حروف ونبض

[حارس الليل]

دعوه للشعر

اعجبني وجود الشعر

واكثر مايسعدني وجود من يختال به بغرور

الشعر نبض حي لك حي

وجدان المشاعر يثار من كلمه او من نظره او احساس

يتولد الحب من الحب نفسه

لوجود جمهرة الشعراء .... اني ادعوهم لاثارة بركان الشعر




حـروف ونبـض من الـخـافي تلامـس واقـع الاقـدار
وبيـت شـامـخـا عــالي تـجـلى في الـحـسن صـــوره

على وصف السـحـابه مـن بـيـاضه والـهــوا لي دار
يمر بها عـلى الـحـضـره جـمـيـلة عـزف مـغــروره

وانا منـهـا غـشــاني ظـل تـظـلـل قـلـبي الـمـحـتـــار
وسـال الـحــرف مـن جـوفي كـتـبـته مـاولى شــوره

نسيـم الـكـيـف يـطـربـني عــلى لـمـة قــروم اوقــار
هل الشيمات والغــايه نـخــوض بـعــامـق ابـحــوره

نـداعــب لـولـو الاعـمـاق مـعـاني درهـا اعـصــــار
يتـيه ابهـا الـغـريـم بـلـيـل ويـصــبـح بـاهي بـنـــوره

وتسمعها هنوف بـشــوق بـهـيـم مـن ورى لـخـمــار
تـلاضـيــهـا وتـعـربهــا وهـي بالـعـــون مـعــــذوره

سرق سهم الشـعــاع بـقـول ثـقـيـله كـلـمة الـشـعـــار
سريـعه فـي الـصـدى تـرمي تـمـيـل الـف غـنــدوره

لـســان الـعــرب والـدعـوه قـضـية عـز ولـهـا كــار
لها الميدان يـشـهـد حـرب تـوثـق حـالـهـا اسـطــوره

بـديــنـاهــا ونـنـهـيـــهـا ولا نـنـــهي غــلا لـحـــرار
نحـب الـشـعـر بـقــدومـه وقـيــدومه مـع احـضــوره

يطـيـب وطـايبـين الحـب ضـيـوف ومالكـيـن الــدار
بمحـفل غـصـنه الاخـضـر يـمـيـل ولـلـشـعـر ثــوره

صــلاة الله .. يا خــواني عــدد ما مـيـلـت لـشـجــار
على المخـتـار مـن ربـه عـدد كـل حــرف اوســوره


كلمات : خليفه بن سليم(حارس الليل)

[الخيل]

هلا بالمغرم الهاوي هلا بالشاعر المغوار
،،،،، هلا بك عد ما أبدع خليفة وطابت سطوره



تصور حرفك وقافك بشكل المبدع وتختار
،،،،، قضية بيتك بحسك وتبدا بقول الاسطوره


ترى ما كل من غنى عرف يعزف ع المزمار
،،،،، وبين الكل يالشاعر اشوفك فقت بالصوره


ترانيم ن بدت منك طربها يسامر المنهار
،،،،، ويفرح عقب ما موته يشوفه مقارب حضوره

صح لسانك يالشاعر

وربي يديم لي هالبوح الراقي بين صفحات شعر الهير

تقبل مروري وحروفي المتواضعه


الخيــــــــــــل

[الـمــيم]

http://www.dubaieyes.net/up/Folder-001/1167239271_123456.gif
.
•
.

•• حارس الليل ••



اللهم صلي وسلم على نبيك ..




هلا باللي يوافينا حروف(ن) تهطل بأمطار=هلا به عد ما يكتب خليل(ن) صادق شعوره

هلا بالحرف والنبضي هلابه لي ملك هالدار=نزين بشوفته والله وتجي لبيات في دوره

يخطّ الشّعر هو يقصد يبّـين للشعر مقدار=يريد بنبضته يحي قوافي تعاني (إ)فتوره

نسوق الشعر لك نكتب كلام(ن) صادق(ن) مختار=يفوق الشمس بضياها يفوق الشمس في نوره

و أزيّن كلمتي ب اغلى قوافي (م) الذهب قنطار=يجي للماس هو ياخذ بريق(ن) تلفت سحوره

يهيم الشعر في شعري ويجهل فيّه هو يحتار=احصد الزين من زرعي مدام الصدق هي بذوره

وانا يا بن سليّم جيت اخاطب بالشعر شعّار=و أدري شعركم والله حكيم بحكم دستوره

شعركم هو فريد الشكل ولا مثله ابد ما صار=فريد بحسنه وشكله فريد الاصل بجذوره

نخاطب به فكر وجدان فطين(ن) م بشر لخيار=و شاعر لي فهم قصدي و باقي الناس معذوره

تطـّربي بحور الشعر و يطرب هالفكر باسرار=و ينفر مسمعي والله من اللي يكسر شطوره

جرفت حروفها شعري محيط(ن) لك بحر وانهار=وعساني بالشعر اقدر اوفي اعظم قصوره

لأن الشعر هو دايم عظيم(ن) لا حشا م انهار=ولا حرّفه هو جاهل عجز في وصف مدروره

وصلى الله على محمد نبينا هادي الابرار=عدد ما تاضي نجوم(ن) ف ليل(ن) فاحت اعطوره




مودتي..http://www.alhayar.com/vb/Atif_Style/alhayar/new.gif

.
•
.

