الالبوم الشيخ هزاع بن سلطان بن زايد ال نهيان

[•ミ المكـَـ ح ــلミ•]

السلام عليكم ورحمة الله وبركاته

شحالكم

لي الشرف ان اضع بين يديكم قصائد الفارس الشاعر

الشيخ هزاع بن سلطان بن زايد ال نهيان حفظه الله ورعاه

وما اقدر اضيف واقول الا ((هذا الشبل من ذاك الاسد ))

واتركم مع قصائد الجميلة:

http://www.dubaimoon.com/dubai/images/Move/7aza3.bn-sal6an/faza3(0).JPG

[•ミ المكـَـ ح ــلミ•]

مالك عذر لو تعتـذر مـا عذرنـاك
يكفي رجا لا ترتجـي مـن يجافيـك
ان كانت الفردوس فـي كـف يمنـاك
القلب صار ابعد من كفـوف اياديـك
قلبـي مـع قلـب يحبـه و ذكـراك
ما يوم مرت لـي و لا مـر طاريـك
لو تهذي بصوتك تـرى مـا سمعنـاك
خل الصدى من عقب صوتي يسليـك
رغم الندم لو تنـدم الدهـر بنسـاك
و على عمى سـود الليالـي بخليـك
إنسـى وداد فـي المحبـه عطيـنـاك
و اللي مضى و اللي انقضى بس يكفيك
مات الغلا في خافقـي مـن جفينـاك
حتى المشاعر ترفـض اليـوم ترثيـك
لا لا تقول الحـب قاسـي و بكـاك
لك قلب أقسى من حجر من يبكيـك
لك انت أعظم حلم ساطـع بدنيـاك
لا تظن بتنجب لـك بمثلـه لياليـك

[•ミ المكـَـ ح ــلミ•]

صحيح إن البشر تخطي
و لكن الخطى غلطـة

و مثلك ياخذ و يعطي
و يرسم فالهوى خطـة

و حسنه بسيئه تغطـي
خطاك المنكشف غطه

قبل موج البحر يسطي
عليك و يسلبك شطه

أنا لك واضح شرطـي
حذر وسط الغزر ورطه

إذا تبغي الغلا تبطـي
و إذا تبغي الندم حطه

بحر فالقاف لك خطي
و كل يفهمـه خطـه

و لا تقرب وسط شطي
تعالج بالغلـط غلطـه

[•ミ المكـَـ ح ــلミ•]

لاتعاند عنـادك فـي عنـادك عنـادي
عطني قلبك يا قلبي حط قلبـي مكانـه

حس نبضه بيوفك واسمعه لـك ينـادي
إحفظه ياحبيبي وسـط صـدرك امانـه

الأمانـه أمانـه والأمانـه فــؤادي
به اتهنى يا عمري وارتوي مـن حنانـه

انت يا اللي هويتك حلم واقع مـرادي
صافي الود وافـي مـا تعـرف الخيانـه

قبل احبك واشوفك كل شي كان عادي
كل شي بعيني كنت مرخـص بشأنـه

بك عرفت المحبه وصار قلبـك بـلادي
ومن سكن في خفوقك به يلاقي كيانـه

قلت بخفي المحبه قلت بلجـم جـوادي
و أثره الحب جامح من يروّض حصانـه

من يظن المحبـه جوهـا جـو هـادي
أشهد إنه يمـاري فـي زمانـه زمانـه

[•ミ المكـَـ ح ــلミ•]

