ديوان الشاعرة [ قصايد ]

[الموناليزا]

http://www.khellan.com/up/uploads/60ca3dac03.gif


::+:+:+:+::

تناغم وتناسج الحروف .. إبداع في الطرح والأسلوب .. رقي الأسلوب وفن الإشراف ..
كل هذا يجتمع في مميزة ومتميزة حلت في رحاب الهير وأستقرت بيننا بكل قوة ..
أثبتت تواجدها وبعطاءها الدائم ومساهمتها للتعديل من حال [بوح القوافي ]

هي أميرة القوافي

فأستحقت اللقب بجدارة
شاعرتنا المتميزة [قصايد] أنضمت للهير بتاريخ 24-01-2006

في ديوانها لمنتديات الهير

.
.
.

::+:+:+:+::

http://www.khellan.com/up/uploads/d920ae90ae.gif

[الموناليزا]

::+:+:+:+::.

**يالله عســـى**






يالله عسى هالعام لك سعد وتفاريـــح


ويغيب عنك ظلم اللــــيالي والايام


العمر كله...ولــك عـــمري تمانيــــح


بوهبك بمنحك..كل سعدي والابسام


يامن دخل قلبي ورسى..دون المفاتيح


ويامن سلب عيني..روحي والاحلام


ويامن ضوى دنياي كما ضو..المصابيح


بهديك أنا عمري وابصم بالإبـــــهام


يا*.....*قولي صدق..مابه تماديـــــــح


يا ابن الهير انتــه ياســـيد الانعـــــام


.

::+:+:+:+::

[الموناليزا]

::+:+:+:+::

[ الزين ]

زين ومـــا بدر مـنك أبد شــين

********زين ويزينك أصل واطباع ومعاني

بس انا محتاره من بين الاثنيـن

*********بين عقلي وشوقن بقلبي شقانــي

اتقربت لك وحطيت للحد حدين

********لأني حشيمه مافتكر بأحلام وأماني

وهب من لي يتبعن المال والزين

*********ولايهزني فلان بن فلان الــفلاني

للكلام المعسّل مسمعي به طيــن

*********هب شرات فلانه هالطبش الهواني

بنت العرب ماخون وأحلف يمين

*********ماخـون هلّيه ولا خون لي رعـاني

بصونهم وأضحك ولو قلبي حزيـن

******بكــــابر....و بحــاول انــسى جــنانــي

بس كيف انسى قلب فـ بعدي طعين

******قلـــبن ذاق مـــر دنـــيــاي و زمــــاني

شــاب من عنا الوقت شيــبه مبين

********خفــى هـــمه و كــل بسمــاته هدانــــي

مايهون بس أطلب الله لــه يعــين

*********ويغـــيّر ابقلـــبه غــلاي محلّي ومكاني

ويجمــعه ربّي بشيخــة الزين آمين

******** بالفـــرح والســـعـــد بدعيـــله تـــراني


::+:+:+:+::

[الموناليزا]

::+:+:+:+::


[color=#FF0000]** أم الشيــــــــــــــوخ **[/align]






يا الله يا ربي طلبتك ساجــــده = وارجيــك ليــت اليـه تكون ملبّــي



تحـفظ لنا يا رب امٍ قـــــايـــده = و اتــديمــها للخـــير دوم تســدّي



يا مرحبا مليــون حيل وزايــده = بأم الشـيـوخ اللي بهــا نعــــتـدّي



وأعداد ما للــرب ناسٍ عابـــده = وأعـــداد نــور من ضيـاه يهــدّي



والخير بمزون السخايا راعــده = واعـــداد ما طيــرن عـلا وامتدّي



اليوم هو تكريــم امي الجايـــده = لي نكتـب الكلــمه لهـــا ونعــــدّي



يا ام الشـيوخ القايـــده,الرايــده = يــــــا واهـبـه حــبٍ بلـــيا حـــدّي



يمناج درب الخيــر دومٍ رايــــده = ومزونــها بالخيــر نفــح الوردّي



ودومج بفعل الخير أيدج واعــده = وبالعـــلم لــج منهــاج ما ينهدّي



ومن نورج نجوم الليالي مباعدة = لأن السفر من ضي وجهج سدّي



وحروفنا بالعـــــد تبقــى زاهـــده = وليت القصــيد بشفّــج الا يسدّي



والختم من ربي طلبــت الفايـــدة = تحـفظ لنـــا أم البطــل المجـــدّي



::+:+:+:+::

