قصة طحنون الخيلي

[راعية التلي]

مرحبا الساع في ذمتيه لكل من يبا يقرا قصة الخيلي الصراحة هي قصة تينن ( ميجا بالعامري ) هههه فايقة

المهم اخليكم ويا القصة هي وايد حلوة بس طويلة




(سادتي المسافرين..سيتم الهبوط الى مطار ابوظبي بعد 20 دقيقه..يرجى منكم العودة الى المقاعد وربط الاحزمة))

بين مقاعد الطيارة..كان جالس يرقب من الدريشة يحاول يشوف الطرقات الي منها بيي اخوانه ويستقبلونه بعد غربه دامت 5سنين في بريطانيا بسبب الدراسة..

المضيفة: لوسمحت بعدك ازنك..ممكن تربط حزامك لاننا حنوصل ابوظبي..ولسلامتك كمان؟
...: !!
المضيفة: انا اسفه للازعاج..بس ممكن تنتبه مرة تانيه ايلي..لوسمحت بعد ازنك..تربط حزامك اخي؟؟
طحنون:اوه!! انا اسف..اسمحيلي مانتبهت لج..كنت يالس اراقب من بعيد طريق بيتنا..مشتاق لهم وايد..هه ان شاء الله بربط الحزام..
المضيفة: شكرا الك..وان شاء الله توصل بالسلامة اخ طحنون..
طحنون:تسلمين...

طحنون ولد حمد بن علي الخيلي..الي له 4 خوات و3 اخوان وهو الرابع بينهم واخر العنقود من الشباب..اول ما خلص الثانويه وظهر منها بنسبة امتياز..ماشاء الله عليه الكل كان فخور بنجاحه وخاصة ابوه المرحوم والي اتوفى بعد سنتين من سفر طحنون لبريطانيا وكانت امنية حياة والده يشوفه راد من بريطانيا بشهاده ماجستير عالي.. يوم سمع طحنون بوفاة والده تألم لانه فقد اعز انسان على قلبه..كان الاب والصديق والاخ..يشاوره بكل شي وهو الي شجعه وخلاه انسان طموح يطمع للافضل ..استوى طحنون من عقبها انسان هادي وكتوم مايحب يجتمع بالناس..وكانت ميزته الطول والعيون العسليه والخجل الي يغطي خدوده الورديه والقلب الصافي وسوالفه رغم الحزن الي فيه بسبب وفاة ابوه..كان انسان كل بنت تشوفه تنعجب به..مو لشكله بس لا لطبعه بعد..وخاصة بنت عمه (شوق) الي كانت تكن له مشاعر صادقة وله مكانة خاصة بقلبها والي حزنت بسفره وتتريا رجوعه من الغربه..

((لقد تم الوصول بالسلامة الى ارض الوطن..مرحبا بكم في مطار ابوظبي..يرجى منكم البقاء في مقاعدكم حتى تتم توقف الطائرة استنادا الى ان من الممكن تحرك بعض الحقائب..فيرجى مراعاة القوانين الخاصه بالسلامة وشكرا..))

طحنون:الله يادار زايد كيف محلاها..ياناس حلوة وقلبي مغرم فيها..كانه القمر يوم يطلع من محياها..في غاية الحسن يسلم كف بانيها..
الكابتن:ماشاء الله عليك..صوتك حلو واغنيه معبره الصراحة..شكلك من زمان ما نزلت البلاد..
طحنون:هيه والله ياخوي..من زمان ما حدرتها وربي اشتقت لها ولاهلها ولبانيها..عسى الله ربي يحفظه امين يارب..
الكابتن:شو شكلك بتم فالطيارة وعيبتك القعده؟
طحنون:ههههههههه..تصدق نسيت اني وصلت من كثر ماطالع فالدريشه تسلم ياخوي عالرحلة المتعبة الصراحة هههههههه..ان شاء الله اشوفك على خير..
الكابتن:ههههههه العفو لاشكر على واجب..يلاا سير لحق على اهلك تراهم ينتظرونك والحمدلله على السلامة..
طحنون:الله يسلمك..
اول ما نزل طحنون المطار يالس يتطالع فالناس والي حوله..مب مصدق انه رد بوظبي واخيرا بشوف امي وخواتي واخواني وربعي وايد اشتقت لهم..وصل لمنطقة الجوازات..خلص كل اموره وعقبها سار صوب الشنط واتريا حوالي 15 دقيقة الين ما وصلت شنطه وخذاها..طبعا الهنود يتجمعون صوبه..
الهندي:بابا..بابا..انا بيشيل شنطة مال انت زين..
طحنون:خيييييبه..مسرع ما لاحظني..هههههههههه هي بس شوي شوي ترا في هدايا وياويلك لو تكسر شي سمعت..؟
الهندي:ان شاء الله بابا..انا مايكسر شي..مايريد يروح بلاد مال انا وماعندي فلوس..بيشيل شوي شوي ويسمع كلام مال انت زين..
طحنون:هههههه يحليله..
اول ما وصل الباب تبطل اوتوماتيكي وشاف صف طويل متروس ناس من كل الاجناس الي يتريا اهله ولا ربعه ولا حبايبه..وهو يالس يطالع فيهم ويدور على اخوانه اول ما وصل اخر الصف لقى اثنين جدامه يالس ياشرون له..
طحنون: حمداااااااااان..مكتووووووم..فديتكم والله تعالوا...
حمدان:هلا ياولد بريتش..هههههه شخبارك..؟
مكتوم:طالع كيف تغير..والله سبحان الله مغير الاحوال..قبل لا تسافر كنت قصيرون وحليلك ما يخصك فالدنيا واحين ماشاء الله تشقح وتنطح لا ومسوي قفل بريطانيين بعد ههههه عشنا وشفنا..
طحنون:ههههه مالت عليك..خل عنك هالسوالف..انا بخير ربي يسلمك انتوا اخباكم شخبار ماماتي فديتها وخواتي؟
مكتوم:بعدين بنخبرك عيب نسولف هنيه جدام العرب..مايصير..
حمدان:لا عادي اتسوى عنده اشوف..شكله ماخذ الدنييا علوج في حلجه يتعلج به على مزاجه ههه..
طحنون:الله يغربل ابليسك..لو الف الكون..ماقدر على فراق داري دار زايد يعلني فداه..يلاا خلنا نسير انا يوعان مشتاق لاكل الوالدة..
مكتوم:هيييي هذا اهم شي..الكرشة..اسميك طفرت من المعلبات شكلك والفاست فود..احين بترد لحياتك الجديمة واضرب بالخمس عالمجبوس والبرياني..ههههه
الكل:ههههههههههههههههههههههههه

((عقب ما ظهروا من المطار وهم فالطريج))
طحنون:ازين خبرني احين عن احوال امي وخواتي ودار زايد..
حمدان:الله يسلمك..اخوك بطي امس ياله ولد سماه (حمد) على اسم ابونا وشكله مثل الوالد سبحان الله..اسميهم مستانسين عليه..
يترحمون بالوالد..
طحنون:والله...ياسلااااااام عليه..ماشاء الله استوى ابو حق 5 عيال..ازين وبعد..
مكتوم:واختك مهاري خطبها هزاع ولد خالتك..وان شاء الله بعد شهرين العرس ويزوي تعرف يحليها كله طايحة فالدراسة تعرف عاد هاي اخر سنة بالثانوية ودانة فالكلية شاده حيلها وبقالها سنة وتتخرج والريم ويا عيالها في بيت ريلها..شو بعد تبغي تعرف؟
طحنون:ماشاء الله شكله رجوعي ويه خير عليكم..كلها افراح وعسااه دوووم يارب..اخ متى بنوصل بطني مستوي جنغل من اليوع..
حمدان:جنغل بعد!!هههههههه اسميك حركات انت..خلاص دقايق وبنوصل..فديتك ياخوي وربي البيت من دونك ظلام..حياك في دارك ياخوي..
مكتوم:عن يصدق عمره احين ويستويلي هيرو..
الكل:ههههههههههههههههههههههههه
طحنون:من اول ما انخلقت وانا اشوفك راعي سوالف وضحك..ياخوي وربي اشتقت لاستهبالك عسى الله مانحرم منكم كلكم..
الكل:اميييين يارب..
اول ما وصل البيت دش الحوي ويالس يشوف المريحانة على يمينه وبيت الحمام الي في زاوية الحوي..ودقايق يتذكر ايامه الحلوة وهو ياهل يوم كان يلعب ويا خواته فالمريحانة وويا عيال الفريج يوم يسووون مباريات حلوة..ويوم شاف الحمام يطير تذكر ابوه يوم اول يوم ياب له هالبيت في عيدميلاده الـ12 سنة..لحظات وتدمع عيونه وقال:اخ رحلت يابوي ومن بينور هالبيت من عقبك يالي كنت نورها..
حمدان:الله يرحمه..ادعي له بالرحمة تراه محتاج لها..
قروا الفاتحة وترحموا عليه وعقبها دشوا البيت..
طحنون:مراااااااحب يا اهل البيت..رديت انا وعساني مافترق عنكم..
ام بطي:طحنووووووووون..ياضناااااي..يابعد كلي..هلا والله (وتصيح)..
طحنونوهو في حضنها) اميييي فديتج ولهت عليج موووووت..ولهت على ويهج ودعائج وكلامج واكلج وكل شي..الله يطولي بعمرج وعساني مانحرم منج شخبارج يا اغلى انسانه..؟
ام بطي:بخير فديتك..وانا بعد ولهت عليك يا غاوي بوظبي والكل مشتاقين لك..اكيد يوعان وربي مسويه لك برياني من الي تحبه..
حمدان:هي ونحن يوم نطلب منج اكله تقولين لنا:خلي البشكاره تسوي لكم..طبعا البعيد عن العين قريب من القلب..
مكتوم:قصدك نحن مالنا معزة شرات طحنون..
ام بطي:بسكم بسكم عليه..تراكم تعرفون غلاتكم عندي بس طحنون لانه بعيد عني اكيد معزته اكبر..
طحنون:ماعليج منهم يما..تراهم يغارون ومشكله العواذل يوم يغارون هههههه..
الكل:ههههههههههههههههههه
ومن الدري ينزلن مهاري واليازيه ودانة..
مهاري:فديييييييييييييييييييت الظبياني..ياويل حالي انا..شو هالجمال..اسميني لو مب اختك جان خطبتك حقي ههههههههههههههه..
حمدان:هههههههههه زين ماخذيتي كف على ويهج من هالرمسة..ماعليه اليوم خذي راحتج بس حسابج بعدين..
اليازيه:هلا اخوي..وربي اشتقنا لك..احين ارووووم اقرض فيك الين ماشبع ترا حمدان ومكتوم اخاف منهم لا يشوتوني ويوصلوني الصين..
الكل:هههههههههههه
طحنون:مهاري..فديتج ياختي ما يحتاي هالمجاملات تراج احين مخطوبة وبالبركة ان شاء الله..يزوي حبيبتي من اليوم القرض بيبتدي ولا تزعلين..هاااااه دانووووه شخبارج وشخبار الكلية وياج؟
دانة:بخير ربي يسلمك ياخوي..تعرف بقالي سنة واتخرج ان شاء الله وزين انك ييت عسب تحضر تخريجي..يعلني مانحرم منك ياغاوي بوظبي..
ام بطي:بتمون تسولفون جي الين متى؟ ارحموا الولد يحليله يوعان خلوه ياكل عسب يسير يرتاح..
حمدان:ما يحتاي ياكل..اذا ما يبغي نحن بناكل بالنيابه عنه..هههههههههههههه مب خسران هو شي كل يوم امايه بتسويله هالبرياني..
مكتوم:اشحقه ناكله بداله..اذا ما يبيه انا باكله برووووحي هههههههه..
الكل:ههههههههههههههههههههههه
ام بطي:ازين يابنتي اتصلي في الريم خلها تيي ويا عيالها وريلها..وشوفي بطي وينه اذا يروم يي البيت ولا لأ..
دانة:ان شاء الله يما..

