لي شراتك الزعل مايليقه

[همس قلبي]

السلام عليكم

شحالكم كلا بحاله

قصيده اهداء لناس غالين علي وزعلانين واتمنى يرضون

عنوانها


( لي شراتك الزعل مايليقه )

واتمنى انها تنال على اعجابكم

ابعتـــــــــــــذر واعترف بحقك خطيت
...................... بس خل عنك هالكدر والضيقه
ابعتذر وادري بعذري مــــــــــا وفيت
...................... لكن رضاك لي انا ودي تحقيقه
السمـــــــــوحة وانا بعذري لك عنيت
........................ لان الزعل منك والله ما طيقه
قـــــــــــــول وافصح مني وش بغيت
...................... وشيل من خافقك كل تزاهيقه
ابتسم وان كنت بـــــدنياك قد شقيت
...................... ابتسم الابتسامة فرح وتبريقه
نعم احبك ومـــــــــــــن قلبي هويت
...................... والعاشق بالمحبه تقوا مواثيقه
واليوم سلمتك فـــــــؤادي لان دريت
......................... انك فريد الطبع في مخاليقه
تدري قلبي ف بيت وجسمي ف بيت
................ وانت ف غرب هالدنيا وانا فمشاريقه
كــم طلبت مـــــن خالقي وله شكيت
................... يكرمني بلقياك ولكن منه توافيقه
دخيلك تبســـــــم وعــــذري عطيت
...................... ولك مني بطيب الخاطر ترويقه
العتب ذقته بـــــــــــــــوقته واكتفيت
................... تبسم لي شراتك الزعل ما يليقه
السموحة اختم القــــاف ولك رجيت
..................... اتبسم وتشيل هالكدر والضيقه

والسموحة

هـــ م ـــس قـــ ل ــبي

[نفحة الهيل]

السمـــــــــوحة وانا بعذري لك عنيت
........................ لان الزعل منك والله ما طيقه


مــا طيقه

صح لسااانج وربي لا ياب الزعل بينج وبين عربج ..


ولا تحرمينا من جديدج

تحياتي لج

[غرشوبة البدو]

صح السااااااااانج الغاليه

وتسلمين ع هالكلماااات الحلوه

والله يعطيج العافيه

والله لايحرمنااا من يديدج

وربي يحفظج

^ــــ^

[سعيد الكتبي]

تم نقل القصيده كونها تعاني من خلل في الوزن


شدي حيلج اختي وإلى الامام

[قصايد]

معاني جميله وكلمات راااائعه .. واحساس به عذوووبه فائقه

لا هنتي يا ختيه ... اتمنى ان يستمر هذا العطاء

وان شاء الله تزووول كل هذه الكسووور مع الاستمرار

الى الامام يا ختيه ... مع التحيه

خويتج / قصايد

[همس قلبي]

السمـــــــــوحة وانا بعذري لك عنيت
........................ لان الزعل منك والله ما طيقه


مــا طيقه

صح لسااانج وربي لا ياب الزعل بينج وبين عربج ..


ولا تحرمينا من جديدج

تحياتي لج


صح بدنج

وتسليمن ع المروور

همس قلبي

[همس قلبي]

صح السااااااااانج الغاليه

وتسلمين ع هالكلماااات الحلوه

والله يعطيج العافيه

والله لايحرمنااا من يديدج

وربي يحفظج

^ــــ^


صح بدنج

وتسليمن ع المروور الغاوي

تقبلي تحياتي

همس قلبي

[همس قلبي]

تم نقل القصيده كونها تعاني من خلل في الوزن


شدي حيلج اختي وإلى الامام

مشكوور وربي لا هانك

[همس قلبي]

معاني جميله وكلمات راااائعه .. واحساس به عذوووبه فائقه

لا هنتي يا ختيه ... اتمنى ان يستمر هذا العطاء

وان شاء الله تزووول كل هذه الكسووور مع الاستمرار

الى الامام يا ختيه ... مع التحيه

خويتج / قصايد


تسلمين يالغاليه

توجدج افرحني

صح اصابتني خيبه امل يوم نقلو قصيدي

بس تواجدج افرحني

يمكن استعيلت ونزلتها بسرعه قبل لا اراجها

تسليمن ختيه ع المرور الغاوي

تقبلي تحياتي

همس قلبي

[سعيد الكتبي]

الاخت همس قلبي


اسهل طريقه لوزن القصيده ومعروفه هو وضع القصيده على لحن معروف ( يعني لحن موجود لاغنيه موجوده وليس لحن تقومين بتأليفه جديد للقصيده)

وبالتالي سوف تعرفين اين الخلل في الوزن وتقومين بحذف كلمات ووضع كلمات اخرى وجودها قد يساهم في وزن القصيده على أن يبقى المعنى ثابت ولا يتغير

مثلا انتي تقولين في البيت الاول ((ابعتـــــــــــــذر واعترف بحقك خطيت
...................... بس خل عنك هالكدر والضيقه))

وانا بكتب لج بيت يحمل نفس المعنى والمغزى ولكن بعد تغير الكلمات وهو

(( أبعتذر وأدري انا بحقك اخطيت@بس لا تخلي تسكن الصدر ضيقه))

الاعتذار في هذا البيت موجود وكذلك بقولي ادري فانا اعترفت بأني اخطيت وفي البيت الثاني هناك طلب بعد ترك الضيقه توصل إليك وتسكن في صدرك وبالتالي هنا جاء بيت موزون بنفس معنى ومغزى البيت الخاص بج

أما عن اللحن فانا وضعت لها لحن شلة عيضه المنهالي (( ليتك معي يوم(ن) ترجيت الانفاس@ أبرد الضيقه من الصدر بالعين))


وكذلك سوف تستطيعين وزن القصيده كما اردتي


تحياتي لج اختي

[الجمال الهادي]

تسلمين على الكلمات الجميله...

ومشكووووره

ولا تحرمينا على كلماتج

[بنوتة راك]

تسلمين اختيه ع القصيده

[][^(قرموشه)^][]

صح السانج
..
والى الأمام دوم أنشالله
..
تسلم يمناج وربي يعطيج العافيه