حبــــك لبسني لبــس يني لبــس الخواتم في الصبع تــم

[اشتقت للامارات]

للعلم منقوووووووله لجمالها وكاتبها هو (قنيص اليوازى)

هاي القصه عباره عن يوميـات أربع شباب غيث, حميد, عبدالله, ومنصور وبتتعرفون أكثر عليهم في القصه


أحم أحم أنا منصور بن محمد عمري 23 وأنا انسان أحب سيرات البر والعزبه يعني مثل ماتقولون واحد بدوي كنت ساير المول محتاي كم من غرض وقلت بشتريليه عطور بالمره وكان هذا عقب صلاة العشا المهم وصلنيه مسج ويقول "هجركــم طال ياأغلى الحبايب..ودمع العين صار يازين وديــان أحبك ولو يصير الراس شايب..أحبك ولو سعت بالقلب نيران" قريت المسج وانا راقي على الدري المتحرك ويوم رفعت راسي انصدمت لا أنصعقت يوم شفت اربيعيه غيــث اللي كان مسافر لحد من هله لعلاج في تايلند
منصور وأنا مفول:: مسود الويه من متى في البلاد ولاتخبرنا؟ ولاجنه رفاقه من بينا..!!
غيث وفيخاطره" وعلامة تعجب كبيره على ويهي ماتوقعت انته اشوفه او التقيبه قبل مانتولف في خيمة ربيعنا حمدان بن سعيد..لانه عبدالله مخربني انهم يتريونيه في الخيمه":: هلا والله اخوف البقعه منور عثرك هنيه وانا مادري
منصور:: تستهبل الشيخ..؟ المهم شحالك؟ والحمدالله على السلامه من متى هنيه؟
غيث:: ياريال مالقينا حجز وما أكدولنا إياه إلا قبل البارحه الفليل والفير واصلين مثل ماتشوف
منصور:: عيل شو حايتك في المول؟؟
غيث:: والله يايب خواتي شويه
منصور" عقب مالاحظت الكومه السودا اللي وراه:: عيل مرخوص الغالي سمحلنا أخرناكم
غيث: خلاص عيل بنتلاقى خلاف في خيمة قوم حمدان

غيث زيزقرونيه بو مطــر عمري 24 اليوم الصبح وصلت البلاد وتوني ياي من تايلند لانه اميه كان عندها فحوصات...منصور وايد عزيز وغالي على قلبي ربينا رباعه المهم بتتعرفون عليه بعدين

نرجع لمنصور

منصور" خليته وسرت لباريس قاليري أول مادخلت أستلمني هذيلا اللي لابسات حمــر أسميهن الفيران الحمر ههههه حشرنيه " تعال شوف هيدا , هيدا جديد, هيدا نازل هلاْ" والله ماذاه يكرهن الواحد حياته وعشان افتك اختصر الموضوع وكلمت وحده":: لو سمحتي شو العطور اليديده عندكم..؟
الموظفه:: بدك عطور رجاليه ولانسائيه؟
منصور" شو اشوفنيه جدامها؟":: لا وانتي الصادقه طفوليه
الموظفه وهي منحرجه:: هههههه أسفه هلاء فهمت أصدك
منصور" يوم يابتلي العطور اتروحتهن وعيبنيه ثنين عطيتها جيمتهن وطلعت من المول

في خيمة حميد بن سعيد

على الساعه 10
كانوا الشباب يلعبون ورقه
منصور:: عبدالله والله أنك غشااااش
عبدالله:: لا ما غشيت ولا شي ألعب أنته
حميد:: أش عندكم أنتوا محتشرين ..؟
عبدالله:: هذاا منصور ما يعرف يلعب عدل
منصور وأنا ماسك الرموت وابدل:: أقوووول برنامج الجماهير بدااا خلنا نشووف وخل عنكم الورقه
غيث:: سرتوا نادي القطاره يوم مباراة العين والشارجه ..؟
حميد:: أفااا العين يلعب وما نسير له
منصور:: والله مباراه ماشي أحلى عنها رشيناهم بأربع أهداف
عبدالله:: أقوولكم سكتواا شوي ..
تميت أطالع التلفزيون ساكت وعلى ويهي أبتساامه كبيره والربع مستغربين ويطالعوني بتعجب … وشوي المذيع حسن حبيب يجري مقابله مع حضرة جنابي
حسن حبيب:: شوو أنطباعاتك على مباراة اليوووم ؟
عبدالله:: والله المباره حلوه ويستاهلون العيناويه هالفووز وأنته تعرف أنه من عادته الزعيم يعود للقمه وأهدي الفوز للشيوخنا ولكل عيناوي وأقول هاردلك للشرجاويه
حسن حبيب:: وشو رايك في أداء اللعيبه اليوم؟
عبدالله:: أنا قتلكم أنوكاشي حطوه خط وسط وبيلعب عدل لأنه هذا مكانه ولعيبتنا اليداد بعد ما قصروا أبدعواا بلعبهم ..
منصور:: أونه عبدالله يعرف يتفلسف بعد..
غيث:: ومسكتنا عثره هب هين ما خلا شي ما قاله
عبدالله:: هههههههه والله من الفرحه ما عرف شو أقول .. هااا أعجبكم صح
حميد:: فديت ويهك بو محمد بيضت ويوهنا برمستك جدام الشباب
غيث:: يالله خوانيه من رخصتكم بسير أحط راسيه
حميد:: أفاا توالناس وين ساير بعدنا ماخلصنا لعب الحين بنعلب كيرم
غيث:: لا والله مافيه تعبان
منصور:: إذا تبى انرخصك لازم باجر اتسير ويانا البر
عبدالله:: هيه صح في عرض طيران كشخه البر هالفتره
حميد:: هيه صدقك بنقيل هناك وبنشل الدرجات ويانا شو رايكم؟
غيث:: خلاص غايته
عبدالله:: عقب الغدا بنظهر
منصور:: يلا عيل تصبحون على خير

اليوم الثاني في البر

حميد تونا واصلين البر اللي صوب المطار كان الجو مغيم ومشاءالله خلق الله في كل مكان أنا و الربع كنا في سياره ونزلنا دراجاتنا البانشي عاد الشباب كاشخين اليوم وكل واحد يقول الزود عندي… عقب كلن ركب دراجته ويروينا مهاراته اللي مركز واللي مشخط ويل الصراحه ماعرف كيف أشرح بختصار سوينا عرض غير عن عروض الطيران من بعدها افترقنا أنا و غيث سرنا رباعه وعبدالله ومنصور رباعه

منصور:: هااا بو محمد أتسابق ؟؟!
عبدالله وأنا أأشر:: على هذاك العرقوب أوكيه
منصور" وعقب ما وصلت عالعرقوب رفعت عينيه وما لقيت عبدالله حولي!!! .. رديت نفس الدرب اللي مشيت منه ولقيت عبدالله موقف عدال ستيشن مغرزه .."
عبدالله :: منصور هالعرب يبوون العون تعال شوي
منصور:: انزين أنته أوقف عندهم بسير أييب السياره وياينك
عبدالله :: أنا أترياك
"وعقب 5 دقايق وصل منصور بالسياره ..وأنا زقرت عالدريول وقلتله شو يسوي وطلعنا السياره من عقب ما نسمنا توايرها ..
ونحن مقفين"

…….:: والله ما تشبرون شبر قبل ما تتفاولون عندنا
"أنا ومنصور ألتفتنا وجفنا حرمه مبرقعه تمينا نطالع بعض منصدمين واحالهم فرشواا الحصير وحطوا فوالتهم"
منصور:: لااا جريب خالتيه ..
الحرمه:: حراام انكم ماتروحون إلا ومتفاولين
عبدالله:: مانشتهي خالتيه
الحرمه:: أنا حلفت عليكم مب زين اتردونيه
عبدالله:: ماعاش من يردج

