القصيده التي القاها الشاعر ياسر التويجري في مسابقة شاعر المليون

[بو ذياب]

[السلام عليكم

مساكم الله بالخير


هذي قصيدة الشاعر السعودي المبدع ياسر التويجري في مسابقة شاعر المليون
واللي ألقاها أمام الشيخ محمد بن زايد..

ياسر كالعاده مبدع ومجنون..

ولدت ساطي ومتغطرس وأحب الخصام
============ ولا أعترف في إدارة طبع ولا مدير
أوجدت نفسي من اللاشي والانعدام
============ نبذت فالمجتمع لاني صريح وفقير
ماكان تفكيري الا كيف أخطف السنام
============ والحمد لله خطفت اليوم كل البعير
إن لم يكن مركزي بالصف الاول أمام
============ ماعاد تفرق معي لو كنت قبل الاخير
الله أكبر ولله البقاء والداوم
============ وهو الاله الاحد وهو السميع البصير
أخذت من مدرسة أحمد عليه السلام
============ مالاخذيته من مخاوى وزير وامير
وأخذت من تجربة عبدالعزيز الامام
============ وش يصنع العلم لاخاواه سيفً شطير
واخذت من فلسفة هتلرعدم اللالتزام
============ وكسبت نفسي وريحت القلق والضمير
وابشرك حالتي دايم على مايرام
============ من ركعتين الفجر الين بعد الاخير
صحيح عندي تحفظ على بعض الانام
============ مثل معمر وابو مازن وتوني بلير
لكن انا مااحب اقلل الاحترام
============ واذهب ضحية طموح الغرب وانا صغير
قومية المسلمين اللي عليها الكلام
============ راحت معا خالد وعمرو وعلي والزبير
الله ولا ذل والتخوين والانهزام
============ ياعابدين العروش الوضع جداً خطير
يابو خلف كيف حالك عل حالك تمام
============ انسى القصيد وهات علوم اخوي الكبير
شيخً عرفته وتقريباً لي اربع اعوام
============ يومني اجيه لا جاير ولا مستجير
يشوقني له نشوق الوسم عقب الحيام
============ في صفرة جوها ماهو بفية هدير
الشيخ ابو خالد محمد عداه الملام
============ اللي يصير من الاصرار مالايصير
حد الثماله اعزه لاعلي الحرام
============ اني احبه وحبٍ لودرابه يطير
يطير مثل الوحش لاضف ريشه وحام
============ وحول على الذايره بالجو مثل المغير
ان الملوك اذا اعطوك حب وغرام
============ خلوك من سائر الخدام يعني خفير
الا انت ياراعي التقدير والاهتمام
============ ياللي رحمت الصغير وشلت هم الكسير
اذا البلاط الاميري والكنب والرخام
============ له شاعرً يدهله في صبح ولا عصير
فانا دهلت الثريا والقمر والغمام
============ وحولت اداهم طرف مشلحك مالي خشير
كفرت بالناقصه والغدر والانتقام
============ وامنت باانك حزامي بالنهار العسير
من لايقدر ثباتك مع عكاك الزحام
============ ماهوبوالله مقدر ويش معاني جرير
يارا س عيطا يمسك البدء قبل الختام
============ يالنادر اللي على صيد المكارم شهير
يالمهدي المنتظر بالحاجتين الجسام
============ المدة المسكته والاخذ بيد الضرير
ياسيدي ودي افهق لك ضلوع العظام
============ واعطيك شي بصدري وانت رجل خبير
اناتراني اعاني نوب من انفصام
============ يوثر على البرمجة في راسي المستدير
واصير احس اني البارود ولا الحسام
============ في ساحة الشعر من تبوك لاقصى عسير
ممايسبب لبعض اعدائي الاحتدام
============ اللي يحسبون قرض الشعر مثل الشعير
والشعر وان كانه المقصود باول مقام
============ فالله يرحم ابو الطيب ويرحم زهير
روح التنافس وحب الشيخ والانضمام
============ ماهي بتعني لدى الكثرة نهاية مصير
والشاعر اللي معه عزوة خوال وعمام
============ تفداه وايل وترقب مستعدة مطير
والله فلا ينقهر ولا يضيق ويضام
============ لاجاء اللزز والملاقى والقبس والنذير
وجمع الدراهم ماهي باكبر طموح الغلام
============ اللي جمع من قلوب الناس شيً كثير
من حبني رغم تفويتي له الانخدام
============ واللي كرهني فهذا شخص ملعون صير
دام المعارك صغيره ماعلينا لزام
============ ينوب عن سيفي البتار اصغر جفير
قرأت فيما قرأته من بلوغ المرام
============ اللي ترك شي لله عاضه الله بخير


منقوووووووووله

[[ قلب مضنوني ]]

تسلم اخويه ابوذياب عالطرح


وصح لسانك يا ياسر التويجري

والله انه ابدع


والسمووووحه

[الموناليزا]

http://jrnas.org/uploader/uploads/cutedd.gif


::+:+:+:+::

قصيده رائعه من الشاعر

يعطيك العافيه بوذياب على نقل المميز


بالتوفيق

::+:+:+:+::


http://jrnas.org/uploader/uploads/cute1.gif

[الخييلي]

قصيده رائعه من الشاعر

يعطيك العافيه بوذياب على نقل المميز

[راعية الرنج99]

:yes: :yes: :blush: :blush: يسلمووووووووووووووووووووو

[بو ذياب]

مشكوووووووووووووورين وتسلمون على المرور