رد على الشاعر جريح الحب

[ابـــــدوي مـــــاركة]

السلام عليكم

هذي الابيات البيسطه رد على الشاعر جريح الحب...

لك يـا جريح الحب با عني اشعار...ابغي اوفـي جـمـايـلك بـس مـن ويـن
يكفي بانك مـن الهـير دار الاخيار...دار بــهــا عـــربــان اكــرام وافـيـن
حتى النبي جد وصى الجار بالجار...وانتوا يران اقرب من الرمش للعين
لكم معزه وحشمه واحترام ن ومقدار...ولـكـم غـلا ما له حـدود وبلاديين
عـيـزت انـقي فـيكم الـوصف واخـتار...فـيكم وصـوف المـدح كلـها تـزين
لا مـا تـوفي فـيـكـم الـمـدح الاشـعـار...لـو اكـتب الاشعار في عدة اسنين
وانا اشكرك يا الشهم يانسل الاحرار....عـلى قـصـيدك لي وصلني بتبيين

والسموحه على القصور...

اخوكم

ابـــــدوي مـــــاركة

[الخيل]

ابـــــدوي مـــــاركة

صح لسانك يالشاعر

اجدت بالرد الراقي على اخونا جريح الحب

تسلم يمينك ويمينه شاعرنا المتألق

جريح الحب

تقبل مروري المتواضع

الخيل

[ابـــــدوي مـــــاركة]

تسلمين الشيخه على مرورج

ومشاركتج في موضوعي...

وما تقصرين...

اخوكم

ابـــــدوي مـــــاركة

[قصايد]

بدوي ماركه


رد رائع ,, صح بوحك ,, لله درك

يستاهل خونا جريح الحب كل خير ,,

يعطيك الف عافيه ,, الى الامام

قصــــــــايــد

[نفحة الهيل]

لا مـا تـوفي فـيـكـم الـمـدح الاشـعـار...لـو اكـتب الاشعار في عدة اسنين
وانا اشكرك يا الشهم يانسل الاحرار....عـلى قـصـيدك لي وصلني بتبيين

صح لساااانـــــــــــــــــك يا الشاعر ويستاهل جريح زود وهل الهير

تحياتي لك خويه ربي لاهانك

[الغاويهـ]

لا مـا تـوفي فـيـكـم الـمـدح الاشـعـار...لـو اكـتب الاشعار في عدة اسنين


سلامي علييكــ اخوييهــ ..

القصيييدهــ طررر الصرااحهــ ...

وصحــــ لســــــــــــــــــــــانكــ ..

ونرقب اليديد من صووبكوو..

ولاهنت ..

[جريح الحب]

لا هنت يالشاعر كم ااتشرف بردك الكريم
صح لسانك يا سيدي

احترامي لك يالشاعر

اخوك جريح الحب

[!!طويـــلة العـــمر!!]

سلامي عليك يالشاعر


طرررررر القصيده مافيك حيله


ويستاهل الشيخ

لاهنت نرقب الزوود من صوبك

[رهايف]

صح الله لسانك يالشاعر...ولا هان منطوقك

ويستاهل اخويه جريح الحب...ونرقب الزوود من جداكم


شيخه الخود

[][^(قرموشه)^][]

صح السانك
..
والى الأمام دوم انشالله
..
تسلم يمناك وربي يعطيك العافيه