المساعد الشخصي الرقمي

مشاهدة النسخة كاملة : !!هروب الطلاب من المدارس!! موضوع للنقاش


مباحث العين
11-04-2007, 10:22 AM
السلام عليكم ورحمه الله وبركاته

تحيه طيبه وبعد,,

هروب الطلاب من المدارس!!

هل هي قضيه؟؟!!

سأروي لكم ما شاهدته عيني يوم الاربعاء الماضي..

يوم الاربعاء صباحاً.. دخلت الى احدى الكافتريات (المرطبات) في مدينه العين.. وشاهدت مجموعه كبيره من الشباب الذين اتوقع ان تكون اعمارهم من 12 الى 16 سنه

وعند وقوفي في المحل لانتظار الطلب.. سألت احدهم..

شو ماشي مدرسه اليوم؟؟!!

جاوبني وقال: ياريال طااااااااااااااااااااااف

استغربت الرد.. معقوله شبابنا جي.. يتركون التعليم ويهربون من المدارس.. الى متى!!

الناس تطوروا.. والعقول بدأت تفكر.. ونحن في عام 2006 .. معقوله الى اليوم في هروب من المدارس!!

اكمل لكم.. بجانب الكافتيريا (المرطبات) يوجد محل للانترنت

هذا المحل فيه انترنت.. واللعاب الى يلعبونها الشباب شرات الكونتر سترايت وجيم باوند وغيرها..

شفت مجموعه ليست بالقليله من الشباب هناك.. واكتشفت انهم ايضاً هاربون من المدرسه

من السبب؟؟ وماهو الحل؟؟!!

هل المنهاج غير مشوقه للطلاب؟؟

هل طلابنا المواطنيين لايرغبون في التعليم؟؟

هل تشكل المدرسه ضغطاً نفسيا على الطالب؟؟

هل للمدرسين والاداره سبب في هروب الطلاب من المدارس؟؟

انا شفت المنظر.. ووصفته لكم..

اتمنى من الجميع الادلاء برأيه بصراحه سواء كان طالباً او مدرساً او موظفاً

اتمنى ان نصل الى حل لهذه الظاهره السيئه في وجهت نظري

انا بذكر سبب من الاسباب الا وهي عدم متابعة الاهل للاولاد في المدرسه لانه المدرس مستحيل ماراح يسجل الطالب غياب في هذا اليوم وهذة الحصه لو الاهل يتبعون ماكان الاولاد هربو من المدرسه بس شووو نقوووول؟؟؟

هذا الموضوع لن ينجح الا بآرائكم..
اللحظة الأخيرة
11-04-2007, 01:49 PM
اخويه مباحث العين

أشكرك لاختيارك الموفق لهذا الموضوع المنتشر بكثرة

أما عن الاسباب فهي متعدده و مختلفه من طالب لآخر

و عدم متابعة الاهل لأولادهم أحد أهم الاسباب

أحيانا و عند البعض يمكن يكون المنهج صعب عليهم و مب قادرين يمشون فيه..... فـ يلجؤون للهرب لأنه أسهل من التعب و الاجتهاد

و أحيانا تكون مواقف مستويه أو مشاكل مع الادارة و المدرسين

هذي كلها أسباب متفرعه من عدم متابعة الاهل لدراسة أولادهم و مدارسهم و معلمينهم

هذا اللي عندي و أتمنى أكون قلت شي يفيدكم

تقبل مروري اخويه

والسموووووووووووحه

.
.
.
مباحث العين
11-04-2007, 02:11 PM
يسلمو اخوي عكس قانونه على المرور المشرف والاسباب الي ذكرتها مقنعه وفيه اسباب وايد
رواضـي
14-04-2007, 12:45 AM
السلام عليكم ورحمة الله وبركاته


جيف الحال اخواني واخواتي في المنتدى

حبيت انزل هذا الموضوع للمناقشة وابداء الرأي...