إذا حكم القـدر إنـي أحبـك
أنا مالي علـى الأقـدار حيلـه

تولـع قلبـي العاشـق بقلبـك
و قلب الحي فـي الدنيـا دليلـه

غلاك اللي سكني عنـد ربـك
مشاعر جارفة كالسيـل سيلـه

عيوني يـا عيونـي تبتعـد بـك
همومي منك و إن بانـت قليلـه

حجبت الشر عن شرقك و غربك
خوي القلب يا خلي و خليلـه

أشوف العمر باقي العمر قربـك
حظوظ الغير يـا خلـي بخيلـه

إذا عارض تعـرض دون دربـك
أنا اشهد زلتـه زلـزال حيلـه

يفكر ألف مرة و لا يمـر بـك
و تالـي قصتـه قصـة طويلـه

و إذا قلبي و هو قلبي امتحن بك
ترا روحي من أسبابـك جتيلـه

أحبك لا و لا روحي صخت بك
دلال و حسن و وصوف جميلـه

جمالك بين هالعالـم ظهـر بـك
فتنـة العيـن يـا بـرقٍ تخيلـه

و اعرف الحب من دقات قلبـك
وجودي وسط هالعين الكحيلـه

[•ミ المكـَـ ح ــلミ•]

• صمــــــت العـــــاصفــــــه •°








من تحبه عنك مـا يقـوى البعـاد
لو يهاجر شوف باجر لـك يعـود

مرجعـه ذاتـك وشوقـه زاد زاد
كيف تعلى العين حاجبها وتـرود

يختلف البهـام وغيـره كالعبـاد
حد كريم وحد في الدنيا جحـود

ياوليف الـروح معـلاق الفـؤاد
من يقول الحب يذبـل كالـورود

هل تلاشى كل شي مثـل الرمـاد
والحدود اليوم تخلى مـن الحـدود

في سواد كيف تنظر فـي سـواد
الأسـود اليـوم تنهبهـا فهـود

لا تخاف القلب قلب لـك وكـاد
صايبنه في هـوى غيـرك بـرود

لا جماد ولاهـو حـي ولاجمـاد
والمشاعـر ماتماريهـا جـهـود

لك غلـى يـزداد فـاق لعتيـاد
ضاريٍ فـي زود تهـدف دوم زود

في بلادي انته لـي وحـدك بـلاد
وغربتي ماغربت وعـد وعهـود

التلـف مابيننـا عـدلا وسـاد
هذا صمت العاصفه وهذي السدود

دام كل الي مضـى ان راح عـاد
وش بقى في بالي ذكـرى العهـود

ماوقف قلب يحبـك فـي انحيـاد
يفرق الي لك يجود ولـك يجـود

والضنون الي هواجيسـي اعتقـاد
ردها في عين كل عـاذل حسـود

من لجى لصبر يبلـغ كـل مـراد
غص نفسه تسنو العليـا صعـود

أصبح وامسي وشوقي في امتـداد
واترجى الجامح الصبـر بصمـود

عرش قلبي عرشك انته في انفـراد
ياصفي النفـس ياتـرف الخـدود

انت ليل الشوق في عيوني سهـاد
والعيـون الـي تناظرهـا شهـود

تركض بحبك في وجدانـي جيـاد
في وجودي انت لي كل الوجـود

خذت قلبي قبـل عينـي يالـوداد
وان بغيت الزود لك ينقـاد قـود

[•ミ المكـَـ ح ــلミ•]

°• لا تـــــــحـــــاول •°






لا تحـاول تحـاول تظـهـر المستحـيـل
لـو تجـرب تجـرب تلقـى انـه مـحـال

وانـت تـدري وادرى والمحـبـة دلـيـل
من ملـك قلـب غيـره ماتركلـه مجـال

مايفكـر بـثـانـي ولايـبـدل بـديـل
يقهر اللـي يلومـه صـار صعـب المنـال

كالقمر يـوم يطلـع ينجلـي كـل ليـل
وان تمنيت قربـه يـاك صمـت وسـؤال

عن غرامك غرامـك ليـش شـد الرحيـل
كيف صارت حياتك حياتك شبه وهم وخيال

تتعب القلب فرقـا طـرف خـلٍ كحيـل
تتعـب العيـن عيـن مـاتـود الـوصـال

حلمك اللـي رسمتـه مـن زمـانٍ طويـل
غير الوقت حلمـك عـن غرامـك ومـال

خان عهدٍ عطيتـه غصـب واصبـح يميـل
رغـم كـل التذلـل والغـلا والــدلال

لاتحـاول تحـاول تظـهـر المستحـيـل
لـو تجـرب تجـرب تلقـى انـه مـحـال

وانـت تـدري وادرى والمحـبـه دلـيـل
من ملـك قلـب غيـره ماتركلـه مجـال

[•ミ المكـَـ ح ــلミ•]

