كيف تتركني اوااجه هالمصير ؟!!

[هيبة بدويهـ]

السلام عليكم ورحمه الله وبركاته

حبيت اعرض لكم قصتي الاولى .. وانشالله تعجبكم وتلفت انتباهكم



الشخصيات :


سعود : 21 سنه .. يدرس بالجامعه الامريكيه .. مغرور وراعي مظاهر ( كشييييخ ) .. وغرشوووووب >> لووول


أماني : 17 سنه .. صف ثالث ثانوي .. طيوبة وحساسة واما عن الجمال فهي قممممممر .. وهي دلوعه ابوها ..


حميد : 15 سنه .. ثالث اعدادي .. مغازلجي درجه اولى >> من صغره هههههه


واخر العنقود بدر : 8 سنوات .. صف خامس .. هممم .. حبوب وعلى قد نياته يحليله ..


أم سعود ( سارة ) : حرمه طيييييييبه وراهيه .. بس بعد ما تهمها الفلوس .. وتحب عيالها وايد ..


أبو سعود ( محمد ) : هممم .. ريال راهي ومعرووف والنعم فيه .. مقسم وقته لشغله وعياله وحرمته .. ومووو مقصر على عياله ابد وخاصه أماني


وباجي الشخصيات راح تعرفونها بعدين ..









كيف تتركني أواجه هالمصير ؟!!




** الجزء الأول **



على صوت المؤذن لصلاة الفجر .. قامت أماني كعادتها عشان تصلي فرضها .. وبعدها قعدت تقرى قرآن لين ما طلعت الشمس وسارت تلبس ملابس المدرسة .. ونزلت لغرفه الطعام عسب تتريق ..


أماني : السلام عليكم ..


أم سعود + أبو سعود : وعليكم السلام والرحمه ..


أماني وبعد ما توجهت لكرسيها : اووه وين عيل سعود وحميد وبدووري ؟؟


أم سعود : والله اخوانج سلمج الله بعدهم رقوود ..


أماني : بس الوقت تأخر .. لازم ينشوون .. انا بعد ما فيني اتأخر على مدرستي


أبو سعود : حبيبتي الوقت ما تأخر بس انتي اللي ناشه من وقت ..
ع العمووم هم الحين بينشوون ..


أماني : ما علييي منهم .. كييفهم


وبهالوقت يدخل حميد : صباح الخير يا أحلى أم وأبو فالدنيا ..


أم سعود + أبو سعود : صباح النور


أماني : وانا مالي رب يعني .. ليش ما تصبح عليه ؟!!


حميد : والله يوم بتعطيني شي من جيبج .. هاييك الساعه يمكن بعد افكر اصبح عليج ..


الكل : ههههههههههههههههههههههههههههههههههههههههه


وعلى ظحكتهم دش بدرسلم .. سار ياكل بسرعه حتى بدون ما ييلس ..


أم أماني : غناتي بدوور ايلس .. شعنه مستعيل ؟؟


بدر والأكل مالي حلجه : لا لا امايه واايد تأخرت .. ويوجه كلامه لأماني وحميد .. انتو شو تتريوون ؟؟ يالله نشوو


حميد : أطاعو منو يرمس ؟! .. الحين انت اونك عاد .. يهمك إذا تأخرت ؟!!


بدر : اكييد .. بعد القرار اللي قاله الاخصائي .. اكيد بيهمني ..


أم سعود وهي تطالع ساعتها : اووه .. الوقت تأخر .. يالله استعيلو ..


أماني : يالله عيل باباتي قوم وصلني انا وحميد وبدور .. وسعود يوم بينش بيسير بسيارته ...


................................


فالمدرسه على دخول اماني الصف وبعد ما دقت الباب : السلام عليكم


نورة + هند + عنود : وعليكم السلام والرحمه ..


عليا : هلا هلا تو ما نور الصف ..


نوف ( أعز صديقات أماني ) وبنظرات احتقار لأماني : إلا قولي تو ما ظلم الصف ..


أماني لاحظت نظرات نوف لها فسألت باستغراب : نوف شفيج متغيره علي ؟


نوف وبضحكه استهزاء : ليش ؟؟ يهمج تعرفين ؟!!


اماني باستغراب : أكيد يهمني .. لا تنسين انج أعز ربيعاتي .. وبحسبه اختي


نوف والدموع تجمعن بعينها : وليش ما قلتي هالكلام لعرمج يوم طلعتي عني هالاشاعات ..


أماني : نووف .. يشهد الله علي اني ما قلت لأي أحد شي عنج .. او حتى فكرت اني اقول عنج رمسة تضرج ..


عليا حست ان السالفه جايده ويمكن توصل لضرابه فحيت تهدي الوضع ..


عليا : نوف حبيبتي ممكن تفهمينا شو صاير ؟؟


نوف ما اهتمت لكلام عليا ووجهت كلامها لأماني وبظحه استهزاء : ههه .. ماشالله عليج يا أماني .. اتقنتي دوور البراءة وانا اللي كنت مخدووعه بصداقتج لي كل هالسنوات واثرج طلعتي موو هينه ..


اماني وهي تصيح : حراام عليج يا نوف .. أنا شسويت ؟!!


هند حبت تستغل الفرصه .. وقالت : أنتي شو اللي خلاج تطلعين هالرمسه الجايده عن نووف ؟!!


أماني من الصدمه ما قدرت تتكلم .. بس دموعها كانو اربع اربع .. نورة هني ما بغت تضيع الفرصه .. كانت طوول عمرها حاقده على صداقه نوف واماني . ويا الوقت اللي تخرب فيه صداقتهم وتفرقهم .. فعلى طوول قالت : الحين بالذمه نوووف بشوو قصرت معااج .. شو سوتلج عشان تقولين هالرمسه وشو اللي خلاج جذي تحقدين عليها !!


أماني ما قدرت تتحمل : بس .. بس .. حرام عليكم .. انا ماا سويت شي والله اني ما قلت اي شي عنها ..


عليا عرفت أن هالمشكله كلها من ورا راس هند ونورة فقالت : انتو مب عيب عليكم تقولون جي !! لييش تبون تخربون علاقه أماني ونوف .. لييش ؟؟


فهاللحظة دخلت ريم اللي سمعت من ورا الباب نهايه الحوار :عليا هم ما قالو شي غلط .. أنا بنفسي سمعت اماني ..


أماني بصدمه : حتى انتي يا ريم !! حتى انتي انجلبتي ضدي !! وانتي يا نوف تصدقينهم وتجذبيني انا !! تجذبيني يا نوف !! تجذبيني !!


نوف اكتفت بنظرات الاحتقار لاماني وفهاللحظة دق جرس الحصه الاولى ..


أماني كانت طوول اليوم تصيح ومحد وقف وياها غير عليا .. أما نوف فكانوا هند ونورة وريم مستغلين ضعفها وحزنها وتموا يضغطون عليها ويزيدوون رمسه من عندهم ليين ما حسوا أن نوف كرهت أماني .. وهذا كان جزء من مبتغاهم ..


................................


مرت الأيام على هالحال وانتهت امتحانات الفصل الأول .. واماني مستواها نزل .. بس وعدت امها وابوها انها تحسن مستواها فالفصل الثاني وابتدت أجازة الربيع .. أماني كانت ضعفانه وااااايد لا تاكل ولا تشرب .. واهانات البنات زادت لها بس عليا ما قصرت .. كانت دووم واقفة وياها .. وكانت تحاول تعوضها ..


أما نوف فكانت عايشه حياتها .. كانت تطلع وتستانس وتقربت واايد من هند ونورة وريم ..


فبيت أبو سعود .. وبالتحديد فالصاله .. الكل متيمعين الا أماني ..


سعود : امايه هاي مب حاله !! قولي حق اويه يشتريلي سيارة يديه ..


أم سعود : شعنه ؟؟ سيارتك بعدها يديه .. وبعدين انا ما يخصني .. رمس أبوك هاذوه يدامك ..


سعود : أبوويه دخيلك أبا سيارة يديده .. مليت من هالرنج ..


ابو سعود ما سوا سالفه حق سعود .. ووجه كلامه لمرته : اقول ساره عيل وينها بنتج ؟؟ .. ليش ما اتي تقعد ويانا ؟؟


أم سعود : والله شو تباني اقولك .. بنتك من هدتها ربيعتها وهي حالتها حاله ..


حميد : بلللل .. مب ربيعه جي تسوي بها !!


أبو سعود : انزين فديتج ساره .. سيري رمسيها .. قوليلها اتي .. ولهنا عليها وعلى شطانتها ..


بدر : أمي خليج انتي أنا بسير ارمسها .. تعرفين يهال يعرفون يلعبون بعقل اللي أكبر منهم >> ويغمزلها ..


سعود : ها ويهي جان ما حرجت عليك .. هههههههه


بدر سوا طاف حق سعود وتوجه لغرفه أماني


................................


نوف كانت قاعده ترمس نوره فالفون .. نوف : تصدقين يا نورة تولهت على أماني .. حدي مشتاقه لها ولسوالفها


نورة حست بقهر : أنتي كيف تسمحين لنفسج انج تشتاقين لوحده مثل هذي !!


نوف : نورة عن الغلط .. ترا مهما كان .. أماني بتظل أعز انسانه على قلبي ..


نورة وصلت من العصبيه حدها وكأن كل اللي بنووه انهدم فلحظه : لا والله .. عقب كل هالرمسة بتظل أعز انسانه على قلبج !!


نوف : اووووووف منج .. بس عاد .. ترا والله لا اسكر الخط بويهج ..


نورة : انزين انزين .. اسمحيلي .. ع العموم انا ما دقيتلج عشان احصل منج تهزيبه محترمه .. انا بس بغيت اقولج تزهبين عمرج اليوم .. عسب نطلع انا وانتي وهندووه وريماني .. اوكي ؟؟


نوف : بس أمي ما أظن بتطيع .. أنا ما تعودت أظهر ويا حد غير أماني ..


نورة : ليش وانتي مالج شخصيه ؟؟.. امج هاي لازم توقفينها عند حدها .. مالها خص فيج هاي حياتج وانتي حرة بحياتج


نوف : انتي شو قاعده تقولين ؟!! هاي أمي .. وانا يهمني رضاها ..


نورة : اففففف منج ومن أمج .. المهم خلاص دام جي السالفه .. انا برمس أمج ..


نوف : انزين ما قلتيلي وين بنسير؟؟؟؟


نورة فخاطرها : جهنم يا حلوة ... بنوديج مكان يخليج تندمين على كل لحظة من حياتج ..


نوف : ألووو .. نورة وينج ؟؟


نورة بارتباك : ها .. هي صح .. خليها مفاجأة احسن . يالله انا بسكر .. باي .. >> وتسكر بويهها






ياترى شنو راح يصير بين نوف وأماني ؟؟


وليش كانو هند ونورة وأماني يحاولون يفرقون بينهم ؟؟


وعليا بتم واقفه مع أماني ولا بتنجلب ضدها ؟؟


والبنات بيقدرون يسوون اللي فبالهم ولا ؟؟كل هـــذا راح تعــرفـــونـــه فالجــــزء اليــــاي
م ن ق و ل

[M!$s.uAe]

يسلمووووووووو ع الموضوع الحلوة ...ونتريا الجزء الثاني

[هيبة بدويهـ]

يسلمووووووووو ع الموضوع الحلوة ...ونتريا الجزء الثاني

تسلمين فديتج ع المشاركة..
البارت الياي انشا الله بعد ما شوووف ردودهم انا ما شووف ردود غيرج ..

[هيبة بدويهـ]

وين الردوووووووووود اريد انزل البارت الثااني

[هيبة بدويهـ]

اوكي انا بنزل الباات بس عشاان مس ^_*

[قصايد]

هلا فديتني حلوه ...


غناتي نحن نرقب الجزء الثاني ..


في انتظارج عزيزتي ..

[غلاتــي غـيــر } ~]

نترياااااااااااا الجزء الياي

[هيبة بدويهـ]

هلا فديتني حلوه ...


غناتي نحن نرقب الجزء الثاني ..


في انتظارج عزيزتي ..

يسلموووووووو بنزله لكم ,,

[هيبة بدويهـ]

نترياااااااااااا الجزء الياي

يسلمووو بنزلة لكم ...:biggrin:

[غزال ما ينصاد]

مشكووووره ع القصه وايد حلوه تيننن وان شاء الله نتريال اجزء الثاني ..أتمنى انه يكون كامل ما يكون بعد فيه جزء ثالث..ربي يوفقج ان شاء الله..

[هيبة بدويهـ]

مشكووووره ع القصه وايد حلوه تيننن وان شاء الله نتريال اجزء الثاني ..أتمنى انه يكون كامل ما يكون بعد فيه جزء ثالث..ربي يوفقج ان شاء الله..

هههههه لا فيها اجزااااء ....
يسلمو ع المرور يالغالية ,,,,,,,,:smile:

[هيبة بدويهـ]

همممم .. باااااكووووووووو .. بما أني خلصت البارت الثاني حبيت انزله لكم .. وانشالله يعجبكم ...





** الجزء الثاني **



أماني قاعده تتعدل جدام المنظرة وتمت تتأمل عمرها للحظات وتذكرت موقف صارلها مع نوف ( كانت أماني قاعده تتمكيج و تتعدل جدام المنظرة وكانت نوف قاعده معاها وبايدها صحن كيك : وربي انج قمرر .. بسج من مجابل هالمنظرة ..



اماني : وانتي شو حارنج ؟؟ ( وبغرور مصطنع ) يا ربي انا شو اسوي اذا ربي خالقني حلوووة ..



نوف : لا والله .. احلفي انتي بس ..


أماني : ولييش احلف ؟!! .. اهم شي اني واثقة من عمري .. هههههه


نوف : انزين يا اموون . انا اوريج .. وشالت نوف جزء من الكيكه اللي فصحنها ومسحته على ويه اماني متعمده عشان تخرب مكياجها ..


أماني كانت شوي وبتصيح أما نوف فكانت فاطسة من الضحك على شكل أماني وقالتلها : هههههههههههه .. هي الحين انتي جي حلللللوة ..


أماني سارت تشوف عمرها فالمنظرة وما رامت تيود ظحكتها .. وتمو ثنيناتهم يظحكوون وأماني ما قصرت شلت باقي الكيكه اللي فالصحن ومسحته على ويه نوف وتمو يضحكوون على بعض واستانسو وااايد هاك اليوم .. ) وعلي هالذكرى نزلت دمعه أماني .. وبعد ثواني ..


دق دق دق


أماني : منووووو ؟؟


أم سعود : انا امج غناتي .. فجي الباب ..


أماني مسحت دمعتها بسرعه وفتحت الباب : تفضلي امايه ..


أم سعود : دام فضلج فديتج .. اماني فديتج انتي كنتي تصيحين ؟!!


أماني : لا امايه .. بس انا تعبانه شوي ..


أم سعود : متأكده ؟؟


أماني : هي امييه متأكده ..


أم سعود : انزين انا بس بغيت اقولج ان ربيعتج عليا وصلت ..


أماني : اوووه .. وهي وينها الحين ؟؟؟


أم سعود : تترياج فالصاله ..


أماني : اهااا .. خلاص الحين بنزللها ..


............................................


نوف : الله يخليج ماما .. بليييييييييز


أم فيصل : لا بليييز ولا شي .. أنا ما اباج تطلعين ويا هالبنيه ..


نوف : انزين لييش ؟؟


أم فيصل : بصراحه يا بنتي انا موو مطمنه لهالبنية .. احس انها شرانيه ..


نوف : بالعكس ماما والله انها طيوووبة .


أم فيصل : تبين الصراحه يا نوف ؟؟


نوف : اكيييييييييد ..


أم فيصل : انا من رمستها وانا قلبي ينغزني .. احس ان هالبنيه وراها بلااوي


نوف : هههه .. لا امي .. ما عليج .. انتي اكيد جي تحسين لانج ما تعودتي على حد غير أماني ..


أم فيصل : هي والله .. فديتها يعني فداها .. واايد تعودت عليها


نوف بغت تغير الموضوع : انزين اميييه يالله شو قلتي ؟؟
أم فيصل : ااااخ منج .. خلاص برايج .. جان تبين سيري .. ولو اني موو مرتاحه لها ابد ..


نوف استانست وااايد وقامت حبت امها : مشكوورة يا أحلى أم فالدنيا ..


أم فيصل : بس بشرط ؟؟


نوف : آمري ..


أم فيصل : تحملي تتأخرين .. ترا ابوج بيحرج عليج


نوف : انشالله .. لا توصين ..


أم فيصل : يالله عيل توكلي .. سيري بدلي ودقي حق البنية ..


نوف : اوكيك ماما ..


وهي سايرة وقفت وكانها تذكرت شي وصدت لامها : بس وين الحلاوة ؟؟ (وتغمز لها )


أم فيصل : ههههههههههههههه .. وانا اللي استانست عبالي نسيتي ..


نوف : انا انسى كل شي الا البيزاات ههههههه .. يالله ايدج على 1000 درهم


أم فيصل : بلل 1000 مرة وحده .. لييش ؟؟


نوف : لييش يعني ؟!! .. حق الخقة طبعا ..


بلييييييييييييييييز ماماتي ..وتمت تترجاها لين ما طاعت امها ..


نوف : فديتج والله .. الله لا يحرمني منج .


أم فيصل : ولا منج غنااتي ..


نوف : اوك عيل .. عن اذنج ..


أم فيصل : اذنج معاج فديتج ..


أم فيصل بعد ما راحت نوف على طول توجهت للتلفون
عسب تدق على أم سعود ( سارة ) .. وهي تدق ع الارقام سمعت صرخه هزت البيت بكبره .. وعلى طووول عقت السماعه وسارت صوب الصوت وشافت ............


............................................


بما أن وصلنا لنوف وعايلتها فاحب اعرفكم على عايلتها ..


فيصل : 25 سنه .. يشتغل .. خاطب بنت خالته اللي بيتزوجها بس عشان خاطر امه >> كان يحب وحده وتوفت ومنها ما فكر يحب غيرها ..


أمل : 23 سنه .. متزوجه .. وحامل بشهرها الثاني من مولودها الاول .. وريلها طلال يموت فيها ومعيشنها احلى عيشة ..


أحمد : 21 سنه .. يدرس بالجامعه الامريكيه .. واايد ويا سعود .. بس هو عكس سعود صح انه حلووو وكشييخ بس موو مغرور وخقاق نفس سعود ..


نوف : 17 سنه .. هممم جمالها ناعم وبسيط .. طيييبة وعلى قد نياتها .. و هي وااااايد ويا أماني واللي مقربنها اكثر منها انها بنت عمها ..


أم فيصل ( عنود ) : همم طييبة وحبوبة .. مجابلة عيالها 24 ساعه .. وواايد مهتمه فيهم


أبو فيصل ( راشد ) : هممم .. ريال مهم .. يشتغل ويا اخوه ( أبو سعود ) .. عصبي واايد وموول ما عنده وقت لعياله .. بس بعد واايد يحب عياله ..............................................


أماني : هههههههه .. حرام عليج .. غمظتني بصراحه .. ههههههههه


عليا : هههه انزين ما علينا منها .. قوليلي شو ناوية تسوين فهالاجازة ؟؟


أماني : همممم .. ما ادري والله .. وانتي ؟؟


عليا : انا بدش المعهد باخذلي دورة فالانجليزي .. شرايج اتدشين وياي ؟؟


أماني : هممم .. ما ادري والله ..


عليا : يالله عااد .. عشان خاطري .. منها نستفيد ومنها تونسيني .. ما ابي اسير بروحي


أماني : اووك .. بشاور ابويه عيل وعقب برد عليج ..


عليا : اووكيه


وبهاللحظة يت الشغاله ليندا : amani your mom want u ..


أماني : اوكيه (وتوجه كلامها لعليا ) .. عن اذنج دقاايق ورادة ..


عليا : خذي راحتج عنوني ..


أماني توجهت لغرفه امها أما عليا فكانت سرحانه .. يحليلها كانت تفكر بأماني وبحالتها من عقب نوف ..


وفجأة نزل حميد إلي كان متوجه للمطبخ .. بس يوم شاف عليا تم فاج عينه ع جمالها الغاوي .. وع طوول سار صوبها << ما صدق الريال ههه


حميد : هلا بالمهلي الي ما يولي فذمتيه هلا ..


عليا طبعا كانت سرحانه فما ردت عليه ..


حميد : احم احم .. نحن هنااا ( بصوت عالي )..


عليا وتوها انتبهت : اووه .. هلا .


حميد : اللي ماخذ عقلج يتهنا به ..


عليا : هههههههههه .. منو يعني بيكوون ماخذ عقلي ؟11 ههههه


حميد : احم .. احم يمكن انا .. ليش لاء ؟؟


علياء اتذكرت رمست أماني عن حميد بأنه مغازلجي ودوومه لصقة فالبنات .. فعرفت انه حميد


عليا : انته حميد .. صح ؟؟


حميد : هيه نعم .. وياج شيخ الرياييل حميد ..


عليا : عاشت الأسامي


حميد : عاشت أيامج ..


وفهاللحظة يت أماني اللي كانت مصدوومة من يلسة


حميد ويا عليا ..


أماني : انت ايه .. جنه الا واايد عايبتنك السالفه .. قووم بسرعه فارج ..


حميد : دخيلج أماني بيلس وياكم ..


أماني : شوووه !! ..


حميد : كلام الملوك لا يعااد .. هههههه


أماني عاد من الحرة قامت عسب تضربه بس هوو ع طول شررررررردة ..


عليا : ههههههههههههه .. والله انتي اخوج فنتك


أماني : هههه .. اكيد لعوز فيج


عليا : لا بالعكس سوالف .. لوووووول


............................................


حميد : والله فاتك اقولك قمرررررررر .. تخبل ..


سعود : افا .. انزين ما تعرف شو اسمها ؟؟


حميد : واختك الخبلة عطتني فرصة ؟؟


سعود : هههههههه .. ما علينا .. انا لازم اعرف من أماني كل شي عن هالبنية .. وبتشووف شطارة اخوك فيها يا حميد ..


حميد : شو بتسوي ياللوتي ؟!!!!!!!








يا ترى منو اللي كان يصرخ فبيت أبو فيصل ؟؟ وليش ؟؟


ووين البنات كانو يبون يودوون نوف ؟؟


وشو راح يصير بين سعود وعليا ؟؟
كل هذا راح تعرفوه فالجزء الياي





يالله انتظر الردود على احر من الجمر ... لووووووووول

[غزال ما ينصاد]

والله الصراحه روعة بس انتي ليش تخلينا يالسين ع أحر من الجمر حرام عليج نزليهم كلهم في وقت واحد وخلصينا .. الله يهديج بس

[فرحہ]

روعة يالله الحين عاااااااااد نزلي البارت الياي
قاعدة على احر من الجمر يالله عشان خاطريه
**************************************
نتريااااااااااااااج

[هيبة بدويهـ]

والله الصراحه روعة بس انتي ليش تخلينا يالسين ع أحر من الجمر حرام عليج نزليهم كلهم في وقت واحد وخلصينا .. الله يهديج بس

شو نسوي نتريا الردود ..
يسلمووووووووووو..:smile:

[هيبة بدويهـ]

روعة يالله الحين عاااااااااد نزلي البارت الياي
قاعدة على احر من الجمر يالله عشان خاطريه
**************************************
نتريااااااااااااااج

سلمووووووووووو ,,,:smile:

[هيبة بدويهـ]

** الجزء الثالث **


على نور الابجورة الخفيف طايح ع السرير يفكر بخطه اييب فيها راس البنية اللي فباله : اخخخ يا ويل حاليه .. خاطري اعرف كيف شكلها ؟؟ يالله بلاني جي مستعيل .. بيي يوم بشوفها فيه وبخليها تركض ورايه ركض .. بس متى بيي هاليوم ؟؟ متى ؟؟ الا اعرف كل شي عنها .. لازم .. لازم .. بس كيف ؟! مالي غير أماني لازم اعرف منها كل شي .. يالله يا أماني مالي غيرج .. وبعد التفكير الطويل .. قرر انه يرقد .. سكر الابجورة وتم تقريبا ربع ساعه وهو يتجلب ع السرير .. ( ما فيه رقاد ) .. وفجأة غفل واستسلم للنوم ..



............................................


أم سعود على صوت المؤذن تقوم كعادتها توعي ريلها وعيالها عسب بسيرون يصلون فالمسيد .. حتى بدر كانت أمه تحرص على انها تعوده ع الصلاة من صغره .. أما أماني فكانت متعوده تقوم بنفسها وتصلي فرضها ..
أم سعود سارت توعي عيالها واخر شي سارت عند سعود ..


دق دق دق .. محد يرد .. ام سعود دشت غرفه ولدها


أم سعود : سعود .. سعود يمه ..


سعود : همممم


أم سعود : يالله قوم فديتك .. الصلاة


سعود : انزين انزين


أم سعود طلعت من حجرة سعود وسعود ما صدق ع طوول بدون ما يحس رد رقد يحليله من التعب ..


فالصاله كانو يتريوون سعود ..


أبوسعود : أم سعود .. مب جنه سعود واايد طول


حميد : ههههه .. تشوفونه الحين بسابع نومه ..

أم سعود : هي والله .. يسوييها .. ( وتسير صوب حجرت سعود عسب توعيه ) ..


الكل صلى فرضه ومن عقب الصلاة أبو سعود وأم سعود وسعود وحميد ساروا كملو رقادهم .. أما بدر فتم يسولف ويا أماني فغرفتها .

أماني : انزين عيل وين ودك نروح ؟؟


بدر : هممم .. بصراحه خاطري اسير السينما ..


أماني : اوكيه .. بس شرايك لو خليت ربيعتيه عليا اتي ويانا ؟؟


بدر : لا لا ..شو .. استحي ..


أماني : عادي ما فيها شي .. عليا بحسبة اختك


بدر ( وبعد تفكير ) : همم .. خلاص اوكي ..


وتمو أماني و بدر يسولفون لين صارت الساعة 8:30 ص ..


أماني : بدوور .. مب جنك واايد طولت هني ؟


بدر : هههههه .. اعتبر هذي طردة ؟؟


أماني : يالله فديتك ابا اخذلي شور .. عسب عقب ننزل نتريق ويا العايلة الكريمة ..


بدر : اووك .. وانا بعد .. عيل سي يا تحت


أماني : سي يا ..


............................................


فغرفة الطعام الكل متيمع .. كانوا يتريقون ..



بدر : ابويه انا وأماني وربيعتها عليا بنظهر اليوم ..


أبو سعود : منو عليا هاي بعد ؟؟


أم سعود : فديتك هاي ربيعه أماني اللي يت امس بيتنا .. واحيدني رمستك عنها امس .. ( حمدان من سمع طاري عليا استانس )


حميد وهو يساسر حمدان : اسمع اسمع .. اسمها عليا الحب


حمدان وهو يساسر حميد : ما عندي سالفه انا عشان احب !!


حمدان فخاطره : واااو اسمها عليا .. واخيرا بقدر انفذ اللي فبالي


أبو سعود : هيييييييه .. الحين تذكرت .. ووين ناويين تسيرون ؟؟


بدر وبحماس : بنسير السينما ..


أماني ( تكمل عن بدر ) : وعقب بنتعشى وبني ..


أم سعود اتانست لان أماني واخيرا قررت انها تظهر وتبدل جو ..


ام سعود : خلاص عيل فديتج سيروا استانسوا ..


أبو سعود : بس منو بيوديكم ؟؟


سعود : أنا .. أنا بوديهم .. وبالمرة بمر على أحمدووه عشان نسير انا نحووط فالمول لين ما يخلصون ..


أبو سعود : اوك .. خلاص عيل ..


حميد : لا والله .. وانشالله بتم انا بروحي فالبيت ..


أم سعود : ههه .. وانا وابوك ما نكفي ؟؟


حميد : شبابهم انا الشياب .. انا ابا اسير اغازل


الكل تم يضحك على حميد وخباله ..


............................................


فيصل : يالله اميه خلونا نظهر من غرفتها .. نوف تعبانه ولازم ترتاح شوي


أحمد : عيل عن اذنكم بسير اسبح .. يمكن اظهر انا ويا سعود ..


أم فيصل : غريبة عيل محد دق من صوب سعود يتحمدلنا على سلامة نوف ..
أحمد : هيه .. اصلا ما اظن انهم يعرفون ..


فيصل : انتو بتمون واقفين ترمسون هني .. يالله اطلعو برع ارمسو براحتكم .. حرام عليكم بتوعوون البنية ..


أم فيصل : خلاص عيل انا بسير ادق حق أمل اطمنها وبدق حق أم سعود عقب ..


والكل طلع من غرفة نوف .. ( نوف كانت متوجهه لغرفتها عسب تبدل يوم كانت بتظهر ويا البنات وهي تركض ع الدري طاحت من فوق الدري ويوم طاحت انضرب راسها بطرف الدري وهي اللي زعقت من قوة الالم .. فودوها المستشفى وباتت يوم .. ويت من المستشفى اليوم الصبح .. )


............................................


أم سعود كانت ياس ترم فالتلفون


أم سعود : ويييه .. متى صار ها كله ؟؟


أم فيصل : امس وانا اختج ..



أم سعود : ومنو هالبنات اللي كانت بتظهر وياهن ؟؟


أم فيصل : بصراحه انا ما اعرفهن زين ..بس وحده منهن رمستني فالتلفون عسب اخلي نوف تظهر وياهن ومووول ما ارتحتلها .. وما كنت ابا نوف تظهر وياهن .. بس تعرفين نوف وحنتها ..


أم سعود : عيل ربج ما أراد تظهر وياهن ..


أم فيصل : هيه والله


أم سعود : عيل اسمحيلها يالعنود .. المفروض نقوم بالواجب واني نزوركم ونتحمدلكم بسلامتها من قيل ..


أم فيصل : ما عليه فديتج ..


أم سعود : يالله عيل تستاهلون سلامتها


............................................


فسيارة سعود الرنج البيضا سعود كان يسوق وحذاله أحمد وورا عليا كانت يالسة ورا سعود وحذالها بدر وعقب أماني اللي كانت ورا أحمد .. سعود كان طوول الوقت يطالع عليا من المنظرة واتخبل اكثر شي على عينها الجذاابة وهي لاحظت نظراته بس سوتله طاف بس انحرجت لما كانت عينه بعينها هي صح ما حست باي شي اتجاهها بس هي تنحرج يوم تشوف حد بعينه اما سعود ما يدري شو ياه فجأة من شاف عينها .. ومن صوب أماني فهي كانت سرحانه بنوف كالعاده وحبت تتطمن عليها من أحمد


أماني : أحمدوووه


أحمد ( بدون ما يحس ) : عيوونه ..


أماني انصدمت بس سوت عمرها ما سمعت : شحالها نوف ؟؟


أحمد ( خاف يقول لأماني باللي صار لنوف واتم اتصيح وحاله ) : ها .. هي . نوف بخير الحمدلله ..


أماني : الحمدلله ..


أحمد من صغره وهو يحب اماني ولانه كتووم ما فكر انه يخبر حد بهالشي .. بس يحليله كان صدق متعذب .. وشوي ويحط اغنية كتمت الشوق وقعد يغني وأماني تخبلت على صوته العذاب ..
..
..


لو كتمت الشوق في صدري
الالــم عايـــشته احســـاسه
ارتباك ومتعب فكــــــري
عبرة والعين حــــراســــــه


الهوى اسري له و يســري
ينتهي ولا جاد نسنــــــاسه
لو بخـــبي ينكـشف امري
خافقي قد شتـــــــه وحاسه


من غرام الوجد يا عمــري
والعشق له جنده حراســــــه
صرت دونــك تايــه مـدري
بــين المــعزيــن والمــــاسه..
..


أحمد : آآآآآه يا قلبي ..


سعود : شفيه قلبك ؟؟


أحمد : متعذب ..


سعود : ليش انت تحب ؟؟


احمد : ..........................


سعود : هههههههه ولا في شي ثاني يعذب غير الحب ( ويغمزله )


أحمد ارتبك : ها .. هي هي اكييد فيه واايد اشياء ..


سعود حس بأحمد بس تعمد يحرجه : مثل ؟؟


أحمد : اوووووووف ... سعودووه خلك فسواقتك احسن لك ..


الكل ما عدا أحمد وأماني : هههههههههههههههههه


سعود : ههه .. انزين بقولكم لغز .. واللي بيحله له هديه .. ( وكان يتمنى ان عليا اللي تجاوب )


أماني : شو الهديه ؟؟


سعود : هممم مفاجأة ..


أحمد : انزين يالله خلصنا ..


بدر : لحظة لحظة .. ( ويوجه كلامه لعليا ) علايه اذا عرفتي الجواب قوليلي اوك ؟؟


عليا : ههههههههههه .. انشالله ..


سعود : لا والله .. ما شي .. محد يساعد الثاني


بدر : انزين انزين خلاص


عليا : انزين شو اللغز ؟؟


سعود : اللغز يقول .................................................. ....................


............................................


فدوام راشد ( أبو فيصل ) ومحمد ( أبو سعود ) ..


أبو سعود : عيل شرايك لو نسير الشاليه جماعه ؟؟


أبوفيصل : فكرة حلوة .. ومرة وحده ناخذلنا انا وانت اجازة بصراحه من زماان ما يلست ويا العيال .. ووايد تعبت من الشغل


أبو سعود : الله يهداك .. انت اللي مب منظم وقتك ومووول مب معطي عمرك فرصه ترتاح ..


أبوفيصل : ما علينا الحين .. المهم متى بنظهر ؟؟


أبو سعود : شرايك يوم الخميس الصبح ؟؟


أبو فيصل : لا لا خلها يوم المعه الصبح احسن ..


أبو سعود : خلاص عيل .. بلغ ام العيال .. وخل العيال يزهبون اغراضهم من الحين ..


أبو فيصل : ليش ؟؟ شكثر بنتم هناك ؟؟


أبو راشد : اول شي بنتم اسبوع .. واذا عيبتنا الاوضاع هناك بنتم اسبوعين ..


أبو فيصل : خلاص عيل .. ابشر ..


............................................


نوف نشت من الرقاد وع طوول خذتلها دش وعقب سارت واختارتلها بدله هادية وسيمبل .. لان أمل وريلها عقب بييون .. وعقب مشطت شعرها ونشفته بالاستشوار .. وحطت جحال خفيف .. وعقب ثواني سمعت مبايلها يرن ..


ترررن تررررن ترررن تررررن


نوف : ألووووه


هند : ألووه .. هلا نوف


نوف : اهلين


هند : شحالج ؟؟


نوف : تمام ربي يسلمج .. ومن صوبج الغلا ؟؟


هند : تمام دامج تمام


نوف : هند اسمحيلي لان امس ما قدرت ايي ..


هند : اتييين ؟!!


نوف : هيه سوري ما قدرت اظهر وياج انتي ونورة وريم


هند : بس انا امس كنت فبيت ريم وما ظهرنا مكان ..


نوف : عيل نورة انها بتمر علييه وبنسير مكان وعل قولتها مفاجأة ..


هند : انتي خبله ؟!! تحملي تطلعين ويا نوره .. فاهمه ؟؟


نوف : ليييييييييييييييش ؟!!







من بيجاوب على لغز سعوود ؟؟


وشو راح يستوي فالشاليه ؟؟


وليش هند تحذر نوف من انها تظهر ويا نوره ؟؟
كلها راح تعرفونه فالجزء الياي انشالله





انتظر ردووووووووودكم

[غزال ما ينصاد]

يسلمو أختي ع البارت والله اني تشوقت للبارتات الباقيه وان شاء الله ..ان شاء الله تكون آخر بارت باقي ..وتفكينا من القهر والصبر ..طال صبري وما عاد لي احتمال اني اصبر اكثر عن جي ..؟؟
ربي يحفظج ان شاء الله يا رب

[هيبة بدويهـ]

يسلمووووووو خيوو ع الرد ..

[غزال ما ينصاد]

الله يسلمج خيتي ع المروور الطيب لردي .. وان شاء الله تسمعين الكلام وتنزلين كل البارتات في يوم واحد ..آمين .. الله يهديج ياخيتي وتنزلين لنا البارتات الباقيه ..الصراحه تشوقت حيييل وما عاد لي احتمل ..؟ وانتي وضميرج يا اماتنزلينهم او انج تعاندين فينا ..؟

[هيبة بدويهـ]

لا حشاا ماعاند ,,
الحين بنزل البارت بس عشاانك ...:smile:

[هيبة بدويهـ]

**الجزء الرابع**


نوف : هيه سوري ما قدرت اظهر وياج انتي ونورة وريم


هند : بس انا امس كنت فبيت ريم وما ظهرنا مكان ..


نوف : عيل نورة قالتلي انها بتمر علييه وبنسير مكان وعلى قولتها مفاجأة ..


هند : انتي خبله ؟!! تحملي تطلعين ويا نوره .. فاهمه ؟؟


نوف (ومن الخوف زعقجت ) : ليييييييييييييييش ؟!!


هند : نوف حبيبتي هدي اول شي ..


نوف : انزين قوليلي ليش ؟


هند : مو وقته فديتج .. المهم اقدر اييج البيت اليوم ؟؟


نوف: هي تعالي حياج ..


هند : الله يحييج .. عيل خلاص اخليج انا الحين وانشالله بشوفج العصر


نوف : اووكيه


هند : مع السلامه


نوف : فداعه الله


............................................


أماني : سعوود شو هاللغز الصعب ..


وبهاللحظة وصلو المول


سعود : احم .. يالله عاد انتو عاد فكروا فاللغز ويوم بتعرفون قولولي .. والحين يالله انزلوا وانا واحمد بنسير نبركن السيارة


بدر : انشالله ..


أماني نزلت ووراها بدر وعقب عليا بس عليا عقب ما نزلت من السيارة وقبل لا تسكر الباب


عليا : سعود ..


سعود : هلا .. عيوون سعود


عليا : عرفت الجواب ( وتغمز له وتسكر الباب )


سعود استانس لان عليا فهمته وتم حتى مبتسم ابتسامه عووودة


أحمد : شفيك شاق الحلج ؟؟


سعود : مستنااانس ياخي مستاانس..


أحمد : انزين الواحد يوم يستانس لازم يسوي دعايه سيقنال يعني ؟؟


سعود : جب جب .. انا الغلطان اللي عاطنك ويه ..


احمد ما رد على سعود وتمو ساكتين لين ما بركنو السيارة وعقب دشو المول .. ساروا أول شي ستار بوكس طلبولهم كابتشينو وكانو اثنيناتهم ساكتين وشو يقطع الهدووء احمد ..


أحمد : سعود انت تحب عليا ؟؟


سعود : اشوووووووووه ؟!! استخفيت انت ..


أحمد : وعيل شو تسمي نظراتك وحركاتك لها ؟؟


سعود : كالعاده ..


أحمد : معقوووله !!


سعود : هي معقوولة ونص .. احمد انت تعرف رايي فالحب .. وانا شخصيا من سابع المستحيلات احب


أحمد : ولييش لاء ؟؟


سعود : تبي الصراحه ؟؟


أحمد : اكييييييد


سعود : أحس الحب سخااااااااافه ..


احمد منصدم : سخاااافه مرة وحده !!


سعود : وأكبر سخافه بعد ..


أحمد : بس أنت عمرك ما حبيت ولا جربت انك تحب


سعود : ولا بحب أو حتى بفكر اني احب ..


أحمد : ههههههههههههه .. ياخي خذها نصيحه مني .. ترا الدنيا من غير حب مالها طعم ..


سعود : أحمدووه دخيييييييييلك فكنا من نصايحك اللى ما تودينا الا فستين داهيه ..


أحمد : بللللل .. الحين الحب ستين داهيه .. ع العموم براحتك ..


سعود : تدري شو ؟؟ قوم خلنا نشوف الافلام اللي فالسينما واذا عيبنا بندش


أحمد : يالله


سعود وأحمد عقب ما دفعو فستاربوكس سارو صوب السينما ودشو نفس الفلم اللي دشوه أماني وعليا وبدر ..


............................................


الكل متيمع فالصاله فبيت أبو فيصل ..


نوف : هههههه .. لا عاد .. انا مالي خص ان يبتو بنت تسموونها نوف .. على خالتها طبعا .. احم احم


طلال : ما عندنا سالفه !! نخلي اسم العنوود الغاوي ونسميها نوف ( ويغمز لأم فيصل )


الكل : ههههههههههههههههههههههههه


أبو فيصل : المهم ما علينا .. على فكرة ترا يوم الحمعه الصبح انشالله بنطلع نحن وقوم أبو سعود للشاليه ..


أم فيصل : زيييييين عيل .. نبدل جو شوي


أبو فيصل : وانت يا طلال انت وحرمتك بعد ترا بتون ويانا


طلال : انشالله ..


أمل : بس أنا عندي مواعيد فالمستشفى ..


أم فيصل : بس يا بنتي هالمواعيد مو مهمه ..


أمل : خلاص عيل .. انا بدق حق الدكتورة وبأجل المواعيد .. بس شكثر بنتم هناك ؟؟


أبو فيصل : أسبوعين ..


نوف ( وبصدمه ) : ها!!


فيصل : من قال ها سمع ..


وفهاللحظة يدق الجرس تن تن تن


نوف ( كانت تباها من الله عسب تتهرب منهم ) : هاي ربيعتيه وصلت .. عن اذنكم ..


أم فيصل : اذنج معاج فديتج ..


............................................


سعود وأحمد كانو يالسين فأخر صف .. وأماني وعليا وبدر كانو يالسين قبل سعود وأحمد بصفين وعاد قوم اماني ما كانو يدرون ان سعود وأحمد وياهم فنفس القاعه .. وسعود وأحمد نفس الشي .. ما كانو يدرون .. المهم البنات كانو مندمجين بالفلم وفجأة ظهرت لقطة تخرغ ومرة ارتفع الصوت وعاد عليا وأماني من الزوغه زعجو .. وفهاللحظة انتبهولهم سعود وأحمد وتمو يظحكوون عليهم من الخااطر .. وأحمد يحليله استانس يوم درا ان عليا وياه بنفس القاعه تم طوول الوقت يراقبها لييين ما خلص الفلم .. البنات ظهروا من القاعة وطبعا ما انتبهوا لسعود واحمد اللي كانو وراهم .. المهم عقب ما ظهروا كلهم ..


سعود : أماني .. اماني ..


أماني ( تلتفت وراها تدور ع اخوها وانصدمت يوم شافته وراها بالضبط ) : خيرررررررررررر


سعود : هممم .. لو ما عليكن امر يالشيخات بس انا وأحمدووه عازمينكم ع العشا ..


بدر : وأنا ؟؟


أحمد : وانت بعد ..


أماني : ها عليا شرايج ؟


عليا : هممم .. رايي من رايج ...


أماني : عيل مشينا


............................................


هند : يحليلج يا نوف .. ومتى ظهرتي من المستشفى


نوف : هممممم .. اليوم الصبح


هند : فديتج والله نوف .. الحمدلله ع السلامه مؤخرا غناتي وماتشوفين شر


نوف : الشر ما اييج فديتج .. المهم ما علينا الحين قوليلي شو سالفة نوروه ؟؟


هند : نوف انا بسألج وأبيج تجاوبيني بصراحه ..


نوف : وانا ما عندي غير الصراحه ..


هند : انزين .. بصراحه .. انتي شو علاقتج وي اخو نوره ؟؟


نوف : اخو نورة ؟!! وانا شعرفني بأخو نورة !!


هند : اوووه .. قصدي سلطان


نوف : سلطان !!!!!!!!!!!!!!!!


هند : هيه سلطان شو فيج استغربتي ؟؟


نوف : يعني سلطان اخو نورة ؟؟


هند : عليييج نور .. والحين ممكن تقوليلي شو علاقتج وياه ؟؟


نوف : الله يسلمج سلطان انا تعرفت عليه من المنتدى وعقب استويت ارمسه فالمسن وحبني وحبيته وعقب طلب مني رقمي و يوم شاورت أماني حذرتني وتمت تحاول تقنعني اني اقطعه بالمرة .. المهم انا اعتذرتله وقلتله اني ما اقدر اكمل علاقتي وياه وتم يقولي ليش وانا احبج وما ادري شو فانا قلت له اذا كنت صدق تحبني تعال اخطبني وهو كعادته ما عرف شو يقول .. وقلتله خلاص انا اقتنعت الحين بكلام اماني .. وصكيته ببلوك ومن هاك اليوم ما رمسته ..


