"هات ماعندك" مصافحتي الاولى

[سهيل]

هذي بدايه ألا يا من بتقراني=بعطيك ماعندي دام الشعر بيسدك
لا تقول فالشعر إن لك حكم سلطاني = تمزح معا الناس وإلا تقول من جدك
شكلك صغير(ن) تحط الوزن ب ألحاني= لا تستحي قول ليش إحمر بك خدك
إن كان قصدك تجاريني وتبراني=رح شوف لك شاعر(ن) متمكن (إ)يمدك
أياني وإياك تغلط وتحداني=كذاب من قال لك ياطفل من قدك
مرخاي عظمك وعظمي بشدته باني=مسكين ياذا الرخو ماغيري (إ)يشدك
إن جيت عاني فأنا ماجيت لك عاني=بكرمك مادمت لي كالضيف في عدك
صحيح ضيف(ن) ولكن لك وضع ثاني= هذاك وده ترا هو غير عن ودك
وده أشيله على راسي وأعياني = لكن ودك أصده مثل مااصدك
مادمت ناوي تحداني ترياني = بامد لك مد منه يستحي مدك
عشان تعرف سماي (إ)وعز عرباني=وعشان تعرف من إنت (إ)وتلزمه حدك
آنا الذي كل متمني تمناني=ماغيرك العبد والمعبود ماردك
أرقى المعالي وعزمي فوق وداني=ياذا الوطى ماوطيتك لعن أبو جدك
وإخوان شمى تراهم حسبة إخواني=وإلا السرابيت يدهم ماسكه يدك
ماني مطول معاك بحكي(ن) وماني=بترك مكاني وأخلي مثله (إ)يبدك
إن كنت ناوي خلاص (إ)وبتحداني=قد جاك ماعندي ياللا هات ماعندك

[الخيل]

سهيل

جذبني العنوان للدخول ومنعتني جزالة المعاني من الخروج دون تسجيل إعجابي

بهذه السمفونيه التي عزفها سهيل بمنتهى الروعه

مادمـت نـاوي تحـدانـي تريـانـي
،،،،، بامـد لـك مـد منـه يستحـي مـدك

روعه هالبيت بروحه عن قصيدة يالشاعر



ما اروع التحدي عندما نراه بهذه القوة



أبيات لا أجد مايصفها ،، إلا أنها ترسم اروع الحقائق بين اقلام الابداع وجزالة الحرف

أكتفي بإدراج توقيعي في سجل الحضور لا أكثر ،، فأي كلمة مدح تظل غير كافيه بحق شاعرنا سهيل

صح لســانك مليار يتليه مليار

الخيـــــــــــل

[ساس القوافي]

طبعا الزعل ممنوع ياجماعه هذا قصيد وسوالف



أسمي تربع فالشعر كل ميداني= رح أسأل أبوك من عقب اسأله جدك

يخبرك أني فالشعر عالمن ثاني=ياسعيد ألزم فالادب ياسعيد حدك

أنته وطي النفس من أصل داني=وألي شراتي فالعلا مايشوف قدك

أنته صغير العقل والمخ بك فاني=مثل البيهيمه كل شياً يردك

والا انا فالشعر من سالف الازماني=مجرى حروفي حطمه كل سدك

عديت شعرك مقصدك طالب الاثماني= وفي شاعر المليون تم اعلان طردك

لاتقوللي توزن قصيدك بللحاني= يلعن ابو جدك على من جاب جدك

انت دليه الشعر مخاوي الدلهاني= ياسعيد يالله منتظر منك ردك

[شمـوخ]

http://www.3tt3.net/up/uploads/utw17246.gif

.
.
سهيـل

اول شي احب ارحبـ بك في منتديات الهير
يسعدنا ويشرفنا انك تكون بينا
وان شاء الله تلاقي منا وبينا كل اللي يسعدك ويحوز على رضاك
.
.
وثانيا

قصيدتك روعه ماعليها كلام..ابدعتـ اخوي في كتابتها
وصح لسانكـ على هالقصيده..
ونتمنى ان نقرأ المزيد منـ ابداع قلمكـ..فلا تبخل علينا بكل ما هو جديد

.
.
خويتكمـ
شمـوخ

http://www.3tt3.net/up/uploads/BhB17362.gif

[•°× ياويــل حــالي ×°•]

ماني مطول معـاك بحكـي(ن) ومانـي
بترك مكانـي وأخلـي مثلـه (إ)يبـدك
إن كنت نـاوي خـلاص (إ)وبتحدانـي
قد جاك ماعندي ياللا هـات ماعنـدك