[الموناليزا]

::+:+:+:+::





الحـــر طيري ولاني مجافيـه = يا جيـف أجـافي مالك الـروح



لـي في سمايـه دوم ألا جيه = ولا ريت مـنه بعــدن أو شـوح



لــي لـفانــي الــــهم ماحــيـه = يغرس بقلبـي سعـد و فـروح



غالين عندي ولاحد يساويـه = ف القلب باقي والكـل منـزوح



حلو الوصـايف زينه معانيه = ولا لـه مثيــلن فــديتــه التــوح



هو رحيمن والحبــارى تناديـه = يدمــي صدرها وينقـش جروح



ويبشر بسـعده من يخاويــه = كــل المتاعب من حياتـه اتـروح



ياناس طيري جيف اجافيه = وانــا بـــحبي ودّي ابـــــــــــوح





::+:+:+:+::
[/color][/size]

[الموناليزا]

::+:+:+:+::


العين



سلام يا دارٍ بـها روحـــي اسكـون = العيــــــن يـــا دارٍ قلبــــي هواهــــا

أعشق أنا ترابج ..رمثج والمـــزون = والغيـــث لي ينــزل ع /الارض وماها

يا روضةٍ تزهابـــج ورود وغصـون = يـــا جنّــــة بـــلادي الله يــــا حلاهــــا

فيـــها حفـيتٍ لـــه الناس يســرون = والمبــزره تبــهر كــل اللـــي لفـــاهـا

هـي جوهره ودانــه هي سحر لعيون = سبحـــان ربّي لــي خيــره عطـــاها

هـي ديـرةٍ للزيــــن ولكـــل مزيــون = العيــن دار الزيـــن قــال اللي طراها

عيـــالـها شيــوخٍ واسيـــاد يبـــقون = خــوان شمّـــا هــم ما قالـــوا آهــــا

يــاليتــني شـــروا طيــــورٍ يطيــرون = بــاطيـــر متعنــي قاصـــد سمــاهـــا

أخــاوي طيـورٍ يســوون هالكـــون = وادمي صــدور طــيور تتعمـد عــداها

والله بفديـــها بروحــي وبا صــون = بصونـــها مــن الفقـــع لـــي قصـــاها

والختـــم يا ربي يا خالج الكــون = العيـــن تحميــها من أرضها لســـماها



::+:+:+:+::

[الموناليزا]

::+:+:+:+::


**~. ليـــش الزعــــل؟؟.~**


ليش الزعل يا ولد الاحرار ؟؟**.** ليش الجفا يا خل وشفيك؟؟

لوّل تجيني عند هـــــــالدار **.** تـــــرسل رساله فيها مافيك

وياكــم فيني تكتب اشعـــــــار**.**و تعــــدها لي يـــوم ألاجيك

وارد لك وبيدي ازهــــــــار **.** معـــها قصيده فيها اجاريك

اذكــــــركلامك واذكر اعذار **.** تتــــعذر ابها يوم اجـــافيك

اتقول لي ان كنت محتار **.** تـــــروي ضمايــه ولا ارويك

تعال شوف ابداخــلي نار **.** احرقتنــــــي والرب يهــديـك

ان قلت أحبك قلبــيه طار **..** وامـــوت انــا لي قلت مابيك

ليتك لنا في حـــارتي جار **.** داخـــل عـــيوني والله اخبيك

واليوم ييـــتك اطلب اعذار **.** ارحــــــم محــبٍ هايــــمٍ فيك

أدري تحبني وادري اتغــار **.** وتدري بروحي يالغلا اشريك

ليش الزعل وشفيك وشصار؟ **.** يالله عسايه اليوم ارضيك





::+:+:+:+::

[الموناليزا]

::+:+:+:+::