هند : انزين دام انه يحبج ليش ما يا يخطبج ؟؟


نوف : لانه مالج على قولته من بنت عمه و ما يقدر يطلقها عسب ما تصير مشاكل فالعايلة ..


هند : اهاااااا .. عيل جي السالفه ..


نوف : انزين .. والحين قوليلي شو سالفه نورة ؟؟


هند : نوف فديتج نورة امس كانت تبي توديج عند اخوها سلطان ..


نوف : اشووووووووووووووه !!


هند : مثل ما سمعتي ياحبيبتي .. وهي ما كانت مخبرتني انا وريم لان تعرف ان نحن بنرفض هالفكرة لان كم مرة عرضت علينا هالشي وما رضينا وااخرتها قررت تنفذ خطتها بروحها ..


نوف : لهدالرجة توصل فيها الحقارة !! انها تخرب سمعتي !!


هند : هه .. لهالدرجه واكثر ياحبيبتي .. المهم انا يايتنج ابعترفلج بشي وودي انج تسامحيني ..


نوف : خييير.. شصاير بعد ؟؟


هند وهي موخية راسها : السالفة تخص أماني


نوف : شفيها أماني !!!


............................................


حميد فغرفته قاعد يلهي عمره بالنت .. فالبداية دش المنتدى وتم يقرا المواضيع والقصص لين ما مل وفخاطره : افففففف مليت من هالمنتدى الزفت .. شو اسوي يا ربي ؟؟ ليش ما ادش الجات اللي قالي عنه عبوود ؟؟ لا لا استغفر الله شو ادش الجات ؟؟ اووووووووووف .. وليش ما ادش !! انا بدش هالجات وأمري لله .. وعقب دش بنك [مالي شبيه] .. ويحليله هو عاد اول مره يدش الجات فتم يرمس فالعام وشويه وحده ترمسه ع الخاص .


[...] : هلا والله .. تو ما نور الجات


[مالي شبيه] : اهليين .. الجات منور باهله يالغلاا ..


[...] : اممم .. شحالك ؟؟


[مالي شبيه ] : تمام ربي يسلمج ويعافيج .. ومن صوبج ؟؟


[...] : بخير يعلك الخير ..


[مالي شبيه] : دوووووووووم يا رب ..


[...] : وياك فديتك ..


حميد ما رد عليها .. لانه اصلا ما كان ناوي يرمس بنات او يغازل بس البينه اللي بدت .. وعقب دقايق ..


[...] : اممممم .. مشغول ؟؟


[مالي شبيه] : هممم .. شوي ..


[...] : انزين ممكن ايميلك ؟؟


حميد هني انصدم من طلبها وتم دقيقتين وهو فاج عينه ع السؤال من الصدمه ..


[...] : وينك ؟؟


حميد ما عرف شو يسوي .. فقرر انه يطلع من الجات بكبره .. وع طوول ..


[مالي شبيه] : باي


............................................


فالصاله أم سعود كانت ياسة فالصالة بروحها وشوي ويدشوون أماني وسعود وأحمد وبدر وبدر عاد ع طووول سا حجرته عسب يرقد ..


أم سعود : هلا هلا .. عيل وين عليا عنكم ؟؟


سعود ( بصوت واطي) : فديت هالطاري والله ..


أحمد يساسره : كل ها وما تحبها ها ؟؟


أماني : امايه علايه وصلناها بيتهم ..


أم سعود : هييه .. انزين بلاكم واقفين تعالو ايلسو ..


الكل سار يلس ...


أم سعود : اقول فديتكم ترانا بنسير جماعه ويا قوم بوفيصل للشاليه


أحمد : صدق ؟؟


أم سعود : هيه صدق .. وبنسير انشالله يوم الجمعه الصبح


سعود : ومتى الرجعه ؟؟


أم سعود : عقب اسبوعين ..


أماني : واااااااااااااااااااو


سعود يساسر أحمد : منو قدك بتجابل ناس 24 ساعه ؟؟


أحمد : اسكت خسك الله .. عن تسمعك ..


سعود ( حب يستهبل على أحمد ) : منو اللي بتسمع ..


أحمد : اماني يالذكي ..


سعود ( يبا يقفط أحمد ) : ومنو قال اني كنت اقصد أماني ؟!! انا كنت اقصد عمري ..


أحمد قفط من الخاطر : هممم .. يالله عن اذنكم انا بروح


أم سعود : وييين ؟؟ .. اقعد معانا شوي


أحمد : اسمحيلي خالوه خليها وقت ثاني .. الوقت اتأخر


سعود : مشكله الواحد يوم يتهرب من الواقع ..


أحمد سوا طاف حق سعود : يالله مع السلامه ..


أم سعود : ربي يحفظك


أماني : أحمد سلم على نوف ..


أحمد : يوووصل ..


............................................


نوف : يعني الحين المشكله اللي صارت بيني وبين أماني كلها من وراس نوره ..


هند : هيه ..


نوف : انزين .. ليييييييييش ؟؟


هند : تنتقم من أماني لاخوها ...


نوف : وأماني شو يخصها ؟؟؟


هند : لانها هي اللي حرضتج واقنعتج بانج تنهين علاقتج ويا اخوها .. وعاد هي ما ترضى تشوف اخوها يتعذب بحبج ..


نوف : لا والله .. وانتو كنتو تدرون ؟؟


هند : نوف هدي .. ترا عشان جي انا يايتنج هني .. انا ابيج تسامحيني


نوف : على شوووووووووووو اسامحج ؟؟ انتي تعرفين انتو شو سويتو ؟!!!





احداث يديدة تنتظركم فالجزء الخامس






انتظر الردووود

[غزال ما ينصاد]

لو صدق انج عندي كان ذبحتج ..؟ يالله عاد خلصينا بالاجزاء مره وحده ..انا صرت انسى الاجزاء الي طافت بسبت هالاجزاؤ الباقيه ...يالله عاد يالدبه خلصينا وفكينا من الصبر ...؟ مشكووره ع الجزء .. وان شاء الله نتريا الاجزاء الباقيه ع أحر من الجمر ..يسلموووووووووو

بالتوفيق ان شاء الله جميعا يا رب ...>> آآآآآآآآآآآآآآآآآآآآآآآآآمين



نتريا الجزء الخامس ع أحر من الجمر

[هيبة بدويهـ]

اوكي بأقرب وقت بحطة .. لأني الصرااحة مااشووف ردود من حد ..

[غزال ما ينصاد]

طبعا لأنه منو مهتم في القصه غيري انا ...عاد انتي قدريني وحطي الاجزاء الباقيه وريحيني ..؟ ابا اعرف شو السالفه الي بتصير ..؟ انزين انتي ما تعرفين كم جزء باقي ..؟؟؟؟

يعطيج العافيه اختي

[هيبة بدويهـ]

خخخخخخخخخخخ لا ماعرف ,,تريا عااد انته ..
الصبر مفتااح الفرج ..

[M!$s.uAe]

يسلمووووووو فديتني ع القصه ... نتريا الجزء الخامس :smile: والي عقبه

[هيبة بدويهـ]

فديتج و الله بس عشاانج بحط الجزء الخاامس الحين ...

[هيبة بدويهـ]

سووري ع التأخير ..
**الجزء الخامس**


هند : نوف دخيلج سامحيني .. وعلى فكرة حتى ريم ناوية اتيج وتعتذرلج بنفسها ..


نوف : عقب شوو يا هند ؟؟ عقب شو ؟؟


هند : نوف .. دخيييييييييلج سامحيني وانا وريم مستعدين نصلح غلطنا ونرد علاقتج ويا أماني مثل قبل واحسن ..


نوف ( وهي تصيح ): انا ظلمتها وايد يا هند وااااايد ..


هند : خلاص يانوف .. لاتصيحين فديتج .. وكل شي انشالله بيتصلح


نوف : الله يسمع منج ..


هند : انزين حبيبتي انا لازم اروح الحين ..


نوف : الله وياج ..


هند وتوها بتسير قالت نوف : تتوقعين بتسامحني ؟؟


هند بدون ما تصد لانها كانت حاسه ان اماني مستحييييل تسامحها : انشالله ..


............................................


حميد فغرفته طايح ع السرير يفكر باللي سوااه : انا شو سويت ؟!! شو سويت ؟!! ما كان من المفروض اسمع رمسه هالخايس عبوود .. يا ربي بس انا ما سويت شي .. كل اللي سويته دشيت الجات .. ما فيها شي .. اووف امبلا امبلا فيها شي ونص .. اذا اليوم سمحت لنفسي ارمس وحده فالجات ما استبعد اني باجر ارمسها فالمبايل وعقب تصير بينا لقاءات .. يالله .. لاااء لو انا كنت ابا ما بيصير شي بينا .. انا لييش الحين جي شاغل بالي .. خلاص بنية ورمستها فالجات وانتهى الموضووع .. خلني ارقد الحين ويصير خير ليين باجر .. واستسلم حميد لرقاد


............................................


ومر الوقت وفيوم الثلاثاء وفوقت الغدا


بدر: الله امييييييه الاكل واايد لذيذ بصراحه ..


أبو سعود : تسلم ايدج فديتج ..


أماني : هي والله تسلم يمناج امايه ..


سعود ( بتمثيل مصطنع ) : وييييه .. امييه انتي اللي مسوية الغدا !!


أم سعود : اكييد


حميد : لا لا ما أظن .. اكييييد ليندووو فديتها اللي مسويتنه ..


أبو سعود ( بعصبية ) : حمييد شو هالرمسه ؟؟ .. احشمنا ع الاقل


حميد ( وهو موخي راسه ) : السموحه .. ( وقام من مكانه وع طوول سار الصاله يلعب play station )


أم سعود ( وتوجه كلامها لريلها ): خف ع الولد شوي الله يهداك ..


سعود : لا لا زييين .. خله يتأدب اللوتي ..


أبوسعود : انت جب جب .. محد معلمنه غيرك ..


الكل : ههههههههههههههههههههههههه


............................................


وفنفس الوقت فبيت أبو فيصل كانت نوف قاعده تقول السالفة لامل


نوف : وهااااي السالفة ..


أمل : يحليلج يا اماني ..


نوف : هي والله يحليلها .. وااايد ظلمتها ..


أمل : انزين لييش ما تدقيلها ..


نوف : انا بعد جي قلت بس عقب ما فكرت قلت برمسها فالشاليه face 2 face احسن ..


أمل : هي والله خووش فكرة .. خلاص عيل .. اتريي لين يوم الجمعه ..


نوف : انزين اقول امل .. انتي موو ناقصج شي حق الشاليه ؟؟


أمل : هي صح ذكرتيني .. انا اصلا ناوية اخذج ويايه باجر عسب نسير نتشرى اغراض من الموول ..


نوف : اوووكيه .. انا بعد ابي اشتري شوية اغرااض ..


............................................


فبيت أبو فيصل سعود يالس ويا أحمد فالميلس


سعود : ياخي قلتلك .. ما احبها .. انت ما تفهم ؟!!


أحمد : سعود لا تقص على عمرك .. صدقني انت تحب عليا ..


سعود : اوهوووو .. احمدوووه لا تيلس تتفلسف عليه .. قلتلك عليا انا ما احبها .. انا بس ابي العب عليها .. ياخي افهم ..


وبهاللحظة دش عليهم فيصل ..


فيصل : السلام عليكم


سعود + أحمد : وعليكم السلام والرحمه


فيصل : شحالك سعوود ؟؟


سعود : تمام ربي يسلمك .. انت شحالك ؟؟



فيصل : الحمدلله بخيير



أحمد : وانا طووفه يدامكم ؟؟


سعود : من يوومك هههههههههههههه


فيصل :هي والله ههههههه


أحمد : لا والله .. احلفو انتو بس ؟


سعود : والله نحن بس


فيصل : هههههههه والله وتعرف تنكت يا سعود ..


سعود : هههه ادري ادري احم ..


أحمد : ويا ويهك .. ( ويوجه كلامه لفيصل ) ما عليك منه ترا دمه ثجييل ..


سعود : اوهووو .. فيصلووه سكت اخوك ..



فيصل : ههههههه .. انا ما يخصني فيكم ..


............................................



أماني عقب ما تغدت ع طوول سارت حجرتها ودقت حق عليا ..


أماني : السلام عليكم


عليا : وعليكم السلام والرحمه


أماني : شحالج ؟؟


عليا : تمام .. وانتي ؟؟


أماني : تمام دامج تمام


عليا : خيييير .. شو عندج ؟؟ ليش داقه ؟؟


أماني : بللللللل .. فالويه والله


عليا : هههههههه .. لا بس مستغربه .. مو من عادتج انتي ادقين .. عاده انا اللي ادقلج ..


أماني : ههههههه .. خلاص ولا تزعلين من اليوم ورايح انا بدقلج بنفسي ..


وعقب تمو عليا وأماني يسولفون نص ساعه تقريبا


أماني : اااااااااااي راسي يعورني .. بس مو منج من سوالفج اللي ما تخلص


عليا : ههههه والله محد قالج تدقيلي ..


أماني : وعاد انتي ما تصدقين ..


عليا : هههههه .. امبلا اصدق ..


أماني : انزين ما قلتلج بنسير الشاليه يوم الجمعه


عليا : اوونه .. يا حظكم والله ..


أماني .. تبين الصراحه انا ودي اسير وفنفس الوقت ما ودي


عليا : ولييش ؟؟


أماني : ترا قوم عمي راشد بعد بيسيرون .. واكييد نوف بتي .. وانا اخاف يصير شي هناك ..


عليا : اهااا .. لا لا فديتج .. انشالله خيييير ..


أماني : انشالله ..


عليا : اقول فديتج بخليج الحين .. امي تبيني ..


أماني : اووكيه .. سلمي عليها


عليا : يوصل فديتج .. يالله بباي


أماني : باي ..


سكرت أماني عن عليا وسارت يلست ويا أمها فالصالة وتمو يسولفون ومررر اليوم بسرعه



............................................



يوم الاربعاء الصبح .. فبيت أبو فيصل وبالتحديد فغرفه نوف اللي كانت راقده


أمل : نوفوووه..


نوف : همممممممم


أمل : يالله نشي سرعه ..


نوف : انزيييين ..


أمل : يالله انزين .. بسرعه انا انطرج تحت ترا طلال مستعيل


نوف : وليش طلال ؟؟


أمل : ترا هو بيوصلنا ..


نوف : انزين


نوف قامت خذتلها شور و لبست وتعدلت ونزلت تحت عند اختها اللي كانت تترياها عسب يسيرون المول ..


أمل : نعيما ..


نوف : الله ينعم عليج ..


أمل : يالله .. مشينا ؟؟


نوف : مشينا



............................................



أحمد بعد ما تريق سار قعد فالحديقة وتم يفكر فأماني وشوي و بدون ما يحس تم يغني هالاغنيه ...



ياللي على البال تطري وانت ماتدري
وش ذنبه الللي يحبك وانت خليته؟
وش ذنبقلب رسم لك حبه العذري؟
وش ذنب دمع على طاريك هليته؟
لو كان عمري بـيـديفـدوتـك عـمـري
لكن عـمـري بـيـدن اللـي تـرجـيـتـه
انه يرد الـزمـاناللــي على خــبــري
واعيش لـيـلـك وحلـم كـم تمنــيـته
يوم ان قلبكبصدري وانت في صدري
ضيف سكن بالحشا واثر الحشا بيته
الايام تـجريوعـمـري بالشقا يـجـري
حتى الشقا منك رافـقـتـه وحـبـيـته
اصـبر عـلىحالتي ويـمـلـني صـبري
واعـيش في لـوعـتي واقول ياليته
واللـيل فيناظـري ياصاحـبي يسري
والشعر لاجل الهـوى جبته وغنيته
واذا تـكـلـمعـذولــي قـلـتـلـه عـذري
ان الهوى يذبح العاشق...وانا جيته
ولا انـتمـاتــدري انـك كـل ماتـطـري
يـصيـح بين الحنايا شي خلـيـتـه!!


وعقب ما خلص لتفت لصوت فيصل : لهالدرجه تحبها ؟؟


أحمد : فيييييييييييصل ؟!!!



............................................



نوف كانت قاعده تتشرى هي وأمل و كل ما شرت شي اشترت لأماني نفسها .. يحليلها مو مصدقة انها بترد ويا اماني شرات قبل ..



أمل : نوف .. مب جنه واايد شرينا ..


نوف : هيه والله .. انزين اقول ..


أمل : قووولي


نوف : شرايج توديني جيليز تغديني ؟؟


أمل : ههه .. انشالله .. بس عقب ما ندش هالمحل ( وتأشر ع المحل اللي جدامها )
دشو أمل ونوف المحل وشروا اللي يبونه وعقب ساروا جيليز وهم يتغدون نوف انصدمت يوم شافت نورة واخوها بنفس المطعم ..



............................................



عليا كانت قاعده ويا أماني فحجرتها ..


عليا : انزين سعود اخووج عمره ما حب ؟؟


أماني : ههههه سعود عمره ما فكر انه يحب .. سعود بس يحب يلعب فالبنات


عليا فخاطرها :: يعني معقوله هاك اليوم كان بس يبي يلعب علي ؟؟ معقوولة ؟؟


أماني : حووووه .. وين سافرتي ؟؟


عليا : اووه .. بلاج ؟؟ .. انا وياج ..


أماني : هي مبين ( وتغمزلها )


عليا : انزين مو مهم .. ما قلتيلي مزهبة اغراضج حق الشاليه ؟؟


أماني : هيه الحمدلله .. مو ناقصني شي ..


عليا : زييين .. ما اوصيج مب تسيرين هناك وتنسيني ..


أماني : افااا .. وانا اقدر ..


عليا : هههههههههه .. طبعا ما تقدرين ..


أماني : لا والله ؟؟


عليا : هي والله


أماني : هممم .. شرياج ننزل الصاله ؟؟ مليت من هالحجرة ..


عليا : اوووك .. اللي تبينه ..



أماني وعليا نزلو الصالة وتمو يالسين يسولفون شوي وعقب نزل سعود اللي كان متكشخ من الخاااااااطر .. كان صدق يطيح الطير من السما .. ( كان متعمد انه يتكشخ يوم درا ان عليا فالصاله ) ..


سعود : السلام عليكم ..


أماني + عليا : وعليكم السلام ..


سعود : أماني انا بظهر الحين تامريني بشي ؟؟


أماني : لا سلامتك .. بس وين ساير بكل هالكشخه ؟؟


سعود : مووواعد .. ( واول ما قال جي صد على عليا عشان يشوف ردة فعلها بس هي كانت مسوية طااف ) عندج مانع الشيخه ؟


أماني منصدمه : انت من صجك ؟!!!



............................................



هند ترمس ريم فالتلفون


هند : انا خلاص اعترفتلها بكل شي وريحت ضميري


ريم : انا بعد لازم ارمسها .. بس بصراحه انا خايفة من نورة


هند : وليييش تخافين منها ؟؟


ريم : اخافها تسويلنا مشاكل ولا شي ..


هند : تخسييي الا هي وتهبي ..


ريم : ما علينا كيف الحين بنرد نوف وأماني شرات قبل ؟؟؟؟


كـــــــــــــــــــــت

انتطروووني فالجزء السادس

[M!$s.uAe]

يسلمووووووووووووووووووووو

[هيبة بدويهـ]

اتصدقين اني واايد اندمجت و يا القصة عشاان جيه بحط كذا باارت ورا بعض ..

[هيبة بدويهـ]

باكووووووووووو
**الجزء السادس**


هند : تخسييي الا هي وتهبي ..


ريم : ما علينا كيف الحين بنرد نوف وأماني شرات قبل ؟؟؟؟


هند : همممممم .. تصدقين ما ادري ..


ريم : كيف ما تدرين !!


هند : تدرين شو ؟؟ احسن شي نعترف لأماني بكل شي وخلااص ..


ريم : همممم .. خلاص عيل احسن شي نسيرلها البيت ونرمسها ..


هند : بس هم بيسيرون الشاليه ..


ريم : خلاص عيل .. بنتريا ليين ما يردوون من الشاليه ..


............................................


خلونا نرجع لعمر اللي لما شاف فيصل انصدم ..


أحمد : فيييييييييييييييييييصل ؟؟


فيصل : هي فيصل بلاك مستغرب ؟؟


أحمد : لا ماشي .. بس انت منو قصدك لما قلت لهالدرجه تحبها ؟!!


فيصل : ههههه .. أماني طبعا .. ولا في غيرها ..


أحمد ( بصدمه ) : وانت شدراك ؟!!


فيصل : حااس فيك


أحمد : تدري يا فيصل انت الوحيد اللي حاس فيني ؟؟


فيصل : ههه يمكن لاني مريت بهالتجربة شراتك .. ( بعدها تنهد من الخاطر ) ااااه يشهد الله اني حبيتها بكل معنى الكلمه .. ( وتم يطالع السما وبعد ما خانته دمعته اللي بعينه ونزلت ) :


والله ما يسوى أعيش الدنيا دونك
لا ولا تسوى حياتي بهالوجود
دامك إنت إللي رحلت وكيف باصبر
على البعاد وكيف بنثر هالورود
ما وعدت إنك تقاسمني المحبة
وتبقى لي حب ولدروبي دليل
بس حسافة الموت ( قالها وهو يصي من الخاطر ) كان أقرب وأرحم
حسبي الله وحده ونعم الوكيل
روح أنا راضي غيابك يا حياتي
هذي قسمة لي وهذي لي نصيب
كنت شمعة تظوي وتشرق حياتي
وإنطفيت ورحت في وقت المغيب

عمر كان ساكت طوول الوقت لانه صدق تأثر بحاله اخووه وما عرف شو يقول ففضل انه يتم ساكت ..


( فيصل على طوول توجه لغرفته .. لانه كان واااااااايد تعبان وبمجرد انه تذكر حبيبته تعب زياااده ) ..


............................................


عند نوف واختها امل خلصو غدا وطلعو من المووول بدون ما يصير أي شي بين نورة واخوها ونوف لانهم اصلا ما انتبهو لنوف .. اما نوف فهي من شافتهم وهي ميته خووف وما ارتاحت الا بعد ما طلعوا من الموول .. وبعد ما طلعو من المول طلالوامل وصلو نوف بيت ابو فيصل وهم ساروا بيتهم ..


............................................


أماني بعد ما روحت عليا عنها سارت تشوف حميد اللي صارله مدة ما يقعد معاهم .. فغرفه حميد ..


دق دق دق


حميد : أأأأأأ .. لحضة .. لحضة .. ( وعلى طول بند الكمبيوتر من الهكربا ).. هممم .. تفضل ..


أماني : حميدووه يا الخايس ولهت عليك .. لييش ما اتي تيلس ويانا تحت ؟؟


حميد ( بارتباك واضح ) : ها .. هي الحين بنزل ..


أماني : لالا .. اصلا ما في حد الحين فالصاله .. انا بس بغيت ايي اقعد معاك شوي .. بس تعال شو فيك مرتبك ؟؟


حميد : ل لا .. لا مـ ما فيني شـ شي ..


أماني ( ما كانت مطمنه من رد حميد اللي واضح فيه انه واايد مرتبك ): انزين ما علينا .. مزهب كل شي حق الشاليه ..


حميد ( وبدى يهدى شوي ) : هي مزهب كل شي ..


أماني : انزين حميد انا ملانه .. شرايك نظهر ؟؟


حميد : انزين .. انزين ..


أماني وحميد عقب المغرب وعقب ما تزهبوا ساروا المول و تموا يتمشون ويسولفون وتشروا شوية اغراض واخر شي حميد عزم أماني ع العشى .. وعقب ما ردوا يسوا فالصاله اللي كان الكل متيمع فيها .. وعقب ما تمو يسولفون ويضحكوون ع سوالف سعود وحميد كلن سار غرفته يتأكد أذا شي ناقصنه عسب يسيرون الشاليه باجر وعقب ما تأكدوا من اغراضهم كلن استسلم لرقاده ..



............................................


الا شخص واحد فالبيت جافاه النوم هالشخص هو سعود .. سعود كان فذاك اليوم كل تفكيره فعليا ما يدري شو سبب تفكيره فيها .. بس كل اللي كان يعرفه انه متعلق فيها وااايد وكان يحس بشوووق غريب لها .. كان حاس عمره صدق تايه فمتاهه كبييييره ولا يدري من وين يطلع من هالمتاهه .. مرة يقول فخاطره : معقووووله هذا الحب ؟!! .. ومرة يقوول : لاء هذا بس مجرد شوق .. يمكن لأني تعودت عليها .. او يمكن لاني متشوق للعبة اللي بلعبها عليها ... وحاول يحلل شعوره لها بس للأسف ما لقى الجواب .. كان حاس انه يحبها بس كان يحاول يتهرب من هالفكرة وفجأة توجه لمكتبه اللي بغرفته وطلع ورقه من الردج ولقى عمره يكتب بخط حلووو كلمات اغنيه اسمحلي اشوفك ..




اسمحلي اشوفك قبل ما اروح
اسمحلي اداوي الجرح وارتاح
تدري بعادك يقتل الروح
حكم الخريف والورق طاح
هاك عمري خذ منه وتوح
عذب فوادي كان ترتاح
بحفظ الذكرى واوعدك ما ابوح
لو هل دمعي وكان فظاح
رسمتك غلا فرح وصروح
رسمه من الجواهر طير وجناح
مال للشقا فايض ومربوح
غير الحزن اهات ونواح
وبعد ما خلص تم يتذكر كل شي صار بينه وبين عليا من اول لقاء وتم يتذكر ملامحها وعيوونها الجذابه .. وااخر شي وبعد التفكير استسلم لرقاده ..


............................................


يوم الجمعه .. الساعه 9:00 ص فبيت أبو فيصل ..


أبو فيصل : ها كلكم زاهبين ؟؟


أم فيصل : هيه فديتك .. بس أمل وطلال بعدهم ما يو ..


أبو فيصل : انزين فيصل دق لطلال وقوله يلاقينا فبيت أبو سعود .. ترانا بنظهر يماعه ويا قوم ابو سعود ..


فيصل : انشالله ابويه ..


............................................


فبيت أبو سعود الكل قاعد فالصاله يسووولف ما عدا سعود اللي كان طول الوقت سرحان ..


بدر : ابويه قوم عمي راشد وايد تأخرو ..


أم سعود : شعنه مستعيل فديتك الحين بيون ..


أبو سعود : ههههه ( ويوجه كلامه لبدر ) امك ردت عني ..


أماني: يا سلاام .. والله حدي ستانسه ..


أم سعود : يعله مديم ..


أماني : امييييييييين ..


حميد : ابووويه امييه انا من الحين اقولكم .. اكبر غرفه حقي بروحي وانتو ارقدوا ويا بدور ..


الكل : ههههههههههههههه


بدر : هيهيهيهيهي قول انك ما تبي ترقد ويايه يالدب ..


حميد : هههه انت قلتها بروحك .. ما ابا ارقد وياك ياخي .. غصب ؟؟


أبو سعود : هههه .. هي غصب ..


وفهاللحظة يدق الجرس


أم سعود : هههه .. هكم وصلو ...


بدر : انا بسير افج الباب ..


بدر بعد ما فج الباب سلم على عمه ومرت عمه وعيالهم ودخلهم الصاله وبعد السلام تمو يسولفون ويضحكوون وأماني كانت عاديه ويا نوف تسولف وتضحك وياها ونوف نفس الشي وبعد لحظات وصلت أمل وريلها ويسوا شوي وعقب توكلو على ربهم وطلعو كلهم يماعه ..
طلال وأمل ونوف وأماني وبدر بسيارة وفيصل وأحمد وسعود وحميد بسيارة وأم فيصل وأبو فيصل وأم سعود وأبو سعود بسيارة وعاد كان الجو خبااااال فسيارة أبو فيصل تمو يرمسون عن الشغل شوي وعقب تمو يسولفون ويضحكون وفسيارة طلال بعد كانوا يسولفون وأماني كانت مستغربة من تحول نوف بس بعدد ما حبت تغير الجو وفسيارة فيصل سعود حاول انه ينسى عليا شوي ويستانس وكانو طووول الوقت يضحكوون ويسولفون ..


حميد : اقوول فالشاليه ما شي بانشيات ؟؟


أحمد : هممممم .. امبلا شي


سعود : هي صح .. احيد يوم اخر مرة سرنا كان شي بانشيات


حميد : انزين منو فيكم بيسابقني ؟؟


فيصل : هيهيهيهيهيهي انا نصيحه يعني لحد يتحداني ..


حميد : لا والله !! ما شي انا اتحداك .. بس اذا فزت شو بتعطيني ..


فيصل : لا ابوي ما ترووم .. لا تحاول ..


سعود : انزين فيصل انت جرب أخووي .. ما بتخسر شي ..


أحمد : ههههه . هي هي ..


فيصل : هممم .. انزين خلاص ( ويوجه كلامه لحميد ) اتحداك ..بس خل نوصل بالاول ..


حميد : بس اذا فزت شو بتعطيني ؟؟


فيصل : همممم انت شو تبيا ؟؟


حميد : اذا فزت اباك تعطيني 1000 درهم نوط ينطح نوط


سعود : بل بل بل 1000 درهم مرة وحده !!


فيصل : هههه وانا موافق بس اذا انا فزت تدري شو بعطيك ؟؟


حميد : شوو ؟؟


فيصل : كف محترم ..


الكل : ههههههههههههههههههههه


وبعد ما وصلو كانت الساعه 11:30ص وكلن سار غرفته عشان يحطون اغراضهم وقرروا ان التحدي يكون العصر وفيصل كان بغرفه ونوف وأماني كانو بغرفه وأحمد وسعود بغرفه وبدر وحميد بغرفه وأمل وطلال بغرفه وأم سعود وأبو سعود بغرفة وأم فيصل وأبو فيصل بغرفه وبعد ما رتبوا اغراضهم تيمعوا كلهم فوقت الغدا وبعد الغدا ساروا نوف وأماني يتمشون ع البحر وأمل وريلها وأم سعود وأبو سعود وأم فيصل وأبو فيصل سارو يرقدون شوي و فيصل وأحمد وسعود وبدر وحميد ساروا يلعبون كرة ع البحر ..


............................................


عند نوف وأماني


أماني : هممم نوف ممكن أسألج سؤال ؟؟


نوف : اكيييد فديتج


أماني : شو اللي غيرج علي فجأة ؟؟


نوف : هممم .. تدرين ؟؟ كنت اتمناج تسأليني هالسؤال عسب تسهلين علي اللي بقوله ..


أماني : انزين .. والحين ممكن اعرف ؟؟


نوف وبعد ما قالتلها السالفه ..


أماني : معقولة سلطاااان !!


نوف : هيه معقوولة ..


أماني ( ودمعتها بعينها ) : شفتي الحين انج كنتي ظالمتني ؟؟


نوف : أماني دخيييلج سامحيني .. انتي ما تدرين شكثر انا تعذبت


أماني بدون ما تقول شي ع طول حضنت نوف وهي تصيح ونوف نفس الشي ..


............................................


سعود : اااخ .. كسرتوني الله يخسكم ..


بدر : هيهيهيهيهي .. شي طبيعي ..


أحمد : افف .. انا تعبت بسني ..


سعود : احمدووه قم انا وانت نتمشى شوي


أحمد : اووكيه ..


حميد : اشوفكم انسحبتوا ها ؟؟


فيصل : حميد ما عليك منهم .. المهم فزنا ..


حميد : انزين متى بنركب البانشيات ؟؟


فيصل : هممم .. ما ادري .. بس تدري اليوم خلنا نستانس وباجر انشالله بنتسابق


بدر : الله بتسابق وياكم ..


حميد : لا لا ما شي .. ها تحدي بيني وبين فيصلووه ..


فيصل : اييه اييه .. شو فيصلووه .. اصغر عيالك انا ؟؟


بدر : ههههه .. ويييييو هزبووه ..


فيصل : انت جب جب .. اقولكم شرايكم نسير نسبح الحين ؟؟


حميد : همم .. عادي عندي ..


بدر : هي هي بنسير ...


فيصل : يالله ...


............................................


سعود : اااااخ يا أحمد .. تعبت والله اني تعبت ..


أحمد : حاس فيك وربي


سعود : احمد ..


أحمد : هلا ..


سعود : ابا اعرف .. شو يعني الحب ؟؟؟






كـــــــــــــت


اتـــريـوووووونــــــــي فالجـــــــزء الــيــــــــاي





انتظر الردود

[هيبة بدويهـ]

**الجزء السابع**
سعود : اااااخ يا أحمد .. تعبت والله اني تعبت ..

أحمد : حاس فيك وربي

سعود : احمد ..

احمد : هلا ..

سعود : ابا اعرف .. شو يعني الحب ؟؟؟

أحمد :همم شو تباني اقولك عن الحب ؟؟ الحب هو ذاك الشعور اللي يجول فكل مكان ويطووف الدنيا لين ما يحصل على فرصته ويداعب الاحساس ويسحر العيون ويتسسل بهدوووء ويستقر فغفلة من العقل وغصبا عنك وفداخل القلب يتملك الروح والوجدان ..الحب هو ذاك الشعور اللي يتملك الانسان في داخله ويطوف به العالم وين ما يبا من افراحه واحزانه .. الحب كلمه بسيطه بحروفها .. كبيرة بمعناها لدرجه ان لساني يعجز بوصف معنى الحب .. صدقني يا اخووي ما اعرف معناه بس كل اللي اعرفه اني احب اما... أأأأأ ..

سعود : ههه شفيك كمل .. لييش مرتبك ؟؟ كلنا ع الهوا سوا ..

أحمد : هههه .. ما عليك مني .. المهم قولي شفيك .. ليش ضايق خلقك ؟؟ اشوفك طوول الوقت سرحان وتفكر وحالتك حاله ..

سعود :آآآآه .. الشوووق ياأحمد .. الشوووق ذابحني ..

أحمد : هممم سعود انته من صجك تحبها ؟؟

سعود : ما ادري .. والله اني ماادري .. للحين مب قدر احصل وصف للشعور اللي انا فيه ..

أحمد : ههههه .. تعرف الورق لي طاح من الشجر بكل ذل ؟؟ تعرف نظرة المحتاج أو شفتها ؟؟ تعرف دموع الطفل لي ضيع طريقه ؟؟ تعرف هم الغريب لي هجر بيته ؟؟ اذا كان هذا حالك بدووونها ؟؟ فصدقني انت تحبها ..

سعود : آآآآآآآه يا قلبي .. هذا حاااليه بدوونها يا أخووي .. هذا حاليه ..

أحمد : عيل تحبها وانا اخووك .. بس تعال وين اللي يقول انا بس أبلعب عليهااا .؟؟ وين اللي يقوول من سابع المستحيلاات انا احب ؟؟ وين اللي يقول الحب اكبر سخااااااااافه ها ؟؟ وينه ؟؟ قولي وينه ؟؟

سعود : اللي قالك هالكلام تبدل .. صدقني انا ما عرفت معنى هالكلمه الا يووم حسيت باللي حسيته .. وانا مستعد اسحب كلامي .. الحب ما هو بأكبر سخاافه بس الحب أكبر عذاااب .. والله ان الحب عذاااااب ..

أحمد : وانا بعد اشهد ان الحب عذااب .. بس خلااص عاد .. انت لييش مسوي جي بعمرك ؟؟ مب عليا جي مخبله فيك ..

سعود ( وبضحه استهزاء ) : ههه عليا اللي تتكلم عنها غييير عن كل البنات .. تصدق يا أحمد عليا الوحيييده من بين كل البنات اللي ما سوتلي سالفه ولا اهتمت لي ودووومها مسوتلي احلى طااف وهالشي علقني فيها زيااادة ..

أحمد : هههههههههه .. ابشرك ترا عليا تبادلك الشعور ..

سعود : تتطنز حضرتك ؟؟

أحمد : لاوالله ما اطنز .. بس صدق يووم طلعنا وياهم هاك اليووم حسيت من نظرتها لك أنها تحبك ..

سعود : يااااليت والله يالييت .. جان ارتحت ..

أحمد : اقوولك خل عليا عنك الحين .. وطوووف نسير نسبح فالبحر ويا قوم فيصلووه ..

سعود : اووكيه ..

أحمد وسعود سارو سبحوا ويا قوم فيصل .. مع ان الجوو كااان بارد شوي .. وبعد ما خلصوا كلن سار ياخذله دش وعقب الكل تيمع فوقت العشا ع البحر .. ( كانوا فارشين حصير ووو... الخ )

فيصل : عمي محمد .. باجر انا وحميد بنتسابق بالبانشيات .. اذا ما عندك مانع ؟؟

حميد ( يساسر فيصل ) : وانت ما تروم تيود لسانك شوي ..

أبو سعود : حميد ترانا سمعناك ..

الكل : ههههههههههههههههههههه

فيصل : هههههه .. ها عمي شو قلت ؟؟

حميد : دخيلك ابووويه وافق ..

أبو سعود : انزين خلاص .. انا ما عندي مانع .. بس شاور امك بالاول ..

أم سعود : صراحه انا هب مرتاحه لهالبانشيات ..

حميد : يالله عاااد يا امييه .. ما بيصيبني شي .. الا هو سباق

أم فيصل : خليييه يا سارة برايه الولد ..

أم سعود : انزين خلاص .. مااا عليه

سعود : هههه .. وعلى فكرة تراهم متراهنين بعد

أبو فيصل : هههه .. وعلى شو انشالله متراهنين ..

أحمد : اذا حميد اللي فاز .. فيصل لازم يعطيه 1000 درهم ..

بدر : خيييييييبه .. حميد انا اخوك .. كم بتعطيني ؟؟

حميد : هههااااي الحين تذكرت ياللوتي .. احلم .. ولا فلس ..

الكل : ههههههههههههههههههههه

أماني : انزين واذا فيصل اللي فاز ؟؟

فيصل( وبحماس وقبل لا يجاوب أي حد قبله ) : بعطييه كف محترم لانه تجرأ انه يتحداااني ..

الكل : هههههههههههههههههههههههه
طلال : ههه .. حرام عليك فيصل .. خف ع الولد شوي

حميد : لا لا ماا عليك .. اصلا مستحيييل يفوز على شيخ الريايل حمييد

الكل : ههههههههههههههههههههههه

نوف : انزين .. اقوول أحمد شلنا بشله دخييييييييييييلك ..

أبو سعود : هيه صح .. من زمااان ما سمعت صوتك ..

أماني : هي هي انا سمعت صوته هاك اليووم .. عذااب والله

سعود ( يساسر أحمد ) : اوووب .. من قدك ؟؟ مااا نروووم والله ..

أحمد ( سوا طاف لسعوود ) : حاضرين والله ..

...

ما لوم عيني تسهر عليك
واحلمك في غمضه عيوني
طبعك حلو ميت انا فيك
واللي شراتك من يكوني
ملاك لكن من يساويك
انت اللذي ساكن عيوني
اغليك يالمحبوب واغليك
غصب على ناس اعذلووني
لو ذقت منك هجر بعطيك
حب وغلا واحلى شجوني
لا تظن يالمحبوب ناسيك
ولا تظن حبك لي يهوني ...

أحمد ما شل عيوونه موول عن أماني وهو يشل لدرجه ان خدودها احموو من المستحى وطبعا محد لاحظ نظرات أحمد لأماني غير فيصل وسعوود ونوف ..

أبو سعوود : سلام الله علييك يا ولد أخووي ..

أحمد : الله يسلمك عمييه ..

أمل : ماشالله عليك أحمد صووتك واايد حلوو ..

أحمد : احم .. مب انا بس ( قالها وهو يطالع أماني ) ..

نوف : هي صح عمييه بنت صوتها بعد واايد حلوو ..

أبو فيصل : عيل يالله أماني اطربينا بصوتج الحلو ..

أماني : لا عمييه .. استحي ..

حميد : يالله عاااد .. عن الدلع الزاايد ..

نوف : ايييه .. انت جب .. كله ولا أماني .. عاد شي ناس هني اكيييد ما يرضوون ( وغمزت لأحمد )

بدر : انزين يالله اماني ... دخيييييلج ..

أم فيصل : يالله عااد أماني ..

أماني : انزين انزين .. بس طبعا انا بغني .. ما بشل ..

أمل : هههه .. المهم نسبع صوتج ..

أماني : ههه .. اووكيه ..


...

اسعد اللحظات في عمري حبيبي
لي نظرتك تبتسم وانته معايا
( قالتها وهي تطالع أحمد وأول ما جت عينها بعينه ع طوول نزلت عينها )
تنتشي بك دنيتي وانته طبيبي
وانت روح الروح واوصالك كفايا
نظرتن منك تطفي لي لهيبي
والهنا في قربك وهذا منايا
دونك الدنيا بلا ذوق وتغيبي
عن شفاتي بسمة الفرح وهنايا
ترجمتلك روحي الشوق العجيبي
لي سكن في داخلي وكسر عضايا
عانق السحب ورقى النجم الرقيبي
ماتعايا وصلك ماتعايا
والوله لي يشبه بوصفه غريبي
تايهن يبحث عن الديار وحمايا
ما لقى غير الشقى ودربه صعيبي
كلما حلق حماته في هلايا...
أحمد ( بصوت واطي ) : يسلملي هالحس والله ..

سعود ( بصوت عالي متعمد عشان يفضح أحمد ) : هاا أحمد شو قلت ؟؟ .. عل صوتك شوي ..هههه

أم سعود : فدييتج والله غناتيه ..

أم فيصل : ماشالله علييج أماني صوتج واايد حلووو

سعود : احم .. شي طبيعي .. طالعه على اخوها الموهووب ..

طلال : لا والله !! عيل يالله سمنا صوتك ..

سعود : هههاااا ي اصلا بدوون ما تقولون .. شوفوا انا بشل شله .. وهي اهداء حق ناس مب ياسييين ويانا .. بس والله اتمنى لو يوصلهم هالاهدااء ..

حميد : لا والله !! لايكوونحق ... ( وقبل لا يكمل على طوول سعود حط ايده على حلج حميد عسب لا يفضحه )

سعود ( يساسر حميد ) : ان ما يودت لسانك يا حميد والله لاتشوف شي ما شفته ( وع طوول رد مكانه )

أبو فيصل : يالله انزين يا سعوود .. سمعنا ..

سعود : انشالله .. احم .. احم ..

...

تحيه طيبة وبعد التحيه
احي قلبك القاطع وصاله
مضت ايام بك وامضت عليه
سهر ودموع وهموم وعباله
اسأل النـاس عنك وانت فيـه
واهاذي بك تلايا الليل داله
ذبحت القلب والطرف وصبيه
و زولك ذابح الفكر وخياله
ألا وينك تعال وحس بيـه
اعـاني من غيابك واحتماله
بغيت اعرف حياتك كيف هيه
عساك بخير واطياب وسهاله...

طلال : اوووب اووب .. ع حربي العامري العاشق الولهان ( ويغمز له )

سعود : هههههه .. تتطنز حضرتك ..

أبو فيصل : ماشالله عيل عيالنا كلهم موهوبين ونحن ما ندري ..

أبو سعود : عاد أنا عيالي طالعين على أبوهم ..

الكل : ههههههههههههههههههههه

أم فيصل : اقوول .. شرايكم لو نتعشى هني ؟؟

أحمد : هي والله الصراحه الجو هني خبااال

أم سعود : هممم .. انا بعد جي اقوول .. نتعشى هني احسن ..

أبو فيصل : والله الشور شوركم انتو يالحريم .. اللي تبونه سوووه ..

أبو سعود : هيه والله .. صح كلامك ..

أم سعود : عيل نحن بنقووم نزهب العشا ..

أم فيصل : هيه .. يالله عيل نوف .. أماني .. أمل .. قوموا زهبوا ويانا ..

نوف + أماني + أمل : انشالله ..