الصراحــــه القصيـــــــده طـــــــــر والله

رقيـــــص والله

تسلم يعطيك ألف ألف عافيه غناتي

ربي لاخلانا هالشوف

[سهيل]

إختي الخيل شكرا على الرد الجميل والمرور الاجمل

الاخ ساس القوافي,

الظاهر أخوي حصل لبس عندك أو فيك ( أرجو مراجعة وضعك )


اختي شموخ مشكوره على ردج ومرورج


ويل حالي شكرا لج والطر مرورج إختي

[سعيد الكتبي]

في بداية الامر صــح لسان الشاعر على القصيده

ثانيا الاخ ساس القوافي

ببدى من عند طردي من شاعر المليون ( على قولتك ) حتى لو إني كنت أضعف شاعر في شاعر المليون فعدد الشعراء اللي قدمو في شاعر المليون فوق الاربعةآلاف شاعر وأنا ترتيبي فيهم الثامن والاربعين يعني جدام عدد كبير من شعراء الخليج والامه العربيه

أما السوالف اللي تقول عنها فأنا اول مره أشوف سوالف بهالطريقه وهذا يدل على شخصيتك

وأما إني من أصل داني فردي عليك بسيط واللي هو انا من بن كتب واذا في رأيك إنه أصل داني فأنصحك بعدم تكرار ماقلت فسكوتي عنك لا يعني سكوت الاخرين من نفس القبيله

وأما عن لعن أبوي ويدي فلعلمك الاثنين متوفين وهذا مردود عليك

كل اللي سبق يلزمني إني أحظرك من المنتى ولكن السبب اللي بحظرك عشانه مش موجود فووق لاني بترفع عن واحد مثلك


وبحظرك لسبب إنك أصدرت كلام لا يدل على أدب أو أخلاق

العذر منك ولكن إنت من هالساعه محظور من عندي وليس من عندي الاداره واذا الاداره لها راي ثاني أتمنى إعلامي به




شكرا على مابدر منك نتيجة سمو الاخلاق فيك


حياكم الله

[•ミ المكـَـ ح ــلミ•]

سهيل

نتشرف بمصافحتك الاولى

وصح الله لسانك

وهذا لشرف كبير بتواجد شاعر مثلك بيينا

ونرقب الزود من جداك

فلا تطول علينا

وربي يحفظك

[•ミ المكـَـ ح ــلミ•]

ساس القوافي
اخطأت خطأفادحا بردك

وهذا يدل على شخصيتك

والشاعر النبيل لا يتلفظ بهاذي الالفاظ

ولا يتعدى على غيره مهما كان الا اذا كانت موجه له


طبعا الزعل ممنوع ياجماعه هذا قصيد وسوالف

اكيد الزعل ممنوع وبعد السوالف لهاحدود

والشيء الي يزيد عن حده ينقلب ضده

والان انقلب ضدك

واخ سهيل ماطرى في قصيدته اي شيء يدل على

انه القصيده موجه لك

وانت بردك عنيت الشاعر سعيد الكتبي

لانه محد في منتدى غيره شارك في مسابقة شاعر المليون

وكان قرار سعيد في محله عندما وقف عضويتك

وهذا الامر يرجع له لانه حدث الامر في مجلسه

ولا اعتراض على قرار سعيد من قبل الادارة

لانه قرار صائب 100%

[ذرب المعاني]

صح لسانك يا سهيل

وحبيت اقول لأخوي سعيد الكتبي دع الكلاب تنبح ودع القافلة تسير فانته اكبر من اطفال المنتديات بأسلوبك وبتعاملك وبأخلاقك .. وقرارك كان في مكانه وانا اييدك في هالشئ

وكلمة حاسد من غير جرم *** سمعت فقلت مري فنفُذيني
وعابوها علي ولم تعبني *** ولم يندا لها أبداً جبيني

والسموووووحه

[سهيل]

المكحل

يسلم مرورك وحضورك وردك ( أول مصافحه لي ويرد عليها المدير العام هذي تبشر بخير)


سعيد الكتبي

صح لسانك وشكرا لك على المرور


ذرب المعاني

تسلم الله يطول في عمرك وشكرا لك

[حلو السجايا]

صح لسااانك ملاااايين خووي

تسلم يمنااك ع القصيدة اللي ولا أرووع..

وأقول لسعيد الكتبي(( وش على السحاب من نبح الكلاااب))

والسموووووووحة..