**~. يا غريــــم .~**


يا غريمٍ فـ الهوى وغادي جتيـــل *~.~* يا خفـــوقٍ ذي المحبه غرتـه

ماشي فدرب الشــقى ولا قلت اميل*~.~* ترتشـــف حبٍ كعلــقم مزتــــه

ابن بر ومبـــحر افبحرٍ طويــــــــــل*~.~* بحر فيه المويــه غيـرك شلتـه

واشلك افبحرٍ تخوضه بنص لــــيل *~.~* واشلك افبحرٍ مريره عبرتــه

ما اقولك روح عن دربه وحــــــيل *~.~* بس احـذر مــ المحب ولدغته

لا تذل النفس ولا تصبح ذليـــــــــل *~.~* البــــــدوي لا بــــد يحفظ عزته

من يفكر بذلنا دمـــــــــــه يسيـــــل *~.~* كالنهر جاري وحلاها شربتــه

ارفعه راسك وقــول انا الأصـــــيل *~.~* والله من ذلني ياشينها موتتـــه

ان ذلني قلبي مــن ضلوعي بشيــل *~.~* وادوسه لوانه تعالت صرخـــته

ادري ان الحــب شروا السلســـبيل *~.~* وادري صعبه شلـّـــــته وحطتــه

وادري ادري نــظرة اعيان الخـيل *~.~* توقعك بيــن الكفــــوف وشبكته

لا تروح وتشوف لك غيره بديــل *~.~* بس كون اسباب شوقه وحرقته

ادرس حروفي وطنش قال وقـيل *~.~* والفطين يعرف وش هي حيلته؟؟



::+:+:+:+::

[الموناليزا]

**~ يا شطّــــور ~**


ما أحيد اني من اللي كل ما غنوا سهيت = اندمج بحروف ناسن تفرض الكلمه عليك

انا بنت الحر واقدر آخذك وقتن بغيت = وان بغيت اشن حربن اقتلك وانا افتديك

وان بغيت اسلب شجونك بس اعدلك كم بيت = ابتدي بكلمة حبيبي والله انا ميّت ابيك

واختم ابياتي..بآهن كم انا لجلك بكيت = والقصيده كلها كلمه وهي اموت فيك

وانت تقراها وطاير فالسما وتقول ليت = ليتني املك كنوزن كنت بحملها واجيك

وانا اقولك يا حبيبي بس انا لحبك سعيت = ما اريد كنوز والله يكفي اني لك شريك

والحين اصحى يا حبيبي واذكر اني لو بغيت = بقلب الدنيا واغيّر كل هالعالم عليك

وادري ان الحين قلبك قال: انا بس اكتفيت = والله ما يسوى علي فكرت اني اهتويك

والختم يا شطّور افهم ماني ابـ صيدن لقيت = لأني ان شلتك فبالي برخص ابيعك واشتريك

[الموناليزا]

**~. جيـــف انتـــــه .~**


يا حبيب الروح جيف انته = يا سعد هالقلب وفراحه

الوله والشوق لك شلته = عد طيرن رفرف جناحه

وكل حرفن فالشعر قلته = وعد نور الشمس فصباحه

وعد كل مخلوقن وظلته = وعد سهم الحب ورماحه

يا شفا قلبي ويا علته = شوفتك لجروحي نزّاحه

اذكر أيامن معاك انته = والله فيها الروح مرتاحه

لك قصيدي اليوم أرسلته = من شجون القلب لي باحه

يالسنافي الزين انت نلته = والخزامى منك فوّاحه

والختم ذا الجيل سلسلته = إلـ خليلن يجلب الراحه

[قصايد]

المميزه المبدعه الاخت العزيزه الكريمه

بونيتا


اخجلتي تواضعي يا ختيه بما قدمتيه هنا ..


كلماااتك تثلج الصدر علني لا خلا ولا عدم اخت عزيييزه وغاليه عليه ... بونيتا


التميز انتم اصحابه يا ختيه... ومنتدى الهير منحني الكثير والكثير ولا انسى دعمكم المتواصل لي ولشعراء الهير


اعجز عن التعبير وتفسير مدى شكري لك يا عزيزتي


لج ولإدارة منتدى الهير ولجميع المشرفين واعضاء المنتدى كل الشكر والتقدير والثناء

ختكوو ... قصايد

[الموناليزا]

تسلمين يا قصايد على كلماتج بس مره ثانيه لاتخربين الموضووع :)

لين مايكتمل الديوان الشعري يالغاليه

ألف شكر لج

[الموناليزا]