°• سرى فكري •°



سرى فكري وخلـق الله نيامـا
سرج قلبي مشاعر وجـد قلبـه
جدى من هو سرج فكري وشاما
وخطواتي سرت في ليـل دربـه
كثير الشـوق للمغـرم هيامـا
متاهات وضياع وهـم غربـه
طريقه صعب وعر ومـا يرامـا
ويبشر بالوهم مـن هـو يمربـه
جموح خيول و رماح وسهامـا
رموش كأنهـا طعنـات حربـه
ضحايـا نظرتـه يامـا و يامـا
ويحلم ترى مـن يحلـم بقربـه
عيونه من نظرهـا مـا يلامـا
إذا منه نسـى قوتـه وشربـه

[•ミ المكـَـ ح ــلミ•]

°• غـــــــــاليـــــــــــه •°



غاليـه واغلـى ومـن الغـلا اغـلا
غاليه وتغلى وحيـل القلـب يغليهـا
اخلى وخلى ومنها ياعساني ما اخـلا
ومن قال مغـرور لا محـدٍ يساويهـا
عذال تعـذل ولكـن حبنـا اعـلا
ماهي الثريـا بعيـد ابعـد مواطيهـا
ما اسلى ولا اسلى وانسى غيرها واسلا
الشوق شوقنـي و شوقتـه لطاريهـا
حلوت وصايف فتون عيونهـا نجـلا
نور القمر ضيهـا والليـل يكسيهـا
تنطق بحبـي حـروفٍ لفظهـا يحـلا
تهمس لسمعي مشاعرهـا واناجيهـا

[•ミ المكـَـ ح ــلミ•]

°• مــــــــــــن الغـــــــــلا •°



من الغلا لك زاد بي الشـوق
يختال شوقي وسط الاعماق

ما غض جفني حارب المـوق
متوقد احساسـي و خفـاق

عاتبت قلب صوبك يسـوق
شوق صدوق وجد منسـاك

من الزعل و اللوم مرفـوق
تشرة و انا اللي بالحيل مشتاق

فقت بجمال و منطق و ذوق
بسمتك تشفي جرح و أعواق

ياظبي داري و انتـه اتفـوق
حلو الظباء تلعات الاعنـاق

كنك لقلبي انـت مخلـوق
وغيرك في عيني انت مالـك

ليتك تخلي الغيرة و تـروق
اهدا أنا ما نوي على الفراق

[•ミ المكـَـ ح ــلミ•]

°• منزلك •°





منزلـك مـا بيـن الخفايـا والاهــداب
وموضعـك منـي يـا حبيـبـي مكـانـي
الحـب يبقـى لـك ولـو ناظـري غـاب
يا أغلى وأرهـف مـن سكـن فـي كيانـي
نحيـا علـى مـر الزّمـن ربـع واحبـاب
والله لا يـحــرم زمـانــك زمـانــي
من كثر ما تهـوى وانـا اهـواك لِعجـاب
اِحتـار فيـك وصـار شـوقـي أغـانـي
كل حرفٍ لك في رعشـة الليـل ينسـاب
وحبـر الغـلا يـا كـم يـذرف حنانـي
للحلـم مـع طيفـك مواعيـد واسبـاب
حتـى ولـو تهـجـع عيـونـي ثـوانـي
وصلك مهاجـر واللقـا وصلـة أغـراب
وتبقـى الضيـا فـي غربـتـي والأمـانـي
إنتـه بخفوقـي صاحبـي وصـل وغيـاب
لا البعـد عنـك .. لا التلاقـي كفـانـي
لاجلك فتحت أبـواب وانسـدّت أبـواب
معنـى المـودّه لــك عـيـون المعـانـي
وتعلـم أنـك صاحـبـي زد لَصْـحـاب
واحـد ولا فـي القلـب والـروح ثـانـي
سافـرت بـك والمـوج عاتـي وعـبـاب
لا مـات حبـي .. لا ولا يــوم فـانـي
تبقـى لحروفـي دايـم حضـن وكـتـاب
يـا بحـر موجـه .. هاجسـي والمـوانـي
يا كيف أخفي الجرح والجـرح مـا طـاب
يا طـبّ جرحـي منـك جرحـي وأعانـي
إسأل ضميرك .. خاطرك .. واحسب إحساب
إذا صاحبـك مجنـي تـرى الحكـم جانـي

