شو رايكم بالبنت الي يغصبونها على ولد عمها؟؟

[(العامري)]

السلااام علــــــــــــــــــــيكم ورحمة الله وبركاته....

شحالكم ؟؟ ان شاء الله بخير وعافيه..

شو رايكم في ان البنت تنغصب على ولد عمهاا ؟؟؟

هل هالشي عدل بالنسبه لكم ؟؟

او لها؟؟

يمكن ماتدريده ؟؟

وفي نفس الوقت ما تقدر تقوول(((((((( لا)))))))) حق ابوها او عمها او ولد العم

لان بتستوي مشاكل وااااااااااااااااااااايد في العائله

بس والله حرااااااااااام مايشاورون البنت وياخذووون رايها يمكن هالريااال مايناسبهااا
او مش عاجبنهاا ..

يعني لاااااازم تاخذه وتوافق عليه بس لانه ولد عمهااا؟؟؟


ارجوو الرد

والسمووحه........

[مـزاجــيه]

والله شو نقوولك يا ولد العم ..

صراحه في بعض من الكلام أوافقك الراي

بــس البنت متى لها الراي أنها تختار دامها

ماتعرف الريال ولا تشووفهم فكيف بتختار

ونا أشووف ان الأهل ما يغصبوون
بناتهم غير لشي الزين ولي لصالحها

هاي وجة نظري يا طويل العمر

والله يعطيك ألف عافيه ..موضووع شيق ..مشكووور

[مخاوي الالم]

انا اشوف ان الاهل ادرى بمصلحة البنت.........مممممممممممممم بس الله ايعينهن ...بس بعض تتأقلمن مع الوضع ويتقبلنه الريال..........وارد واقول الاهل يعرفون مصلحة البنت اكثر منها.........وهذا النصيب تراه...............خذت هذا والا هذاك يظل نصيب ومكتوب لها ولازم ترضى بالواقع

[(العامري)]

مشكوورين على المرووووووووور

[يتيمه من عقب زايد]

والله مرات ولد العم نعمه ومرات نقمه


والله كان اول كل شي غصب بس احين الامور تطورت اسوي عادي

متى يكون نعمه يوم ما ينعاب شي فيه و ريال بالحيل بالعكس ولد العم ارحم من غيره على الاقل من الاهل ومقدرنها ويعرفها وتعرفه

ونقمه يوم يكون معثور ما حد يقبله يرد على بنت عمه يعرف بتقبله غصب عنها


السموووووووووحه

[محد شراتي]

مشكوره ختيه

بس ما اعتقد ان في اهل يغصبون بنتهم على الزوااج لان هي الي بتتزوج مب هم

يمكن في ناس مخهم ضارب شوي

[[ قلب مضنوني ]]

تسلم العامري عالموضووع ....


المفروووض يشاااورونهااا عشاان اذا ما ناسبهااا الريال ما تظلمه وياااهاا ....




والسموووحه



.
.
.

[رهايف]

تسلم ياخويه على الموضوع...


والمفروض يشاورنوها وياخذون رايها قبل ما يوزونها......




والسموح

[،.. شيخة الحلوات ..،]

εїз
مافي شي اسمه غصب ع زواج
والاهل لهم خص انهم يسالون ع ريال ويعرفونه عنه مع انه ولد عمها
بس البنت هي بعد حره اذا تباه ولا لا وموافقه عليه ولا لا
هههه بس الحمدالله هاي ظاهره قامت ااتخف هب شرات قبل غصبن عن خشمها تاخذه خخخخخخخخ




εїз

[رحيمة الهير]

لا والله ضلم يا ولد العم حتى لو ولد عمهاا هيه حرة هاذي حياتهاا وتصلي الاستخارة وتشوف يمكن فيه عيب والله اكره الريال اللي يغصب بنته على شي

[***بدويه كسرتيم***]

لازم يشاورونها لانها هيه اللي بتعيش معااه مش الاهل وانا ادري ان الاهل يبغون مصلحتها بس لازم راااي البنت الاهم من كل شي ...

