خبر عاجل لجماهير العين ..!!!

[بارد النسناس]

هلا وغلااااااا ..........

نرجع لشؤون وشجون الكره العيناويه ........


الخبر يقول :

(( انهاء عقد التشيكي ماتشالا مدرب نادي العين وعين التونسي محمد المنسي مدربا والغزال الاسمر مساعدا للمدرب.... ))


انا اقول :
(( اذا العين غير المدرب وتعاقد مع الصربي نيناد يستروفيتش والبرازيلي كيلي ... واذا الفريق مارد لمستواه السابق شو الحل يعني يغيرون الاداره ..... ولا حمد بن نخيرات العامري ... مشرف الفريق .. والي اكثر الجماهير تطالب بتغييره ....))


على العموم الشيوخ والاداره ما قصرت ويا اللاعيبه ...

اللاعبين المحترفين المواطنين ... امتيازاتهم هي ..:::

1- راتب شهري قدره 30000 الف درهم .
2- تامين في حاله الاصابه ..
3- توفير فيلا او سكن ....
4- اللاعب الي وقع عقد 5 سنوات = 2مليون ونصف المليون ..
5- اللاعب الي وقع عقد 3 سنوات = 1 مليون ونصف المليون ..

يعني يا لاعب العين المواطن عليك تلعب لإسم ناديك ودولتك ..... ( واشوف العكس لا حياة لمن تنادي ميتين في الملعب ..)

بس صدقوني يا اخوان اذا الفريق تم بهاحاله .... لو اييبون رونالدو او رونالدينو ... واحسن مدرب .. ما بيسوون شي ....


عزائي .......... يرد العين لمستواه ...

والسموحه ..........

بارد النسناس

[عاشقة الدح]

بسم الله الرحمن الرحيم

ابصرااااااااااااحة الموضوع ما عليه كلاااااااااااام .. وبالنسبة للمشكلة اللي صايرة لنااااااادي العين فأنا بصرااااااحة أشوفها من وجهة نظري إن المسؤول الأول والأخير فهو للمدرب .. وبعدين اللاعبيين ..

المدرب : تفكيره غلط في غلط .. الخطط مش مااااشية مع اللاعبين .. قاعد ادخل لاعبين ناشئين دفاع وأحيانا يدخل لي ناصر خميس آخر ربع ساعة على أمل إنه يدخل جووول .. هذا يفكر بس إنه اللاعبين يدخلون أجوال في الدقايق الحرجة وبعدين محد بيقدر يغير النتيجة .. هذا تفكيير منطقي الحين .. يااااخي دخل أجووااااااال في بداية المباراة وبعد خل اللااعبين يرجعون كلهم دفااااااااع ويعتمدووون ممكن بعدها على المرتداااات .. مب حالة هاااااي..

اللاعبين : بعضهم ما يسوووون شي .. بعد ما تم التعاقد معاهم على أنهم محترفين كل واااااااحد ما قاعد يأدي اللي عليه .. مرتاحين ما وراهم شي .. رواتب محترمة مثل الناس تنزل .. أما الأندية الثانيييين رواتبهم عاديه ومحد مدلعنهم وفوق كل هذا لعبهم أحسن بوااااااايد عن لعب نادي العين

وين نادي العين يوم عبيدي بيليه وسيدو تراورري وسانجوو ولا خلااااااص .. كل شي رااااح .. متى بيرد ناااااادي العين مثل ما كااااااان .. وين أيااااااامك يالزعيم ... الدوري ما يسوى شي من دوووووووونك ... ولا ما بخاااااطرك تواجه الوحدة على نهاااااااااايته وتاخذ الدوري منه بكل فخر .. ويوقف لك كل عيناوي في ويه كل مشجع آخر سواء من وحداوي ولا وصلاوي وشرجاوي وشعباوي وغيرهم من الاندية .. ويثبتلهم إنه العين يبقى زعيم الكرة الإماراتية والآسيوية والزعيم طول عمره يبقى زعيم ..