[•ミ المكـَـ ح ــلミ•]

°• خـــــــزنــــــي •°



خزني بو عيـن ميذوبـه
غرنجي الطرف جذابـي

لو بقول اعجوبة اعجوبة
فتنـةٍ ويثيـر اللعجابـي

كم غيري كم هاذو بـه
بس أحبابي هم أحبابـي

الدلع منهج من اسلوبـه
الهوا صفحه من اكتابـي

الحسن حسنة ومن صوبة
له يذوق ودوم طلابـي

إن تكلم ينطق اعذوبـة
وان عتب يا حلو لعتابي

فيه نفسي فيه مشغوبـه
ماغاب عن عيني ولا غابي

صورته فالعين تسمو بـه
المدامع وسـط لهدابـي

في حشايا الروح مسلوبة
شدني شوقي واسرى بي

للذي له عيـن ميذوبـه
غرنجي الطرف جذابـي

[•ミ المكـَـ ح ــلミ•]

°• حبـــــــــــر الـــــــغرام •°




لو كتبت المحبه جف حبر الغـرام
واعلن التعبير ياسه وانحنى للقصيد

الخيال استعده بيـن عـد وهيـام
وانتقيها المعاني واترك الـي زهيـد

ماغشى ليل وجدي في نهاري ظلام
أستنير الجوارح و المشاعـر تزيـد

كم حرف غزيته لجل حلو اللثـام
أكتبه لجل عينه واجبره لو عنيـد

با هي الحسن خده مثل برق الغمام
كاسي الليل متنه احـوري فريـد

منفرد في و صوفه مثل بدر التمـام
تعشق العين شوفه من قريب وبعيد

لي نظرت العيونه شفت لحظ الحسام
ولي نظرني بعينه شاف حبه يقيـد

ماغضى وسط قلبه غير حبي ونـام
ولا ملك عرش قلبي غير حبه أكيد

[•ミ المكـَـ ح ــلミ•]

°• مستحيـــــــــــــــــل •°



ابعدت غابت عن عيونـي
طال صبري و طال فرقاها
من السهر تتعب جفونـي
دوم فكري في طرواهـا
القلب من الشوق ممحوني
ممتحن من لحظه جفاهـا
اهتويها في باطن شجونـي
و اعالجه جرحي بذكراها
مهما عن حبها يعذلونـي
مستحيل القلب ينساهـا
و الخلايق مـا يعيضونـي
دام انـي حيـل اهواهـا
يا متى وعد القى يكونـي
منيتي في العمـر القاهـا
و يعل تمطر دارها مزونـي
دارهـا و دار مربـاهـا

[•ミ المكـَـ ح ــلミ•]

°• مـــــــــبـــــــــــــزره •°



ابشري يادار بقدوم السـرور
بوظبي تسعد وتهنـىء مبـزره

سبع نبته جو فرشولك زهـور
سبع جنات بشـذاك معطـره

لوصولك ينولد للنـور نـور
الضيا انتوا ومنكـم مصـدره

الزمن يعجز على مر العصـور
مثلكم ينجب إذا لـه مقـدره

اشهد انه من يماريـك مخطـور
حكمتك ترجح وعزمه يخسره

يا بويه لك في كل قلب الحضور
شعبك اعيالك وحبك نجهـره

والله العالم بما تخفـي الصـدور
كم قلب وفكر طيبك يأسـره

دوّن التاريخ لك اعظم سطور
في سجل المجد حتـى تشهـره

[•ミ المكـَـ ح ــلミ•]