ساروا البنات ويا الحريم يزهبوون العشا .. اما الرياييل تمو يسولفوون شوي وعقب تموا يلعبوون ورق وحميد مسوي فيها الزعيم اونه يتم يتحداهم ودوومه يخسر لوول ومن صوب البنات تمو يزهبون العشا ويحليلهم ما خلو شي ما سووه وعقب ما خلصو وودو العشا والكل عيبه الاكل وعقب العشا تمو بعد يسولفوون وبعدين الكل سار يرقد وما بجا غير نوف وأماني وفيصل وأحمد وسعود ..

نوف : ههههه .. والله وناسه اليووم ..

أحمد : هي والله ..

أماني : هع .. يحليلها والله علاايه .. يليتها كانت ويانا

سعود من سمع طاري عليا انجلب حاله والكل لاحظ هالشي ..

سعود : نووف لو سمحتي بغيت ارمسج شوي .. من بعد اذنك يعني يا ولد العم ..

أحمد : لا لا عادي خذ راحتك ..

سعووود ع طوول سار يتمشى ويا نووف ع البحر ..

سعود : هممم نووف .. انا بغيت منج طلب ..

نوف : هممم .. آمر ..

سعود : شوفي انا بعدج مثل اختي وبصارحج باللي فخاطري..

نوف : اووكيه ..

سعود : بصراحه يا نوف انا احب عليا ..

نوف : هااااا !! بس انت متى شفت عليا ؟؟

سعود : هممم قبل كانت كل يومين تقريبا اتي عندنا البيت عشان اماني ..

نوف : اهاااا . انزين وشو المطلووب مني ؟؟

سعود : همم بصراحه يا نوف انا ابي اوصل لعليا .. يعني وباختصار ابي رقمها ..

نوف : اشووووووووووه !! استخفيت انت ؟!!

سعود : والله يا نووف ان قصدي شريف ..

نوف : بس البنت انا اعرفها .. وهي مستحيييييييل تسمح لنفسها ان ترمس واحد فالتلفوون ..

سعود : والحل ؟؟؟

نوف : هممممممممم .. تخطبها ..

سعود : هممم . بس .

نوف ( وتقطع رمسته ) : لا بس ولا شي .. اسمع يا سعوود .. اذا كنت تحب عليا صدق فمالك الا انك تخطبها ..

سعود : خلاص عيل .. برمس أماني .. وبخليها ترمس عليا ..

نووف : اووكيه

............................................

من صووب أماني وأحمد اللي اول ما سارو سعود ونوف دار بينهم هالحوار ..

أحمد : هممم تدري اني مووت احبك .. وان مالي غير حبك .. واللي ينبض في ضلوعي .. ما هو قلبي هذا قلبك ..

أماني ( بصووت واطي وبدوون ما تحس ) : فديت هالحس والله ..

أحمد ( استااانس يوم سمع بس حب يستهبل ) : اشووه .. عيدي اللي قلتيه لو سمحتي ..

أماني ( بارتباك وتوها حست باللي قالته ) : هاا .. ما قلت شي انا ..

أحمد : همم أماني ..

أماني : لبييه ..

أحمد : لباج قلبي .. انتي قط مرة حبيتي ؟؟

أماني : أحمد دخييلك غير الموضووع ..

أحمد : دخيييلج أماني ردي عليه وبصراحه ..

أماني : يعني تستهبل حضرتك ؟؟

أحمد : لا ما استهبل ..

أماني : هممم .. بصراحه هيه ..

أحمد ( وبصدمه ) : وللحين ؟؟

أماني : الحيين زاد حبي له فوووق ما يتصوور ..

أحمد ( وبقهر من الخاااااطر ) : اشووووووووه !! ومن يكون هذا ؟؟

أماني ( وهي موخيه راسها ) : انتي يا أحمد انت ..






















اتريا ردوووووودكم

[هيبة بدويهـ]

أحمد ( انجلب حاله وصدق استانس من الخاااطر بعد ما كان مقهوور ) : ياويل قلبي انا .. انا بحلم ولا بعلم ؟؟

أماني : ههه لا بعلم ..


وبهاللحظة ايوون سعود ونوف ..

سعود : أماني ..

أماني : هلاااا ..

سعود ( وبكل جديه ) : ابا اخطب ..

أحمد + أماني : اشوووووووووووه !!

سعود : اللي سمعتووه

أماني : ومن هي سعيده الحظ ؟؟

سعود : أأأأ .. عليا ..

أماني : بس .. أأأ ..

سعود ( وبعصبيه ) : بس شوووووووووووه !!


أماني : بس عليا انخطبت ..

سعود : شووووووه .. متى ؟؟

أماني : من كم من يوووم ..

سعود ع طووووول سار عنهم وهو واصل من العصبية حددده ..

أحمد : سعوود .. سعوود .. لحظة ..

أحمد : عن اذنكم ..

نوف : أماني .. عليا من متى انخطبت ؟؟

أماني :نوف بليييز سكري الموضووع ..

............................................

سعود : خلاااص عليا راحت من ايدي يا أحمد .. راااحت ( قالها وهو يصيييح)..

أحمد : خلاااص يا سعود الله يهدااك .. هدي الحيين ..

سعود : انت ما تدري باللي احسه انا .. ما تدري ..

أحمد : لا تقول جي .. صدقني انا حااس فيك ..

سعود ( وبعد لحظات من الهدوء ) : شفت يا أحمد ان كلامك غلط .. عليا لا تبادلني الشعور ولا شي ..

أحمد : ومن قاال ؟؟ انت لا تظلم البنيه .. يمكن ترفضه او يمكن ما بتقبله الا اذا اهلها غاصبينها عليه .. بس المهم صدقني هي تحبك .. افهمها .. تحبك ..

سعود ( وبعصبية ) : وانت شدراك ؟؟ هي قالتلك هالشي ؟؟

أحمد : لا ما قالتلي ولا شي .. بس خلاص لا تعصب انت الحين ..

سعود : بس تدري شو انا لاازم ارمسها .. لازم .. ( وسار بدون ما يسمع أي كلمه من أحمد ) ..

وسار سعود يتمشى ع البحر .. أما أحمد فسار يرقد والبنات بعد سارو رقدوا

أما سعود فتم يفكر وهو يتمشى .. ويوم حس انه تعب يلس يرتاح .. وبدوون ما يحس رقد على الرمل ..وكان شكله صدق طفوولي ..

والصبح وفوقت الريووق كان الكل متيمع الا سعوود ما كان وياهم فاستغربوا ..

أم سعود : يمه أحمد سعود للحين راقد ؟؟

أحمد : هممم لا خالتي انا يوم قمت مالقيت سعوود .. ما ادري وين سار !!

أماني : وين بيرووح يعني !!

أحمد : ما ادري والله .. بس ما اظن يرد البيت ..

فيصل : انزين سيري شوفووه يمكن يتمشى ع البحر ..

نوف : هي صح كلام فيصل ..

أبو فيصل : فيصل قوم وانا ابوك شووف سعود ..

أحمد ( ويوجه كلامه لفيصل ) : لالا خلك انا برووح ..

أحمد ع طووول سار صوب البحر .. واول ما وصل شاف وااحد طايح ع الرمل وعرف انه سعوود .. وبعد ما تقرب منه ..

أحمد : سعوود .. سعوود .. قووم سعوود ..

سعود : همممم ابا ارقد ..

أحمد : انزين قووم ارقد داخل .. سعوووود .. قووم

سعود : اوووووووف .. انزين الحين بيي ..

وبعد ما قام سعود.. استغرب يوم شاف عمره راقد ع البحر وكان ابد مووو مستوعب شي .. وبعد لحظات بدا يتذكر كل اللي صارله امس ونزلت منه دمعته غصب عنه .. وبعدها سعود دخل خذاله شور وصلى صلاته اللي تأخر عليها .. وعقبها قعد فالصاله مع الكل لانه اصلا طار عنه الرقااد ..

............................................

أبو فيصل : سعوود الله يهداك شوو مرقدك ع البحر ؟؟

سعود : لا ماشي عمييه بس كنت كنت تعبان شوي ورقدت بدوون م احس

أم سعود : مرة ثانيه يوم بتحس انك تعبان ..

سعود ( وقبل لا تكمل امه قاطعها ) : عن اذنكم انا بروح الحجرة ..

أبو سعود : شفيه هذا ؟؟

حميد : بصراحه يا بوجاسم ولدك شكله يحب

أبوسعود : بو جاسم اونه !! اصغر عيالك انا .. انا ابوووك .. وبعدين شو يحب .. سعود وانا اعرفه زييييين . ما يفكر بهالخرابيط ..

أحمد : عن اذنكم انا بسير اشوف سعود ..

الكل : اذنك معاك ..

فيصل : اقوولكم لاتنسوون .. ترا السباق اليوم العصر ..

بدر : الله .. همممم انا من الحين اشجع فيصل ..

حميد : لاوالله !! هذا بدال ما تشجع اخووك ؟؟

بدر : والله انت اللي ما وافقت تقسمني البيزات ..

حميد : ااااخ ياللوتي .. صدق انك مصلحجي ..

الكل : هههههههههههههههههههههه

طلال : انزين حمييد عيل انا ويااك ..

أمل : وانا بعد ..

حميد : واميييه وابويه طبعا ويايه ..

أبو سعود : لا تكون واثق من عمرك واايد .. عادي اخون فيك واشجع يصل ..

الكل : ههههههههههههههههههههه

فيصل : واماني ونووفوووه منو تشجعوون ؟؟

............................................

أحمد : سعوود تراك واايد مصختها عااد ..

سعود : وانا شو سوييييت !!

أحمد : لا والله .. يعني ما تعرف اللي سويته ؟!! .. ( وبعد ما هدى ) سعود دخيلك لا تخلي عليا تأثر عليييك وعلى معاملتك لاهلك ..

سعود ( بعصبيه ) : وليييش ؟؟ معاملتي لاهلي شو فيها !!!

أحمد : بل بل بل بل .. انزين هدي شوي ..

سعود : كيييييف تبيني اهدي ؟!! وانا عقب ما حسيت بطعم الحب .. تروووح عني بهالسهوولة !!

أحمد : لا حول ولا قوة الا بالله ..والحل ؟؟ ..

سعود : انا ناوي ارمسها بس المشكله اني حاولت قبل بس ما قدرت ..

أحمد : كييف ؟؟

سعود : حاولت اخذ الرقم من اختك بس هي ما طاعت ..

أحمد : هييييه .. عيل عشاان جيييه ..

سعود : بس تدري انا عندييه فكرة ..

أحمد : الله يعينا منك ومن افكارك .. شووه الفكرة ؟؟

سعود : باخذ الرقم من مبايل أماني بدوون ما تدري ..

أحمد : بس يمكن البنيه ما ترضى ..

سعود : ما يهمني المهم اني اعرف شي وااحد بس ..

أحمد : شووه

سعود : ابا اعرف هي تحبني ولا لااااء ؟؟

............................................

العصر .. وقت التنافس .. الكل كان متحمس للمسابقة .. الكل كان موجوود وحتى سعود صح انه كان موجوود وياهم بس فكرده كان بعييييد ..

احمد : فيصل زاهب ؟؟

فيصل : هييه زاهب ..

أحمد : حميد زاهب ؟؟

حميد : sure ..

أحمد : عيل بسم الله .. 3 ........ 2 .........1 وانطلااااق ..

حميد وفيصل كانو صدق مسرعييين من الخاطر .. لدرجه ان الحريم كانووخايفين عليهم واتندووا انهم وافقوا .. المهم حميد لاحظ ان فيصل اسرع عنه فتم يزييييييييد ويزيييييييييييييد وهو يزييييد كان يطالع اللي يشجعوونه ويقول بصوت عال : الفوووووووووز لي .. وتم يزييييييييييييييد واول ما صد جدامه لقا حاجز ما قدر يوقف ولا قدر يكمل مساره فبسرعه لف لفه خطيييييييييره وانجلب فيه البانشي كم من مره وجااااااااااااااان .......

............................................

فالمستشفى الحريييم والبنات يصيحوون والرياييل سايرين رادين يتريوون رد من الدكتووور .. وفجأة يظهر الدكتووور من غرفه العمليات .. وأم سعووود ع طول سارت صوبه ..

أم سعود ( وبصياح ) : دكتووور .. طمني ولدييه شحاله ؟؟

الدكتور وهو منزل راسه : ولدك حالته بتطمن بس .. أأأ ..

أبو سعود : بس اشووووه ؟!!

الدكتوور: انته ابووه ؟؟

أبو سعود : هيه نعم ..

الدكتور : طب ممكن تتفضل معايه ..

أبو سعود : انشالله ..


............................................

فغرفه الدكتووور ..

أبوسعود : دكتور ممكن تقولي ولدي شفيه ؟؟

الدكتور : هممم .. ابنك ما فيش الا العافيه .. هو بس فيه كسر فرجله و و و ..

أبوسعود ( وبعصبيه ) : شوووو فيه ؟!!

الدكتور : هوه بصراحه بسبب الضربة اللي جاته فراسه دخل فغيبوبة ..

أبو سعود : اشوووه ؟؟ غيبوبة ؟؟ لييييييش ؟؟ وشووو يخص الغيبوبة فطيحته !!

الدكتور : أأأ .. الزاهر ( الظاهر ) ان الضربه كانت أويه ( قويه ) كتيير .. وده السبب

أبو سعود : لا وحول ولا قوة الا بالله .. ومتى ولدي بيقووم يا دكتور ؟؟ متى ؟؟

الدكتور : دي حاقه بإيد ربنا ..

أبو سعود : والنعم بالله .. بس انتو شو توقعاتكم ؟؟

الدكتور : همم .. يعني تقدر تقول ازا ربنا أراد هيقوم بعد اسبوع او اسبوعين .. بس ده مش اكييد .. هو كل اللي محتاقه ديلوأتي دعواتكم ..

أبو سعود ( والدمعه نزلت من عينه غصب عنه ) : الله يقومك بالسلامه يا ولدي .. ( وبعد ما قام من كرسيه عسب يسير ) عن أذنك دكتوور ..

الدكتور : ازنك معاك ..

............................................

أبو سعود بعد ما سار عند الكل واول ما بلغهم البنات يصيحوون وأم سعود كانت صدق مووو رايمه تيود عمرها وأم فيصل كانت تهدي أم سعود من صوب .. وأحمد كان يهدي أماني ونوف من صوب .. أما فيصل اللي كان حاس بتأنيب الضمير .. وسعود بعد من درى ما رام ايود عمره وتم يصيح بس بدوون صوت وبدر عاد كله ولا بدر اللي اول ما سمع الخبر تم يزاعق وحاله وعقب تم يصيح بس صدق اول مرة الكل يحس ان بدر ياهل .. وخاصه شكله الطفوولي يوم كان يصيح ..

أبو فيصل : خلاص الله يهديكم .. استهدوا بالله ..

أم سعود + أبوسعود : ونعم بالله ..

فيصل ( وبعد ما دمعت عينه على حال الكل ) : كله منييي .. انا السبب ..

أبو سعود : لا تقول جي يا ولدي .. هذا اللي الله كاتبه ..

سعود : محد يقدر يغير المكتوب يا فيصل .. محد ..

فيصل : ونعم بالله .. بس لو مـ..

أم سعود : لا بس ولا شي يا فيصل .. نحن راضيين بالمكتوب .. بس انت لا تشيل هم ..

فيصل ( وهو منزل راسه ) : انشالله ..

أبو فيصل : يالله يا عيال نحن لازم نروح ..

أحمد : ابوويه انا بتم هنييه ..

أبو سعود : لا فديتك ما يصير .. يالله رووح وخذ سعود وبدر وياك

أحمد : انشالله عميه ..

أحمد وبعد ما خذا سعود وبدر وروح ..

أبو سعود : يالله يا سارة .. نحن بعد لازم نرووح ..

أم سعود : دخييلك يا محمد انتو روحوا ان بتم هني ويا ولدي ..

أماني ( وهي تصيح ) : لا اماايه .. نحن لازم نروح .. وباجر انشالله من الصبح بنييه ..

أبو سعود : لا تخافين يا سارة .. الدكاترة ما بيقصروون ..

أم سعود : خلاص .. يالله توكلنا عيل .

............................................

بعد 4 أيام من حادث حميد .. فبيت أبو سعود طبعا هم من صار الحادث ع طوول ردوا بيوتهم .. لان المستشفى بعيييد عن الشاليه ..

أم سعود : يالله يا أماني ترانا تأخرنا على حميد ..

أماني : يايه .. يايه .. مب حميد .. جي مسوي فيج .. ( وبتمثيل مصطنع ) تراني بديت اغار بصراحه ..

أم سعود : هههههه فديتكم كلكم عيالي وانا ما ابدي حد على الثاني ..

أماني : ههههههههه ادريبج فديتج ..

أم سعود : انزين يالله طووفي ابوج ينطرنا فالسيارة ..

أماني : لحظة .. وبدووور عيل وينه ؟؟

أم سعود : بدر فديته سبقنا ويا سعوود ..

أماني : اهاااا .. يالله عيل مشينا ..

............................................

فالمستشفى الكل كان متيمع فغرفه حميد اللي للحين ما قام من غيبوبته .. وأم سعود كعادتها كانت ياسه تقرا قرآن على ولدها .. وبعد لحظات يدخل عليهم الدكتور ..

الدكتور : السلام عليكم ..

الكل : وعليكم السلام والرحمه ..

فيصل ( وبدون ما يتريا كلمه من الدكتور ) : دكتور حمييد شحاله ؟؟



كــــــــــــــــــــــــــــــــت

[هيبة بدويهـ]

*الجزء التاسع*

فيصل ( وبدون ما يتريا كلمه من الدكتور ) : دكتور حمييد شحاله ؟؟

أبوفيصل : انزين عط الريال فرصه عسب يرمس ..

الدكتور : ههههه لا معليش .. ع العمووم زي ما بتشوفوا هو دلوأتي حالتو تحسنت كتيير .. وفترة الغيبوبة وعدت على خير ..

أم سعود : الحمدلله والشكر لله ..

أبو سعود : مشكووور دكتور وما تقصر .. وايد تعبناك ويانا ..

الدكتور : ههه لأ ما تأولش ( تقول ) كده .. دا واجبي ..

سعود : تسلم والله ..

الدكتور : يالله انا هروح لمكتبي دلوأتي وازا (اذا) احتقدتو لأي حاقه نادوني ..

أبو سعود : انشالله ..

وبعد ما ظهر الدكتور ..

سعود : ها حميدووه .. مب جنه واايد مسويلك سالفه !!

أماني : هيه الصراحه .. انا قمت اغار ..

الكل : هههههههههههههههههه

حميد : يالله .. انتو دومكم محترين مني اصلا ..

أحمد : من عقب كل هالدلع من حقك بصراحه ..

حميد : أي دلع الله يخليلك ؟!!

بدر : لا تخرط .. انت دوومك دلووع ..

حميد : لا والله .. شو شايفني بنيه جدامك عشان ادلع !!

بدر : لا آسف بس ما قصدي جي ..

أحمد : حرام عليك حميد خوفت الولد .

حميد : حلاته .. ههاااااي ..

فيصل : همممم حميد ..

حميد : هلاا

فيصل : السموووحه عاللي صارلك ..

حميد : افا علييك .. اصلا انا ناوي اعيد السباق ههااااااي ( قال جي عسب يشوف ردة فعل امه )..

أم سعود ( شهقت ) : اشوووووووووه !!

الكل : ههههههههههههههههههههههه

نوف : خلاص بنعيد السباق عيل ههههه ..

فيصل : لا ما يحتاي اصلا انا فايز فايز ..

أم فيصل : بس لااه ما شي سباااق ..

سعود : هممم .. أماني

أماني : لبيه ..

سعود : لبيتي حايه .. ابا مبايلج شوي ..

أماني : لييش ؟؟

سعود : هممم .. ابا ادق ع مبايلي ما ادري وين خليته ..

أحمد : همم خذ مبايلي انزين ..

سعود هني حس بقهررر لان أحمد تدخل وكأن كل اللي خطط له اخترب فلحظة ..

سعود : ها .. لا لا خلاص عرفت وين بحصل المبايل .. ( وظهر بدون ما يسمع منهم ولا كلمه )

............................................

وعقب اسبوووع بالضبط وفبيت أبو سعود وبالتحديد فالصاله كانوا مسوين عزيمه والكل كانووا متيمعين .. وكانت ( عاشة ) اخت أبو سعود وأبو فيصل توها راده من السفر هي وريلها ( عبدالله ) وولدها حمدان 22 سنه و هند 12 سنه .. عبدالله كان سفير فالكويت وكان عايش هناك ويا حرمته وعياله والحين تقاعد وردوا البلاد اما حمدان فهو يدرس فالمانيا وياي ويا اهله الامارات لين ما تخلص اجازته ..

أبو سعود : ههه والله تو ما نور البلاد ..

عاشه : منور بوجودكم فديتك ..

أبو فيصل : همم .. حمدان متى بتخلص اجازتك ؟؟

حمدان : عقب اسبوعين انشالله ..

سعود : اووه .. شووي

حمدان : شو نسوي بعد ..

أبو حمدان : يالله ما بجالك غير سنتين وتخلص ..

أحمد : ع العمووم بالتوفيق انشالله ..

حمدان : اليميع ..

أم حمدان : عيل وين البنات ؟؟

بدر : هم الحين بيوون ..

وفهاللحظة دخلو أمل ونوف وأماني .. وبعد السلام ..

أم حمدان : ماشالله والله وكبرتوا واحلويتو ..

أبو حمدان : هيه والله .. ماشالله واايد تغيرتوا ..

أماني + نوف : هههه .. تسلموون ..

طلال : اما انا مرتي فديتها من يومها حللوة ..

الكل : ههههههههههههههههههه

حميد : عمووه .. وانا عيل ما قلتيلي حلوييت ولا مدحتي ولا شي وهذا وانا شيخهم ..

أم حمدان : ههه من يومك انت شيخهم ..

فيصل : وبعدين ما يحتاي هم يمدحونك .. انت بروحك هب مقصر فعمرك ..

الكل : ههههههههههههههههههههه

حميد : ههههه .. شي طبيعي اني ما اقصر عمري .. مغرووور ويحقلي

بدر : هيهيهي مداح نفسه يباله رفسه ..

سعود : هيه وانا اللي برفسه انشالله ..

أم حمدان : تخسوون .. محد يحط دوبه من دوب حمييد ..

حميد : احم .. اخجلتم تواضعي ..

أبو سعود : انت متواضع !!!

أماني : لا لا ما اصدق .. حميييدوه متواضع ..

نوف :معجزه والله .. ههاااااااي

حميد : جب جب انتو يالبنات .. محد رمسكن ..

أبو فيصل : لا لا عاد كله ولا البنات ..

أبو سعود : هههه .. ما علينا .. هند فديتج لييش ساكته ؟؟

هند : همم .. ما اعرف شو اقوول ..

أبو حمدان : ههه .. فديتها هند دوومها هاديه ..

حمدان : هييه .. خجووله اونها ..

أبو فيصل : انزين اقول بو حمدان

أبو حمدان : هلااا

أبو فيصل : انتو الحيين وين ناويين تسكنوون لين ما يخلص بيتكم ؟؟

أبو سعود ( بدون ما يعطي فرصه لأبو حمدان عسب يجاوب ) : همم بيتوون عندناا .. البيت عوود .. والغرف واايدة ..

أم حمدان : ههه لا لا ما نبا نحن نتعبكم ولا نبا نثقل عليكم ..

أم سعود : افا شو هالرمسه فديج .. وبعدييين تعبكم راحه

أبو سعود : وبعديين تعبكم راحه ..

هند : هي بابا خلينا نتم هنيه ..

حميد : و نطق الحجر

الكل : ههههههههههههههههههه

أحمد : الله ع الدلع .. بابا بعد .. ههااااااي ..

أماني : هيه عمووه تموو عندنا ..

أم حمدان : ها عبدالله .. شو رايك ؟؟

أبو حمدان : خلااص .. حكم القوي على الضعيف ..

وبعد ما قرروا قوم بو حمدان انهم يتمون في بيت أبو سعود ليين ما يخلص بيتهم تمووا يسولفون ويضحكوون ع سوالف حمييد وهند اللي كل ما قالت شي علق عليها حميد وبدر بعد ما قصر وبعد السوالف وبعد ما روحوا قوم أبو فيصل قرروا انه حمدان ياخذ الغرفه اللي مجابله غرفه سعوود و أم حمدان وأبو حمدان بياخذون الجناح العود مال الضيوف اما هند وبعد اصرار أماني فقرروا يخلونها ويا أماني بنفس الغرفه ..

[هيبة بدويهـ]

مرر اليوم بسرعه وعلى اذان الفجر الكل قام وأدى فرضه وبعد الصلاه الكل رد رقد الا بدر وأماني كالعاده بس هالمرة وياهم هند وكانوا يالسين فالصاله ..

هند : هممم .. تدروون انا واايد مستانسه هني بالامارات ..

أماني : هههه دوووم انشالله ..

بدر : همممم انزين شرايكم لوو نسير اليوم مول الامارات ؟؟

هند : هممم وين هذا ؟؟

أماني : هذا هني عندنا فدبي ..

هند : اهاااا .. اول مرة اسمع عنه .. نحن لما زرناكم المرة لما فاتت كان موجوود ؟؟

بدر : لا لا ها المول يديد بس والله بتستانسين هناك يا هندووه ..

هند : صج ؟ عيل خلوونا نرووح ..

أماني : هممم اوكيه .. بس انتي اللي بتقنعين ابووي ..

هند : اوكي ..


وتموا أماني وبدر وهند يسوولفون ليين الكل قام وعلى وقت الريووق

هند : عمي محمد نبي نروح مول الامارات ..

أبو سعود : ههه بس فديتج توكم رادين من السفر .. اليوم ريحوو وباجر سيروا ..

بدر : ابووويه لاا خلنا انسير اليوم .. دخييلك ..

حميد : احم .. هييه انا بسير وياكم بعد ..

أبو حمدان : خلاص هند عمج قال باج يعني باجر ..

أم سعود : الله يهداك يوم محمد خلهم يروحون اليوم ..

أم سعود : خلاص عيل برايهم .. خلهم روحون .. بس سعود وحمدان بيروحون وياكم ..

أماني : ونوف بعد بتي ..

سعود : عيل بالمره خل أحمد ايي ويانا ..

حميد : بلللللل كلنا بسيارة وحده !!

حمدان : ههههه .. لا نحن بنسير بسيارة بروحنا .. ونوف وأحمد خلهم يلاقونا هناك فالمول ..

أماني : خلاص عيل بقوول حق نوف ..

أم حمدان : بس ما اوصيكم لا تتأخروون ..

سعود : انشالله عمووه ..


عقب الريوووق أبو سعود سار الشغل وسار وياه أبو حمدان .. اما سعود فسار يسبح .. والحرييم سارو بيت بو فيصل و حميد وبدر وأماني و حمدان تموا يالسين فالصاله يسولفون ..


حمدان : هممم .. وانتي صف كم الحين ؟؟

أماني : ثالث ثانوي ..

حمدان : اهاا .. كم نسبتج ؟؟

أماني ( وبحزن مو واضح ) : همم 84 % ..

حمييد : هممم واايد نزل مستواها ..

حمدان : افااا .. وشو اللي نزل مستواج جي ؟!!

بدر ( بدون ما يعطي فرصه حق أماني ) : بسبة بنت عمتك نوفووو ..

أماني ( وبعصبيه ) : بدووور انت ما تعرف تسكت شوي ..

حمدان : افااا .. انزين ما فيها شي لو قالي انا ولد عمج ..

أماني : السموووحه حمدان .. بس السالفه وخلاص عدت على خير ... دخليلكم بدلوو الموضووع ..

حميد : انزييين .. اموون دقيتي حق نوفوو ..

بدر : انت شو ياينك اليوم اموون .. نوفوو .. اصغر عيالك هم !!

حمدان : انا ادري !! ههاااااااي

أماني : همم الحين بسير ادق ..


أماني ووعقب ما سارت صوب التلفوون وتوها يايه بترفع السماعه جان يرن ..


أماني : الووو

.... : الوو السلام عليكم ..

أماني : وعليكم السلام والرحمه ..

.... : همم .. شحالج أماني ؟؟

أماني : تمام ربي يسلمج .. بس من معااي ؟؟

.... : افاا ما عرفتيني !!

أماني : انتييي !!






كـــــــــــــــــــــــــــــــــــــــت


يا ترى منو هالبنت اللي داقه لأماني ؟؟
وشووو راح يصير فالمووول ؟؟




اتريوووني فالجزء العاشر ..

[M!$s.uAe]

يسلمووووووووووو... :biggrin: :biggrin: :biggrin:

[غزال ما ينصاد]

يسلمووو ع التكلمه الكبيره....

يعطيج العافيه أختي...

نتريا الأجزاء الباقيه..

[هيبة بدويهـ]

يسلمووووووووووو... :biggrin: :biggrin: :biggrin:

يسلم غاليج و مغليج ..

[هيبة بدويهـ]

*الجزء العاشر *


.... : افاا ما عرفتيني !!


أماني : انتييي !!


هند : هيه انا بلاج مستغربه ..


أماني : لا بس ما توقعت انج تدقيلي وخاصه بعد كل اللي صار ..


هند : اصلا انا ما دقيتلج الا عشان كل اللي صار ..


أماني : ولييش ما كفاكم اللي سويتوووه .. بعد ناويين ع شي ثاني


هند : هدي هدي انزييين .. هممم المهم انتي مشغولة اليووم ..


أماني : هيه ليييش ؟؟


هند : بغيت أيي عندج انا وريم


أماني : همممم خلاص تعالولي باجر ..


هند : اوكي عيل بخليج الحين ..


أماني : الله وياج ..


هند : باي


أماني : باي


............................................


أماني وبعد ما سكرت عن هند دقت لنووف على طووول ..


تررررن ترررررن تررررررن ..


أحمد : الوووو


أماني : الووو السلام عليكم ..


أحمد وعليكم السلام والرحمه .. شحالج أماني ؟؟


أماني : بخيير الحمدلله ومن صووبك ؟؟


أحمد : تمام ربي يسلمج ويعافيج ..


أماني : هممم عيل وين نووف ؟؟


أحمد : الله يسلمج نووف فحجرتها واظن تسبح ..


أماني : اهااا . انزين قالك سعود ان بنطلع اليووم ..


أحمد : لااا .. وين بنسير ؟؟


أماني : بنسير موول الامارات .. وانا بغيت ابلغكم عسب تلاقوونا هناك انت ونوف ..


أحمد : وعيال عمووه عاشه بيوون ؟؟


نوف : هيييه بيوون ..


أحمد : خلااص عيل نشووفكم فالمووول ..


أماني : وهممم لا تنسى تخبر نوف ..


أحمد : انشالله ..


أماني : يالله فامان الله


أحمد : فمان الكريم


وعقب ما سكرت عن احمد سارت أماني تتسبح ..


............................................


سعود وعقب ما تسبح تم يفكر بعليا وبالخطه اللي راح ينفذها عسب يرمسها .. وقرر انه يسير حجرة أماني وياخذ الرقم بدوون ما تدري .. وطبعا هو عباله ان اماني فالصاله ويا قوووم حمدان .. وبعد ما توجه لغرفه أماني تم يدور ع المبايل .. وليين ما حصله اخر شي تحت المخدة واستغرب من مكاانه بس بعد ما اهتم .. بس سعود انصدم يوم شاف انها مسويه رمز الحمايه .. عرف انها مسويه الرمز بس عشانه ما ياخذ الرقم وكان صدق شوي وبينفجر من القهر وبهالحظة خطرت فباله فكرة .. وع طووووول ظهر من حجرة اماني وسار الصاله عند حمدان وهند وبدر وحميد ..


سعود : هااا شو عندكم انتو هنييي ؟؟


حمدان : ماشي والله يالسين نسولف ..


سعود : اها .. انزين ممكن اقعد ويااكم ؟؟


حميد : لاااء يالله كش .. مناااك .. ما نبااك ..


بدر : لا والله انت اللي كش .. تعال سعود .. ايلس ويانا ..


هند : هيه تعااال ترا اذا حميد ما يباك نحن نباك ( قالت جي وهي تطلع لسانها لحميد )


سعود : اصلا منو قال اني باخذ براي حميدوووه .. هههه


حميد ( وهو يوجه رمسته لهند ) : ماعليه .. ويا هاللساان .. يباله القص والله ..


حمدان : لا لا عااد .. كله ولا هند .. تراني ما ارضى ..


بدر : هيه صح .. وانا بعد ما ارضى ..


هند ( وهي تسوي عمرها مستحيه ): احم احم .. وجاان استحي


سعود : ههههه ما علينا .. متى تبونا نسير الموول ؟؟


حميد : ههههه .. عقب المغرب اوكي ؟؟


حمدان : صح : احسن وقت عقب المغرب ..


سعود : خلاص عيل عقب المغرب بنظهر ..


بدر : هممم حمدان ودنا بسيارتك


حمدان : ههههه .. انشالله ما طلبت ..


حميد : لالا ما فينا عاد عن يسوي فينا حادث ..


سعود : عيل لا اتي ويانا احسن ..


حمدان : ههههاااااي دورلك الحين حد يوصلك ..


حميد : افااااا .. اسووولف انزين


بدر : ماشي ماشي .. خلاص لا اتي ويانا ..


سعود : بدوووور اسكت احسنلك ولا تراك انت اللي ما بتسير ..


حميد : وييييييييو سكتووه ..


حمدان : حميدوووه وانت بعد اسكت احسن لك ..


هند : ههههه يحليلكم .. سكتوووكم ههههه ..


سعود : هند


هند : انزين انزين .. خلاص بسكت بدووون ما تقوول ..


وعلى هالحاله تمووو يسولفوون وشوي واتي اماني عندهم وبعد كملوو سوالفهم ومر الوقت وعلى وقت المغرب أماني وهند فالحجرة يتزهبوون ..


أماني : هههه تعالي بجلج شوي ..


هند : لا لا ماا ابي ..


أماني : ههه لييش انزين ؟؟


هند : بس ما احب ..


أماني : انزييين براحتج .. هممم اقوول هند


هند : قوولي ..


أماني : هممم انتي واايد ويا حمدان صح ؟؟


هند : هيه لييش ؟؟


أماني : لا ماشي خلاص ..


هند : اوووكيه .. اقوول يالله نسير تأخرنا عليهم ..


أماني : اووكيه ..


وبعد ما نزلوا هند وأماني تحت وطبعا حميد اول ما نزلوو تم يتحرطم عليهم ..


حميد : عفانا الله .. كل ها تتعدلوون .. شو وين سايرين عرس ؟!!!



أماني : باسم الله شوي شوي علينا كليتنا بقشوورنا ..


هند : وبعدين انت ليييش محتر ؟؟


حميد : على شو بحتر يعني !!






يتبع >>

هذا نص الجزء العاشر


الحين بنزل التكملة ..

[ولد البدو]

يسلمووووووووو ع الموضوع
.....................

[هيبة بدويهـ]

أماني : باسم الله شوي شوي علينا كليتنا بقشوورنا ..


هند : وبعدين انت ليييش محتر ؟؟


حميد : على شو بحتر يعني !!


هند : همممممممممم .. انت ادرى ..


سعود : انتو مطوليين يعني .. انا وحمدان ترا بنسير عنكم


أماني : خلاص خلاص .. يااايين .. ( وتوجه كلامها لهمد وحميد ) يلاااا طوفووا جدامي ..


همممم وعقب ما توجهو للسياارة وطبعا حميد ما سكت طول الوقت يتحرطم بدوون سبب وما يصدق يدور العله فاي حد عسب يطلع حرته فيه ..


فالسيارة الكل مرتبش الا أماني اللي كانت سرحاانه .. كانت تفكر بأحمد وعلاقتها فيه ( معقوووله انا ما احبه .. هممم .. لا لا اكييد انا احبه بس لييش ما احس باي شي اتجااهه مثل ما هووو يحبني .. ) وفجأه يضربها بدر ع جتفها : أماااني شوفي هالبوورش اللي حذالنا ..


أماني : هااا !! .. هيه .. شوووه .. ويين ؟؟


حميد : انتي ايييه بلاااج علقتي ؟؟


حمدان : حميد عيب عليييك .. اظن اختك لها اسم ..


وفهالوقت ع طووول وجهت أماني نظرها لحمداان اللي كان منتبه لسواقته .. وهي كانت تطالعه بالمنظره .. ما فهمت هاك الوقت معنى شعوورها اتجااهه ما بغت تخوز عينها عنه مووووليه .. وعلى هالحاله تمت تتأمله .. وفجأه حمداان بدوون قصد كان يبا يشووف السيارة اللي ورااه بس طاحت عينه فعين أماني اللي أول ما شافها حمدان صدت صوب الدريشه تطالع برع ..
أماني وبخاطرها : وااااااوشو هالعيوون الجتااله .. والله ما حد بيجتلني غيرك يا حمداان .. اووف .. انا لييش جي . انا لأحمد خلاااص وبنفس الوقت قالت اوووووف بصوت عالي والكل صد لها ..


سعود : أماني بلااج ؟؟


أماني ببروود : ما شي ..


هند وهي تساسر أماني : أماني من ركبنا السياارة وانتي سرحاانه .. شوو فيج ؟؟


أماني وبعد ما ابتسمت لهند : لا ما شي غناتي .. بس فجأة حسيت بضيجه ..


هند : اهااا ..


حمدان كان يسوق سيارته وهو ولا مهتم لأماني .. طووول عمره يعتبرها شراات اخته ..


حميد : عفانا الله بلاكم انتو جي صخيتو ؟؟


هند : هيه والله .. بصراحه ملل ..


سعود : هههه .. اول مرة تتفقوون ع شي واحد .. سبحان مغير الاحواال ..


بدر : ما عليكم منهم .. بس فالسيارة هيهيهيهيهي ..


حميد : فج عنيي لااااه .. حمدانووه عندك شريط ميحد حمد ..


حمدان : همم شريط شوو ؟؟


بدر : لا لا عندك اغنيه آه من قلب مال الحربي ..


حمدان : هممم ما ادري والله .. سعوود شوف فالسده اللي جدامك ..


سعود : انزين ( وتم سعود يدور وعقب ما طلع شريط ) هاذوووه .. حصلته ..


حمدان : حطه انزيين ..


حميد : والله حاله انا اللي طالب تحطووولنا اغنيه وتاخذوون بشوور بدوووور ..


هند : ههههه .. تراهم يدروون بذوقك مب شي ..


حميد : لا والله .. عاد كله ولا ذوووقج .. مسكت بصرااحه ..


وبهاللحظة بدت الاغنيه


...


آه من قلب غذا حيه جنوني
وآه من خلن على بالي طرااا


لي سطا بالروح وتملك شجوني
ومن صدوده ياما له دمعي جراا


فالمحبه يارعرب لا تعذولي
لان حبه في فوادي قد سراا


حبه اللي صارلي عمري وكوني
ما نسيته لو جرالي ما جراا

وفهاللحظ وصلو المووول .. بس أماني ما حست بهالشي لانها كانت كالعاده سرحانه فيها وفأحمد وفشعووورها اتجاه حمدان .. لين ما قال سعود : أماني وين وصلتي ؟؟ .. يالله وصلنا ..


هند : اللي ما خذ عقلج يتها به ( وتغمز لها )
انحرجت أماني من كلام هند .. بس سوت عمرها ولا سمعت شي وع طووول نزلت أماني من السيارة ونزلو وراها بدر وحميد وسعود وهند وأخر شي حمدان ..
سعود : أماني ماقالت لج نووف وين بنلاقيهم ..


أماني : لااااء ..


سعود وهو يدق على احمد ..


سعود : مرحب


أحمد :مرحبا بك زووود ..


سعود : ههه اقووولك انتو وصلتو ولا بعدكم ..


أحمد : امبلا وصلنا بس ياسين نترياكم ..


سعود : اهاا .. انزين وينكم انتو ؟؟


أحمد : تعالولنا صوب ستار بوكس


سعود : يالله عيل اجلب ويهك ..


أحمد : هههه فمان الله ..


سعود بدون ما يقوول شي سكر على ويه احمد .. وعطوووول ساروو صوبهم واول ما أماني شافت أحمد ما ةتدري بشووو حست ..



كــــــــــــــــــــــــــــــــــــــــت


شو تتوقعون بيصير بين أماني واحمد ؟؟
وشو تتوقعوون يصير بين أماني ونوف ؟؟
وشو علاقه هند بحميد ؟؟



بتعرفووون ها كله فالبارت الياي

[M!$s.uAe]

يسلمووووووووووووووووووو...ع القصه ... نتريا الجزء 11

[غزال ما ينصاد]

يسلمو الغاليه ع البارت وان شاء الله نتريا البارت 11 ..بس أرجو انه ما يتأخر وايد والسموحه ..

ربي يوفقج ان شا ءالله

[هيبة بدويهـ]

يسلمووووو :smile:

[غزال ما ينصاد]

بلاج تأخرتي وايد تراج..عطيناج ويه ترا ..
اقول ترا اذا ما حطيتي البارت الياي يا ويلج ..
وقد اعذر من انذر ..

ربي يعطيج العافيه ان شاء الله

نترقب البارت 11 ..بسررررررررررررررررررررررررررررررررعه
fast بليز

[M!$s.uAe]

بليـــــــــــــــــــــــــــــــــز نزيله بســـ عشاان خااطرية الله يخليج .....

[هيبة بدويهـ]

فديتج و الله بس عشان خاطرج يالغاليه و أولا لا تترجيني انتي طلبي و أنا على امرج .. حياتي

[هيبة بدويهـ]

* الجزء الحادي عشر *

عود بدون ما يقوول شي سكر على ويه احمد .. وعطوووول ساروو صوبهم واول ما أماني شافت أحمد ما ةتدري بشووو حست ..
وعقب السلااام يلسووو كلهم وطلبووولهم شي يشربوونه ..

هند : وااااااااااو .. روعه الموووول ..

بدر : هيه واايد كبيير صح ..

حميد : عفانا الله .. شو هالفقر ؟؟ انتووو اييه اول مرة تشوفون مووول شووه ؟؟

سعود : يعني لازم كل ما رمسو ترد عليهم ..

أحمد : هههه بلااه لاحظت انه واايد حاط عليهم يحليلهم ..

نوف : هههه .. شكلهم يحبوون بعض .

الكل : هههههههههههههههه ..

هند : يخسي .. تبوني انا احب حميدوووه !!

حميد : ايه ايه .. شووو حميدووه ... اصغر عيالج انا ..

أماني : ههه وليش يعني ما تحبين حميد .. شو ناقصنه اخوووي ؟؟

نوف : لا لا حميد مال انا وبس .. اغااااار عليه انا ..

الكل : ههههههههههههههههه ..

حمدان : منو قدك حميد ؟؟ البنات يتعازمون عليك هههه ..

حميد ( وهو يحط ريل علي ريلك ويتساند ع الكرسي ) : احم احم .. والله شوو اسوي يوم البنات جي لاصقات فيني .. تعبت وانا اسويلهم طااف .. بس ما شي فايده ..

سعود : حوووووووووه وين يالس انت ؟؟ اعدل يلستك ..

هند : ههااااااي .. خلوووه يحليله .. خلووه يعيش احلامه شوي ..

حمدان : أي أحلام واي خرابيط انتي بس .. وبعدين يالله قومووو .. خلوونا نسير صوب مدينه الثلج ع قوولتكم ..

أحمد : يالله عيل قومووو ..

وعقب ما ساروا كلهم صوب المدينه ثلجيه وعقب ما دخلوو .. تمو كلهم يلعبوون بالثلج .. وتمو يسوون كرات ويفروون على بعض وحاله .. وشوي ولا وحده تطوف صوب اماني وتدرزها مال قوووو وكانة شوي وبتطيييح بس فهاللحظة يودها حمدان ..

أماني : اوووه .. مشكووور حمدان ( وطاحت عينها بعينه وتموووو يطالعوون بعض لفترة واول ما لاحظ هالشي أحمد على طوول سار صوبهم )

أحمد : بلللل .. شو هالدفاااشه ؟!!

