العيون السود
14-01-2006, 06:30 PM
السلام عليكم
قصة واايد اثرت فييه .. وحبيت انكم تشاركوني قرائتها
ولا تنسوا الدعاء ...
تقول الفتاة :
يمكن اول ما تشوف العنوان تتحراها قصه..
او تتحراها خيال رسمته في حالة ملل..
او حتى تتوقع انها حكاية ممزوجه بخيال..
لكن في الحقيقة؟ كل يالي بكتبة صار لي في فترة قصيرة..
كلها حقيقة... رتبتـــها الحروف و الكلماات... اقولها و اكتبها الحين... في حالة حزن
البداية كلها كانت لما كنت اسولف عند ابوي... كنت اسولف وياه الضحى... راح ابوي لشغله و انا يلست بروحي... و شوي نمت... ما اعرف كيف غمضت عيوني... و حلمت اني في غرفه... و بنت خالتي تفتح عليه الباب بقوة ... انا استغربت من شكلها ...او بالأحرى خفت من شكلها...
قمت من النوم ... و انا خايفة... اتصلت بها..( بنت خالتي ) و سألتها عن حالها... و خبرتها عن الحلم... و في النهاية بقول لكم شو الحلم و شو قالت بنت خالتي عنه... و سالتها عن خالتي و ريلها و متى بيردون من الحج و هاي السوالف
في نفس اليوم... كانت امي تبا تروح عرس... على العصر... كنا انا و ابوي و اخواني نطالع التلفزيون... خبرونا في الاخبار عن المبنى يالي طاح في مكة... انا في البداية ما اهتميت.. بالاحرى ما دار في بالي أي شيء... ما خفت... ما ارتجفت... و لا كان عندي فكرة باي شيء راح يصير
و شوي يوصلون اعمامي... و اسولف وياهم... و اسمع في الاخبار اسم العمارة يالي طاحت... حالة سكوت... اكيد سمعت الاسم خطا... اترياه مره ثانيه يقول الأسم... يكتوب الاسم تحت...
صخيت.... امي وقفت عدالي تطالعني... طالعتها و طالعت التلفزيون... لكن؟ ما فهمت شيء....في بالها اني اباها تشوف المبنى بس؟!
شو اقول لها؟؟ اختج في العمارة هاي؟ اختج يمكن تكون تحت الأنقاض؟
خالتي كانت في نفس العمارة... و كانت رايحه ويا ريلها و اخته.... اتصلت ببنات خالتي...محد رد عليه... اتصل كم مره.... قلت خلني اتصل بخالتي... حرقته... ما تشلة... هنيه تأكدت انه شيء صار... امي سارت تتلبس بتروح العرس.... قلت لها لا تروحين... خليه اليوم...قالت لي ... فضيحه؟ عرب خوالنا و ما اروح عرسهم؟.... ما واحت تخلص كلامها...حتى اتصلت لها بنت خالتي... و تصيح... تقول لها امي ضاعت للحين ما لقوها...
امي هدت من روع بنت خالتي ... و تكلمها هني و هناك... لما سكرت منها قالت لي يلا... بروح لبنات خالتج... امهن للحين ما لقوها...
و انا اول ما كلمتها بنت خالتي... يبت عباتي و عبات امي... كنت واثقه اني بروح هناك.... و رحنا... و طول الطريق و انا اقص على امي...امي دموع عيونها تطيح غصب عنها... و انا اقول لها ليش تصيحين؟؟ اختج بخير ... بس يمكن ضاعت.... تقول لي ضاعت؟ حرمة هب ياهل خالتج عشان تضيع....
اقول لها... يمكن انجرحت و شولها مستشفيات و ما عرفت عن عمرها..
يمكن ما عرفوها..؟ تقول لي و ليش ما ترد على تلفونها؟
اقول لها يمكن حد من اليهال سرقه...فرحان فيه...
او مفضي؟ من يعرف؟
كنت اقص عليها بشكل؟؟ مو طبيعي... السخرية؟ ان امي كانت تصدقني... تتعلق بقشة...
طاح المبنى .... و خالتي حتى فليل ما لقوها...
لقوا اخت ريلها.... لقو ريولها متكسرة... و ضلعين عندها ... و عظم الشوقب... متكرسات وياها... مش واعيه... و لما سألوها... وين فلانه؟؟ قالت لهم ...(( كانت تسير جدامي... و انا سبقتها لانها كانت تكلم ريلها ))
خالتي كانت تكلم ريلها تقول له.... انا الحين بطلع... بشوفك برا... و سكرت منه... و طاح المبنى.... كان بينها و بين الباب.... خطوات ...