°• خــــــــافي الوجــــدان •°

خافي الوجدان يخفق باسم خلـي
روحي الولها من فراقـه حزينـه

حب صادق حب قلبي مب تسلي
ظامي لحبـه و يروينـي حنينـه

كم تمنيته و ليتـه لـو حصلـي
من تلاقت في الهوى عيني و عينه

الجوارح كلهـا بشوفـه تهلـي
تبري جروحي و أعواقي الدفينه

غالي من دون أي صد و تغلـي
و الغلا يزداد من طيبـه و زينـه

هو حياة الروح هو شمسي و ظلي
هو مناة اروح هو مطلب ظنينـه

صورته ما بين ترحالـي و حلـي
و هاج بحر الشوق يسأل عنه وينه

[•ミ المكـَـ ح ــلミ•]

°• تــــــزعل و اراضيــــــك •°





تزعل وانا اللي منك زعلان
تقسى و تجرح قلبي مغليك
غالي معي لو كان اللي كان
متعود تزعـل واراضيـك
ان كنت ناوي الصد يافلان
الروح في بعـدك تناديـك
وان ييتني من الحب ظميان
بسقيك من حبي و برويك
يالسولعي يا تاج الاعيـان
ربي جمال الحور معطيـك
حسن و جمال و قد فتـان
في هيبتك منهـو يجاريـك
سبحان من صورك سبحان
كل الحسن مملوك في إيديك
لو هو انخلق شرواك انسان
لا ما احتوى طيبة معانيك
اعاتبك والقلـب ولهـان
رغم العتب مقدر اجافيك
خلك معي والحب سلطان
محد في هالدنيـا يماريـك

[•ミ المكـَـ ح ــلミ•]

°• قلبــــــنا واحــــــــد •°

إذا ماقلت لك مشتاق نطق الاحساس واتكلم
وحل الشوق في قلبي حبيبـي مـن توادعنـا

تنور دنيتي بقربك وفي غيبتـك هـي تظلـم
وعيّا الوقت والاقدار اشـوف انهـا تباعدنـا

حبيبي لوبعيد اليوم بحبـك ماعرفـت انـدم
وعيني ماتشوفك بس يكفي الحـب يجمعنـا

ترى احلى حب حبك انت يكبر كل يجـدم
أأكد لك ماعاد الحب محال اي شـي يفرقنـا

احس فيك وتحس فيني وإذا ضقت انت انا اتألم
كأن قلبنا واحد وهـو ينبـض مـن محبتنـا

ولو منك انا زعـلان ارضـى يـوم تتبسـم
تشل الضيق مـن قلبـي ولا مـره تزاعلنـا

سكنت الروح ياروحي واثر الشوق مايرحـم
عذابي لا بدا الفراق بعد وصلـك يسامرنـا

خيالـك مايفارقنـي بعينـي كـل ماتحلـم
تصحي عيني طيوفك وجنـح الليـل ثالثنـا

[•ミ المكـَـ ح ــلミ•]

°• لاســــلام •°



لا سلام .. ولا وداع .. ولا عليك
لا اتصال .. ولا هموم .. ولا سؤال
بخت قلبك حظ جفنـك يهتويـك
يا اريش العينيـن برمـوش ظـلال
يا الغلا وينك ووين الشوق فيـك
في حشى يوفي من الشوق اشتعـال
روح روحي يـا مناتـي تفتديـك
ودي بقربك ولا تجفـي .. تعـال
يا عسى كل شر يا خلي ايخطيـك
ومن سعى بالشر من شـره ينـال
اعتدي كل من حبيبـي يعتديـك
وله شهرت السيف واعلنت النزال
وان سطع نجم العواذل ما عليـك
إكل نجم له بـزوغ .. ولـه زوال
وش بقى في ذا الزمن ماله شريـك
وفي سؤالي يا هوى بالـي سـؤال؟

[•ミ المكـَـ ح ــلミ•]

