الغلا حده...

[ظميا]

حفاظاً على قصائدي..فضلت نشرها بنفسي...فلكم الحكم...

ولكم الود...


ليـــت لـــي قــــــلب وآرده...عـــن هواهـــم لوشقــا حـــالـــي
بس قلبـــي صوبهم شـــده...ود مــاتصفـــــا لــه أحــــوالـــــي
لو دموعي فاضـن بحــــده...ماشكــــا قلبــــــي ولا يســـالـــي
بس حبه فالحشــــا صـــده...عن مفـــــارق جملـــة آمــــالــي
لو يحــول الدهــر والمــده...صابــر وله حــالــي و مـــالــــي
بــس يقــرب منــي بــــرده...و يستـــريح و عندي ما يبــالــي
لا سخــر هالفضــا بــــوده...و اعلـــي هضــــــاب وجبـــالــي
واوعــده مابَيـــحْ بســـــده... حتــى يمينـي تخاصــم شمـالــي
لوتوقــف الناس له ضــده...بخـــاصمهـــم ولا ابـــــالـــــــــي
واليـــوم أنا صايــرٍ نـــــده...يــاغنـــاتي طيـــب واصفـــالـــي
ونتي فاليـــــوف محتـــــده...وارضـــف الآهـــــات بالعــالـي
تقـرب والوصــــل مــــــده...واسعــف المشتـــاق فالحــالــي
والهجـــر خلك لنــا نـــــده...وفالبعــــــد مــابــــــاك تغــالــي
دام عرشـك فالحشـا مــده...واستبـــاح بكلــــــي و مــــالـي
شوف الغلا واصــلٍ حــده...وعليَــــه تشهــــــد أفعـــــالـــي


ظميــــا

[همس قلبي]

واوعــده مابَيـــحْ بســـــده... حتــى يمينـي تخاصــم شمـالــي


صح لسانك ولا هان منطوقج

[شمـوخ]

صح لسانج
ابيات قمة في الروعة ..تعبر عن احاسيس جميله

استمتعت وانا اقرأ قصيدج ..*_^

واتمنى نقرأ المزيد من ابداعج ..ولا تحرمينا يديدج ^_^

[عيوز مزوده]

صح الله لسانج

ابيات جميله وكلمات مميزه

نرقب الجديد والمزيد

تقبلي مرور خويتج العيوز

[ظميا]

همس قلبي...

صح بدنج...تسلمين الغالية...

اسعدني مرورج...


ظميــا

[الخيل]

ظميا

أبيات رائعة وعميقة بمشاعر راعيها

تسلمين غناتي وربي يديم هالحضور الراقي

وهالبوح المميز

تعابير عذبة وتستحق المرور

تقبلي تحياتي

الخيــــــــل

[•ミ المكـَـ ح ــلミ•]

ولنا كل الود واحترام

بالرد على قصيدتج الرائعة

والتي نسجت احساسج ومشاعرج

من خلالها

ولا يسعني

الا

أقول

صح الله لسانج

ومبدعه في ابياتج

ونرقب جديدج

بفارغ الصبر

ولنا الشرف بتواجدج بينا

[ظميا]

شموخ...

صح بدنج...

وأنا اللي امتعتني قرايتج لقصيدتي...


مشكوره

[بو ذياب]

صح لسانج والقصيده حلوه ولا عليها زود

[قصايد]

سلاااااااااامي على هذا البووح الرااائع والفريد من نوعه

ابدعتي يا غاليتي ..

صح الله لسانج ولا هنتي ... بياااض ويه يالشاااعره

يسعدنا تواجد قلمج ظمن اقلام شعراء الهير ..

لا هنتي ولا عدمناج ..

خويتج .. قصايد

[ظميا]

أختي العيوز..

صح بدنج...

وليس جميلُ أو مميز إلا ماتمرون عليه...

لاهنتي...



ظميــا

[ظميا]

الخيل...


ربي يسلمج...الغالية

وليس استحقاق المرور إلا بذائقة المار...

دمتي بحفظ المولى...

لاهنتي...




ظميــا

[صاحب الذوق]

صح لسانج ياظميا على القصيده الجميله ونتمى تواصلج الشعري على الساحه الشعريه


تحياتي لج من

صاحب الذوق

[الـمــيم]

http://www.dubaieyes.net/up/Folder-001/1167239271_123456.gif
.
•
.

•• ظميا ••

السلام عليكم ورحمة الله وبركاته

نايس نك نيم .:)

صح لسانج الغلا ... قصيده طيبه من جداج ..
رائعه وموفقه .. نتمنى ما تكون الاخيره

لج كل شكري وتقديري ..



مودتي..http://www.alhayar.com/vb/Atif_Style/alhayar/new.gif

.
•
.

http://www.dubaieyes.net/up/Folder-001/1170203085_2.gif

[كحيلان]

صح لسانج يا اختي الغلا حده

ابيات حلوه ويعطيج العافيه عليهن

واتمنى لج التوفيق





اخوج كحيلان

[ظميا]

أخوي المكحل...

صح بدنك..وربي يسلمك...

أنا كذلك لي الشرف أن اتواجد بينكم...

وكحل الله عينيك بالنظر إليه...

دمت بحفظ الرحمن...



ظميــا

[ظميا]

بوذياب...

تسلم...

وأنته اللي ماعليك زود بمرورك الطيب...

[ظميا]

قصايد...

صح بدنج

والله يبيض ويهج الغالية

وصدقيني أنا اللي يسعدني التواجد بينكم

ربي يسلمج

[ظميا]

صاحب الذوق...

صح بدنك أخوية

لاهنت على المرور المبهج

يشرفني تواجدك بين سطوري

[ظميا]

الميم

شكراً على الإطراء

وبالفعل مرور طيب مثل أصحابه

[ظميا]

كحيلان

صح بدنك

وربي يعافيك

لاهنت أخويه

[][^(قرموشه)^][]

صح السانج
..
والى الأمام دوؤوم أنشالله
..
تسلم يمناج وربي يعطيج
العافيه