اعترااافااات ريم........

[الموناليزا]

السلام عليكم ورحمة الله وبركاته


يمكن اللي بيشوف العنوان بيستغرب .......منووو ريــم...وشوو سالفتها.....

انا حطيت هالمووضووع وابي راايكم فيه....
وكل اللي يدش اتمنى انه يقرا المووضووع ويرد علينا ولو بتعليق بسيط....


ريم بنت عاديه من يوم كانت اصغيره اتعلقت بولد عمها..حبته وبعمرها ماشافت حد غيره بحياتها....
وكبرت وباذنها صوت اهلها اللي يقوولوون ريم لولد عمها وهو الها.....يعني تعلقت بواقع محكوم عليها بس رضت فيه...

المهم سالفتنا هيه انه بيوم من الايام الولد خطب بنت ثانيه وطبعا له حريه الاختيار...صرخت ريم وعارضت هالشي...وحست انها بتختنق كيف تكمل حياتها بدونه...وهيه تحلم بمستقبلها ويااه....

ريم صوتها مخنووق لمنو اتقول..ولمن تشكي وهيه اتشوف حبها ينذبح جدامها ...وروحها تنخنق وهيه ساكته...

السؤال هوه...................


هل تعترف ريم بحبها..؟؟؟؟

ام تخنق انفاسها بيدها؟؟؟


موقف ريم صعب....وريم مثال حي فحياتنا .....ليش الاهل يربطون مصير البنت بولد عمها....
والنهايه تكوون انه يتخلى عنها...ومن رايكم شالسبب اللي يخلي الاهل يسوون جذيه؟؟؟

وشو رايكم بريم وباعترافها؟؟؟

ليش يووم بيحتشر الولد وبيقوول انه ايحب افلانه ما يقوولوون شي وحال البنت العكس؟؟؟
امممممممم مادري شو آرائكم بهالمووضووع......بس بالنهااايه ريم.......انساااااانه!!



وسلامتكم واتمنى التواصل وطرح الآراء...
اختكم بونيتا......

[spy Al Alin]

البنت لازم تكون ثقيله تسوي شيء لا الحياه ليست الزواج ولد العم في هناك الف غير وسمحولي

[الموناليزا]

صحيح خوي ومشكور ع التواصل بس اللي اقصده......
شرايكم بالاهل....وليش يربطون البنيه بمصير بيدهم حكموا عليها .....وهيه مالها يد.....

فكرتك وصلت خوي اذا تقصد البنت مالها راي بس اعتقادي التطور ما لعب دور بحياتنا وعاداتنا....وهذا الواقع اللي نعيشه حاليا..

وليش برايك البنت بس اتكون ثجيله اشمعنى الاهل ما يقولون لعيالهم هالشي....من راي لو ولد عمها مكانها...ماجان قالوا شي وجان الاهل أيدو رايه ومشوا على كلامه.....

مشكور خويه ع التواصل....
اختك بونيتا...

[الغزال الشمالي]

حرام اللي يسونه الاهل فالبنت وهالشي وايد يستوي عندنا هني فالامارات وخصوصا صوب العين وبوظبي البنت مالها ذنب خلوها تتعلق في الولد وتحبه من يوم هي صغيره وعقب هو يسير ياخذ غيرها هذا ظلم واكبر حرام ...
مشكوره حبيبتي ع الموضوع ...
وربي يحفظج و يوفقج ...

[ما وطي الراس]

وعليكم السلام ورحمة الله وبركاته ..

أهلاً أختي ..

ولما تخنقه بيدها ..

فهي لم تبدأ الحيات بعد .. ولم تعش مغامراتها ..
مني تأخذها نصيحه ..
فلتتركه .. ولا تلتف للماضي .. فأنه ماضي .. راااح ولن يعوود ..
::
أن أحب الإنسان شخصاً من المستحيل أن ينساه ولكن من السهل التأقلم مع حياته الجديده ..