((والكل تجمع في طاولة الطعام وطحنون مستانس لانه اخيرا بيرد ياكل ويا اهله بينهم وحس بالراحة صدق))
طحنون:ازين مهاري..وشخبار هزاع؟
مهاريمستحية) بخير امس يا المستشفى يوم ربت منى حرمة بطي..
اليازية:اسميها اول ما شافته ويهها استوى شرات الطماط لا تكلمت ولا شي..وحليله هو يالس ويا حمدان يخططون للعرس وهي طاااف مسويه حقه..
مهاري:بسج عاااد لاتفضحينا..
مكتوم:لا ولا تشوفها يوم بغت تعطيه العصير يالسة ترتجف...اسميها قفطها وقالها:لايكون الارض صابها زلزال..
الكل:هههههههههههههههههه
مهاريمعصبه) بسكم عاااااد مب جنكم حشيتوا فيني الين ما قلتوا بس..
طحنون:لا عيوني..انا اعرف انج حبوبة والريال عرف يختار..وربي اشتقت لسوالفكم كلكم وانا وايد مستانس لاني بحضر عرسج يا احلى عروس..ان شاء الله تتهنين..
مهاري:فديتك ياخوووي..يا اطيب قلب بالعالم..
مكتوم:هيييييي هالحب ما يطلع الا عقب مدح..صدق مصلحة..
دانة:يما..الريم بتيي عقب المغرب عسب تدرس عيالها..وبطي قال يمكن ايي ويمكن لا تعرفين عاد منى محتاجه لبطي وخاصة هالوقت..
ام بطي:ان شاء الله خير...
طحنون:يلاااا عيل..بسير ارقد تعبان حيل..تسلم ايدج يا احلى ام ((ويحبها على راسها)) فديت دهن العود وراعيتها..
حمدان:الله الله..منو قدها ام بطي..يغازلونها المزاييين..ونحن طاف تسوي لنا..
اليازيه:طبعا مزايين بريطانيا..خلاص اتقنوا القردنة ماقصروا الانجليزيات وياه come here baby boy. I start like you...Gemmei hug
الكل:هههههههههههههه
دانة:هي ما تعرفين الا هالسوالف ويا ويهج..حشمي ازين اخوانج ويااااج..جان تبين تفضحينه فضحيه عقب ههههههههه
حمدان:اشوفكم قلبتوها حش فينا..
طحنون:لا حش فيني انا..ماعليه يزووووي انا براويج..اسمنيني بقرضج من اول مانش..اصبري علي انا ههههههههههههههه..
ام بطي:رقاد العافيه فديتك..
حمدان:تحمل على تطيح من رمسة الغزاله هههههههههههههه..
مكتوم:ياويلي انا..الصراحة انا يوم بعرس بخليج يا يما تختارين لي العروس وتكون
شراتج بس مو فالشكل بعد هههههههههه..
ام بطي:يالهرم..ماعرفت اربيك عدل..
الكل:ههههههههههههههههههههههههههههههههههه


((واتريوا البارت القادم ان شاء الله)

[راعية التلي]

حطيتلكم البارت الثاني عشان تربطون القصة


ولعيوووونكم الباااارت اليديد

الجزء الثاني:

اليازيهقريبة من ويه طحنون) اوووووف..متى بتنش تراني مليييت..خلصت كل واجباتي وانت بعدك راقد..يلااا عاد بسك رقاد مب ف بريطانيا انت احين..قوووووم..
طحنونوعلامات الرقاد بعدها عليه)هاه..! زين زين بنش احين..لاتنفخين على ويهي ماداني حد ينفخ علي مب متعود بعدني..يوم الحرمة تيي هي بس الي بتنفخ علي..هههههههه
اليازية:ازين ياخوي..ترا عمي سيف موجود فالميلس ويا عياله واخواني..يتريونك تحت..
طحنونيبطل عيوووونه)شووووو!!يعني بدر مني..ياسلاااام ولد عمي هنيه..

اليازية اول ما سمعت اسم بدر تخبلت ما رامت تود عمرها..بدر عمره 21 سنة وهو اكبر من اليازية بـ3 سنين..وهو ولد عم طحنون المقرب له..ميزته انه هو راعي سوالف وضحك وحبوب..وسماره كان احلى ما يكون..يزوي كانت تحبه من هم صغار..ويوم ميلادها اهداها سلسلة ذهبية وكانت هاي من اغلى الهدايا على قلبها وبعدها تلبسه الين يومها هذا..

طحنون:ايييه انتي اشفيييج صخيتي جي مرة وحدة..شو استوى بج؟
اليازيهبعد ما فاقت من سرحانها ببدر)هاااااه..لالاماشي ياخوي..ههههه اترياك تنش من الرقاد يلااا عاااد قوووم..عمي سيف وخالتي مزنه يتريونك لا تتأخر..
طحنون:خلاااص دقايق وبنزل لهم..سيري انتي عند خالووووتي والبنات..
اليازيه:خلاص عيل نترياااك..

طحنون ينش من الشبريه وسار يتعدل عسب ينزل لميلس الرياييل..اليازية سارت المطبخ عسب تسوي للضيوف العصير وتييب لهم الفواله..وهي فالممر يالسة تتذكر (بدر) وكيف انها من زمان ما شافته الا وفجأة......
...:هووود هوووود..بغينا نمر..
اليازيةتعدل الشيله)حيااااك تفضل..
...:احم..منو انتي؟
اول ماطاحت عيون اليازية عليه ما كانت مصدقة..معقوله هذا بدر الي من زمان ما شفته..
اليازية:لا والله..في بيتنا وبعد تسالني انا..!انت الي منوووه؟
...وعلامات الاستفهام عليه)..ازين ليش معصبة هه..انا بدر ولد عم طحنون..الوالد يسأل عنه وانا ادور عليه احين..
اليازيةمن سمعت اسم بدر قلبها تم يدق بسرعة واحمرت من الخجل ونزلت راسها)ههه..انا اسفة اسمحلي ياولد عمي..ترا طحنون بينزل عقب دقايق..توه ناش من الرقاد..
بدر:ولد عمي؟؟ليش منووو انتي؟(وبعده علامات الاستفهام على ويهه)
تدش (شوق) صوب المطبخ وتشوف بدر واليازية واقفين..ركضت صوبه اول ما سمعته..
شوق:يالخبل هاي بنت عمك يزوي..عنبو ماعرفت تؤامك الطفولي..من انتوا صغار وانتوا دومكم ويا بعض وطبعا الخبال والاستهبال عنوان دربكم..حشى مسرع ما نسيتها..هههه
بدرمستحي)اووووه..!!اسمحيلي يابنت عمي ماعرفتج تدرين من فترة ما طبيت بيتكم ترا الشغل ماخذ كل وقتي..شخبارج الغاليه؟
شوق:ياسلاااام..عقب ما عرفتها احين بتدق سوالف وياها..استح ع ويهك يالس في بيتهم وتسولف..مب ياهل هي عسب تسولف وياها شرات قبل..يلااا نحن بنسير المطبخ,انت رد الميلس..
اليازيةمستحية ومستانسة)ههههههه..ما صدق الريال يسولف وياي،بخير ربي يسلمك ولد عمي..الله يوفقك ان شاء الله في شغلك وبعد اذنك انا سايره المطبخ تراك ضيعت وقتي وشكلها امايه بتصارخ علي ليش تاخرت عليهم...دقايق وبينزل طحنون من فوق..

شوق من سمعت اسم طحنون وقلبها كله فرح لانها مشتاقة وايد حقه وودها تشوفه..تبغي تقوله انها تحبه..بس خوفها يرفض هالحب ترا طحنون ماعمره فكر في شي اسمه حب وهي تعرف هالشي من هم صغار..

بدر:الله يحفظج..سمحيلي جان ضيعت وقتج..اشوفج على خير ان شاء الله،شوووق لاتفضحينا ردي الميلس تراج ما تعرفين تسوين شي فالمطبخ..
شوقمعصبة)شوووووه..انا اعرف اسوي كل شي..بس ابداعاتي اخشه عشان الريل بس..
اليازية:هههههه
بدر:لانخليني اغير ويهج هذا واخليه صحن فواله هههههههه..
اليازيةفي خاطرها) الله فديت ضحكته الغاوية..ياربي شحلاته مو مصدقة انه يسولف وياي..يلااا شواقي خلنا نسير..
بدرمستحي)واااااايد اخرتكم لا..السموحة يلااااا وداعة الله..
اليازية:ربي يحفظك..
شوق:توه الناااااس..هههههههه يلااا عيل اجلب ويهك..
الكل:هههههههه..
بدر:ياربي شحلاتها..صدق تؤام طفولتي وروحي بعد..ماصدق اني شفتها وشفت عيونها الي دومه ف خيالي ما يفارقني..ليتها تعرف بحبي لها..

