أشـــــرب على كـــفــــك

[صاحب الذوق]

ع بحر الشعر متــــعود وباسي مايرده المد=
انا فالشعر اخو فزاع ابــاري بالقــــصيد حدود

انا شاعر واعد الـقاف ولا أخشى ابد من حد=
ولا اهتم له يلي قصــيده مـــــع حروفه برود

امدك من حروف جزال وفكري بالقـــصيد يمد=
انا اعشق تحدي القاف مادام ان القوافي شهود

انا راسي غدى قاســـــي وشامخ للعلا ممتد=
انا ما أنظر الدانــي مدامه صــــافين هالمود

انا العاشق انا الشاعر انا الوافي انا المشتد=
انا الحاضر مع الماضي انا السفاح انا الجلمود

انا من سطر حروفه والكل الكون لي يشــهد=
انا حرفي غدى حاضر واشبه به على الجنود

وأذا أنك تبي تجرب ترى شعري جرى منهد=
واهدد كل من يبغي وكلن عارف المـــــقصود

انا شعري شرى الوادي صعيبه من دخله يرد=
واحذر كل من يدخل تــــرى يومه غدى مفقود

احدد كل مــــــــاحدد حدودي كـل شي محتد=
واساهر ليلي الســـاري وانتو ع الفراش رقود

تعال وجـــــــــــربه حظك مدامك جاهز ومعتد=
انا عتادي ترى جاهز وحاضر فالشعر موجود

[!!طويـــلة العـــمر!!]

موجود

صح لسااااااااااااااااااااااانك

ولا هاااااااااان منطوقك الشيخ

فذمتيه انها قصيده غاويه

تسلم خويه ونرقب منك الزود

خويتك

طويـــلة العــــمر

[الخيل]

صاحب الذوق

صح لسانك يا أخويه وأبيات ما عقبهن قول

وأذا أنك تبي تجرب ترى شعري جرى منهد
،،، واهدد كل من يبغي وكلن عارف المـــــقصود

هذا البيت بروحه يستحق أن يساوى باحلا وأجزل قصيده
لأن به حكمة التحدي والصمود

شاعرنا ،،،،،، لطالما رأيت بك شاعر رائع وهنا تزداد الصورة بهاء وروعه

صح لسانك ودام الله بوحك بين سطور قسم الشعر

الخيل

[[ قلب مضنوني ]]

احدد كل مــــــــاحدد حدودي كـل شي محتد=
واساهر ليلي الســـاري وانتو ع الفراش رقود


تسلم صاحب الذوق عالقصييده الحلوة ...

وصح لسانك ..

ربي لاهاانك يالشاعر ...


والسموحه ...

[المبرقعــه]

صح لسانك يا الشاعر

[الــحــره]

تعال وجـــــــــــربه حظك مدامك جاهز ومعتد= انا عتادي ترى جاهز وحاضر فالشعر موجود



آآها ... صاحب الذوق لي عود .!!!!

[تـــسلل]

صح الله لسانك يالشاعر وفالك التوفيق

[مرهف الحس]

انا شعري شرى الوادي صعيبه من دخله يرد=
واحذر كل من يدخل تــــرى يومه غدى مفقود


و الله انك عذااااااااااااااب

[الــحــره]

إلا يالــشاعر الطايـر تــحسب انك لعيب تســد
تلاعب مع حروف القاف وقافك ردها المردود
.
لأن لــعبــك البــائس بــنيته مــن اســاس الهد
فكيف؟؟ تقــوم وتنافس مزامل تتعب اللجنود !!
.
إلا بــالله خبرني يـا كــم تــكتب ؟؟ ولا تــرقد .!
تعد القاف ع صبــوعك تراجع ثم تقول ازوود
.
ترى مــلينا كثر الكــذب ومــلينا حرف تقصد
ومــــلينا حكي آآنــا وآآنــا الـشاعر الموعود
.
تراه البحر لي لــــجّه يــحطم كل نــبض يهد
ابد م حتاج يتفاخر يقول اني البحر لي يجود
.
يمر من صوبه الصيّاد يخاف ويبــعد ويشرد
من اعماقه ومن ارياحه درى انه قويّ أجهود
.
صحيح انك شرى الوادي ولكن وادي ما وّرد
ورد الاحسان والطيبه ورد يبقى ورد مشهود
.
نــبت زرعك طلع باهت واشـواكه تــزيد المد
تشــوه صــورة الـمنظر بلا ألوان بـلا أي نود
.
اذا تبغى تعرف الشعر تراه الشعر زرع يحصد
تجيب التربه الخصبه بجزل الحرف لي ممدود
.
يمــد أجذوره في يــوف الـمشاعر دايم مجدد
قوافي تهزها التربه وتنبض زرع قوي مشدود
.
تحمّل ترسمه خطك ؟!!! وخطك كل من يااه عدّ
صــغير وما صلح ابدا يكون أعدوّ لي ّ ألدود
.
كثـير القول ما يوافي وعندي المعنى ما يجهد
ولكن كثرت الأبيات ف.خطك شي لي مـنقود .!!

// الحره ...

[رهايف]

((صاحب الــذوق))


صح الله لسانك يالشاعر ولا هان منطوقك...ربي يعطيك العافيه



((الحــره))


صح الله لسانج وربي لا هانج يالشاعر...ربي يعيطج العافيه

[فواز خالد]

صاحب الذّوق


صح لسانك ملاييين ولاهنت ...


الحـــرّه


مُبدعه كالعاده .. صح الله لسانج ولاهنتي ...

[نفحة الهيل]

احدد كل مــــــــاحدد حدودي كـل شي محتد=
واساهر ليلي الســـاري وانتو ع الفراش رقود

تعال وجـــــــــــربه حظك مدامك جاهز ومعتد=
انا عتادي ترى جاهز وحاضر فالشعر موجود


صح لســـــــــانك يــا الشاعر وربي لاهانك ابدعت وصدقت في قولك

تحياتي لك

[][^][ الــفــلاســي ][^][]

والله ماعرف شو اقول .. قصايدكم رووووووعه

صح الله لسااانكم


نرقب اليديد

الفلاســــــــــي

[ابدويه امبرقعه]

تسلموووووون على القصايد الاكثر من رووووووووعه


يعطيكم الف عافيه


في انتظار يديدكم


^_^

[][^(قرموشه)^][]

صح السانك
..
والى الأمام دوم انشالله
..
تسلم يمناك وربي يعطيك العافيه