أماني ( وتوها انتبهت لأحمد ) : هيه هيه .. ما ادري بلاها تركض ..

حمدان : هممم تعورتي ؟؟

أماني : لا لا خلاااص انا زينه ..

نوف ( ومن بعيد ) : ايييه انتو بلااكم واقفيين ؟؟

أحمد : ما شي ما شي ..

بدر : اقولكم .. شوفوا هنااك بسرررررررعه ...

وكلهم صدوا .. وأول ما صدو تمو هند وبدر يفروونهم بكرات ثلج .. وردووو يلعبون مرة ثانيه بالثلج ... وعقب ساعه بالضبط طلعووو من المدينه الثلجيه ..

نوف : ااااي ما اروم امشي ..

حميد : هههههه يزاااج .. قلنالكم البنات من قد هالالعااب ..

هند : جب انت جب ( واتعيب عليه ) قلنالكم البنات مب قد هالالعاب .. ما ادري منووو كسرك توه ؟؟..( تقصد عمرها )

حميد : همممم اشك انها بنيه .. جنها الا مسترجله ههااااااي ..

هند (بعصبيه ) مسترجله فعييييييييييينك .. مرتك المسترجله زيين ..

حميد : تقصديين عمرج ترااج هههه ..

الكل انصدم من رد حميد بس بعد ضحكووووو عليه : هههههههههههههههههههههه

سعود : انتو صدق تناسبوون بعض ..

نوف : حراام عليك وين يناسبوون بعض ؟؟

بدر : هاييل لو يتزوجوون اظن ثاني يووم بيتطلقوون ..

حميد : لا لا اتطمنووو اصلا مستحييل اطلق حرمتي ..

هند ( منصدمه من رد حميييد ) : انت ايييييييييه لا يكووون تتحراني ميته عليك .. ترا لو تكووون اخر ريال فالدنيا ما بخذك ..

الكل : ههههههههههههههههههه

أحمد : ما علينا وين تبوون تسيرون الحين ؟؟

نوف : همممم انا وأماني وهند نبي نتشرااا شوي ..

هند : هي هي .. ملييت من البدلاات اللي عندي ..

سعود : همممم .. خلاص ما عليه .. بس خلو وياكم حميد او بدر ..

هند : لااااء .. حميد لااء .. خلوو بدوور ويانا ..

حميد : عااد عناد فيج .. انا اللي بيي وياكم ..

حمدان : خلاااص لا حميد ولا بدر .. يالله سيروو ويوم بتخلصوون دقوولنا

نوف : انزين .. يالله عيل سي يا ..

وعقب ما ساروا البنات صوب المحلاات وهم يمشوون ..

نوف : أماني بلااج تفكريين ؟؟ غريبة اشوفج كله ساكته !!

هند : هيه ما ادري شو عندها حتى فالسيارة كانت طوول الوقت سرحاانه ..

نوف : اوووب اووب هالكثر ميته على اخوووي ..

أماني ( وتوها استوعبت انهم يرمسوونها وانصدمت فنفس الوقت من رمسه نوف وتوها يايه بترمس بس قاطعتها هند )

هند : لا لا عيووووني .. أماني حق حمداان .. صح أماني ؟؟

أماني ( تبي تغير السالفه ) اووه .. اقوولكم تعالوو ندش زارا .. شكلهم يايبين بدلات يديدة ..

نوف : يالله ..

وعقب ما خلصوووا البنات دقوا حق الشباب واتلاقوو وياهم صوب المطاعم وطلبولهم عشى ..

سعود : ها انشالله استانستوو ؟؟

هند : وااااااااااااااايد .. بصراحه رووعه الموول ..

حميد :هههه شي طبيعي .. ( ويوجه كلامه لسعوود ) كيف ما تباهم يستانسوون وانا موجوود ههه ؟؟

حمدان : ههه الا اقوول سعوود .. على منوو طالع اخووك ؟؟ واايد خقاق ..

بدر : منوووو غيره .. سعووود ..

أماني : هههه .. لا حراام بس سعوود ما كان خقاق لهالدرجه !!

نوف : واخيراااا رمستي !!

حمدان وهو يطالع أماني وجنه فاهم سبب سكووت أماني .. وأماني واول ما يت عينها فعين حمدان ..

أماني : عن اذنكم .. بسير الحمام ..

نوف : وانا ويااج ..

هند : لا والله وبتخلووني انا ويا هالنسغه !! بيي وياكم انا بعد ..
وعقب ما ساروو البنات ..

حميد : والله حاااله .. تراا اختك تخبل ياخي ..

حمدان : حميدوووه !!

سعود : انت وين تتحرى عمرك يالس ؟؟

حميد : هممم مب جنه مطعم .. هي وفموول الامارات بعد ..

أحمد : ههههه ما ادري منوو من الصبح طايحلنا ضراابه وياها .. وبعدين تعال انت صغير على هالسوالف ..

حميد : لا ابوووي .. الحب ما فيه لا صغير ولا قلب ..كلنا عندنا قلب ..

بدر : عيل حمدان لييش ما يحب !!

حمدان ( ارتبك من سؤال بدر وخاصه بعد ما أحمد وجه نظره على طووول لسعوود وكنه يتريا جواب يطمنه أن أماني له هو وبس ): هههه لا لا أنا ما عندي هالسوااالف .. لاحق ..

سعود : هههه .. حظك يا حمداان .. احسدك الصرااحه .. لو تدريبي شكثر متعذب أنا !!

حمدان فخاطره ( آه يا سعوود .. لو تدري باللي بقلبي جان ما رمست .. اختك معذبتني يا سعوود .. معذبتني .. بس شكله أحمد تملكها خلااص )

حميد ( يوجه كلامه لبدر ) : يووم اقوولكم حميدووه يحب .. ما صدقتووني ..

وفهاللحظة ايوون البناات

أماني : السمووحه ع التأخير ..

حمدان : هممم ما عليه .. انزين يالله عيل نرد البيت ؟؟..

بدر : هيه عموووه قالت لا تتأخروون .

سعود : همممم يالله عيل .. أحمد شرايك تردوون وياينا البيت ؟؟

أحمد : همممم اوكييه ..

نوف : عيل هند وأماني تعالوو ويانا ..

هند ( وبدوون ما تعطي فرصه حق اماني ) : اوووكيييه ..

حميد : انتي تبينها من الله ..

الكل : هههههههههههههههههههههه

فسيارة أحمد كانو نوف وأماني وهند .. وأحمد مووول ما شال عينه عن أماني .. وأماني لاحظت هالشي بس كانت مسويه طااف .. وكانت تحاول تتجنب أحمد ..

أحمد : هممم وكم باجي ع المدرسة ؟؟

نوف : هممم اسبوعين .. صح أماني ؟؟

أماني : هيه صح ..

هند : اوييه : انا اول مرة أدس فالامارات .. بس احس بتعيبني مدارسكم ..

نوف : هيه بتعيبج واايد ..

أحمد : أماني ما تعرفين حمدان متى بيسافر ؟؟

هند : بعد اسبووع او اقل ..

أحمد : اسمج اماني انتي ؟!!

هند ( متلومه ) : اووه سووري ..

اماني ( انقهرت من حركه احمد ) : هند ما سوت شي .. اصلا انا ما اعرف ..
وبهاللحظة وصلوو البيت .. واماني على طووول نزلت ووراها هند ومن بعدهم نوف وأحمد .. وبعدهم وصلو حمدان وسعود وحميد وبدر وساروا كلهم يلسوا فالصاله وتموا يسولفووون ويضحكوون ونغزات أحمد ما خلصت .. لين ما ردوا أحمد ونوف بيتهم ومرر الوقت بسرررعه و عالساعه 12 وربع تقريبا قامت أماني فغرفتها تتجلب طبعا ما ياها رقااد .. فقررت تنزل تيلس فالصاله تطاع التلفزيوون .. وفنص الفلم نزل حمدان اللي كان ناوي يرووح للمطبخ عسب يشرب ماي .. بس ما يدري شو اللي خلااه يسير صوب أماني ..

حمدان : هممم انتي للحين ما رقدتي ؟؟

أماني : همم ما ياني رقااد .. قلت بطااع التلفزيوون شوي ..

حمدان : اهااا .. انزين عادي لو قعدت اشووفه ويااج ؟؟

أماني ( ما تدري ليش خافت ) : هـ ـ ـي أ أأكيييد عـ عـادي ..

حمدان : اووكييه .. همم شو هالفلم ؟؟

أماني : همم بصراحه ما اعرف اشرح .. بس بشكل عاام انه في اثنين يحبون نفس البنيه ..

حمدان : وهي منوو اختارت ؟؟

أماني : ترا هذا اللي ابي اعرفه .. بعده الفلم فالنص ..

حمدان : اهاا .. انا بسير اييبلي شي اشربه من المطبخ اييبلج شي وياي ؟؟

أماني : لا مشكووور ..

حمدان : براحتج ..

سار حمدان المطبخ وخذله عصير ورد يلس ويا أماني اللي كانت مووو منتبها للفلم من خوووفها ..

حمدان : أماني ..

أماني ( سرحانه ) : ...............

حمدان : أماني وين وصلتي ؟؟

أماني ( وتوها انتبهت ) : اووه ... هلاا .. سووري ..

حمدان : ههه بلاج سرحتي ؟؟

أماني : لا ما سرحت .. بس مندمجه بالفلم ..

حمدان : هههه .. مبين ..

أماني : هممم .. عن اذنك بسير ارقد ..

حمدان : تعااالي .. وين رايحه ؟؟ ما تبين تعرفين البنيه منوو بتختاار ؟؟

أماني : هممم .. عقب قوولي

حمدان : اوووكي .. اتفقنا ..






كـــــــــــــــــــــــــــــــــــــــــت


شو تتوقعووون بيصير فالجزء الياي ؟؟

[هيبة بدويهـ]

و ألحين قريها و انا بتريااج عشاان اكمل الباقي ..

[M!$s.uAe]

أوكـــــــــــــــــــــــــــــــــــــــــــي الغاليه ترييني لا تروحين و تخليني على اعصاابي ,,,

[هيبة بدويهـ]

أوكــــــــــي انتي قري ممنوع هنيه نهذرب عندنا البرزة كثر الله خيرها ..

[M!$s.uAe]

يــــــــــــــــالله خلصت ..
يسلمووو ع البارت الحلوو ..
عقبال كــل البارتات مرة وحدة ان شا الله ...

[هيبة بدويهـ]

خخخخخخخخخخخخ الحيــــــــــن بنزل البارت ..

[هيبة بدويهـ]

*الجزء الثاني عشر *


حمدان : تعااالي .. وين رايحه ؟؟ ما تبين تعرفين البنيه منوو بتختاار ؟؟

أماني : هممم .. قوولي باجر

حمدان : اتفقنا ..


سارت أماني حجرتها .. وكان كل اللي شاغل بالها شي واااحد .. حمدااان .. ( يالله .. هالحمدااان ما ادري اخرتها شو بيسوي فيني .. يالله انا ليييش جي افكر فيه !! .. بس انا لأحمد وأحمد لي .. ما يصير أفكر بحمدان .. جذي بخوون أحمد .. اوووف يا ربي أنا شو اسوي .. اصلا انا كل اللي احسه اتجاااه أحمد مشاعر اخوه وبس .. أنا ما أحب أحمد اصلا عشاان أخوونه .. يا ربي .. ما ادري شو اخرة هالتفكير .. بس صح .. الفلم هي الفلم .. جواابي فالفلم .. لازم اعرف من حمداان هي منوو اختارت ) وع هالافكاار رقدت أماني ..

●●●●●●●●●●●●●●●●●

مررر اليوم عادي بدووون أي أحدااث وفوقت العصر أماني قاعده فغرفتها تكلم عليا ..

عليا : ههههه واخيرا اتصلتي .. ولهت عليييج دبووووه ..

أماني : ههه .. وانا اكثر .. وبعدين يعني ما يصير انتي تدقين ؟؟ لازم انا ؟؟

عليا : والله أنا بغيت ادق .. بس استحيت قلت اكييد منشغله وياا اهلج وجي وخاصه بعد اللي صار لحميد ..

أماني : هيه والله انشغلت واايد .. لدرجه اني نسيتج هههههه ..

عليا : لا والله !! نسيتيني !! بس صدق من قال .. من شااف احبابه نسا اصحابه ..

أماني : ههه هيه والله .. بس الله يعيني ع هالاحباب ..

عليا : اووب اووب .. اعترفي اعترفي بس شو مستوي بينج وبين أحمد ؟؟

أماني : ويييييييييييييين انتي ؟؟ هه راح فكرج بعيييد .. وبعدين أحمد ما بيني وبينه شي ..

عليا : شوووه !! عيل منووو اللي ماخذ عقلج ؟؟

أماني : عليوووه تدرين يبالج اتيين تيلسين ويايا عشان اقووولج كل شي ..

عليا : هيه والله يبالي .. همممم شرايج اييج اليوووم ؟؟

أماني : اووكيييه .. ( أماني وتوها تذكرت ريم وهند ) لااااااااااء ..

عليا : بسم الله بلااااج ؟؟

أماني : ههههه .. اجلي اجلي مب اليووم .. ريموووه وهند بيووني اليوم ..

عليا : هيه صح .. اوووك ما عليه .. المهم انتي يوم بتكوونين فاضيه دقيلي وبييج ..

أماني : اووكيه .. عيل يالله بخليج الحييين ..

عليا : اوووكي .. بس ما اوصيج من يروحون عنج دقيلي وقوليلي التفاصيل الممله ..

أماني : لا لا خلييه لين ما اتيين ..

عليا : اووك عيل .. الله ويااج ..

أماني : باااااي

●●●●●●●●●●●●●●●●●

فالصاله حميد وحمدان قاعدين يسولفوون ..

حميد : انزين عاادي ما فيها شي ..

حمدان : لا والله !! احلف انت بس !!

حميد : والله انا بس ههاااااااااي ..

حمدان : تستهبل انت .. حمييييد عيب انت اللي تسويه ..

حميد : انزين أنا ما سويت شي ..

حمدان : لا والله .. متوااعد وتقول ما سويت شي !! انت تعرف انت كم عمرك !!

حميد : انزييين هي اللي عاقه عمرها علي .. هي اللي حاشرتني .. شو اسويبها يعني !! وبصرااحه هي تحبني وانا بعد حبيتها ..

حمدان : وانت يعني مصدقنها ؟؟ يالذكي هااي تقص عليك .. هاي تلعب عليييك .. وبعدين تعال انت من ويين متعرف عليها ؟؟

حميد : من الجات بعد من وين ؟؟

حمدان : جااات !! .. تحب وحده من الجات !! هاللي ناقص بعد ..

حميد : هيه من الجات .. هاي اللي تقول عنها مال الجات .. هي الوحيده اللي حسستني انها تحبني ومهتمه فيني .. ولا ها العايله بكبرها ولا مرة حسيت ان في حد يهتملي ولا حد حاس فيني .. ( وبضحكه استهزاء ) ههه حتى محد تذكرني الا بعد الحادث ..

حمدان : الله يهديك يا حميد .. انت تعرف ان كلنا نحبك ونعزك .. ولا تخلي حد يلعب بعقلك .. وبعدين انا ما احيدك مال مقصه عشان تخلي وحده تتحكم فيك جي ..

حميد : حمدان هي ما تحكمت فيني ولا شي .. بس صدق والله انا احس ان كل حد كارهني حتى اهلي واخوااني .. والله يا حمدان احس اني وحيد ومالي حد بس هي الوحيده اللي حست فيني وعطتني الي كنت محتاجه من اهلي واقرب الناس لي ..

حمدان : افاااا يا حميد .. والله ما توقعت انت تفكيرك جي !! وانا ؟؟ اخوانك ؟؟ وامك وابووك ؟؟ وين رحنا ؟؟

حميد : تدري .. ما بنكر .. انت الوحيد اللي حاس فيني بهالبيت .. ولا كل حد ولاهي بشي ..

حمدان : حميد الله يهداك .. ترا كل اللي فالبيت يحبوونك ويعزوونك .. بس انت تدري انهم منشغلين شوي .. وبعدين ترااا انت طبيعي جي يكوون تفكيرك وخاصه لانك فسن المواهقه .. بس لااازم تخلي مراهقتك تعدي على خير ..

حميد : انزين خلاص .. بتعدي على خيررر .. بس انا ما يخصني بشووفها يعني بشووفها .. انا قلتلها بنتلاقى فالمووول ..

حمدان : لا حووووول .. بسألك ؟؟

حميد : اسأل ..

حمدان : هممم شرايك لو جفت أماني طالعه ويا واحد غريب ؟؟

حميد : بذبحهاااا ..

حمدان : يعني ما ترضى عليها صح ؟؟

حميد : أكييييد ..

حمدان : عيل تتوقع هالبنيه اخوانها يرضوون عليها لو دروووا انها متواعده ويا وااحد ؟

حميد ( نزل راسه متلوم ) : ......................

حمدان : اسمع يا حميد .. انا دري انك تحبها بس هالشي ما يخليك تشوفها وتواعدها وترمسها فالتلفووون .. انت المفروووض تنصحها بدال ما تغلط وياها .. وانت لييين ما تكبروون واذا كنت تبيها سير اخطبها .. وهي اذا كانت تحبك بتصبر عليك .. بس هي اذا ما صبرت عليك فهذا يعني انها بس كانت تلعب عليك ..

حميد ( وهو منزل راااسه ) : انته صح وانا الغلط .. تدري يا حمدان .. اول مرة ادري ان عندي اخو ثالث ..

حمدان ( ويقووم يلوي ع حميد ) : افااا عليك انته بس فديتك .. وقت ما تباني تراني موجوود ..

حميد : هههههههههه .. مشكووووور .

حمدان : العفووو .. هممم انزين حميدووه شرايك نسير السينما اليوووم ؟؟

حميد : هيه يقووولي ربيعي منزليين افلام عجيبه ..

حمدان : خلاص عيل .. عقب نص ساعه تكووون جاهز ..

حميد : اوووكيييي ..

●●●●●●●●●●●●●●●●●

أماني فحجرتها عقب ما تزهبت قررت تيلس فالصاله لين ما ايوون البنات .. وهي نازله من الدري وكانت مستعيله وشوي وبتطيح .. وبالصدفه حمدان بعد كان طالع فووق ..

حمدان : أماني ..

أماني : لبييييه ..

حمدان : لبااج قلبي ..

أماني ( منزله راسها .. مستحيه ) : .........

حمدان : همممم ما سألتيني منووو اختارت ؟؟

أماني ( تستهبل ) : عن شو تتكلم ؟؟

حمدان ( وفهم انها تستهبل ) : انتي فاهمه قصدي زيين ..

أماني ( انحرجت وااايد .. فنزلت راسها ) : هممم منوو اختارت ؟؟

حمادن : ههههه .. ارفعي راسج بالاول ..

أماني : ( وعقب ما رفعت راسها ) : جي زييين ؟؟

حمدان : هيه جي زيين .. خليني اشوووف عيوونج شوي .. ( وبدوون ما يحس ) والله تعذب ..

أماني : هممم انا بسيير . البنااات بيوون

وتوها صدت ويااايه بتسيرر .. بس حمدااان لا شعوووريا يود ايدها عسب لا ترووح وعقب ما حس باللي سوااه ع طووول شل ايده ..

سعود : السموووحه .. ما كان قصدي ..

أماني ( وهي مستانسه بس فنفس الوقت منقهرة ) : ما عليه ..

سعود : انزين .. بس كنت بقوولج انها اختارت اللي قلبها حبه .. اختارت اللي حبته واللي فنفس الوقت كان يبادلها الشعووور ..

أماني ( وفرحت من جوااابه .. ووخاصه انها تتريااا الجوااب من زماان وجنه الجوااب حل لمشكلتها .. وضحكت ضحكة صدق تعذب ) : مشكووووور ع الجوااب .. كنت اترياااه ..

حمدان : واااااااااو .. ضحكتج تخبل .. بصرااحه أماني كل مرة اكتشف فيج شي احلى ..

أماني ( استحت ) : هممم .. انا بسيير ..

حمدان : ههههههه .. فديت اللي يستحووون والله ..

أماني سارت بدوون ما ترد عليه ..

●●●●●●●●●●●●●●●●●

ريم : فديتج والله أماني .. والله نحن بروووحنا كنا مخدووعين شراتج .. ما كنا ندري ان السالفه فيها اخووو نورة ..

أماني : هممم .. بس انتو كنتو تدروون عن سالفه الاشاعه ..

هند : هيه .. بس والله ما كنت ادري شو اللي خلاني اسوي جييه

ريم : هيه والله .. الشيطاان لعب بعقووولنا ..

هند : بس المهم ان نحن خلااص لحقنا على نوووف قبل لا تسوي نووورة اي شي ..

أماني : هممم شو تبووني اقوولكم ؟؟ كل اللي اقدر اقووله الله يسامحكم ..

ريم : هممم يعني سامحتينا ..

أماني ( وبعد ما فكرت ) : خلاااص .. انا مسمحتنكم .. بس تحملوو تعيدونها مرة ثاانيه ..

هند : توووووووووبه .. ما بنعيدها ..

أماني : هههههه .. خلاص عيل .. هممم زهبتو حق المدرسه ؟؟

ريم : همممم يعني ..

هند : هيه .. ريمووو لا تنسين ترااا باجر بنسير نتشرى ..

ريم : هممم أماني شرايج اتيين ويانا ؟؟

أماني : ههه لا مشكووورين .. روحوووا انتو ..

هند : هههه انزين .. براحتج ..

ريم : هممميالله عيل نحن بنرووح الحين ..

أماني : وييين ؟؟ تو النااس ..

هند : ههههه لا نحن بس يايين نعتذر ..

ريم : هيه امييه موصتني ايي بسرعه ..

أماني: بس توووه المغرب ..

هند : يالله ما عليه .. مرة ثاانيه انشالله ..

أماني : خلااص برااحتكم ..

وبعد ما روحوا هند وريم تذكرت أماني عليا اللي كانت بتي عندها .. فقررت تزقرهااا .. وعقب ما اتصلتلها ..

عليا : هلااااااا والله ..

أماني : اهييين .. اقووول عليووه تعاليلي البيت ؟؟

عليا : لييش؟؟ ووينهم عنج ريم وهندوووه ؟؟

أماني : ساروا .. المهم بتين ولا ؟؟

عليا : همممم .. خلااص بقول حق اماايه وبييج ..

أماني : اتريااااج .. بااي

عليا : باااي ..

●●●●●●●●●●●●●●●●●

وبعد نص ساعه .. كان سعوود توه بيظهر من البيت .. وفنفس الوقت يت عليا وأول ما شافته استانست اما سعوود كان يحااول يتجنبها وخاصه لانها صاارت مخطوووبه بس ما قدر يتحمل ..

سعود : هممم .. مبروووك

عليا : على شوووو ؟؟ ..

سعود : على خطوووبتج .. بس حسااافه والله ( وبضحكه استهزاء) هه كنت احسبج تبادليني الشعووور ..

عليا : انت شووو تقووول ؟؟ اي خطوووبة واي خرابيط ؟؟

سعود : عليااا انتي فاهمه قصدي زييين ..

عليا : سعوود .. والله اني موو فاهمه قصدك ..

سعود ( مصدووم ) : بس أماني تقووول انج انخطبتي !!

عليا : شووووووووووووووه !!





كــــــــــــــــــــــــــــــــــــــت

[غزال ما ينصاد]

يسلمو

نتريا البارت 13
بالتوفيق ان شاء الله ..لاتتأخرين

[هيبة بدويهـ]

يسلموووووووووووووووووووووووو

[غزال ما ينصاد]

وين البارت الله يهديج بس ..

تأخريتي علينا وايد .
ربي يعطيج الصحه والعافيه

[المـ للأبد ـجروح]

والله ذليتينا .................................... لا تراضيني انا زعلان عليج :frown: لا تكلميني انا زعلان زعلان زعلان
انتي ليش جي البارت الياي تخلينا ننقع لما تحطينه ..
لو انا بدالج كنت بحط البارتات كلها مره وحده
انتي طرشي البارتات كلها على مره وحده وانا بحطها
اذا انتي ما تبين تحطينها انا بحطها :biggrin: الله يوفقج يارب
بس عندي سؤال والله في بالي من اول ما قريت هالقصه
{ هالقصه حقيقيه ولا خياليه ؟ }
جاوبي بصراحه في ذمتج
لا تطرشين لي في الرسايل الخاصه عشان ما بقدر اشوفها
يبالي 50 مشاركه انا والله مب متفيج ^_^
الله يوفقج يارب

[هيبة بدويهـ]

خخخخخخخخخخ اعصابك خيوو ... الحين بنزل البارت ..
الصراحة القصة خيالية في وحي الخيال ..

[هيبة بدويهـ]

الجزء الثالث عشر *


فالمول حمدان وحميد يتمشووون ..

حميد ( شهق ) : اوييييييييييه ..

حمدان : بلاك ؟؟

حميد : البنيه .. البنيه اللي قلتلك عنها فالجاات هكيه ويا وااحد ..

حمدان : وانت اشدراك انها هي ؟؟

حميد ( وبعصبيه ) : تراها راوتني صورتها فالمسن يالذكي !!

حمدان : ما قلتلك .. بنات الجاات ترااا مالهم أماااان

حميد : والله ما هقيتها منها .. وانا اللي عبالي انها تحبني !!

حمدان : حميد الله يهدااك .. يعني معقوولة بتحبك بس جي مني والدرب .. وبعدين وحده مثلها اكيييد مثل ما رمستك بترمس عشرة من امثاالك .. وهذا بعد اذا ما كان اكثر ..

حميد ( مصدووووم ) : حمدان الله يخليييك بدل السالفه اللي فيني مكفيني ..

حمدان : اللي تشوووفه .. انزين طوووف ترا الفلم الحيين بيبدأ ..

حميد : انزييين ..

●●●●●●●●●●●●●●●●●

عليا كانت ياسه تسووولف ويا أماني ولا جنه شي صااير .. ولا حتى لمحت لشي ..

أماني : انزين تصدقين حسيت صدق انهم ندمانات ..

عليا : هيه حليلهم .. اصلا هم برووحهم ما كانو يدروون باللي صار .. ريم ما قصرت تراها خدعت الكل ..

أماني : نووورة ؟!! ( وبضحكه استهزاء ) هه نوروووه هاي خليها فصوووب ..

عليا : انزين ما علينا .. اقوول أماني وينها أمج ؟؟ أبا أسلم عليها ..
وفنفس الوقت دشت عليهم أم سعود ..

أماني : هكيه .. هههههه عمرج طويييل أمايه ..

أم سعود : أنا ؟!! .. اعترفوووا تحشون فيني هااا ؟؟

عليا : هههه لا خالتي .. ما عااش من يحش فييج ..

أماني ( تقاطع نوف ) : امبلا امبلا كانت تحش فيييج .. لا تصدقينها ..

عليا ( فخاطرها ) : انتي ما اتووووبين ؟!! بتظليين طووول حياتج عايشه ع الجذب !! " قصدها أماني "

أم سعود : هههه .. ها اعترفووو شو كنتو تقولون ؟؟

عليا : هههه .. لا والله .. بس كنت أسألها عنج وبغيت أسلم عليج ..

أم سعود : هههه فديتج والله ادريبج .. بس اسووولف وياااكم ..

أماني : ههه .. اقووول أمااايه وين بدوووور ؟؟ من الصبح ما شفته ..

أم سعود : هيه حليله .. ظهر ويا أبوج وعمج ..

أماني : أهاااا .. وأنا اقووول لي البيت هادي اليووم

أم سعود : ههه .. انزين عيل انا برووح الحين .. كملووو سوالفكم ..

عليا : وييين خالووه ؟؟ تعالي يلسي ويانا ..

أم سعود : تسلميين حبيبتي .. بس ما يصير أخلي أم حمدان برووحها ..

عليا : اهااااا .. خلاص عيل ماعلييه

أماني : ههه .. امييه دوووم اعذارها جاهزة ..

أم سعود : هههه .. يالله عن اذنكم ..

عليا + أمانيي : اذنج معاااج ..

أماني ( وتوها اتذكرت ) : هممم أمايه .. لو ما عليج أمر ازقري هندووه وانتي فدربج ..

أم سعود : انشالله ..

وعقب ما روحت أم سعود ..

عليا : اقووول اماني .. ما رمسيني عيل عن عمتج ؟؟

أماني : عمتي .. ( تنهدت ) آآه من عمتي .. هالعمه هاااي معذبتني بولدها ..

عليا ( مصدومه ) : أي ولد ؟؟؟؟؟

أماني ( وبرقه ) : حمداااااان

عليا : واابوويه علييج .. هههه .. انزين واحمد ؟؟

أماني ( وجنها ما توقعت هالسؤال من نوف ): أحمد ؟؟؟ ..

عليا : هيه أحمد بلااج استغربتي ؟

أماني : همم لا بس بصراااحه .. هممم ما ادري ما ادري بس اللي اعرفه ان ما احس باي شي اجااه أحمد ..

عليا : معقووله بهالسرعه اتغيرت مشاعرج اتجاهه !!

أماني : اصلا انا من البداايه ما كنت أحب أحمد .. ما ادري يمكن كانت مجرد مشاعر أخوه ..

عليا : بس أحمد يحبج !!

أماني : انزين وانا شو ذنبي يووم اني احب غيره ؟؟

عليا : همم .. ما ادري ما ادري .. انتي ادرى بمصلحتج ..

و تموا عليا وأماني يسوولفون عن الدراسه شوي وعن قوم ريم شوي .. وعقب ما دخلت عليهم هند ..

هند : السلام عليكم ..

أماني + عليا : وعليكم السلام ..

عليا : هلا والله .. اكيييد انتي هند .. صح ؟؟

هند ( وبابتسامتها العذبه ) : هيه أنا هند ..

عليا : اهااا .. شحالج هنوووده ؟؟

هند : بخير الحمدلله .. اخبااارج انتي ؟؟

نوف : تمام ربي يسلمج ..

أماني : احم .. على فكرة تراني ياسه وياكم

هند + عليا : ههههههههههههههه

هند ( باستهباال ): اقووول عليوووه .. تشوفين في حد يالس ويانا ؟؟

نوف : لا ما اشوف في حد غيري وغيرج .. ولا أنا غلطاانه ؟؟

هند : لا لا .. مب غلطانه .. ههههههه

أماني : لا والله .. تستهبلوون حضرااتكم !!

عليا : ههههه لا ما نستهبل ولا شي ..

هند : أموووون ليش ما قلتيلي ان ربيعهتج بتي من قبل عشاان اتكشخ عدل ..

أماني : هههه لا ما يحتااي .. اصلا عليا من اهل الدار يعني اتوقعي انها اتي فاي وقت ..

عليا : ههه تسلميين عنووني ..

أماني : الله يسلمج حيااتي ..

هند ( باستهبال ) : ويسلم غالي ومغليييج غناتي ..

عليا : ههههه عاد واايد فرقت لااه ..

وتمووو هند وأماني وعليا يسولفوون لين وقت العشاا ساروا يتعشوون وعقب استأذت نوف وروحت بيتهم ..

●●●●●●●●●●●●●●●●●

مر اليوووم وفوقت الفجر وعقب صلاة الفجر بالتحديد كانت أماني تسولف ويا هند ..

هند : تدرين ربيعتج عليا واايد حبووبة ..

أماني : هيه فديييتها ..

هند ( متعمده تنرفز أماني ) : هممم بصرااحه تنفع حق حمدانووه .. اكيد لو شافها بيحبها ..

أماني ( بعصبيه ) : شووه ؟؟ بيحبهااا ؟!!

هند ( ما قدرت تيود رووحها ) : هههههههههههااااااااااااي .. كشفتج .. تغارين ها ؟؟

أماني ( انحرجت ) : مااا عليه يالسوووسة .. برااويج ..

هند : تدرين انا أحس ان حمداان يحبج ..

أماني : هندوووووه عن السخاافه !!

هند : والله صدق .. انا اعرف اخوووي زيين .. نظراته لج نفس نظراته لفطوووم يوم كان يحبهااا

أماني : فطوووم ؟؟ يحبهاا ؟؟ .. و منووو اصلا فطوووم ؟؟

هند : هيه هاي وحده من جيراانا بالكوييت كان حمدانووه يحبها يوم كان فالثانويه اظن وللحين اذكر كيف كان يطالعها .. والكل كان يعرف انه يحبها ..

أماني : هممم وفاطمه ؟؟

هند : هممم هيه بعد كانت تحبه بس نحن يوم انتقلنا لبيتنا اليديد هو نساهااا ونسا حبه لهاااا نفس ما هي نسته وعرست بعد ..
أماني ( وتذكرت أحمد اللي يحبها .. ) وفخاطرها : همم ريحتيني برمستج يا هند .. يعني الحين ظميري بيرتااح .. يعني شي أمل أن أحمد ينسااني .. اففف الحمدلله .. هممم وانزااح ..

هند : حوووووووه .. وين سرحتي ؟؟

أماني : هههه لا لا ويااج .. انزين شو رده فعل حمدان يوم درااا ان فاطمه عرست ؟؟

هند : ردة فعله كانت وااايد عاديه .. وحتى انا انصدمت يوم قال بكل بروود .. الله يوفقها ..

أماني : اهااااا .. هندوووه ساعات احس ان عمرج 40 سنه من رمستج .. تصدقييين ؟؟

هند : هههههه بللل .. موو لهالدرجه عااد ..

أماني : اسووولف .. عن تزعلييين ؟؟

●●●●●●●●●●●●●●●●●

فبيت أبو فيصل كانوو ياسين يتريقوون ..

أبو فيصل : وأمل مب ناويه اتي ؟؟ من زماان ما شفناها ..

أم فيصل : ههه أمل حليلها ملتهيه ويا الحمل ..

أبو فيصل : هيييه .. الله يوفقها ..

الكل : آمييين ..

نوف ( باستهبال ) : احم .. عقبااالي ..

أحمد : يااااالله .. شعنه اختي مستعيله !!

أم فيصل : ههههه .. خلنا نخلص من فيصل بالاول وأحمد وبالمرة ليين ما تخلصييين درااستج بعد ..

أبو فيصل : هيه صح ذكرتيني .. فيصل متى ناوي تملج ع البنيه ؟؟

فيصل ( تضايج من الموضووع ): بعده وقت ابوويه ..

أبو فيصل : ونحن كل ما بنفتحلك هالموضووع بتقووللنا بعده وقت .. ترا البنيه من متى وهي صابره عليييك ..

فيصل : خلاص خلاص .. سووو اللي تبونه ..

أبو فيصل : انزين عيل عقب شهر الملجه .. والعرس انشالله فاجااازة الصيف .. شرايك ؟؟

فيصل : اللي تشوفوونه ( وع طووول قام وطلع من البيت بكبره )

نوف : يا بابا ويا ماما .. داام ان فيصل ما يباا يعرس لييش تجبروونه ؟!!

أم فيصل : لا والله !! .. ولييين متى هو جي بيتم بدون لا حرمه ولا عياال .. خلاص هو ما عاد صغير ..

نوف : خلااااص براحتكم .. ( وسارت حجرتها .. بس هيه عادي يعني ما كانت متضايجه بس كانت خايفه ع اخووها )

أبو فيصل : اقووول عنوود ..

أم فيصل : هلاااا .. آمر ..

أبو فيصل : أباااج تدقين حق بيت بو سعود .. وتعزمينهم بااجر ع الغدااا وويااهم بعد قووم بو حمدان ..

أم فيصل : خوووش رااي .. وبعد ما يصير من يوو قوم اختك ما عزمناهم فبيتنا

●●●●●●●●●●●●●●●●●

[هيبة بدويهـ]

●●●●●●●●●●●●●●●●●

فيصل اول ما طلع توجه للبحر .. مكااانه المفضل ( كان يصيح بدوون صوت ) : آه يا دنياا .. ليييش رحتي عني يا سااارة .. لييش ؟؟ ما دريتي اني اتعذب بدوونج .. اهلي يبووني اخذ عاشه .. بس انا ما ابااها .. ما اباااااااااااها .. انا ابااج انتي يا سارة أبااج انتي .. دخييلج رديلي .. لا تعذبيني زيااده .. تعاااليلي يا ساارة .. والله ما اتحملهم يقولون فات ما قد ماات .. دخيلج تعالي غيري هالقووول .. اترجاااااج ( وهني تم يصيييح بصووت عالي وهو يردد ) : اااه يا سااارة والله احبج يا سااارة والله اني احبج .. دخيييييييلج رديلي .. انا اباااج .. والله اني محتاااجج .. محد حااس فيني غيرج انتي .. محد .. آآآه .. ليتني مت قبلج .. والله مووتي اهون من اني اسمع خبر مووتج ..


(( نادره ما عرفت الدنيا قدرها ,, يوم راحت ما بقى في الناس طيب ,, جسدت كل العواطف في صورها ,, وارحلت عني على دموع ونحيب ,, والله اني كنت واقف وانتظرها ,, مالها عاده على وقتي تغيب ,, طحت من طولي على لحظه خبرها ,, وانكسر عمري ولا لي من يثيب ,, ليت أمر الموت ياني ولا امرها ,, لكن الاقدار في الدنيا نصيب ,, حكمه الله خالق الارض وبشرها ,, في شروق الشمس يا مر والمغيب ,, وقفت قلبي وهي وقف عمرها ,, وارتجف من الحزن والموقف صعيب ,, آه ويلي يوم نزلت في قبرها ,, شاب عقلي من قبل قلبي يشيب ,, كأن روحي خنجرن ياها ونحرها ,, هل دمع العين على ثيابي صبيب ,, صرت اخايلها على ميله خصرها ,, راح ذاك الزين والحزن العجيب ,, يعلها في جنة الخلد في قصرها ,, تقطف الاثمار من عودن قريب ))
وبهاللحظه رن مباايله وكان المتصل نوف .. بس هوو اول ما رن التلفووون ع طوول فره بكل قواااه فالبحر ..

وكمل عقب ما هدااا : ياا رب انا يهمني رضا أمي وابووي بس بعد انا ما احب عااشه ولا ابااا اعذبهاا وياايه .. يا رب انا باخذ عاشه .. بس ما اباهاا تتعذب وياايه .. والله انا ما ابا اعذبهاااا ويايه .. ( وعقب ما تنهد ) وقال عصبن عنه : خلااص انا بتوكل واللي ربي كاتبه بيصييير ..

●●●●●●●●●●●●●●●●●

فبيت بو سعود أماني كانت تتمشى فالحديقه ..

حمدان من ورا أماني : بوووووو ( يبااا يخوفها )

أماني ( نقزت ) خوفتنييي ..

حمدان : هههه .. شحالج ؟؟

أماني : تماموووو .. ومن صووبك ؟؟

حمدان : تمام دامج تمام ..

أماني : دووووومز

حمدان : وياااج ..

أماني ( بصووت واطي ) : أأأميين ..

حمدان ( باستهباال ) : نعم ؟؟ عيدي اللي قلتييه لو سمحتي ..

أماني ( انحرجت ) : هههه .. ما قلت شي أنا ..

حمدان : متأكده ؟؟

أماني : هههه ما برد علييك ..

حمدان : انزيين براحتج .. هممم ياا سلااام .. حلللوة هالوردة .. ( وهو يؤشر على ورده بالحدييقه ) ..

أماني : ههه .. عيوونك الحلوة .. هذي الورده من صغري وانا اهتم فيها ..

حمدان : هههههه .. عشان جي ..

أماني : هههه تسلم ..

حمدان : الله يسلمج غناااتي ..

وبهاللحظه يقاطعهم بدر : شوووووو تسووون ؟؟؟؟؟؟؟

أماني ( ارتبكت ) ما عرفت شو تقووول : ...................

حمدان ( يبي ينقذ الموقف ) : هممم ما شي بس أماني كانت تراويني حديقتكم ..

بدر : هيه .. حلووة حديقتنا صح ؟؟

حمدان : وااايد ..

أماني : هممم انزين انا بسير عنكم عيل ..

حمدان : ويين ؟؟ تعالي يلسي وياانا ..

أماني ( تدور عذر ) : هممم لا بسير بدق حق نوفووو ..

بدر : انزين سيري ..

أماني على طووول سارت حجرتها .. وخذتلها دش ع السريييع .. وعقب ما طلعت ولبست وتعدلت تذكرت مبايلها اللي ما شافته من يوميييين .. وعطوووول سارت وطلعت المبايل من السده وكانت عندها 4 مسجاات وكان أخر مسج من سعود وكان واصلنها امس .. وانصدمت يووم شافت المسج وبنفس الوقت ما فهمت سالفه هالمسج (( .. لعبتج انكشفت .. )) أماني طنشت المسج .. وتوقعت انه يكوون مقلب من مقاالب اخووها .. وعقب نزلت الصاله

●●●●●●●●●●●●●●●●●

وع الساعه 11:00 ص تقريبا حميد كان توه نااش من الرقااد وعقب ما غسل ويهه ع طوووول سار صوب اللاب توب .. ودش المسن .. وكانت البنيه ( مال الجات ) مطرشتله رساله فيها ..


000


يا ليت كل القلووب مثـل قلـبـك
وكل روح طاهرة مثل روحـــك
كان عشنا دنيا الخير كاسيــها
مــــــــن أولــــها لــتــالـيـــها
والطيـبـــة شـموع تضويــــها
والحـب مـــن الظـلـم حاميـهـا
بس للأسف ..
مــثلك مــــن البـشـر نــــــادر
ومــــــن بـاعـك تـرى خــاســر

حبيبي حميد وينك ؟؟ ولهت عليك واااااااااااايد ..



000


بس هووو .. من شااف هالرساله حس بقهر مووو طبيعي .. لانه عرف ان كلامها كله جذب فجذب .. وعشان جي انقهر من جذبها وخذاااعها له .. فطرشلها ..



000


(( عافج الخاطر ))


000



وعقب ما طرش الرساله حس براااحه .. حس ان هالبنيه هم وانزاااح .. وطبعا تم يشكر فنفسه حمدان اللي نبهه مليووون مرة .. وحلف انه ما يدش الجات مرة ثااانيه .. ولا انه يفكر يحب وحده من الجااات ..

●●●●●●●●●●●●●●●●●

فالصاله كانوو كلهم متيمعيين الا حميد اللي كان بغرفته وبدر وهند كانوو فالحديقه ..

أم سعود : هيه أم فيصل دقت .. تقوول مسوين عزيمه باجر فبيتهم ..

أم حمدان : حلييلها .. زيين عيل .. بعد من متى ما شفناهم ..

أبو سعود : هيه قالي راشد انه بيسوي عزيمه عسب نتيمع ..

أماني : وأمل ورريلها بعد بيوون ؟؟

أم سعود : ما أدري والله .. وهيه ابشركم ترااا فيصل بيملج على عاشه الشهر الياي ..

حمدان ( انصدم ): اووونه !! كيف قنعوووه ؟؟

أم حمدان : حليييله فيصل .. اكييد امه ملزمه علييه ..

أبو سعود : بس الصرااحه هو اصلا ما عااد ياهل .. يعني امه ما غلطت يوم ضغطت عليه شويه ..

سعود : هممم عيل ابوويه .. انا بعد مب ياهل .. واظن يا الوقت المناسب عسب اخطب ..

أبو سعود : والله هذي الساعه المباركة يا ولدي ..

أماني من سمعت الخبر استانست لانها كانت متوقعه ان البنيه هي نوف ..

أم سعود : هممم انزين وفي وحده فبااالك ولا تباني اختاارلك ؟؟

سعود : لا اميييه انا في وحده فبالي ..

أماني ( شاقه الحلج ) : اكيييد نوف ؟؟

سعود ( اكبر طاااف حق أماني ) : هممم امييه انا ابا عليا ربيعه أماني ..

أم سعود : عليا ؟؟ والله خوووووش بنيه الصرااحه ..

حمدان : اوووب اوووب .. من قدك .. بتخطب .. يالله عقباالنا انشالله ..