رحت بيت خالتي.... مأتم... الكل يصيح... و انا اتنقل من بنت لبنت... من خاله لخاله... و اقول لهم خالتي بخير... و الكل يبتسم... و بس.... كان الأمل كبيرررر...
بس انا ما كان عندي أمل .... خصوصا لما اصبح علنا الصبح.... معقوله ما لقوها للحين؟؟ معقوله؟؟
عيالها... ابوهم متوفي من 12 سنه...( و هي تراها تزوجت من قريب بس 3 شهور ... و قبلها كانت توها ساكنه في فلتها يالي من 4 سنين تعابل فيها )) و كلهم يتخيلون حياتهم من دونها و يصيحون مره ثانيه...
ولدها العود سافر على ثرها عشان يدورها... سافر ويا عمه...
اتصلت بكل مكان... بس عشان اعرف الاخبار... بس ماشي خبر...
لما وصلت الساعه 1 و نص الظهر.... اتصل عم الاولاد... و قال لخالاتي.... اختكم ماتت الله يرحمها... شهيده..
سكوت ................ ماشي صياح............. كنت بس اسمع صوت التنفس السريع لكل الحضور....
لقوها تحت الانقاظ... بالضبط مثل ما كانت اخت ريلها.... قرب الاستقبال... عرفها ولدها... من ايدها... قال هاي ساعه امي... و بطل قفاز ايدها و قال هاي ايد امي...
لقوها طاحه على ويها ... بدون أي شمخ... او خدش ... اول ما لقوها لقو العباة... و حاولوا يسحبون العباة... لكن ما قدروا... شلوا يالي فوقها... لقوها متغطية من راسها لريولها... العباية كانت ملتفه حول جسمها لف..النقاب و الغشوة فوق النقاب... مثل ما هي اول ما طلعت من الغرفه....و لا تشوف منها و لا كبر الظفر ...
ولدها ما لقى فيها أي خدش... قال (( ما لقيت خدش... بس علامه خفيفه لانها على ويهها طايحه... أي جرح خارجي ما كان فيها.... لكن لو داخلي؟ الله يعلم ..))
كانت خلاص طايفة و معتمرة.... الله ما كتب لها الحج.... و توفت شهيده بأذن الله...
للحين؟ بعد كل هذا... ما طاحت دمعتي.... ما طاحت غير مرتين....
مرة... بعد ما اعلم الوفاة... يلست برا تعبانه ...من يومين ما نمت... و اشرب شاي... لقيت ولدها اصغر واحد... في المرحلة الاعدادية... قال لي... الدماني؟ اشحالج؟ ...... كان فرحان..... قلت له تعال بتشرب شاي عندي هات لك كوب؟ ( قال لي لااااااااااااا ابا اشرب من كوبج ... و هو يضحك ...) يلس عدالي و قال....( انا ما اصدق انها ماتت.... يعني خلاص ما بشوفها؟؟ )
شكله ما استوعب.... ما فهم الموضوع.... قلت له (( امك؟ شهيده... انا ما اعزيك... انا اهنيك بوفاتها... ماتت شهيده )) سكت.... يشرب و هو ساكت و انا اطالعه.... ما صاح... ما تكلم .... شوي و اشوف عيونه تدمع... يقول (( ما خلتني اوصلها المطار... ما خلتني اودعها )) و طاحت دموعه... انا يلست اكلمه انك لا تصيح... انته اقوى من جيه... و من هالكلام.... راح مني و هو يبتسم و يقول لي تراج بتباتين ويانااااا... زين؟ و بتسويلي شاااااي كرك ... و راح....راح و انا ادري انه يخبي الدمعه مني ...
راح و خلاني انا ادمع.... و ويهي مبتسم....
حريم و رياييل من كل مكان .... حتى عمان... كل مكان.... الله يرحمج يا خالتية.... انا مثل ما انتي كنتي تقولين (( الدماني ؟ الدماني بنتي.... هب بنت اختي.... هاي بنتي ... ))
المره الثانية... ولدها رد من السفر بعد ما قبرها في مكة.... في مقابر موجود لشهداء الحج....
وصل و انا كنت في المطبخ... طلعت و انا امشي... اشوفه جدامي بيدخل ....البيت ... اول مره يدخلها بعد وفاه امه.... كان غيررر.... ولد خالتي هب شرات ما كان...
