الــرســايـــل الــ خ ـــاصـــه هل تفــ ق ــــد المنــــ ت ــــدى!!؟؟

[!!*بنت الفوعه*!!]

الرسائل الخاصّــه هل تفقد المنتدى .................!!!!




صبــــــــاح الخيــــــــــــر .......



الرسائـــل الخاصّـــه

هـــل هي َ وسيله فعـّاله في التواصل بين الأعضاء ..؟

وعلى مأمن من السريه والتحفّـظ التامّ ,,





أم أنها .,

تـُـفقد المنتدى عـُذريته ؟

خصوصا ًأنها بعيداً عن أنظار المراقبين والمشرفين !


هل تصلُنا رســائل نتمنى ساعَتها لو أنّ هذهـ الوسيله غير موجوده !


هل نسي البعض ماهو الاستخدام الصحيح لها ..؟؟







هل تظن انها لها اهميه كبيره في المنتدى ؟؟





بكـــــلـ صراحه


كم هي نسبه استخدامك لها بشكل صحيح ..؟؟

[***بدويه كسرتيم***]

مشكوره ع الموضوع يا ختيه ,,,,

أنا اشوف ان الرسايل الخاصه عادي بالنسبه لي ... لان الشخص اذا في خاطره يقول شي ما يقدر يقوله لغيره الا بواسطه هالرسائل ,,, والحلو في الرسائل أنج تقدرين تعرفين شخصيته اذا هو زين ولا لاااااا

والسموحه منج ختيه

[•¦[•الاعصار•]¦•]

وعليكم السلام ورحمة الله وبركاته


الرسايل الخاصه

لها فوائد ولها مضار

ولكن العاقل هو يدرك المغزى منها ويستغلها استغلال صحيح

فائدتها كثيرة ومنها التواصل مع الآخرين والتوصل لأشياء كثيرة تعم على العضو بالفائدة

ولها مضار العضو في غنى عنها



طرح له معايير غير مثبته مرئياً

كل الشكر

إحترامي
الإعصار

[سفير العين]

يعطيـــــج العافيـــــه أختي على الطرح الجميــــل

ونبدا بالرد على الأسئله:


هل نسي البعض ماهو الاستخدام الصحيح لها ..؟؟

هيه نعم .. ومن واقع تجربتي في المنتديات أنه أغلبيه الناس سواءا الشباب أو البنات .. يسجلون في المنتديات بس للرسايل الخاصه ... يعني الواحد منهم يدخل ويشارك للحد الي يخوله بأنه يرسل الرسايل الخاصه ويوقف ... ويبدا عاد يغازل ويتحرش ويستهبل وتبدا الشكاوي من الأعضاء وياما نصحنا هالناس بدون فايده لين ما اتوقفت عضوياتهم ويردون بنكات يديده ولا كأنه هامنهم شي .. خلصوا من مواقع الجات ويوا صوب المنتديات الي الناس تبا تستفيد منها وهالفئه ما عنها شغل غير اتشوه هالسمعه الي نعرفها عن المنتديات. فالله يهديهم.

هل تظن انها لها اهميه كبيره في المنتدى ؟؟

أكيد الها أهميه ... مثل ما قلنا أنه المنتديات للإفادة والإستفاده ... وفي بعض الأعضاء ينحرجون من أنهم يستفسرون عن شي معين قدام كل الأعضاء ... فالرسايل الخاصه تعطيهم الخصوصيه الي هم يحتاجونها.. بس أهم شي استخدام هالخاصيه بالطريقه الصحيحه .


بكـــــلـ صراحه


كم هي نسبه استخدامك لها بشكل صحيح ..؟؟

بكل صراحه وبكل أمانه ولا مره استخدمت الرسايل الخاصه في هالمنتدى ... أما في المنتديات الثانيه استخدمتها بس للرد على استفسارات الأعضاء أو إذا أنا عندي أي استفسار من عندهم.

وطبعا كلن برايه ونظرته

تحياتي لج

[!!*بنت الفوعه*!!]

تســــلمون ع الـــمرور والـــردود !!

ومثـــل مــاقلتوا لهــا فوايـــد ولها مضـــار!!


ربي يحفظكم!!

[•°× ياويــل حــالي ×°•]

مثل ماقالو خوانيه لها فوايد ولها مضاار

وانـــا فديتنـــي هب واايد استخدمهـــا

تسلمووون ع الموووضووع الحلووو