بلييز جاوبوني

[وردة شوق]

--------------------------------------------------------------------------------

السلام عليكم ورحمه الله وبركاته



يامرحبا الغاليين



حبيت اني اطرح لكم موضوع مهم واتمنى الكل يشارك ويتناقش في هالموضوع اللي منتشر ..


وهو (( الحركات اللي تستوي جدام مدارس البنات في الامتحانات وخاصه الثنويه ))




من بدت الامتحانات وكل يوم يستوي شيى مثلا االحينه خلصنا الامتحان وظهرنا منه اوكيه وين بنسير بنطلع برع عسبت نروح ففي بنات يتعمدون يوقفون جدام باب المدرسه ؟؟؟؟ انزين ليش مايوقفون داخل هذا اللي يقهرنيه انا ليش جي استوو البنات والمشكله الاكبر انه الشباب مايصدقون ويسوون حركات اللي يخمس ويثمن بسيارته واللي يرقم ويفر ورقه واللي واللي ......الخ


ابا اعرف شيى واحد ليش البنات جي يسوون ويساعدون الشباب على جي ؟؟؟؟



اتمنى الكل يناقش وياي هالموضوع




والسمووووحه.........................

[الموناليزا]

وعليكم السلام ورحمة الله وبركاته


هلا اختيه ورده شوق...

موضوع فعلا يحتاي للنقاش...

اختي الكريمه....
كثيرا ما نرا هذه الظاهره فالمدارس بالذات ...درسنا فمدارس وشفنا هالحركات ودخلنا الجامعه ماشفنا شي من هالحركات...تدرين ليش؟؟؟؟ البنات كبرن وعقلن....

مادري شو يصيبهن البنات يمكن خفه عقل فالامتحانات مادري...بس اللي تلاحظينه الاغلبيه اللي يسون هالحركات بنات صغار....واكثرهن اللي فالاعداديه والثانويه...مادري شو بيستفيدن وشو هدفهن بس ....صحيح هالظاهره وايد منتشره عندنا...وخصوصا ايام الامتحانات
المفروض المدارس ايشددون شوي عند الباب.... يعني ما يفجولهن روسن ..ولا صدق الدمار بيي...الله ايعينا بس....

اختي العزيزه....
بالنسبه لسؤالج.....
ابا اعرف شيى واحد ليش البنات جي يسوون ويساعدون الشباب على جي ؟؟؟؟
من رايي هذا خفه عقل للبنت...السموحه على التعبير بس مالقيت شي ايعبر غير هالكلمه...
يعني البنت بعدها اتكون ياهل ومب عارفه شونتيجه اللي تسويه على بالها انه شي زين...

وذكر ان الذكرى تنفع المؤمنين...


نصيحه لاخواتي:::::
خواتيه الغاليات.... انتي دره ثمينه فحافظي على لمعانها...واحذري من مغريات الدنيا...
فلا يبقى لنا سوى السمعه الطيبه فالدنيا...والعمل الصالح للآخره,,,,

السموحه على الاطاله بس عيبني موضوعج وحبيت اقول رايي..^_^
تحيااتي لج..
اختج بونيتا...

[قلـــب حـــساس]

والله يا ختــــيه موضوعج واايد حلو ويستاا هل النقااش ......
وناا الكلاام اللي فخااطريه بقووله قالته ختــــــــيه بونيـــــتا ... خفت عقل الـــبنت ..
الــــصراحه سرنا الجامعه والله وتندمنااا ع اللي كنا انــــسويه ف المدرســـــــــه والله ماســفدنا شي موول غير الرمســـه لعمارنا..
وانا مــأباكن يابنات اسون شي وتندمن ع اللي اسونــــــــه,,,

[راعيها]

انا من رأيي ان المدرسة هي المسؤولة لانها في المقام الاول تعتبر ولية امر الطلبة ومادام المدرسة ( سايبه ) أكيد بيكون الطلبه سايبين

في هذا الزمن تحدث امور لايصدقها العقل ولكن من اراد التأكد عليه رؤية ذلك بنفسه

الله المستعان

[ما وطي الراس]

وعليكمـ السلامـ وحمة الله وبركاتهـ ..

يقول الشاعر ..
إذا لمـ تستح فصنع ما شئتـ ..

أخيتي بالله عليك ..
لو كان هناك المرشد الحقيقيـ ..
مثل ما قال مديرنا ..
أيــــن هي الإداره والمشرفاتـ .؟؟.
أبالله عليك لو كانت واقفهـ معهن ..
هل حدث ما حدث ؟؟
أنا هنا اللقي اللوم على الإداره ..
:/:
في المتربه الثانيه ..
أيــن نصيحتكِ أنت يا أختاهـ ..((أقصد هنا بتعميم )) ..
لماذا لمـ تقوديها بيدها ..
أوتصاريحيها في وجهها ..
أمام الملأ ..
فستخجل من نفسها وتعود ..
إذا لم يكن عليك بذهاب للإداره ..
لأتقاء ما سيحدث ..
::
اللهم اهدي شبابنا وبناتنا .. وهدني يا رب ..
شكراً خيتي على الطرح المميز ..
من شخصكِ ..
دمت كما تشائين ..

[بنوتة فزاع]

الصراحه هاالشي وايــــــــــد يستوي في المدارس .......
في بعض البنات مايصدقن من الله يبنها........

[الشهم]

السلام عليكم ورحمة الله وبركاته
أشكرك على هالموضوع الجيد
الحققيه هناك عدة عوامل تجعل من هذا الشي ينتشر أمام المدارس مثل
1-غياب الوازع الديني
2-قلة ترسيخ الشريعة الإسلامية داخل المنزل وبين الأبناء
3- غياب الرقابة على الأبناء من أولياء الأمور
4-إنتشار وسائل الإتصال السريع مثل (الجوال ـ الإنترنت ) ساعد إنتشار هذه الظاهرة الخطيرة
لكن أحب أقول أن مافية شاب يجروءعلى فتاة محتشمةوهذا ليس دفاع عن الرجال ولكن هناك من يخرق هذة القاعدة منهم
اللهم إني أسألك الحشمة والعفاف لبناتنا والهداية والصلاح لشبابنا اللهم آمـــــــــــــــــــــــــــــــــــــــــين
وأكرر شكري وأنا محبيت أتطرق لموضوع المدرسة لأن مديرنا ماقصر أشار لها
وأتمنى إني كفيت ووفيت وهذي ثاني مشاركه لي وأنا في غاية السعادة معكم
ولكم تحيـــــــــــــــــــــــــــــــــــــــــــــــ اتي