"سرنا عندها أنا وعبدالله وكنا منحرجين لوجود بناتها وياها بس هن اتغشن وقامن المهم حطتلنا قرص وصبتلنا جاهي حليب كلنا عشان خاطرها كنت ابا أطلع تليفوني لانيه متأكد ألف بالأميه قوم حميد بيتصلون وأن وملتفت صوب السياره لمحت بنيه ورديت وغصبن عنيه ألتفت مره ثانيه لانه الصبي الصغيروني كان يزقرها ويقولها " وديمه هاتي سفرتيه بسرعه أريد ألحق اسلم على الشباب" وهي وبدورها لفت صوبنا بتشوف إذا نحن موجودين ولا لا بالغلط يت عينيه في عينها وهي بسرعه اتغشت ويا الصبي الصغيروني:: السلام عليكم..شحالكم الشيوخ
عبدالله:: مرحبا فديتك الحمدالله وانته شحالك؟
الصبي:: طيب طاب حالك..(( ولف صوبي وقال)):: شحالك الشيخ؟
منصور:: بخير ربيه يسلمك ومن صوبكم؟
الصبي:: الحمدالله مانشكي من باس
الحرمه:: انزين ماقلتولي انتوا عيال منو
عبدالله:: الله يسلمج أنا عبدالله بن محمد بن فلان الفلاني وهذا منصور بن أحمد الفلاني
الحرمه:: والنعم والله وسبعة أنعام..
منصور:: خلاص خالتيه نحن نترخص وسمحولنا غثيناكم
الحرمه:: يبالكم ضرب نحن اللي غثيناكم
عبدالله:: هههههههه لا والله تعبكم راحه مع السلامه عيل
الحرمه:: الله يحفظكم وسلموا على أهلكم حمد فديتك قم وصلهم
حمد:: إنشـاءالله أمايه

مشينا أنا وعبدالله ركب عبدالله البانشي وسبقني صوب قوم حميد وأنا راكب السياره اتذكرت البنت وسألته:: حمد ولد منو انته؟؟
حمد:: ولد مبارك الفلاني
منصور حسيت انه الأسم مب غريب عليه:: والنعم والله ريال مشاءالله عليك

وأنا ساير صوب الربع شغلت المسجل وصدف انها غنية حسين الجسمي " خزيني بوعين ميذوبه غرنجي الطرف جذابـــــــــي" نزلت من السياره واشوف غيث مشطط ويهازب

غيث:: شو هذا هليه يتريوني وانتوا ماخذين السياره وتشخطون ويلات فيها
منصور "كنت منصدم من غيث وعصبيته شو بلااه هذا؟؟" :: بلاك ياريال شوي شوي
غيث:: قوم عمتيه يتريونيه اطلع السياره لأنها مغرزه وانتوا حظرتكم تلعبوبها
منصور:: جذاب قول والله..؟ أنا وبو محمد تونا مطلعين سيارة عرب مغرزه بس ماظني هلك
غيث في خاطره "يافضيحتيه خواتي وبنات عمتيه يايات بورحهن وماعندهن ريال إلا حمد":: صبر بتأكد (( واتصل لهم وعرف انهم هم))
غيث" وأوجه كلامي لمنصور":: منصور هيه انتوا هذيه عمتيه تطريكم انته وعبدالله…((ويرد يكلم عمته)) هيه الغاليه هم ربعيه…خلاص برايكم
منصور:: احم احم شفت انه خوينك خوان شما..؟!
غيث:: ماقصورتوا والله عمتيه يالسه إلا تمدح فيكم وحمد استانس عليكم وايد

خطف هاليوم عليهم بسرعه ومثل مايقولون الأوقات الحلوه أتمر بسرعه


شو رايــكم في الجزء؟
نتريا تعليقاتكم لاتبخلون علينا



شو رايكم من الجزء..؟!

[الولايات المتحده البدويه]

عدني ماقريتا بس امبين علييها حلووه
بقرااها وبردلكم

[العيون السود]

تسلم اخويه على القصة
ومن بدايتها حلوة

ياريت تكملها بسرعه


والله يعطيك العافية

[همس قلبي]

اشتقت لو سمحت

ابا التكمله بسرعه

ما فيا صبر

والسموحة

[العيون السود]

نتريااا التكملة

[العيون السود]

نتريااا التكملة

[اشتقت للامارات]