طحنون عقب ما تكشخ نزل على طول صوب المطبخ يبغي يشرب ماي وماكان يدري انه شوق داخل المطبخ..

طحنون:يزوووي يالدبووووه راعية القرض..هاتيلي ماي قبل لاسير الميلس.........
اليازيةمستغربه)حوووووووه..جي بنت عمك مب تارسه عيونك يالس تزاعق تقول يالس فالعزبة استح على ويهك ازين..
طحنونمستحي وخدوده احمرت)اووووه..سمحولي والله ما شفتكم..
شوقمستحية)مسموح بالحل ولد عمي..تراك في بيتك وشكلك متعود على جو بريطانيا كل شي فررررري،والحمدلله على سلامتك..
اليازية:ههههههه ويووووو قفطوه..
طحنونمعصب)عيبتكم السالفه اشوفكم قرضتوا فيني..ماعليه براويج انتي وشواق بس خلني اسير الميلس وعقبها لكم الف حساب..
شوقخايفة)اسفه والله ما قصدت اعصب فيك..اسمحلي ولد عمي..
اليازية:لايغرج هالعصبية تراااااه دقايق وبيضحك ما عليج منه يخوفج بس هههههههههه..اندوك الماي..
طحنونانفجر من الضحك)هههههههههههه يزوي صدق انج حركااات ازين كنت خليتها تخاف شوي عقبها بقولها اني اسولف وياها لازم تفضحينا اسميييج دبوووه..
شوقفقلبها)يعلني فدااااه هالضحكة ياربي،شو محلاه..
طحنون:عن اذنكن..انا ساير يلااا اشوفكم عقب..
اليازية:تحمل عن تتخرطف تراا اول يوم لك وانت لابس الكندورة..
الكل:هههههههههههه

في ميلس الحريم..كانت ام طحنون ومهاري ودانة والريم وميثه والعنود خوات شوق وام بدر يالسين يسولفون..

ام سلطان:وربي لج وحشة ياخويتي..من زمان ما شفتج..شخبارج وشخبار العيال؟
ام بطي:لو كنت غاليه عليج كنتي كل يوم تزوريني..وانا بعد اشتقت لج..انا بخير وعيالي بسم الله عليهم ربي يحفظهم لي من بعد بوبطي رحمة الله عليه..وانتي شخبارج وشخبار البنات؟
ام سلطان:سمحيلي ام بطي..تراج تدرين محد يروم يوصلني الكل منشغل بدراسته وشغله وانا مالي فالدنيا احد غيرج من عقب بوبدر والبنات..
ام بطي:بالحل حبيبة قلبي..
الريم:هلا فيج خالوتي..عاش من شافج منورة البيت ياعمري..
ميثه:ياالله منو قدها امايه يمدحون فيها..خله يسمعج بوسلطان اسميه بياكلج ههههه يغار عالوالدة وتدرين عاد..
ام سلطان:هههههه ميثووه خلج انتي وريلج مايخصج فيني..هلا الريم بخير ربي يسلمج وانتي علومج شخبار العيال وريلج خالد؟
الريم:بخير ربي يعافيج..تدرين احين سلامة فدراستها وشموس شاده حيلها فالابتدائية وزايد حليله يرد من الروضة وابتسامته شاقة الحلج..وخالد حمدلله شاغل عمره بشركة ابوي ويا بطي تعرفين عاد..
ام سلطان:عسى الله يحفظهم لج يابنتي..
ميثه:اتخبرج الريم..سلامة اي صف؟
الريم:احين هي صف سادس وان شاء الله تتخرج من المدرسة بتفوق عسب ندخلها جامعة الامارات وان شاء الله كل شي خير..

والصوب الثاني من الميلس كانوا البنات يسولفن

العنود:وشخباااارج دانووووه شمسويه..وشخبار الكلية وياج؟
دانة:والله الحمدلله لايعة جبدي منها..3 سنين فيها واخيرا بتخرج منها عقب ما عانيت صدق وانتي اخبارج وشخبارج دراستج؟
العنود:والله ماشي الحال..تدرين عاد كيف التقنية تلعوز لا وشوفي البنات الي مناك..مو جنهم سايرين يدرسن..سايرين العرس ولا عشان ينخطبن..
الكل:ههههههههههههههه
مهاري:هي اغلبية بنات التقنية جي..الله يهديهم بس..زين اني تخرجت منها قبل سنة ولا اشوف هالسوالف الي تعور الراس..
العنود:هاه وانتي اي عرووووس..اخبارج انتي وهزاع ريلج..عساج مرتاحة؟
اليازيةياية صوبهم)ولا كانها بتتزوج..مسويه طاف حق ريلها كل ما يي عنا لا تسلم عليه ولا حتى تقوله شخبارك..صدق انها مب ويه زواج..
ام بطي:لمي ثمج يا بنت حمد..اختج قدها وقدود..بس شوي مستحية منه لازم وانا وايد فرحانة لها وعقبالج يالملسونة انتي واختج دانة..
الكل:ههههههههههههه
اليازيةزعلانة)يلااا شواق خلنا نسير الحجرة..شكلنا مب مرغوبات فالميلس بس حق سوالف المطبخ يطلبونا..
العنود:لا حشى منو يروم يفارق يزووووي بنت عمتي الغاليه..بسج دلع ولا تمدين هالبووز فديته ههههههههههه..
شوق:عن تصدق عمرها احين وتقول خلاص مابغينا الحجرة..
اليازية:صدق ازين..من عقب هالرمسة من قال اننا بغينا الحجرة..
الكل:هههههههه..
دانة:اسميج حركاات يوم تستعبطين..
ام سلطان:يعلني فداج يزوي..غلاتج من غلاة العنود وشوق..يلسي عنا ولا تظهرين فوق..تراني مشتاقة حقج ومن زمان ما شفتج كله فالحجرة تدرسين..
اليازيةفي حضن خالتها)فديتج والله ياحرمة احلى عم فالدنيا..انتي الي تحسين فيني والله..
ام بطي:تراني اغار هاه..مب تخلين يزوي دلوعتي تحبج اكثر عني..
دانة:يعني نحن مب تارسين عيونج..افاااا ما هقيتها منج يا ام بطي..
اليازية:مشكلة الي يرزووون فيسهم في مواضيع مالهم خص فيه..
مهاريمعصبة)شو قصدج يالملسونة؟
اليازية:اميييه العووودة عصبت..خلج انتي ف حالج..تطلعين حرتج فيني وفي هزاع ما يخصج فيه..
الكل:هههههههههه

في ميلس الرياييل..كان سلطان وبدر ونهيان وبوسلطان وحمدان ومكتوم وخالد وهزاع يسولفون

بوسلطان:هاه مكتوم شخبار الشركة وياكم؟
مكتوم:تدري عاد عمي ممشين الحال..سوقنا بدا يرتفع والبضاعة جديدة محد يشتكي منها الحمدلله والعمال فيهم الخير يكدون من خاطرهم لولاهم ماعرف كيف الشركة بتصير..
بوسلطان:والله وعرف يربيك اخوي حمد..والنعم فيك يا ولد الخيلي رحمة الله عليه..
الكل يترحمون عليه..
نهيان:حشى مب طالبين طحنون..طالبين شيخ وانا مادري اشحقه كل هالتاخير..لايكون يحط ماسك ف ويهه وعلموه عيال البريتش هههههههههه..
طحنونداش الميلس ويسمع نهيان)غصبن عنك شيخ..وشيخ الخيلية بعد واذا مب عايبينك كيفك والله..بعدين منقود عنا سوالف الماسك مع اني اسويه بس لاتخبر حد...هههههههه هلا فيكم شخباركم..؟
بدر:هلا واللـــــه..لك وحشة يا ريال..اسميني ماقدر اتصرف برووووحي فالشارع الا وانت وياي..ترااااك غاوي وتعذب المزاييين ههههههههه..
طحنون:ههههههه فديتك والله يا ولد الغالي..شخبارك..هلا عمي شمسوي وربي اشتقت لك يابوي..
بوسلطانيخاشمه)والله بخير ربي يسلمك..وانت بعد لك وحشة ياولدي شخبارك وعساك بخير..
سلطان:هلا طحنون الحمدلله على سلامتك..
طحنون الله يسلمك ياخوي..شخبارك هزاع مبروووك وعرفت تختار الصراحة..
هزاع:الله يبارك فيك يالغالي..حمدلله على سلامتك..
طحنون:الله يسلمك..استريحوا،هاه بدووووور شمسوي شخبار الربع كلهم؟
بدر:والله الربع حارقين تلفوني من اول ما عرفوا انك ياي..ودهم يشوفونك..يوم تفضى ياخوي خبرني عسب نتلاقى ويا بعض..
طحنون:والله انا بعد اشتقت لليلسة وياهم..ازين وعلومك نهيان..شخبار دراستك..؟
نهيان:والله الحمدلله..الدراسة ماشي حالها..كلية الشارجة الصراحة من حيث التدريس والوسائل الحديثة متطورة وممتازة..وان شاء الله عن قريب اتخرج..انت خبرني شو سويت ف بريطانيا؟
بدر:شكله ما خلى ولا بريطانية الا وقردنها اعرفه تراني..مطيح قلوب بنات البلاد اكيد مطيح مناك ههههههههه..
الكل:ههههههههههه
بوسلطان:يالخام استح ع ويهك..عالاقل متخرج ماشاء الله عليه من بريطانيا بشهادة ماجستير ربي يحفظه وانت عاااد خله مثله وكمل دراستك الجامعية وفكنا من حشرتك..
نهيان:ابوي..بدينا الفضايح..خلاص انزين كم مرة قلت له الين انا ماحفظت رمستك هههه خف على عمرك شوي ترا هالاهتمام الزايد ماله داعي خله حق الحريم..
طحنون:هههههههه..اسميك يابوسلطان حركااات وربي..
مكتوم:اقوول عمي شو رايك نسير المزرعة هالاسبوع نتيلس فيه الين الجمعة..
بوسلطان:والله فكرة..خلاص ان شاء الله رتب انت الامور وانا بحاول اخلص كل شي عسب نروم نسير من وقت..خلاص عيل تم يوم الاربعاء ان شاء الله..
حمدان:هاه شو رايك طحنون ولا ما ودك تسير؟
طحنون:كيف ما تبغيني اسير المزرعة..مكان الوالد رحمة الله عليه..وربي اشتقت لليلسة مناك خلاص عيل نتلاقى يوم الخميس ان شاء الله..
بوسلطان:على خير ان شاء الله..
حمدان:يلااااا تفضلوا الغدا جهز..حيااااكم اقربوا..

