مرحبا خوان شما ترى السوال لكم.

[الريوم]

سوالي يقول:
شو فايده او ويش الهدف من انكم تحطون ارقامكم في البلوتوث؟

[غلاتــي غـيــر } ~]

بالنسبه لي بعدني ماشتريت موبايل بشتري ان شاء الله ها الاسبوع

الي يحطون ارقامهم في بلوتوث يبقون حد يتصل فيهم ويتعرفون عليهم ويلعوزونهم ماعندهم سالفه صراحه ؟؟

يسلمووووو حبوبه ع الموضوع الجميل

[أبو خالد]

بسم الله الرحمن الرحيم

السلام عليكم ورحمة الله وبركاته

الله سبحانه وتعالى منّ علينا بهذه التقنيات الحديثه لكي نسخرها لخدمتنا وخدمة هذا الدين العزيز علينا ولكنَّ للاسف هناك من يستخدم هذهِ التقنيات للمفسده أكثر من المصلحه , إن الذين أخترعوا هذه التقنيات لو علموا أنها تستخدم لغير ذلك لما بذلوا أوقاتهم لها .

والسلام عليكم ورحمة الله وبركاته

أخوكم في لله أبو خالد

[رَحِيْلُ الْودّ]

شكراً لطرح الموضوع وقد يثير الاستغراب حقاً ولكن لا اجده امرا عجيبا جدا على الشاب بقدر ماهو اعجب حينما تستخدمه فتاة بهذة الطريقة ،
ولست أدري ما الحكمة في تغيير مسميات الهاتف لدى الفتيات بـ (الحلوة ، والدلوعة ، وقمر ) ..الخ مما قد يجذب الشاب لها وما الذي يجعل فتاة تستخدم (البلوتوث ) اثناء التسوق !!
..
الموضوع سيدتي الكريمة لا يقتصر على فئة دون غيرها بل نحن جميعا مسؤولون حقاً عن هذا العبث ..
وغياب الصحوة ..

..

شكراً لك مرة آخرى وأتمنى أن تجدي رداً شافياً لدى (خوان شما) ..

تحية

[الريوم]

مشكورين خواني وخواتي ع المرور.
بصراحه انا فعلا ضد ان البنت تشغل البلوتوث في الاسواق.
والشباب اللي يحطون ارقامهم في البلوتوث في نظريه دليل انهم ضعيفين الشخصيه.

اتريا تفاعلكم خوان شما.

[المطلعي]

ابشري يا العامريه :)

انا احط رقمي بالبلوتوث صراحه

بس ما اعرف ليش تفكيركن الي يحط رقمه يعني يبا بنيه تتصل فيه ! او لترقيم البنات !

انا متعرف على شباب وايدين عن طريق البلوتوث

مثال

مرات تسير الكوفي بروحك .. ويكون رقمك بالبلوتوث

فيتصل بك حد من اليالسين في الكوفي يدقها سوالف وياك

واييك او انته اتيه وتيلسون ويه بعض وتتونسون .. احس عن تيلس بروحك

مرات يتصلون فيني حتى رياييل كبااااار ( عقّال )

اتحصلينهم يتريون حد ولا شي ويملون

فـ يدورون حد بالبلوتوث ويسولفون وياه ويمشّون وقتهم

وانا بالنسبه لي .. اكثر وقتي وحداني

ووايد اظهر او اتحوط بروحي

ومن النوع الي ادخل ويه اي حد واحب اتعرف على يداد

فما عندي مانع لو حد اتصل فيني وانا مااعرفه وسولف وياي

بالعكس استانس

[خقاق بن خقاق آل خقه]

موضووع في غايه الرووعه

الصرااحه أنا ما أحب احط رقمي حاط نكي....

والشبااب بحطوون ارقاام ليرقمون عبر البلوتوث وهالشي معرووووف..
والسمووحه
خقاااق بن خقااااق ال خقه

[ولاية ليوا المتحده]

عني انا حاط اسمي راعي ليوا وماحطي رقمي بصراحه وماشوف منها فايده اني احطي رقمي

[راعي العسيمه]

انا احط نكب واللى ماعنده سالفه يحط رقمه

حليله يمكن انه شين ويبا يتعرف وهوب لاقيله بنت ترمسه

[عامريةV.I.P]

والله يا اختي الريوم ...الموضوع مايتعلق بخوان شما على قولتج ....الموضوع يتعلق بمجتمعنا من بنات وريال ..وسالفه هالرقم فالبلوتوث ماهي الا نوع او اسلوب من الاساليب لحديثه فالترقيم لكن الامر والادهى يوم تيج بنيه حاطه نك ومشغلته فالسوق ...الله يهدي الجميع

[نهيان المزروعي]

يتحرون البنات يوم يشوفون الارقام بيتصلون
ومشكوره اختي على هالموضوووووع
وترى هل الوقت وايدين يسونها
على كل حال الله يعينهم
تحياتي نهيان المزروعي

[غــــموض]

انا عني ما اشغل بلوتوثي مووول إلا جان بطرش شي ولا ابا حد يطرشلي

وسالفة الرقم يمكن حليله مب محصل نك يحطه جان يحط رقمه
مانقدر نظلم حد :biggrin:


والسموحه