°• غضــــت عيـــــونك •°

غضت عيونك ولا غضت
عين من حبك وهاذا بـك

انت يلي روحك اتهنـت
يا متى روحي تهنـا بـك

الجـوارح كلهـا حنـت
ظاميه تبكي علـى بابـك

تخفي الأسرار مـا دلـت
هايمه نفسي وتشقـا بـك

ما عرفت وكيف لك اثبت
حبي اللي ما قوى عتابـك

شافتك عيني وثـم سمّـت
لو شحيح الحظ ما يا بـك

ان تمنـت عينـي تمنـت
ما تمنت غير تحظـا بـك

لو تسلت عنك ما اتسلت
وان غفت بالنوم تصحا بك

القوافـي بإسمـك تغنـت
ما يموت الشعر يحيا بـك

منك ما ملت ولا كلـت
دام تسكن صفحة كتابك

لو سنيـن ايامنـا مـرت
لو يشيب الصبر بغيابـك

لو دموع أيامنـا هلـت
لا تبكي عينك أهدابـك

نار شوقي في الحشا شبت
ما انطفت والروح تدفا بك

ما تلبـي لغيـرك ولبـت
يا منادي قلبـي اسرابـك

لو سيوف العاذل انسلـت
ينهزم والشر مـا صابـك

لك سيوفي دونهـا مـدت
موت عذالي واحيـا بـك

كم عين وعين لك ذلـت
والاسد سيد على غابـك

شوف ياسات الامل ضوت
حاسدي من وصلي يهابك

[•ミ المكـَـ ح ــلミ•]

°• لــــــيت ماشفتــــه •°




ليـت ماشفتـه و حبيتـه
وليت ماعبـر لـه لسانـي

حبكم ذكرى وانـا انهيتـه
لا تظن اعـود لـك ثانـي

ياحسافـه عمـر قضيتـه
كنت فيه اغلى من اعيانـي

كل حبيب لاجلك اجفيتـه
لاجلك حبك يا أغلى انساني

لي يحبـك ليـش صديتـه
تجرحه و من الجفـا يعانـي

عكس مايعطيـك اعطيتـه
منه شوق ومنـك حرمانـي

كنت غالي وانته ما اغليتـه
كان بك هايـم و ولهانـي

تزرع الهجـران واجنيتـه
وانت فيه الامـر خسرانـي

وانـا بعـدك ماتمنيـتـه
بس وقـت فراقنـا حانـي

لاتحـاول حبـك انهيتـه
وانتهى من كـل وجدانـي

[•ミ المكـَـ ح ــلミ•]

°• ودي بكلــــــمه •°




ودي بكلمـه ياحبيبـي
قولها وقلبي لـك يجيبـي

ياجـارحٍ قلبـي بحبـك
ليتك فهالدنيـا نصيبـي

اربع حروف ويزيد حبي
اربع حروف ويفز قلبـي

انت الغلا ميـزك ربـي
قلبي انا منـك صويبـي

انت حياتي وانت الانفاس
ودك بكلمه كلها احساس

لك زاد حبي ماله اقيـاس
وان غبت حبي مايغيبـي

حلوه احبك من شفاتك
انزع غرورك من صفاتك

كلمه تغير كل حياتـك
واسقيك من حبي وطيبي

الحب في قلبـي وقلبـك
تشتاق لي واحب قربـك

واشتاق لك واحيا بحبك
دايـم احبـك ياحبيبـي

العين تتمنـى تشوفـك
اقهر زمانك مع ظروفك

لا يخدعك ظنك وخوفك
خلك من عيوني قريبـي

[•ミ المكـَـ ح ــلミ•]

°• الـــــــجـــــوارح •°




ليت للقلب عيـنٍ ولفـوادك عيـون
كم تمنيت قلبـك لـي يـرق ويحـن

حس بخافي مشاعر من شجوني شجون
واطفي دمعات قلبٍ اعتراه الشجـن

ماغشاني ظلام ولاهيعت بـي جفـون
الجوارح عطيبـه والاسـى مندفـن

بين نارٍ و نـارٍ بيـن شـك وظنـون
بين موجٍ وموجٍ فـي لجيـج الزمـن

خــــــذ حــيــاتــي
حياتي وش بقى مايهون=كل عمري من اجلك يا غناتي ثمن

بك احاسيس وجدي ماتعرف السكون
من عرفتك حبيبي ماعرفـت الوسـن

والمثل شوف ليلى ماغشاها شجـون
قيسها كـم مـره حـي ماتمتحـن

الرجاوي لربـي مايكـون او يكـون
عالـمٍ ماابـوح و عالـمٍ مـا اكـن

[•ミ المكـَـ ح ــلミ•]