والسمووحه منك

[الشرير]

ولد العم اولا من الغريييييييب لازم يغصبونها الان ولد عمهااا بيهتم فيها اكثر من الغريييييب وثانيا بيكونون متفاهمين الانهم يعرفون بعض من زمان بختصار ولد العم هو الاولى وعن الاعجاب والحب يمكن تحب ولد عمها بعد العرس .
وثانكس على الموضوع ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛لازم يغصبون البنت ههههههههههه

[مرهف الحس]

من وجهة نظري
هو لازم يسؤلون عن الريال أول
عقب يشاورون البنت
و إذا الريال زين و ما عليه كلام من حقهم يغصبونها

[فرفوشة المنتدى]

البنت يوم يحير عليها ولد عمها بعض الأهل يجبرون البنت(هذاك أول أظن)..

بس ألحين ما أظن تنجبر لو رفضت..

تشكر ياخوي..:smile:

[غلاتــي غـيــر } ~]

انا ويا شيخة الخود وشيخة الحلوات ورحيمة الهير

وياااكم صراااحه لازم ياخذون راي البنت اول وماشيء غصب بها الزمن

مشكور اخوي على الموضوع الحلووووووو

سلاااااااااامي

[مكتوب قلبي]

والله جانه ولد العم ما فيه عيب


وحشيم تراه على العين والخشم ويتاخذ خويتيه وهي حماره

احسن عن الغريب جانه راعي حركات يدورله حرمه ثانيه

هذى رايي وسموحه

[المزروعيه]

في هذا الموضوع انا بقولك الراي
ايام البدو كانت البنت ماتاخذ غير ولد عمها
واذا قلتو ليش لانه هو الافضل الها لاكن مع تطور الوقت ونفس حاليا البنت لازم تختار مع من تعيش وين بتكون حياتها
فيدين من تبا تكون
ايام الاميه لازم تنتهي
وبسبب القرابه الي تستوي الكل ياخذ بنت عمه صار شئ خطر بالنسبه للاطفال
مثلا يظهر الطفل مغوق ولا مصاب
ومرات يكون الريال مجبور انه ياخذ بنت عمه
وسلامتكم

[رَحِيْلُ الْودّ]

السلام عليكم ورحمة الله وبركاته ..

موضوع جميل للنقاش وقضية اجتماعية حتى الان لم تندثر ..

تبقى صلة القرابة وعشق (العرق) الحقيقي للعائلة في دم الجميع سواء جيلنا او جيل من سبوقنا او من ياتي بعدنا خاصة نحن العرب !!

قد لا نتفق حينما ينطبق الامر علينا لكن على أبنائنا قد يعجبنا كم هو الحال بذوينا واهلنا ..

ولكن ما يجب ان نجعله نصب أعيننا ان لنا في رسول الله قدوة وانه صلى الله عليه وسلم لم يترك لنا مساحة في هذا الموضوع لندلي برأينا أكثر ..

حيث قال صلى الله عليه وسلم :قَالَ رَسُولُ اللَّهِ صلى الله عليه وسلم: إِذَا جَاءَكُمْ مَنْ تَرْضَوْنَ دِينَهُ وَخُلُقَهُ فَأَنْكِحُوهُ إِلَّا تَفْعَلُوا تَكُنْ فِتْنَةٌ فِي الْأَرْضِ وَفَسَادٌ. قَالُوا يَا رَسُولَ اللَّهِ وَإِنْ كَانَ فِيهِ؟ قَالَ: إِذَا جَاءَكُمْ مَنْ تَرْضَوْنَ دِينَهُ وَخُلُقَهُ فَأَنْكِحُوهُ ثَلَاثَ مَرَّاتٍ .


..
..

وهذا هو الفيصل في الموضوع ..

وقال صلى الله عليه وسلم: ((لا تنكح الأيم حتى تستأمر، ولا تنكح البكر حتى تستأذن))، قالوا: يا رسول الله كيف إذنها، قال: ((أن تسكت))[1]. متفق على صحته، وهو يعم البالغة ومن دونها.
رواه البخاري في (النكاح)، باب (لا يُنْكِحُ الأب وغيره البكر والثيب إلا برضاها)، برقم: 5136، ومسلم في (النكاح)، باب (استئذان الثيب في النكاح بالنطق)، برقم: 1419.


...

وهذا دليل على حق الفتاة في ابدأ رأيها ..

تقبل مروري هنا ..

دمت بعطاء

[غلا الهير]

أنا ماوافق لانه هذا ظلم 000000000وسموحه على القصور