السلام عليكم
شحالــكم عســاكم بخير
هـذا الجزء اليديد من صوبي وإنشاءالله يعيبكم

بعد مرور أسبوعين من سيرت البر....
في بيــت منصور
كان الضحى بالتحديد في حجرتيه حميد حرق تليفونيه بالاتصالات كان يباني ألتقي وياه.. اتسفرت وشليت السويج ونزلت لقيت أمايه مشتطه
منصور:: مرحبا امايه بلاج الغاليه
أم منصور:: زين يوم نزلت من الصبح اتصل بالدريوليه واحد في العزبه والثاني سار اييب خوانك والثالث مغلق تليفونه الله يبحصه
منصور:: امايه مب زين تدعين عليه المهم انا مستعيل بسير عند ربيعيه حميد
أم منصور:: مسود الويه بدال ماتقولي شو تبين تبدي ربيعك عليه
منصــور:: والله يامايه مواعدنه وماروم اتحير عليه
أم منصور:انزين انا مابحيرك أباك تيبليه حايه واكيد حميد مابيقول شي
منصور:: خلاص يلا أنا بسير كارفور وبتصلبج خلي التليفون عندج (( وأنا ظااهر قلت)):: حشى الواااحد من يدخل البيت مايتفجج من الطلبااات من أم لين خوات لين خواااان
طلعت وانا معصب أبويه ماقصر بدال الدريول ثلاثه واحد للعزبه والثاني لسيراتهم اللي ماتوقف والثالث مال مدارس ولمشتريات البيت...طرشت مسج لحميد وقلتله أنيه عقب ربع ساعه بييه.. المهم دخلت كارفور واتصلت بها خبرتني شو تبى وماقصرت بعد دلتني مكاان الغرض اللي تباه...وقبل ما أحاسب سرت صوب ثلاجة العصير أخذ "أورنمين سي" سعمت حد يرمس " ودووووووووووووم تبين من هذا العصير؟؟....وردت عليه::لا ماريد من هالعصير أريد عصير طازج من الصوب الثاني" من سمعت حســها حسيت بشي غريب جني أعرف هالصوت من زماااااان ألتفت صوبهم
حمد:: حيالله منصوور شحالك ياريال
منصور " مشاءالله عليه رمسته أكبر عن عمره":: الله يحيك شحالك الغالي؟
حمد:: الحمدالله ومن صوبكم؟
منصور:: والله بخير يوم شفناكم "ورفعت عيوني صوب وديمه..وقلت خلني اتخبر عن اللي وياه شو اتصيرله" فديتك حمد هاي أمك ))بالعمااله أوني حركااات هههههههه((
حمد:: لا أمايه في البيت هاي وديمه بنت عموه اللي أمها فاولتكم يوم كنتوا في البـر
منصور " صدق انك ياهل":: هيه سمحيليه الشيخه تحسبتج عمة غيث"
وديمه " ياويلي الحين هذا يعرف غيث وغيث لو يدري اني يت بروحي مع حمد والبشكااره بيحش ريولي حــِش":: بالحل..يلا حمد تعال بنحااسب
منصور:: حرااام انكم ماتدفعون ولابيزه داامني هنيه
وديمه" وين يبااا هذا؟؟؟ يحولف بعد":: لا مشكور اخويه يلا حمد
منصور" مصرره هذي":: لا أنا حلفت ومب زين تردونيه
وديمه:: مره ثاانيه إنشـاءالله
المهم انا حااسبت وتفشلت من الحركه اللي سويتها وظهرت لانيه اتحيرت على حميد
نزلت الأغراض فالبيت ..وأنا في موتريه أتصلت بحميــد
منصور:: السلام عليكم أشحااالك ؟
حميد:: وعليكم السلام ..وحالي يسرك
منصور:: هاا وين انته؟
حميد:: أنا في ستار بكس
منصور:: اللي في المول؟
حميد:: لا اللي في كارفور
منصور:: غايته دقاايق وانا عندك
بعد السلام والسوالف العاديه قلت:: حميد شو كنت تبغيني؟
حميـد بأبتسامه:: شو تتوقع ؟
منصور:: لاتقولي سوالف أسهم!!
حميد:: لا وين رحت بعيد..امممم وحده حشرتني من يومين مادري من وين يايبه رقميه واتقولي شافتك مره في المول و ودهاا اتكلمك
منصور:: ههههه ضحكتني شو هااي نكته؟؟
حميد:: لا والله ارمس جــد
منصور:: قولها جلبي ويهج
حميد:: والله شكلها عندها سالفه 24 سااعه تتصل وإذا مارديت عليها أطرش مسجاات
منصور:: خبييييبه ماذاه هب متفيجلها أنا
حميد:: شوفها شو تبى وعقب أقلعها
منصور:: هزرك؟
حميد:: خذ رقمها*******
منصور:: اووووب رقمهاا طرر بشتريه من عندهاا ههههههه
حميد:: قول إلا منقع هاهاههااهاها
حميد " عقب ماعطيته الرقم تمشينا وكل واحد رااح في طريجه بس قبل ما أسير أصريت عليه عشاان أعرف شو سالفة هالخاامه فضوول فيني عاد أنا"
في بيت منصور
قبل الغداا
أم منصور:: هيـد هيد يامنصور لين ما أيي أخوك خالد
منصور:: ياربي أنا اللي يقهرني أنه يوم أيي يقول لا ماريد أكل ما أشتهي
أم منصور:: أخوك العود هذا عيب عليك تطريه بهالرمسه
منصور:: قوى عووده هالعود...الحين أنا شو قلت..؟؟
ام منصور:: منصور عن الصدعه سير حجرتك لين ما يتولفون
منصور" سرت حجرتيه وقعدت ألعب في التليفون أتذكرت المقلوعه اللي خذت رقمها اليوم من عند حميد وقلت خلني اطمش لين مايزقروني للغداا"
أتصلت وماردت عليه .. وشوي أنها متصله
منصور:: مرحباا السااع
........"بصوت ناعم":: مرحبتين أخويه
منصور وفي خاطره " اونها محترمه ":: شحالج الشيخه؟
......:: أسمي علياا لوسمحت..المهم بخير وانته؟
منصور:: الحمدلله بخير معاج منصور
عليا:: حياك الله شوعلومك؟
منصور::أنا ماحب اللف والدورااان شو بغيتي مني
عليا:: بسم الله شوي شوي عليه
منصور:: انزين شو بغيتي لانه ماعندي وقت
عليا:: خلاص عقب ماتفضى اتصلبي
منصور:: يصير خير
عليا:: مع السلامه الغالي
منصور:: بااااي
عليا:: منصـــور!!
منصور:: هاااا؟؟
عليا:: تحمل على عمرك
منصور" سكرت عنها حشى هب بنت هاااااي من أولها لو أقص عليها وأقولها أني أحبج شو بتسوي....عقب الغداا حطيت راسي وعلى العشاا اتيمعنا في خيمة حمداان بن سعيد ويا الربع"
عبدالله:: شفتوا الــ bmw اليديده؟؟
غيث:: عنلاااتك تقرا افكاااري؟؟ كانت مشروووع من مشااريعي
عبدالله:: كيف يعني؟
حميد:: يستهبل بعد رااعي التفلسيف
غيث ومنصور:: هههههههههههههههههه
عبدالله" طنشتهــم لانهم بيتمون يستهبولون عليه":: المهم انهم يمدحونها خاااصه اللي لونها ذهبي عيبتنيه واايد
غيث:: يعلكم اتسدون عووق الرنج ههههههههه
منصور:: هههههههه خلااااص موضه جديمه هااي... الحين موضة الموزراتي
عبدالله:: عاااد الموزراتي لايعلى عليها شي اسميها كشخه
وعلى هالسواااالف خلص يوم الشبااااب
باليوم الثاااني في الخيمه بعد صلاة العشاا
عبدالله:: هيه صــح شباااب ترانيه عازمنكم انتوا وهلــكم يوم الخميس على الملجه عندنا
منصور:: هيه بالبركه..بنت عمك هي صح؟
عبدالله:: هيه أخت ماايد جاان تعرفه
غيث:: نعرفه عنبوه كاان يخاوينا صوب العزبه
عبدالله:: المهم مااوصيكم تخبرون هلكم....يلا زغرطوا مثــل المصااروه ههههه
حميد:: تااامرنا أمر يالمعرس هههههههه
منصور" أول مادخلت البيت سلمت على أمايه ويلست أسولف عندها":: أمايه تعرفين كم عمري الحين؟؟
أم منصور:: هيه أحيدك 15 ولاعديتها العشرين؟؟ واابويه عليك سؤال هذا؟؟
منصور:: فديتج والله وايد صغرتيني....أدريبج ماتبين اتبينين أنج عيووووز
أم منصور:: المهم شو يااب طاري الأعمار الحين؟؟
منصور:: أباا اعرس
أم منصور:: هااي السااعه المبااركه انته أشر على اللي تبااها واللي فيه الخير الله بيجدمه
منصور:: أنا في خاطريه وحده
أم منصور:: ليكون من اللي تعرفهن أغسل أيدك منهن
منصور:: لا لا هاااي بنت ناااس حشااام يقربون حق ربيعي غيث اللي خبرتج عنهم يوم فاولونا في البر
أم منصور:: يعني أخته ؟؟
منصور:: لا أظني بنت عمته
أم منصور:: يصير خير أنا بكلم أم غيث وبتخبرها بس شو ياب سالفة العرس
منصور:: ربيعي عبدالله يوم الخميس ملجته وعازمينكم
أم منصـور:: الله يوفجه عبدالله ريــال والنعم فيـه
منصــور" والله أني أستانست من الخاااطر وسرت الحجره لقيت مس كوولز وااايد وكلهن من المقلوعه عليااا.. قلت شو تبى هاي بعد؟؟ خلني اتصل بها"
عليا:: السلام عليكم
منصور بدون نفس:: هلا
عليا:: زعلانه عليييك
منصور:: زعل بويعل...خير في شي؟؟
عليا:: أبا أعرف ليش اتكلمني بهالطريقه؟ كيف تباني أقول اللي في خاطريه وانته اترمسني بهاي الطريقه؟
منصور:: رمسي انزين وعن الميـــاعه
عليا:: بس الكلام اللي بقوله ما يصير أقوله على التلفون لازم نتشاوف عالأقل
منصور:: أنا ماعندي هالسوالف تبين قولي اللي عندج فالتلفون ما تبين الله يحفظج
عليا::ليش تكلمني بهاللهجه هد أعصابك شوي
منصور:: أنا أنسان ناوي أخطب ومادني هالأشكال اللي شراتج
عليا وهي منصدمــه:: الله يسامحك "وسكــتت شوي" انزين ممكن أعرف منو اللي بتاخذها عشان أفرحلك؟
منصور وبستفزاز:: هيه أنتي أنتي لا يروح فكرج بعيد
عليا:: فديتك منصور كثر ما حبك والله أطوفلك كل الكلام اللي تجرحني به وكثر ما حبك بعد بدعيلك بالسعاده مع اللي بتاخذها
منصور:: وحده من بوظبي ولا تسألين أكثر لين ما يتم الموضوع على خير
بعد مرور أكثر من ثلاث أسابيع
أم منصور خطبت وديمه بعد ماسألت أم غيث عنهـا وإذا مخطوبه ولا لا...و ردوا أهل وديمه على منصور بالموافقه ... وحددوا يوم للملجه واللي تحددت بعد الخطبه بشهر.. مرن الأيام وبقا أسبوع ..
وديمه كانت فالكلاس وتسولف على ربيعاتها
عاشه ربيعة وديمه:: ودوووم متى الملجه؟
وديمه :: انشاء الله عالأسبوع الياي
عاشه :: أنزين من قوم منو هو؟
وديمه :: الله يسلمج هو ربيع ولد خالي وهم من العين
عاشه:: أهاا الله يوفقكم انشاء الله
وديمه:: أجمعين..وانتي معزومه عالملجه
عليا:: سمعت ملجه أفااااا ما بتعزميني
وديمه " بسم الله ويين رازه ويهها هذي" :: انتي ما يحتاي أعزمج أعتبرج وحده من الأهل
عليا:: فديت روحج أنا .. أنا سمعتج تقولين أنه من العين بس شو أسمه؟
عاشه :: شو تبيبه الريال .؟!
وديمه تصاصر عاشه:: مافيني عالمشاكل..(( وجهت الكلام لعليا )) أسمه منصور ..
عليا :: أهاااا
عليا وفي خاطرها" لازم أكلم منصور واعرف متى موعد الملجه ومنو البنت اللي هو مالج عليها "
وعلى الليل اتصلت عليا بمنصور واتأكدت أنه البنت اللي هو بيملج عليها هي وديمه .. وكانت عليا تقول في خاطرها " إن ما كنت أنا عليا ما خربت عليهم "
اليوم الثاني في الكلاس
وديمه" كنت منصدمه من الكلام اللي تقوله عليا معقوله ولد خالي يبليني بهالريال وفوق هذا بعد سكييير .. وكيف اخواني وابوي ماسألوا عنه ووافقوا عليه "
عليا :: وما خبرتج بعاااااااد حتى يوم سألت أخويه عن منصور قالي شايفنه ذاك اليوم في دبي مع روسيه
وديمه وهي معصبه :: خيييبه أنتي متأكده فاللي تقولينه ولا تتبلين عالريال
عليا :: ليش أتبلى عليه وأنا ما عرفه
وديمه :: أنزين شوو دليلج؟
عليا:: أنا مايخصني لا تزعلين بس أنا خذت رقمه من خويه بدون ما يدري واختبرته وأول ما دقيت تم يرحب وبعدين عرفني على نفسه وقالي عن حياته كلها وهذوه الرقم وخذيه وتأكدي اذا هو رقم منصور ولا لالالاء...


