!.. الـبـنـت و اخـوهـا ..!

[LiFe in DxB]

السلام عليكم ورحمة الله وبركاتــــــــــــه ,,

شحالكن .. ؟ عساكن الابخير ؟

وايد نسمع عن البنات اللي يتاذون من اخوانهن لانهم ضاغطين عليهم .. ووايد نسمع عن البنات اللي متعلقين باخوانهن بشكل مب طبيعي .. ووايد .. ووايد .. ووايد ..

عاد انا بغيت اتخبركـن واطمن على علاقاتكن باخوانكن الاولاد ..

هل العلاقه جيده .. أم سيئه ؟

ساعات نسمع ان البنت تدعي على اخوها وتقول متى الله بيفكني منه ؟

ساعات .. البنت تستحي من أخوها بشكل مب طبيعــي

وساعات مؤسفه جدا يوم تسمعين ان البنت ما تعرف أي شي عن اخوها هالنوعيه من الناس وين عايشين ما ادري ..

فبغيت أعرف وجهه نظركم ... هل الفتاه تستطيع أن تصادق أخاها وتشاركه أسرارها ؟!؟!؟!؟!؟!


منقوووووووووووووول :idiot_alam:

[LiFe in DxB]

احم كح

انا بتكلم بكل صراحه ..

انا علاقتي بــ اخويه كانت زفته ولاجنه اخوان مانخاف ع بعض ولا انحاتي بعض ولا جنه اخوان تقدرون اتقولون اقلوبنا مب على بعضها

بس من عقب سفرتنا لي قبل الاخيره اتحسنت علاقتي وياه حتى انه يوم كان بيرد قبلنا البلاد عسب الكليه صحت خخخخخ

و يوم ردينا البلاد كانت علاقتي فــ اخويه عاديه

بس من عقب ما مرض و حسيت اني خلاص بفقده و ما بيكون عندي اخووو عرفت قدره و غلاته عندي

حتى اني ما اصدق انه من ايفج سالفه ايلس ارمس و ارمس جنه كان مختفي و فجأه طلع

خخخخخخ


احم ..

و النسبه لــ السؤال المطروح فــ الموضوع ماعرف ..!..

لنه فارق السن بيني و بينه تقدرون اتقولون كبير طشونه ..

والله اني اتمنى انه ايكون عندي اخووو اكبر عني ابسنه احس انه كشخه بنكون اكثر من الربع !!..



اتمنى من الكل انه يتفاعل ..

[همس قلبي]

انا غير عن خواتي كلهن
تلقينيه في صف اخواني الاولاد

ومراابعتنهم واحب اسمع سوالفهم
حتى خواتي يوم يبون شيء من اخواني يخلونيه الواسطه
بس هذا ما يمنع من الضرابه
ومرات يقهرونيه

وواااااااااايد اسوي مقالب وياهم
وانا واخوي دووم ملعوزين يشيبتنا


والسموحة

[رواضـي]

انااااااا احب اقعد ويااهم لنهم يبوون سوالف احناا ماسمعنااااااااااااااااااااااااهم

وطبعااا انااا عن نفسيه ماااميز عن خوااني الثاانين لنهم كلهم نفس الشـــي

تشكراااااااااااااااااااااات وتحياااااااتي

[***بدويه كسرتيم***]

أما بنسبه لي أنا واخوي كل ضرااااااااابه وضحك ودخيلج السب خخخخخخ واااايد ....
شو يعجبني فيه يووم يقولي يالله بنحوووط ... ههههههههههه والله سواااالف .... ^ــ*

هو شوي عصبي بس اقدر اضحكه يوم يكون متغيض من شي !!! هههههههه


مشكوووره ختيه ع الموضوووع الحلووو

[نفحة الهيل]

والله فديت روحج خواننا لا عدمناهم

ان قلنا متى بنفتك منهن عني انا يعني متى بيعرسون هع ابا فكاك منهن
من يشوفونيه .. فلانه يبي كندوره فلانه دوج سويج يبي ما ادري شو فلانه قولي للخدامه ما ادري شوو << فديتهم دعيت عليهم لين ما عرسوا وعلى ايديه انا يوزتهم هع ضمنت مستقبلهم

وع انهم كيف ويايه والله خويه العود استحي منه اسولف وجيه اييه واسلم عليه وشحالك وبس وان كان فخاطريه شي ابا اقوله هع اطالع الدعنه استحي منه خخخ قبل لا يعرس كيف كنت ويااه سوالف وضحك وحتى ضرابه <<معنه خويه العود ..بس من عرس استحي حتى اخزل وياه .. بس اتيني هفات اخزل ع طاير << الحين

وخويه الثاني هذا عااد خوزوا عنيه وعنه طماشه وسوالف ... ههه ايه دوم نصايف ليل .. اقوله .. كتبت قصيده شو رايك .. واعد عليه هع وطيييب فديت روحه ودومي اطفربه هع دنيا غلاسه خخخخ

وخويه إلي اصغر عنيه .. قطو وفار .. عه بس اوننا عقلنا الحين بس ادفره ويدفرنيه .. وعاد خلويه يدفرنيه 10 كيلو قداام انطر هع

وباقين يهال ..