والسمووووووووووحة على التقصييير .. واسمحلنا إذا طولنا وياااااااااك

[الكتبي]

الحين العين راح يغير مدربه ونشوف العله في منو في ماتشلا ولا في اللاعبين ؟؟

ويسلموو على هالخبر

[بدوووي حلوووو]

مشكووووووووور اخويه على الموضوع الحلوووووووو

بس انا بقولكم شي
ماتشالا ماينفع لنـــادي
ينفع لمنتخبات
شفتوا كلكم شو سوا بمتخب عماااان في كأس الخليج 17
ولا سوا شي عند العين
وهذا اكبر دليل على انه يصلح لنوادي

وبعدين بقولكم
ترا البطره تخرب واااااايد
والحين لعيبيت العين في وقت البطره شوف المعاش كم
والبيت وكل شي على النادي
الله ييب اللي فيه خييير
وان شاء الله العين يرد مثل اول واخير
والسموحه منكم

[بارد النسناس]

هلاااااااااااا ........

افا عليج يا راعيه الدح لا تقولين اح .... ماشالله عليج شكلج محلله رياضيه ...

لا حشى بالعكس ردج لو طوول بعد اخير ترانا نتباحث في امور العين كجماهير غيوره عليه ..

مشكور اخوي الكتبي .......

بدوي حلو ماتشالا مدرب قدير فاهم الكره الخليجيه .... لكن لا عبينا في الامارات بشكل خاص او الخليج

بشكل عام اذا تتدنى نتائج الفريق يشلون المدرب وفي العين حصل نفس الشيء يعني غيروا المدرب

ووفي اعتقادي لاعيبة العين يتعمدون الخساره بس علشان يشلون المدرب وسووها اكثر من مره ..

ولا الاهلي متى يفوز على العين في العين خلال السنتين الاخيرات ...


وشكرااا

بارد النسناس

[بدوووي حلوووو]

مشكووووووور اخويه على الموضووووووع الحلوووووو
بس بعدني بناقشك
يا خويه لو انته لاعب خبرني بترضا فريقك يخسر ............؟؟

بترضا فريق كل موسم تغلبه يفوز عليك ................؟؟

والسموحه منك

[وحداوي]

السلام عليكم ورحمة الله وبركاته

بدايه متأسف لدخولي موضوع لا يخصني

ولكن لدي تعقيب بسيط على الموضوع ان تكرمتم ،،

بصراحه حاولت البحث مع بعض الاخوان العيناويين عن المشاكل التي اصابة فريق العين في الفتره الماضيه وبصراحه وبدون زعل لا يوجد هناك أي اخطاء تكتيكيه من جانب المدرب ،،، على عكس الاخطاء التي ارتكبها اللاعبين شخصياً أثناء أداء المباراه ولا يتحمل المدرب خطأ أي خساره ...

إذا كانت الاسباب التي يتحملها المدرب ميلان ماتشالا في تغير مراكز اللاعبين فهنا يجب علينا أن نقف ونعلم سبب هذه " الخبصه "

- الاصابات هي المسؤول الأول عن تغيير مراكز بعض اللاعبين وأول كبش فداء كان اللاعب رامي يسلم الذي عوض مكان غيره ولعب في مكان لا يخصه وكلنا كجماهير استغربنا بدايتاً هذه التشكيله من المدرب ماتشالا وكما يقول المثل " مجبراً أخاك لا بطل " فلا يوجد لميلان ماتشالا أي حل غير تحمل هذه القضيه كسبها أم خسارتها " الجود بالموجود " ...

- تفاعل بعض اللاعبين غير مقنع بتاتاً وأخص بالذكر " سبيت خاطر " قائد خط الوسط العيناوي ، بصراحه دوره غير فعال وكما نعلم أن الكره اعتمادها الكامل على خط الوسط المغذي للهجوم والاطراف رأيناه معدوم تماماً ..

- تحامل اللاعبين على أنفسهم وأخص بالذكر اللاعب فيصل علي وللعلم أنه لم يكتمل شفاءه بصوره كامله ولكنه يتماثل بالشفاء بسبب رؤيته لتذبذب مستوى الفريق ،،، عاطفياً نشكره على الإخلاص ولكن في محمل الجد هذا خطأ يدفع ثمنه النادي ...


أسباب كثيره بالتأكيد تخفى علينا نحن كجماهير وبالتالي أتمنى عودة نادي العين لسابق عهده

والسموحه لتدخلي موضوع لا يعنيني ولكن علمت بعض الاسباب أردت أن احيطكم بها علماً ..

