تغطــي يابنـــت هذا مواطن

[بنوته طرر]

السلام عليكم ورحمه الله وبركاته


مشاهد يوميه تحدث بمجتمعنا واحببت ان اشارككم النقاش بوجهه نظر شخصــيه انه موضوع

مهم وربما احد سبقنـي بطرحه ولكــن لعل كثره الطرح والنقاش يصحي بعض الضمائر او يولد

شراره التوبه والرجوع الى اللــه ..

كالعاده شي بالعين تصدقه أكثر إذا كنت تكذب كلام الناس وهذا هو الواقع نبدأ الجوله

شــاهـد وشاهــدي !!!


تغطي يابنت هذا مواااااااااطن

افااااا يعني المواطن حرام والأجنبي حلال !!!

الموضوع صريح ويتحدث عن واقع نعيشه

وهنا بانقل لكم بعض المشــــاهد




المشهد الأول ...

بنيه لا حيا ولا مستحه .... ترمس ويا الاجانب وتضحك وتعاند وسوااااالف ... ومن يدخل المواطن تتغطى وتاكل تبن !!!

مع انهم يثنينتهم رياييل ......... وتغطي يا بنت هاااااااا مواااااااااطن



المشهد الثاني ..

((( والله شفته بعيوني )))
حرمه تظهر جدام الدريول ولا الطباااخ بملابس البيت لا شيله ولا عبايه ولاااا اي ستر بحجه انه اجنبي !!!

عادي تكلمه بدون ما تتغطى عنـه أو أي شي يكـون ساتر بينـهم ولو دق الباب مواطـــــــن قالت

تغطــي يا بنت هااااااااا موااااااااطن ........ ويا الفشيلــــــــــة


المشهد الثالث ..


بنت تطلب عشاء من أحد المطاعم وطبعا ايي عامل توصيل الطلبات تظهرله و تستقبل وتأخذ

منه الطلب مع الشكر والتقدير ولو كان مواااطن احد الاطفال راح يطلع له او البشكارة .. وتغطي يا بنت

هاااااااا مواااااااااطن



المشهد الرابع ..

مجموعه من الفتيات في أحد المجمعات أو في أي مكان يريدون ان يسألوا عن شي صادفوا

شخص لابس جينز وقميص لو سمحت

يرد :- مرحبــــــــــــــا الســــــــــاع

اوووه آآآآسفين وتغطي يا بنت موااااااااااااااطن

ياويلي طلع مواااااااااااطن




المشهـــــد الخااااااااامس :-

بنااااااات مدارس (( بس كبار محاسبات ع اعمالهن ))

يمر الهندي تنبه وحده من البناااااااات الباقيااااااااات اللي عاقات شيلهن ع الكتف تغشوا تغشوا رياااااااااال

يشوووفنه اووووووووهوووووووووه تحرينـــــــــا حد الا هندي !!!

افا هب ريال



وغيرها من المشاهد لاتــعد ولاتحصــى ..


طبعا كل المشاهد تحصل عند بعض الأب والإخوان وشي عادي لو شاف بنته أو أخته تكلم

أجنبي عكس لو شافها تكلم موااااااطن .... مع الاسف يعتبره من مظاهر التحضر والتقدم ..

ان يكون الأجنبي داخل المنزل بل استغنوا عن الطباخه بطباخ والسائق يصل لأخر المنزل ..

وليس جميعهم لكن !!!!!

الا من رحم ربي والقليل جدا جدا ..

قد يكون هذا التصرف عن غباء أو جهل إلخ .. يعني من الممكن أن تكون هذه الفتاه على

خلق ومحترمه لكن مالقت من يوجهها إن معامله الأجنبي لازم اتكون شرات ما حدد الشرع

اعذروني اخواني واخواتي هذا الواقع الذي نعيشــه .. شاهدتها بنفسي والاكثــريـه شاهدوهـــا .. !!

المشكله والله ..( هندي + فلبيني + سوري + لبناني+ مصري)عادي مولازم تغطي هذا

أجنبي ..

( مواااااااااطن ) واااااااااااااااااالفضيحـــــــــــة !!!!!!!!



وووواكيد هاالظاهره الغريبـــــــة موجود فكل الدول الخليجية

اتمنــى اعــرف رايكــم بصراحـــــــه ..... ؟؟؟

دعوووووة للنقــــــــا ش

[راعيها]

السلام عليكم ورحمة الله وبركاته

تسلمين بنوته على الموضوع المهم ..

