"لوووول"

[سعيد الكتبي]

يابنت دقيلج على الونه طبول=غني قهر "ع" اللي فقدتي غرامه
لا تكتبيلي لووول , ماهو بمعقول=حرقه فقلبج كيف تاتي إبتسامه
إن كنتي مقهوره تراني انا"cool" = والكول مبطي حارقه وإنضرامه
لووولج ترا من حالة الغيض منقول=حطي تحت منقول وإلا علامه
هذا إدعاء(ن) عندنا غير مقبول =نرفض تقمص دور للغير دامه
انا الذي مسموح لو هو كتب لوول=لني وسيع الصدر وأكبر مقامه
قدري وانا قدري ترا يصعب النول=مثلج على أرضج ومثلي غمامه
عالي وبيني وبينج أيام(ن) تحول= والعالي يوجب "ع"الدني إحترامه
اللي على راسج تحطينه إلـ حول=به تفخرين ان يوم حزتي إهتمامه
لكن اذا يزعل تنحي على طول=غلطانه لو يزعل وجيتي أمامه
ميم الاسم ممسوح بالعرض والطول=من قائمة ماسنجري للقمامه
لا تحايلين الباب والباب مقفول=حلفت مايفتح ليوم القيامه
مالج ترا من زرع الابغاض محصول=إلا العتب والحقد غير الملامه
ماكل منقول(ن) على الكف محمول=وإن صار! كان الليل ناقل ظلامه
والورد لو صابه رغم ريه (إ)ذبول=ماغير حر الشمس بيكون ضامه
وانتي وجودج كان مازال بيزول=دام الكسير أتجبرت به عظامه
ودامج خسرتي إسمعي مني القول =وإخذي من الواثق خلاصة كلامه
طلعي إرتفع عنج ولا أقبل نزول=غيرج بقوس الحب صابة سهامه
لو كان خط النت بس يعطي مشغول=كنت عرفتي منهو فاز بغرامه

[نفحة الهيل]

لا تحايلين الباب والبـاب مقفـولحلفـت مايفتـح ليـوم القيـامـه

حلييييييييييييله هوووووووو والله العظيم انك ما فيك حيييييله طرررررررررررر وكسر تيم


وصح لسانك يا شاعرنا صدق

تعرف الابداع منك يستمد الابداع

وما تقصر ولا هان ذا المنطوق

وسموحه منك ...

[سعيد الكتبي]

عاشقة زاخر


شكرا اختي الفاضله على مرورج


ولي الشف بردج الجميل


تقبلي تحياتي لج إختي

[الخيل]

ميم الاسم ممسوح بالعرض والطول مـن قائمـة ماسنجـري للقمامـه


سعيد الكتبي



شاعر ينسج من حروفه الرائعه أحاسيس العاشق

ويلحن من بين أنامله سمفونية الغرام الأبدي

فيدخل حياتنا .. بأدقّ زواياها

ينثر الشـّعر وعاليات المعاني

بخطى ثابتة ومتألقة

حضوره يؤرق كل من يطمح للابداع

لأنه يحتكر قوافي الشعر فتنحاز لكفته الراجحة بثقة سعيد الكتبي

سعيد ،،،،،،،،، صح لسانك يالشاعر

ربي لا هان قدرك دامك حي ويعل الحاضر والمستقبل يلغي مرار الماضي

يالكتبي

تقبل أعجابي ومروري

الخيـــــــــل

[سعيد الكتبي]

الاخت العزيزه الخيل


كلام كتبته يدك الكريمه لا تقوى يدي على كتابة رد مساوي او مجاري لها


فهنا انا اقول لا تعليق


اما هناك فشكرا لج

وتقبلي تحياتي

[اشتقت للامارات]