انا اول ما شفته ما استوعبت... على بالي مسافر؟ بس اشوفه هنيه... تتحروني تكلمت؟؟
او قلت له الحمد لله على السلامه.... او الله يرحم امك تراها من الشهداء... او أي من هالكلام يالي يريح؟
لا.... سبحان الله كيف الكلمات ما تكفي.... كنت ماسكه غوري الحليب و حاررر... و امسكة بفوطة مطبخ.... طالعني و ابتسم... و يقول لي اشحالج يا فلانه ؟ (( يناديني باسم الدلع )) و للحين ؟ ما ريدت عليه.... بصيح... عيوني متروسة دموع ... نزلت عيني.... و طالعت على الباب يالي في يميني ... طالعت في اخته.... تقول لي ... الدماني؟ شو فيج؟؟ اطالعها ما اقدر اتكلم.... قتل لها اسمه بشفاتي بدون صوت....
وقفت.... بالاحرى طارت.... و ثواني و هي بحضنه تصيح... احترقت و رديت المطبخ...الدموع قهرتني....
دموع في عيني و انا ابستم....
ابكي على عيالها ... يتام الأب و الأم ....
ابكي على حالهم من بعدها...
ابكي على بناتها يالي صدق ما اتخيلها حياتهن من دونها ...
ابكي على احفادها... و على امها..
ما انسى امها... يدتي...
يدتي ... لقيتها تصيح و تطالع باب غرفت خالتي.... وقفت عدالها قلت لها يدوه تعالي.... داخل ...قالت لاااااا يا بنتي... لااااااا.... ابا اشم ريحة بنتي.... ما اروم اروحها من هناك... و اشوف تتقرب من الغرفه شوي شوي... و اقولها الشيطان... الشيطان يدوتي...
اصيح و ابتسم...
ابتسم... لان خاتمتها حلوة....
تخيلوا.؟ كل حج تكون من الحاجين.... يوم القيامه تقبل على الله و ملائكتة و هي تقول (( لبيك اللهم لبيك ))
تشفت ل 70 من اهلها و اقاربها و ييرانها ...
و تنقبر في مكة.... في ارض شهداء الحج.... مكان ما يندفن فيه اهل مكه... لكن بس اموات و شهداء الحج...
كنت ادعي او انا في صلاتي... يالله يا ربي انا اموت و انا ساجده لك.... لكن... الحين؟... اموت ساجده لك في حرمك المكي يالله يا رب .... في ايام الحج... آمين...
الحين الواحد بنهايته... خاتمة اعمالك.... المال و الجاه و البنون... مالك حايه فيهم....غير عملك الصالح...
اليوم ياية من العزى ... بعد ما شفت حالت البنت و اخوها... و الحزن مااكلني.... ابا اقول لحد ...
شوفو يوم الموت يبا حد شو يسوي... تقول عرست بس عشان ريلها يشلها الحج.. و تموت هناك... ما واحت تسكن في بيتها اليديد و ماتت ...تقول مسوية البيت و تعبانه فيه لعيالها..
با اكتب...ابا اسوي أي شيء....
بنت خالتي تحضني و تقول لي.... ليش قلتيلي عن الحلم؟ ليش...
الحلم كان... اني حلمتها و هي ضروسها الجداميه مكسرة... الضرسين الثنتين...
اتصلت لها و قلت لها.... هبي يالثلما.... قالت ليش.؟ قلت لها حلكتج ثلما... حد من والديج بيموتون... قالت لااا ... ابوي من زمان توفى... و امي في الحج الله يردها بالسلامه... الحلم يمكن بيكون على ريلي... يمكن ريلي يموت؟؟ و نست السالفة...
تقولي ليش حلمتيني انا؟؟ اقولها الحلم ماله خص.... حلم ... يمكن واقع ... او من الله... او من الشيطان...
ما اتوقع منكم ردود... و ما ابي منكم ردود... الدعاء... و بس...
في النهاية..
تحياتي لكم...
و اتمنى ان تكون نهايتنا و خاتمة اعمالنا حلوة يا رب العالمين...
الله يرجع الحجاج الباقين و هم بخير و سلامة يا رب العالمين...
الله يرحم خالتج يالدماني.... ويغفر لها .. ويجعلها من الفائزين بجنات
الفردوس....