أماني انقهرت من رد سعود وبنفس الوقت انصدمت من اسلووبه وبعد انصدمت من اختيااره خاصه لانها قايلتله انه عليا مخطوووبه وفجأة تذكرت المسج .. فخاطرها : اووووووه لا يكوون قصده عن جذبتي ععن خطبه عليا ؟!!!!! بس هو شدرااه ؟؟ معقوله سألها .. لا لا ما اعتقد .. هوو وين شافها اصلا .. ( وتم يدور فبالها وااااايد اسئلة ويوم حست انها مووو محصله اي جوااب لأسئلتها ع طوووول قامت بدوون اي كلمه وسارت لحجرتها وهي تركض) ..

أم حمدان : بلاها اماني ؟؟؟؟

أم سعود : همم .. ما ادري والله .. بسير اشوفها ..

أم حمدان : لا لا خلج انتي هنيه .. انا بسير اشوفها ..

●●●●●●●●●●●●●●●●●

أماني فحجرتها تمت تصيييييييح .. ما كانت تدري عن سبب صيااحها .. بس كانت حاسه ان الدنيا ضايجه بها .. وكانت منفهرة من اسلوووب سعود لها وخاصه عقب ما فهمت المسج .. وتمت تصيح : انا كييف سمحت لنفسي اني اخدع اخوووي ؟؟ .. كييف ما همتني مشاعره كييف ؟؟ .. انا انانيه .. انانيه .. وتمت تضرب ع المخده وتصييييح .. وفجأه دخلت عليها عمتها ..

أم حمدان : أماني !! ليش هالدموووع ؟؟!!!!!

أماني : لاني الحييين حسيت اني ما استاهل سعوود ..

أم حمدان : ياااالله .. كلها غيره لانها خطب ..

أماني : لااء عمووه .. لاني أناانيه .. لاني ما فكرت بمشااعره ..

أم حمدان : ليييييييييش .. شووو صاير ؟!!!!

[هيبة بدويهـ]

* الجزء الرابع عشر *




أم حمدان : ياااالله .. كلها غيره لانها خطب ..


أماني : لااء عمووه .. لاني أناانيه .. لاني ما فكرت بمشااعره ..


أم حمدان : ليييييييييش .. شووو صاير ؟!!!!



أماني ( وعقب ما هدت شوي ): أنا يوم قالي سعود قبل انه يبي عليا جذبت عليه وقلتله ان عليا مخطووبة .. والحين ما ادري كيف عرف ان هالكلام كله جذب فجذب .. امس مطرشلي مسج كاتب فيه لعبتج انكشفت .. والحين من نظراته لي عرفت انه خلاص كارهني يا عمووه .. والله شو هالحاله !! ( وردت تصيح )


أم حمدان : انزين انتي شو اللي خلاص تجذبين على اخووج ؟؟



أماني : تبين الصراحه ؟؟ ( وكملت ) انا من صغري وانا خاطري أن سعود ياخذ نوف .. وانتي تعرفين السبب ..


أم حمدان : الله يهداج حبيبتي .. وانتي الحين بعد تخيلي لو خطبووج لأحمد لان نوف اللي تبي هالشي بس أحمد ما يبييج ..


أماني ( انصدمت ) : أحمد ؟!!!


أم حمدان : هيه أحمد .. وبعدين بلاااج ؟؟ انا اقوولج تخيلي ..


أماني ( ارتاحت ) : ما ادري .. برفض .. ولا برضى اني اعيش ويا واحد يحب غيري ..


أم حمدان : شفتي .. نفس الشي ويا سعود .. انتي كنتي تبينه ياخذ وحده هو ما يحبها بس عشاان خاطرج انتي ..


أماني : انزين انا خلاااص ندمت .. وخله ياخذ اللي يبيها بس لا يتغير علي .. ( وردت تصيح )


أم حمدان : خلاص حبيبتي اهدي .. بس انتي غلطتي الحين .. ولازم تصلحين غلطتج بدل ما تصيحين .. ترا دمووعج ما بتفيدج فشي ..


أماني : بس كييييف ؟؟؟؟؟؟؟؟؟


أم حمدان : لازم ترمسينه .. هممم واعتذريله وقوليله انج ندمانه ..


أماني : تهقين بيرضى يرمسني ؟؟


أم حمدان : همممم .. انشالله .. والحين يالله قووومي نزلي وياي فالصاله الكل يحااتيج ..


أماني : لا لا عمووه انا برتاح فحجرتي ..


أم حمدان : براحتج حبيبتي .. يالله تامريني بشي ؟؟


أماني : سلامتج ..


أم حمدان : الله يسلمج .. ( وتوها يايه بتظهر من الحجرة )


أماني : عمووووه ..


أم حمدان : هلاااا عيووني ..


أماني : مشكووورة ..


أم حمدان : العفوو .. ( وابتسمتلها وظهرت ) ..


●●●●●●●●●●●●●●●●●


فيصل كان بعده يالس عالبحر وكان يتأمل فالبحر وحجمه .. وكان بفنس الوقت يتأمل الشمس اللي انعكس جمالها ع البحر .. كان يقول فنفسه .. هذا البحر كبييييييييييييير ليش ما اعق فيه اهمووومي وارتاح!! .. يالله يالبحر .. الحين همووومي كلها بالنسبه لك نقطه من مايك ..

وبهاللحظة وصل عنده أحمد اللي كان يعرف ان اخووه بيكوون فهالمكاان ..

أحمد : فيصلووووه ..


فيصل صد على أحمد ..


أحمد ( مصدووم ) : ليييش جي ويهك ؟!!!! انت كنت تصيح ؟!!!!


فيصل رد وجه نظره للبحر بدوون ما يرد على أحمد ..


أحمد : فيصل .. بلاااك يا اخوووي ؟؟ رد علي .. ترااك والله ما تهون علي ..


فيصل ( كان سرحان وموجه نظهر ع البحر ) : ..............


أحمد : اوووه .. انزين جان ما تبا عاشه انا بقنعهم .. بس خلااص لا تسوي برووحك جيه ..


فيصل ( واول ما سمع طاري عاشه ) : لااااااء يا خووووي .. خلاص انا باخذ عاشه وأمري لله ..


أحمد : بس انت متأكد انك تباها ؟؟


فيصل ( وبنبرة حزن والم واضحه ) : انت تعرف اللي أباها .. بس انا اللي أباها ( وقال بصعوووبه ) تخلت عني وراحت .. وما بجالي غير عاشة ..


أحمد : فيصل .. سارة صح انها انتقلت الحين لرحمه ربك .. صح انها ماتت وراحت من هالوجوود .. بس بتظل حيه بقبلك .. وبعدين انت موو تقول انها تحبك .. اكيييد لو كانت تحبك بتهمها سعادتك .. وانت سعادتك خلااص .. انحكم عليها انها تكوون ويا عاشه ..


فيصل : انا انحطييت بموقف صعب الحييين .. تدري يا أحمد .. لييييت المووت خذاني وفكني من هالدنيا وبلاويها ..


أحمد ( بانفعال ) : استغفر ربك .. انت شووو تقوول ؟!! .. ينيييت انت !!


فيصل ( نزل راسه ) : استغفر الله العظيم ..


أحمد : والحيين يالله قووم .. خلنا نسير البيت ..


فيصل : لااااا .. الصرااحه ما ودي افارج هالمكاان ..


أحمد : انزين بس الحيين بالذاات مب مخلنك رووحك .. اخاف تسوي شي بعمرك .. يالله طوووف جدامي ..


فيصل ( ابتسم ابسامه ما وراها الا الحزن ) : يالله ..


●●●●●●●●●●●●●●●●●


فبيت بو سعود مررر الوقت .. لييين وقت المغرب .. الكل فالصاله الا أم حمدان وبو حمدان .. وأم سعود وبو سعود ..


هند : أماني الله يخليج خلينا نسير باجر نتشرى حق المدرسة ..


أماني : بس باجر بنسير بيت عمي راشد .. هممم خلي ورا باجر .. وبالمرة ناخذ نوفوو ويانا ..


بدر : وانا بيي وياكم ..


هند ( تفكر ) : هممممممممم .. انزين وافقت .. ومنو بيودينا ..


حمدان : انا مستعد اوديكم .. وبالمرة بسير شرايكم ؟؟


حميد : عيل دامك بتسير .. انا بيي ويااك ..


أماني : و سعووود .. شرايك انت بعد اتي ويانا ؟؟ ..


سعود : بدون ما يرفع عينه عن مبايله : لاااء .. انا بظهر ويا أحمدووه ..


حمدان : افااا .. انزين تعال انت واحمد ..


سعود : لا ما عليه .. بس اعذرني هالمرة ..


حمدان : خلااص براحتك ..


هند : حمييييدووه ..


حميد : نعم ..


هند : نعامه ترفسك انزييين ..


بدر : هههاااااي .. عاشت هند ..


أماني : بدينا ؟؟


حميد : لا انتهينا .. ( ببروود ) هيهيهيهي


سعود : لا والله !!


هند : هيه والله .. انزين حميدووه ..


حميد : شو تبين ؟؟ فكيني ..


هند : باسم الله .. المهم انا بغيييت اقوولك ان في واحد اسمه عبدالله دقلك ع البيت .. وقالي خلي حميد يدقلي ظروووري ..


حميد : خله يولي .. اصلا انا اللي ما بغيت ارد عليه .. لييش بدقله ؟؟


حمدان : هممم حميد .. هو ها اللي قلتلي عنه ؟؟


حميد : هيه هووو ..


حمدان : خلااص عيل .. خلك ع الطااااااااااف ..


أماني : ههههههههههه ..

وتمووو يسولفوون ويسولفوون وكان سعود طووول الوقت منشغل بمبايله .. وبعد لحظات سار سعود حجرته ولحقته أماني ..

أماني : سعوود ..


سعود : خيير ..



يتبع >>>>>>

[هيبة بدويهـ]

× التكمله ×

أماني : سعوود ..

سعود : خيير ..

أماني ( وهي منزله راسها) : انا اسفه ..

سعود ( صد الصوب الثاني وجنه بيروح ) : يصير خير ..

أماني : هممم يعني مسامسحني ؟؟

سعود ( وهو يطالع أماني من فوق لتحت ) : كل ها وتبيني اسامحج .. انتي ما تدرين بالعذاااب اللي عيشتيني فيه بجذبتج هذي .. والحين يايتني بكل سهولة وتبيني اسامحج ؟!!

أماني : حرام عليك يا سعوود .. انا ادري اني غلطت ووالله اني ندماانه .. وانا مستعده الحين اسويلك اللي تبيه بس عشان تسامحني ..

سعود: مشكووورة ما ابي منج شي .. بس اطلعي من حجرتي لو سمحتي وسكري الباب ورااج ..

أماني : مووو قبل ما تسامحني ..

سعود : اماني قلتلج اطلعي قبل لا تشوفين شي عمرج ما شفتيه ..

أماني : انا قلتلك ما بطلع ليين ما تقوول انك مسامحني ..

سعود ( وبعصبيه ) : أماني .. بتطلعين ولا ؟؟

أماني ( بعناد ): ما بطلع ..

سعود ( وبعصبيه ) : ما بتطلعين ها !! انا اوريج .. ( وسار عندها ويرها من شعرها وعقها برع الحجرة ورد صرخ عليها ) اسمعيني زين .. حجرتي ما تطبينها فاهمه !! وسكر الباب على ويها ..

أماني كانت قاعده تصيح وتصارخ وتدق على حجرة سعود بكل قوه وقالت وهي تصيح : سعووود الله يخليك سامحني يا سعود .. والله اني ندمانه والله .. ليش انت جي قاسي ؟!!

سعود بطل الحجرة وطلع لأماني وهو معصب : يعني ما اتوووبين !! تبيني اذبحج عشان تفكيني من حشرتج !!

●●●●●●●●●●●●●●●●●

فالصاله ابو سعود وام سعود قاعدين يسولفون .. وفجأة يسمعوون صوت صريخ ..

أبو سعود : ام سعود هذا مب جنه صوت أماني ..

أم سعود ( شهقت ) : هيه هذا صوتها .. باسم الله عليها شو صابها ..

وعلى طوول قام ابو سعود وسارت وراه ام سعود صوب الصوت .. وانصدمو يوم شافو سعود قاعد يصفع اخته .. وعلى طول ابو سعود سار يود ايد سعود : انت ما تستحي على ويهك .. ما عندك رحمه ؟!! ما فيك قلب ؟!!

سعود ( وبكل قسوة ) : محد قالها تحشرني . حذرتها مليوون مرة وما سمعت الكلام ..

أماني ( كانت مدوخه فهمست ) : سعود دخيلك سامحني سعود .. ( وعلى طوول اغمى عليها ) ..

أم سعود ( صرخت ) : بنتيييي .. أماني قوومي .. اماني .. ( وتمت تصيح على حال بنتها ) ..

أبو سعود : لا حول ولا قوة .. أم سعود سيري يبي عباى بتج بسرعه بدوديها المستشفى ..

أم سعود ( تمسح دموعها ) : انشالله ..

سعود انصدم يوم شاف اخته مغمى عليها وعلى طول طلع من البيت بدون ما يقول ولا كلمه .. اما بدر فهو كان واقف من بعيد يطالع الموقف وهو مصدوووم وهند كانت قاعده تصيح وهي واقفه مكانها .. وحمدان وحميد فهم اصلا من سارت أماني عند سعود على طول ظهروا ..

●●●●●●●●●●●●●●●●●

فاليوم اللي عقبد وفالمستشفى بالتحديد الكل متيمع الا سعود اللي كان متلوم على اللي سوااه وامل وطلال .. وبعد ما تحمدولها ع السلامه ..

أماني : امايه .. وين سعود ؟؟

أم سعود ( اللي ما عرفت شو تقول ) : هممم بصراحه ما ادريبه .. انتي من طحتي بالمستشفى وهو ماله خبر ..

أماني ( شهقت ) واكتفت بدموعها اللي قامت تنزل بدوون صوت ..

أم حمدان : شفيج يمه .. خلاص اللي صار صار .. وانشالله سعود مراده بيرضى عليج ..

أماني : تهقين جذي ؟؟

أم حمدان : اكيييييد ..

أحمد : الله يهداج يا أماني .. ما كان لازم جذي تسوين فرووحج .. خوفتينا عليييج ..

حمدان : المهم الحيين تردين بالسلامه يا أماني .. ترا البيت بدوونج مظلم ..

أماني : تسلموووون والله ..

حميد : هههه .. والله حاله .. ماعليكم منها تراها بس تتغلا عليكم .. شكلها تبيكم تدلعونها نفس ما دلعتوني يوم انا طحت فالمستشفى هههااااااااي ..

أماني : لا والله !! احلف انته بس ..

حميد : والله انا بس ههااااااااي ..

بدر : حميدوووه والله انك جدييم .. الحين كم مرة تعيدها هالجمله !!

حميد : وانته شو حارنك ؟؟

هند : والله بصراحه صدق بدووور ..

نوف : هممم انزين أماني .. شو تحسين الحين احسن ؟؟

أماني ( تنهدت ) : الحمدلله على كل حال ..

أم سعود : اقووول بوسعود .. متى بيظهروون أماني ؟؟

أبو سعود : والله ما ادريبهم .. بس الدكتور يقول لو تبات اليوم بعد يكون احسن ؟؟

أم فيصل : لاااا .. لو ترخصوونها احسن .. البيت ارحملها من هالضيق ..

أم سعود : وانا بعد جي اقوول .. دخيلك حمدان سير رمسهم ..

حمدان : انشالله ..

أحمد حس بغيره فظيعه وعلى طول سار وقف جدام حمدان اللي طلع من الغرفه : خلك هني حمدان .. انا بسير ارمسهم ..

حمدان : لا ما يحتاي .. انا بحاول اقنعهم ..

أحمد ( وهو راص ع اسنانه وبنظرات كلها غيرة وحقد ) : قلتلك انا بسير .. ما تفهم !!

حمدان ( ببرود ) : براحتك .. ع الاقل بتم مجابل أماني بدل عوار الراس اللي عند الدكتوور ..

أحمد انقهر من رد حمدان وعلى طول سار بدون ما يسمع اي كلمه ثانيه من حمدان ..
حمدان رد الغرفه .. وتموا داخل يسولفون والكل كان يضحك الا اماني كانت تضحك من ورا خاطرها .. وبعد لحات رد احمد وبلغهم ان الدكتور رفض ان يرخص اماني .. وبعد نص ساعه تقريبا الكل توكل .. وتمت أماني بروحها فالمستشفى .. اللي حاولت ترقد بس ما ياها نوم فقررت تدق على عليا ..

عليا : الووووو

أماني ( وكان مبين على صوتها انها تعبانه ) : هلاا عليا .. شحالج ؟؟

عليا : تمام الحمدلله .. اعلوومج انتي ؟؟ ليش جي صووتج ؟؟

أماني : علووم الخير .. ( اماني ما قدرت تيود عمرها وتمت تصيح ) : انا .. انا .. تعبانه واايد يا عليا .. فووق ما تتصورين ..

عليا ( خافت ): خير .. عسى ما شر ؟؟

أماني : ما شر .. المهم انا داقتلج وبغيت اعرف من شي واحد ..

عليا : خيييير ..

أماني : عليا .. بأمانه .. انتي شاله بخاطرج علي ؟؟؟

عليا ( تسوي عمرها ما تعرف السبب ) : ليييش ؟؟

أماني : على كل اللي سويته فيج انتي وسعوود ..

عليا ( كانت حاطه بخاطرها بس بعد ما سمعت صوت أماني وحست انها ندمانه بدلت رايها ) : هممم مو بعد الحين ..

أماني : يعني انتي مسامحتني ؟؟

عليا : اكييد حبيبتي .. المهم طمنيني .. انتي شفيج ؟؟

أماني ( وتمت تصيح بصوت عالي وعقب لحظات وعقب ما هدت ) : سعود يا عليا مو راضي يسامحني .. قام يعاملني بقسوة .. لدرجه انه صفعني امس .. وانا من كثر التعب .. طحت عليهم .. والحين انا مرقده بالمستشفى ..

عليا( شهقت) : افااااااا .. سلامات حبيبتي .. ما تشوفين شر .. فيني ولا فيج ..

أماني : باسم الله عليج .. المهم انا ما بطول عليج .. بس كنت اتمنى انج تسامحيني من كل قلبج .. وانا ادري اني غلطانه وانا نادمه على غلطتي .. والله اني نادمه ..

عليا : خلاص يا أماني .. صار خير .. وانتي لا اتعبين عمرج زيااده ..

أماني : انشالله .. يالله بخليج الحين ..

عليا : فامان الله ..

أماني ( وقبل لا تسكر عليا ) : عليا ..

عليا : هلااا ..

أماني : متأكده انج مسمحتني ؟؟

عليا : اكييد حبيبتي .. المهم يالله تحملي على عمرج ..

أماني : وانتي بعد .. يالله مع السلامه ..

عليا : فمان الله ..

أماني بعد ما سكرت عن عليا حست براحه .. بس بعد كانت شايله بخاطرها على اللي سوته في سعود .. وتمت تفكر وتفكر واخر شي استسلمت للنوووم .. وكانت الساعه بعدها 11 .. بس هي كانت حاسه بتعب فظيع ..

●●●●●●●●●●●●●●●●●

[هيبة بدويهـ]

أماني كانت فالبحر .. وكانت بمكان غاااارق وكانت حاسه بلحظتها انها بتمووت ونهايتها بالبحر وفجأة شافت سعود من بعيد .. اللي استانست من شافته وكان الامل بالحياة ردلها وكانت تصارخ : ساعدني سعوود .. الله يخليك .. ساعدني .. بموت انا .. دخيلك ساعدني ..

سعود ( وهو يضحك بكل قسوة ) : هههه .. خليج هناك .. محد بيساعدج .. انتي لازم تموتين لازم .. ههههههههه

أماني : حراام عليك .. بمووت يا سعوود .. انا اختك .. سااعدني ..

سعود : انتي مو اختي .. اختي اللي اعرفها ماتت بقلبي .. ماتت .. وانتي بعد لازم تمووتين .. لاااااازم

..
..

وفجأة فتحت عيونها أماني من بعد هالحلم .. وانصدمت لما شافت سعود وياها بالغرفة وكان قاعد يمسح على راسها .. كانت حاسه بخوووف منه .. وفجأة ولما تذكرت الحلم تمت تصارخ بكل قوتها مثل المينونة : لحقوووني .. سااعدووني .. بيجتلني ساعدووني .. ما ابي اموت . ساعدووني .. الله يخليكم ساعدوني ..

سعود ( انصدم وحاول يهدي اخته وحط ايده على حلجها ) : اششش .. ( ونزلت دمعته على حاله اخته ) دخيلج اماني .. لا تسوين برووحج جذي .. والله اني متلوم فيج ..

وفهاللحظة أماني حظت ايد سعود وتمت تصارخ : انت جذاااب .. انت جذااب .. توني كنت بغرق وانت ما ساعدتني .. انته تبا تموتني .. لحقوووني .. بيموتني ..

وبهاللحظه دخلووو الممرضات .. اللي بدورهم طلعووو سعود من الغرفه .. وعلى طوول عطوها مخدر .. واماني كانت تصارخ وكل حين صوتها يخف لين استسلمت لنوومها ..

سعود كان قاع برع الغرفه .. وكان منصدم من اللي شافه ومووو قادر ابد يستوعب اللي شافه كان صدق متلوووم .. و حاس بخنقه فظييعه .. كان وده يكون عنده حد يشكيله وما حس بروحه الا والدموع تسيل من عيونه على حال اخته اللي كان يعزها وااايد .. كانت معزته لها غير عن باجي اخواانه وفجأة وبسبب وحده تحول حبه لها لكره فظيييع ..


( ( أشكي عليك الحال يا عارف الحال ,, ولو ما بيدك شي يكفي لك أشكي ,, يكفي تروح بكلمتك ضيقة البال ,, ويكفي تحس بضيقتي دون ما أحكي ,, أشكي عليك الحال يا عارف الحال .. ))

وبهاللحظة تذكر أحمد وعلى طوول دقله

أحمد ( واول ما رد عليه ) : سعووووووووود ! انت وينك الكل خايف عليك ؟؟

سعود ( وصوته يدل على تعبه الزاايد ) : أحمد .. دخييلك بغيت اشووفك ..

أحمد : انزين انت وينك الحين ؟؟؟

سعود : انا فالمستشفى عند اماني ..

أحمد ( خااف لا يكون سعود سوا شي فأماني ) : شو تسوي هنااك ؟؟

سعود : مب وقته .. المهم وين اقدر اشووفك .. تراني تعبان ومحتاج اشكي لاحد ..

أحمد : فالك طيب .. تعاللنا الميلس ..

سعود : لا لا .. ما لي خلق .. همم تعالي صوب الشاطئ .. ( وسكر على ويهه )

وعلى طول سعود سار وين ما تواعد ويا احمد .. وكان احم هناك ينطره .. وعقب السلام ..

أحمد : خيير .. سعوود .. شفيك ؟؟ وليش جي ويهك غادي ؟؟

سعود : أحمد .. انا كنت واايد قاسي ويا أماني .. بس والله اني متلوم ..

احمد : حصل خير انشالله .. بس ما اعتقد هي شاله بخاطرها عليك .. حتى يوم زرناها سألأت عنك .. وكانت تبي رضااك .. بس انت شو كنت تسوي عندها بالمستشفى ؟؟

سعود ( واول ما تذكر الموقف عينه دمعت ) : كنت سايرلها اطمن عليها .. ( وقاله بكل اللي صار ) ..

أحمد : لا حول ولا قوة الا بالله العلي العظيييم ..

سعود : أحمد .. والله اني تعباان .. ما تدري شكثر اتعذب يوم جي اشووفها ..

أحمد ( وكان يحاول يخبي الحزن اللي فقلبه ) : الله يقومها بالسلامه .. وانت الحين اذكر ربك وادعيلها وانشالله هي عقب ما تهدى كل شي بيرد مثل الاول واحسن ..

سعود : انشالله .. وخلاص اذا أماني ما تباني اخذ عليا تراني مستعد اضحي بحبي لعليا بس لا تسوي بروحها جذي ..

أحمد : الله يهديك يا سعووود .. اصلا اكيد الحين اماني ندمانه .. واكيد هي تباك لعليا .. بس السالفه وما فيها انها خايفة منك بعد الموقف اللي صار ..

سعود : الله كريم ..

أحمد : يالله انزين قم .. خلنا نسير ..

سعود : هممم .. لا انت سير .. خلني انا ابي ايلس برووحي شوي ..

أحمد : مب زيين اتم برووحك هنييه .. اخاف تتعب ..

سعود : اطمن .. ما بسوي بروحي شي .. انت بس رووح .. وانا شوي وبتوكل

أحمد : على أمرك .. يالله فداعه الله ..

سعود : الله وياك ..

سعود وبعد لحظات ركب سيارته وتم يحوط بسيارته .. كان يسووق وهو يفكر بأماني وحبه لعليا .. كان كل ما يقول انه بينسى عليا يذكرها ويذكر نظراتها له .. كان للحين يذكر عيونها الجتاااله .. تم يفكر ويفكر وكان اغلب تفكيره فعليا .. ( يالله هالانسانه كيف اسرتني .. ما كنت متوقع بيووم اني بحب .. والله انج يا علياا ولا كل البشر .. اخ من ذيج العيوون الجتاله .. ااااه .. واااه .. وزادت اهاتي منج يا عليا .. والله انج معذبتني .. حبج معذبني يا عليا .. معذبني .. بس ما ادري ليش الحظ دايم يعاكسني .. ما ادري .. اااااااه .. بس انا لازم انساج وانسى حبي لج .. دام هذا الشي بيؤثر على صحه أماني .. الحب ممكن يتعوض .. بس اختي شيعوضها .. اووووووووف .. والله اني تعبت .. والله .. يا ربي ارحمني برحمتك يا رب .. بس أماني الحين اكيد ما بتمانع لو خذيت عليا هيه ما بتمانع .. ليش انساها .. واصلن من قال اني بقدر فيوم انساها .. لا حووول .. انا شكلي بين من كثرة التفكير ) وعقب هالتفكير حاول سعود ينسى الموضوع وعلى طول شغل المسجل اللي كانت فيه اغنيه ( مستغرب )

..
..

مستغربه تسألني وش غير عليك
لمه الوداع ارخى الستار
عيونك شتا والنار في رعشة ايديك
وصمت بحر ماله قرار
يا اغلى امل انا هويت
ان كنتي يا حلوه دريت وما دريت
هذا الهوى هذا الهوى
اقسى واجمل تجربه

ما اوعدك الا بـ وفاء
وقلبٍ مراده يسعدك
ما اوهبك الا حياتي
وروحها اللي بيدك
مهما الليالي احرمتنا ودها
وايامك لغيرك تناهى شهدها
انتي المحبة كلها لا قبلها لا بعدها
ما يقدر النسيان عني يبعدك

مسافر انا كلي رجاء
لا تجرحين منهو التجاء
بعيونك الحلوه من الدنيا وجاء
كلي رجا كل رجاء
معنى حياته في كلمتين
حب ووفاء منك على مر السنين
يا اغلى امل انا هويت
ان كنتي يا حلوه دريت وما دريت
هذا الهوى هذا الهوى
اقسى واجمل تجربه..
..

[هيبة بدويهـ]

بس عاااااااااااد نزلت بارت واايد بس عشان ماتزعلوون ..
لوول

[غزال ما ينصاد]

يعطيج العافيه ..ونتريا البارت الي بعده

بالتوفيق ان شاء الله

[هيبة بدويهـ]

عااااااااد تريا لين بعدين انا الحين حطيت كذا بارت بس عشان الصدعة ..

[المـ للأبد ـجروح]

اقولج اقولج لا تتفلسفين والله لو اعرف ان القصه خياليه ما قريتها ^_^
يعطيج العافيه
بس عندي سؤال ثاني
من وين يبتي هالقصه في ذمتج جاوبيني بصراحه

[هيبة بدويهـ]

خخ خخ خخ خخ خخ خخ خخ خخ ماااااااااابقول ..

[المـ للأبد ـجروح]

اعرف انج سارقتنها من مجله ولا من منتدى ثاني .... { ما ظنيت انج حراميه } طحتي من عيني


لا بس صراحه والله كنت اتمنى اقرا القصه بس الحين كرهتها ^_^

[هيبة بدويهـ]

اوووكــــــــــــــي برايكـ ... تبا تكملها مابمنعك و اذا ماتبا الي يريحك ..

[المـ للأبد ـجروح]

لا والله مب جي قصدي السموحه منج اختي بس والله مليت والله قريت قصه مب من هالنتدى ولا كنت مشارك في منتدى ثاني وقريتها هناك لا ... ربيعي قال ادخل الموقع الفلاني وادخل هني وادخل هني ..وعقب قريت قصه حلوه وايد وجي والله عقب هذيك القصه كرهت كل القصص ..




اسمحيلي اختي



لا تزعلين ^_^

[فرحہ]

يالله عااااااااااد لاتحرقين أعصاااابنا ونزلي البارت الياي
في أنتظارج الغلا

[هيبة بدويهـ]

اوكي توني منزله البارت عاد مايصير جيه بارت ورا بارت ...

[هيبة بدويهـ]

لا والله مب جي قصدي السموحه منج اختي بس والله مليت والله قريت قصه مب من هالنتدى ولا كنت مشارك في منتدى ثاني وقريتها هناك لا ... ربيعي قال ادخل الموقع الفلاني وادخل هني وادخل هني ..وعقب قريت قصه حلوه وايد وجي والله عقب هذيك القصه كرهت كل القصص ..




اسمحيلي اختي



لا تزعلين ^_^

لا عادي حشاا مازعلت بس بكيفك اذا تبا تقاها قراها عادي ..
و اصلن الزعل مايليق عليه بس العصبيه من اعضاء المنتدى .. لوول سوري ..

[المـ للأبد ـجروح]

من طيبج ......... هههههههههههههه



انزين المهم مشكوره القصه روعه وجي ^_^ حلوه صراحه ...




يسلمووووووووووووووووووووووو



ولا تاخذين في خاطرج علينا هههههههههههههههههههه










التوفيق من رب العالمين

[هيبة بدويهـ]

* الجزء الخامس عشر *


فاليوووم الثاني وفبيت ابو سعود كان حمدان يرمس امه ..

حمدان : امي دخيلج من تطلع اماني من المستشفي خطبيلي اياها ..

أم حمدان : بس انا سمعت ان أحمد حاط عينه عليها ..

حمدان ( انفعل ) : بس هي ما تباه ..

أم حمدان ( انقهرت وعصبت بنفس الوقت ) : وانت شدراااك انها ما تبااه ؟؟ هي قالتلك ؟؟

حمدان : امييه دخيلج انا احب امااني .. وما ابا افرط فيها ..

ام حمدان ( تنهدت ) : لا حوووول .. خلاص .. انشالله .. برمس امها .. بس عقب ما تطلع اماني من المستشفى ..

حمدان : يا سلاااااااااااام .. عاااااشت اماايه ..

أم حمدان : بس لحظة انا ما خلصت كلامي !!

حمدان : شووو بعد ؟؟

أم حمدان : تراا الحين بس خطبه .. ولين ما ترد من السفر يصير خير ..

حمدان : تامرين امر والحين عن اذنج .. ( وعلى طووول طلع من البيت بدون ما يسمع ولا كلمه من امه )
ام حمدان تمت تضحك على خبااال حمدان ..

وفهاللحظة دخلت عليها أم سعود ..

أم سعود : السلام عليكم ..

أم حمدان : وعليكم السلام والرحمه .. اقوووول سارة .. بلاه ويهج جي غادي .. جمج الا كنتي تصيحين !!

أم سعود : والله شو تبيني اقوولج يا عاشه .. توه سرت انا وبوسعود عشان نرخص اماني بس ما طاعو ..

أم حمدان : لييييييييييش ؟!!

أم سعود ( وهي تصيح ) : ما ادري بلاها بنتي يا عاشه .. يقولون امس زارها سعود ومن شافته تمت تصارخ وتصيح .. والحين مانعين الزيارة عنها ..

أم حمدان : لا حول ولا قوة الا بالله .. امس شزينها وشحلاتها .. شو اللي جليبها فجأة ؟!!

أم سعود : ما ادري والله ما ادري ..

●●●●●●●●●●●●●●●●●

هند وحميد وبدر كانو قاعدين فالحديقه يسولفوون ..

حميد : انزين ما تدروون ليش صفعها ؟؟

هند : ترا نقووولك يالغبي ان نحن ما سرنا الا و اماني مغمى عليها ..

بدر : هممم والله حرااام .. هذا سعوود بعد عفانا الله منه ( وتم مبوز )

حميد : انزين خلاص خلووو عنكم هالرمسه .. اقوول بدوور قم العب وياي كرة ..

بدر : اوووكيه

هند : انا بعد بلعب وياكم ..

حميد : جب جب ماشي بنات يلعبون كرة ..

هند : لا والله !! عيل انا مصرة ع رايي .. بلعب يعني بلعب ..

بدر : هيه حميد .. خل هند تلعب ويانا ..

هند : هههاااااااي .. 2/1 .. يالله شو قلت ..

حميد : خلاص .. موافق وامري لله .. بس سيري لبسي سبورت وتعالي

هند : اووكيه .. برب

بدر : تييييييت ..

حميد : بس ترا اذا اتأخرتي بنلعب عنج ..

هند : ما بتأخر ..

●●●●●●●●●●●●●●●●●

فبيت أبو فيصل كانو نوف وفيصل وام فيصل وابو فيصل يالسين فالصاله ..

نوف : ماماااااااااه .. دخيلج خلينا نروحلها ..

أم فيصل : لا حووووول .. خلااص قلتلج باجر يعني باجر ..

أبو فيصل : الله يهدااج حبيبتي .. خلي لينا باجر ونروح لها كلنا للبيت

نوف : همممم .. انزين خلااص .. بس شرايكم نسوي لها مفاجأة ..

فيصل : انا عن رايي .. هي بتطلع وبتكون تعبانه .. وما اظن بيكوون لها خلق حفله وربشة ..

أم فيصل : صح كلامك ..

أبو فيصل : الا اقوول فيصل .. لا تنسى ترا الملجه بعد اسبوووع .. وانشالله العرس فالصيف ..

فيصل : اللي اتشوووفه ابوويه ..

أم فيصل : والله فدييتها عوااش .. بصراحه تناسبون بعض ..

فيصل ( ابتسم من ورا خاطره ) : مشكوورة اماايه ..

نوف : هممم اميييه .. تراا امل دقت اليوم ..

أم فيصل : شووو قالت ؟؟

نوف : ماشي .. بس خبرتها عن سالفه اماني .. وقالتيوم بتظهر من المستشفى انشالله بيسيرولها البيت ..

●●●●●●●●●●●●●●●●●

فالمستشفى كان حمدان يحاول يقنع الدكتوور انه يدخله .. وعقب الاصرار وافق بشرط انه ما يطول ..

وكانت اماني بنفس الوقت تعبانه وطفرانه وبنفس الوقت كانت حاسه بخوووف فظيع من بعد الحلم اللي حلمته امس .. كانت طول الوقت ترجف من الخووووف ومن كثرة الخووف كانت حاسه ببرد فظييييييييع .. وعقب لحظات دخل عليها حمدان اللي كان شال وياها باقه ورد عووووودة ..

حمدان : السلام عليكم ..

أماني ( وهي ترجف من البرد ) : وعـ ـ ـلـ ـيـ ـ ـكـ ـم الـ ـ سـ ـ لـ ا م ..

حمدان ( كان خايف عل أماني ) شفيج أماني ؟؟؟ عسى ما شر ..

أماني : بـ ـ ـ ـ رد .. انا بـ ـ رداانـ ـ هـ ..

حمدان اللي كان خايف على أماني وبدووره زقر الدكتووور ..

الدكتور وبعد ما دخل على أماني وتم يشوف شغله .. وعقب لحظات يو الممرضات وعقب ما عطووها المخدر عشان ترقد طلب الدكتوور من حمدان انه يرووح عشان اماني ترقد بس حمدان رفض انه يرووح .. وقرر انه ييلس برع الغرفه لين ما تنش ويسير يقعد وياها .. ومرت ساعتين وحمدان بعده قاعد برع الحجرة وفجأة غفل .. وما قام من غفوته الا على صريخ أماني اللي هز المستشفى بكبره .. وعلى طووول شاف الدكاترة والممرضات كلهم يركضوون لغرفه أماني .. كان خاايف واايد على أماني .. حاول انه يدخل الغرفه بس رفضوو وتم يحاول وياهم بس ماشي فايده .. كان مو قادر يسوي شي .. للحظة حس انه ضعيف .. كان خايف انه شي يصيب أماني .. وبنفس الوقت حس بشعوور غريب .. اول مرة يحس انه يحب أماني لهالدرجه .. فالبداايه كان يحبها حب عاادي او يمكن حب اعجااب .. بس الحين حس بقيمة أماني عنده .. كان صدق خاايف .. ويعد لحظات طلع الدكتور ..

حمدان : دكتووور .. دخيلك طمني ..

الدكتور : هيه بصرااحه حالتها صعبه .. ونفسيتها كتيير تعباانه .. وهيه عن طرق دكتوورة نفسانيه وبعد ما كلمتها عرفنا انها بتراودها احلام كتيرة بتتعلق باخووها ..

حمدان : والحل يا دكتووووووور ؟؟

الدكتور : همم بصراحه .. نحن مضطرين حاليا نمنع عنها الزيارات احد ما تبقى نفسيتها كويسة ..

حمدان : بس؟

الدكتور ( يقاطع حمدان ) : لا بس ولا حاجه .. دلوأتي انته بتأدر تروح لو عايز .. ومافيش داعي تبأى هنه ( لا بس ولا شي .. والحين انته تقدر ترو لو تبا .. وما في اي داعي انك اتم هني )

حمدان ( حس بخيبة امل كبيرة ) : خلاص عيل .. مشكوور دكتووور ..

الدكتور : الله معك ..

●●●●●●●●●●●●●●●●●

بدر : ايييييه .. بس .. انا تعبت ..

حميد : يعني تستسلم هااا ؟؟

هند : اولا هو ما استسلم بس ياخي الولد تعب ..

بدر : اصلا انا وهند فايزين .. فايزين .. بس والله تعبت ..

وفهاللحظة دخل حمدان بسيارته لتحت المظله ..

حميد : انزين خلاص انتو ادخلو الحين وانا شوي وبيي ..

هند : لا والله !! وليش انته ما اتي ..

حميد : ياااااالله .. وانتي شو تبين فيني ؟؟ تغارين علي وانا ما ادري ؟! ..

هند وتوها بترد علي حميد بس بدر ما عطاها فرصة : خلاص هند خلينا ندخل انا تعباان ..

هند : اوووكييه .. بس عشان خاطرك ..

وعقب ما دخلو هند وبدر حميد على طول سار صوب حمدان اللي كان يالس فالسيارة ومبين عليها التعب وعقب ما بطل عليه الباب ..

حميد : شحالك حمدان ؟؟

حمدان : ما فيني شي ..

حميد : على ميين تلعبها ؟؟ اقوول مب علي انا .. ترا مبين عليك انك متضايق ولا في شي فخاطرك وما ودك تقوولي ..

حمدان : هممم .. تبي الصرااحه ؟؟

حميد : اكيييد ..

حمدان : بس توعدني انك ما تخبر حد .. ولا تفهم غلط ..

حميد : اوعدك .. بس يالله قووول ..

حمدان : انا سرت لأماني المستشفى ( وعقب ما تنهد ) وحالتها ما تسر الصرااحه ..

حميد : شوووووو ؟؟!! ليش شو فيها اماني ؟؟

حمدان : ما ادري .. بس انا يوم سرت ( وخبره باللي صار ) ..

حميد : كله من سعووود هالخايس .. والله لو بيدي جان جتلته هالمجرم ..

حمدان : استغفر ربك ياا حميد .. تراا مهما كان هذا اخووب ..

حميد : وأماني بعد تراها اختي .. بس تدري .. طوووف خلنا نسير المستشفى انا ما برتاح الا عقب ما اشووفها ..

حمدان : ما بيخلوونك .. مانعين عنها الزياارة ..

حميد : حراااام عليهم . انا ابا اطمن عليها .. والله خايف عليها ..

حمدان : كلنا خايفين عليها يا حميد .. بس انته الحين هدي شوي .. عشان اللي داخل ما يشكووون بشي اذا شافووك ..

حميد : اصلا اكيد اذا شافوني ما راح يحسوون بشي .. بس انته مبين عليك واايد .

حمدان : اطمن اصلا انا ما بدخل ..

حميد : وين بترووح ؟؟

حمدان : ما ادري والله .. المهم يالله انزل بسير احووط شوي ..

حميد : برووح ويااك ..

حمدان ( وعقب تفكير ) : همممممممممم .. انزين .. براحتك .. وين تبينا نسير ؟؟

حميد : هممم سير صوب الشاليه مالنا .. ولا ما تدله ..

حمدان : امبلا ادله .. احيد مرة سرت ويا سعود ..

حميد : يالله عيل ..

●●●●●●●●●●●●●●●●●

أحمد ويا فيصل فالميلس يسولفون ..

أحمد : والله يا فيصل ما كنت ادري ان حمدان بهالوقاااحه ..

فيصل : كل هذا لانه يحب أماني ؟؟

أحمد : لا وأزيدك من الشعر بيت ..

فيصل : شووو بعد ؟؟

أحمد ( وهو يقول بصعووبه ) : أماني بعد شلها تبادله الشعوووور ..

فيصل : وانت من قالك ؟؟ .. ياخي لا اتم تقص على عمرك .. انا بصراحه احس ان أماني تحبك انت ..

أحمد : هذاك أول .. الحين كل شي تغير من يوو قوم عمووه ..

فيصل : يالله يا احم .. كلها غيرة ليش انه حمدان وياها بنفس البيت ؟!!

أحمد : والله مب جذي السالفه .. بس حمدان واايد ماخذ راحته ويا أماني .. انته ما لاحظت شووه ؟!!

فيصل : بصرااحه لاء .. انا اللي لاحظته انه يعامل أماني شراات اخته لا أكثر ..

أحمد : اووووه .. مشكلتك مب فاهم شي ..

فيصل : وشو اللي مب فاهمنه انا ؟؟ انك تحب أماني وخايف انها تكوون لغيرك ..

أحمد : اقولك شي .. عن اذنك انا بظهر ..

فيصل : برااحتك

أحمد ظهر وسار يلس فسيارته وشغل المسجل على اغنيه ( لا تخاف ) وعلا الصووت على الاخر وتم متساااند على السيت جنه بيرقد ..

..
..

لا تخاف من الزمان الزمن ماله أمان
خف من اللي كل امانك في يديه وتامنه
لو حبيبك ماوفى لك لو حبيبك فيك خان
ايش ترجي من زمانك ؟ النتيجه باينه
نكتشف مر الحقيقه بعد مايفوت الأوان
قلت لك لاتندفع له قلت حبي صاينه
وينه اللي صان حبك؟ ما أشوف اليوم بان
قلبك اللي هوا قلبك لا تحسبك ضامنه
لاتعذّر باحتياجك كلنا ناقص حنان
كلنا طفل يتمنى أي شخص ٍٍٍِ يحضنه
نبني الدنيا وحنا نوقف بنفس المكان
للأسف ينقص وفانا مع مرور الأزمنه
..
..

●●●●●●●●●●●●●●●●●

أم سعود : اقووول بدوور .. ينه اخوووك حميد ؟؟

بدر : ما ادري عنه ..

هند : عمووه .. انا شفت حميد ساير صوب حمدان .. يعني اكيد طلع ويااه ..

أم حمدان : الا اقوول سارة .. سعود ماله خبر للحين ؟؟

أم سعود : والله ما ادري يا عاشه .. هالسعووود شكله بيخبل بي ..

أم حمدان : انزين لييش ما تدقيله ؟؟

أم سعود : دقيتله كمن مرة بس مبايله كله يعطي مغلق ..

أم حمدان : الله يستر بس .. انشالله خيير ..

أم سعود : انشالله ..

وعقب لحظات دخلو حمدان وحميد وكان وياهم سعود وشكله تعباان ع الاخر جنه من سنه مب رااقد وكان بنفس الوقت ضعفاان .. كانو حميد وحمدان ميودينه عسب لا يطيح ..