http://www.dubaieyes.net/up/Folder-001/1167239298_Animation5.gif

[غرشوبة البدو]

:: حارس الليل ::

سلاااامي عليك وع هالابياااات الحلوه

وصح الساااانك اخويه

وتسلم يمناااااك

والله لايحرمنااااا من يديدك

وربي يحفظك

اختك
غرشوبة البدو
^ــــــ^

[نسيم الشراتي]

.



..




لي عوده


.



..

[نسيم الشراتي]

عليه الصلات و السلام ...




مراحب حي من يانا سلامن بالعطر طيار = يناجي شعره الحافل بقولن يكشف الصوره

بدا يكتب معاناته بحرفن يكشف الاسرار = يبين علتن تخفا تخلخل خافي اصدوره

تباها بالحرف و انته تقول انك من الشعار = تجرجر حرفن اتضمه و تفتح باقي اكسوره

وفاعل يالخوي ابدن ظمير ن مستتر ما صار = ولا حتى حروف العطف ابد ما هي بمجروره

اببدا حرفيه السامي بسيف ن قاهرن بتار = يقطع قلبك الحالم واخلي حلمك اسطوره

واكَسّرْ ساسه افوادك و اخلي بنيته تنهار = و اسيّل دمعة اعيونك دموع ن حيل مقوره

تعد الثانيه الي تحسب انها سنين ادهار = عدد ما شات هاللاعب بريله شوتت الكوره

واخلي يومك الهادي تهزه قوة الاعصار = و يكسر بيتك الباني و يجتل باني اقصوره

انا النسمه يلي تحمل معاها سحبت الامطار = فصيف ن ذوب البارد و خلا الناس منثوره

تدور ماية ن تطفي لهيب ن فالحشا حرار =و تروي ظامي القطره واسقي من حلا اقطوره
و ارسم بسمه الاشفاه بروح ن كلها اسرار = واخلي روحه الحلوه دويمه حيل مسروره

وابصم اسميه فقلبه و اخليها شرا لسوار = و يذكرني مدى عمره دويمه فيه محفوره

انا النسمه انا النسمه يلي دايم بها تغتار = انا من حقي اتفاخر تراني جوري ازهوره

تراني شوفة اعيونه وانا له ملجأه و الدار = و قلبي بيته السامي و انا فاليوف مغموره

انا له منوة اعيونه و مطلب مسمعه لي صار = شويقن يطلبه صوتي يطفي حرة احروره

بدوني حالته صعبه و صاير خامر ن دمار = تراني غنوته احيانه بدوني ما كمل دوره
انا ماني بحامد زيد ولاني ب احمد السيار = ولاني الاصمعي يلي مخلي الناس مبهوره

و لكن مقصدي والله اوصل حرفيه الدوار =عساه اينور اعيونك و يلبق يومك ابنوره


اعرف انك تناظر شاشتك انته تلاظي نار = ولكن يالخوي افهم علوم الحرف و اسطوره
تراني بس كنت ابغي اجرب جانيه قدّار = امدّح عمريه واكتب قصيده تشرح الصوره

تراني بنسحب والله عقب ما وصل الافكار = و خلك رايق و طوّل عقيلك و العب الكوره

و سامحني و سامحني لاني زدت فالادرار = حروفن مالها معنى قصدها بصمة احظوره




..

.



@__@ اول مره اكتب قصيده امدح عمريه فيها ..


سموحه منك و صح الله لسانك و لا هان منطوقك


نسيم الشراني



.


..

[حارس الليل]

[*olor=#000000]


هلا بالمغرم الهاوي هلا بالشاعر المغوار = هلا بك عد ما أبدع خليفة وطابت سطوره

تصور حرفك وقافك بشكل المبدع وتختار = قضية بيتك بحسك وتبدا بقول الاسطوره

ترى ما كل من غنى عرف يعزف ع المزمار = وبين الكل يالشاعر اشوفك فقت بالصوره

ترانيم ن بدت منك طربها يسامر المنهار = ويفرح عقب ما موته يشوفه مقارب حضوره

صح لسانك يالشاعر

وربي يديم لي هالبوح الراقي بين صفحات شعر الهير

تقبل مروري وحروفي المتواضعه


الخيــــــــــــل[/*olor]


[*olor=#008000]الخيل


مرحبا والله مليون

الله الله الله


ليتج كملتيها لحطها برواز

وين وصلتي ماشاء الله عليج

اشهد انج مب سهله

مابخبرج الحين انتي وين واصله

لين اشوف كم بيت تكميله لها

صبتي العوق وقربتي للمقصد

ترانيم ن بدت منك طربها يسامر المنهار = ويفرح عقب ما موته يشوفه مقارب حضوره


وين تفكيرج كان في هذا البيت؟؟

ربي يوفقج .. الطريق مب سهل

ولكن ماشي مستحيل

شاعره متميزه

دمتي بود[/*olor]

[قصايد]

عليه الصلاة والسلام


حارس الليل :

ابداع ما بعده ابداع ... تسلم اناملك الذهبيه على خط هذه الحروف الرائعه

صح الله لسانك ولا هنت يالشاعر ..