بالفعل هو موضوع مهم حينما يصبح الفرق في الجنسية هو الحد بين الحلال والحرام

بصراحة لا اعرف لماذا ولكن هو سؤال محير ويحتاج لإجابة من البنات شخصياً

واتمنى من البنت التي ينطبق عليها الموضوع ان تعيد النظر فيه

وشكراً

[بوح القــوافي ®]

يشوووفنه اووووووووهوووووووووه تحرينـــــــــا حد الا هندي !!!


وايد الاحظ هالشي


وانا يوم كنت في مرحلة اعدادي كنت متنقبه لكن كنت انصدم من ابلواتنا المتنقبات يدامي الناطور عادي مظهرات قصه وبره يتنقبن

ومادري هالنوعيه من البنات ما يعتبرون الريال ريال ولا شو بالضبط


ولا لان الريال من جنسيتهم بس تعرف هني الحرام والحلال


وصح ويا الاستاذه الاجانب يظحكن وعادي وعادي بتقوله كفك بعد

لكن ويا مواطن ما يظهر لسانها وتكون محترمه عمرها


ها دين قال لنا نحتشم عن الرياييل وتنغطى ونتحجب
هب بس عن لي من جنسيتج



انا ما انكر ...في بدايتيه ويا الاساتذه اسولف عادي انها شرا ابلتنا
بس ما تعديت حد ولا تكعكعت وياه ولا خذت راحتيه

لكن مره غلط ويا استاذ رمست عن لاعب كروة قدم وهو استغرب جان اسولف له خلاف اني وايد احب الكوره وجيه
انا بس هالموقع حسيته اني غلط
يدسونا ماعليه نحن مجبورين فيهم للعلم
هب اسير اسولف وياه
لان اصلا ما يستوي نرمس ويا رياييل
وقلت حق ختيه اني استغرب هالشي من البنات وانا اليوم حسيت اني سويته وعزمت اني ما اعيدها



المهم


موضوعج حلو ختيه عسب نعيد النظر في تصرفاتنا


اشكرج عليه
وانا جني شوي ظهرت عن الاطار


وداعة الله

[شبيه الريح]

مشكووووره على الموضووع الطيب .....والصراحه كلامج 100%
.......

[بنوتة فزاع]

مشكـــــــــــــــــــوره ع الموضــــــــــــــــوع....ا
واصلن ماشي فرق بين المواطن والهندي.....
كلهم ريايل.........

[بنوته طرر]

مشكووور اخوي راعيها وبوح القوافي وشبيه الريح وبنوته فزااع ع المرور

[بنت زايــــد]

.

.

للأسف ظاهرة منتشرة بشكل رهيب في مجتمعنا..
و اللوم يقع على البنت اللي ما تعرف شو معناة العادة و الملزم !!

مرة في المدرسة يانا موجه في وحدة من المواد.. و لا وحدة من البنات اتغشت و لما دخل انصدمن انه مواطن فما مدالهن يتغشن .. و يوم طلع الأبلة قالتلهن ليش ما اتغشيتن .. فكان ردهن [ نحن كنا نتحراه زلمة أو مصري ]..

بس شو هالنظرية المترسخة في عقول البنات الله العالم!!
و ما انقول غير "الله المستعان"..

و تسلمين اختيه على الطرح..

.

.

[الخل المزوحي]

مشالله الهنود اكثر عن الاماراتيين ان الهنود يشتغلون هب الاماراتيين بتحصله يشرب قهوه

ماشي الهندي احسن عن المواطن يمكن البدوي احسن البدوي بتحصله في البوش يضارب ويا العامل حليله ملعوزنه يصيح

[بنوته طرر]

مشكووور اخوي ولد فززاع ع المرور

[بنت العين]

مشكوره ختيه عالموضوع الحلو....

يوم كنت في المعهد كان يدرسني استاذ شكله مواطن وكان يدرس في الكليه وخبرنا السالفه قال بتخبركم يوم ألبس بنطلون كل البنات عاقات شيلهن ومره لبست كندوره وكلهن تغشن قلت انا استاذكم وتمن يسولفن قال ليش نحن ريايييل شرات المواطنين شو السبب قلنا ناقصات عقل ودين الواحد لازم يتغطى عن كل حد سواء كان هندي او لبناني الله يهديهم ان شاء الله ويصلحهن

[الخل المزوحي]

مشكوووره علي هذا الموضووع واقووولج انه واييد مهم لبنات اليوم