**~. وا عـــذابـــي .~**



واعذابي واحتراقي من غيابك يالحبيب= كأنها الجمره بذور ازرعتها لي فالفؤاد

ليه تقسى ليه ترسى في فؤادي ثم تغيب=ذا مكانك وش جرالـك ليـه اختـرت البعـاد

كنت تقول اني بجول فخاطرك ليمن تشيب=والبارحه وقت المسا قلبك قسى وبإزدياد

كنت اتصل بك واتصل بك واتصل وانت ماتجيب=الدمع يسبق الاتصال والخوف يهمس بنفراد

راح عنْك ارتاح منْك لا تشعل ابيوفك لهيب=واقول يا خوفي اخاف اعلنه ذا اليوم الحداد

ويقول هذا صاحبك غريب لا والله مريب=يوم يصد ويوم يود ويوم يقول الـbad ..mode

وانت تتجاهل عذابك تصرخ ان الشك عيب=والوفا لا ما جفاه مـن يوم راقد فالمهاد

وارد اقول للخوف اسكت وتبعه هـذا النصيب=تهل دمعاتي وتحاكي وجنتيني بكل وداد

والمدامع تشتكي من جرح تطلب من يثيب=وبين خفّاقي وفكري ريت نارٍ من عناد

والحبيب ماهو حبيب واشهد انه كان ذيب= واشهد اني كنت احلى صيدتٍ له بالبراد

[الموناليزا]

ظروفه




يقول مجبور وظروفي تغيرني=وكل واحد في هالدنيا وله ظروفه

وأنا يا كيف ظروفي ماتبدلني=وانا اللي دوم حاضر له وبالشوفة

كان بكلماتة يعذبني ويشوقني=ويطربني معه بالحان معزوفة

يسقيني حلو كاسه ويرويني=يصوبني بسهام الحب وسيوفة

حياتي عمري وروحي يسميني=يداعبني وع قلبي ينقش حروفة

يلملمني شرا اوراقه وينثرني=يعذبني يبعثرني وانا اشوفة

يلين ذا اليوم لي جاني يخبرني=عن ظروفن أبد ماهي بمعروفة

أنا خايف يجيله يوم و يهجرني=ويقنعني بمعاناته مع ظروفة

وذاك اليوم بقول ياربي ارحمني=وابعدها حياتن لي غدة عوفة

ولا بذكر خليلن قال يعشقني=ولو ريته ينوح ويصفق كفوفة

صرخ ندمان لا بالله ماهمني=ولا بهتم لو هو يطلب الروفة

ابيه يعرف هو الحب وش يعني=ويدوّر علثتن أقوى عن ظروفة

[الموناليزا]

الوداعي



انا ذا اليوم با قول الوداعــــي **.** لناسن حبهم ف القلب سامي

اوادعهم لظرفـــن كان داعـــي **.** وابد لا كانت اسبابي خصامي

الا كم في وصلهم كنت ساعي **.** ولا جد صـار ورديت افكلامي

ولكن القــــدر ماله ارتجـــاعي **.** سلبني منهــــم والقلب دامي

انا ونــــيت مــــن زود التياعي **.** انوح الليل وعرباني نيامي

صفقت كفوفيه وقلت الوداعي **.** يالي من ريتهم ذقت الغرامي

ألا ذا الشوق زادنيه اندفاعي **.** لحرف اللي لهم ذا الجاش ظامي

تفند حرفهم هو صار راعــــي **.** لقيفانن ونال اعلى المقامي

فريدين الاصل نسل السباعي **.** حشامن والله هم اهل الكرامي

واختــم جيليه والقلب داعـــي **.** لكم يا احباب قلبي يالحشامي

وصلوا عالنبي سيد الشفاعي **.** عليه ازكى تحيه والسلامي

[الموناليزا]

ألا يا كم ...
ألا يا كم هلّت ذي العياني *.* من همومن دفينه في خفوقي

جفاني عاشقي ابهذا الزماني *.* بعد ما كان يسري في عروقي

ذبل عمري وانا ارقب عساني *.* اشوفه وعيني الفرحه تذوقي

يا كيف اللي اوده هو شقاني *.* وانا خليته شوف وكحل موقي

غريبه كيف خلي صار جاني *.* على قلبن يغرد له بشوقي

طفا حبي بقلبه وصـــار فاني *.* بعد ما كان يضوي كالبروقي

سمعت ان الهوى ماله اماني *.* وريته بالفعل هو زاد عوقي

يا قلبي انسى هوى منهو نساني *.* خلاص ابعد تكفيني حروقي

انا مالي هنا اليوم أي مكاني *.* ابرحل وانا اسوق الشعر سوقي

يا ربي ارحمه قلبـــــن يعاني *.* مـــــن طعونن تفوق الهم فوقي

[الموناليزا]

