ديوان الشاعره :: الميم ::

[يـآس]

السلام عليكم ورحمة الله وبركاته


:: الميم ::
شاعرة من الطراز الأول لها وزنها في الساحة الشعرية ..
خضع القلم لها فحمل بأحاسيسها أروع الكلمات وخط أجمل القصائد .. وتألقت بين بوح القصائد وتوجة أميرة للشعر
طرقت الميم باب منتديات الهير في 11-12-2006 ومنذ ذلك الوقت بدانا معها رحلة الحرف الذهبي ..
لها في القصائد الجزلة باع .. وازدانت قصائد شعراء الهير بردودها السخية .. لتزيد جمال المعنى معنا ً اخر .. فأصبحت حس الكلمة .. وبوح القصيد


ونتشرف بعرض ديوان الشاعره الميم .. ونستميح منها العذر



::: الميم :::

http://www.dubaieyes.net/up/Folder-001/1165491800_almem.gif


http://www.mowjeldoha.com/mix-pic/animated-borders/divider-03[1].gif

صــــــــادني ..
:

يصير ان يتغير الموقف من صايد لمصيود
تصيد شي وهالشي يرجع
ويصيدك

:

اترككم مع هالقصيده
وان شاء الله للخير مكان ..


صابني الصــّواب بمصابه
صوبت الحصـون بمصيبه
صابني صوب القلب صابه
صادني لـــي كنت باصيبه

•
°
شـافني شــروات لمشابه
لـي مشـبِّــه شِــْبه لشبيه
شـافني شبيِّــت لِحشا به
شـبّت الشـعلات المهيبه

•
°
ابتسمت اببّسمت حسابه
حاسبه لحســاب تحسيبه
ابتسمت ومبـسمي سـابه
سـايبه سهـران يهذي به

•
°
روحت روحي تبـا رحابه
راحله رحـــله بتــــرحيبه
روحت بمروحها اصحابه
وريحتنـــي فــي تراحيبـه

•
°
حبني من حـــبه لحـبابه
حَبْ حُب الحُــب لحـبيبه
حبني وحبيــت ماحــابه
حـبنـــا ماحــد يدري به

•
°
خلّـني يا خــــل بخــلابه
خافقك بخلصه واخليـبه
خلّني خـــلك ولا تاااابه
خافقي ما يحب تخريبه

•
°
يا عساك بسـعد تهنا به
عالي(ن) بعلو ترقي به
يا عساك تنهيه م عذابه
والسعد بسعد تسعي به

[يـآس]

رد :: على الشــاعر صاحب الذوق - لي تريده تقطعه - ..


مجاراه لقصيده صاحب الذوق
:: النهاية المفجعة ::


يا قصـيد(ن) لك قــوافي هي معانيــها تهاب
لك قوافـي .. للتجــافي .. لي تــريده تقطعه

ما نشـوف إلا تـمّكن ينـسـكب بــوحك كتاب
وما نشوف إلا خــــيانه نظم حــرفك يردعه

دامها قـصه اليمه .. ليش تبديــها عذاب؟؟
ما يفيد ف شـخــص خاين ما يفــيد تسنّعه

واكظم الغـيـض وتمهّل لا تـــعجل بالمصاب
الحلم طبـــــــعك وكافي كل جــاهـــل ترقعه

لو نــــقابل كل شـر(ن) بالمــقابل كان غاب
كل خير ومــا نلاقي شــخص مخلص نتبعه

ربــّك اللي بس يعلم بالــمصيبه والـــسباب
وربـّـك اللي بـــــــس يقــدر كل ظالم يجلعه

راعي الذوق بقصيده ما يــعاني من عطاب
لي نطق باحساس شعره كل حاضر يسمعه

العذر هاجت حروفي جــتك ما فيها انقلاب
يا عساك بــــــــسعد تسعد ما تعاني معمعه


:

[يـآس]

أعشقك فرطـّـا...



حي ذا الـمكـتوب لي خــطــّا
من ولــيف لاف فــي خطــّي

عـد مــا نجم لـــــمع وابطــّا
وعـد ما غيث السما يبطــّي

ساكن ٍ فــــ القــلــب وتخطــّا
لي حدود الشـــوق متخطــّي

الـكــرى فــي لــيلهـم غـطــّا
والــمدامع جـــفـــني إتغطــّي

مــا رحـمــني يـومه اشتطــّا
ما تـركبي شي ما اشــتطــّي

صــدّق اللي قـولهم غلـطــّا
قوم ياللي زيـــدهم غلـطــّي

صـابنـي مـن فـعـلهم جلطــّا
لــين كلي صار منــجلطــّي

الـغدر ما كــان لي مــوطــّا
و الوفا لزم(ن) علي أوطــّي

الصــّدق هـو بيـننا شرطــّا
والـفعل ما خالـفه شرطـــّي

رغم هــذا أعــشقه فرطــّا
وقلبه اللـي ذاب من فرطي

فـي سويـدا القلب باحــطـّا
لأن مـثــله فــيه ينـحـطــّي

[يـآس]

نبـــــــــض قلبــــك .. معركــه..

:

.. معركه ..

تختلف عن غيرها ..