مهما قالوا العرب أن البنت لابن عمها ..فأنه لا يقاس مصداقيه ..
الجيل يتغير .. وقد يرى الريم كأختٍ له ..
::
أقول لها أن تنساااه .. فالله هو الذي يقسم الأرزاق .. فالطيبين لطيبات والخبيثين للخبيثات ..
ومهما تزوجت ستحب زوجها .. لأن الحب يأتي بالموده والألفه .. لا بنظره والغمزه ..
::
تذكرت غنيه أمي عندما كنت طفله ..
كانت تغنيها بستمرار حتى أن كنت غنيها ولا أعي كلماتها .. وكان الحفل يضحككون علي ..
يمي يمي يمايه ولد البحر ماباه << مقواااها ..
أبااا وليد عمي بخنيره ورداه << لولز ..
::
جميلة هذه الأنشوووده .. فهي بريئه .. لا تحتاج لغدر الزمان ..
فهو لا يستحقها .. هناك من هو أحسن منه ..
::
فالتصبر لأن هذه عادات العرب ..
تقول دائماً هذه الحكمه ..
::
فالتصبر وتتفاءل لأن الرسول قال .. تفائلو خيراً تجدووه ..
إذا فلتتفائل ..
فالخير آت لا محاال ..
::
أختكِ ما وطي الراس

[راعية العزبه]

مرحبا الساااااااع والله ^_^


هااااااااا ماوطي الراس تبينه بخنيره وردااااااااه بعد ^_^ خخخخخخخخخخخخخخخخخخخخخخخخخخخخخ


حبوبه ^_^

ان شفت منهو تحبه صد من دونك .*.*. اقرى عليه السلااااااااااااام وريح اعصااااااااابك


ويقولج بعد :


اللي يبانا عيت النفس تبغيه .*.*. واللي نبيه عيى البخت لا يجييبه


^_^

تعيش حياتها وتخليه ... وتراه الاهل ما يشوفونه هاشي هب زين يشوفونه عدل لعيالهم ^_^


لوليين ما يعرفون يتماشون ويا زمانا واللي في هالزمن بعد مايرومون يتماشوف ويا زمان لول ^_^


هذا راي ^_^


^_^ راعية العزيه ^_^

والعذر والسموحه منكم ياعرباااان زااااااايد ^_^

[مــــــا تنصــــاد]

قوليلها .......تسويله اكبر طاف محترم وتنساه

اللي خلقه خلق ملايين غيره ولا تفكر تحب شخص ثاني

والله يعوضها خير انشالله.... ويصبرهاااا يارب

وبكمل على راعية العزبه وبقووول((((قله ترى الشمس ما وقفت على كونك))))

ويوم بتكبر وبتعرس بتعرف ان هالسوالف كلها خربطان وبتضحك على روحها يوم بتذكر

الله يحفظها ويعوضها اللي اخير عنه

[oo قماري oo]

تسلمين ختيه على طرح هالموضوع الحساس ..

وشو رايكم بريم وباعترافها؟؟؟
ريم وحده بين الالف البنات اللى يتعرضن حق هالشي .. وايد كنا نسمع عن بنات محجوزات حق عيال عمهم ولما يكبرون اما البنت ما تبا ولد عمها او الولد ما يبا بنت عمه ..... وهاذي المشكله منو يتحملها ..... كلنا نقول ان هاذي مشكله اهلنا وليش يحجزون من صغار ونكبر ويكبر هالشي في عقولنا وقلوبنا .... نحن ما نلوم اهلنا .... بس الحياه تتغير مب شرات قبل ....وكلا له وجه نظر وكلن حاط مقومات ومزايا يباها في شريكه حياته او شريك حياتها ...
ولو انا مكان ريم مستحيل اعترف بهالشي لو على قطع رقبتى ....... لان واحد باعنى ببيعه وما بدزله ويه حتى لو كنت احبه لان الحب يتغير مع مرور الوقت ...

ليش يووم بيحتشر الولد وبيقوول انه ايحب افلانه ما يقوولوون شي وحال البنت العكس؟؟؟

هذا هو الواقع في مجتمعنا مب الا في هالشي في كل شي تقريبا الولد مرفوع عنه كل شي يسوي اللى يبا يسويه ومحد بيقوله شي والناس تنسي غلطه الولد بسرعه بس اذا غلطت البنت هنيه تصير كارثه وتتبعها هالغلطه لين قبرها ..

مجرد راي <<<<<<<<<<

دمتم بود
قماري

[الموناليزا]

الغزال الشمالي مشكوره خيتوو ع المروور .....ويسعدني تواجدج بمواضيعي...

ماوطي الراس ........لي عوده باذن الله ومناقشه رايكــ...