اتريوا البارت الياي ان شاء الله

[العيون السود]

تسلمين يالغالية على القصة
بدايتها حلوة
نتريااا التكملة لا تتاخرين علينا

وربي يعطيج العافية

[طرفشانه]

مشكوره الغاليه ع القصه

البدايه حلوه ومشوقه

نتريا التكمله

ربي يحفظج ...

[راعية التلي]

الجزء الثالث:

يوم الاربعا فالمدرسة..كانت يزوي في وقت الفسحة..مسويه جمعة بنات ويالسين يهذربن..

اليازية:هلا خولووووه..شخبارج يا بعد جبدي؟
خولة:بخير ربي يسلمج..اووووف ماصدق انه اليووم الاربعاء طاف هلاسبوع على خير كله كان دح وامتحانات..
اليازية:عيل انتي الادبي تعانين..شو خليتي حقنا نحن العلمي..مانقووول غير الله كريم..
شواق: (ياية صوبهم) حشــى مب بناااات..يالسين في مصارعة..ظهري عورني كثر ما يدزوني من يوم السبت يزوووي بييب ويانا باسكن روبنز وبيتزا هت..
مريم:هههههههههه يحليلج..قلت لج اتريي شوي وبنسير كلنا رباعه نشتري بس ما بغيتي الا وتعانين مشكله العلمي يوم يبغي ياكل ومايروووم..
الكل:هههههههههههههه
سارة:هاه يزووووي..وين سايرة اليوم؟كلنا قررنا نسير الاسكيت نتلاقى مناااك ونستهبل عالبنات..
اليازية:لالا اسمحووولي..اليوم ماقدر اسير الاسكيت انا وقوم شواق وقوم خالتي غاية سايرين مزرعتنا بنتيلس مناك الين الجمعة..احسن شي انه يوم السبت ماشي امتحان..
خولة:واشحقه مسوين هالجمعة الطيبة..منو بيعرس؟لايكووون انتي؟
مريم:ههههههه لا واقووولج ريلها هو الي بيعرس مب هي..
الكل:هههههههههههه
اليازية:حشى وكلا..انا اخذ لي واحد معرس..يلا يلا نحصلهم فالشارع عسب نلقطهم ههههه..لا خويتي سايرين عسب اخوي طحنون توه من يومين راد من بريطانيا وتخرج مناك بشهاده ماجستير ..فديته والله يبغي يقضي هالويك اند مناك فالمزرعة..
سارة: (وهي مستانسة)قوولي والله..اخووج رد هذاك الحليو الي شفت صورته في حجرتج معلقه يوم عيدميلادج؟
شوق: (مستغربه) اي صوورة؟
اليازية: (تحاول تغير الموضوع عسب ما تتضايج شوق) ما علينا..المهم نحن سايرين مزرعتنا اليوم..اشووفكم على خير ان شاء الله..

(ويرن جرس الفسحة..وكل وحدة سارت الصف وخلص الدوام وكلهم ردوووا بيوتهن..في بيت حمد بن علي الخيلي)

مهاري:يماا..شفتي التنورة البنفسجية الي يابها لي هزاع يوم كنا في دبي؟
ام بطي:لا يابنتي ما شفتها..سألي اختج دانووه يمكن حطتها في مكان..
مهاري:الله يسامحج يما..كم مرة قلت لج لا تخلين حد يدش الحجرة ويخربط فيها..
دانة:مهاااااري..انا شفتها في حجرة الغساله..ترا اليوم الصبح البشكاره خذته عسب تغسله..
مهاري:زين عيل طمنتيني..ولا هدايا هزاااع ماقدر استغنى عنهم..
اليازية: (صوب حجرة مهاري)قصدج ما ترومين تستغنين عنه هو..يحليله والله..ليته يسمعج بس عسب يستانس..بس ان شاء الله اليوم بيسمع منج هالرمسة الغاوية..
دانة: (تظهر من حجرتها)بسم الله..متى رديتي انتي؟حشى مب اذوون..سبيكراات هههه يلااا ازين غيري ثيابج عسب ننزل نتغدى ولا تنسين قبل كل شي تزهبين الاغراااض عسب نسير من وقت..
اليازية:ان شاء الله عمووووه..امري بعد..
دانة: (معصبة) عمت عين العدوووو ان شاء الله..يوم اعرس واستوي شرات مهاري عقبها قوولي عموووووه..
مهاري: (مستحية)مب جنكم غلطتووووا علي!يلاااا عيل الكل يتريون فالميلس انزلوا ولا تتاخرون..
الكل:ان شاء الله..

(عقب ما يلسوا وتغدوا ودقوا سوالف..في بيت سيف بن حمد بن علي الخيلي..كانت شواق تتجهز وترتب اغراضها..وهي مستانسة..)
((تدري من عشقي لشوفك..ما تفارقني طيوفك..صرت اناظر فالمرايا..ماراى نفسي واشوفك))يالس يغنيها وهو عالشبريه ويطالع السقف..بدر كان يفكر في تؤام روحه (اليازية) وكيف وده يخبرها انه هي احلى حب سكن فؤاده..

العنود: (تقرب صوب بدر عسب تخرعه)..بووووووه!!
بدر: (نقز من الخوف) اعوذ بالله..لحوووول انا كم مرة قلت لج لا تسوين فيني جي..
العنود:هههههه بغيت اخرعك..اطلعك من هالتفكير الي معذب قلبك..الاخ يحب؟
بدر: (معصب)مايخصــــج انتي..بعدين شدراااااااج انتي بهالسوالف هاه؟؟
العنود: (خايفة) لا والله..بس تعرف عاد كيف التلفزيون وسوالفه عسب جي..
شوق: (تدش حجرة بدر)الله الله..بدووووووور يال عاااااشق الخيلية..شخبارك؟
العنود: (مستغربه) منوووووه هالخيلية الي مطيره قلب اخوي؟
بدر:اشوووفكم استويتوا تدشون في خصوصياتي..ما يخصكم ويلاااا ترا طحنون من ربع ساعه متصل وقال انهم سايرين مناك..
العنود: (تهمس حق شوق) الله..الحب بيسير هناك..منو قدج..
بدر:بشوووووو تسولفوون هاه؟
شوق:لا لالالا ماشي اخوي..تعرف عاااد العنود يوم تستهبل..

(وعقب الكل سار وتجهز عسب يسيرون المزرعة..طحنون ظهر شوي يتمشى في بوظبي قبل لا يسير المزرعة..تم يحاوط بروحه وهو فالاشارة صوب المارينا مول..كانت شي سيارة بي ام عنابية متروسة بنات والمخفي خفيف عليه..وكل الشباب وراهم)

طحنون:هههههههه..حسبي الله ونعم الوكيل..من اول ما سافرت قلت على امل انه الشباب هنيه يعقلون بس شكله ماشي فايدة..عنبو صدق ملاقيف..وفي الطريج شي سيارة استوقفت طحنون
...: (صوت انثوي) مراااحب اخوي..ممكن طلب؟
طحنون: خير في شي؟
...:ليش معصب ازين..يعني يوم بنات يرمسونك ما تستانس لانك تنحب بين البنات..
طحنون: (معصب) لا صدق احييين عصبت بي..سمعي انا ماعندي هالسوالف..ومايخصني فالبنات ازين..خلج انتي بصوب وانا بصوب..تراني لو عصبت مابيستوي خير..يلااا جلبي ويهج..
...: (خايفة) خلاص خلاص ازين عنبووووو صدق دفش ما عندك سالفة..
طحنون:انتي الي ما عند سالفة ويا ويهج تقووول قوطي طمااااااط ههههههه..

[راعية التلي]

((وعقب يروح عنها..ويوصل المارينا ويدش هناك..اول ما دش شاف ستار بكس كافيه واستانس..سار صوب الاستار بكس كافيه وطبعا كان وااايد زحمة وخاصة بنات تراهن يحبن يتيلسن مناك..المهم طلب طحنون الفورباتشينو المفضل عنده..واتصل بربيعه جاسم عسب يونسه فاليلسة قبل لايسير المزرعة))

طحنون:الووووووو..سلام عليكم..
جاسم:هــــــلا هلا هلا والله ومرااااااحب ملااااييييين تارسين البلاد..شحالك بوي..حمدلله عالسلاااااامة..تصدق رقمك يطلع منه غبره من زمااااان ما شفته عندي..
طحنون:هههههههههه يغربل ابليسك..بخير ربي يعافيك انت شخبارك وعلومك وشخبار الجماعة الطيبين؟
جاسم:والله الحمدلله الربع بعدهم موجودين..بس شي خبر مابيسرك ياخوي..
طحنون: (خايف) خير عسى ما شر..خبرني لاتخوفني..
جاسم:اثنين من ربعنا سووا حادث من يومين..واحد توفى والثاني انشل..وربي غمضوني..
طحنون:الله يرحمه ويغمد روحه الجنة..وان شاء الله بخير الثاني؟
جاسم:بخير بس وش فايدة عيشته وهو يالس فالمستشفى..الله يعافيهم ان شاء الله..ازين ما قلت لي وينك انت ابغي اشوفك يالهرم..
طحنون:هههههه تصدق نسيت اقولك والله..انا احين برع البيت ويالس في ستار بكس المارينا..تعال مناك وبنتيلس احلى يلسة وفالك طيب..
جاسم:دام اليلسة على حسابك عيل بيي وطررر بعد..
طحنون:ههههههههههه من يوم عرفتك وانت زطي..مافي يوم عزمتنا فيه الا يوم خذت المعاش وليته خلصت في شي مفيد..لا تسفرت بانكوك صوب الوصاخة..
جاسم:هههههههه ما يخصك..بعدين منو قالك اني ساير اتمشى مناك..كله اسبوع بزنس..يلاا عيل بييك احين..خبرني شي مزيوووناااات وغزلااااان عندك..
طحنون: (يضحك) اسميييك حركااااات..هيه شي ووايد..يعني انت ياي عشانهم مب عشاني هاه..ماعليه يالخااام اراويك..
جاسم:هههههه لا فديت روحك..احين ياينك وطز فيهن..دام غاوي بوظبي موجود..يكفي وزود يلااا حاجة امارة؟
طحنون:سلااااامتك ووداعة الله ياخوي..
جاسم:مع السلامة..