**~ حي ذا الجيـــل ~**


يا حي ذا الجيل الذي يبري لــ عواق = فيه الكلام اللي حروفه خفايف

ريت افقصيدك حرف مجروح منساق = وهلت عليه المدامع ذرايف

تذرف دموعك والحزن فيك حرّاق = تصفق كفوفك دون طلب اللطايف

يا*...*ليّه قبل ماتهرزه اشواق = ولا حفلته حامل احلى الوصايف

بس القصيد اللي له القلب خفاق = واهوا خليلن في المعاليق نايف

عالي القدر مرتقي كل الافاق = متملكن قلبي وماقول عايف

ان غاب عني تشتعل نار الاعماق = يرتعش يمبي كأني الموت شايف

ان قلت مشتاق يعني للشعر اشتاق =دونه وحيد الدار وقول خايف

والله احبه زود عن حب عشاق = واعشق بحوره عشق ماهو بزايف

وان كان قلبك بالهوا والعشق ذاق = قسوة محبن بو خدودن رهايف

بطلبه ربي ماتذوق هم وفراق = وتعيش في راحات دون الحسايف

[الموناليزا]

رحمك الله



رحمك الله يا بوعدي رحمك الله يالضرغام **.** يعلها جنة الفردوس اهي مثواك المحتم

نعم هذي الرجوله يا فخر للعرب والاسلام **.**نعم هذي الشجاعه لي بها ذا اليوم نتحلّم

ويا خيبة أملنا يوم هو كلبن مســـك لزمام **.**لعنك الله يا بوش(ن) سفك دمع العربه دم

اهو ذا اليوم لنا خطط وقرر قــاله الاعدام **.** ألا يا أمتي وينج تعالي ليه هذا؟ وكم؟

ألا يا كيف نتحمل ويع من صابنا بسهام **.** بعد صدام ما ينفع نقول الاه ...نتندم

لأنكم للغرب صرتوا نعاج(ن) من رعاها نام **.** وبتشوفون كيف عراقنا ذا اليوم تتحطم

ابسأل ليه هذا اليوم نغطي الواقع ابـ أوهام **.** وليه اليوم يالمسلم لحكم الكلب صرت ابكم

انا والله ثرت وغضت من قالوا طفى صدام **.**ولكن لي طفى ناري انا من ريته اتبسم

[الموناليزا]

بتركك وارحل



تعبت ايرها الونه وذي الونه تعذبني= وعذابي زاد بي تعذيب يوم اللي توادعنا

وذاك اليوم ما انساه يمر الوقت يذبحني=وانا به حاير افكر تخاصمنا؟تزاعلنا؟

اشوف ايديني بيدينه يصيح يقول صدقني=ابد لا هو خصام(ن) بيننا ذا اليوم باعدنا

ولكنه القدر يجبر قليبي يقول ودعني=حبيب الروح افهمني دخيلك لا تأنبنا

اشوف دموع في عينك علامك ليه تقتلني=علامك بس تعذبني لا بالله تعذبنا

علامك تسحب ايدينك من ايديني وتبعدني=حبيبي ارجع وفكر واذكر وش لي يجمعنا

تعال وقول ياحبي منو بعدك يعوضني=حنان وحب مع طيبه غرام(ن) كان يذوبنا

يا كيف انسى حياة(ن) عشتها بالسعد تغمرني=مريحه كلها فرح(ن) وكلها أحلام تأسرنا؟

ولكن بتترك وارحل واخلي القلب يبكيني=وقول يالله يا ربي تخفف صب مدامعنا

[الموناليزا]

الحــــر



الحـــر طيري ولاني مجافيـه = يا جيـف أجـافي مالك الـروح



لـي في سمايـه دوم ألا جيه = ولا ريت مـنه بعــدن أو شـوح



لــي لـفانــي الــــهم ماحــيـه = يغرس بقلبـي سعـد و فـروح



غالين عندي ولاحد يساويـه = ف القلب باقي والكـل منـزوح



حلو الوصـايف زينه معانيه = ولا لـه مثيــلن فــديتــه التــوح



هو رحيمن والحبــارى تناديـه = يدمــي صدرها وينقـش جروح



ويبشر بسـعده من يخاويــه = كــل المتاعب من حياتـه اتـروح



ياناس طيري جيف اجافيه = وانــا بـــحبي ودّي ابـــــــــــوح

[الموناليزا]