لو سمحتواا آرائكم عشان تعطونا دافع نكمل القصه

[العيون السود]

تسلــم اخويه على البارت
ولاتتأخر علينا

[همس قلبي]

وااااااااااااايد حلوه

ابا التكمله

انا من النوع اللي ما يقرا القصص الا اذا كانت كامله

بس عنوان القصه جذبنيه

ولو سمحت

نزل الجزء اليديد

وتسلم وما قصرت

[همس قلبي]

وين التكمله

ما فيا صبر ابا اعرف

[اشتقت للامارات]

يعطيكم العافيه ع المتابعه

[اشتقت للامارات]

مــرحبا مره ثـانيه
هذا الجزء مثل ماوعدناااكم
ولاتبخلون بآرائكم وردودكم
----------
تمت ملجة عبدالله على بنت عمه وكانت فرحة عبدالله كبيره في هذا اليوم
في بيت منصور كانت أم منصور تكلم أم وديمه

أم منصور :: من كمن يوم مرمسه أم غيث واتخبرتها جان بتون العين ولا لااا قالتليه ما تدري
أم وديمه::هيه بني العين عندهم تعرفين بعد البنات ما يصبرن عن العين
أم منصور:: نورت العين من سمعت أنكم بتونها
أم وديمه:: منوره بهلها الغاليه
أم منصور:: على طاري ييتكم للعين نحن عازمينكم عندنا فالعزبه أنتوا وأم غيث وبناتها
أم وديمه:: انشاءالله خيرررر

يوم الأربعا العصر ..
وصلوا قوم وديمه العين في بيت خالهم بو غيث .. أرتاحوا شوي وعقب تحركت السيايير صوب عزبة قوم منصور..
فالعزبه ..
كان غيث ومنصور وعبدالله وحميد موجودين من الظهر فالعزبه وما يدرون أنه حد بييهم وكل واحد منهم كان على دراجته يشخط ويلات عالعراقيب
وأول ماوصلت أم منصور العزبه فرشت الحصيره وعدلت الفواله قبل ما يوصلون عندها العرب..كانوا الشباب في طريجهم رادين العزبه وقفوا الدراجات وكل واحد منهم سلم على أم منصور ويلسوا عندها وطبعا هذي مب أول مره يشوفون فيها أم منصور فالعزبه بس اللي هم مستغربينه أنه أم منصور كانت مرتبشه تعدل مني ومناك وتحط وتشل متعبه عمرها..

منصور وهو مستغرب:: أميه شوو عندج أشووف برقعج مفتر
أم منصور::هههههه الغالي ورلنا الضو قبل بنسوي الجاي عليها
منصور:: أنزين ما قلتيليه منو بيي عندج مرتبشه هالكثر ؟!
أم منصور:: بتي أم غيث وعمته وبناتهم يعني نسايبنا
غيث:: هيه قالتلي أميه أنهم بيسيرون العزبه بس مادريت أنها عزبتكم
منصور"لو ندري جان تكشخنا":: أشووف سياييرهم يايه
وصلن السيايير اللي فيها أم غيث وأم وديمه .. وقفوا الشباب يسلمون عليهم وعشان ياخذون الشباب راحتهم سارن البنات روحهن ويلسن جدام العريش
وهن وديمه والعنود بنات عمة غيث وفطيم وسلامه خوات غيث وفطيم ووديمه في نفس الأعمار والعنود وسلامه نفس الأعمار ..
وديمه:: بصرااحه عزبتهم حلوه صح!
سلامه:: العزبه حلوه ولا العرب اللي فيها هاااااا
وديمه وهي منحرجه:: ههههه يا حبج حق لمغايظ
فطيم:: الله يعينج على سلامي اليووم
العنود:: هيه والله صدقها ودووم العزبه حلوه بس مشكلتها وايد بعيده
سلامه:: عنديه وعندج بعيده بس عند بعض الناس قريبه واايد
وديمه::هههههه أنا شو بيفججنيه منج اليووم
وشوي يقطع سوالفهم صوت دراجه كان عليها منصور وامبونه هو حركات يبى يلفت أنتباه البنات خاصه وديمه تمن البنات يطالعنه والحرمات من صوب بعد يطالعنه ومنصور مب مقصر يسوي حركات بهلوانيه ويوم أنتبه أنه البنات يطالعنه قرب صوبهن وخطف من جامهن وهو مركز بالدراجه وفي هذي الأثناء
فطيم مندهشه:: أووف عليه مب هين شفتنه
العنود::خطييير أبااه يعيدها مره ثانيه هالحركه
سلامه:: ما تدرون هالحركات كلها لنااس هنيه
وديمه"هذا يتحسبني أحب هالحركات":: بنااات خلناا ندخل داخل العريش
فطيم:: ودووم أش فيج متضيقه كل هذا ما عيبج
سلامه + العنود:: أنتن أدخلن روحكن ونحن بنيلس نطالع
نشت وديمه وتبعتها فطيم داخل العريش ..
فطيم:: بلاج ودووم لازم تعلميني أش عندج
وديمه::لا ما فيني شي يا غير ما عيبني اللي سواه منصور
فطيم :: ليش عادي ما فيها شي حليله ما يعرف كيف يعبر عن فرحته بوجودنا هنيه في عزبتهم ألا بهالحركات
وديمه:: هه فرحـــــته!!!! ما ضنتي والله
فطيم :: انا بعرف كل شي بس عقب يوم بنرد البيت
سلامه ومعليه صوتيه::ودووووم فطييييم أم منصور تزقر علينا نسير نيلس عندهم
سارن البنات عند الحرمات ويلسن يتفاولن ومن استوى المغرب أمرت أم منصور على الدريول يسير أييب العشا من البيت وياابوا العشا أتعشوا الرياييل ومن عقبها الحرمات وكانت أم منصور مب مقصره مسويه الذبايح .....
على الساعه 11 في حجرة فطيم
فطيم::وديمه شو تبين أطلبلج من الدكان قبل ما يسكر
وديمه:: أممم أريد بطاطا وبيبسي للسهره اليوم
فطيم "وأنا ناشه من محلي":: وأنا باخذ لسلامه والعنود نفس الشي
وديمه::فطيم ويين سااايره ..؟!
فطيم:: بسير أييب الموبايل مادري وين فريته
وديمه:: ماله داعي يلسي هذوه تلفوني واتصلي منه
فطيم" مديت يديه وتوني أكتب أول رقمين صاح التلفون وكان مسجل بأسم عليا"::وديمه عليا متصله بتشلينه ولا لاااا؟
وديمه بتعب"هذا وقته الحين"::لا بعدين برمسها طبيها الحين
فطيم:: على راحتج بس ما قلتيليه منو هذي عليا؟
وديمه:: هذي سالفتها سالفه كلمي راعي الدكان وبخبرج عنها
فطيم" من عقب ما طلبت الطلبيه ما كملن 10 دقايق ولا التلفون يصيح مره ثانيه وكانت عليا المتصله"
وديمه::هاتي التلفون برمسها بشوف شو عندها " شليت التلفون"
عليا:: السلام عليكم
وديمه:: وعليكم السلام أشحالج عليا
عليا:: بخير الله يعافيج من الشر وعلوومكم
وديمه:: والله ماشي علووم ما نعرف العلوم ألا من عندج
وهنيه ترمس فطيم :: أقوول ودووم بسير أعطي البشكاره البيزات وبرد أوكيه
وديمه:: أوكيه بس لا تبطين
عليا:: منو يرمس عندج مسجل ولا شوو
وديمه " في كل شي فضوليه هالبنت":: لا مب مسجل هذي فطيم أخت غيث ولد خالتيه
عليا:: هيييه من متى عندكم
وديمه:: نحن اللي عندهم اليوم واصلين من بوظبي
عليا:: والله حتى أنا فالعين يعني بنتشاوف في مكان
وديمه"وخلااص وصلت حدي منها":: أقوول عليا برد أدقلج خلاف سمحيليه
عليا::خلاص الغلا من بينا اتصال مع السلامه