والموضوع عن التسرب والهرب من المدرسة..؟

مـا اسبابه....؟؟

مـــا اضراره...؟؟

ومـــا انسب الطرق لحل هذي المشكلة ؟؟


انتظر ردووودكم وآراكم.......؟؟
شح شح
15-04-2007, 04:59 AM
انا برااي هذاا اللي الطالب ايسوويه يباا يبين لربعه انه هوشجاع ويروم ايسوي ها الشي

اما في شي ثاني ادراه المدرسه ماتكون مسيطره ع الطلاب

يعني بعطيج موقف استوي

مره يوم كنا ف الثانويه العامه ودونا مدرسه الاولاد كان عندهم معرض

المهم فضولنا ساحه المعرض وسكرواا كل البيبان عشان الاولاد مايدخلون

خلصنا وادواا واجب الضياافه حليلهم

المهم يوم ظهرنا المدير مال المدرسه يمشي معانا ويشكراا ع زياارتناا وفجئه

انشوف الاولاد يترابعون ويشردون من المدرسه اللي عدي ع الطوفه واللي شرد من الباب

حليله المدير قفط جدامنه ....

اما عن البنات غالبااا ماايسونهااا

شكراا مااعندي شي ازيده:)

شح شح
رواضـي
15-04-2007, 07:29 PM
تشكرات شح شح ع هالمرور الطيب يعطيج العافيه وانا احترم رايج

بس بغيت اقولج ان حتى البنااات صارت يشردن من المدارس عادي عندهن صاار لا تستغربيـن وهالشي مستوي فالامارت وف بعض المنااطــق

تحياتي
شح شح
15-04-2007, 10:52 PM
نحن الحمد الله ف مدارسناا وااايد الاداره ضاابطه الطالبات يعني مستحيل يسوونها


قولي يمكن من الحصص اما شرده من المدرسه خخخ قطع رقاب


شح شح
بن يروان
17-04-2007, 07:44 PM
رواضي انتي لااازم تخربين علينا وتفتحين العيون علينا ..ههههه

ومشكوووووووووورة عالموضوع الترتبيشن ..والسمــــــــــــــــــوحة
رواضـي
18-04-2007, 08:09 PM
بن يرواان انته شكلك تشرد خخخخخخخخ

يسلمو ع هالمرور الطيب لا هنت
رواضـي
19-04-2007, 09:17 AM
مشكور خويه ع هالكلمــــه : ( وموضووووعج ترتبيشن عسااااااهم يستفيدون منه ..)

وتسلم ع هالمرور الطيب والتفاااعل الحلوووووووو

الله لا يحرمناااااااااااا من مشاركاتك وردودك خيوووووووووووووووووووووووووو
بن يروان
19-04-2007, 06:01 PM
ومن قاااااااااااااااال سااااااااااااالم خيتووووووووووو ..
رواضـي
19-04-2007, 11:52 PM
اشكر تواصلـك الحلوو بن يروااااااااااااااااان
!!*بنت الفوعه*!!
23-04-2007, 10:18 AM
أشـــكرك أخــــوي ع طـــرحكـ!!


والاسبـــاب وايــــد واولهــــا


الاهـــل مايشـــددون الرقــــابه عليهــــم!!


وثـــاني شـــئ الغلـــط من المدرســــه بكبـــرهـــا <<< المديـــر ويـــــن عنهــــم؟؟


وثـــالث شـــئ رفقـــاء الســـــوء << اساس البــــلا!!



والســؤـؤحه!!!
غــــــــلا زايـــــــــد
23-04-2007, 04:05 PM
مباحث العين . موضوع شيق ..

للأسف حقيقه منتشره بين شبابنا اللي يقولون عنه الشباب الصاعد .. و لكن وين صاعد .. انا بخبرك وين صاعد
صاعد من ييدار المدرسة .. واو بالأحرى متسلق له .. اسأله أين ستذهب و سيخبرك بجرأه (( بسير الدكان بشتري بيبسي ما شي فالمدرسه بيبسي ))

هذا ما حدث مع اخي ... تسلق حائط المدرسة و ذهب للدكان أشترى البيبسي .. و لكن عند رجوعه إلى المدرسة تسلق الحائط فانكسرت غرشة البيبسي و وصخت كندورته ... فذهب عند المعلم و اخبره بالسالفة .. ولكن هل تعرفون ماذا فعل المعلم .. طلب من اخي أن يذهب إلى البيت مع احد أصدقائه الذي لا يحمل حتى الليسن ... فأين الخلل هنا هل في الطالب .. أم المعلم اللذي سمح له بالذهاب للبيت بدلا من معاقبته ..

و السموووحة ترااااني طولت وااااااااااااااايد
شح شح
02-05-2007, 09:03 PM
تم دمج موضوع مباحث العين مه موضوع الاخت رواضي

يحملان نفس القضيه

شح شح
***بدويه كسرتيم***
02-05-2007, 09:21 PM
مشكور يا خوي ع موضوعك المميز بالنسبه لي ....