والله يرزقنا هالموته ان شاء الله
تحياتي
منقول
قصة واايد اثرت فييه .. وحبيت انكم تشاركوني قرائتها
ولا تنسوا الدعاء ...
تقول الفتاة :
يمكن اول ما تشوف العنوان تتحراها قصه..
او تتحراها خيال رسمته في حالة ملل..
او حتى تتوقع انها حكاية ممزوجه بخيال..
لكن في الحقيقة؟ كل يالي بكتبة صار لي في فترة قصيرة..
كلها حقيقة... رتبتـــها الحروف و الكلماات... اقولها و اكتبها الحين... في حالة حزن
البداية كلها كانت لما كنت اسولف عند ابوي... كنت اسولف وياه الضحى... راح ابوي لشغله و انا يلست بروحي... و شوي نمت... ما اعرف كيف غمضت عيوني... و حلمت اني في غرفه... و بنت خالتي تفتح عليه الباب بقوة ... انا استغربت من شكلها ...او بالأحرى خفت من شكلها...
قمت من النوم ... و انا خايفة... اتصلت بها..( بنت خالتي ) و سألتها عن حالها... و خبرتها عن الحلم... و في النهاية بقول لكم شو الحلم و شو قالت بنت خالتي عنه... و سالتها عن خالتي و ريلها و متى بيردون من الحج و هاي السوالف
في نفس اليوم... كانت امي تبا تروح عرس... على العصر... كنا انا و ابوي و اخواني نطالع التلفزيون... خبرونا في الاخبار عن المبنى يالي طاح في مكة... انا في البداية ما اهتميت.. بالاحرى ما دار في بالي أي شيء... ما خفت... ما ارتجفت... و لا كان عندي فكرة باي شيء راح يصير
و شوي يوصلون اعمامي... و اسولف وياهم... و اسمع في الاخبار اسم العمارة يالي طاحت... حالة سكوت... اكيد سمعت الاسم خطا... اترياه مره ثانيه يقول الأسم... يكتوب الاسم تحت...
صخيت.... امي وقفت عدالي تطالعني... طالعتها و طالعت التلفزيون... لكن؟ ما فهمت شيء....في بالها اني اباها تشوف المبنى بس؟!
شو اقول لها؟؟ اختج في العمارة هاي؟ اختج يمكن تكون تحت الأنقاض؟
خالتي كانت في نفس العمارة... و كانت رايحه ويا ريلها و اخته.... اتصلت ببنات خالتي...محد رد عليه... اتصل كم مره.... قلت خلني اتصل بخالتي... حرقته... ما تشلة... هنيه تأكدت انه شيء صار... امي سارت تتلبس بتروح العرس.... قلت لها لا تروحين... خليه اليوم...قالت لي ... فضيحه؟ عرب خوالنا و ما اروح عرسهم؟.... ما واحت تخلص كلامها...حتى اتصلت لها بنت خالتي... و تصيح... تقول لها امي ضاعت للحين ما لقوها...
امي هدت من روع بنت خالتي ... و تكلمها هني و هناك... لما سكرت منها قالت لي يلا... بروح لبنات خالتج... امهن للحين ما لقوها...
و انا اول ما كلمتها بنت خالتي... يبت عباتي و عبات امي... كنت واثقه اني بروح هناك.... و رحنا... و طول الطريق و انا اقص على امي...امي دموع عيونها تطيح غصب عنها... و انا اقول لها ليش تصيحين؟؟ اختج بخير ... بس يمكن ضاعت.... تقول لي ضاعت؟ حرمة هب ياهل خالتج عشان تضيع....
اقول لها... يمكن انجرحت و شولها مستشفيات و ما عرفت عن عمرها..
يمكن ما عرفوها..؟ تقول لي و ليش ما ترد على تلفونها؟
اقول لها يمكن حد من اليهال سرقه...فرحان فيه...
او مفضي؟ من يعرف؟
كنت اقص عليها بشكل؟؟ مو طبيعي... السخرية؟ ان امي كانت تصدقني... تتعلق بقشة...
طاح المبنى .... و خالتي حتى فليل ما لقوها...
لقوا اخت ريلها.... لقو ريولها متكسرة... و ضلعين عندها ... و عظم الشوقب... متكرسات وياها... مش واعيه... و لما سألوها... وين فلانه؟؟ قالت لهم ...(( كانت تسير جدامي... و انا سبقتها لانها كانت تكلم ريلها ))
خالتي كانت تكلم ريلها تقول له.... انا الحين بطلع... بشوفك برا... و سكرت منه... و طاح المبنى.... كان بينها و بين الباب.... خطوات ...
