شاعرنا

[ولد العرب]

[size=3]]السلام عليكم ........... اشحالكم ... إن شاء الله بخير ....

أنا أريد اتخبر عن شاعر منتدانا والمراقب سعيد الكتبي....
وشو أخباره تراه من زمان ما دش المنتدي .......................


واتخبروه يدخل ع المنتدي ويشوف شغله ............ شو تبطر علينا ....... تراني أمزح لا تزعلوا ...
بس الصراحة اشتقناله ...........

[رواضـي]

لا شكلـه بوعسكوور نساااااااااانااااااااااا

لا انشاء الله ماينسى اعشاء وحبايب الهير انشاء الله بيرجع ونطم عليه اللي يعرفه خبرووه يدش المنتدى تراا اشتقنا حق قصاااااااااااااااااااااااااايـدهـ

وتشكرات ولد العرب

[الخيل]

سعيد الكتبي

رسم لك قسمك الحاير حروف الشوق م الاعماق
،،، وقال ش صار يالغـــــالي غيــــابك طال بمروره

وقمت بحزني أترنم بنـــهج الخافق المشتاق
،،، وأناشد صرحك الغالي يباشـــــر طيفـك بصوره

ولكٌن الصدى باعد وترجم لي لفظ الأشواق
،،، بشكل ن يبعث همومي لقلب ن فارقه نوره

عجبت من الزمن جوره ومن هذا الوقت ينساق
،،، حزن وشـــعور ما نعرف نعبر ساعة عبــــوره

طريقك مظلم بدونك ودارك تشكي الأعواق
،،، ووعدك ينتظر رجعة من اللي غالي حضوره

سألتك روف به مرة وناظر حالته بإشـــفاق
،،، وروض ساحته بحرفك وبدد وحشة شــعوره

يا من بأحساسه الهايم يعرف ساحة العشاق
،،،وش أصل الحب والفرقى اذا ما صاغ دستوره

والسموحة من الجميع بداية من شاعرنا سعيد الكتبي

شكله مشغول واذا هب مشغول معناته نسانا وربي يوفقه

الخيــــــــل

[ولد العرب]

سلمت يا الخيل ع الشعر الحلو .................

وما قصرتي يا رواضي ...... والله يسمع منج .......................

[همس قلبي]

شكله مشغول بالدراسه

او انه ما يعرف ان المنتدى رجع يفتح

[ولد العرب]

تسلمين همس قلبي ع المرور

بس اهو يدرس؟؟؟ شو تخصصه و وين يدرس ؟؟؟؟؟؟؟؟؟؟؟؟؟

[مخاوي الالم]

يدرس ثانويه عامه اظني

متى بيرجع نبغي قصايد يديده

[دلوعة s]

أكيد إذا هو يحب المنتدى و يعتبره شرات بيته ع قولته
بيرد لا تحاتوا .....

[سعيد الكتبي]

الخيل


تعزويت الكسير (إ)يقوم دام إنها بقتله ساق=ولكنها على ماقال سنبل وإخت مكسوره
تذكرت الجريح اللي رغم سقياه للترياق = صفك كف القناعه وقال مجروح(ن) ومستوره
لذا ماعادلي ياغير شلة عين للآفاق = وأخلي راعي التنور يصفق عند تنوره
أخال الخيل وتخلل خلالي له وله وأشواق=وأشله لين مااشوفه وصل أوضاع محظوره
عظيم الشوق لو رقرق على شله من الرقراق=تزلزل صدره المشتاق لين توقع قصوره
ولوهو قل تقليله حدث يسحب تعب وإرهاق=تحس الصدر كالخالي غدى مفضاة قاروره
أبشرها يلي تسأل شراتي عا قطع الاعناق=ولا يرحل إلى الجردى ويترك نابت زهوره
اذا هو شوق باسير لها من داخل الاعماق=مرضف مثل شوق اليل قبل (إ)يحين ديجوره
واذا هو علم ماتاخذ سوا حالة أهل العراق=افصلها وأوجزها وأكيد الاخت مشكوره
ترا بيتي اذا أسكنه مامني يذوق فراق=ولو مليون سربوت(ن) يوفق ماخذ(ن) دوره
سمعنا من قبل وايد وفكري لا محاله راق=(إ)وما غير الذي يلعي تراه توقف بزوره
يقولون العرب تطرب على الراعد من البراق=وأنا ماشوف يطربني بني آدم غير بونوره
سعيد الكتبي

[الخيل]

مشكور يا أخويه عالرد الراقي

وربي يديم هالتواصل بين الاخوة في منتدى الهير