(طحنون سكر عن جاسم وهو يالس يشرب الفورباتشينو ماله..دخلت بنية متغشية وشافت ربيعاتها ويلست فالطاولة الي مقابل طاولة طحنون..اول مرة ما هتم بها..لكن عقب فترة يوم بغت تشرب الكابوتشينو رفعت الغشوة..طحنون اول ما شافها ياله شعووور اول مرة يحس به..حس دقات قلبه تنبض بسرعة من اول ما شافها..ثواني بس والبنت طاحت عيونها بعيون طحنون ماكانت تدري انه شي حد يراقبها..استحت وردت الغشوة)
طحنون:معقوولة اني انعجبت فيها؟؟لالا شو هالخرابيط يا طحنون..تعرف انه انت ماتحب هالسوالف وتستحي من البنات..بس اشمعنى هاي يوم شفتها حسيت قلبي بيطلع من مكانه..لهالدرجة جمالها ونظرة عيونها اثرت فيني؟

((في طاولة البنات))
شيخة:شو بلاااااج ميرووو..شو استوى بج؟ليش رديتي الغشوه بعدج ما كملتي الكابتشينو..
ميرا:ماعرف بس احس كانه في حد يراقبني من بعيد..تدرين بعد استحي وايد..
فاطمة:مشكله الله الي يستحن..اقووولج شيخوه..شي واااحد غاااوي يجنن..يالس ورااج على طووول..صدق عيبني..شو رايج اعطيه رقمي؟
ميرا:استحي على ويهج..انتي شو ما تحشمين..تخيلي لو ضربج وفضحج كيف ترضين على عمرج..
فاطمة:اوووف لا تسوين فيها عيوووز..انا اعرف ليش رديتي الغشوه..عسب تتاملين فيه..شوفي شيخووووه صدي بس شوي شوي عسب ما يحس اننا نتكلم عنه..
شيخة: (عقب ما صدت وشافت طحنون) يااااااويلي انا..صدق غاااوي اقولج شي..انا بسير ارمسه شو رايج؟
فاطمة:لا انا الي شفته قبل..ياويلج لو رمستيه..
ميرا: بسكن عااااااد..نحن ياييين هنيه حق سوااالف مب نتضارب عشااان واحد يلاا عاد خلنا نسولف..
شيخة:هيه والله صدقتي..بشو بينفعونج هاييل الي ماعندهم سالفة..ازين واخباااركن بعد..
وتمن يسولفن..

طحنون:ياربي انا..شو بلااااني..ليش ارتجف!!مو من عادتي يصير لي جي..شو سوت بي هالبنت ياربي وفجأة......
جاسم:هلا والله..شحااااالك يالغاوي؟
طحنون:هلا والله (ويخاشمه) شخباااارك يعلني فدااااك..انا بخير ربي يعافيك..والله ولك وحشة ياريااااال..علومك وشخبار الشغل؟
جاسم:والله تمااااااام ماشي الحاااال..دواااامي كعادته ما تغير في شي..انت خبرني شخبار بريطانيا ومبرووووك عالماجستير يالغالي..تصدق اخترت احسن وقت واحسن مكان..ترا هالوقت المارينا ينترس مزايين لا وشي جدامنا مزيووونات غاويات بعد..
طحنون: (معصب) لاوالله..قلت لك انك ياي عشانهن وغلاااتي عندك قلت من اول ما سافرت اعرف هالشي..
جاسم:لا والله وربي شاااهد اشكثر استانست يوم عرفت من بدووور انك وصلت البلاد وخلاااص ما عاد لك رجوع للغربة..
طحنون:اعرف غلاتي عندك وغصبن عنك تفديني..بس استهبل عليك..
جاسم:ههههههه صدق انك حركااات..اقولك شو رايك نسير هالاسبوع دبي..شي حفلة وبيبون حميد المنصوري عسب يدق عود..
طحنون:هذا بعده يدق عود!!حشى ما يدري انه ماشي امل فيه انه يستوي مشهور..يحليله والله هههههه..لا ياخوي انا ساير اليوم مزرعتنا مسوين يلسة ويا الاهل تعرف عااد..
جاسم:عيل الاسبوع الياي وانت اختار المكان..شورايك؟
طحنون:يصير خير ان شاء الله..
((ويوم وقفن البنات عسب يروحن))
جاسم:ورفجة طحنوووون..خلنا نسير وراهن تراني ماتحمل اشووف غاويات ماغازلهن..
طحنون:هههههههه امري لله..بس اخبرك نص ساعة وبرد البيت عسب اخذ الاهل للمزرعة..
جاسم:خلاص عيل تم..يلااا ازين خلنا نسير عسب نلحق عليهن..

(طحنون وجاسم وهم ورا البنات وجاسم يالس يرقمهن وهن طاف مسويين حقه..فاطمة مستانسة انه الغاوي الي كان ودها ترمسه وراها)

فاطمة:تصدقين انه الغاوي وراي..يااااي مستانسة والله..ابغي اصد واقوله اني حبيته ودش خاطري..
ميرا:اووف ماعندكن سالفة انا بسير محل النظارات هذا بشوف لي نظارة شمسية ابرك لي من التمشي وياكن..يوم تخلصن اتصلن بي اوكي..
شيخة:على خير ان شاء الله تحملي على عمرج..
ميرا:وانتن اكثر..

(ميرا تدش محل النظارات..ماكانت تدري انه طحنون كان مناك وهاد جاسم ورا البنات يلحقهن)

طحنون:صدق ما عنده سالفة بعده يلاحق فيهم..عنبو ولا اذل عمري عشان البنات..ياسلام حلوة هالنظارة الرصاصية خلني اجربها..
(وهو يالس يجربنا يصد يمين جان يلقى المتغشية الي ذبحت قلبه..رافعه الشيله وتشوف النظارات)
ميرا:مو شي هالنظاراات..بس ابرك لي من الحواطة ويا شيخوه وفطوم وهذاك الي يغازلهن من الصبح..وهي رايحة الصوب الثاني تصدم في طحنون من كتفه اليسار وتطيح غشوتها..
طحنون: (مستحي) وربي انا اسف ما قصدت والله..سمحيلي ياختي مابغيت اضايج..
ميرا: (معصبة)لاوالله ما تشوف شوووه؟انا بنية طول بعرض ما تشوفها ولا يعني بغيتها من الله..
طحنون: (خدوده تحمر زيادة) انا اسف وااايد..وربي ما بغيت منج شي..
ميرا: (استحت) انـ.... ان... انا الي اسفه..ماقصدت اعصب بس تعرف كيف طبايع الشباب هالومين وماداني حد شي يسوي بي مسموح بالحل..
طحنون:تسلمين يا اختي..يلا وداعة الله..
ميرا:الله يسلمك..
طحنون:ياربي شو سوت فيني هالانسانة..ليش بديت اتعلق بها..ليتني عطيتها رقمي عسب ارمس وياها..لا لا وشو هالرمسة وربي مب ريال لو سويت جي..ماعليه بفكر بطريقة عسب اقدر ارمسها..
ميرا:ياربي شو هالانسان المحترم..غير الشباب كلهم..ميرووو شو استوى بج؟ليش تهتمين في واحد ما تعرفينه..بس صدق دش خاطري من اسلوبه المحترم..

((طحنون رد ستار بكس واتصل في جاسم عسب يقوله انه بيلس شوي وعقبها بيروح..وهو في ستار بكس لمح هاذيج المتغشيه سارت صوب الكافيه وعقبها طحنون زقر الفلبيني عسب يعطيه ورقه عليها رقمه ويهديها للمتغشيه.. طحنون ظهر من المارينا وميرا يوم وصلتلها الورقة فتحته لقت مكتوب رقمه وملاحظة:سمحيلي ياختي بس صدقيني ماعرف اول مرة ارقم وحدة بس غصبن عني والله..لو ما تبين تتصلين فيني هالشي راجع لج وربي يحفظج من كل شر))..

ياترى شو تتوقعون..بتتصل ميرا بطحنون ولا لأ؟

[العيون السود]

تسلمين يالغاليه على البارت
ونتريا اتكملة بسرعة

وربي يعطيج العافية

[عيوز مزوده]

تسلمين يالغاليه

ونتريا المزيد

تقبلي مرور العيوز

[راعية التلي]

الجزء الرابع:

((ياسلاااااااام من زماااااااان ما حدرت المزرعة من اخر مرة كنت فيها وياابوي..الله رحمك يابوي الغالي..الكل كان مستانس فالمزرعة..الجو كان واايد حلو وروعة..شوق مستانسة لانها بتقدر ترمس طحنون عن حبها الكبير له..وبدر بغى اليوم يعترف لليازية انه بعده حبها المدفون في حشااه))

ام بطي:ياربي..هاذي اول مرة بتيلس فالمزرعة دون بوبطي...احس المكان ضيجة ويخنق الروح..
العنود:خالتي لا تقولين جي..ادري انه الكل يفتقد عمي حمد..بس ما نقدر نمنع حكمة ربنا فينا..
ام بطي:ونعم بالله ازين يابناااااااات انتن سيرن الحجر ورتبنه عسب الكل يرقد وهو مرتاااح..يزوي يا دلوعة قلبي ودلوعة ابووج الغالي..سيري ويا شواااق الحوي وافرشن الحصير عسب بنتيلس فيه ونتقهوى..
اليازية:ان شاء الله يما..امرج على عيني وراسي..
ام سلطان:وربي انج نسخه من ابوووج حمد رحمة الله عليه..
ام بطي: (تدمع عيونها) هي والله صدقتي ياخويتي..
اليازية: (تحب راس امها) الا دموعج الغاليه يا يما..ترا ابوي بيزعل منج ولازم توفين بوعده انج تصيحين يوم زواج عيالج..يلااا امي اضحكي مابفرش الحصير الا يوم تضحكين..
مهاري:الله الله..ام بطي منو قدج..الغاليه بيننا..يعلني فداااج وربي..
دانة:ياويلي على اميه يوم تتدلع..وربي انها كل الدلع..
ام بطي: (تحضنهن كلهن) يعلني فداااكن كلكن..انا اليوم مرتاحة لاني ربيت ويا حمد اغلى من كل كنووز الدنيا..بناتي الغاليات..
شوق:يلاااا خالوووووتي..شو ماتبغين تتقهوين؟؟ههههههه بتطولين شكلج..
الكل:هههههههههههههههههههههه
ام سلطان:وانتي اشعنى راااازة ويهج..ام تحضن بناتها وربي انج ملقووووووفة..
العنود:ههههههههههههه يمااااا بدينا..
الكل:هههههههههههههههههههههههههههههههه