لو كان خط النت بس يعطي مشغولكنت عرفتي منهـو فـاز بغرامـه

سعيد الكتبي
صح الله لسانك

كم بكتب وش تبانى اقول ياسعيد عجز الكلام يوصفك
انته دكتور وهذا منى قول وانا تلميذ واتعلم من حظرتك
ياعذب الصفاه ياولد الاصول انته تعرف وش كثر مروعك
السموحه منك ع الخلول تر ابياتى مالها غير حصتك

السموحه منك ياسعيد ترانى مبتدء فى القصيد
وعذرنى ع هالكلام الى مايوفيك

[سعيد الكتبي]

اشتقت للامارات


سيدي حضورك يمثل قصيده بالنسبه لي

وهذي القصيده جمعت بين روعة التصوير وقوة الحظور

تسلم سيدي على مازدته من كلام على قصيدة حضورك

تقبل مني اسمى التحيات وارفعها


اخوك سعيد الكتبي

[شح شح]

صــــح اللســـانك

:clap_1: :clap_1: :clap_1:

:clap_1: :clap_1: :clap_1:

:clap_1: :clap_1: :clap_1:

تسلم اخويه ع القصيده :poster_kewlpics:


ونتريا يديدك


شح شح

[همس قلبي]

لكن اذا يزعل تنحـي علـى طـول :::غلطانه لو يزعـل وجيتـي أمامـه
ميم الاسم ممسوح بالعرض والطول ::مـن قائمـة ماسنجـري للقمامـه
لا تحايلين الباب والبـاب مقفـول ::حلفـت مايفتـح ليـوم القيـامـه

صح لسانك يالشاعر ولا هان منطوقك

على هالقصيد الغاوي

في انتضار جديدك

تقبل تحياتي

هـــ م ــس قـــ ل ــبي

[سعيد الكتبي]

الاخت شح شح


صح بدنج ملاييين إختي وشكرا على مرورج وردج الجميل


تقبلي تحياتي

[سعيد الكتبي]

همس قلبي


شكرا على مرورج إختي الفاضله


وتقبلي مني تحياتي

[ذيييبة البدووو]

صـــــــــــــح لسااانك اسميك مافيك حيله ,,

ماشاء الله عليك والله قصيدك طـــــــــر ,,

وتسلم يمناك الغاويه والله يعطيك العافيه ,,

وعسى الله مايحرمنا من قصايدك الطــــــر ,,

[سعيد الكتبي]

ذيييبة البدوو


نك نيم جميل ويوضح صوره لشخصية صاحبته


أما بمناسبة مرورج اختي الفاضله وردج المحمس والجميل فلج كل الشكر والتقدير



احترامي

[غرنجية الطرف]

سعيد الكتبي


صح الله لسانك على الرائعــه،،،
كل ماهو منـــك جميل،،،
دمت ياشيخ بإبداعك،،،
ودام خط قلمك بهذه الروعه،،،

:)

[ـهبوبـ]

صح لسانك يا الشاعر


وبانتظااار جديدك القادم

[سعيد الكتبي]

غرنجية الطرف


صح الله بدنك عزيزتي وشكرا على مرورج المشرف


دمتي بكل الود واكثره

[سعيد الكتبي]

ـهبوب


صح الله بدنج اختي وشكرا على مرورج

[قائد الفيلق]

شاعر الرصاصه


كم جميل كتاااابتك لشعر و الاروع خيالك الخصب


تقبل مروري المتواضع على صفحتك

[سعيد الكتبي]

قائد المتفيجين الاخ متفيج


يسعدني مرورك اخوي الكريم

كما اسعدني اكثر ردك الدافع والمنمي لمعنوياتي


تسلم ودمت بكل الود والاحترام

[طرفشانه]

الشاعر سعيد الكتبي

تسلم يمناك ع الابيات الغاااويه

ابيات رائعه من شاعر مميز

وربي لا هانك ع المطوق الغاااوي

وربي يحفظك

[عيوز مزوده]

مالج ترا من زرع الابغاض محصولإلا العتب والحقـد غيـر الملامـه
ماكل منقول(ن) على الكف محمـولوإن صار! كان الليل ناقـل ظلامـه