وربي يوفقهم والحمد الله ان عنديه خوان متفهمين

[ذرب المعاني]

الحمدالله اني ويا اخواني كلهم علاقتي قوية

صح انهم معتمدين عليه وايد .. يعني ما اقر ساعه سر ورد .. بس الحمدالله احس ان لي اهميه في البيت

[البادي أظلم]

يسللموووووووو عالموضوع

بالنسبه لي انا اكبر خواني

وخويي في الثنويه بس يطفر بالواااااااااحد من الخاااااطر

صح ساعات يغمضني و اسويله سالفه بس ما ينعطون ويه <<عادي القاه منسدح عشبريته بيسوولف

وانا بطبعي ما اختلط وااااايد بخواني بحكم انهم يهاااااااال وما عندي سالفه وياااااهم

بس حليلهم يستاانسون من الخاطر يوم اعطيهم ويه ... مناك انا بموووت من القهر بس نضغط على عمارنا

وطبعا هذا ما يمنع الظرابه والحشره في البيت ..لوووووووووول


والسموووحه

خويتج

البادي اظلم

[LiFe in DxB]

ربي ايديم هالمحبه بينكم ^^

و سلمتووو و دمتووو

[Dlo0o3t_ad]

اول شي اشكرج ع الموضووع لانه الصراحه ترتوووووووب

وبخبرج علاقتي مع اخواني
اول شي انا اكبر وحده فيهم يعني كلهم صغاريه
احب سوالفهم خاصه سوالف السيايير والدراجات والبر والبحر وكل شي
مع انهم صغار يرمسون بهالسوالف
حلوه سوالف الصغار
اما اخويه اللي هو اكبر واحد في الاولاد
بخبرج الصراحه مرات اكرهه كره الله لايوريج
هو ويايه انا بس اوكيه
بس ويا اختي الثانيه تقولين توم وجيري هههه
الله يهديه هالوحيد اللي ملعوزنا

[يايه معاليكم]

اما عني

انا

ماشاءالله الاولاد اكثر عن البنات

نحن ثلاث بنات ولبنتين اكبر عني بواايد

يعني كله ايلس ويا الاولاد اصغر عني بسنتين ولد واكبر عني بسنتين ولد

يعني بين اولاد

اخويه المعرس لا ها ما اعرف لاني استحي منه اسلم واظهر
اما الي اصغر عنه واحد دوووم مغايض وياه هو يحب يغايضني و انا حك صك وياه طبعا حلوو سوالف وعلوم وضحك
اما الي اصغر عنه
الله لا يراويكم دووووووووم ظراابه ويااا بنموووت اذا ما سوينا زلزال في البيت

والتوام الي اصغر عني صرااحه هذيلا احلى شي سوالف وعلوم كلها عندي انا اول وحده اعرف منوه من الشعبيه اشترى سياره يديه ...
وسهره وياهم صباااحيه لا نخلي حمام و طيور ولا سياير و دراجات ما رمسنا فيهن

وطبعا انا مصلحجيه وياهم اكثر عن اللزوم عشان يعطوووني من حمااامهم

لآنيه اعشق شي اسمه حمام ....

[شح شح]

الله الموضوع الصرااحه واايد حلوو


انا بخبركم علاقتي بكل واحد من خواني


اول شي اخويه العود :: هذااا يووم ماابيلاقي حد يجذب عليه بيي عندي وبيخررط لين ماايقول بس ويوووم اقووله طلعني مكان ايقوول انتي انساانه حشرره مااتسكتين ومحد يعطيج ويهه

اما اللي اصغر عني :: هذااا اذاا عندي فلووس انا حبيبته اما اذاا الجيب فاااضي يلعب فيني كووره من كثر ماايظربني

اما الكتاكين الصغااار
هذيل حشره البيت وخااصه اصغر وااحد افففففففففف يقهر واايد يدلع انا مااستحمل حد يدلع عدالي وخااطري اكفخه


بس والله احبهم واكثر شي اخااف ع الكبير لاني احسه واايد متهوور خااصه ف سوااقه السيااره واايد يسرعه
وانا من النووع اللي احااتي واايد يوم ايكون سااير مكاان لازم كل نص ساعه اتصل فيه عاد هوو ايقول لو حرمتي ماابتسووي اللي اتسوويه

طولت عليكم انا لوو ارمس عنهم من اليوم لين باجر ماابسكت هذيل مغامرات


شح شح