(فالحوي كانت يزوي وشواااق يرتبن الحصير..بدر كان ياي من صوب العزبة ويا طحنون اول ما دشوا الحوي شافوا يزوي وشواق اول ما طاحت عيون بدر على يزوي فرح وااايد)

طحنون:هلاااااا دبوووووووووتي..شو قاعدة تسوين؟
اليازية:اميه قالت لنا نفرش الحصير عسب بيتيلسن مني يتقهون..تعرف عاااد سوالف الحريم..
بدر:جي انتي مب حرمة؟
اليازية: (معصبة) لاوالله..شو قالولك واحد من الشباب؟؟
طحنون: اقووولك بدر لاترمس هاااي..ترا لسانها لا طلع يتبرى منها..
شواق: (مستحية) حرااام عليك..فديتها يزوووي تدافع عن عمرها فيها مشكله؟
طحنون:اقووولج شواااق وانتي ما عندج شي الا وترزين ويهج بيننا..
شواق(تضايقت)اسمحلي عيل ما قصدت..
اليازية: (معصبة)اشعنى تزعل شوااااااق..زين جي اتضايجت..يلااااا اعتذرلها..
طحنون: (مستحي) ما قصدت وربي..سمحيلي يالغاليه يا احلى بنت عم فهالدنيا..
بدر:احـــــلف انت بس..يالس تغازلها جداااااامي بعد..صدق بريتش..
طحنون: (يضحك) لامب قصدي ياولد العم..بس عسب تصدق عمرها شوي..
شواق: (مستحية) يسلمووووووووو ولد عمي مقبولة منك..
اليازية: لحووووووووووووول بتمووون جي الين متى..يلااا شووااق خلنا نرتب مب فايقين حق ناااس شراتهم..بزززي وااااااايد ترانا..
بدر: (معصب)لا والله..وياترى منووووووو هالناااااس الي تفضييييين عشاااانهم هاه؟؟
اليازية: (مستغربه) وليش معصب ازين..شو فرقت عندك لو اشغل عمري ولا لأ..!بعدين انا افضى حق امايااااا وخالووووتي والبنااات مب حق غيرهن..
بدر: (مستحي) لا مااااشي دام السالفة جي عيل..ربي يحفظج وسمحيلي يلااا طحنون خلنا نسير عنهن ترااهن بززي حيل..
طحنون: ومنووو قالك اني بقعد عندهن ترا ها شغلهن ولااازم يخلصوونه..هاه دبووووه تامريني بشي يالغالي؟
اليازية: سلااااااااامة روووحك يعلني فدااااااك..
بدر: هااااايييل الي ينحبون..مب شرااات بعض النااس (ويصد حق شواق)..
شوق: (معصبة) شو قصــدك..؟ بعدين الي يسمع يقوووول انك ماتخلي حد فالبيت الا وتحبه على راسه وتغازله..اخر كلمة سمعتها منك هي (وياويهج) وليتها رمسة حب عسب اصدق شوي..
طحنون: هههههههههههههه يحليلج..بما انج بنت عمي وحسبت اختي بغااازلج بدال بدوور شورايج؟ (ويغمز لها)
شوق: (متضايجة) لا يكفيني بدوووور..عالاقل سواااالفه تضحك وانا متعود عليه..
اليازية: يلاااااا ازين سمحوووووولنا خلنا نخلص بسرعة..
بدر: وداعة الله يالغاوياااات (ويغمز لليازية)
اليازية: !!!!!!!

(تيلسوا الحريم والبنات كلهن فالحوي ويسولفن وجدامهم الشباب وبوسلطان وياااهم..)

حمدان: هاه عمي..شو قلت؟؟
مكتوم: خير شو مستوي؟
نهيان: من الصبح يقوله حمدان اذا وده يترايس ويانا فالباانشي بين العراقيب ولا لأ..
بوسلطان:يابووووك انا شيبه..ماقدر على هالسوالف الشبابية..انتوا يكفي انكم مستانسين وانا برقبكم من هنيه..
طحنون:افااا..ترد حمدااااان ولد الغاااالي ماهقيتها منك يابووووي..
بوسلطان:حشى ارده..بس تعرف انا ماداني السرعة وماحب سوالفكم البطاليه..
بدر:هههههههه احين البانشي والريس صارت سوالف بطاليه..عيل شو خليت حق القهاوي والجلساااات ابوووي انت الصراااحة عجيييب..
سلطان:براحتك يابوي..لو تبغي تسير ويانا..بطلع لك البانشي ولو ماتبغي المهم راحتك انت..
بوسلطان:تسلم ياولدي..هذي الرمسة الي تبرد الخاطر ولا بلاااش..
نهيان:يعني يوم بغينا نخليك تستانس اليوووم ويانا صارت حطب يحرق قلبك..الله يسامحك يابوي..
حمدان:اووووف ولا زعل الغاااالي نهيااان..خلاص عيل يلااا شباب خلنا نسير..
طحنون:ازييين سبقووووني..انا بسير داخل شوي وبرد لكم..
الكل:اوووكي يلااااااا..

(في بوظبي في بيت سعيد المزروعي)

ام ميرا:ميروووووووو حبيبتي..نزلي الغدا جاهز..
ميرا:ان شاء الله امايا..ياية احين خدووووود يلااا نزلي وياي الغدا جاهز..
خلود:اوكي ميروووووو..خلني اسكر الماسنجر..
ميرا:بسج عااااااااد..عيووونج بتطلع من مكااااانها كثر ما تتيلسين تجابلين هالشاشة ارحمي عمرج..
خلود:انتي ما تعرفييييين متعة النت..لو دشييييت عالمه اسميييييج بتستانسين..
ميرا:ارجووووووج لاتستوين فلسووووووفة علينا..يلااا ازين امايه تتريا مب زين نخليها جي هي تعبانة حيل بعد..
خلود:يلااااااا ازين خلصت..
ميرا: (في خاطرها) اتصل به ولا لأ؟؟اووووووووف تعبت كثر مافكر خلني اتصل به ويصير خير..

[راعية التلي]

الجزء الخامس:

(بيت حمد بن علي الخيلي)

طحنون: (داش الميلس)صباااااح الورد والفل والكااادي..شحاالكم علني فداكم؟
ام بطي:صباح الخير..ماشاء الله اليوم ويهك منور ومرتاح البااال..ياعسى الله مانحرم منك ياولدي يلاا اقرب عسب تتريق..
طحنون: ازييين وين الباقييين..لاتقولين بعدهم رقووود..ترا اليوم جمعة وماحب اشوف الناس رقود..
ام بطي:تدري عاد ياولدي يوم الخميس السهرة صباااحي..ماعليه بخلي البشكارة توعيهم ولا تزعل..
(وتنزل يزوي من فوق ويا دانة)
اليازية:صباح الخير..
طحنون:فديييت دبوووتي انا..صح النووم..حشى مب رقاااد بيات شتوي ههههههههه..
دانة: (تحب امها على راسها)شخبااارج يما؟ عساج مرتاحة اليوم؟
ام بطي:بخير ربي يسلمج..بس تدرين ابغي اسير اليوم عند الدختر عسب الفحوصات..
طحنون: (خايف)اي فحووصات يما؟شو مستوي؟
اليازية: مسكين..اخر من يعلم ما تدري انه امايه فيها الضغط والسكري والله يعافيها ان شاء الله طبعا الي ماخذ عقلك من زماان يتهنى به..
طحنون: (مستغرب)شو قصدج؟؟
دانة:اووهووو خلاااص مانبغي نقلب المكان ضرابة..بسكم عاااد خله يمر هاليوم على خير..
الكل:ان شاء الله خير..
طحنون:ازين يما انا ساير احين عن بدور بسلم عليهم وبسير بحاوط وياااه..تامريني بشي؟
ام بطي:سلااامتك ياولدي..ربي يحفظك..
طحنون: (يحبها على راسها)ويحفطج..يلاا وداعة الله..

(في بيت سيف بن علي الخيلي)

العنود:شواااق..قووومي يلااا وربي اني خايفة عليج من اول ما ردينا من المزرعة وانتي على هالحاال..خير شو مستويلج خبريني..
شوق: (توها ناشة من الرقاد)مافيني شي عنوود..لاتمين ترمسيني عن يوم المزرعة انا تعبانة وابغي ارتاااح..
العنود:حشـــــى مب رقااااد..بسج ترا مب زين ترقدين وايد يلااا عاد قوومي ونسيني تراني طفرانة.امايه سارت بيت الجيران وتدق سوالف..وميثووو يتنا يلست شوي وياي وعقبها سارت ويا ريلها..
شوق:ازين خلاص انا بنش احين بغسل ويهي..وين بدور؟
العنود:بدور من الصبح واعي..طحنون بيينا اليوم بيتيلس ويا بدور وعقبها بيظهرون..
شوق: (تبطل عيونها)ط...ح..نون ياي هنييه..ليش؟
العنود: (مستغربة)لاوالله!!وليش خايفة جي؟
شوق:لا..لاماشي ازين خوزي عني خلني اغسل ويهي..
العنود:اتريااااج عيل فالميلس..
شوق:اقووولج عنوود..اتصلي في يزوي وقوليلها خلها تيي ويا طحنون عسب نتيلس ترا ما عندها امتحان باجر..
العنود:خلاااص عيل..فال مال انت طيب ههههههه..
شوق:ازين يالسيلانية سيري يلااا ههههههه..