بالخميس....

عليا::أووووووف شوو هالملل منو أكلم مادري شو فيها وديمه ما ترد
عليا وأنا أفكر " بما أني فالعين هاليومين لازم أكلم منصور قبل ما نرد بوظبي عشان أتقرب منه أكثر وأكثر وعلى الأقل أشوفه في مكان" ..
على الساعه 8 فليل اتصلت بمنصور..
عليا:: السلام عليكم
منصور:: وعليكم السلام والرحمه
عليا::أشحالك الغالي انشاء الله بخير
منصور:: بخير الله يعافيج ..شو عندج بعد اليوم متصله
عليا:: بسم الله توني أقول يااا هادي ماعندي شي بس أبا أسولف وياك
منصور:: يالله سمعيني شو عندج
عليا::مممم منصور أنته ويين الحين فالبيت ؟؟
منصور:: لا هب فالبيت أنا يالس فالموول فالكوفي
عليا:: لين متى بتم فالموول ؟
منصور:: تقريبا نص ساعه ..وليش تسألين!!
عليا:: لا ماشي بس حبيت أعرف وين مكانك بالضبط ..خلاص عيل برايك عند ربعك يالله بااي
عليا"من سكرت عنه سيده سرت السياره متجهه صوب الموول اللي يالس فيه منصور أنا طبعا شايفه شكل منصور وهذا اللي خلاني أعجب فيه وأسأل عنه"

دخلت الموول وسرت صوب محل ورد وقلتلهم يسوولي أحلى باقة ورد وعقب برد أشلها عنهم ..طلعت وسرت صوب الكوفي اللي دايما يتيمعون عنده الشباب (ستار بوكس) ودخلت وسرت أطلب كوفي وعلى ما تخلص الطلبيه ألتفت أدور منصور ومن بين هذيج الزحمه شفته واستانست من الخاطر مب مصدقه أني شفته وشوي أشوف منصور وقف وشكله بيظهر
وبسرعه خذت الكوفي وسرت صوب محل الورد وشليت الباقه وكان شكلها رهييب وملفت .. ومن ظهرت شفت منصور جدامي يمشي وتميت أتبعه لين ما وصل سيارته
ركب منصور السياره وأنا واقفه فالجهه الثانيه وقبل ما يتحرك دقيت الجامه الجداميه نزل منصور الجامه

عليا:: السلام عليك أخوي
منصور:: وعليكم السلام ياامرحبا
عليا:: ممكن خدمه بسيطه شوي؟
منصور وأنا معقد حياتي:: تفضلي شوو بغيتي؟!
عليا::ممكن أقعد قبل عشان أفهمك شو بغيت
منصور:: ياهي حااااله أنزين تفضلي
عليا" يلست عالسيت وتميت مقابلتنه أطالعه وفي يديني الباقه"
عليا:: يالله الشيخ تحرك شوو تتريا أباك توصلني لبقعه!!
منصور ومتعيب:: لاوالله شكلج مغلطه شو تشوفينيه تكسي !!
عليا:: أنته تحرك وبتعرف السالفه
وفي الطريج ..
عليا "وأنا ماسكه الباقه أقدمها لمنصور" :: خذ وردت العمر من فضلك خذها من يدين مهديها
منصور وبعدني مستغرب:: ليش شوو المناسبه؟!
عليا " كانت السياره مظلمه من المخفي المهم نزلت الغشوه ":: أنا مادري ليش جذبتني أنته بالذات من بد كل المخاليق يامنصوور
منصور تميت أطالعها بستغرااب:: أنتي تعرفينيه من ويين؟
عليا:: تعبت وأنا ألمحلك صبر بقولك أنا منووو
عليا" طلعت تلفوني من الشنطه ودقيتله عشان يعرفني"
منصور" بصراحه البنت مقطعه الرحامه من حلاتها ":: هاااااي أنتي علياااا هههههههههههههه
عليا:: وليش تضحك !
منصور وأنا أطالعها:: والله أنج حركااات يا علياا المهم مشكوره عالورد وشو يايبنج المول هالحزه
عليا::قلت دامني هاليومين فالعين أباا أيي المول وأفاجئك وانشووف بعض مره وحده
منصور:: أتشرفناا بج والله بس ماقلتيليه ليش يايه العين؟
عليا:: نحن على كل فتره نكون فالعين وعندنا بيت هنيه وأنا نادر ما أيي العين مع هليه لأني أحس بالملل بس من عرفتك أتغير كل شي ومن عرفت أنك موجود فالمول أستعيلت بالدريول عشان ألحق عليك
منصور:: أهااا أفهم من كلامج أنج يايه العين عشاني بس أنا يا عليا أريد أصارحج بشي ..أنا انسان بعد كمن شهر بتسمعين أني معرس ولو حد درابي أني وياج يمكن يلتغي كل شي بقولون عني بعدني راعي سوالف و......و......يعني مب ويه عرس فلذلك أنا أكتفي أنيه أكلمج بالتلفون
عليا"ضايقني الكلام اللي قاله حتى أنه دموعي نزلت بس مستحيل أفرط فيه "::أنزين منصور ممكن تردني المكان اللي شليتني منه
منصور::أدري ماعيبج اللي قلته بس أنا مب مستعد أجاملج وألعب عليج
عليا::أنا من البدايه حسيت أنك ما تبادلني بنفس المشاعر الحين أباك تردني المكان اللي شليتني منه
منصور:: انشاءالله بردج بس لازم نضيفج قبل ما نردج
عليا:: لاوالله ماريد عليك شي تكفيني شوفتك الحين بس بسرعه ردني بتستهم علي أميه
منصور:: أفا ما يصير تروحين بلا عشا أنا باخذلج الحين وشليه وياج وردي السلام على أمج
عليا" ما عرفت شو أقول ابتسمت له ونزلت من موتره وهو ما تحرك لين ما تحركت سيارتنا "..
Cut
انتـهى الجزء..نتريا آرائـــكم الشيــوخ

[العيون السود]

تسلم اخويه
ونتريا منك التكملة

[اشتقت للامارات]

السلام عليكم أعضاء المنتدى وهذا الجزء وياكم وسمحولنا عالتأخييير


منصور" من عقب ما سارت عليا تحركت وسرت صوب الخيمه عند الشباب"
الشباب:: هلااا والله ابطيت علينا اليوم شوو هناك؟؟
منصور يوااايهم:: مرحبااا لا ماشي ألا شويه مشاوير
غيث::عبدالله مب عندك
منصور:: لا والله ما كان عنديه
حميد:: الريال من ملج صار ما يخاوينا فالخيمه
غيث:: ههههههههه يا ساتر عيل لي عرس بينسانا
منصور:: هههههه لا تحاتون أعرفه مخاوي شما ما بينسى حد انشاء الله
وعلى لعب الورقه ومطالع التلفزيون انتهى يوم الشباب وكلن رد لداره
وعلى فكره منصور ما قال لحد من الشباب عن سالفته ويا عليا وعن الموقف اللي صار له