[قصايد]

سهيــــــــل


صح الله لسانك يالشاااعر ولا هان منطوقك يا خويه ..

ابدعت فلا تحرمنا المزيد من ذا الابداع...


ساسا القوافي ..

لم اتوقع ابدا ان تكون هذه صورتك ..!!


سعيد الكتبي ..

ما يهزك ريح يا خويه .. والى الامام


مع التحيـــه ..

قصايـــد

[همس قلبي]

صح لسانك يالشاعر ولاهان ذا المنطووق

نرقب كل ما هو يديد من صوبك

تحياتي

همس قلبي

[طواني الهم]

صح السانك الشيخ




وما قصرت بالرد بو عسكور وانته الصراحه مفخره بن كتب كلهم

تسلم وما قصرت


وعلى سالفه طردتك على قوله الاخ احنا يكفينا بس انه واحد منا دخل شاعر المليون وين اذا كان اجتبي


تحايتي لك الشيخ

والسموحه



أختك طواني الهم...

[نصـــابه_طررر]

صـــــــــح لســـــــــــــــــانك عميه سهيـــل الصراحه والله قصيدتك طرررررررررررررر
لاهااان منطووووقك
اول مره تعيبنيه قصيده خخخخخخخخخ عميه مره ثاانيه اكتب فيه خخخخخخخخخخخ عشان تحدر موسوعة قينس خخخ
عميه ساس القوافي حراااام شحقه تقول هاجه وليش تغلط ف هله حراااام انا بغيت اطرش لك رساله عشان تمسح كلامك لاكن ماقدرت
عميه سعيــد انا اعتذر لك بالنياابه عن عميه ساس القوافي
حراام مابا حد يحط ف خاطره وخاص عميه سعيد
عميه سعيد لاتزعل منه خله يولي والله يرحم ابوك و يدك ويجعل مثواهم الجنه يارب
عميه انا بسوي برنامج المليووون
وبخليك اتكوون انته الحكم خخخ
على شرط تيب ليه سلة كافي
ولا بعد هب اي كافي ابا مال برع خخخخخ
وسلمتووواا

[صاحب الود]

سعيد الكتبي

صح لسانك ملايين ..ابيات غايه بالروعة

سجل اعجابي بكل ماتكتبة هنااا


اخوك
صاحب الوود

[نفحة الهيل]

مرخاي عظمك وعظمـي بشدتـه بانـي
مسكين ياذا الرخـو ماغيـري (إ)يشـدك

يعليه الرفقه انه القصيده طررررررررررررررررررر ولا عليها كلام وصح لسانك ولا هان ذا المنطوق ودام لراعيه


ولا تحرمنا من جديدك

[[ قلب مضنوني ]]

صح لساااانك سهيل عالقصيييييييده الحلوة



وساس القوافي

اخوووووووويه ترا هذي اللي تسمييها قصيده اقولك ترااا الشعر ما فيييه سب وخرابيط ... وان كان في خاطرك رمسه قووولها ولاتعد القصييييد الا اذا كان مشرف ................... واقولك يا بوعسكووووور رووح سيده وما عليك من حد ......................














والسمووووووووووووووحه .........................

[اللحظة الأخيرة]

أخويه سهيل

قصيده في منتهى الروعه... و نتشرف بانضمام من هو مثلك في منتدانا.. و مرحبابك الساااع

و نطمع فالزوووووود يالخوي ^^ لا تحرمنا من يديدك...

أما عن ساس القوافي سبق أن وضعت وجهة نظري فيه.. و لن أعلق لأن هذه الصفحه لأخوي سهيل و قصيدته كانت صدق غرااااااااام

بالتوفيق و نرقب اليديد......

تقبل مروري

[الاماكن كلها مشتاقه لك]

مادمـت نـاوي تحـدانـي تريـانـي
بامـد لـك مـد منـه يستحـي مـدك

صح لسانك اخوي سهيل0 قصيده جزله من شاعر جزل0

لاهنت 0ولاعدمت تواجدك ودمت نبضا للمنتدى

[نـد يـم العيــن]

قصيدة لشاعرنا سهيل قمة بالروعه


لا تستحق الا ان تكون أعلى الصفحة


نديم العين مرّ من هناا

[ولد بن كاظم]

مشكوووور خوية ع القصيدة
كلماتها رووووووووووووووووووووووووووووووعة

[ولد بن كاظم]

مشكوور خوية ع القصيدة

[][^(قرموشه)^][]

صح السانك
..
والى الأمام دوم انشالله
..
تسلم يمناك وربي يعطيك العافيه