ماقولـ غير صحـ اللهـ لسانكـ

يابوعسكـو ـو ـو ـر

ولكـ خالصـ تحياتيـ

عيـوووز مـزوووده

[سعيد الكتبي]

طرفشانه


تسلمين اختي على المرور المنور

وشكرا لج على ردج الجميل


تقبلي تحياتي

[سعيد الكتبي]

عيوز مزوده


مرورج تزويد في تزويد


تسلمين ويسلم ردج الجميل


تقبلي تحياتي

[بدوية مرتبشة]

تسلــــــــــــــم يالشاعر عالقصيدة الطرررر

ونتريا يديدك

خويتك
بدوية مرتبشة

[سعيد الكتبي]

بدويه مرتبشه


الله يسلمج ويسلم غاليج

عساج القوه اختي وشكرا على ردج ومرورج الجميلين


تقبلي تحياتي

[جريح الحب]

لله درك يالشاعر ولاهنت على هالقصيدة الجزلة من شاعر جزل

بيض الله ويهك يالكتبي

تقبل مروري البسيط

جريح الحب

[***بدويه كسرتيم***]

صـــح لسااااانك يالشاعر ....

ما شاء الله عليك .... ابدعت في القصيده .... والقصيده نبر واااااان (( على قولت الهنود )) ههههههههههه

ان شاء الله نتريا قصايدك الحلوه

ختك

بدويه كسرتيم

[سعيد الكتبي]

جدريح الحب يسلملي مرورك شيخي

وصح بدنك ملايييييييين


تقبل كل التحيه والتقدير

[سعيد الكتبي]

السلطان


دايم كوول انشاالله

وشكرا لكوالتوفيق من الله لي ولك ولكل الاعضاء والاخوان انشاءاللله

[سعيد الكتبي]

بدويه كسر تيم


يسلملي مرورج اختي

وصح بدنج تسلمين على الرد والمرور


تقبليكل التحيه والتقدير

[قصايد]

شاعرنا المبدع ... سعيد الكتبي


صح الله لسانك يا خويه والله لا هان ذا المنطووووق


ما عليك زووود وما فيك حييله يالشاعر ...


لا تحرمنا جديدك يا خويه... ويا ذا الـ لووووول هب معقووووول من فنه


ختك .. قصايد

[سعيد الكتبي]

الاخت قصايد


شكرا لج على ردج الجميل اختي


وعلى مرورج كذلك

تقبلي كل التحيه والتقدير

[][^(قرموشه)^][]

صح السانك
..
والى الأمام دوؤوم أنشالله
..
تسلم يمناك وربي يعطيك
العافيه

[راعي النيسان]

ليش ماتطلع الصفحه ok

[ابدويه امبرقعه]

لووووووووووول القصيده روووووووووعه

صح لسااااانك وسلمت يمناااااااااك

ويعطيك ألف عافيه

في انتظار جديدك


^_^

ابدويه امبرقعه

[غــــموض]

يعطيك العافيه يا الكتبي وصح السانك

والله انه ابداع بعينه :rolleyes:

[غزلان2008]

يـابـنـت دقـيـلـج عـلــى الـونــه طــبــول غـنــي قـهــر "ع" الـلــي فـقـدتـي غـرامــه
لا تكتبـيـلـي لـــووول , مــاهــو بـمـعـقـولحـرقــه فقـلـبـج كـيــف تـاتــي إبتـسـامـه
خخخخخخخ القصيده ماعليها كلام طررررررررر ..
... صح لسانك صدق انك مبدع...بس ضحكتني تخيلتها تدق على الطبل وتغني من القهر
جمال شعرك في وسع خيالك الشعري
نتريا يديدك

[عبدالله بن نعمان الكعبي]

الشاعر سعيد الكتبي


شاعر مميز ومبدع ولك باع كبير فالشعر


صح لسانك

وبيض الله ويهك


وننتظر كل ما هو جديد منك