لا تحرمنا المزيد والجديد من بوحك الراقي

مع التحيه .. قصايد

[همس قلبي]

صح لسانك يالشاعر

ولاهان ذا المنطوق

[اللحظة الأخيرة]

صح لساااانك يالغالي

اشهد انك ابداااااااااااااع بالقووو

ربيه يخليك ولا هان منطوقك

نفتخر بصراحه بأن فيه شعرا فمنتدانا يرفعون حرف القصيد

نرقب يديدك بكل شوووق لا تحرمنا من تواصلك

و جميع الاخوان لي ردوا ربيه لا هانهم

السمووووووووحه

’
’
’

[عيوز مزوده]

صح لسانك يالشاعر

ولاهان ذا المنطوق

وتقبل مرور العيوز

[حارس الليل]

عليه الصلات و السلام ...




مراحب حي من يانا سلامن بالعطر طيار = يناجي شعره الحافل بقولن يكشف الصوره

بدا يكتب معاناته بحرفن يكشف الاسرار = يبين علتن تخفا تخلخل خافي اصدوره

تباها بالحرف و انته تقول انك من الشعار = تجرجر حرفن اتضمه و تفتح باقي اكسوره

وفاعل يالخوي ابدن ظمير ن مستتر ما صار = ولا حتى حروف العطف ابد ما هي بمجروره

اببدا حرفيه السامي بسيف ن قاهرن بتار = يقطع قلبك الحالم واخلي حلمك اسطوره

واكَسّرْ ساسه افوادك و اخلي بنيته تنهار = و اسيّل دمعة اعيونك دموع ن حيل مقوره

تعد الثانيه الي تحسب انها سنين ادهار = عدد ما شات هاللاعب بريله شوتت الكوره

واخلي يومك الهادي تهزه قوة الاعصار = و يكسر بيتك الباني و يجتل باني اقصوره

انا النسمه يلي تحمل معاها سحبت الامطار = فصيف ن ذوب البارد و خلا الناس منثوره

تدور ماية ن تطفي لهيب ن فالحشا حرار =و تروي ظامي القطره واسقي من حلا اقطوره
و ارسم بسمه الاشفاه بروح ن كلها اسرار = واخلي روحه الحلوه دويمه حيل مسروره

وابصم اسميه فقلبه و اخليها شرا لسوار = و يذكرني مدى عمره دويمه فيه محفوره

انا النسمه انا النسمه يلي دايم بها تغتار = انا من حقي اتفاخر تراني جوري ازهوره

تراني شوفة اعيونه وانا له ملجأه و الدار = و قلبي بيته السامي و انا فاليوف مغموره

انا له منوة اعيونه و مطلب مسمعه لي صار = شويقن يطلبه صوتي يطفي حرة احروره

بدوني حالته صعبه و صاير خامر ن دمار = تراني غنوته احيانه بدوني ما كمل دوره
انا ماني بحامد زيد ولاني ب احمد السيار = ولاني الاصمعي يلي مخلي الناس مبهوره

و لكن مقصدي والله اوصل حرفيه الدوار =عساه اينور اعيونك و يلبق يومك ابنوره


اعرف انك تناظر شاشتك انته تلاظي نار = ولكن يالخوي افهم علوم الحرف و اسطوره
تراني بس كنت ابغي اجرب جانيه قدّار = امدّح عمريه واكتب قصيده تشرح الصوره

تراني بنسحب والله عقب ما وصل الافكار = و خلك رايق و طوّل عقيلك و العب الكوره

و سامحني و سامحني لاني زدت فالادرار = حروفن مالها معنى قصدها بصمة احظوره




..

.



@__@ اول مره اكتب قصيده امدح عمريه فيها ..


سموحه منك و صح الله لسانك و لا هان منطوقك


نسيم الشراني



.


..


انا رمز الهوا والحب وجيلي كامل الافكار
انا سطر الشقا والشوق بلون حلو منظوره

انا لي بين خفق القلب وميض وعازف الانوار
ولي فوق السحب رايات ولاني لاعب الكوره

انا الباهي بوصف الزين وتلك البنت لي تحتار
من النظره جمد منها جمود الحال بعبوره

تحبس الدم في الشريان فعل من فعلها بخطار
تنسي الدين هل الاديان وهي من الذنب مغفوره

انا للمدح لا ماكان ولاكن واقعي مغوار
اناشد عالي ,,,,,,,,,,,,


لي عوده

انتظري المزيد

[][^(قرموشه)^][]

صح السانك
..
والى الأمام دوؤوم أنشالله
..
تسلم يمناك وربي يعطيك
العافيه