بالجمعه
وبالتحديد فالموول على الساعه 7 المغرب
حميد "كنت راقي الدري ساير صوب الكوفي ..وجداميه على الدري بنيه وكنت مفتر أطالع اللي ياي من يمينيه ما وعيت ولا البنت تتخرطف وكانت بطيح لو ما مسكت بكندورتيه وأنا روحيه اتفاجأت وكنت بطيح بعد بس قبظتها من شيلتها وهي كانت متحجبه شكلي زنطها زين مااااا ماتت
البنت معصبه:: عنلالالاتك زااد صدق أنك ما تستحي
حميد:: عنبو هالويه لج لو ما كنت واقف وراج جان رحتي فيها وادربحتي على الدري
البنت وهي ماشيه وتعقم العباه::فكني فكني لا تيلس تمن عليه بجميلك
حميد " عنبوها متزرزره بهالجنز ويايه المول":: والله بنات آخر زمن
وانا ماشي شفت الله يكرمكم نعال معروضه في أنطونيو عيبتنه خذت قياسي وظهرت وانا ماشي سمعت أصوات وضحك من ورايه وكالعاده هذي حركات البنات ومن بينهن وحده ترمس وهي معليه صوتها
.............:: ياا ويل حاليه عالرحاامه وعلى هالشال المطواي عالراس
وترمس وحده غيرها :: شكلنا ما عيبناهم حتى أنهم ما لتفتوا علينا
حميد"يالله ترحمنيه برحمتك شوو هاليوم كله مواقف وشو بيخلصني منهن وهن يتبعني من مكان لين مكان حشى ما تعبن من المشي بس عنااااد فيهن ما بالتفت جداهن" وفــــــــجـــــــأه وبصوت عالي لوحده من البنات خلاني ألتفت عليهن غصبن عنيه
البنت وهي يالسه عالأرض:: واااااااي أنكسر الكعب شوو هالحاله
ترد عليها ربيعتها:: يالله هذا وقته الحين شوو أسوي ؟!
اللي عالأرض يالسه:: وبعد ما أقدر أمشي تصدقين
ربيعتها وهي تغمزلها:: الشيخ .. الشيخ..هيه هيه أنته
حميد وعلامة تعجب على ويهي:: آمري شو بغيتي ؟!
البنت:: ما يامر عليك عدو.. والله أختي أنكسر كعبها مثل ما تشووف وحالتها حاله
حميد:: والحــــــــــــل!!
البنت:: الحل طولي بعمرك أنك اذا ممكن واذا ما بنكلف عليك عطنا اللي فالكيس عندك
حميد ومتعيب منهن:: شوو!!! هذي نعال رجاليه
وقفت البنت اللي كانت يالسه وهي حافيه:: الشيخ كل شي يمشي في هالحاله ترضى حد يشوفنيه بهالوضع
حميد " أوووف مصرات على نعاليه ":: وانتي عادي عندج .. وقياسي غير عن قياسج
البنت:: أنا أقولك كله يمشي وانته الكريم ونحن نستاهل يالطيب
حميد وبعد تفكير :: انزين هاااااج الكيس وكشخي بنعاليه يعلها دفاعة بلا عنيه
" عطيتهن الكيس وسرت عنهن وكنت أمشي وهن يتبعني وانا مادري عنهن ..تحركت بموتريه وانا فالطريج شفت مورسيدس يسويليه أشاره على أساس أوقف صفدت السياره على ينب وشوي تنزل وحده من البنات يايه جدايه نزلت الجامه
حميد:: أنتي مره ثانيه.. ليكون بس إنفشن التواير وتبينيه أعطيج السبيراللي عنديه ؟!
البنت:: هههههههههههههههههههههه حلوه منك .. لا يا عزيزي مب التاير بغيت أقولك أنه القلب من شوفتك طاير وحاير بعد
حميد:: طاير حاير تطرين هذاك المسلسل هههههههههههههههههههه بس أي حلقه تقصدين
البنت:: يالله عااد أدري أنك فهمتني .. واندوك نعالك بس بغينا نلفت أنتباهك بهالحركه لا انكسر الكعب ولا شي
حميد:: من صدقج أنتي وربيعتج يعني كله كان تمثيل
البنت:: يعني بذمتك أنا بلبس نعال رجاليه أصلا كيف بمشي بها .. المهم أنا بسير تامرني بشي ياا الطيب
حميد وانا أغلس عليها:: لااا سلامتج بس سجلي تلفونيه عندج ومتى ما بغيتيني أنا حاظر
حميد" أول مره أشوف بنات من هالنوع على طول لقطة الرقم وسجلته عندها بدون ما تعارض يعني من السالفه هذي كلها هيه كانت تبغيني أرقمها"
وسارت عني البنت وانا خذت طريجي صوب بيت عميه سلطان( عميه ماخذ خالتيه مريم)
في بيت عميه سلطان
حميد:: هووود هوووود ياا هل البيت
خالتيه مريم:: مرحبااا قرب قرب البيت بيتك الغالي
حميد:: شحالج خالتيه جيف أنتي انشاء الله طيبه
خالتيه مريم:: بخير ونعمه أنته شحالك وشحال هلك وتوااليك ؟
حميد:: بخير ويسلمون عليج
خالتيه مريم:: وين مالك شووف الغالي لول توصلنا على كل جمعه والحين فالسنه حسنه
حميد:: ههههههه والله يا خالووه مشاغل الدنياا واايد ومتى ما يكون عنديه وقت أمر صوبكم
خالتيه مريم:: الله يوفقك في حياتك الغالي ..حميد بسير أشوف البشاكير شو مسوين وبرد لك
حميد:: خالوه ماريد عليج شي لا تكلفين على عمرج
خالتيه مريم:: ما عليك أنته ألا خفايف مسوين ما بيثقل عليك الأكل
حميد:: اللي تشووفينه خالوه .. سارت خالتيه وانا سرت ويلست حذال التلفزيون وكنت ماسك الريموت كنترول وأجلب في هالقنواات وصلت قناة نجوم وكان حمد العامري يغني (يا وصفة الحب يا دكتوري وطبي ياراحت النفس في دنياي بكملها) ..
ميثا" دخلت وانا أصفق وغني مع حمد ومادريت أنه حد فالميلس ما حيد حد يضوي علينا هاليوم":: Stop محد يبدل عن الغنيه وقفت جدام التلفزيون
حميد" والضحكه شاقه الحلج"::أحــــــــــم
ميثا وانتبهت أنه حد قاعد وسويت عمريه ماشفت حد وتوني بطلع من الميلس
حميد:: ميثااااااا سلمي أنزين وين سايره
ميثا وانا مرتبكه وموطيه راسيه:: السلام عليكم
حميد::وعليج السلام وليش مستحيه أكيد ماعرفتينيه
ميثا" أووف ليته حلم ولا بعلم"::...............................
حميد:: ميثا أنا حميد ولد خالتج
ميثا مستحيه:: مرحبا السااع واسمحليه ما عرفتك ومادريت أنك عندنا هنيه فالميلس
وشوي دخلت خالتيه مريم الميلس
خالتيه مريم:: ميثا فديتج أسمع التلفون يصيح سيري شليه
ميثا" يت من الله":: انشاءالله أميه
حميد" ما خوزت عيني عنها "::خالوه ميثا تدرس الحين؟
خالتيه مريم:: هيه تدرس وباقتلها سنه وبتخلص .. الغالي قرب تعشاا
حميد" مسرع تغير الموضوع":: انشالله جريب .. تمت خالتيه تغرف ما خلت شي ما حطته جداميه .. يلست عقب العشا شويه ويا عميه وسولفنا وبعدها دخلت ميثا الميلس ويلست عندنا ( نحن من يوم كنا صغار كانت أيامنا كلها ويا بعض يعني مافيه بينا حواجز عادي بنات عميه وبنات خاليه يعني كلنا نيلس رباعه ونسولف)
حميد:: يا مرحبا يا مرحبا بميثووه
ميثا:: مرااحب .. بس مب جني كبرت على ميثوه يا حمود
حميد::ههههههه ولا تزعلين ياميثا المهم من متى انتي ما يتي بيتنا عنبوه قاطعه ليكون حد مزعلنج ولا شي قوليليه انتي منوه وشوفي شو بسويبه
ميثا:: والله أدري بعمريه من فتره ماوصلت بيتكم تعرف هالفتره خصوصا كله امتحانات وما أفضى حق شي غير الدراسه
عميه سلطان:: والله هذي البنت مانشوفها غير حزة العشا ومن ترد من الدوام ترقد لين العصر ومن عقبها تيلس تدرس ليين المغرب حتى عمها يتخبرنيه عنها
ميثا:: هذوه ابويه قالها ما نتولف غير عند العشا وانشالله فالويك إنــد مابقصر في الزيارات
حميد:: بنشوف هالزيارات ووعلى طاري الدراسه انتي كم بقالج على ما تخلصين دراسه
ميثا:: انشالله سنه بالكمال والتمام وأخلص عااد اترياا الهديه من صوبك
حميد:: ماعلييج انتي خلصي قبل والهديه بتوصلج ولو شي في خاطرج وتبيني اييبه بعد فالج طيب
ميثا:: فالــــك ما يخييب كله اللي أيــي من صوبك حلو
حميد :: تسلمين ميثا هذا من ذوقج الغلا..يالله عيل أنا بترخص عنكم الحين تامرونيه بشي قبل ما أظهر
عميه سلطان:: سلامتك ورد السلام على هلك وتواليك كلهم
ميثا:: سلامتك ورد السلام على عميه وخالتيه وهلك كلهم
ظهرت من بيت عميه سلطان وتمت ميثا في باليه وبما أني ولد عمها فأنا أكون أحق أبها من غيري .. اتصلت لمنصور وطلع فالبيت مريت عليه وشليته عندي فالسياره
وفالسياره
منصور:: حميد ماسرت صوب خيمه الشباب اليوم
حميد:: لا والله توني طالع من بيت عميه سلطان
منصور:: هيييه علووومه عمك أشوفك هالأيام واايد مطيح عندهم شو السالفه؟
حميد:: بخير ونعمه .. ألا بخبرك شي لأنك أنته أقرب الناس عندي
منصور:: قول وخذ راحتك فالكلام الغالي
حميد:: اليوم يوم سرت بيت عميه انا قلتلك قبل انيه أحب ميثا بنت عميه من يوم كنا صغار ..واليوم شفتها من عقب ما مضت فتره وتغير شلكها واايد والله انيه احبها واغليها بس ما أدري اذا هي تبادلني بنفس المشاعر
منصور:: وهي تدري أنك اتحبها ولا لاااء
حميد:: أنا هذا اللي أريد أعرفه بس تصرفاتي كلها تبين أني أحبها أحس أنها هيه الوحيده اللي تناسبني
منصور:: أنزين أجدم واخطبها من عمك قبل ما أيي حد وياخذها عنك
حميد:: لا ما ضنتي هيه توافج على حد لأني أنا أحق أبها عن غيري وانشالله قريب بتجدم وبخطبها من عميه
منصور:: الله يوفقك ويسهل أمورك..
حميد:: آمييين..الحين شو رايك نروح صوب شباب الخيمه
منصور:: يالله غايته