°• اسلــــوب الخــــداع •°




الحِيَل والغدر واسلـوب الخـداع
شمس لكـن فـي سمـاك مضيّعـه

كيف تصغي وانت عكس الاستماع
مـا قـول الحـق وإلاّ اسمـعـه

موقفي ثابت على راس الشّجـاع
كل شهـمٍ مـا تغيَّـر موضعـه

بس احذر في مسيـرك لاندفـاع
لغـرور وكيـف قلبـك يقنعـه

لو تطير ولـو تحـاول لارتفـاع
لك ظهرت وفي جهاتك الاربعـه !

الفيافي جِـرد وِطْـوال وِوْسـاع
السـراب اللـي تشوفـه اتبعـه

في ظلام الليـل دوّر لـك متـاع
شوف قلبك فـي الغـرام ومتّعـه

تحسب ان الناس تِشْرى ثـم تبـاع
كم حاسد فيـك يلقـى مطمعـه

وانطباعي عنك نفـس الانطبـاع
انتـه انتـه لـو تحـط الأقنعـه

والليالـي لا تطيـع ولا تـطـاع
وعزّتـي للـي زمانـي طـوّعـه

[•ミ المكـَـ ح ــلミ•]

°• لا يزعـــــــــلك •°




لا يزعلك يا نظر عينـي غيابـي
الغلا في القلب ما تشوفه عيونـك
ان كنت مشتاقٍ أنا شوقي عذابي
وقلبي الولهان بنبضاتـه يصونـك
جيتك بشوقي تبادلنـي العتابـي
تدري أحبك ولا يمكن أخونـك
الحشا من لاضيْ الّنيـران ذابـي
زادت أشواقي وزادت بي طعونـي
قلبي الولهان في شفّك سـرا بـي
و أهتني بالنوم في غمضة جفونك
أسئلة قلبك ترى قلبك درا بـي
كم ليلة بت أناجي مع شجونـك
لعيونك يالغـلا سدّيـت بابـي
ساكن إحساسي و أنا لبّيت عونك
حبّك العذري في وجداني سطا بي
والمحبه مـا لهـا ذوقٍ بدونـك

[•ミ المكـَـ ح ــلミ•]

°• اغلـــــــى النـــــاس •°



إن زعلت أرضيك وكل عمري فداك
والزعل ما أزعلـه يالغالـي عليـك
لو تامر بروحـي بتنقـاد لرضـاك
لو تطلب عيوني فـي لحظـه تجيـك
انت أغلى الناس ومن لي في غـلاك
وانت نبض القلب ملكه في يديـك
مثل قلبك صافـيٍ حبـي جـداك
بالغلا والحب أبـد مالـك شريـك
ميّزك ربـي مـن النـاس وعطـاك
ميـزةٍ وتخـص ذاتـك وتعنيـك
لك وصوفٍ نـادرة دايـم معـاك
ودايمٍ محبـوب وناسـك تهتويـك
كم؟ حسـودٍ ودّه يكـدر سمـاك
في ذمتي والله أنا ما أعتـاض فيـك
انته مثل الجوهـر الصافـي صفـاك
وتنذكر بالخيـر إذا حـدٍ طريـك

[•ミ المكـَـ ح ــلミ•]

من قال اني يبت طاريك




من قال اني يبت طاريـك
ومن قال ان اسمك ذكرته

لا تحسبني مغـرم فيـك
حبك مع اشواقي مسحته

صحيح اني كنت افديـك
وصحيح انا حبيتك انتـه

مدرات عيني كنت اداريك
حتى العمر لجلك رخصته

هذاك يوم القلب يبغيـك
يومه انه بحبـك اسرتـه

ولا كن اخترت اجافيك
وحبك من افوادي مسحته

ومحال انا ارجع لماضيـك
وعدا على نفسي قطعتـه

ولاتظن بتحسف عليـك
غيرك تملكنـي وملكتـه

[•ミ المكـَـ ح ــلミ•]