رحت بيت خالتي.... مأتم... الكل يصيح... و انا اتنقل من بنت لبنت... من خاله لخاله... و اقول لهم خالتي بخير... و الكل يبتسم... و بس.... كان الأمل كبيرررر...
بس انا ما كان عندي أمل .... خصوصا لما اصبح علنا الصبح.... معقوله ما لقوها للحين؟؟ معقوله؟؟
عيالها... ابوهم متوفي من 12 سنه...( و هي تراها تزوجت من قريب بس 3 شهور ... و قبلها كانت توها ساكنه في فلتها يالي من 4 سنين تعابل فيها )) و كلهم يتخيلون حياتهم من دونها و يصيحون مره ثانيه...
ولدها العود سافر على ثرها عشان يدورها... سافر ويا عمه...
اتصلت بكل مكان... بس عشان اعرف الاخبار... بس ماشي خبر...
لما وصلت الساعه 1 و نص الظهر.... اتصل عم الاولاد... و قال لخالاتي.... اختكم ماتت الله يرحمها... شهيده..
سكوت ................ ماشي صياح............. كنت بس اسمع صوت التنفس السريع لكل الحضور....
لقوها تحت الانقاظ... بالضبط مثل ما كانت اخت ريلها.... قرب الاستقبال... عرفها ولدها... من ايدها... قال هاي ساعه امي... و بطل قفاز ايدها و قال هاي ايد امي...
لقوها طاحه على ويها ... بدون أي شمخ... او خدش ... اول ما لقوها لقو العباة... و حاولوا يسحبون العباة... لكن ما قدروا... شلوا يالي فوقها... لقوها متغطية من راسها لريولها... العباية كانت ملتفه حول جسمها لف..النقاب و الغشوة فوق النقاب... مثل ما هي اول ما طلعت من الغرفه....و لا تشوف منها و لا كبر الظفر ...
ولدها ما لقى فيها أي خدش... قال (( ما لقيت خدش... بس علامه خفيفه لانها على ويهها طايحه... أي جرح خارجي ما كان فيها.... لكن لو داخلي؟ الله يعلم ..))
كانت خلاص طايفة و معتمرة.... الله ما كتب لها الحج.... و توفت شهيده بأذن الله...
للحين؟ بعد كل هذا... ما طاحت دمعتي.... ما طاحت غير مرتين....
مرة... بعد ما اعلم الوفاة... يلست برا تعبانه ...من يومين ما نمت... و اشرب شاي... لقيت ولدها اصغر واحد... في المرحلة الاعدادية... قال لي... الدماني؟ اشحالج؟ ...... كان فرحان..... قلت له تعال بتشرب شاي عندي هات لك كوب؟ ( قال لي لااااااااااااا ابا اشرب من كوبج ... و هو يضحك ...) يلس عدالي و قال....( انا ما اصدق انها ماتت.... يعني خلاص ما بشوفها؟؟ )
شكله ما استوعب.... ما فهم الموضوع.... قلت له (( امك؟ شهيده... انا ما اعزيك... انا اهنيك بوفاتها... ماتت شهيده )) سكت.... يشرب و هو ساكت و انا اطالعه.... ما صاح... ما تكلم .... شوي و اشوف عيونه تدمع... يقول (( ما خلتني اوصلها المطار... ما خلتني اودعها )) و طاحت دموعه... انا يلست اكلمه انك لا تصيح... انته اقوى من جيه... و من هالكلام.... راح مني و هو يبتسم و يقول لي تراج بتباتين ويانااااا... زين؟ و بتسويلي شاااااي كرك ... و راح....راح و انا ادري انه يخبي الدمعه مني ...
راح و خلاني انا ادمع.... و ويهي مبتسم....
حريم و رياييل من كل مكان .... حتى عمان... كل مكان.... الله يرحمج يا خالتية.... انا مثل ما انتي كنتي تقولين (( الدماني ؟ الدماني بنتي.... هب بنت اختي.... هاي بنتي ... ))
المره الثانية... ولدها رد من السفر بعد ما قبرها في مكة.... في مقابر موجود لشهداء الحج....
وصل و انا كنت في المطبخ... طلعت و انا امشي... اشوفه جدامي بيدخل ....البيت ... اول مره يدخلها بعد وفاه امه.... كان غيررر.... ولد خالتي هب شرات ما كان...