[راعيها]

السلام عليكم ورحمة الله وبركاته

شكراًَ على هذا الموضوع الذي يحمل هموم الجماهير العيناوية

نعم لم يعجبنا حال العين ولم نرضى بأن يكون العين بهذه الصورة المهزوزة ولكن كل شيء سيتغير الان إن شاء الله

ماتشالا ورحل والمحترفين الجدد ( يتوقع ) منهم الكثير مشكلة العين في المدرب وفي الاجانب واعتقد ان هذه المشكلة انتهت

لكن هناك عامل مهم يجب ان لانغفله وهو الاعبين المحليين .. مهما كانت الاسماء ومهما كانت الامتيازات التي يحصل عليها الاعب العيناوي فأن معظم الاعبين وصلوا لمرحلة تشبع فهم يلعبون للمنتخب وللنادي بشكل متواصل منذ خمس سنوات تقريباً ولايجدون وقت للراحة

يجب ان ندفع بأسماء جديدة في الفريق .. العين عنده القدرة المادية وعلاقاته الشخصية مع الاندية تسهل له التعاقد مع نجوم الكرة الإماراتية لتدعيم صفوفه

حالياً هذا ماينقص العين برأيي الشخصي وإن شاء الله يعود العين كما كان قوي وممتع

[بارد النسناس]

مشكورين يا اخوان تفاعلكم في موضوع نادينا ........


بدوي حلوو ....... اشكرك على المناقشه ....... بذكرك بمباراتنا ويا الاتحاد السعودي في القطاره ...

في الشوط الثاني في بدايته ضغطنا على الاتحاد لو تمينا طول الشوط جان فزنا وخذنا البطوله وهي في القطاره بس شو الي صاااار .....................


انوكاشي كان ضاغط على الدفاع السعودي وقام حبيبنا ماتشالا .... وطلعه وعقب ما تطلعه دفاع الاتحاد هو الي تسبب في ضربه الجزاء .... المدافع الايسر عدنان فلاته .... دش المنطقه و(الذكي ) غريب حارب عقه ..... وتعادلوا ...


في السعوديه ياخي مسموح لي بثلاث لعيبه اجانب ليش الاعب 2 واييلس تيخادا لو انه ماسوى شي لكن بلاعبه ماعندي مهاجمين شو اسوي العب بمهاجم واحد ...... بأي منطق وانا مطلوب مني الفوز ........!!

ويوم ردينا للدوري كنسلوا تيخادا ......... ياعرب الله بخليه يلعب الين ما تبدأ مرحله التسجيل الثانيه وعقب( بشوته)

وعقب في مباراة الاهلي الاخيره ...... يطلع فيصل ويدخل ناصر خميس ....!!!!!!!!!!!!

ليش يا ما تشالا ........ استوى مايعرف يلعب من ويبدل منو متخبط ......... كأنه اول مره يشوف الفريق .......


عقب كل هذا ما استوت ثقه بين اللاعبين والمدرب لا معنويات مرتفعه ولا شي ....... والاداره ما تبا تفنش المدرب ...

ماشي غير حل واحد ....... نخسر المباراه وعلى فكره العين سواها اكثر عن مره والمره الاخيره ويا الان بيران ..... والحين هالمدرب في الدوري الانجليزي ..... يعني العين افضل عن انديه الدوري الانجليزي ....... لا والف لا العين فريق هاوي بغلاف الاحتراف ..........

والمنسي الله يوفقه ....... لكن كمقارنه بين المنسي وماتشالا ........ لا مقارنه لكن العين شو فوا شو بيسوي ويا المنسي .........

تحياتي

بارد النسناس

[بارد النسناس]

شكراااا اخوي السلطان على المداخله ..........


وتنوير الاخوان في طريقه لعب فريق العين وهي 4-4-2 ........ ونتمنى للبنفسج النهوض من جديد ....... دعواتكم



بارد النسناس

[الخل المزوحي]

وايد حلو والله انك ok

[بارد النسناس]

تسلم يا ولد فزاع على المرور ............. بارد النسناس

[الحر_العنيد]

ماشاء الله العيناويين يزيدون.............

[بارد النسناس]

ههههههههههههههه اكيد يا ريح دبي ..............


بارد النسناس