معركه .. بدون ضحايا ..
بدون حزن .. وبدون مأساة ..

معركه لا ينتصر فيها ..
إلا ذوي الاحساس الصااادق ..

والمشاعر الطيبه ..
تستبيح القلب غصب بموافقته ..

عندما تبدأ .. حتمـــاً
تكون النهاية ....

:

.. الـــ ـح ـــب :



هاك قلبي يا حبيي .. واملكه .. لين الهيام = سوّ فيه اللـي تسّوه .. و بالمحبه شربكه
ما على حبّك حبيبي .. لا عتاب .. ولا ملام = ولا حشا ما يصير والله غير شخصك يملكه
إنت ياللي في حياتي .. بس وصـّلت الغرام = وأنت ياللي ..بس تمّكن.. نبض قلبي يربكه
يا حبيبي .. يا طبيبي .. والله إني مستهـام = فيك ذايب .. و كل شعري لـجل حبك أحبكه
بين قلبك .. و بين قلبي .. فالمحبه انسجام = بعد ما هاجت مشاعر .. نبض قلبك معركه
جند م الاحساس يغزو قاصد(ن) قلبي بسلام = وفرس م الاشواق تمضي درب قلبي تسلكه
لا مجال(ن) هو عطيتك ..ولا عطيتك اهتمام = شفت جيشك م يتعايا .. ونظم جندي حَرِّكه
كل ما صديت عنك .. قـمت غيـّرت النظام = و كل ما اقفيت ببعد .. شفت دربي تشركه
و زدت من صدي وبعدي . لين قالولي حرام = وشفت صبرك بالمقابل .. شي مني شوّكه
و انصدمت بصبر منـّك .. لين أبديت احترام = كل همي كان أغلب .. جند حبـّك واهلكه
لي رخت أهدااب عيني .. قمت تطري بالمنام = وآتحسف .. كيف صدي دمع عينك بكبكه
هااااك قلبي يا حبيبي .. ما يجاملك (إ) بكلام = حِس واحساسه تصادق ..ما يعاني فبركه

[يـآس]

خذه قولي يا غشيم ..




http://www.alhayar.com/vb/Atif_Style/alhayar/new.gif

.
.


عندما تمرض النفوس
وتتداعى القلوب ..

فلا فائده من الدواء ..

قصيده اكتبها لكل من يقع تحت شاكلة هذا الانسان ..
ولكل شخص .. فكــــّر ف الحب .. بطريقته

باختصـــار ..

( اصحاب النفوس الضعيفه )

والسموحه من الجميع ..

:


بكتب الاحساس بحروف الهجائي=لجل يضرب ف الفكر ثم يغزوْ
لاعب الحبلين لي يقصد ريائي=واطي(ن) قدره لو مهما يعلوْ
لي لعب ع الناس ما يحشم حيائي=ردّها لحبال عا عنقه تلوْ
لي قصد ف الناس والتفكير نائي=ينظم الابيات يحسب إنَّ قوْ
هي خساره لو اعاني باستيائي=لن مثله ما يعكر صفو جوْ
والله إنه ما يوصّل في سمائي=لو يسوي ولو يقول ولو لوْ
لأني انسب للمحبه انتمائي=وطيب اصلي واضح(ن) لو ما رأوْ
ما احاتي لو يدمرها ورائي=ويقلب الدنيا .. يورّيـها بضوْ
ما يعرف احساس قلبه العدائي=غير ياللي في قصيده ركزوْ
لي يحدني عن شراته كبريائي=وش يفيده لو يحاول بالسموْ
ما تعدّى بالفكـر خط استوائي=طايش(ن) رميه بآخر من رموْ
ما يشافي علة القلب الدوائي=غير ربي لي يجيب المدّعوْ
خذه قول(ن) يا غشيم(ن) لك نهائي=وش يحدّك ع التلاعب بالحموْ

[يـآس]

(( الفخ ))





http://www.dubaieyes.net/up/Folder-001/1167239271_123456.gif
.
•
.

:



زاد دفق القلب من ضخّـا=وزاد ضخ الشوق وجداني
حيث ادعى مابـي مرخّـا=ثم فجأه !! صرت شرقاني
لي وليف(ن) صابني شرخا=بين ضيق و حزن خلاّنـي
جاهله لي دار فـي مخّـا=ليش؟؟ يهجر خل شفقاني
كم احاول اكتـم الصّرخـا=لجل ما ازعجه باحزانـي
المدامع .. تكثـر الزخّـا=والله اني مووووت ولهاني
لين شفته وكنـت بازخّـا=بس عزة نفسـي تنهانـي
ابتعدت وقلت لها ( فرخا)=لـي يـرد لمثلكـم ثانـي
وانصدم!! وقال هو( أخااا)=ما هقيتج تنسـي الحانـي
البعد مقصوود هو ( فخّا)=لجل بعده تسكني احضاني
ولا نبضج نبيضـه آآخـا=لو يصير وكان ما كانـي
التفت والشوق بي سخّـا=وارتميت بحضـن خلانـي
قلت له يا شيييييين هالفخّا=بس والله حبّـك جناااانـي



.

http://www.dubaieyes.net/up/Folder-001/1167239298_Animation5.gif