راعيه العزبه .....اسعدني مروورج الغاليه ووجهة نظر.....

ماتنصااد>>>>>>>اختي العزيزه ريم مثال حي بحياتنا وماهي الا قصه نسمعها بين خبايا البنات واسرارهن....انا كتبت هذا المثال لطرح هذه المشكله ........وبصراحه لو اعرف ريم بقولها بس ريم بخيال ولا اعرفها شخصيا>>>>جان لقيتها بوصللها فكرتج ان شاء الله....

حبيت توضيح هااي النقطه اللي بالفعل ازعجتني.....لكن اعذريني ولصراحتي جزء من حياتي.....


قماري......يسعدني اهتمامك بالمواضيع التي تحتاج نقااش....ورايج صحيح وبمكانه....وفعلا الاهل ما يقصدون هالشي بالتاكيد....
ولكن عليهم التفكير للامام..وللمستقبل

راي راح اقووله بعدين ولي عوده ان شاء الله
تحيااتي..بونيتا..

[الموناليزا]

وعليكم السلام ورحمة الله وبركاته ..

أهلاً أختي ..

ولما تخنقه بيدها ..

فهي لم تبدأ الحيات بعد .. ولم تعش مغامراتها ..
مني تأخذها نصيحه ..
فلتتركه .. ولا تلتف للماضي .. فأنه ماضي .. راااح ولن يعوود ..
::
أن أحب الإنسان شخصاً من المستحيل أن ينساه ولكن من السهل التأقلم مع حياته الجديده ..

مهما قالوا العرب أن البنت لابن عمها ..فأنه لا يقاس مصداقيه ..
الجيل يتغير .. وقد يرى الريم كأختٍ له ..
::
أقول لها أن تنساااه .. فالله هو الذي يقسم الأرزاق .. فالطيبين لطيبات والخبيثين للخبيثات ..
ومهما تزوجت ستحب زوجها .. لأن الحب يأتي بالموده والألفه .. لا بنظره والغمزه ..
::
تذكرت غنيه أمي عندما كنت طفله ..
كانت تغنيها بستمرار حتى أن كنت غنيها ولا أعي كلماتها .. وكان الحفل يضحككون علي ..
يمي يمي يمايه ولد البحر ماباه << مقواااها ..
أبااا وليد عمي بخنيره ورداه << لولز ..
::
جميلة هذه الأنشوووده .. فهي بريئه .. لا تحتاج لغدر الزمان ..
فهو لا يستحقها .. هناك من هو أحسن منه ..
::
فالتصبر لأن هذه عادات العرب ..
تقول دائماً هذه الحكمه ..
::
فالتصبر وتتفاءل لأن الرسول قال .. تفائلو خيراً تجدووه ..
إذا فلتتفائل ..
فالخير آت لا محاال ..
::
أختكِ ما وطي الراس


اختي العزيزه حاولت مرارا وتكرارا ان اجد رد يليق بردك ولكنني بالفعل اعترف باني عجزت عن الرد....
لا اعلم لماذا ولكن بالفعل ستبقى نظرتي لك نظره مختلفه عن الآخرين ويبقى لك احترامك في قلبي....وهذا ما صنعتيه اختي العزيزه بمرور الايام...

حال ما اجد الرد الشافي والذي يليق بردك ..اعلمي انني لن اؤجله ....ولكن يخونني التعبير احيانا ....
وهذه هي المره الاولى لي بالمنتدى خانني فيها تعبيري ............اعذريني اخيتي...

لكـ كل الاحترام والتقدير....
اختج ..بونيتا...

[وردة شوق]

انا اقووول انها تنساه مع انه هالشي صعب
بس ان شاء الله بيوفجها ويا غيره
وعسى ان تكرهوا شيئا وهو خيرا لكم

اختكم : وردة شوووق ..............................

[الموناليزا]

انا اقووول انها تنساه مع انه هالشي صعب
بس ان شاء الله بيوفجها ويا غيره
وعسى ان تكرهوا شيئا وهو خيرا لكم

اختكم : وردة شوووق ..............................


مشكوره ختيه ورده ع المروور....

والحمد لله الله انعم ع البشر نعمه فيه واايد منا مايقدرونها وهيه نعمه النسيان .....

تحيااتي لج اختيه...بونيتا....