°• خــــــذت الفواد •°




خذت الفواد و اللي تبا سو
يوم الله يابك لـي هديـه

تدري بحبي و قلتهـا تـو
بس إنـت تدلـع عليـه

يا حبيبي لا تفرض و لـو
الحب لك من صدق نيـه

تحلـو يـا الفتـان تحلـو
تشهد لك عيونـي سويـه

ما راحت الأشواق من يو
متولـه أشواقـي خفيـه

لك شوق يثلج لاظي الظو
متى اللقـا و تحـس فيـه

حتى الجـوارح مـا تمنـو
غيرك و لا غيـرك بغيـه

أبغي غرامك و أبغي الجـو
يصفى و لو حتـى شويـه

[•ミ المكـَـ ح ــلミ•]

°• تقــــــــدر تــــــروح •°



تقدر تـروح و تبتعـد
ان كان يرضي مطمعك

لو حب قلبـي ماخمـد
عن حب غيري مامنعك

الحب احلى من الشهـد
و من مثلي حب و دلعك

و لا تظن في قلبي احـد
يا كيف و هو نبضه معك

و سهيل نجم بلا عمـد
و من فوقه حبي رفعـك

اختـار دربـك للابـد
لا تخلي ظنك يخدعـك

انت تدري اني عالوعـد
وانا ادري اني مرجعـك

وان رحت مالك اي مرد
و محال يا شوق اتبعـك

صعبه اذا خنت العهـد
وش عاد عذزك ينفعـك

تخسر حبيبـك للابـد
و مايفيد حتى مدمعـك

جرب تجافيني و تصـد
تلقى عيونـي تودعـك

قلي يا خلي وش بعـد
فآخر دقيقه انا اسمعـك

[•ミ المكـَـ ح ــلミ•]

°• كـــــــذبة ابــــريــل •°




تجهل غلاك وقلت لي كذبـة ابريـل
قصدك تثير لي الحب فـي خفوقـي

غايتك بانت دون شـرح وتعاليـل
يا كيف وانت ساكنٍ وسط موقـي

دايم تحب تقيـس حبـك بتظليـل
ما كنك ادرى بخافقٍ لـك بتوقـي

من مال قلبي في الهوى وصبوبك يميل
رغم ان غيرك ساعي فـي طروقـي

يابعـده العـاذل ويابعـده سهيـل
يا اقرب من الدم الذي في عروقـي

مسمع بحبك ون بدى قـال وقيـل
وينبـه الدلـه الغشيـم الطفوقـي

حبـك رفيـع و لاتعـده تماثيـل
واحساس قلبي في ودادك صدوقـي

اسري بحبك فالفضا سريت الليـل
واشتقت لك يا بعد عمري وشوقي

موال عشقي من بعـادك مواويـل
لي وجد غنا بك وحسـه شفوقـي

من زود ما به من جـروح وتعاليـل
شوق على كل اشواق الخلايق يفوقي

اشرد عليك وحرف قافي مراسيـل
واقهر زمانٍ دون وصلـك يعوقـي

حبك تحسبه صاحبي كذبـة ابريـل
ما تـدري انـه فاضحنـي بموقـي

[•ミ المكـَـ ح ــلミ•]

• ســــود الهـــدب•°




سود الهدب و ادعاجي
انـــاجــــي
حلو الصبـا مزيـون
شوفه لذيذ اعلاجـي
لـلـشــاجــي
و المعظـلات تهـون
لابس بحسنه تاجـي
والـــداجـــي
ظافي علـى المتـون
سامي سماه و راجـي
بــمــزاجــي
و القلب بـه مفتـون
تسطي بحبه امواجـي
و الـبــاجــي
خليتهـم مـن دون
لو كان في متفاجـي
لـــه هـاجــي
الاحساس لي مرهـون
يارب لـك محتاجـي
فـــراجـــي
للهم لـي مـخـزون
هم وانا هب لاجـي
احـجــاجــي
كن الدهـر فرعـون