عليك ......

[همس قلبي]

\
/
\

المطلعي

.

.

إذا إن العيوون نعـاس والمبسـم يشيـل عقـووول
طبيعي البنت " دلوووعـه وشيطوونـه وخقاقـه " !

.

.

ابيات قمه في الروعه تجعلني اعيد قرائتها

ليصيبني الذهول في كل مره اعيد قرأت بيت اعجبني

صح لسانك يالشاعر ولا هان منطووقك

ويعطيك ربي العافيه ع القصيد الغاوي

نرقب الزود من جداكم

والسموحة

همس قلبي

\
/
\

[دلوعة m وبس]

يسلمووووووو
ابداااع × ابداااع

[المطلعي]

الحره

قريت لج في مطلع الشمس اعتقد :) وما توقعتج في الهير

مفاجأه حلوه

يا هلا فيج الشاعره

ودمتي بود

وتواصل

[المطلعي]

عضوتنا المميزه :)

همس قلبي

مرحبا بج ملايين .. اثريتي الصفحه جمالا

بمرورج وتعليقج الغالي

صح الله بدنج .. لا هنتي

واستمري في تميزج

[المطلعي]

دلوعة m

ولكموووو :)