أم سعود ( شهقت ) : ولـــــــــدي .. حمدان شفيه سعوود ؟؟ وين حصلتووو ؟؟

حمدان : ما فيه الا الخير .. بس نحن كنا سايرين الشاليه وحصلناه طايح صوب البحر ..

أم حمدان ( وهي تيود أم سعود اللي كانت تصيح على حال عيالها ) : خلاص حمدان .. ودوه لحجرته .. خلووه يرتااح ..

بدر ( وهو يساسر هند ) : اقووول هندووه ليش جي ريحه سعود ؟؟

هند : ما ادري والله .. هالريحه غريبه علي ..

أم سعود : شفتي يا أم حمدان .. شفتي عياالي شو ياهم .. والله اني خايفه عليهم ..

أم حمدان : خلااص يا سارة .. اهدي الحين .. وسيري صليلج ركعتين وبترتاحين انشالله ..

أم سعود : بس لاحظتي .. سعود شكله موو طبيعي ..

أم حمدان : اكيييد شكله بيكون مو طبيعي .. تراه من كمن يوم لا اكل ولا رقااد ..

●●●●●●●●●●●●●●●●●

[هيبة بدويهـ]

×التكمله×
●●●●●●●●●●●●●●●●●

حمدان : اقوولك حميد .. ترووم تدخله وياي الحمام .. لازم يغتسل شوي .. عسب لا يشكوون فشي ؟؟

حميد : وانا بعد جي اقوول .. يالله ..

حمدان وحميد وهم يدخلوون سعود الحمام ..

سعود : الحين انا مجرم يا عيال اللذين عشاان اجتلها .. ؟؟

حميد : خلااص سعوود .. نحن ما قلنا انك مجرم ..

سعود ( وهو يصيح مثل الخبله ) : بس تقول اني بجلتها .. هي تتحراني بجتلها ..

حمدان : خلاص انزين يا سعود .. هي الحين بس تعباانه شوي .. وانشالله ما بيصير الا الخير

سعود : بس ..

حميد ( يقاطعه ) : لا بس ولا شيات .. يالله بسرعه ساعدنا عشان ندخلك الحمام .. تراك طفرت بنا ..

حمدان : حميدووه .. شوي شوي عليه .. انت تعرف انه الحين مب بعقله ..

حميد : انزين خلاص .. يالله سعود ..

ودخلووه الحمام وتم يجبوون عليه الماي وكان بيطيح عليهم كذا مرة بس الله ستر .. وعقب ما خلصوو .. طلعووه .. ونشفوله شعره شوي وعقب حطووه عالسرير واول ما حطوه راح بسابع نومه .. خاصه لانه مدوووخ ..

●●●●●●●●●●●●●●●●●

ومررر اليووم هذا قاسي على كل حد .. وكنه يوم النحااسه العالمي .. الكل كان زعلان وحاط بخاطره بهاليوووم
والصبح وفالمستشفى كانت اماني توها ناشه .. وكانت حاسه بالم فظيييع براسها .. وعقب شوي دخلت عليها الممرضة ..

الممرضة : السلاموو عليكووو ..

أماني : وعليكم السلام والرحمه ..

الممرضة : ازيها الحلوة دلوأتي ؟؟ ( شخبارها الحلوة الحين )

أماني : احسن شوي .. بس راااسي واايد يعورني ..

الممرضة : ايوه دي حاقه طبيعيه مش انتي نايمه يووم كامل تأريبا .. ( هيه هالشي طبيعي تراج راقده يوم كلما تقريبا )

أماني : دكتووورة همم وين اهلي .. ليش ما حد يا يزوورني ؟؟

الممرضة : هما قو كدا مرة .. بس انتي كنتي نايمه وبصراحه كنا مانعين عنك الزياارة .. ( هم يو كذا مرة بس انتي كنتي راقده .. وبصراحه نحن كنا مانعين عنج الزيااره ) ..

أماني : افاااا .. انزين دكتوورة .. انا ابي امي .. والله اني محتاجتها .. دخيلج دقيلها ..

الممرضه : خلاص ما عليش .. انتي ارتاحي دلوأتي .. وهم انشالله حييقوا لك ( خلاص ما عليه .. انتي ارتاحي الحين .. وهم انشالله بيونج ) ..

أماني ( مبوزة ) : انزييييييين ..

●●●●●●●●●●●●●●●●●

سعود فغرفته كان توه ناش من الرقااد .. وكان حاس بألأم فظييييييييع وعلى طول سار تسبح وتلبس ونزل تحت ولقى ليندا ( البشكارة ) ياسه تنظف..

سعود : ليندا وين ساروا كلهم ؟؟

ليندا : They go to the hospital

سعود : ومتى ساروا ؟؟

ليندا : just now

سعود : اهااا .. اوكي ثانكس ..

ليندا : u welcome sir

سعود عقب ما عرف ان الكل عند اماني فالمستشفى قرر انه يزوورها ..

●●●●●●●●●●●●●●●●●

أماني كانت فالمستشفى متملله .. وشوي ويدخلوون عليها الكل .. وبعد السلام ..

أبو سعود : اشحالج يمه ؟؟ الحين احسن ؟؟

أماني : هيه بخير الحمدلله ..

بدر : اماني بسج عااد .. يالله ردي البيت ..

حمدان : هيه والله .. البيت تراا بدوونج ظلمه ..

أم حمدان : واااااااايد ..

هند : اصلا كيف تبوون البيت ينور وحميد فيه ؟؟

هند وبدر تموا ناقعين من الظحك على حميد ..

حميد : جب انتي جب .. اصلا البيت ما ينور الا بوجوودي انا ..

هند : لا والله .. ومنوو تكون انته ؟؟

حميد : شيخ الرياييل حميد ..

بدر : هيهيهي .. شيخ فعينك ..

أبو حمدان : ههههه بسكم عااد .. المهم يا بوسعود وام سعود تستاهلوون سلامه بنتكم ..

أم سعود + ابو سعود : الله يسلمك ..

أماني : هممم .. ابوويه خلهم يظهرووني .. والله طفرت من هالمكاان ..

أبو سعود : انشالله . الحين بسير ارمسهم ..

وعقب ما ابو سعيد ظهر تمو يسولفون ويسولفون وشوي يدخل عليهم سعود ..

أماني ( خافت ) : سعووووووووود !!

[هيبة بدويهـ]

* الجزء السادس عشر *

وعقب ما ابو سعيد ظهر تمو يسولفون ويسولفون وشوي يدخل عليهم سعود ..

أماني ( خافت ) : سعووووووووود !!

سعود ( طنش أماني ) : السلام عليكم ..

الكل : وعليكم السلام والرحمه ..

أماني ( حست بخووف وعلى طووول حضنت امها اللي كانت ياسه حذالها ) : اميييي .. لا تخليني ..دخييلج .. انا خاايفه ..

سعود ( بنبرة حزن ) : حبيبتي اماني .. شفيج خاايفه ؟؟ اذا عشاان هاك اليووم فانا اسف .. واوعدج اني ما راح اعيدها ..

أم سعود : يمه اماني .. هذا سعوود اخووج .. ليش خايفه منه ؟؟

أماني ( ودمعتها خانتها ) : امايه .. تدرين سعود كان يبيني امووت .. كنت اغرق .. هيه كنت اغرق .. وهو ما كان يبا يساعدني ( وتمت تصرخ ) وتم يقولي لازم تموووتين .. هو يباني امووت .. هو يقص عليكم .. ( وعقب ما حولت نبرتها لنبرة حزن ) هو يدري اني انا احبه ( وردت تصارخ ) بس هو يكرهني .. هو يباني امووت هو ما يحبني والله هو بنفسه قالي انتي لازم تمووتين ..

أم سعود ( تمت تصيح على حال بنتها ) : الله يهدااج يا يمه .. اخووج يحبج .. تراا مهما كان يجمعكم دم وااحد .. ومستحيل في واحد يكره اخته او يباها تمووت ..

أم حمدان : حبيبتي اماني .. انتو لو غرقتي مثل ما تقوولين .. عيل شو اللي يابج هنييه .. اكيد بيكوون في حد ساعدج .. ونحن ما نشوف في اي شي يدل على انج كنتي بتغرقين او شي .. الا اذا انتي كنتي تتخيلين او تحلمين ..

سعود ( والدمووع تسيل من عيني وطبعا الكل انصدم من هالشي ) : امااني والله انا اسف .. ماكان قصدي امد ايدي علييج .. ومن قالج اني اكرهج .. والله اني احبج واعزج واكثر من جي بعد .. ( وقال وهو منزل راسه ) وانتي اذا ما تبيني اخذ عليا خلااص ما بخذها ..

أماني ( مصدوومه ) : يعني انته ما تكرهني !!!

حمدان : اماني سعوود يحبج .. وانتي حتى ما تدرين كيف كانت حالته يوم صار فيج اللي صار ..

أماني ( وبعدها خايفة بس ما بغت تبين هالشي وقالت بنبرة حزن): سعوود انته مسامحني ؟؟

سعود : والله يا اماني بصرااحه مفرووض انتي اللي تسامحيني على اللي سويته ..

أماني ( اطمنت شوي بس بعده الخوف فيها ): اصلا انا مستحيل ازعل عليك ..

أم حمدان ( استانست لانهم تراضو نوعا ما ) : الله يخليكم لبعض ياا رب ..

أم سعوود : اامين ..

حميد : ههاااااي .. هندووه بدووور شرايكم بالفلم ؟؟

هند : اول مرة اشووف فلم هندي مؤثر جي ..

بدر : هيهيهي .. والله منو قدنا شفنا فلم هندي بعينا وبدون لا تذاكر ولا هم يحزنووون ..

حمدان : تدروون انكم سخيفين ..

أماني :هههه بالعكس مسويين جو والله ..

سعود : هههه هندووه غريبه اول مرة انتي وحميد تتفاهموون على شي وااحد ..

هند : ليش يعني ؟؟

سعود : همم العاده دووم اراءكم عكس بعض خخخخ ..

حميد : والله شو اسوي يوم البنيه ميته فيني ( وقال وهو رافع خشمه ) عفانا الله كل ما قلت ولا سويت شي قلدتني ..

بدر : هيهيهي .. حميدووه مصدق عمره ..

هند : وبعدين ممكن اعرف على شووه انت رافع خشمك ؟؟ ويا هالخشم اللي يبيله الكسر ..

حميد : ههههههههه من غروووري .. يحليلج كل ها منقهرة من حلاة خشمي وانا مادري !! ..

حمدان : هههه شفت يا سعود شو سويت ؟؟

سعود : احسسسن .. خخخ ..

اماني : اووه ابووي واايد طوول ..

وفهاللحظة دخل ابو سعود واللي استغرب من وجود سعود ..

ابو سعود : سعوود .. هلا والله بولدي .. شحالك ؟؟

سعود ( وهم يحب راس ابووه ) : الحمدلله ابخيير وعافيه .. شحالك انت ؟؟

ابو سعود : تماام ..

ام سعود : ها محمد ابشر ؟؟

أبو سعود : هم بصرحه ما طاعو فالبداية لانهم قالو ان حالتها ساءت فالفترة الاخيرة .. بس بعد ما اصريت عليهم
ووقعووني تعهد وافقووا ..

أماني : هيييه .. مشكووور ابوويه ..

ابو سعود : العفووو غناتي .. ( ووجه كلامه لخته ) اقوول عاشه وينه عيل ابو حمدان ؟؟

ام حمدان : هممم ما ادري والله .. يقوول عنده كمن شغله وعقب بيي البيت ..

ابو سعود : الله يهدااه بعد .. واايد متعب رووحه بهالشغل ..

●●●●●●●●●●●●●●●●●

نوف : اميييه .. متى بنرووح بيت عمي محمد ؟؟

أم فيصل : والله ما ادري .. اليوم دقتلي ام سعوود .. وتقوول يمكن تطول اماني شوي ..

أبو فيصل : لا لا .. محمد قبل شوي داقلي ويقول اليوم بيرخصوونها ..

أحمد : صدق ؟؟؟؟؟؟؟ الحمدلله ..

فيصل : هممم .. اماايه ..

أم فيصل : لبييه ..

فيصل : شرايج لو نأجل لملجه لين اجازة الصيف .. مو احسن ؟؟

أبو فيصل ( ما عطا ام فيصل فرصه ) : لااا يا فيصل .. نحن عطيناهم كلمه .. وانشالله يوم الخميس بتكوون الملجه .. وطبعا هي بتكون بس حفله صغيرة ..

نوف : بس نحن ما زهبنا روحنا ولا شي ..

أم فيصل : والله عاد الزهبه ما يبالها شي .. عقب ما تظهر اماني .. سيروا اشترولكم فساتين جاهزة والاشياء اللي تبونها ..

فيصل : خلااص عيل .. على امركم ..

أحمد : هممم .. فيصل ابااك تعرف تراا انت الحين فالطريج الصح .. لا اتم توهم رووحك بشي ثااني ( قصده سارة ) ..

فيصل : خلاااااص انزين .. انا الحين بسير .. عندي كمن شغله لازم اخلصهم ..

أم فيصل : وما بتي بيت عمك ؟؟

فيصل : لا انشالله عقب بلااقيكم هنااك ..

●●●●●●●●●●●●●●●●●

أم سعود : يالله فديتج قومي على مهلج ..

أماني : اماايه بلااج خايفه عليه .. كاني ما فيني الا العافيه ..

أم حمدان : الله يهداج يا ام سعود .. ما عليج .. تراها ترووم تمشي بروحها ..

أم سعود : انزين خلااص ..

سعود : يالله عيل انا بسبقكم بالسيارة ..

ابو سعود : همم عيل خذ وياك بدر وحميد وهندووه و حمدان ..

أم حمدان : هيه صح ونحن بنرووح بسيارة بو سعوود ..

حمدان حس بخيبه امل .. بس راح ويا سعوود بدوون ما يقول ولا شي ..
وعقب ما روحوا قوم سعود .. روحو عقبهم أم سعود وابو سعود وام حمدان واماني وعقب ما وصلو .. راحت اماني لغرفتها تريح شوي .. وعقب ع العصر قامت وتسبحت و تعدلت ونزلت تحت عند اهلها .. وتمو يسولفون وشوي دخلو عليهم قوم عمها رااشد .. وتموا يسولفووون ..


نوف : الحمدلله على سلامتج عيووني .. والله ما تدرين شكثر خفت عليج ..

أماني : هههه .. هالكثر انا غاليه عندج ؟؟

حميد ( كان يقصد حمدان بكلامه ) : مب هي بس اللي خافت علييج .. ترا شي ناس قلووبهم طاحت فبطوونهم من كثر ما كانوو خايفين عليج ههاااااااااي

أماني : وممكن اعرف منو هالناس ؟؟

حميد ( وهو يطالع حمدان ) : ناس يعرفوون عمارهم ..

أماني على طوول فهمت قصد حمييد .. اما أحمد فهو بعد تم محترق من داخله وخاصه يوم لاحظ ان أماني استانست يوم درت ان حمدان اللي كان خايف عليها ..

أم حمدان : هممم عيل يا ام سعوود .. دام ان الكل مستانس عندي لج ساالفه ..

أم سعود : خيير يا عااشه ..

أم حمدان : بصرااحه يعني بما ان حمدان مسافر بعد اسبوع وكمن يوم تقريبا نحن ناويين نطلب ايد بنتج أماني لحمدان قبل لا يسافر وتضيع منه ..

أم سعود : والله هذي الساعه المباركه .. ولا انت شرايك يا بو سعود ؟؟ ...

أحمد كان طول هالوقت ساكت ومصدوووم وفنفس الوقت كان ينتظر ردة فعل أماني .. واماني اول ما سمعت كلامهم على طوول استحت وسارت لحجرتها ركض .. ولحقتها نووف اللي كانت مصدوومه ووراهم هند ..

ابو سعود : والله الراي الاول والاخير لأماني ..

أحمد ( قاام من مكانه وهم معصب ) : واناااااااااااا ؟!! .. وين رحت ؟؟

سعود : لييش انت شفييك يا احمد ؟؟

أحمد ( ودمعته نزلت من عينه غصب عنه ) : انا من متى واناااا حاط عيني على اماني .. واخر شي ايي هالخاايس وياخذها مني بل سهووله !!

أم حمدان : والله يا أحمد .. اماني من متى جداامك .. ليش ما تحركت ؟؟ ليش ما ييت خطبتها ؟؟ وبعدين لو اماني تبادلك الشعوور بترفض حمدان ..

حمدان : أحمد الله يخليك لا تخلي السالفه تكبر وتصير مشااكل من بينا لسبب تافه ..

أحمد ( بعصبيه ) : سبب تافه !! يعني اماني سبب تافه يالتافه !!

أبو فيصل : احمد .. احشمنا نحن ع الاقل .. صدق اني ما عرفت اربيك ..

فيصل : الله يهداك يا أحمد .. هد اعصاابك الحين ..

أحمد تم يطالعهم بنظرات كلها شر وحقد وعلى طووول ظهر من البيت ..

●●●●●●●●●●●●●●●●●

نوف : اماني .. انتي من صدقج تبين حمدان ؟؟

هند : ولييش لاء ؟؟ اخووي الحمدلله مو ناقصه شي ..

أماني : هممم تبين الصراحه يا نوف ( وتمت تطالع هند وجنها خايفه من اللي بتقووله ) انا احب حمداان .. وهو يحبني .. واللي فيها فيها ..

نوف ( مصدوومه ) : وأحمد ؟؟ وين خانته بقلبج ؟؟

أماني : احمد انا بصراحه اعده شرات سعود لا اكثر .. وبصرااحه عمري ما حسيت بالشعور اللي حسيته ويا حمدان لأحمد ..

هند : ياااااي .. واخيرااا تحقق اللي فباالي ..

أماني ابتسمت من الفرحه وكانت هند طوول الوقت تضحك وتسولف اما نوف فهي كانت فواادي كانت مصدوومه ع الاخر ..

أماني : نوووف .. وين رحتي ؟؟

نوف : ها .. ماشي .. ويااكم ..

هند : تقصين على منو انتي ؟؟ .. لا يكون انتي بعد حاطه عينج على واحد ؟؟

نوف ( عصبت ) : هند شو هالرمسه ؟؟ ما تستحين على ويهج جي تقوولين ..

هند انحرجت ونزلت راسها ..

أماني ( وكانت نوف توها بتظهر من الحجرة ) : نووووووف ..

نوف ( من ورا خاطرها ) : هلااا ..

أماني : دخييلج لا تزعليين .. بس انا ما ابي اعيش أحمد بعذااب لاني احب غيره ..

نوف ( بدون ما تصد لاماني ) : يصير خير ..

وعقب ما طلعت اماني ..

أماني : يااااي .. ما تدرين شقد انا فرحاانه ..

هند : منوو قدج .. بتاخذين حبيب القلب .. ( وقالت وبكل جديه وصرااحه ) بس يالله عقباال ما اخذ انا بعد حبيب قلبي ..

أماني ( انصدمت ) : شووووووووه .. ومنو انشالله حبيب قلبج ؟؟

هند ( اتنهدت ) : ناس يعرفوون روحهم ..

أماني ( وعقب ما كانت مصدومه انفرجت من الضحك ) : هذا وانتو جدامنا تمثلون علينا انكم ما تواطنون بعض .. والا طلعتو تحبوون بعض ..

هند : تبين الصراحه .. انا صدق احس مراات ان اخووج مليق .. بس مرات احس اني امووت فيه ..

أماني : يالله انشالله تكونين من نصيبه ..

هند ( بانفعال ) : اااااااااااااااااااامين .. الله يسمع منج ..

●●●●●●●●●●●●●●●●●

أماني : هذا وين رااح ؟؟ اخاف لا يسوي برووحه شي ..

ابو فيصل : لا انشالله فيصل يلحق علييه ..

الكل : انشالله ..

وشوي ويرن تلفوون أبو فيصل ..

أبو فيصل : هلاا فيصل .. بشر ؟؟

فيصل : همم خلاص لقيته ..

أبو فيصل : وييين ؟؟

فيصل : موو مهم .. المهم بغيت ابلغك ان نحن ما يمكن نبات برع البيت .. يعني لاتخافوون علينا ..

أبو فيصل : خلاص ما عليه .. بس تحملي عيليه .. لا يسوي بروحه شي ..

فيصل : انشالله .. يالله فداعه الله ..

أبو فيصل : مع السلامه ..

أم فيصل : ها بو قيصل .. بشر ..

أبو فيصل : لقوووه ..

ام فيصل : الحمدلله ..

أبو سعود : الحمدلله .. صدق خوفنا هالولد ..

أم حمدان : اسمحلي ياراشد والله ما كان قصدنا شي ..

أبو فيصل : حصل خير ..

●●●●●●●●●●●●●●●●●

وقت عقب ما روحو قوم بو فيصل بيتهم .. ومرر هاليووم عصيب شوي على بعضهم وحلو على بعضهم .. وطبعا الكل كان عاايش فاجوااء متوترة .. وعلى وقت الفجر تقريبا اماني وصلها مسج من رقم غريب ( نزلي الحديقه بسرررعه ) ..

أماني ( بخاطرها ) : منوو هذا اللي مطرش مسج بهالوقت ؟؟ اووه لا يكون حمدان .. يااااي يمكن عسب الخطبه ..

وعقب نزلت تحت وسارت صوب الحديقه .. وشوي سمعت صوت من وراها ..

... : فهميني وش هي غلطتي معج ؟؟؟؟؟؟



كــــــــــــــــــــــــــــــــــــت


هممم من تتوقعوون صاحب الصوت ؟؟
وشو تتوقعون بيصير بين حمدان وأماني ؟؟ وتتقعون زواجهم بيتم ولا ؟؟
وتتوقعون اللي صار بيأثر على علاقه نوف وأماني ؟؟

[M!$s.uAe]

رووووووووعه البــــــــــــــــــــــارت ....
نترياااا البـــــــــارت الياي ....:biggrin::biggrin:

[هيبة بدويهـ]

تسلميـــــــــــــــــــــ ع الرد الطيــــــــــــــــب ــــــــــــــــــــــــــــــــــــن ....

[هيبة بدويهـ]

تسلمــــــــــــــــــــــــــــــــين يالغلا ..
انتي الأحلى ..
تعـــــــــــــالي كـــــــــل يوومـ ..

[محــلى العطــر]

يسلمو الغاليه ع هالقصه


ويعطيج العافيه

[هيبة بدويهـ]

االله يعااافيجـ ...
ان شا الله الحين بنزلها ..

[هيبة بدويهـ]

* الجزء السابع عشر *


●●●●●●●●●●●●●●●●●

وقت عقب ما روحو قوم بو فيصل بيتهم .. ومرر هاليووم عصيب شوي على بعضهم وحلو على بعضهم .. وطبعا الكل كان عاايش فاجوااء متوترة .. وعلى وقت الفجر تقريبا اماني وصلها مسج من رقم غريب ( نزلي الحديقه بسرررعه ) ..

أماني ( بخاطرها ) : منوو هذا اللي مطرش مسج بهالوقت ؟؟ اووه لا يكون حمدان .. يااااي يمكن عسب الخطبه ..

وعقب نزلت تحت وسارت صوب الحديقه .. وشوي سمعت صوت من وراها ..

... : فهميني وش هي غلطتي معج ؟؟؟؟؟؟

أماني : أحمد !!!!!!!!!!!

أحمد : هيه أحمد .. بلااج مصدووومه ؟؟ ولا توقعتيه حمدان ..

أماني : شقصدك يعني ؟؟

أحمد : قصدي انتي فاهمته ؟؟ بس انا ياينج وفخاطري سؤال وااحد ..

أماني ( وهي عاطتنه ظهرها ) : اسأل ..

أحمد : ليش كنتي معيشتني باهواام ؟؟

أماني : اولا انا ما عيشتك باوهاام .. بس كنت اتحرى شعوري اتجاهك هو الحب .. بس انا ما عرفت معنى الحب الا بعد ما التقيت بحمدان ..

أحمد : وبكل سهوووله تقوولينها ؟؟ وانتي ما همج شعوووري !!!!!! دخيلج بس فهميني فشووو غلطت ويااج انا ؟؟ فشووو ؟؟

أماني ( صدت له ) : أحمد والله اني كل يوم اتعذب اكثر عن اللي قبله يوم اذكرك .. بس انت ترضى تعيش ويا وحده تحب غيرك ؟؟؟؟

أحمد : ما يهمني .. تبين حمداان خذيييييه .. وانتي غيرج مليووون .. بس بعرف شو اللي خلاج تجلبين علي فجأة ؟؟؟

أماني : أحمد .. انا ما جلبت عليك ولا شي .. انت من البدايه كنت بحسبه اخووي وبتظل بحسبه اخووي .. بس كفاايه خلني اعيش حيااتي .. وانت الله يخليك انسااني وانسا حبك لي .. عن اذنك

أماني وتوها بتروح الحجرة بس يودها أحمد من ايدها بالقووو ..

أحمد ( وهو راص ع اسنانه ) : انا بعدني ما خلصت كلامي ..

أماني ( وهي تحاول تفك ايد أحمد ) : أحمد هد ايدي .. ترااك تعورني ..

أحمد : مب قبل ما اكمل كلامي ..

وفهاللحظه سمعو صوت من وراهم .. : أحمد خل البنيه فحالها ..

أماني ( اللي فرحت ) : حمداان .. الحق علي .. الله يخليك ..

أحمد : انتي جب .. وبعدين انت باي صفه اتي تدافع عنها .. ترا نفس ما هي بنت خالك تراها بنت عمي .. ( ويمثل انه توه تذكر ) ولا اووه تذكرت .. هذي هي زوجه المستقبل .. صح .. زيين زيين ..

حمدان : يعني ما بتفج عنها ؟؟؟

أحمد ( طنش حمدان ورد يطالع اماني .. وتم يطالعها من فوق لتحت وغصب عنه عينه دمعت ) : كرهتج حبيبي .. ( وهدها وسار .. )

حمدان ( على طوول سار صوب أماني ) : اذااج ؟؟ سوالج شي ؟؟

أماني : لااء .. اطمن .. عن اذنك بسير ارقد ..

حمدان : اذنج معااج ..

أماني كنت تحاول تخفي دموعها طول هالفترة واول ما وصلت حجرتها تمت تصيح .. بس هي ما كانت تصيح على اللي استوى كانت تصيح على كلمه أحمد ( كرهتج حبيبي ) ..

أماني ( فخاطرها ) : ليييش جي يسوي فيني ؟؟ يعني انا شذمبي اذا قلبي حب غيره ؟؟ والله شو هالحااله ؟؟ بس معقووله هو كرهني ؟؟ معقووولة !! لا لا ما اعتقد .. مستحيل .. احمد يحبني وبيتم يحبني .. بس لييش قالي كرهتج حبيبي .. شو قصده ؟؟؟



(( مــشـاااكلــنا بــدت تزداد ,,, وصلنـــااا مرحـــلة الـ ع ـــناااد ,,, شســـوي داامـ احــاسيسي ,,, والطــيبهـ لحضرتكـ مافاد ,,, اشــوف انســب لنـا انسب ,,, ولا اقـــسى ولا تقســى ,,, وكـــل واحــد يرووحـ بدااار ,,, اظــــــــــن افضــل نكـــــوونـ بعـااااد ))



وتمت اماني تفكر باللي استوا .. وتمت تعيد جمله احمد فبالها مليوون مرة .. وكل ما تذكر الجمله يزييد صيااحها وعلى هالحاله تمت سهراانه لين صلاة الفجر نشت وصلت وعقبها رقدت ..

●●●●●●●●●●●●●●●●●

فبيت بو فيصل .. عقب الغدا تمت نوف ياسه ويا امها وكانت امل عندهم ..

ام فيصل : عيل دام ان اماني ظهرت من المستشفى شرايكم تسيرون رباعه ؟؟

نوف : هممم امايه انا مالي خلق اماني الصرااحه ..

أمل : لا والله .. شو هالرمسه بعد ؟؟

نوف : يعني ما شفتي شو صار لاحمد بسبتها ؟؟؟

أم فيصل : والله البنيه مو ذنبها .. يوم ان حمدان خطبها قبله .. وبعدين هذي الدنيا .. حظ ونصيب ..

نوف ( تنهدت ) : خلااص عيل .. يصير خير ..

أمل : عيل شراايج نسير اليوم نتشرى .. الملجه ما بجالها شي ؟؟

نوف : اووكييه .. برايكم ..

أم فيصل : عيل يمه نوف قوومي دقي حق أماني .. خليها تزهب ..

نوف ( من ورا خاطرها ) : انشالله ..

وقامت نوف من مكانها وسارت دقت على بيت أماني ..

تررن تررن تررن ..

هند ( بدلع ) : الووووه

نوف : هلا هنوود .. شحالج ؟؟

هند : تمام .. شخباارج انتي ؟؟

نوف : يسرج حالي .. الا وينها أماني ؟؟

هند : أماني ما ادري شو سالفتها .. للحين ما نشت من الرقااد ..

نوف : اوهووو .. انزين عيل سيري وعيها .. وقوليلها نوف تقولج ازهبي ع المغرب لان بنسير نتشرى حق ملجه فيصل ..

هند : ياااي .. انزين يصير ايي وياكم ؟؟

نوف : بكييفج .. المهم لا تنسين ..

هند : اووك ..

●●●●●●●●●●●●●●●●●

هند عقب ما سكرت عن نوف على طوول طيران لحجرت أماني .. وما صدقت سارت بطلت الستااير . .وبندت المكيف وتمت تزاعج ..

هند : امااني .. اماني يالخبله قووومي ..

أماني : هممم .. شو فيج ؟؟

هند : نوف دقت وتقولج لازم تزهبين ع المغرب عسب نسير نتشرى لملجه فيصل ..

أماني : انزين هيه قالت ع المغرب .. ليش مقومتني من الحين ؟؟

هند : بسج رقااد لااه .. خستي والله من هالرقااد ..

أماني : انزين انزين الحين بقووم ..

وعقب ما قامت اماني سارت تسبحت وتلبست وصلت فرظها وطبعا كانت متأخرة ع صلاتها .. وعقب ما خلصت نزلت تحت وكانو بدر وحميد يلعبون (play station ) اما هند فهي ياسه تتطالعهم وكالعاده كل ساعه تتحرطم على حميد اللي ما خلاها تلعب ويااهم ..

هند : عفانا الله .. مشكله اللي يخافوون افووز عليهم .. ويوم ما عرفوا شو يسوون .. ما خلووني العب ..

حميد : اكرمينا بسكووتج لو سمحتي ..

هند : اول شي خليني العب ..

حميد : منااااااك ..

بدر : حميد لاااه .. خلها تلعب ويانا ..

هند : همم انزين بتحدااك ..

حميد : مااشي ..

هند : حميييييد لاااه .. والله انك تقهر ..

أماني : هههه حليلكم .. هندووه ما عليج منه .. تراه بس يعاندج ..

هند : ادريبه الخاايس ..

حميد ( من سمع كلمه الخايس سوى start ) : لحظة .. لحظه .. منو الخايس ؟؟

هند : واحد يتنفس ..

أماني : هههه .. وطلعتي تعرفين تنكتين بعد ..

بدر : هيه .. بعدج ما سمعتي شي ..

هند : الحين انت بتخليني العب ولا شلوووووووون ؟؟؟

حميد : هههههههههااااااي .. طلع العرج .. شلوون اونه ؟؟

هند : اوووف .. سيرلاااه ما ابا العب ..

أماني : حميدووه عيب عليك .. خلها تلعب شوي ..

حميد : ما ابااا .. غيااااض ..

هند : غيااض هاه .. يعلك يا حميد .. مره عووره .. عيوووز .. ضروسها مكسرة .. حافيه منتفه .. وباذن الله دعائي مستجاااب ..

حميد : ههههاااااااااااااااااااااااااااااااااااااااااي .. حلللللللللوة ..

هند ( عصبت ) : ممكن اعرف على شوو تظحك ؟؟؟

حميد : اول مرة اشوووف وحده تغلط على عمرها ههاااااي ..

وعلى هالحاله تمووا يسولفون لين وقت العصر سارو اماني وهند الحجرة وعقب ما صلو العصر تموا يسولفون ويضحكوون وعقب لبسوا وتزهبوا .. وع المغرب كانو متزهبيين .. وهند طبعا كانت تتحجب بس ما تلبس عبااة يعني ستايلها كويتي فاللبس .. وهمم نازلين تحت ..

حميد : اووب اووب شهالكشخه ..

أماني : ههه دومنا كشيخات ..

حميد : بس لحظه .. هندووه وين عبااتج ؟؟

هند : هندووه اونه ؟!! اصغر عيالك انا .. وبعدين انا من متى وانا اظهر وياكم بدوون عبااة مابغيت اتقوولي الا الحين ..

حميد : والله قبل غييييير .. ما يخصني الحين تلبسين عبااة ..

أماني : هههه .. يغار الحبيب شوو ؟؟ وبعدين انته ما يخصك فيها .. تلبس اللي تلبسه ..

هند : ههه .. زين انج رمستي بدالي .. والحين يالله فاارج .. قوم نوف يتريوونا برع ..

حميد : ههههههه يالله .. رووحه بلا رده ..

هند واماني روحو بدوون ما يسوون سالفه لحميد ..

●●●●●●●●●●●●●●●●●

فيصل : الله يهااك يا احمد .. ما كان من المفرووض انك جي تسوي !!

أحمد : لا والله !! خلهااا تحس .. احسن .. ابيها تعرف ان نفسي عزييزة علي .. ولا ارضى ان وحده شراتها تهيني ..

فيصل : خلااص انزيين .. المهم قووم يالله نرد البيت .. اكيد امايه الحيين .. تحاتي ..

أحمد : جان تبا رد ابرووحك .. انا بتم هني .. ولا يمكن اييني سعود يقعد ويااي ..

فيصل : يااخي انت استخفيت .. قووم لااه ودر عنك هالسوالف ..

أحمد : لا حوووول .. مصر يعني ؟؟

فيصل : هيه مصر .. يالله قووم خلصني ..

أحمد ( ضحك من ورا خاطره ) : ههه حااضر ..

●●●●●●●●●●●●●●●●●

[هيبة بدويهـ]

●●●●●●●●●●●●●●●●●

فالمول البنات مرتبشاات من الخااطر ..

أماني : اقوولكم شوفو .. شوفو هالفستاان .. شراايكم فيه ؟؟

هند : واااو ..

نوف : عجييب الصرااحه .. واللوون واايد يناسبج ..

أماني : ههه تسلموون ..

أمل : ماشالله عليج أماني .. ذوووقج فن ..

أماني : احم .. مشكووورة ..

أمل : هه العفوو .. انزين الحين انتي ونوف وهند حصلتوو فستان .. وانا للحين ما حصلت شي ..

أماني : انتي بتاخذين جلابيه مغربيه صح ؟؟

أمل : هييه

نوف : انزين لا تحاتين بعده وقت .. وانشالله بنحصلج شي اووكيه ..

أمل : انشالله ..

أماني ( حصلت فستان ثاني ) : اقوولكم شوفوا ها بعد .. هممم اي واحد اخذ ؟؟

نوف : هممم انا اقوول الاول احلى ..

هند : هيه صح ..

أمل : همم بالعكس احس الثااني احلى انا ..

أماني : هممم والحين شو اخذ ؟؟

هند : خذي على ذوووقي انا هع ..

أماني : هههههه على امرج عمووه ..

وعقب ما خذت اماني الفستان ردوا يتحوطوون .. وعقب ما تعبوا حصلو جلابيه مغربيه حق امل ..
وعقب تموا يتمشوون واماني وهند ونوف استغلو الفرصه واتشروا للمدرسة شوي ولييين وقت العشاء راحوو صوب المطاعم واتعشوا وعقب ما خلصو ..

نوف : امل دقي لطلال .. خليه يمر علينا ..

امل : اووكيه .. همم اقوولكم تعالو نسير هالمحل شوي .. فيه اغرااض لليهال واايد حلوة

نوف : هههه .. تو الناس ..

أمل : ههه .. حراام عليج .. فرصه .. شوفي مسوين تنزيلااات

نوف : ههه انا بصرحه مالي خلق ادش هالمحل .. احس بعمري حرمه عووده وراها عياال خخخ

أماني : انزين عيل انا وانتي بنرووح نتحوط شوي .. وهنووده انتي خليج ويا امل ..

هند : اووكيه ..

امل : انزين .. هممم تدريوون انتو سيرا تحوطوا شوي .. وانا عقب بدقلكم ونتلاقا بمكان واحد ..

نوف : خلااص .. صاار ..

وعقب ما دشت امل المحل .. اماني ونوف تموا يتمشوون شوي .. وكانو طوول الوقت ساكتين .. وفجأة سمعو صوت شابين من ورا ..

.... (1): ااااه يا قلبي .. سحرني بو العيوون السوود ( قصده نوف ) ..

....(2): يا ويل حالي .. الله ع المشيه ..

نوف : يمه اماني انا خايفه ..

أماني : هممم ما عليج منهم سويلهم طاف ..

....(1) : الغاليه الرقم ( وتم يرقم ) .. اتريااج فالليل ..

نوف ( عصبت وانقهرت من حركه الرياال ) : تخسي الا انت واتهبي يا قليل الادب ..

.... ( 1) : نعم .. انتي تقوليلي انا اتخسي وقليل الادب ؟!!!!!

نوف : هيه .. اقوولك انت ..

.... (1) وكان توه ياي بيصفها

جاان ايود ايده رياال ( عبدالعزيز ) : حوووه انت ما تستح على ويهك ..

.... (1) : لا والله ومن تكوون انت ؟!! ( اما (2) كان طوول الوقت سااكت )

نوف كانت منصدمه وكانت شوي وبتصيح ..

عبدالعزيز : والله مووو شغلك .. واسمعني زيين .. ان شفتك ثاني مرة تغلط على وحده ولا تمد ايدك عليها والله لا تشوف شيما شفته ..

(1) و (2) خافووا .. وعلى طوول روحوا بس بعد ما تم (1) يطالع نوف بنظرات احتقاار ..

أماني : مشكوور اخووي ..

عبدالعزيز ( كانت عينه على نوف اللي حس انها خايفه ) : ما سوينا شي .. المهم الحين توكلو .. وتحملوو على عماركم ..

اماني : انشالله ..

وعقب ما روحوا ..

نوف : اماني .. خلينا نرووح عند امل .. والله اني خايفه ..

أماني : بللل .. ما عليج منه الخاايس .. ما عندج سالفه تخافين وتسوين بروحج جيه عشان واحد ماله حشيمه ..

نوف : انزين خلااص خلينا نرووح ..

اماني : يالله ..

وهمم سايرين ..

اماني : اقوول نووف ..

نوف : قوولي ..

اماني : لاحظتي الرياال كيف تم يطالعج ؟؟

نوف : همم عااادي ..

اماني : خخخخخ .. ( تعيب عليها ) عادي اونه !! انتي اصلا رفعتي عينج من الارض عشان تشوفين كيف كان يطالعج ؟!!

نوف : همم بصراحه لااا ههههه ..

أماني : ههه .. اووه هاييل قوم امل ..

أمل : سنه انتو ..

هند : الا دهر ..

اماني : بللللللللل .. خخخخ

●●●●●●●●●●●●●●●●●

مرررت الايام .. والكل كاان مرتبس لملجه فيصل .. وهممم طبعا هي كانت بسيطه .. وبين العايله بس .. وعقب الملجه بكم يوم كان حمدان بيساافر وكان قاعد يودعهم ..

ام حمدان : يمه حمدان .. تحمل على رووحك .. وتحمل من ربعك .. ترا قي منهم الشين ومنهم الزين ..

حمدان : انشالله امييه

ابو حمدان : وان احتجت اي شي دقلي وانا بتصرف

حمدان : اللي عندي كافي ابوويه .. ما يحتاي

حميد : والله انك مسوي جو فالبيت .. ياخي مب لازم ترووح ..

حمدان : هههه .. شسوي الدراسه وما تسوي ؟؟

سعود : هههه المهم ترااني اترياا اتصاالك ها ؟؟

وعقب ما ودعووه طلع صوب الحديقه وكانت اماني ياسه هنااك ..

حمدان ( من ورا اماني ) : هممم بتتولهين علي ؟؟

اماني ( نقزت من الخوف ) : خوفتني .. وبعدين لا والله !! تسوي عمرك ما تعرف ؟؟

حمدان : ههههه .. بس بغيت اتأكد ..

أماني : اوووه .. يا هي سالفه .. يعني لازم تساافر ؟؟..

حمدان : هيه لازم .. المهم حياتي انتي ديري بالج على رووحج .. ولا تقطعين .. ترا رقمي عندج ..

أماني ( ودمعتها نزلت من عينها ) : انشالله

حمدان : يالله حبيبي انا بسير الحين ..

اماني : الله وياااك .. تحمل على رووحك ..

حمدان : انشالله .. يالله فمان الله ..

أماني : فمان الرحمن ..



(( ما طيق يا صاحبي عنك الابعاد ,,, ما اطيق لحظه بعد بينك وبيني ,,, واللي بسك سبع وسبع بلا اعماك ,,, انك بهالدنيا مثل نور عيني ))

●●●●●●●●●●●●●●●●●

وفهاللحظه كان أحمد ويا ربيعه محمد فالبر ..

محمد : احمد طلبتك ..

أحمد : اااااااااااامر .. عيووني لك ..

[هيبة بدويهـ]

* الجزء الثامن عشر *


●●●●●●●●●●●●●●●●●

وفهاللحظه كان أحمد ويا ربيعه محمد فالبر ..

محمد : احمد طلبتك ..

أحمد : اااااااااااامر .. عيووني لك ..

محمد : شله واللي يسلمك ..

أحمد : حاضرين .. احم احم ..

..
..

يا خل وش بك عني تروح
وتدعينيه في هم وجراح
عقبك أنا ماشفت مربوح
غير الخساره وهم وصياح
عقبك أنا تميت مجروح
جرح بوسط القلب ماراح
وصلك غناتي يشافي الروح
شوفك سعاده وأنس وأفراح
يامن عليك الدمع منضوح
أجفان عيني صابها اقراح
خدك شرا برق السما يلوح
ماحلا العطر منك يلي فاح
لك يادل على المتن منشوح
نظرات عينك كنها رماح..
..

محمد : تسلم والله .. الا اقوول ..

أحمد : قوول ..

محمد : ليش ما تسيرتسلم على حمدان قبل لا يساافر .. ترا مهما كان هذا ولد عمتك ..

أحمد ( عصب ) : محمد .. انا ما عندي ولد عمه اسمه حمدان .. فااهم ؟

محمد : بكيفك ..

أحمد ( بعصبيه ): ادري انه بكيفي .. ما يحتاي تقوول

محمد : بلللللللل .. ياالله الحين كل ها بس عشان طريت حمدان .. ما يسوى علي والله .

أحمد ( يتنهد ) : السمووحه يابو جاسم .. بس انت تدري ان هالانسان انا ما اطيقه .. وبعد تطريلي ايااه ؟؟

محمد : خلااص السمووحه عيل ..

أحمد ( تلوم من محمد ) : هممم اسمحلي يا خووي .. والله ماكان قصدي ارفع سوتي عليك ..

محمد : بالحل .. المهم يالله قوم خلنا نسير ..

أحمد : ويين ؟؟ تعال اليلسه هني احلى ..

محمد : هممم .. قووم انا يوعان .. ويالله اباك تعزمني على احسن مطعم .. خخخ

أحمد : هههه .. والله حاله !! طراار ويتشرط .. ابووي لين ما نوصل يبالنا وقت ..

محمد : انزين شو رانا .. طووف يابووي ..

أحمد : على أمرك خخخخ ..

●●●●●●●●●●●●●●●●●

فاليووم الثاني وبالتحديد فصاله بيت بو سعود .. وفوقت العصر ..

فالصاله ام سعود وابو سعود ..

ابو سعود : تصدقين يا سارة .. والله اني متلوم من عاشه ..