الخيل



يا هلا والله بمــــــن قوله فريد @@ الخيل ياللي حرف كلمتها يـــسد

عداد ماللرب فالدنيــــــــا عبيد @@ وكل قصيد(ن) قاله الشاعر وعد

وعد ما نهتف بدولتنــــــا نشيد @@ وعد مامزن(ن) تهل غيث وبــــرد

وعد ما قلنا وعدينا المـــــــــزيد @@ والمزيد ازداد عــــــن قولي ورد

ردي لي بكلمه معانيها تشـــيد @@ انج الحــــــاكم لكل شعر انسرد

الحرف لي يظهر من ابياتج شديد @@ والبوح لا منه ظهــــر منّج يسد

انتي من روّضه ذا الحرف العنــيد @@ الحرف لي شافج قريبـــه يرتعد

وبالقوافي قلت لج اعلى رصـــيد @@ لا بل انها ذي القــوافي تستمد

منج احلى قاف(ن) واعذب قصيد @@ والحــــــروف اللي عليها تستند

وذي قصايد وحده امبيــن العديد @@ الشعر عشق(ن) لهم هو منفرد

تحيّر الشاعر تقــل له وش تريد؟؟ @@ وقبل لا تــبدا تجواب استــــعد

واستلم كل الرســــايل مـ البريد @@ ولا تقــول اني احـــــــــاول ابتعد

جيف ابعد والشعر يروي الوريـــد @@ لا حـــــشا لا ابتعد يـــــوم واصد

والختم انا اطلبك يـــا رب العبيـــد @@ تحفــظ لنا حاكم ديــــــاري والبلد

[الموناليزا]

منحوس ...


ساكت قليبي والحزن فيه مغموس=ساكت ويبلع همه والله ك/امواس


من حظ واقف ضده ودوم معكوس=ومن خل هايم به اهو دون مقياس


فاض الحزن منه وغدا اليوم ملموس=والكل شافه منطوي خاضع الراس


من هول مابه قال لي شوف لنفوس=ياكيف غيّر حالها برق الالماس


دايم على البيزات اهي دايم اتحوس=يمشون ع المظهر الا ويل هالناس


البعض ينشدني أنا ليه متعوس=يمسك يميني يحطني فوق ع/الراس


والبعض والله قلبه بالحقد ممكوس=منية حياتة يشوفني افـ/يوم انداس


باتت حياتي كنهاكتاب مدروس=وده يعلم هالبشر كيف الاحساس


انشدك ربي ترفق ابحال منحوس=يبغي يعيش العمر ويقول لا باس


والختم صلوا عد مانسنس الكوس=عالمصطفى الهادي على سيد هالناس

[الموناليزا]

العمـــر يمضــــي



العمر يمضي بي وأنا اطوي الاماني=واطوي حياة(ن) مالها طعم(ن) ولون

كانت حياتي بين قسوة زماني=ومابين حلم اي بنت هي اليوم فـ / الكون

يا كم هلت دمع ودم هـ /العياني=من زود هم(ن) صاب هـ /القلب وطعون

الله يسامح لي مسبب جناني=والله يردّه ذاك لي كان لي عون

قلبي كسير(ن) والحزن فيه باني=منهو بييبر جرح لي دوم محزون

ليش السعاده ماتعوّد لي ثاني=وافرح ولا كنّي انا شخص مسجون

الله على ظلم(ن) ضوى ذا المكاني=والله على ناس(ن) علي دوم يدعون

وكلت ربي ظلم ناسي وزماني=والرب هو وحده مع العبد بيكون

[الموناليزا]

ألا يـــــا حــــب ..ღஐღ


ألا يا حب لو تدري انا وش داخلي من شوق=كأن اللي عشقته هو مسبب لي معاناتي

أحبه موت ولو يخطي خطاه يكون دوم ابذوق=أحبه والمحبه ماتساوي كل عباراتي

تعال أرجوك يا خلّي بعادك سبب اليه حروق=وجرح غيابك ابيوفي دما وازدادت آهاتي

أشوف الوقت في بعدك يزوّد لي هذاك العوق=يلي منه أحس أني أموت وذي نهاياتي

حبيبي في بعادك من حياتي ذا الفرح مسروق=ولي شفته أنا زولك أوحد كل مساراتي

أروح وأتبعه قلبي لشخص إل/شوفته ايتوق=ولا أرجع أبد خطوه ولا اغير قراراتي

من جنوني بحبه قلت أكيد انه خذاني اب/بوق=واسقاني سوا حبه وغير كل حكاياتي

احس انه ليا اقبل يسوق القلب بوحه سوق=وتتداخل سطور العشق في اعذب رواياتي

ألا يا خلّي ارجعلي أنا حطمني هذا الشوق=وربي انته الأول و آخر كل غاياتي