عـيـديـة الـعـيـد

[الــعــنــيــد]

عـيـديـة الـعـيـد



مـبروك عــيـدك قـايـد الغـيـد = ويـعـلـه عـلـيـك بـفـرح يـنـعـاد

وعـسـاك مـن عــوادة الـعـيد = كـل عـام وأنـتـه بخـير وأسعاد

ألـك الـغـلا مـن دون تـحـديد = مـتمكــن ِ فــي لــــب لـــفـــواد

والشوق لك مايـنـقـص يـزيد = حــتـى ولــو قــربــت لـك زاد

أشتاق لـك شـوق الـمـواريـد = عــالــعــد لـي يـنـه م الأبـعـاد

لي مـبـطـيـات ِ عـنه أبـعـيـد = فـي حـر قـيض وعسر وأنكاد

حـبـك سـطا وأتـمـلـك سعيد = وسعـيـد صار لجـفـنـك وسـاد

والله مـاقــد قـــادنـــي قــيـد = لا كـن قـلـبـي لـحـبـك أنــقــاد

ماهو بكيفي غـصب ياسـيـد = بـتـبـعـك لـو فـي تـبـعـك أنفاد

الــحـر الأشـقــر دايم يـصيد = مـتـخـرس ِ فـالـصـيـد مـعــتاد

حـتـى ولـو أبـطـا بــتــرديـد = غـصـب ِ تـراه يـنـول لــمـراد

لـكـن حـــيــلــه أزم يــبــيــد = ومالـراعـبـيـه طـاح وأنـصـاد

والله لـو يـرضـيـك ويــفــيـد = لا شـق ثـوبـي وســط لـعــبــاد

وأقـول أنـا مـجــنـون وأريـد = شـوفـك غــنــاتـي دون مـيعاد

يامـن جـمـالـه لـجله عـضيـد = فـايـق عـلـى كـل الـمـلا وكـاد

خـذهـا ولـك مـنـي بـتـأكــيــد = نار الـغـلا مـا تـصـبـح أرمـاد

بـيـن الـحـنايـا شـبـت أتــقـيــد = لا تـخاف دام أضلوعي أشداد

مـنـي ولـك عـيـديـة الــعــيـــد = قـلـب ِ يـحـبـك غـصب وعناد

[بدويه مقلوعه]

العنيد .. مشالله عليييييييييييييييييك كلمات حلوووه وتعاابير حلووه ومفردات روووووعه

صح لساانك يا شااعرنا .. مافيك حيله

نتريا منك كل حرف تكتبه ..

مقلوووووعه

[قلـــب حـــساس]

ألك الغلا مـن دون تحديـد
متمكـن ِ فـي لـب لفـواد

والشوق لك ماينقص يزيـد
حتى ولو قربـت لـك زاد






ماااااااااااااااااااااااااااشاالله والله القصيـــــــــده فنااانه وماعليهاا كلااااااااااام



ونبا انشوف يديدك وتسلم ع هالقصيــد الغاااوي

[راعية العزبه]

مرحبا السااااااااع والله ^__^

حبك سطا وأتملـك سعيـد
وسعيد صار لجفنك وسـاد

والله ماقـد قادنـي قـيـد
لا كن قلبـي لحبـك أنقـاد



صح لسااااانك يالشاعر ..


قصيدتك غاويه ولا عليها رمسه *___^


والعذر والسموحه منكم ياعربان زاايد ^___^

[دلوعة السمحة]

مشكوووووووووووووووووووووووور أخويه العنيد تسلم يمناك والله القصيده طررر

[ما وطي الراس]

يااااااااااا ربي .. شوه إلي بيبري العوق ..
الله لا شلك يا ربي ..
محلها ..والله لو أني شاعره جان جاريتك ..وهنيتك بمثلها ..
سبتني هالقصيده .. ولا عدمنا هالزين والله ..
وجني إلا بحتفظبها ..

والله لـو يرضيـك ويفيـد
لا شق ثوبي وسـط لعبـاد

وأقول أنا مجنـون وأريـد
شوفك غناتـي دون ميعـاد

هههههههههه .. خبلبي هالبيت ..
كل شي فدوه لعيون المحبوب والله ..

يعلك سالم يا ربي ..
وصح لسانك على هالبيات ..
ولا مللنا من هالعيديات ..
أها لا تحرمن انترقب يديد منها المنطوق ..

[♥ღ الظبــيانـية ღ♥]

العنيد

صح لسانك والله تسلم ع القصيد الرررعوة والكلمات الاروع

خلاص وصلتني عيديتك لا خلنا منك

الظبيانية

[الـلاّل]

أجمل عيدية حصل عليها مجلس الشعر والخواطر
فلك جزيل الشكر أخي العنيد على ما تفضلت لنا..

قصيدة جميلة كلماتها كاحساس العيد .. أتمنى أن لا تحرمنا من هذا المنهل الرائع..

إلى الملتقى..

الـلاّل