أم سعود : وشعنه متلوم من اختك ؟؟

ابو سعود : همم تحيدين يوم خطبت اماني حق ولدها ..

أم سعود : هيه اذكر ..

ابو سعود : بصرااحه واايد تلومت .. انتي ما تحيدين ان راشد قبل كان محير اماني حق احمد .. واحس ان نحن تسرعنا شوي الحين يوم وافقنا على حمدان ولا سوينا سالفه لاحمد ..

أم سعود : والله جان تبا رايي .. نحن ما غلطنا .. وبعدين هم لو كانو يبون اماني جان طلبو ايدها .. وبصرااحه البنيه كبرت .. والفرصه هذي ما تتعوض ..

أبو سعود : بس ؟؟

أم سعود ( تقاطعه ) : بس شووو بعد ؟؟

أبو سعود : همم .. ترا راشد رد فتح الموضووع وياي اليوم بالدواام ..

أم سعود : شوو قالك ؟؟

أبو سعود : قال ان أحمد من متى وهو محير اماني له .. وهو الحين يباها على سنه الله ورسوووله ..

أم سعود : وحمدان ؟!!!!!!!

أبو سعود : ما ادري بصرااحه .. انا الحين محتااار .. ما ادري شسوي .. اخاف تصير مشاكل فالعايله والسبه هالموضووع ..

أم سعود : الله يهداك يابوسعود .. شو بتسوي بعد ؟!! الراي الاول والاخير لاماني .. واذا عن المشاكل .. هاذيل اخواانك .. واكيد بيقدروونك ..

أبو سعود : همم خلاص عيل .. انشالله برد بفتح الموضووع ويا اماني .. وبنشووف اخرتها ..

●●●●●●●●●●●●●●●●●

فغرففه اماني وهند ..

اماني : اووووه .. نسينا الدفاتر ..

هند : وانا اقول .. في شي ما شريناه .. واخر شي تطلع الدفاتر .. همم شرايج نسير باجر المكته .. انا بصراحه ودي اشتري بعد اقلمه ..

اماني : بللل .. كل هالاقلمه مو مكفتنج ؟!! واصلا منو بيودينا باجر ..

هند : هيه والله .. لو حبيب القلب موجود جان ودانا ..

اماني : فديت هالطاري والله .. خخخخ .. تصدقين ولهت عليه ..

هند : بلللل .. ما اسرع ما ولهتي عليه .. هذا وهو ما صارله الا يوم واحد ..

اماني : خخخخخ .. الحب وما يسوي ..

هند : ههههاااااااي .. عن طاري الحب .. تدرين اخوج الخبل شو قالي ؟!!

اماني : شووه ؟!!

وفهاللحظه حد دق عليهم الباب ..

اماني : تفضل ..

سعود ( عقب ما دخل ) : زاد فضلج .. شحالكم صبايا ؟؟

اماني : تمام الحمدلله .. اخباارك انته ؟؟

هند ( بدلع ): منيحاااااااااا .. وانته كييفك ؟؟

سعود : منيحا اونه خخخ .. يسركم حالي .. اقول بنات شرايكم نظهر اليوم بما ان ما بجالكم شي ع المدارس ..

هند ( متحمسه ) : ياليييييييت ..

اماني : صدق ؟؟

سعود : لا اقص عليج انا .. خخخخخ .. اكيد صدق ..

اماني : انزين وابووي ..

سعود : خبرته ووافق ..

هند ( بالكويتي ): هيااااااا ..

اماني : طلع العجر ههههه ..

سعود : ههه .. ليش منو من اهلج كويتي هند ؟؟

هند : يدتي اللي هي ام امي فديتهاا ..

سعود : اهاا .. انزين اقوولكم .. عندكم نص ساعه بس تزهبون فيها .. ولا بكنسل ..

هند : كنسل ؟!! .. لا لا الله يخليك .. ربع ساعه ونحن جاهزين ..

أماني : خخخخخخ .. ع كيف كيف انتي ربع ساعه ؟؟

سعود ( عناد فاماني ) : خلاص .. ربع ساعه؟؟ . ربع ساعه ..

هند : صدقت انت .. انا اسولف ويااك ..

اماني ( تبي تفرح سعود وتطيب بخاطره ) : همممم اقول سعود ..

سعود : هلاا .. عيووني لج ..

اماني : هممم شرايك .. لو اخلي عليا اتي ويانا ؟؟

سعود ( انصدم ) : عليا ؟؟؟؟؟؟؟ .. بس أ أ انتي ..

أماني ( تقاطعه ) : هيه عليا .. بلاك مصدووم .. واذا عني .. تراني راظيه بحبك لها ..

هند : هااا سعود .. تحب من ورانا خخخ ؟؟

سعود : والله ما ادري شو اقوولج .. اكييد ابيها اتي ..

اماني : خخخخخخ .. ادري فيك .. بخليها اتي .. بس بشرط ؟؟

سعود : اااااااامري ..

اماني : همم نص ساعه .. وبالمرة لين ما اتي ..

سعود : خلاص . امرنا لله ..

وبعد ساعه الا ربع بالضبط كانوو وصلت عليا وكانوو زاهبين .. وعقب سارو كلهم السيارة وكان سعود هناك يترياهم .. وركبو السيارة ..

عليا وهي تدخل السيارة ( وكانت ورا سعود ) : السلام عليكم ..

سعود ( وهو يطالعها من المنظرة ) : وعليكم السلام والرحمه .. شحالج عليا ؟؟

عليا : تمام ربي يسلمك .. ومن صوبك ؟؟

سعود : حبج معذبني ..

عليا استحت ونزلت راسها ولا عرفت شو تقوول ..

هند : حووووووووه .. نحن هنا .. خلو المغازل حق عقب ..

اماني : هندووه ؟!!

هند : انزين انزين .. اسفه ..

عليا : ههههههه ..

سعود ( وهو كالعاده يطالعها من المنظره ): يعلني فدا هالظحكه والله ..

هند : سعوود .. انتبه لسوااقتك .. ما تشوف شلون زحمه

عليا ( اللي لاحظت انه سعود بعده يطالعها ولا اهتم لكلام هند ) : سعوود .. انتبه لسوااقتك ..

سعود : انشالله ..

اماني :هههه محد يعرفلك غير عليا والله

سعود فهاللحظه شغل المسجل وكانت اغنيه ( طير الحمامي ) ..

..
..

طير الحمامي هيج غرامي
هايم هيامي و الشووق غلاّب

هزّعت فني يا طير مني
و لا كان ظني تطريلي احباب

ذكرتني به لي اعتنيبه
حب و حبيبه و الشووق جذاب

ولف ٍايحبه قلبي و لبه
و يذوب صبه كالشمع لي ذاب

ادعج خدلجّ و امدملج ادلج
واغنج وابلج شمس ٍ عالغياب

و خشم ٍ اتّورد سيف ٍ امـّهند
و خدٍ امـّورد جوري وعنّاب

ليته درابي و عانا صوابي
انا المصابي في دنيت اغراب

عايش ابدنيا فيها و هنيا
مالذ هنيا فيها ولا طاب
..
..

●●●●●●●●●●●●●●●●●

فبيت ابو فيصل كانو احمد وفيصل وابو فيصل وام فيصل يالسين ..

فيصل : زيين والله .. بس حمدان ؟؟

ابو فيصل : والله احمد اولى بها من حمدان .. وبعدين حمدان وينه عنها كل هالفترة .. الحيني ايي على برااد وياخذها ؟!!

احمد ( بكبرياء ومن ورا خاطره وهو يتذكر كل اللي سوته فيه اماني ) : بس ابووي .. انا ما ابي اماني ..

ابو فيصل : نعم ؟!!!!!! .. عقب كل هاللي سويته .. تقول ما تبيها ..

ام فيصل : عيل يوم انك ما تبيها شعنه كل هالحفله اللي سويتها يوم حمدان خطبها ..

احمد : هذااك اول .. الحين انا خلاص اماني شليتها من باالي ..

فيصل : الله يهدااك يا أحمد .. لا تستعيل .. نسيت يوم كنت تقول انك تفضل موتك على ان غيرك ياخذها ..

أبو فيصل : اسمعني يا أحمد .. انا الحين قلت حق ابوها .. وخلاص .. انت بتاخذ اماني يعني بتاخذها .. فاهم ؟؟

احمد ( استانس فخاطره بس ما بين هالشي ) : خلاص يا ابووي .. اللي تشووفه انا حاضر فيه .. بس اماني ؟؟

ابو فيصل : شفيها اماني بعد ؟؟

احمد : يمكن هي تبي حمدان ما تبيني ..

ام فيصل : لا والله .. وحمدان فشوو احسن عنك انشالله .. اسمع يا ولدي ترا نحن من زماان محيرينها لك .. بس هم ما ادري شو اللي خلاهم يوافقون على حمدان ..

فيصل : ههه .. زين والله .. من قدك يا أحمد ..

●●●●●●●●●●●●●●●●●

اماني وسعود وعليا وهند قضو احلى الاوقات فالموول وسعود ابد ما قصر عليهم وشو وهم يتمشوون ..

هند : ياااااااااي .. سعود .. اصبر شوي بندخل هالمحل ..

سعود : خلاص انتو اخلو وشوفو اللي تبونه .. وانا بسير بسرعه عندي شغله بسيطه وبردلكم ..

اماني : اووكيه .. بس لا تطول ..

سعود : انشالله .. بس انتو لا تسيرون بعيد ..

وعقب ما سار سعود عنهم دخلو المحل واماني وعليا اشترو كمن بدله وطقمو .. اما هند .. فاشترت بدلات كويتيه .. على استايلها .. وبعد ربع ساعه رجع سعود ..

سعود : يالله بنات بعدكم ؟؟

عليا : لا خلصنا ..

هند : اقووول فديتك سعود .. وين ناوي تعشينا ؟؟

سعود : هههه انتي كل همج بطنج .. المهم .. انتي وين خاطرج تتعشين يا انسه هند ؟؟

هند ( وهي تتطالع عليا ) : احم .. احم . طلبوو رايي .. الحين اكيد بعض الناس محترين .. همم ع العموم ودي اتعشى فجيليز ..

سعود : من عيووووني .. يا عيووني ..

عليا : هههههه .. هند بلاج جي تتطالعيني ؟؟

هند : ههه معقوله يعني ما غرتي ؟؟

اماني : هندووه .. استحي على ويهج ..

هند : وشنو قلت انا .. وبعدين الصرااحه راحه ..

سعود : هه .. يالله خلوو عنكم هالسوالف وطوفوا خلنا نسير نتعشى ..

اماني : يلاااا ..

●●●●●●●●●●●●●●●●●

فاليوم الثاني وفغرفه اماني .. نوف ترمس اماني ع الفوون ..

نوف ( وهي تصيح ) : لحقي علي يا اماااني .. والله اني مو عارفه اتصرف ..

اماني : الله يهداج .. الحين هذي شوي .. واكييد بنحصل لهالبلوة حل ..

نوف : اي حل يا امااني .. انا خلاص سمعتي رااحت فيها ..

اماني : لا حووول .. ترا بعده ما سوى شي .. وبعدين انتي ما عليج ترااه بس يهدد .. ولا هو ما عنده لا صورتج ولا شي ..

نوف : امبلااا انا مأكده ان كلاامه صح ..

اماني : كيف ؟؟؟؟ ومن وين له صورتج يعني ؟!!!

●●●●●●●●●●●●●●●●●

فالصاله ابو سعود وبدر وحميد ..

ابو سعود : اقوول بدرفديتك سير ازقر اختك اماني ..

بدر : انشالله ابوويه ..

وبعد لحظاات يت اماني وكان شكلها صدق مصدوومه ومتظايجه ..


ابو سعود : حميد ..

حميد : نعم ..

ابو سعود : خلنا بروحنا شوي ..

حميد : انشالله ..

اماني ( مستغربه ) : خير ابووي في شي ؟!!!!

ابو سعود : بصرااحه انا ودري ارمسج فموضووع خاص ..

اماني : همم بخصوص شووو ؟؟

ابو سعود : بخصوص احمد ..

اماني ( خافت لا يكون ابو ها عرف باللي صار ) : أ ..أ.أحمـ ـ د .. شوو فيــ ـه ؟؟

ابو سعود : هممم بصرااحه ابووه محيرنج له من زمااان .. ونحن شكلنا تسرعنا يوم وافقنا على حمدان .. لان راشد رد فتحلي هالموضووع امس .. والحين انا مخيرنج بين أحمد وحمدان .. بس بصرااحه ياليت لو يكوون اختياارج احمد ..

أماني ( زادت عليها صدمتها ) : شوووووووووووووه ؟!!!





كــــــــــــــــــــــــــــــــــــت


هممم تتوقعووون شو سالفه نوف ؟؟
وشو تتوقعون بيكووون اختياار اماني ؟؟
وتتوقعوون بتصير مشاكل فالعايله بسبب هالموضووع ؟؟

[محــلى العطــر]

يسلموو يالغاليه

[هيبة بدويهـ]

الهـ يسلمجـ حيااتيـ ..
تعاالي كل يوم
\
\ ربي يحفظج ..

[شيخة البــدو]

الله يسامحج يا فديتني حلوه
اتعرفين انه هذا ثالث يوم وانا اقرا القصه طبعا بتقاطع والحينه يوم بقيت التكمله ماشي
بلييييييييييييييييييز نزلي البارت الياي
في انتضارج

لاهنتى عسى وتشكرين على القصه الطررررر


مرحباني

شيختهم

[محــلى العطــر]

بلييييز فديتني ...........

البارتات بســــــــــــرعه

[هيبة بدويهـ]

الله يسامحج يا فديتني حلوه
اتعرفين انه هذا ثالث يوم وانا اقرا القصه طبعا بتقاطع والحينه يوم بقيت التكمله ماشي
بلييييييييييييييييييز نزلي البارت الياي
في انتضارج

لاهنتى عسى وتشكرين على القصه الطررررر


مرحباني

شيختهم

و الله ماعرف ان ثالث يوم تقرينها ..
ان شا الله بنزل البارت ...
انتضريني ..
تسلميـــــــــــــــ ع الرد الطيب ـــــــــــــــــــــــــــــــــن

[هيبة بدويهـ]

:smile:
بلييييز فديتني ...........

البارتات بســــــــــــرعه

اوكـــــــــــــــــــــي اوكـــــــــــــــــــــي ..

بحطهن بس تري شوي .. :smile:
تسلميـــــــ ع الرد الطيب ـــــــــــــــــــــــن :smile:

[هيبة بدويهـ]

* الجزء التاسع عشر *

أماني ( مصدوومه ) : شوووووووووووووه ؟!!!

أبو سعود : اللي سمعتيه يا بنتي .. بس اتمنى انه اختياارج احمد ..

أماني : وحمدان ؟؟ انا خلاص انخطبت حق حمدان ..

ابو سعود : بس هالشي ما يمنع انه تبدلين رايج ..

أماني ( وهي تحاول تسيطر على عمرها عسب لا تصيح ) : ابوووي دخيلك لا تضغط علي ..

ابو سعود : خلاص يا بنتي .. انتي الشور الاول والاخير لج .. بس اتمنى انج تفكرين زين ..

●●●●●●●●●●●●●●●●●

بعد يومين بدت المدارس .. والكل راح لمدرسته .. وبعد ما رجعوا .. الكل كان متحمس الا اماني اللي فكرها كان طول الوقت بعيد .. وخاصه بعد الاختيار اللي اختارته .. وحميد نفس الشي كان ابد مو متحمس وكان مبين عليه انه مخبي شي .. وع الغدا ..

ابو سعود : ها بشروا .. شو المدارس وياكم ؟؟

هند : ونااااااسه مدارس الامارات والله ..

ام حمدان : يووم اقوولكم .. ما كنتوا تصدقوون خخخ

ابو حمدان : اي الصراحه .. الامارات واايد حلوة ومريحه ..

ابو سعود : : هههه .. زين انها عيبتكم عيل ..

أم سعود : الحمدلله .. وبدر وحميد واماني شو المدرسة وياكم ؟؟

بدر : تمااام .. هي وتدرين امايه يابولنا ابله انجليزي يديده ..

ام سعود : زين .. واماني وحميد ليش ما تردوون ؟؟

اماني ( توها انتبهت ) : ها .. هي هي كل شي تمام ( وسارت لحجرتها ) ..

سعود : هههاااااااي .. حميد اشووفه ساكت .. اكيد وراه بلاوي ..

حميد : انته جب .. برووحي مب فايقلك والله ..

ابو سعود : حميد يمه شفيك متضايق ؟؟

حميد : ماشي ..

هند : دام انه قال ماشي .. يعني ابصملكم بالعشر ان وراه مصيبه خخخخخخ ..

سعود : هيه لاااه هههههههههه ..

حميد : هنووود .. سعود .. عن السخافه ..

هند ( مبققه عينها ) : يمه ..

سعود : ماعليج هند منه .. تراه الحين بس يبي يطلع حرته فاي احد ..

بدر : عيل انا بتم ساكت لا يحرمني من الـ ( play station ) ..

ام سعود : اصلا من قال انه شي play station .. خلاص الحين مدارس .. واذا تبوون .. تقدون تلعبون فالويكند بس ..

سعود : ههههه .. عاشت ام سعووود ..

ابو سعود : هههه .. سعوود .. اشوفك هالايام وايد مستانس .. شو السالفه ؟؟

هند : السالفه ان ..

سعود ( على طول حط ايده على حلج هند عشان لا تكمل ) : انتي لسانج دوومه متبري منج .. ما تعرفين تسكتين شوي ..

ام سعود : ها سعود .. السالفه اكيد فيها ان ..

سعود : هههه .. لا اميه .. لا ان ولا كان .. وانشالله كل شي بوقته حلووو ..

●●●●●●●●●●●●●●●●●

اماني وهي تتذكر كلام حمدان يوم سألته عن البنت اللي فالفلم منو اختارت ؟ .. ( اختارت اللي قلبها حبه .. اختارت اللي حبته واللي فنفس الوقت كان يبادلها الشعووور ..) وقالت فخاطرها : وانا قلبي اختارك يا حمدان .. بس شسوي تمشي الرياح بما لا تشتهيه السفن .. ( وتمت اماني تصيح على ذكرى حمدان )


(( أحبك أعشقك وأهواك ,, وأبقى لك على ذكراك ,, حبيبي حبك العذري ,, جرى مجرى شراييني ,, نا مقوى على هجرك ,, ذبحني بعدك وفرقاك ,, تمنيت اللقا ساعه ,, نظره منك تحييني ,, وقلبي من يلومه يوم ,, يتذكر ويتمناك ,, عظيم الشوق ياخذني ,, جدى أغلى محبيني ))●●●●●●●●●●●●●●●●●

العصر كان أحمد يالس يطالع التلفزيوون وكان سرحان " يالله شو هالحاله ؟؟ الحين انا كيف باخذ اماني ؟!! هي اصلا ما تحبني وهي بعد تحسبني ما احبها بعد ذاك اليوم .. بس والله اني اعشق التراب اللي تمشي عليه .. بس بعد نفسي علي عزيزة .. وانا ما يصير اخذ وحده تحب غيري .. "



(( إنت يا عزي وذلي وأجمل أجمل ما حصلي وش اقدملك سواي ,, وأرمي أيامي تحت أطهر خطا ,, يلي كل أيامي عمري قبل ما أحبك خطا ,, إي قهر والله قهر اني ما أقدر حتى ما أقدر ))
وفهاللحظه تقطع حبل افكاره امه اللي يت تقعد فالصاله ..

ام فيصل : احمد .. ويين وصلت ؟؟

احمد : اووه .. هلا امييه .. انتي متى ييتي ؟

أم فيصل : توه .. انزين ما قلتلي شفيه تفكر ؟؟

احمد : امايه .. انا بصارحج بشي ..

أم فيصل : فضفض يا ولدي ..

●●●●●●●●●●●●●●●●●

نوف : تستهبل انت ؟!!

احمد : لا ما ستهبل ولا شي ..

نوف : عيل شو تسمي اللي سويه ؟؟ عقب كل هالحفله ما تباها ؟!!!

احمد : والله .. بس انا الحين فكرت زين .. وخلاص بدلت رايي .. اماني ما ابا ..

نوف : أحمد .. انته تحب اماني ؟؟

أحمد : ما اظن لازم تعرفين ..

نوف : امبلا لازم اعرف ..

أحمد : والله لو تدرين باللي بداخلي جان ما رمستي .. بس شسوي ما اباها تتعذب وياي .. ولا انا والله لو عني مستعد اتحمل عذابي عشان اشوف سعادتها بعيوونها ..

نوف : الله يكثر من امثاالك يا اخوووي ..



(( أتعبني الهجر لاكن ما نزل راسي و أنت بقلبي غلاك و عارف(ن) قدرك ,, أنت بطيبتك خذت القلب عن ناسي لين انتهى القلب يا محبوب في أمرك ))


●●●●●●●●●●●●●●●●●

فغرفه سعود ..

حميد يدق الباب ..

سعود : منوووو ؟؟

حميد : انا حميد ..

سعود : تعال ادخل .. ( وعقب ما دخل حميد ) : خيير .. شو عندك ؟؟

حميد : هممم سعود طلبتك ..

سعود : شو تبا ؟؟

حميد : هممم بصراحه انا صارتلي مشكله فالمدرسة .. وطلبو ولي امري ..

سعود : انزين سير عند ابووي .. ليش ياي عندي انا ؟

حميد : همم .. اخاف يحرج عليه ..

سعود : لا والله .. ويااي عندي انا !! ما ادري منو توه يقول ( ويقلد حميد ) جب انته .. بروحي مب فايقلك ..

حميد : والله اسف .. بس انا كنت اخاف قوم امايه يشكون فشي عقب .. وهذا راسك واحبه ( وسار حب راس سعود ) ..

سعود : انزين انزين .. ااااه يالمصلحه .. بس انا عندي شرط ..

حميد : اااااااااامر .. اللي تبيه .. بس طلعني من هالورطه ..

سعود : ابيك اتيبلي رقم عليا من مبايل اماني ..

حميد : شووووووه ؟!! تخبلت انت ؟؟

سعود : هاا .. اتيبلي ولا اخبر عليك ..

حميد ( مبوز ) : انزيين .. خلااص ..

سعود : والله حاله .. من اول يوم طالبين ولي امرك .. اقولك ؟؟ فارج عني انته بس ..

حميد : انزين . بس لا تنسى باجر اتي المدرسه ( وطلع وسكر الباب مال القو .. )

●●●●●●●●●●●●●●●●●

نوف فحجرتها تفكر .. وخطر على بالها تدق حق اماني ..

اماني : مرحباااا ..

نوف : مرحبتين .. شحالج حبيبتي ؟؟

اماني : تمام الحمدلله .. اخباارج انتي ؟؟

نوف : تسرج ..

اماني : انزين طمنيني شو سويتي ؟؟

نوف : عبدالعزيز طلعني من الورطه ..

اماني : عبدالعزيز ؟!! منو هذا بعد ؟؟

نوف : احم .. اللي شفناه فالمووول ..

اماني : معقووله ؟!! وانتي شعرفج فيه ؟؟؟؟؟؟؟

نوف : هممم ارمسه ع الايميل ..

اماني ( بعصبيه ) : انتي بعدج ما اتووبين .. وبعدين انتي شعرفج بإيميله ؟!!

نوف : باسم الله .. والله اني ودرت هاييك السوالف .. بس هو اللي ما ادري من وين ياب ايميلي !!

اماني : المهم .. كيف طلعج من هالورطه ؟؟

نوف : هممم قلتله عن كل سالفه سلطان .. وخبرته ان نورة اخته هي اللي سرقت صورتي من بوكي وعطته لاخوها .. وان يهددني بانه بينشر صورتي ..

اماني ( متشوقه ) : عقب ؟؟؟

نوف : عقب .. قالي عطيني رقمه وانا بتصرف .. وقبل شوي رمسته ع المسن .. وقالي ان السالفه انحلت ..

اماني : الحمدلله ( وجنها تذكرت شوي ) بس تعالي من وين لج رقم سلطان انتي ؟!!

نوف : لا حووول .. اماني بلااج .. اشووفج واايد قمتي تشكين ..

اماني : هههه .. لا بس والله خايفه عليج ..

نوف : هههه .. هيه اتحرى بعد ؟؟ ع العموم ما تحيدين يوم قبل كان دووم يعطيني رقمه ويحاول يقنعني اني ارمسه ..

اماني : هيه احيد ..

نوف : المهم ترا محادثاته للحيد موجوده عندي .. وانا طلعت رقمه من المحادثه ..

اماني : اهااا .. والله وطلعتي مب سهله ..

نوف : احم .. اعجبج تراا خخخخخ .. انزين

●●●●●●●●●●●●●●●●●

فغرفه ابو فيصل ومرته ..

ام فيصل : بس احمد ما يباها ..

ابو فيصل : وانتي شدرااج ؟؟

ام فيصل : هو بنفسه قالي انه ما يباها .. وهي بعد ما تباه ..

ابو فيصل : عقب شو ؟؟ خلاص انا رمست ابوها .. و هو بنفسه قالي انها وافقت على احمد ..

ام فيصل : بس ؟؟؟

ابو فيصل : لا بس ولا شي .. خلاص احمد لاماني واماني لاحمد .. واذا عن حمدان .. ترانا بنسوي الملجه فالصيف وقبل لا ايي ..

ام فيصل ( تتنهد ) : لا حووول .. بس ما يصير جي ..

ابو فيصل : عنوود .. خلاص سكري الموضووع ..

ام فيصل : انشالله .. عن اذنك ..

ابو فيصل : وين سايرة ؟؟

ام فيصل : بسير ادق لام سعود ..

ابو فيصل : انزين بلغيهم ان انشالله يوم الجمعه بنتيمع فبيتنا ..

ام فيصل : انشالله ..

●●●●●●●●●●●●●●●●●


اليوم الثاني فمدرسه اماني وفالفرصه ..

اماني : والله يا عليا مو عارفه شسوي ؟؟ ما ادري كيف بعيش ويا واحد يكرهني ؟!!

عليا : الله يهداج .. انزين يوم انج ما تحبيه وتحبين حمدان ليش اخترتي أحمد ؟؟؟؟

اماني : شسوي امي وابووي تموا يضغطون علي ..

عليا : بس بعد هذي حياتج .. وانتي من حقج تختارين اللي تبينه .. وبعدين اذا مثل ما قلتي أحمد يكرهج ترا حمدان يحبج .. واكيد بينجرح لو خذتي أحمد ..

أماني : ما ادري والله .. بس انا لازم اخلي حمدان يكرهني .. نفس ما كرهت أحمد فيني ..

وفهاللحظه اتي صوبهم نوف : هااااااااااي بنات ..

عليا : هايات ..

نوف : اماني غناتي .. كنتي تصيحين ؟؟

أماني ( تبتسم من ورا خاطرها ) : همم لا ما كنت اصيح ..

نوف : اماني .. لا تتحريني ما اعرف شي .. انا ادري انج تصيحين لانج ما تبين احمد .. بس ابشررج تراه قال لامي امس انه ما يبااج بعد .. واظني بيلغوون كل شي ..

اماني ( استانسيت ) : صدق ؟؟؟؟

نوف ( حطت بخاطرها شوي .. بس بعد استانست يوم شافت اماني مستانسه ) : هيه صدق ..

●●●●●●●●●●●●●●●●●

سعود : السلام عليكم ..

الاخصائي : وعليكم السلام والرحمه ..

سعود : همم انا اخو حميد **** ..

الاخصائي : هلااا فيك .. هممم اكيد خبرك اخوك باللي سواه ..

سعود : الصرااحه لاء ..

الاخصائي : الله يسلمك اخوووك غلط على استاذه بكلام مو لازم اقوووله .. ورغم ان الاستاذ حذره كمن مره بس هو تم يعاند وتم يغلط عليه ..

سعود : كنت متوقع والله .. ع العموووم السموحه منكم .. بس انشالله ما بيعيدها ..

الاخصائي : حصل خير .. بس الحين لازم توقع التعهد ..

سعود : انشالله ..

●●●●●●●●●●●●●●●●●

فالبيت ع المغرب كانو سعود وحميد وهند فالصاله ..

سعود : حميدووه وين اللي قلتلك عليه ؟؟

حميد : هممم انزين اصبر علي لين باجر ..

هند : هااا شو عندكم انتو ؟؟؟

سعود : همم تدري .. ماشي غير هندوووه ..

هند : شفيني انا ؟؟ على شو ناويين ..

حميد : اووكيه .. ( ويوجه كلامه لهند ) هند نحن عندنا طلب بسيييييييط ..

هند : اذا كان هالطلب لسعود انا موافقه .. بس اذا لك .. لو شو يصير ما اسويه ..

حميد : وليش انشالله ؟؟ ماكل حلالج انا ؟؟

هند : هممم لا بس جي مزاااج .. ما اطيقك .. حميد : اللي يقول انا ميت عليج !!

سعود : يالله جلبوها ظرابه .. اقوول هندووه .. ترا االطلب لي انا مب له ..

هند : اااااااااامر يا سعود .. اللي تبيه انا موافقه عليه .. ( وطلعت لسانها لحميد ) ..

سعود : هممم انزين انا ابي رقم عليا ربيعة اماني ..

هند : وشلوووون ؟؟

حميد : والله عاد شلوون هذي شغلتج ..

سعود : يا سلاااام .. وانته شو خانتك انشالله ؟!! وبعدين انا طلبت منك انت اتيبلي الرقم .. وهند هنييه بس عسب تساعدك لا اكثر ..

هند : ويييييييييييييييو .. القط ويهك ههاااي ..

حميد : ماعليه .. القط ويهك ها ؟؟؟ انا اوريج عقب ..

سعود : اوووه .. المهم ابي الرقم يكون عندي باجر .. تفهموووون ؟!!

حميد : انشالله ..

●●●●●●●●●●●●●●●●●

يتبعـ ..(بس شوي ..) من هالجزء ..:smile:

[هيبة بدويهـ]

×التكمــــــــــــــــــــــــــلهـ ×
●●●●●●●●●●●●●●●●●

بالليل اماني كانت فالحجرة هي وهند .. وشوي اماني يوصلها مسج ..

أماني : احمد ؟؟؟؟؟؟؟؟؟؟؟؟؟؟؟؟

واستغربت من المسج ..

..
..

لو كنت تبغي حبيبي تكتم أنفاسي ارضي بنارك و أعيش العمر في جمرك
و ان كان ذمك حبيبك لا فيه قاسي يكفي المحبة و لو قطرة ندى في ثغرك



اذا كانت سعادتج ويا حمدان .. فالف مبرووك عليج .. وصدقيني مهما كان اختيارج بتم احبج طول عمري ..

..
..
خلــــــــــــــــــــــــــص الجزء التاسع عشــــــــــــر ××
الحيــــــــن بنزل الجزء عشرين بس عشاان محــــــــــــــلى العطـــــــر الطقعهـ ..

[هيبة بدويهـ]

* الجزء العشريــــن *


أماني : احمد ؟؟؟؟؟؟؟؟؟؟؟؟؟؟؟؟

واستغربت من المسج ..

..
..

لو كنت تبغي حبيبي تكتم أنفاسي ارضي بنارك و أعيش العمر في جمرك
و ان كان ذمك حبيبك لا فيه قاسي يكفي المحبة و لو قطرة ندى في ثغرك

اذا كانت سعادتج ويا حمدان .. فالف مبرووك عليج .. وصدقيني مهما كان اختيارج بتم احبج طول عمري ..

..
..

اماني من قرت المسج ارتبكت وخافت فنفس الوقت خاصه يوم قرت بتم احبج طول عمري تذكرت يوم قالها كرهتج حبيبي .. واخر شي قررت ترد عليه ..

..
..

كرهت الحال من صغري ..
فديت الموت لو يدري ..
عساه بس يعبرني ..
وياخذني بسرعه لقبري ..
انا ودي اموت وارتاح من نفسي ..
خسارى اضيع شبابي بين حزني وهمي ..
فديت الموت لو يدري ..
بحال قلبي وضعفي ..
عساه بس يخاويني ..
ومن حزني يريحني ..

أحمد دخيلك لا تعذبني .. اللي فيني مكفيني .. وانت تعرف انك انت اختياري .. وانا اسفه ادري انك عفتني بس خلاص هذي رغبه اهالينا .. وما باليد حيله .. وانا لو عني اتمنى اني اموت اليوم قبل باجر بس عسب لا اعيش قلووب فعذاب ..

..
..

من صوب احمد .. فهو انصدم واايد برد أماني .. وواااايد خاف على اماني لا تسوي شي بروحها وخاصه بعد ما قراا انها تتمنى الموت .. وعلى طول رد عليها ..

..
..

اماني الله يهداج انتي تبين تجتليني .. من قال اني عفتج ؟!! .. واذا عن هاك اليوم تراها بس لحظه غضب وخلاص .. اماني والله احبج وربي احبج .. بس شسوي انا ما ابي اجبرج على شي انتي ما تبينه ..

..
..

اماني ما تدري ليش استانست من رد احمد .. بس حست انها كانت فاقده شي فحياتها والحين استرجعته .. وعقب ردت عليه

..
..

أحمد خلاص انا الحين متأكده من اختياري .. صحيح ان قلبي اختار حمدان .. لكن عقلي وتفكيري وحتى اهلي اختارووك .. وانا ابااك انته ..


●●●●●●●●●●●●●●●●●

فاليوم الثاني وعلى وقت العصر كانت ام سعود يالسه فالصاله ويا ام حمدان ..

ام سعود : والله بصراحه يا عاشه انا مب عارفه من وين ابتدي فالرمسه ..

ام حمدان : خير يا سارة تراج بديتي تخوفيني ..

ام سعود : همم السالفه وما فيها يا وخيتي .. ان اماني ما عادت لحمدان ..

ام حمدان : كيف ؟!!! وليش ؟!!!

ام سعود : والله اني متلومه .. بس كل اللي صار ان .... ( وخبرتها بالسالفه ) ..

ام حمدان ( تحاول تكتم غيضها ) : الله يسامكم .. ونحن ما فكرتوا فينا ؟!! .. ها ؟!! ..

ام سعود : سامحيني يا ام حمدان .. والله ان نحن مب عارفين كيف نتصرف .. بس مثل ما تعرفين الشور الاول والاخير لاماني .. وهي بنفسها اختارت أحمد ..

ام حمدان ( انصدمت ) : معقوووووووولة ؟!!!!!! ..

ام سعود : اذا مو مصدقتني .. اسأليها بنفسج ..

أم حمدان ( وهي جنها مب واثقه من رمسة ام سعود ) : اكيييد بسألها بنفسي ..

( هند فهالوقت كانت منخشه صوب الدري .. وسمعت كل اللي دا من بينهم وانصدمت واايد من كلامهم .. )

ام حمدان وهي رايحه فوق عصبت يوم شافت هند ..

ام حمدان : هندوووووه ..

هند ( ارتبكت ) : أ. أ. ..أ .. يمـ.ـ..ـه

ام حمدان ( بعصبيه ) : سمعيني زييين ياهندوووه .. اياني وايااج لرمسه اللي سمعتيها توصل لاخووج حمدان فاهمه ..

هند : هممم انشالله يمه ..

●●●●●●●●●●●●●●●●●

اماني فغرفتها ترمس عليا ..

اماني : هلا ااا والله .. شحالج ؟؟

عليا : تمام الحمدلله .. ومن صووبج ؟

اماني : همم .. ماادري والله ..

عليا : تستهبلييين !! في حد ما يعرف عن احوااله ؟!!

اماني : هيه .. انا ..

عليا : هه هه هه .. ظحكتيني .. تعالي كركطيني بعد !!

اماني : لا والله .. الا اقووول هممم على فكرة يعني راني اخترت ..

عليا ( وبكل ثقه ) : هه اكيييد حمدان ..

اماني : خخخخ .. وانتي شدرااج ..

عليا : احساسي ما يخوني ..

اماني : ههههههه .. لا تطمني حبيبني .. ترا احساسج خانج هالمرة ..

عليا : معقووووووووله !!

اماني : شسوي يا عليا !! انتي ما تدرين شكثر اهلي ضغطوا علي .. وبصرااحه احس تراا أحمد يستاهلني اكثر من حمدان ..

عليا : اماني .. انتي شو قاعده تخربطين ؟؟ والله حراام عليج تلعبين بقلووبهم .. مرة أحمد ومرة أحمد وعقب كل الليسويتيه فأحمد وعقب كل هالمذله تختارينه !!! والله انتي بصرااحه ما ينفهملج ..

أماني ( وهي تصيح ) : يعني تتحرين اني ما اتعذب لعذابهم ؟!! والله يا عليا انتي تدرين اني احب حمدان .. بس شسوي !! خلاص انكتبلي اني اكووون لاحمد ..

عليا : والله يا أماني .. ما ادري شو اقوولج ؟!! ..

وبهاللحظه تدخل ام حمدن على أماني ..

ام حمدان : اماني .. ممكن ارمسج شوي ؟!!

اماني : هي اكييد .. ( وهي ترمس عليا ) اقوول عليا انا بخليج الحين ..

عليا : خلاص ما عليه .. يالله تحملي على روحج ولا تقطعين ..

اماني : انشالله حيااتي ..

عليا : مع السلامه ..

اماني : مع السلامه .. ( وعقب ما سكرت عن عليا ) هلا خالتي .. تفضلي ..

ام حمدان ( وهي تحاول انها تهدي عمرها ) : انا يايه هني مب عشان اتفضل .. بس بغيت اعرف .. صدق الكلام اللي سمعته ؟!!

أماني : أي كلام ؟؟؟؟

ام حمدان : اماني .. انتي صدق اخترتي احمد ؟!!

أماني ( وهي تحاول انها ما تصيح ) : هممم هيه انا اخترت احمد ..

أم حمدان ( عصبت ) : وحمدان .. ممكن اعرف وين خانته بقلبج ؟!!!!!

اماني : انتي بنفسج قلتيها .. بقلبي ..

ام حمدان ( هدت ) : يعني انتي تحبينه ؟

اماني ( ترمس غصب عنها ) : عموووه خلاص انا اخترت أحمد .

ام حمدان : اماني .. انتي تدرين ان الزوااج من شخص انتي ما تحبينه مقبرة !! ليش تدفنين رووحج فهالمقبرة دامج تقدرين تغيرين رايج ؟؟!!

اماني : عموووه .. أحمد يحبني.. وانا اعتقد ان سعادتي ويا أحمد..

أم حمدان ( وبعد ما كانت هاديه عصبت فجأة ) : بس انتي تدرين ان حمدان بعد يحبج ومو بس يحبج الا ويموووت فيج .. يعني ما فكرتي بيووم شو راح يصيرله لو درا انج بدلتي راايج ؟؟

اماني : عموووووه .. ارحميني دخييييييييلج .. والله اني احبه .. بس خلاص انا صرت لأحمد .. احمد اهوو اللي حيرني له من صغري .. وحمدان لو كان يبيني جان دور علي من زماان ..

أم حمدان : والله ما توقعتها منج يا أماني .. ( وطلعت من الحجرة وهي معصبه ) .

اماني اول ما طلعت ام حمدان من الحجرة انفجرت من الصياح ..

●●●●●●●●●●●●●●●●●

حميد يرمس ويا هند ..

حميد : انتي ما تفهمين .. سعود يبا الرقم الحين !!

هند : اووووف .. انت ما تشوف حالة اختك .. توه وايجت عليها وشفتها ميته من الصيااح ..

حميد : يالخبله .. ترا هي اكيد لانها تصيح .. ما بتهتملج لو خذيتي المبايل .. يالله بسرعه سيري ييبي المبايل لا يفظحني سعود ..

هند : يفظحك ؟!! ليش نت شمسوي ؟؟

حميد : أـ ـ أ .. مو مسوي شي .. بس انتي الحين خلصيني وييبي الرقم ..

هند : زييين ..

هند وهي سايرة صوب غرفة اماني وكانت خايفه لا تجكها .. وشوي ودخلت الحجرة وسارت صوب اماني اللي كانت تصيح ولا عبرتها ..

هند : أ ..أ .. أمااني ..

اماني ( تمت تصيح ولا ردت عليها ) .....

هند : اماني .. ابي مبايلج شوي ..

اماني ( وكان المبايل حذالها على طوول فرته وصرخت ) : خذيييه .. ما ابيه ..

هند انقهرت من اسلوب اماني لها بس استغلت الفرصه وخذت المبايل .. وعلى طول ركض لحميد ..

حميد : ها بشري ..

هند ( مبوزه ) : يوود ..

حميد : بلااج عفانا الله ماده البو شبرين ..

هند : اختك ما ادري بلاها !! معصبه واتطلع حرتها فيني ..

حميد : لا لا افاا .. ما عاش من يطلع حرته فهنووودتي ..

هند ( تقلده ) : هنوودتي !! اسكت انته بس يالمصلحه ..

حميد : وياا ويهج .. انا الغلطان اللي عاطنج ويه ..

هند : جب زيين ..

●●●●●●●●●●●●●●●●●

سعود كان فحجرته يلبس ملابسه .. وشوي يدخل عليه حميد ..

حميد : يااك ياااك الرقم ..

سعود : ايواااا .. فديت رووحك والله .. والحين اظمن ان فظيحتك ماراح تطلع ..

حميد : همممم .. وانا شو يظمني انك ما بتخبر حد ..

سعود : لا والله !! جب انته بس .. اصلا لو ابا الحين بسير اقووللهم .. والحين فارج لو سمحت ..

حميد : يااااالله .. بلاهم كل الليفالبيت مبوزين مب حاله هاي .. خلني اجابل كتبي احس ..

سعود : يكوون احسن بعد .. بدال هالفظايح اللي تسود الويه ..

حميد انحرج من كلام سعود وعلى طول ظهر من الحجرة بدوون ما يقول ولا كلمه ..

●●●●●●●●●●●●●●●●●

نوف فهالوقت كانت داشه المسن .. وكان نكها ×اا× كلنا طفل يتمنى أي شخص يحضنه ×اا×
وشوي ويدخل عبدالعزيز المسن وكان نكه .. ااااااه مـــــــن قــلـــــب .. وعلى طوول رمسها ..

ااااااه مـــــــن قــلـــــب :
مرحبااااا ..

اا× كلنا طفل يتمنى أي شخص يحضنه ×اا× :
مرحبتين ..

ااااااه مـــــــن قــلـــــب :
شحالج الغاليه ؟؟

اا× كلنا طفل يتمنى أي شخص يحضنه ×اا× :
تمام الحمدلله .. اخباارك انته ؟؟

ااااااه مـــــــن قــلـــــب :
اخباااري كلها عندج ..

نوف استحت واايد من رد عبدالعزيز لها

اا× كلنا طفل يتمنى أي شخص يحضنه ×اا× :
همممم تسلم ..

ااااااه مـــــــن قــلـــــب :
الله يسلمج .. الا ما قلتيلي .. البنيه ما قالتلج شي من عقب السالفه ..

اا× كلنا طفل يتمنى أي شخص يحضنه ×اا× :
لا الحمدلله .. صارت كله تحاول تتجنبني مثل ما صرت انا بعد دووم اتجنبها ..

ااااااه مـــــــن قــلـــــب :
ايواا .. خلاص الحمدلله عيل .. سالفه وعدت على خير .. بس اتحملي مرة ثانيه مو أي حد تعطينه صورتج ..

اا× كلنا طفل يتمنى أي شخص يحضنه ×اا×:
والله اني ما عطيتها .. هي بروحها خذت من بوكي الصورة ويوم بغيت اخذه عنها ما طاعت وتمت تحب عليه .. وعاد انا ما كنت ادري ان سلطان اخووها ..

ااااااه مـــــــن قــلـــــب :
المهم .. حصل خير انشالله .. الا ما قلتيلي انتي شسمج ؟؟

اا× كلنا طفل يتمنى أي شخص يحضنه ×اا× :
معقوولة تعرف ايميلي .. وتعرف عني كل شي وماعرفت اسمي ؟!!!

ااااااه مـــــــن قــلـــــب :
ههههه .. اصلا لو ابا اعرف اسمج بعرفه .. بس انا قلت يمكن انتي ما ترضين .. وبصراحه انا ما يهني هالشي .. اهم شي عندي ان اقدر اتواصل ويااج .. ووالله ا تدرين شقد تعلقت فيج من اول نظرة ..