انا اول ما شفته ما استوعبت... على بالي مسافر؟ بس اشوفه هنيه... تتحروني تكلمت؟؟
او قلت له الحمد لله على السلامه.... او الله يرحم امك تراها من الشهداء... او أي من هالكلام يالي يريح؟
لا.... سبحان الله كيف الكلمات ما تكفي.... كنت ماسكه غوري الحليب و حاررر... و امسكة بفوطة مطبخ.... طالعني و ابتسم... و يقول لي اشحالج يا فلانه ؟ (( يناديني باسم الدلع )) و للحين ؟ ما ريدت عليه.... بصيح... عيوني متروسة دموع ... نزلت عيني.... و طالعت على الباب يالي في يميني ... طالعت في اخته.... تقول لي ... الدماني؟ شو فيج؟؟ اطالعها ما اقدر اتكلم.... قتل لها اسمه بشفاتي بدون صوت....
وقفت.... بالاحرى طارت.... و ثواني و هي بحضنه تصيح... احترقت و رديت المطبخ...الدموع قهرتني....
دموع في عيني و انا ابستم....
ابكي على عيالها ... يتام الأب و الأم ....
ابكي على حالهم من بعدها...
ابكي على بناتها يالي صدق ما اتخيلها حياتهن من دونها ...
ابكي على احفادها... و على امها..
ما انسى امها... يدتي...
يدتي ... لقيتها تصيح و تطالع باب غرفت خالتي.... وقفت عدالها قلت لها يدوه تعالي.... داخل ...قالت لاااااا يا بنتي... لااااااا.... ابا اشم ريحة بنتي.... ما اروم اروحها من هناك... و اشوف تتقرب من الغرفه شوي شوي... و اقولها الشيطان... الشيطان يدوتي...
اصيح و ابتسم...
ابتسم... لان خاتمتها حلوة....
تخيلوا.؟ كل حج تكون من الحاجين.... يوم القيامه تقبل على الله و ملائكتة و هي تقول (( لبيك اللهم لبيك ))
تشفت ل 70 من اهلها و اقاربها و ييرانها ...
و تنقبر في مكة.... في ارض شهداء الحج.... مكان ما يندفن فيه اهل مكه... لكن بس اموات و شهداء الحج...
كنت ادعي او انا في صلاتي... يالله يا ربي انا اموت و انا ساجده لك.... لكن... الحين؟... اموت ساجده لك في حرمك المكي يالله يا رب .... في ايام الحج... آمين...
الحين الواحد بنهايته... خاتمة اعمالك.... المال و الجاه و البنون... مالك حايه فيهم....غير عملك الصالح...
اليوم ياية من العزى ... بعد ما شفت حالت البنت و اخوها... و الحزن مااكلني.... ابا اقول لحد ...
شوفو يوم الموت يبا حد شو يسوي... تقول عرست بس عشان ريلها يشلها الحج.. و تموت هناك... ما واحت تسكن في بيتها اليديد و ماتت ...تقول مسوية البيت و تعبانه فيه لعيالها..
با اكتب...ابا اسوي أي شيء....
بنت خالتي تحضني و تقول لي.... ليش قلتيلي عن الحلم؟ ليش...
الحلم كان... اني حلمتها و هي ضروسها الجداميه مكسرة... الضرسين الثنتين...
اتصلت لها و قلت لها.... هبي يالثلما.... قالت ليش.؟ قلت لها حلكتج ثلما... حد من والديج بيموتون... قالت لااا ... ابوي من زمان توفى... و امي في الحج الله يردها بالسلامه... الحلم يمكن بيكون على ريلي... يمكن ريلي يموت؟؟ و نست السالفة...
تقولي ليش حلمتيني انا؟؟ اقولها الحلم ماله خص.... حلم ... يمكن واقع ... او من الله... او من الشيطان...
ما اتوقع منكم ردود... و ما ابي منكم ردود... الدعاء... و بس...
في النهاية..
تحياتي لكم...
و اتمنى ان تكون نهايتنا و خاتمة اعمالنا حلوة يا رب العالمين...
الله يرجع الحجاج الباقين و هم بخير و سلامة يا رب العالمين...
الله يرحم خالتج يالدماني.... ويغفر لها .. ويجعلها من الفائزين بجنات
الفردوس....
والله يرزقنا هالموته ان شاء الله
تحياتي
منقول