(العنود تتصل في بيت حمد الخيلي)

العنود:الووو..
...:الوووو!!
العنود:السلااام عليكم..ابغي اكلم يزوي ممكن؟
...:اقولها منو؟
العنود:بنت عمها سيف الخيلي..
....:هلا عنود..شحالج؟ويااج حمدان..
العنود:!!!!
حمدان:شو فيج صخيتي..عالعمووم احين بزقرلج يزوي..تريي..
العنود:هههههه لا ماصخيت..بخير ربي يسلمك اخوي حمدان عيل اترياااها وقولها ما تنقعني فالتلفووون ادريبها..
حمدان:ههههه ان شاء الله..
العنود:تسلم ياخوي..
حمدان:فالج طيب..
اليازية:الوووووو..هلا وغلا يالعنووووود اخر العنقووود..
العنود:جان زين لو كنت اخر العنقوود..ههههههه شحالج؟
اليازية:ههههههه بخير ربي يسلمج شمسويه انتي وشخبار شواقتي عساها بخير؟
العنود:بيني وبينج بعده حالتها ما تحسنت من اخر مرة كانت في المزرعة..تقولج بعد دام طحنون بيي عنا تعالي انتي وياه عسب هي تبغي تتيلس وياااج اذا ما عندج امتحان باجر هاه شوقلتي؟
اليازية:افااا عليها لو امتحانات اخر السنة عندي بفضى لها..كله ولا زعل الغاليه شواقتي..
العنود:الله الله..ما عليه ونحن عيال البطة السودا لارمسة حلوة ولا خربطيشن..
اليازية:ههههههه لا ماعليج انتي رمسة ثانية..يلااا عيل بكلم امايه واشوفج على خير..سلمي على خالوتي وايد..
العنود:وماتبغين اوصل سلام ثاني خاص لبعض الناس؟
اليازية: (مستحية)لا مشكوووورة يالرزة هههههه..ربي يحفظج..
العنود:ههههههه ويحفظج..

(في بحر البطين)
طحنون:تصدقين!!هاي اول مرة اقعد فيها هنيه وياج..تراني ماحب قعده البحر وايد..اخر مرة سرت فيها البحر كان قبل سفري لبريطانيا..
ميرا:يبااالك تتيلس وايد فالبحر..ترا جو البحر غيييير وانا بعد ماني مصدقة اني يالسة وياك..ياعساني مانحرم منك امين..
طحنون: ولايحرمني من شوفتج والطلة الحلوة يارب..
ميرا:طحنون....
طحنون:عيوووني..امر يا اغلى حبيبة..
ميرا: (تدمع عيونها)لاتتركني..ترا مالي غيرك من عقب هلي احس كل ما تسكر عني ولا نتواعد وعقب تودعني اني ما بشوفك مرة ثانيه اخاف في يوم من الايام يستوي شي ونفترق..
طحنون: (يمسك ايدها)لاتقولين جي حبيبتي..دموووعج غاليه عليه ومابغيج تذرفينها ترا وربي قلبي يعورني..وانتي تدرين اشكثر انا احبج وماعمري حسيت بهالحب الا معاج ولا ودي اعيش العمر الا وياج ومابيفرقنا شي الا يوم موتي..
ميرا:الله يطول بعمرك..فديتك والله..
تررررن تررررن
(تلفون طحنون يرن)
طحنون:شوي حبيبتي..الووووو!!
بدر:ويـــــنك يالهرم..اتريااااك من الصبح..يلاااا عااااد لاتطول..
طحنون:خلاااص عيل انا بييك..بسير البيت باخذ يزوي وعقب بييك تمام..
بدر: (اول ما سمع اسم يزوي استانس)خلاص نتقابل بعدين ربي يحفظك..
طحنون:ويحفظك ياخوووي..
ميرا:يلاا عيل حبي..ودني البيت وعقب يوم تخلص منهم اتصل بي..
طحنون:فالج مايخيب ياقلبي..احبج وربي..
ميرا: (مستحية)وانا بعد..

(وصل طحنون ميرا بيتها وسار خذ يزوي وهم في الطريج)..
طحنون:وانتي شعنى رازة بويهج الا وتسيرين بيت خالوتي..
اليازية: (معصبة)لاوالله..كيفي برووح بعدين شواق من اول ماردت من المزرعة وحالتها يرثى لها تعبانة ومتضايجة وماتحب ترمس الا وياي..
طحنون:ماشاء الله طبيبة نفسية وانا مادري..بعدين اتخبرج شو بلاها شواق؟من فترة ماشوفها تيي البيت وكل مالقاها تصد وماتطالعني..لايكون انا ماخذ حلالها ولا شي هههههههه..
اليازية: (في خاطرها)يحليلك لو تعرف انك خذيت كل احساسها ومشاعرها وانت ولايخصك بالدنيا..
طحنون: (يصد ليزوي)شو فيج دبووووه؟انا كل مارمسج لازم تصخين شو هاي عادة عندج ههههههه..
اليازية: (متضايجة)لا مافيني شي..يلااا وصلنا..
ام سلطان:هلا والله بيزوووي وطحنون اقربوووووا..
اليازية:لا خالوتي تسلمين والله وينها شواق؟
ام سلطان:يعلني فداها فالحجرة راقده..
اليازية: (معصبة) شوووووه!!راقده بعدها اسميها هالبنية يبالها فلع بالنعال..
طحنون:حشـــــى بدال ما توعينها اسمييج بترقدينها 24 ساعة زيااادة..
ام سلطان:يزوووي طمنيني عنها..
اليازية:ان شاء الله خالوتي..
طحنون:ازين خالوتي..وين بدر؟
بدر: (نازل من الدري) هلاااا والله..يلا قمنا..
طحنون: قمنا (ويحب راس خالوته)تامريني بشي يالغاليه؟
ام سلطان:لا سلامتكم..
بدر:يلااا يما..وداعة الله..
ام سلطان:مع السلامة..

[راعية التلي]

(في حجرة شواق)
اليازية: (تخوز اللحاف عن شوق)بسج عااد..تراج زودتيها..ماينفع هالنوح والحزن والرقاد..ترا ما بغير شي..
شوق: (تصيح) يزوووي انتي ما تعرفين شو الي في خاطري..احس عمري خلاص بموت ماقدر اتحمل..احبه يزوي اموووت في اخوج وابغي يعرف هالشي بس مادري كيف اقوله ماعدت اتحمل هالصمت..اكثر من 6 سنين وانا كاتمه هالشي في قلبي ويوم كان فالغربة كنت ارقبه الين ماوصل البلاد..احين وهو هنيه ماقدر اتكلم ولا اقوله..ليش ياربي جي..
اليازية: (تحضنها)خلااص ازين شواق لاتعورين قلبي..انا اعرف شو الي في خاطرج واعرف انه حبج لاخوي صادق مافيه زيف..بس لازم الدنيا جي في اشياء مانقدر نحصلها بسهولة لازم نتعب ونسوي الكثير عشانها وفي اشياء تصيرلنا وماكنا نتوقع في يوم من الايام انه يصير..يلاا قومي احين واستهدي بالله وخلنا نتيلس جي يلسة حلوة ونسولف قوومي يلاا عاد بسج دلع..
شوق: ان شاء الله..
اليازية: (في خاطرها)ياربي اقولها انه طحنون يحب وحدة ثانية؟بس ماقدر اتحمل اشوفها تتعذب..وربي راسي يعورني من هالسالفة..

(بيت سعيد المزروعي وفي حجرة ميرا)
ميرا:تصدقيييين ياخلوود..هالانسااان غير وربي اني احبه موووت والله ماعرف شو اقولك..احس يوم اكلمه ولا ارمسه انسى الدنيا ومافيها..
خلود:ياويلي عالي يحبووون انا..عقبااالي عيل دام السالفة حلوة جي ههههههه..
ام ميرا:يابنااات حد بيسير وياي السوووق؟
ميرا:هاه خلوود شو رايج نسير السوق؟
خلود:والله على راحتج اختي..
ميرا:اقولج خلود..تعرفين وحدة عندكم في المدرسة اسمها يزوي؟
خلود:اعرف بنات وااايد بهالاسم..بس حددي لي وحدة وليش تسالين عنها؟
ميرا:اليازية حمد بن علي الخيلي..تستوي اخت طحنون الي اعرفه انه هي فالثانوية بعدها وبغيت اسالج يمكن تعرفين وحدة بالاسم..
خلود:امممم خلاص بشوف لج هالبنية وبردلج خبر..
ام ميرا:هاه يابنااات شو قلتن؟
خلود:قوومي ميروا خلنا نسير ويا امي السوق رباعه مابغي اسير السوق بروحي..
ميرا:اوووكي..يلا عيل..

(في ميلس بيت سيف الخيلي)
طحنون:تصدق بدووور..هالانسانة ماعمري شفت منها اثنين وربي انها احبها وكل مافكر بس انها بتبتعد عني اشوف الموت جدامي..اسميه ولد عمك تخبل..
بدر:ههههههه هيه والله تخبل..ماعمري شفتك جي وربي اني ماتوقعت في يوم من الايام ممكن تحب هالكثر..ياعساااكم ما تنحرمون من بعض..
طحنون:امييين يارب..
(وقبل لاتدش شوق الميلس سمعت سوالف طحنون وبدر بالصدفة)
طحنون:تصدق بدوور..افكر اخبر امايه عن ميرووو عسب تخطبها لي..
بدر:من صدقك انت يعني انت مستعد لهالشي؟لاتتسرع ترا الزواج مسؤولية كبيرة ومو بس الحب يبنيها..
طحنون:بدر وربي..اني احس لقيت الانسانة الي حلمت بها من سنين..صحيح ما كنت افكر اني احب لكن من عقب شفت ميرو وربي حبي لها يزداد يوم عن يوم احبها يابدور وربي احبها وماتحمل فراقها..
شوق: (تدمع عيونها)لاااا معقوولة!!شوق انتي شكلج معيشة عمرج في اوهام..تحبين من طرف واحد..طحنون طلع يحب وحدة ثانية..يعني مافي امل يحبني..ياربي شو هالحظ الردي..

(وتركض صوب حجرتها)
اليازية:شو فيج شواق..ليش يالسة تركضين؟وييييه وليش هالصياح كله؟
شوق:يزوووي..اخوووج طلع يحب وحدة ثانية وانا حليلي مستانسة على عمري ومعيشة عمري في حب مستحيل يحصل ومابيصير ابد..
اليازية: (مرتبكة)ومن وين عرفت هالسالفة؟
شوق: (تصيح)كنت سايرة ادش الميلس عسب اييب لهم العشا وسمعت طحنون يطري وحدة اسمها ميرا..يزوووي قلت لج انه ماشي امل انه يحبني..خلاااص قلبي وكل ماات مالي احساس ومشاعر..
اليازية:لاتقولين جي شواااق..بس ماعرف شو اقولج انا احين بروح واشوفج فالمدرسة باجر ان شاء الله..
شوق:هذا اذا بقيت حية الين باجر..
اليازية: (تحضنها وتصيح)الله يطول بعمرج شواقتي..الا انتي يالغاليه ماتهونين عليه وربي..