اا× كلنا طفل يتمنى أي شخص يحضنه ×اا× :
هههههه .. شي طيب الصرااحه .. ع العمووووم انا نووف ..
المهم السموووحه منك .. بس انا لازم اظهر الحين .. تامرني بشي ؟؟

ااااااه مـــــــن قــلـــــب :
لا فديتج .. سلامتج .. وتحملي على رووحج .. وهالله هالله بالدراسه ..

اا× كلنا طفل يتمنى أي شخص يحضنه ×اا× :
ههه .. انشالله .. يالله فمان الله ..

ااااااه مـــــــن قــلـــــب :
فمان الكريم .. الله يحفظج ..

●●●●●●●●●●●●●●●●●

فبيت ابو سعود مرر اليوم مضطرب شوي.. وبالليل والكل كان رااقد اللي كان يتأمل رقم عليا فمبايله ومحتار مو عارف شيسوي ؟!! واخر شي قرر انه بس يطرش مسج ..

..
..

انا مابي من الدنيا سوى لحظه لقى وحده ..
ابي اااطيح من طولي على صدرك وتحضني ..
تعتب اشد بك حبل الشوق وااااااامده ..
ابي اشكي على صدرك عطش هالحب رويني ..
دخيلك لا تخليني ترا صبري وصل حده ..
اهيم بعالمك طفــل اماااااااانه لا تخليني ..

..
..
من صوب عليا فيوووم شافت المسج .. توقعت انه واحد مغلط بالرقم .. وعشان جي ما اهتمت للمسج وكملت رقاادها ..

●●●●●●●●●●●●●●●●●

فاليوم الثاني وعقب ما ساروا قوم حميد المدرسة وعقب ما سار سعود لجامعته وابو سعود وابو حمدان شغلهم تمت اماني بروحها فالبيت لانها غابت من المدرسه بعذر اللي صارلها البارحه وعقب ما قامت واتغسلت سارت تحت تتمشى فحديقه بيتهم اللي تحمل كل ذكرياتها ويا حمدان ..

[هيبة بدويهـ]

السموووحه منزلتنه بسرعه ... لأني بطلع ..

[غلاتــي غـيــر } ~]

جان اوصل وياكم ..؟

القصه رووووووووعه عيبتني وتصيح وااااايد

يلا فديتني انا وصلت وياكم بالقصه نزلي عشاني هههههههه

سررررررررعه نزلي البارت

[محــلى العطــر]

فديتني ... بليييز

البارتات بسرعه

[شيخة البــدو]

اهئ اهئ اهئ اهئ

فديتني انذااااااار
بليييييييييييييييييييز كملي البارت
والله اني اترياج على احر من الجمر

مرحباني

شيختهم

[غلاتــي غـيــر } ~]

:eek: :eek:

[شيخة البــدو]

×_× فديتني وييييييييييييييييييييينج انا بصييييييييييييييييييييييح
الله يحفظج ويطول ف عمرج وين البارت
تراني اترياج على احر من الجمر


والسموحه عالمغثه

مرباني

شيختهم

[هيبة بدويهـ]

جان اوصل وياكم ..؟

القصه رووووووووعه عيبتني وتصيح وااااايد

يلا فديتني انا وصلت وياكم بالقصه نزلي عشاني هههههههه

سررررررررعه نزلي البارت

اوكـــــــــــــــــــــــــــــــــــــــــــــــ ـــي تمـــــــي لينـ آخــــــــر القصـــــــهـ ..

اوكي اوكي ..:smile:
و جــــــــــــــــــان افرحـ ..:biggrin:

[هيبة بدويهـ]

فديتني ... بليييز

البارتات بسرعه

اوكــــــــــــــــــــــــــــــي الغاليـــــه .الحيــــــــــــن بنزلها ...:smile:

و جـــــــــــــان استانس ..:biggrin:

[هيبة بدويهـ]

اهئ اهئ اهئ اهئ

فديتني انذااااااار
بليييييييييييييييييييز كملي البارت
والله اني اترياج على احر من الجمر

مرحباني

شيختهم

اوكـــــــــــــــي مافيني ع الإنذارات الحيــــــنـ بنزلها ...:biggrin:

حبيبتي و الله ..:biggrin:
بس لا تعطيني انذارات ..:biggrin:

مراحبـــــــــــــــابجـ ..:biggrin:
و جــــــــــــــــــــان اضحك ..:biggrin:

[هيبة بدويهـ]

×_× فديتني وييييييييييييييييييييينج انا بصييييييييييييييييييييييح
الله يحفظج ويطول ف عمرج وين البارت
تراني اترياج على احر من الجمر


والسموحه عالمغثه

مرباني

شيختهم
لاتصيـــــــــــــــــــــــــــــحين فديتج ..:redface:
الله يحفظ الجميـــع و يطول بعماراهم ..:biggrin:

لا مسموووحه ..:biggrin:
و جاان اضحك ..:biggrin:

[هيبة بدويهـ]

شيخـــــــــــــــــهـ البدوووو ,,
محــــــــــــــلى العطــــــــــر ,,
غـــــــــلاتيـ لعـــــــــــمري,,
الحيــــــــــــــــن بنزل البارت نزلن تحت و شوفن ..خخخ ..
و جــــــــــــــان اقوول الحين بنزل البارت ..:biggrin:

تعــــــــــــالن كـــــــــــــــل يوووومـ ..:biggrin:

[هيبة بدويهـ]

* الجزء ((21)) *

مرت الايام ومرت الاسابيع والكل على حاله .. وقبل امتحانات الثانوية العامه باسبووعين وبالتحديد فبيت ابو سعود ..

اماني : اووووف شو هالحشرة .. الواحد فهالبيت ابد ما يقدر يذاكر ..

حميد : والله محد قالج اتذاكرين هني .. سيري حجرتج ..

اماني : لا والله .. وليش مو انتو اللي تسيوون حجركم ..

هند : لان نحن خلصنا امتحاناتنا ويحقلنا نيلس فالمكان اللي نبيه ..

بدر : هيهيهييي .. 1/0 ..

اماني: اوووووف ( وعلى طووول سارت حجلاتها ..

اماني وهي طالعه ع الدري ابوها كان فنفس الوقت نازل فسارت امانيوعقب ما حبت راسه ..

ابو سعود : امااني ..

اماني : هلاااا ..

ابو سعود : نزليلي المكتب تحت .. بغيتج فرمسه ..

اماني : همم يعني هالرمسه ما يصير تتأجل .. ترا ورااي مذاكرة ..

ابو سعود : الرمسه اللي ابيج فيها اهم من المذاكرة مالتج ..

اماني ( تنهدت ) : خلاص ابوويه انته سير وانا شوي وبييك ..

ابو سعود : انزين اتريااج ..

●●●●●●●●●●●●●●●●●

أم فيصل : خلاص يا أحمد الملجه الاسبووع الياي انشالله ..

أحمد : يا سلام يا امييه .. خووووش رمسه الصراحه .. بس اماني شو رايها ؟؟

ام فيصل : اكييد بتوافق ..

أحمد : بس هي وراها امتحانات عقب اسبووعين ..

أم فيصل : ما فيها شي .. الا هي ملجه بسيطه وم يبالها وااايد ..

أحمد : خلاص يا اميه .. اللي يريحكم ..

ام فيصل : ههههه .. الله يوفقكم انشالله ..

أحمد ( يرفع ايده للسما ) : اااااااااامين ..

●●●●●●●●●●●●●●●●●

اماني : اشووووووووووه ؟!! حراام عليكم .. انا وراي امتحاانات عقب سبووعين ..

ابو سعود : الله يهداج يا حبيبتي .. الا هي حفله بسيطه .. والزهبه ما اظن يبالها غير يو ولا يومين ..

اماني : يابووي والله حرااام .. أي يوم او يوميين .. انا الحين ما ابا اشغل بالي في غير درااستي ..

أبو سعود : اوووه يا اماني .. يعني نحن اللي نبي نشغلج عن درااستج ؟!!

اماني ( ودمعتها بعينها ) : عيل ليييش جي تسوون فيني ؟؟؟؟؟

ابو سعود : عشان حمدان ..

اماني ( من طرا ابوها اسم حمدان دقات قلبها بدت تزييد ) : شفيه حمدان ؟؟؟

ابو سعود : هممم .. لان عقب الامتحانات حمدان بيكوون هني .. ونحن ما نبي حمدان يكون هني الا وانتو مالجيين ..

اماني ( وهي تصيح بدون صوت ) : ابعرف شي وااحد .. ليش تكرهووونه ؟!!

ابو سعود : من قالج ان نكرهه !!!!!

اماني : عيوونكم فاظحتنكم يابوووووووووي .. وانت اصلا حتى يوم خطبني حمدان .. ما فكرت حتى انك تبتسملي او تبتسمله .. ليييييييييييييييش ؟؟ ابعرف ليش ؟؟

ابو سعود : اماني .. انا ما اكره حمدان .. وخلاص سكري الموظووع .. ومن الحين اقوولج الملجه هالخميس يعني باجي 3 ايام ع الملجه ..

اماني بدون ما تسمع من ابوها أي كلمه سارت لحجرتها ركض ..

●●●●●●●●●●●●●●●●●

سعود كان فالسياارة ساير لاحمد فبيتهم .. وكان كل تفكيره فعليا الل كانت ابد ما تعبر مسجااته .. فقرر انه يدقلها ويرمسها ليين م يوصل بيت عمه راشد (ابو فيصل ) ..
عليا ( عقب ما رن التلفون ) : الووووه ..

سعود : يا مرحبااا باللي وده لفاااااني ..

عليا : هممم .. السموحه اخوووي .. شكلك مغلط بالرقم .. ( وتوها يايه بتسكر ) ..

سعود : لحظه .. لحظه ..

عليا : خييير .. شعندك ؟؟؟

سعود : الخير بويهج .. هممم ع العموووم تراني متأكد من الرقم .. مو انتي عليا ؟؟

عليا ( مصدوومه ) : هيه .. بس انت من ويين تعرفني ؟؟!!!!

سعود : ههههههههه .. الحب عرفني عليج ..

عليا ( مصدووومه ) : اووووف .. مو وقتك .. انا بغيت بس اعرف شي وااحد ..

سعود : اللي تبييينه ..

عليا : ممكن اعرف من وين يايب رقمي وشدرااااك باسمي لو سمحت ؟؟

سعود : همممم عليا انا سعوود ..

عليا : سعووووووووووود ؟!!

سعود : ااااه .. يا حلاته اسمي على لساانج ..

عليا ( تضايجت ) : لو سمحت سعوود .. لا تدق على هالرقم مرة ثاانيه .. واذا عبالك اني من هالبناات اللي ينلعب عليهم .. فانت غلطاان ..

سعود : لحظه .. ومن قاال اني العب عليج ؟!! انا ما بقص عليج .. قبل كنت العب ع البناات ويوم سمعت عنج كنت بلعب عليج .. بس وربي اني من شفتج حبيتج .. عليا انا احبج ..

عليا : انزين سعود .. اذا كنت تحبني صدق مثل ما تقوول تعال اخطبني .. اما اذا كنت تبي حب وتلفوونات وخرابيط فالسمووحه منك ..

سعود ( استانس برمسه عليا ) : كفووو والله .. انزين خلاص السمووحه منج يالشيخه .. ووعد مني ما بدق مرة ثانيه .. بس لا تحرميني حتى من المسجات ..

عليا : هههه .. خلاص ما عليه .. يصيرخير انشالله .

سعود ( وقرب من بيت حمد ) : المهم غناتي انا بخليج الحين .. وما اوصيج .. شدي حيلج فالامتحانات ..

عليا : من عيووني .. يالله عيل فمان الله ..

سعود : فمان الكريم يا بعد قلبي ..

●●●●●●●●●●●●●●●●●

نوف يالسه تذاكر فالميلس وفيصل يالس وياها ..

فيصل : يالله عيل انا مروووح ..

نوف : تعاال .. وين مرووح ؟؟

فيصل : الحين ؟!! من الصبح وانا يالس ويااج ولا مسوتلي سالفه .. ع العمووم انا بروح بيت خالتي .. احم تعرفين بعد ( ويعمزلها ) ..

نوف : هاااه .. اشووف رووحاتك وييااتك لبيت خالووه زايده هالايام .. يااالله .. كل ها حق عواااش ؟

فيصل ( يسوي عمره معصب ) : عواااش اونه ؟!! لو سمحتي اسمها المدام عاشه حرم السيد فيصل ..

نوف : يا سلااااام .. ومن متى صار ها كه انشالله ..

فيصل : هممم .. مااادري والله .. احذفي اجابتين لو سمحتي ..

نوف ( مصدوومه ) اجابتين اوونه ؟!! لا بالله انت بتخبلني وانا اللي ورااي امتحانات .. تدري ؟؟ اجلب ويهك ابرك لي وابرك لك ..

فيصل : ههههه . ما يحتااي تقووولين .. انا ويهي برووحه مجلوووب ..

نوف : هههههههههههههه .. حللللللوة .. دخيلك عيدها هههههههه ..

فيصل : كلام الملوك لا يعاد .. يالله باي ..

نوف : والله حااله .. ههه

●●●●●●●●●●●●●●●●●

هند : حميدوووووووووه .. شرايك نرووح للسينما ؟؟

حميد : لاوالله .. من الصبح وانتي تدافعين عن بدر .. خلي بدووور الحين يسير ويااج ..

هند : اووووه .. بتذلنا يعني ؟!!

حميد : ههههه .. المشكله ما تهونين علي والله .. انزين خلاص بنسير العصر انا وانتي وهالخبل بدوور ..

بدر : اييه .. ايييه .. خبل اوونه ؟؟ الخبله مرتك انزين ..

حميد : ههههههههه .. هندوووه الحقي ..

هند : خير ؟؟؟؟؟؟

حميد : بدووور سبج توه ..

بدر ( مو مستوعب شي ) : اييييه .. هند والله يقص عليج انا سبيت مرته ما سبيتج ..

هند : احم .. لا تعليق ..

حميد : ههههههههههه .. استحت البنيه .. اقولج سبج تستحين .. هذا بدال ما تعصبين وتزهقين وتجلبين البيت فوق تحت ..

بدر : حميد .. لا تستهبل .. اصلاهند ما تعصب علي انزين ..

هند : صح ..

حميد : هههههههههههه .. والله حاله !! يسبوونها وتدافع عنهم ..

هند : اوهووووو .. يعني مابنخلص !!

حميد : هممم .. انزين نوصل للاهم ..

بدر : شوووو بعد ؟؟

حميد ( يرمس بدر ) : دامك انت اللي سألت انت اللي بتنفذ هالشي ..

بدر ( مبوز ) : يااااااااالله .. الفظوول وما يسوي .. كل ها بس عشاان ياني شوية فظوول ..

هند : ههههههه يزاك ..

حميد ( يقاطعهم ) : انزين خلووني اكمل كلامي ..

بدر : كمل ..

حميد : بدر انت الحين اللي عليك انك تقنع ابوووي عسب يخلينا نرووح للمول ..

بدر : بس ؟؟؟؟؟؟؟؟ الحيييين بسير ارمسه .. خخخ

●●●●●●●●●●●●●●●●●

اماني فغرفتها وعقب ما هدت كملت مذاكرتها وتمت تحفظ وتحفظ وفجأة انفتح الباب بالقووو .. واماني نقزت من الخوووف ..

اماني : خوفتيني .. بللللللل ( وعقب ما تذكرت يوم خوفها حمدان ) طالعه على اخووج ماشالله ..

هند : هههه .. من يووومي فديتني ..

اماني : انزين شو عندج ؟؟ ليش لاحقتني للحجرة ؟؟

هند : هممم .. والله ماشي .. بس يايه ببدل لاني بسير المول ويا بدووور وحميد ..

اماني : اوونه .. عيل بيي ويااكم ( وعقب ما بوزت ) عشاان اتزهب ..

هند : تتزهبييييييييين !!

اماني ( بنبرة حزن ) : الملجه يوم الخميس ..

هند : شووووه .. بس حراام .. حمدان ..

اماني ( تقاطعها ) : هند دخييييييييلج .. هالاسم لا تطريلي اياااه .. اللي فيني مكفيني ..

هند ( تستهبل ) : ليش لهالدرجه اخووي يخرع ؟؟

اماني : ههههه .. بالعكس الا يخبل .. بس شسوي .. ( وعقب ما نزلت راسها ونزلت دمعتها ) كل حد يبيني لأحمد ..

هند ( سارت صوب اماني ورعفت راسها ومسحت لها دمعتها ) بس انتي اذا ما تبينه محد يقدر يجبرج علييه ..

اماني : بعد شوووو يا هند ؟؟ بعد شووو ؟؟ انا قلت حق احمد اني ابيه واني موافقه عليه .. وخلااصالحين ما باليد حيله ..

هند : بس حراام .. انتي تحبين حمدان وحمدان يحبج !!

اماني ( تغير الموضووع ) : متى بنسير المووول ؟؟

هند : همممم عقب نص ساعه تقريبا ..

اماني : عيل بقوووم البس احسنلي ..

هند : وانا بعد .. بس على فكرة تراانا بندش السينما .. يعني بتمين برووحج ..

اماني : لا والله !! اوووووف ( وعقب تفكير ) خلاص عيل باخذ وياااي نوفوووو ..

هند : اوووكيك ..

●●●●●●●●●●●●●●●●●

أم سعود : فديتج يا ام حمدان .. والله ان نحن نعز حمداان .. بس صدقيني نحن نحاول نسوي المستحيل عسب لا تصير مشاكل بين العايله .. وابو فيصل من زمان وهو محير اماني لولده ... بس محد كان يدري بهالشي غير ابو سعود نفسه ..

ام حمدان : بس ع الاقل يا ساارة .. ليش ما تكلم من البدااايه ؟؟ ليش ما رفضتوا حمدان من البداايه ؟؟

ام سعود : ما ادري والله يا عويش .. انا نفسي ما ادري ..

ام حمدان : الله كرييم بس .. وخلاص انتو سوو الملجه ولين ما ايي حمدان ونحطه جداام الامر الوااقع ..

ام سعود : وهذا اللي بيصييير باذن الله ..

●●●●●●●●●●●●●●●●●

أحمد : اووووه .. شغل المسجل لاااااااه ..

سعود : وليش ما تشغله انت ؟؟ تشووفني مشغوول بالسوواقه ..

احمد : هه .. بالسوااقه والا حبيبة القلب اللي ماخذه كل تفكيرك ..

سعود : جب جب شغل المسجل وانت ساكت ..

أحمد : هههههاي .. جكوووه .. وحط الشريط فالمسجل وشغل اغنيه ( .... )

..
..


طلبتك لاتحاكيني عن حبابك ولا ذكراك
ولا ودي تعلمنيعن الماضي ولا أدري
أنا مهمني الماضي ولا أيامه قبل ما ألقاك
أنا عندي بدياتنا بداية عمرك وعمري
أخيرا جيت ياوجه قضي عمري وأنا أستناك
وجيت بصورة فاقت خيالي وحلمي العذري
حبيبي خلنا نبدا حكايتنا أنا وياك
قبل ما الوقت يسرقنا ولحظات الهوى تسري
أنا ابغى حبنا راقي يودي لبعيد هناك
لدنيا مابها فرقى ولا كذبة ولا غدري
إذا عن الوصل أنا عاهد وربي مابيوم أجفاك
لأخجل بالعطا غيري وجازي صبرك وصبري
أنا طمعانة بوصلك وشاري بدنيتي دنياك
وحكم الحب في إيدينك تبيع إحساسي أو تشري
إذا شاري سنين العمر ياعمري الهوى يفداك
ولو إنك بعت لاتنطق أبعرف عندها قدري..
..

●●●●●●●●●●●●●●●●●

×× تـــــــــــــــابعـ التكملــــــه××

[هيبة بدويهـ]

×التكمـــلهـ ×
●●●●●●●●●●●●●●●●●

حميد : هاااااه .. أي فلم تبوون تدشوون ؟؟

هند : هممم .. انا خاطري بفلم رعب ..

بدر : بس ما بيخلووني انا ..

حميد : هيه صح .. انت العله الحين ياليااهل ..

بدر : جب انزين .. انا مب ياااهل .. مرتك اليااهل ..

هند سوت طااااف وخاصه بعد ما تم يظحك حميد وهو يأشر عليها ..

حميد : يحليلها مرتي .. خبر خيير والله ..

بدر : انزين .. بندش هالفلم ( وهو يأشر على فلم ) ..

هند : لا لا ها سخيف شكله .. خلاص حميد بندش الرعب ..

حميد : تستهبلين مكتووب +18 ..

هند : اوووه .. صدق انك ذكي << تتنطنز ..

حميد : من يووومي .. خخخخخخخ

هند : انزين اسمع انت الحين اشتر 3 تذاااكر ونحن بنتريااك هناك .. ( وهي تأشر ) .. وانت عااد لا تقولهم ان اللي وياي يهال ولا تبين لم انك تعرفنا وعاد هم بيتحروون ان اللي وياك قدك وبيعطوونك التكت .. فهمت ؟؟

بدر : صدق انج لووووتيه !!

هند ( مستغربه ) : شوووه ؟!!!!!!!

حميد : مااشي المهم .. يالله انتو سيروا ..

●●●●●●●●●●●●●●●●●

فالمول هند وحميد وبدر دشو السينما اما اماني ونوف فهم تمو يلفوون وما خلووو محل ما دشوووه .. واشتروا الفسااتين واشتروا النعووول واشتروا بعد اطقم ... الخ .. وعقب ما خلصو تموا يتمشوون ..

نوف : اوووووف .. ما يغينا ..

اماني : هيه والله .. بس تصدقين .. انا موول مو مقتنعه بالفستا اللي شريته ..

نوف : بالعكس والله .. انتي ما شفتيه فاللبس كيف يطلع .. صدق جناااان ..

اماني : هههه .. تجاملين ؟؟

نوف : لا والله .. اصلا لو ما كان عايبني بعطيج بالويه .. وانتي تعرفين هالشي ..

اماني : هههه .. هيه ماشالله عليج .. كله كاااش ..

نوف : هههه .. هيه تراني ما اتعامل بالاقصااد ..

اماني : المهم خلينا نسير نتعشى تراني يعت والله ..

نوف ( مو منتبهه لكلام اماني .. وكان مركزة كل نظرها على وااحد من بعيد )

اماني : حووووووووووه .. وينج ؟؟

نوف ( توها انتبهت ) : اقووول اماني .. شوفي شوفي .. هاذاااك اللي هناك ..

اماني : انزين .. شفته .. شفيه ؟؟

نوف : ما عرفتيييه ؟؟

اماني : لااااه من هذا ؟؟

نوف : هذا عزوووز يالخديه ..

اماني ( مبققه عينها ) : من متى انا صرت خديه انشالله ؟؟

نوف : اووه شوفي شووفي .. من هذي الي وياااه ؟!!

اماني ( شهقت ) : اوييه .. هذا ما يعني الا شيئين ..

نوف : شوووه ؟؟

اماني : يا اما انه موااعد وهذا معناه انه يلعب عليج انتي بعد .. او شي الثاني انه معرس وبعد يلعب عليج ولا يخوون مرته ..

نوف : وياا يهج .. كله شين .. ما في ي زيين .. يعني ليش ما قلتي يمكن اخته ..

اماني ( تتفلسف وتحرك لاسها بمعى لاء ) : لا لا ما اعتقد ..

نوف: جب انتي زييين .. عفانا الله .. ( وتمت طووول الوقت تمشي وهي تطالع صوب عبدالعزيز ) ..

وعقب ساروا اماني ونوف صوب جيليييز .. وعقب لحظات اتي وحده صوب نوف ..

...:: انتي نوف ؟؟؟؟

نوف : هيه انا .. بس منووو انتي ؟؟؟؟؟؟؟




كـــــــــــــــــــــــــــــــت ..

[هيبة بدويهـ]

تعــــــــــــــــــــــــــــــــــــــــــالن نسيـــــــــــــــــــــــــــــــت ما أقوووولكن ان الجــــــــــــــــــــــــزء الي بحطهـ الحيـــــــــــــــــــــــــــــــن آخـــــــــــــــر جزء و بتخلص القصهـ (كنت بكتب الحصهـ خخخخخخخخخ واااااااااككك)
يلا عــــــــــــاد قرنها ... لا تتأخرن ..
اتريااكن ..
و جـــــــــــــان اترياا الردود ..::biggrin:

[هيبة بدويهـ]

و جـــــــــــــــــــــــــــــــــــــــاااااااااا اان انــــــزل البـــــــــــــــارت الأخيــــــــــــــــــــــــــــــر
* الجزء ((22)) والاخير *


...:: انتي نوف ؟؟؟؟

نوف : هيه انا .. بس منووو انتي ؟؟؟؟؟؟؟

...:: انا فاطمه اخت عبدالعزيز ..

نوف : اوووه .. يعني انتي اللي كنتي تتمشين ويااه صح ؟؟

فاطمه : هيه صح ..

نوف ( ترمس اماني ) : يووم اقوولج اخته ..

اماني : ههه .. انزين جب فظحتينا ..

فاطمه : هههه .. المهم انا بس حبيت اسلم عليح واتعرف عليج اكثر ..

نوف : لي الشرف والله .. انزن اقربي .. تعالي ويانا ..

اماني : هيه صح ..

فاطمه : هممم .. السموحه والله .. بس عزوووز يتريااني خخخخ ..

نوف ( على طوووول ) : وينه ؟؟؟؟

اماني : بلللللللللل .. يالله كل ها حب شووو ؟؟

فاطمه : ههههه .. لا عيل لو تعرفين يا اماني تراا عزووز اخس منها .. يحليله والله متعذب .. ( تستهبل ) ما يندرى نوف شو مسويه فيه ههههههه

اماني : ههههه .. انا بقولج ( واونه تساسرها )

فاطمه ( شهقت ) اونه ؟!!!

نوف : اييييييييييه .. انتو شو تقولون ؟؟

اماني : قاتل الله اهل الفظول هههههههههههه ..

●●●●●●●●●●●●●●●●●

هند وحميد و بدر وهم سايرين عشان يدشوون .. وكانت في وحده تمشي بسرعه وبدووون قصد دزت هند ..

حميد : ويع انشالله .. انتي ما تشووفين ..

...:: اسفه .. بس والله .. مستعيله ..

حميد : مرة ثانيه شووفي جداامج يالعووورة ..

هند : حمييد .. خف ع البنيه .. تراها ما تقصد ..

...:: ( متلومه ) اسفه مرة ثانيه .. والسموحه انا لازم اسير .. باي ..

حميد : تعالي انتي وين سايرة .. بعدني ما خلصت كلامي ..

هند ( تيود حميد ) اييييييه .. خلاص خل البنيه فحالها ..

حميد : لا والله .. ما شفتيها كيف تزدج .. وانتي برووحج عظم .. الحين لو انكسرتي ولا شي !!!

هند : عفانا الله .. انزين لييش تفاول . باسم الله علي فديتني ..

حميد : افااااا .. وانا ؟؟؟؟

هند : شووو انته ؟؟

حميد : ما يصير تتفدين رووحج وما تتفديني .. جي انا اغاار عليج من رووحج ..

هند : جب لااااااه .. خخخخخ

بدر كان طول الوقت يراقبهم وهو ساكت ..

حميد : غريبه عيل بدوور اشووفك ساكت .. مو من العاده خخخ ..

بدر : اوووف .. خلصتو ؟؟

هند : هههه .. نحن بدينا اصلا عشان نخلص ؟؟

بدر : والله انكم متفيجين .. زين جي الحين الفلم بدا من دقيقتين ..

حميد : بللللل .. حاسب بالدقايق بعد ..

●●●●●●●●●●●●●●●●●

وقبل الملجه بيووووم هند كانت ياسه ترمس حمدان فالتلفوون ..

حمدان : هلااااااااا والله بشيختي ..

هند : احم احم .. اهلين ..

حمدان : اشحاااالج ؟؟

هند : تمام الحمدلله ..

حمدان : واشحال الحب ؟؟
هند ( تحاول تسايره وتقول من وراا خاطرها ) : زيييييينه ..

حمدان : انزين بلاااج جي تقوولينها .. لا يكووون انتي مزعلتنها بشي وانا ما ادري ؟؟

هند : اتطمن .. لا مزعلتنها ولا شي ..

حمدان : ااااه يا هندووووه . لو تدرين شكثر تولهت عليها ..

هند : اووووووووف .. تراك ذليتني .. ماشي سالفه غير امان واماني !!

حمدان ( مستغرب ) : هند بلااااج ؟؟ صاير فاماني شي ؟؟

هند ( وقالت وبدوون ما تحس ) : هم رجع وقال اماني .. ياخي ارحم عمرك .. اماني خلاص رااحت من ايدك .. خلاااااص انساها

حمدان ( محرج ) : هندووووووووووه .. انتي شتقولين ؟؟

هند : قاعده اقوولك الصدق .. اماني خلاااص باجر ملجتهامن احمد ..

حمدان : هندوووه عن الاستهبال تراني مب فايج لمقااالبج ..

هند : اوووه .. اقوولك باجر ملجتها تقولي استهبال .. اماني ياخوووي اهلها بونها تاخذ احمد ..

حمدان ( معصب ومن نبرة يبين انه يصيح ) : واماني ؟؟

هند : هه .. اكيييييد وافقت .. والحين فكني من اماني .. ما ابي اسمع طاريها ..

حمدان سكر الخط بويه هند ..

●●●●●●●●●●●●●●●●●

اماني يالسه تذااكر شوي فحجرتها .. وفجأة يرن تلفووونها .. وانصدمت لما شافت رقم حمدان اللي من سافر ما رمسته .. فاحتارت اذا ترد عليه ولا لاء واخر شي قررت انه ترد عليه وتخليه يكرهها من الحين ..

اماني : الووه ..

حمدان : دق الكلام اللي سمعته يا اماني ؟؟؟؟؟؟؟؟؟؟

اماني : ايييه .. صدق .. والحين خلاص .. خلني فحالي ..

حمدان ( يصيح ) : اشوووووووه ؟؟ عقب كل هذا تقوليلي خلني فحالي ..

اماني ( تصيح بس تحاول انها ما تبين هالشي وقالتله بكل قسوة ) : اوووه يا حمدان .. خلاص افهم .. اللي بينا انتهى يا حمدان .. انتهى .. وانا من باجر بكوون على ذمه رياال ثاني .. افهم ..

حمدان ( بنبرة هاديه شوي ) : وانتي تحبينه يا اماني ؟؟؟؟؟

اماني ( وبكل صعووووبه ردت عليه ومن وراا خاطرها ) : اتنفس هواااااه ..

حمدان : ليش تجذبين علي يا قلبي ؟؟ ليش ؟؟ انا ادري انج مجبوورة عليه .. وبعدين تحسبين اني ما اعرف انج تحاولين اتكرهيني فيج . بس العكس والله انج بهالكلام تعلقيني فيج زيااده .. ومع حبي عذابي لج يزيييد .. حراام عليج يا اماني .. ليش تدفنين حبنا بهالسهووله ؟؟

اماني ( تأثرت بكلام بحمدان وتمت تصيح بصوت عالي ) : القدر ما بغا يجمعنا .. خلاص .. دخيلك خلني فحالي .. والله ان اللي فيني مكفيني ..

حمدان : لا تحاولين .. والله ما استغنى عنج لخر لحظه بحيااتي وانا قد كلمتي يا اماني قدها وقدووود ( ويسكر الخط بويهها ..

●●●●●●●●●●●●●●●●●

احمد : يا سلاااااااام .. خلاص واخيرا اماني بتصير لي انا وبس ..

نوف : لا والله !! ليش شو قالولك مالها اهل يبونها ؟؟ وبعدين ترااني انا بعد ابيها واغار عليها ..

احمد ( يستهبل ) : لا عيوووني .. خلاص اماني من باجر لي انا بس .. وعاد خلها تنسى انه عندها اهل ..

فيصل : ههههههههه .. يااالله عالغيرة ..
نوف ( ترفع ايدها وتدعي ) : يااااالله .. متى بييني ريل ويغار علي جذي ؟؟
احمد : اييه .. حوووووووووه .. وين تبين انتي ؟؟ حشمينا ع الاقل ..

فيصل : ها نوفوووو . لا يكون فبالج واااحد .. ترا والله لو عرفت عنج شي .. من اليوم ظمنيموتج ..
نوف : بسم الله الرحمن الرحيم .. انتو شوووو ؟؟ ياخي اسوولف .. عفانا الله محد يسولف ويااكم ..

احمد : جب لاااه .. مب متفيجين لسوالفج نحن الحين ..

نوف ( تحيس بوزها ) : هيه اكيييد .. دامك بتاخذ اللي تبيه ..

فيصل : خخخخخخ .. بلاج انزين جي حايسة بوزج ؟؟

●●●●●●●●●●●●●●●●●

فيوم الملجه الكل مشتط ومتمحس .. والكل يالس يتعدل اما ام حمدان فهي كانت حاطه بخاطرها بس هالشي ما منعها من انها تفرح فبنت اخوها .. وحمدان فهو اول ما سمع الخبر من امس حجز باول طيارة وهو الحين وصل البلاد ..

ومن صوب العرووووس اماني ..

اماني : اماايه واللي اني خايفه ..

ام سعود : الله يهدااج من شوو تخافين ؟؟

اماني : ما ادري .. مب عارفه شو سوي ولا عارفه كيف اتصرف ؟؟

نوف : ياااالله كل ها خوف .. ترا بعده العرس .. هههههههه

اماني : جب انتي .. والله مب ناقصتنج ..

وشوي وتدخل عليهم هند ..

ام سعود : الله الله .. شو هالكشخه ؟؟ شو هالجمال ؟؟

هند هههه مشكورة عموووه ..

اماني : هيه امايه .. ترا هندووه من الحين تحيرونها حق حميدووه ..

ام حمدان : ههههههه .. يحليلج يا هند ..

●●●●●●●●●●●●●●●●●


(( اااه من قلب إذا حبه جنوني ,, وااه من خلن على بالي طرااا ,, لي سطا فالروح واتملك شجووني ,, ومن صدوده يا ملا دمعي جرااا ))
حمدان كان فسيارته .. فاق السرعه المتوقعه .. كان يسوق وكل تفكيره فاماني وفاللي سوته .. كان خايف انه يفقدها بعد كل هالحب .. كان حالف انه ما يستغنى عنها لاخر لحظه فحيااته .. وتم يسرع ويسرع ويسرع لدرجه انه فات الاشارة الحمرة وما انتبه الا وسيارة دعمته باقوا ما عندها ع الجنب ..
حمدان مثل ما حلف انه ما بيستغنى عنها لخر لحظه فحيااته . واخر لحظااات عمره كان يرااجع كل ذكريااته ويا اماني .. كان يراااجعها وعلى ذكراها ابتسم بسمه الم وعذاب وتشهد لربه ..

●●●●●●●●●●●●●●●●●

هند فالصاله يالسه هي وحميد وبدر ..

بدر : حميدووه قوم لاه نسير صوب الريااييل ..

حميد : جب لاااه .. تبيني اخلي هالجمال كله واسير هناك .. والله ما عندك سالفه ..

هند ( بغرور مصطنع ) : اصلا من يووومي جميله .. بس للاسف محد ملاحظ هالشي غيري وغر حمدانووه فديت رووحه ..

وفهاللحظه يرن التلفوون ..

تررن تررن تررن ..

بدر : هممم انا برد ..

بدر : الووووووه ..

...:: الو السلام عليكم ..

بدر : وعليكم السلام .. منووو انته ؟؟

...:: هممم .. ممكن اكلم ابو حمدان ...

بدر : همم .. ابووه محد ..

...:: انزين امه وينها ؟؟؟؟

●●●●●●●●●●●●●●●●●

عند اماني ونوف وام حمدان ..

ام حمدان : بس لا تزيدين اكثر .. المكياج واايد ترا يكبر من سنج ..

نوف : هيه صح ..

اماني : انزين سميرة بس فديتج لا تزيدين ..

سميرة : طيب .. خليني بس اعملك القلووووس ..

ااماني : زيين ..

بدر فجأة يدخل الحجرة : عموووه عمووه .. شي رياال يبااج ع التلفوون ..

ام حمدان ( مستغربه ) رياااال !! شو يبابي انا ..

بدر : ما ادري .. قالي وين ابو حمدان .. يوم قلتله محد .. قالي انزين وين امه ؟؟

اماني من سمعت طاري حمدان حست ان السالفه جايده ..

ام حمدان : خير انشالله ( وساارت ) ..

نوف : اااااااه .. يا حظج والله يا اماني ..

اماني : ههههه .. متفيجه انتي .. ع العموووم عقباالج ..

نوف ( ترفع ايدها ) : الله يسمع منج ..

اماني : هممم .. يحليلها اخته واايد حبووبه ..

نوف : واايد .. خخخ شكلها هي اللي بتتوسط لي ههااااي ..

اماني ( وفكرها بعيد ) : شكلها ..

وفجأة يسمعون صرخه هزت البيت بكبره .. : لاااااااااااااااااااااااااااااااااااااااا

نوف : اويييه .. هذي عموووه ..

وعلى طول اماني طنشت مال المكياج وسارت هي ونوف صوب ام حمدان اللي كانت طايحه ع الارض وفحضن ام سعود ..

ام حمدان : ولدي رااااااااااااااح يا امس عود .. راااح وخلاني .. راااح .. (وتمت تصارخ ) ..

ام سعود ( وهي تصيح ) : الله يهداااج يا ام حمدان .. مب زين عليج اللي تسوينه ..

هند فهاللحظه كانت واقفه تتطالعهم ومصدوومه وفجأة صرخت( باعلى ما عندها ) : جذااااابييين .. جذاااابيين .. اخووي مسافر .. جذااابيييين ..

اماني ما قدرت تيود رووحها وعلى طووول اغمى عليها .. والباجيين كلهم تمو يصيحووون .. اما حميد فهو كان يصيح ويحاول يهدي هند اللي كان شكلها شراات الخبله ..

نوف على طووول سارت صووب اماني .. وحاولت توعيها .. يعني البيت كان كله حشرة وصريييخ وحاله ..

●●●●●●●●●●●●●●●●●

اماني فغرفتها وبعد ما قامت تمت تحاول تتذكر اللي صار واول ما تذكرت تمت تصيح وتصيح وتذكر كلامه (والله ما استغنى عنج لخر لحظه بحيااتي وانا قد كلمتي يا اماني قدها وقدووود ) والله انك قدها .. ( وتمت تصيح بصووت عالي وهي تتذكره وتتذكر حبهم .. ) لييش يا حمداان ؟ ليش جذي سوييت ؟؟ ااه يا قلبي ؟؟ والله انك ما تعرف شكثر تعذبني بفراااقك .. تمنيتك تاخذ فوادي وياااك قبل لا ترحل .. ااااه .. تمنيييييت ..

×××][ كيف تتركني اواجه هالمصير ؟!! ,, وبالسهوله هذي تهجر من هواي ,, للحظه لو تسمح ليه مطلب اخير ,, قبل لا ترحل خذ فواادي معااك ][×××
●●●●●●●●●●●●●●●●●
×× التكمــــــــــــلهـ ..××:biggrin:

[هيبة بدويهـ]

×× التكمـــــــلهـ ××مرت الايام ومرت السنين وبعد 4 سنين ..

احمد اخذ اماني اللي فالبداايه ما قدرت تتحمل انها تعيش ويا غير حمدانوصارت بينهم مشاكل فالبداايه بس وياا الاياام تعودت وما صار الحب يهمها بس عاشت هي واحمد عيشه حلوة ومريحه وصار عندهم ولد سمووه( حمدان ) على اسم المرحووم .. وولد ثاني اسمه ( منصور )

وعبدالعزيز خذ نوف بس بعد صعوووبات وبعد عقباات واجهتهم .. وصار عندهم بنت اسمها ( غلا ) والحين نوف حامل بشهرها الثاامن ..

سعود خذ عليا ويابو بتين توووم .. ( ريما و عزة )

فيصل كان عايش حيااته ويا عاشه .. ونسا حبه الجديم .. وولدين وبنت ( راشد : على اسم ابو فيصل و عبدالله : على اسم ابو عاشه و شووق )

امل وطلال يابووو الولد الاول وسموه ( حمد ) وبعده يابو بنت وسموها ( مريم )

حميد وهند بدت قصه حبهم .. وهند حيروووها لحميد ..

بدر زااد اهتمااامه لدرااسته وخاصه لانه ناوي يصير دكتووور فالمستقبل ..


●●●●●●●●●●●●●●●●●

فبيت ابو سعود .. العايله كلها متيمعه ..

حمدان : بابا شوف خالي سعود ما يخليني العب ويا ريما وعزة ..

سعود : بناتي وكيفي .. وبعدين شو تبا فيهن ؟؟

حمدان : ابي العب معاهم ..

نوف : ما عندك سالفه تلعب ويا عيال سعودوووه .. تعال حبيبي العب ويا بنتعمتك .. ما شي احلى عنها خخخخ ..

حمدان : انتي بنتج كخخخخخخخ .. كله تصيح .. ما احبها انا ..

ام حمدان كانت طوول الوقت تتأمل حمدان الصغير اللي كان واايد يشبه المرحووم حمدان ..

حميد : هنووووده ..

هند : هلاااا ..

حميد : طوووفي عازمنج ع العشاااء فالمول ..

هند : صدق .. يا سلااااام ..

حميد : بس بشرط ..

هند : ااامر ..

حميد : انا بعزمج وانتي اللي تدفعين .. ههاااااااي ..

اماني : خخخخ .. بعدك زطي انت ههههههه

بدر : من يوومه زطي بس محد ملاحظ غيري انا اللي متوهق ويااه ..

الكل : ههههههههههههههههه ..

(( وعاشت العايله عيشه سعيده وصحيح واجهتهم مشااكل واايده .. بس واجهوها بكل تعاون وبكل صبر ))


××× النهااااااااااااايه ×××

[هيبة بدويهـ]

و جـــــــــــــــــــــــــــــــــــــــــان تخلــــــــــــــــــــــــــــــــــصـ القصهـ ...
انــــــــــــا الحيـــــــــــــــن اتريا الردوووووود ..:biggrin:
و جــــــــــــــــــــــان اقعـــــــــــــــــــــد ...:smile:
و السمــــــــــــــووووحهـ ـ ـ ـ ـ ـ ـ ....’:smile:

[شيخة البــدو]

صدق صدق صدق قصه ف نهايتها الحزن يكسيها
صدق عاشوا قصة حب وما اكتملت


ربي لاهاااااااااااااااااااااااااااااااااانــج يالغناه فديتني

تسلمين حبيبتي
ومشكووووووووووووووووووووووووره وااااااااااااااااايد

وفي انتضار يديدج


مرحباني

شيختهم

[هيبة بدويهـ]

:biggrin: :smile:

صدق صدق صدق قصه ف نهايتها الحزن يكسيها
صدق عاشوا قصة حب وما اكتملت


ربي لاهاااااااااااااااااااااااااااااااااانــج يالغناه فديتني

تسلمين حبيبتي
ومشكووووووووووووووووووووووووره وااااااااااااااااايد

وفي انتضار يديدج


مرحباني

شيختهم

يســــــــــــــــــــــلمـ غاليجـ و مغليـــــــــــــــجـ ..:smile:
و العفـــــــــــــــــــــــــــــــــــــــــــووو و واااااااااااااايـد ..:biggrin:
ان شا الله .و يديدجـ ...:biggrin:
مــــــــــــــــــرااحب ...:biggrin:
و جــــــــــــــــــــــــــان أستــــــــــــــــــــــــاأإأإأإنسـ ...:biggrin:

[محــلى العطــر]

يسلمووووو يالغاليه

والله نهااايه .....حزينه

ودمتي ولاهنتي ....

[غلاتــي غـيــر } ~]

حمدان مات :eek:

:mad: يسلموو غناتي ع القصه ...
واخيرا نزلتينها ..

سلاااااااااامي