[اشتقت للامارات]

في بيت قوم غيث
قبل ما يظهرون هل وديمه بوظبي بنص ساعه
كان الكل متيمع فالصاله والحريم مرتبشات والسوالف ماخذه حقها
سلامه وهي ماسكه دلة القهوه :: تفضلي يا ودومتي الحلوه هالفنيال
وديمه:: دام فضلج بس أنا ماشرب قهوه
سلامه:: لا تردينيه عااد وانا ماده يديه لج
وديمه:: أمري لله .. وتاخذ الفنيال
سلامه واقفه تترياها تشرب القهوه
وديمه تهز الفنيال وتعطيه سلامه .. شلت سلامه الفنيال ويلست عدال وديمه
سلامه وانا اطالع الفنيال:: تعالي وديمه أقرالج المستقبل
وديمه تسايرها:: يالله كيف تشوفين مستقبليه فالفنيال؟
سلامه واسوي عمريه خبيره:: الله يسلمج مستقبلج فيه وايد مفاجآت في يوم بتتخرطفين من الدري ويوم بتنزلقين وأحلى شي بيستوي لج أنج بتشوفينيه في أحلامج
وديمه:: هههههههههههههه الله يكفيني شر الطيحات .. وماريد أشوفج في أحلامي أبا أتهنى بنومتيه
سلامه بخبث::ههههههههههه يحقلج تقولين هالكلام أنا أدريبج لو قايله بتشوفين عربج فالحلم كنتي بتفرحين
وديمه وملامحها متغيره من تذكرت منصور:: لا ويين رحتي بتفكيرج بعيييد
وهنيه تقاطعهم فطيم عشان تغير الموضوع:: وديمه الجو حلو شو رايج نطلع نمشي فالحوي
وديمه:: والله في خاطريه نمشي يالله نسير
سارن فطيم ووديمه يتمشن فالحوي ..
فطيم:: أقول وديمه تشوفين هاذيج السياره أول مره أشوفها عندنا فالبيت
وديمه:: يمكن حد من الرياييل عند غيث فالميلس .. خلينا نمشي بعيد عن الميالس ليشوفنا غيث ويطيح فينا هزبه
فطيم:: منو بيشوفنااا خلينا ناخذ راحتنا بــــــس تبين الصدق أنا فيني فضول عجيييييب
وديمه:: ليكون تبينا نسير نشوف السياره
فطيم:: زين تفهمين رمستيه عالطاير .. حد ما يبا يشوف هالبورش
وديمه:: أييه والله مافينا عالمشاكل خلي نهايتها مسك وعنبر
فطيم وانا اسحب وديمه من يديها:: تعالي شو بنقطع نصج
سارن فطيم ووديمه صوب البورش وتمن يطالعنها من كل الجهات
فطيم:: وديمه تعالي شوفي الدبدوب اللي فالكيس الحمر والورد حد هادنه هديه أسميه مب هين راعيها
وديمه:: ماشاء الله عليج ادققين على كل شي .. أنا ما قرب من السياره وايد لأنه فيه شوية غبره عليها شكله معفدبها عالعراقيب
فطيم وأونيه أقصد وانا ماعرف فالقصيد شي:::

خليتني مربوش ياراعي البورش ..
خطفت قلبي وانا أمشي فالحوش
الورد أشوفه عالسيت مفروش ..
الدب أشوفه داخل الكيس مخشوش
وعلى هالغبار أنا برسملك نقوش ..
وبوقعها باسم عاشقة البورش..

وديمه:: صح لساانج حشى ما تسوى عليج شوفت البورش قمتي تعدين القصيد فيها ويينه راعيها ما ياا يسمعج
فطيم:: مادري لو شفته يمكن أكتب ديوان شعري
وديمه::ههههههههههههه يخوفي بس يكون حد نعرفه

وشوي يت بشكارت قوم وديمه
ياسمينا:: يالله وديمه ماما قول تعالي سوي سلام حق كولش هورمه داخل بيت من شان اللحين بيروح
فطيم:: هههههه شوو هالرطينه
وديمه:: لا تضحكين بتنتفخ علينا انتي امشي بس ..ياسمينا الحين أنا بيجي
ركبوا هل وديمه السياره ..
أم وديمه:: يالله ما توصوناااا بشي
أم غيث:: الله يحفظكم عاد سولنا تلفون من توصلون بوظبي
وديمه:: فطيم بينا اتصال أوكيه
سلامه:: وانا ما تبينيه؟!
وديمه::أفا عليج انتي منو ما يباج
فطيم:: أوووووكيييه
فالميلس..
غيث:: المباراه الحين بتبدا
حميد::ماقدر أطالع المباره بدون ما آكل حب
غيث:: والله أنا بعد شراتك
حميد :: خلاص الحين بسير صوب الدكان اللي حذالكم وبييب العده
غيث:: لا تبطي عااد
.....
سارت فطيم وخواتها ويلسن يطالعن التلفزيون ويجلبن في هذي القنوات
وشوي يسمعن حد يقحص ويلااات عندهم وعلى طوول ركضن البنات خاري يشوفن شوو صار وكانت هذي الحركه مقصوده من راعي البورش (حميد)
يوم كانت فطيم تقصد هي و وديمه