أنا بقولك عني ... أنا احيانا اشرد من الحصص بس مش واايد ما اشرد من المدرسه ولا اقدر اسويها خخخخخخخخخ

ليش اشرد من الحصص اول شي في بعض المعلمات شرحهن مش اوجيه ليش ايلس واتعب عمري وانا ما افهم لها شي من شرحهاا وثاني شي طلباتهم اللي ما توقف ابد يوميا خخخخخ وثالث شي ما يسوون شي في المدرسه كله درااسه في درااسه اكيد الواحد بيمل من الدرااسه دامها جذي ...

والسموحه طولت معااكم
المـــــ دلوعة ـــــزاريع
03-05-2007, 11:34 PM
تسلم اخوي مباحث العين
مووضووع يستاهل النقاش
في عدة اسباب بالنسبه لي /
اولا : الاهل اللي مخلين عيالهم على راحتهم وما يعاقبوونهم اذا شردوو من المدارس
وثانيا : المدرسه نفسها والاداره يعني الاهل يطرشوون عيالهم يدرسوون وهم مسؤولين عنهم
لانهم هم موصلينهم لين المدرسه وباقي المسؤوليه تكوون على الاداره
اما بالنسبه للمنهج فهوو ابد مب ممل لان الحين يستخدمووون احدث الوسائل لايصال المعلومه للطالب

تقبل مروووري
المـــــــ دلوووعة ـــــــزاريع...
^.^
مكتوب قلبي
06-05-2007, 08:45 PM
مشكوره غناتي على الموضوع

بس انا ما بجذب وبقولج لا ما شردنا

كنت انا وربيعي سهيل الكتبي اللي في المنتدي ومرهف الحس ومقدر اجامل كد شردنا من المدرسة ورحنابلند لين العزبة وتحوطنا وكان يوم جميل صراة كنت انا ثالث ثنوي ومقدر اجامل اول ثنوي وسهيل كان في صفي المهم انا محد اكتشف وكل ما نتيمع احنا الشلة في المقاهي نذكر هذاك اليوم خاصتن انا ربيعنا مرهف الحس في مدرسة ثانية واحنا ما قصرنا شردناه ويانا خخخخخخخخخخخخخ

حلوه ايام اول كخ كخ كخ هههههههههههاي انشا لله نعيدها ونشرد من الدوام خخخخخخخخخخخ

السموحة طولت عليكم
راعي العشبي
06-05-2007, 10:01 PM
في البدايه تسلم يا مباحث العين ع الموضوع ..

أنت ذكرت ظاهره ومنتشره بشكل كبير .. وهاذي الظاهره مب من سنه ولا سنتين .. هاذي الظاهره من سنيــــن ..

وأنا أأيدك في رايك بأن الأهل ألهم دور كبير بأن لازم يتابعون أبنائهم في المدرسه .. ولكن يد وحده ما اتصفق ..

المفروض .. متابعه من الإداره و تحسين نظام المدرسه .. لان المدرسه لو ماسكنها مدير كفء بتكون في أحسن حال .. مثال على كلامي ... مدير مدرسه الهير في بدايه تأسيسها وكان المدير / محمود .. الله يذكره بالخير .. والكل يشهد على حسن إدارته .. كان ظابط الطلاب .. وماشي شردات ولعب شرات هالايام ..

وبالنسبه للمناهج .. الحين المناهج أفضل بوااايد من قبل .. لان قبل كانت كلها كلام وحشووو .. أما الحين أختلفت 180 درجه وصارت المناهج ممتعه ومفيده في نفس الوقت ....


وهذا مجرد رأي ... و السموحه طولنا عليكم ...

أخووكم .. راعي العشبي ...
•°× ياويــل حــالي ×°•
09-06-2007, 03:16 AM
انــــــــــــــــــا لين الحين ماعرفـــت الموووضوووووع منووو الي كاتبنه روواضي والا مباحث العين ...

لاتعليــــــــــــــــــــــــــــــــق

•°×WeElLoOoHh×°•
رحيمة الهير
14-06-2007, 10:52 AM
ههههههههه بس صدقهم بنسوي اكبر طاف بعدين عيال هالسنين ما يقرون ومشكور اخوية على الموضوع الحلو والله يهدي الاولاد مشكلة