ماكانت تدري أنه حميد كان خاري يرمس ربيعه وهو بنفسه انصدم مادرابهن ألا يوم خلص المكالمه وسمع فطيم وهي تعد القصيد وتم ماسك عمره عن يضحك

[اشتقت للامارات]

في الصاله

فطيم:: سلامه تعالي تعرفين منو هذا اللي كان فالميلس عند غيث
سلامه::من الحين هذا يقحص ويلالات جنهم فازوا والمباره بعدها ما بدت
فطيم:: ههههههه خليه متفائل.. ألا تعالي نسير الميلس عند غيث
وسارن سلامه وفطيم صووب الميالس ولا كان على بالهن أنه حميد ربيع غيث بيرد الميلس
سلامه:: تعالي نندس ورى الباب ونروع غيث يوم بيطلع
فطيم:: أشكرج ياا أم الأفكاار
سلامه:: بس سمعي يوم بصفق معناته غيث ياي عشان نفاجأه نحن الثنتين مره وحده أوكيه
كان الميلس له مدخل والمدخل له بابين ينفتح أبهن واحد عاليمين والثاني عاليسار
كل وحده من البنات أنخشت ورى باب وطبعا ما يبين أنه حد منخش ورى
سلامه:: فطيم شوووو الجو عندج
فطيم:: والله ميته من الحر متى غيث بيظهر
سلامه تصفق ويسكتن الثنتين
وهن كانن يسمعن صوت خطواات يايه .. وفجأه ينطن الثنتين وبصوت وااحد يصرخن في ويه اللي كان يااي:: وااااااااااااااااااااااااااااااااااااا
وهذا اللي أنصدم مرره ثانيه هو حميد " حليلي كنت ماسك كيس الحب وقرض منه وعلى طريجي صوب غيث ما وعيت ألا بهالثنتين الله يسامحهن روعنيه على غفله وانتثر الحب نصه عالأرض هووو من الصوت أنتثر ولا من الصدمه والله مادري من شوو"
ركضن البنات بسرعه ونظره خاطفه من فطيم وعرفت منها أنه هذا هو نفسه راعي البورش اللي كان موجود قبل فالميلس
فطيم" ربعت وقلبي منقبض من الفشله ":: الله يغربلج أنتي وافكارج الفارطه يا سلامه
سلامه:: سكتي دخيلج والله أنا اللي متروعه أكثر عنه
فطيم:: يا ويييلنا من غيث يوم بيي البيت بنحصل هزبه محترمه
سلامه:: يااا سااتر انشالله يعدي هاليوم على خيير بس ونفتك
فطيم:: أقوولج سلامي كم الساعه الحين
سلامه واطالع ساعتها:: الحين الساعه 8 ونــص
فطيم:: قومي قومي نسير نرقد
سلامه::يالله نسير ولو أنه ما بيني الرقاد اليوم بس بحاول
وفالحجره كل وحده منسدحه على شبريتها ومظلمات الأضاءه
وهن مب في حالهن وكانت شبرية فطيم قريبه من باب الحجره
سلامه:: فطيم أنتي أول وحده بتندبغين لنج قريبه من الباب
فطيم:: عيل بدثر باللحاف عدل عشان ما حس بالدبغه وما تطبع على ينبي
فليل على الساعه ثنتين حميد كان منسدح ويفكر
" ماكنت متوقع انه ميثا كبرت وصارت حرمه بس بعد ماكنت متوقع انه خوات غيث بهالحلاه..فجأه ضحك من خاطره على فطوم يوم هي تقصد حق البورش هههههههه والله انها سوالف ولا يوم خوفنيه وأنا داخل الميلس بدال ما يروعني هن فلخن "

وعدت هالليله و وديمه اتفكر كيف بجابل عليا هي وحشرتها ومشاكلها مع خطيبها منصور وتقول في خاطرها " أنا شو بلانيه بهالبلوه ليش وافقت عليه بهالسرعه الله يعيني بااجر "

يوم السبت في الجامعه
وديمه كانت متأخره على الكلاس دخلت عليهم
وديمه: السلام عليكم
البنات: وعليكم السلام
عليا: حيى الله المتأخره
وديمه " اووف منها بدت وأنا مب ناقصتنها" :: والله شو أسوي أمس أبطينا في العين
عليا: بشـاااااره الدكتور اعتذر عن المحاضره
وديمه: قولي والله
نوره: هي والله
عليا: وديمه تعالي شوي بغيتج في سالفه
نوره: بديناااا خليها اشوي اتسولف عن رحلتها للعين ههههههه
عليا: معليه إلا هن 10 دقااايق
وديمه: يلا عيل مابنتأخر عليكم

طلعن من الكلاس
عليا: وديمه وينج ماتصلتي فيني عشان متلاقى في مكاان
وديمه: تدرين أنه نحن مايخلونا نظهر رواحنا
عليا: الحين شو فيها لو يتي ويايه
وديمه " اوين شو فيها هاي مادري هذي وين عايشه" : المهم قوليلي بشو تبيني
عليا: والله ياوديمه ماعرف كيف أبدى وتدرين نحن خواات وأنا أخااف عليج
وديمه " تميت سااكته وخايفه من اللي بتقوله..هزيت راسي بمعنى كملي كلامج "
عليا: شوفي وديمه بقولج السالفه بدون لف و دوران وماباج تفهميني غلط ولاصورته تهتز في نظرج
وديمه: انزين كملي
عليا: أنا يوم الخميس تميت أتريااج تتصلين عشان نتلاقى وانتي ماتصلتي و ولا رديتي عليه يوم اتصلت بج..ف قررت أسير المول بس بعد ماكنت اريد اطلع بروحي فقلت خلني أتأكد من منصور عشان أختي حبيبتي اللي أخاف عليها ماتبتلي به..سرت المول واتصلت به وسيده ياني حسيت انه ماصدق وحده تبى اتشوفه
وعقب اصر عليه و حلف بعد اني اركب ويااه اونه يبغي يعشيني

وديمه " كنت منصدمه من اللي اتقوله هي بعدها ماكملت وأنا قلبي أحس بكل بوظبي يسمعون دقاته"

عليــا: المهم سرت ويااه وكانت السيره حميمه وايـــــد (( وكانت اتقولها بدلع وبرود فظيع ))
وديمه: شوفي عليا لو انتي تتبلين على الريال والله ماتلومين إلا نفسج..بخليج مضحكه جدااام الكـــــــــــل
عليا: الحين هذا يزاتي اني أباج الخيـر على قولتهم خيرا تفعل شرا تلقى.. بس أنا كنت حاسبه حساااب هالكلام اللي قلتيه اللحين وصورتلج أياه وهو في السياره وسويت حسااب أنج بجذبيني وبتقولين الصوره يايبتنها من مكاان فصورتلج بالفيديو من دون مايدري وفيها صوته وصوتي ويااااااااااااه

وديمه " حسيت الدنيا ادور بي ماعرف شو أقول ولا شو أسوي شفت الصووور وسمعت الصووت ماروم أجذبها الحين..والله حليلج ياعلياا كنت دوم أظلمج بظنوني"

عليا: سمحيلي وديمه بس انا خاايفه عليج
وديمه: والله ماقصرتي وأنا الحين برد البيت والمحاضره الثانيه حضريني لانيه تعبانه وفيه صداااع
عليا: ليكون بس الصدااع ياج عشان سالفة منصور ؟؟
وديمه: لا والله قاله بس اليوم أنا برمس هليه وبقولهم أني ماباه
عليا: عااد مب تيبين طاريه في السالفه
وديمه: لا أفا عليج

ردت وديمه البيت وكانت صدق متضايجه من السالفه مهما كاان هو ما عرف قيمتي وماحشم هليه اللي هم هل ربيعه غيــــــــــث

[همس قلبي]

ان شاء الله بقراها اليوم