(يوم السبت في المدرسة..كانت خلود ويا ربيعاتها متيلسات يسولفن)
امنة:هلا خدووود..شحالج؟شو كان الامتحان؟
خلود:والله الحمدلله..تدرين عاد الدح من خاطر لازم اييب فايدة هههههه وانتن شحالكن؟
حمدة:بخير ربي يعافيج..هالويك اند وايد حلو سرنا الفجيرة وتيسلنا مناك وكان الجو فظيع الصراحة..
(ويزوي تيي صوب حمدة وربيعاتها)
اليازية:مرااااحب بنات..هلا حمدوووه الصغنطوطة..شحالج؟
حمدة:هلا يزوووي..بخير ربي يسلمج انتي اخبارج وشخبار العلمي وياج؟
اليازية:تدرين عاااد حالنا..كله نكد وكراف بس ان شاء الله نطلع بنتيجة ماقلت لي يالدبوووه شو سويتي في موضوع بطاقة عيد الاتحاد الي من زمااان تتكلمين عنه وماشفت منج شي..
حمدة:هههههه سمحيلي عاااد..الامتحانات تارسة حصصنا..بس ان شاء الله عن قريب بنحاول نخلصه ولا زعل الخيليه..
اليازية:فديتني والله..يلااا عيل اشوووفج عن قريب ان شاء الله شي فالخاطر؟
حمدة:لت سلامتج الغاليه..ربي يحفظج..
اليازية:ويحفظج..
خلود:اقووولج حمدوووه..منو هاي؟
حمدة:هاي يزوي بنت حمد الخيلي والي كانت وياها بنت عمها شوق..ليش شو فيج؟
خلود:اها..لا لا مافيني شي..سلامتج يلاا عيل انا بسير احين عنا رياضيات مافينا تهزئني بعد..
(شوق وهي رادة البيت شافت سيارة طحنون عدال بيتهم وكان واقف ويا بدر يسولفون..وعقب ما ركب السيارة طاحت عنه ورقة..على طول سارت صوب المكان الي فيه الورقة بطلته لقت مكتوب عليه (ميروتي)ورقمها تحت واليوم الي تعرف عليها وكانت مزخرفة ومعطرة)
شوق: يعني هاي الي خذت عني طحنون..لج حساب عسير ياميرا..

ياترى شوبتسوي شوق لميرا؟
وهل خلود بتتقرب من يزوي عسب تعرف عن طحنون؟
وشو بيكون مصير حب طحنون وميرا من عقب ما عرفت شوق عنهم؟

[العيون السود]

تسلمين يالغاليه على البارت
ولاتتأخرين علينا
كمليها بسرعة

[راعية التلي]

الجزء السادس:

(في شركة حمد الخيلي للعقارات..مكتوم في مكتبه يالس يتصفح كتلوج العمارات والفلل)
حمدان:هلا ياخووووي...شحالك؟
مكتوم:هلا حمدان بخير ربي يسلمك..اقولك سير عند خالد وخله يجتمع بالضيوف الي يايين من طوكيو عسب تصاميم العمارات وقله انه الاجتماع يخليه عقب نص ساعة..
حمدان:ان شاء الله اخوي..تامر امر..
وفجأة.......
طحنون:سلاااااااام عليكم ياعرب الله..
مكتوم: هلا واللــــــــــــــه بالغاااالي ولد الغااااالي..حياااك في الشركة وربي اني ماتوقعتك تيي هنيه عبالي مستواك القهاوي والميالس ويا بدور هالخبل بعد..
طحنون:هههههههههههههههههههههههه لاوالله يعني مايصير ايي هنيه؟
حمدان:هالمكااان مال قوم البزنس ومال قوم 25 وفووووق..
طحنون:حشى مب دااااش شركة..مكتب القوات المسلحة..
مكتوم:هههههههههههههههههههههههههه يلا فديتك تفضل شو تبغي تشرب؟
طحنون:ابغي كوووفي من ايد نااااس (ويصد لحمدان)..
حمدان:عيل اتريا بزقرلك الهندي يسويلك الكوووفي..اسميه بيطرشلك الكرك من هذاك المطعم(ويضحك)..
الكل:هههههههههههههههههههههههههههههههههههههههه
بطي:سلام عليكم..اووووووووووه اشوف المكان ضاااوي اثاريه من هالعنقووود الي ياي هنيه..
مكتوم:هييييي بدينا المغازل هنيه..ناقصين بعد يصدق عمره مشكله والله..
بطي:ههههههههههههههههههه..ازين طحنون شو مناسبة مجيئك المفاجى عنا؟
طحنون:ابغي فيلا على ذوقكم ويكووون قريب من البحر عسب استانس انا والحرمة..
مكتوم:عيل تسفر بريطانيا مرة ثانية تلقاااه الفلل مترووووسة عدال البحر..اشحقه تعبنا..
بطي:ههههههههههههههههههه اوووه اشوف غاوي بوظبي بدا يرمس عن الحرمة لايكوووون..........
طحنون:وليش ما يكووووووووون..عالعمووم انا ييت هنيه ابغي اشوفكم وربي ولهت عليكم وانا طفران فالبيت..خلوني اشتغل على الاقل اقضي وقتي في شي مفيد..
بطي:بس طحنون انت دوامك بيبدا عقب شهر وانت توك ياي من الاجازة ولازم ترتاح وتستانس ولا تشيل الهم بس لو بغيت تشتغل فالك طيب..نطرد كل الموظفين ونخليك تشتغل في الشركة بروحك هاه شو رايك؟
مكتوم:لا والله..قاانوووون يديد هذا وانا مادري؟
طحنون:هههههههههههه ازين لاتعصب ياخوي..خلاص عيل مابغي اشتغل هونت..
مكتوم:هههههههه لافديتك فالك طيب..لو تبغي من احين بشغلك..
بطي:تو النااااس..يلاا طحنوووون قووووم ورانا اجتماع احين..
طحنون: (مستغرب)اووووووف ما صدقتوا على الله تشغلووني..وبعدين اي اجتماع هذا؟
مكتوم:ههههههههههههههههههههههههههههههههه يحليله خاف من اولها..
الكل:هههههههههههههههههه..
طحنون:عيل خلاااص مابغي اعطلكم..اشوفكم فالبيت عالغدا ان شاء الله وبطي ارجوك ياخوي تعال عنا اليوم ويا حرمتك وعيالك ابغي اشووف حمد من فترة ما شفته..
بطي:فااالك طيب..بتصل بحرمتي احين وبقولها..
خالد:سلااااام عليكم ياجماااعة الخير..يلاااااا مكتوووم الضيوف وصلوا وكلهم في حجرة الاجتماع يتريونك لاتنسى الكتالوج..
مكتوم:خلاص عيل ياي انا..
طحنون:وداعة الله..
الكل:ربي يحفظك..

(في المدرسة..كانت يزوي ويا شواق يالسات وخلود كانت متوترة تيي ترمس يزوي خوفها تتضايج ولاتنزعج من القعده وياها)..
حمده:خدووووود..اليوم بنخلي شواق ويزوي يتيلسن ويانا..وربي انهن سوالف..
خلود:على راحتج والله..المهم ما يتضايجون..
حمده:لا افاااا عليج واشحقه يتضايجون..بعدين يزوووي حبوبة وقلبها طيب مع انها تقرض في خلق الله هههههههههههه الا انها ماتقصد تزعل حد..
خلود:الله يعينا عيل..
حمده:هــــــــلا يزووووووي..شحالج؟
اليازية:هلا وغلااااا حمدووووه..بخير ربي يسلمج اوووووه شكله اليلسة بتكووون حلوة يايبه وياااج ربيعاتج..حياكن بناااات اقربن..
خلود:تسلمين يالغاليه..شحالج انتي وشو دنياج؟
اليازية:الله يسلمج الغلا..والله الدنيا تشقح وتنطح..
حمده:جي ثووووووور!!
اليازية:لا بقرة شراتج ههههههههههههههههههههههههه..
الكل:ههههههههههههههههههه..
حمده:اسميييج انتي حركااات..اقووولج انا خلصت البطاقة وسويتها على الباوربوينت وماناقص غير صور شيخنا الغالي نبروز فيها اللوحة الكبيرة ونكبر البطاقة ونلزقها على اللوحة..
اليازية:افاااا عليج..صوووور شيخنا الغالي عندي ومترووووسة وبعدني بنزل من النت صور اكبر واحلى المهم تكون البطاقة ترضي كل الناس..
خلود:اكييييد دااااااام بطاقة متروسة صور شيخ زايد ربي يحفظه وبذوقكم بتخلونها حلوة كيف ما بترضي النااس..الا وتخليهم يذكرون مصمميها بالخير..اقولج يزوي بلا بنت عمتج ما تتكلم؟
اليازية: لا ماشي..هي شوي تعبانة ودومها كتومة جي..صح شواقتي؟
شوق: (تغني في خاطرها)هذاك الي تبيله الخير..عشق غيرك وصار للغير..
اليازية:شووووووواااق..شو فيج صاخة..ارمسي!!
شوق: هاه!! لامافيني شي..بس شوي تعبانة..عن اذنكن بسير الصف..
حمده:تبيني اوصلج؟
شوق:لامشكورة الغاليه سمحوووولي يابنات..
خلود: (في خاطرها)شوفيها هالبنية؟احسها متضايجة وشايلة هم الدنيا كلها..
اليازية:ازين خلود ماخبرتيني..عندج خوات؟
خلود: (مرتبكة)هيـ....هيه عندي 4خوات واخوي صغير..
اليازية:الله يحفظهم لج يارب..وااااااو وكم عمره اخوج؟
خلود:خلفان الصغيروني عمره احين 3 سنين..
اليازية:ياااااااي فديته..اموووت عاليهااال وخاصة فالعمر بس يوم يكبرون شو اكرههم مشاااكل..
حمده:ماخبرتج خلوود..تراها مربية اطفااال واخوها بطي عنده 4 وتوه قريب يايب ولد سماه حمد على اسم ابوها الله يرحمه..وهي عاااد تربيهم والله يعينهم من تربية عمتهم..
خلود: (يعني هي يتيمة..مسكينة والله)ويغمد روحه الجنة ان شاء الله..
اليازية:بسج عااااد فضحتييينا..هههههههههههههههههه ازين خلود تعالي عنا البيت تيلس يلسة حلوة ونسولف..
حمده:لا اقووولج ترا خلووود ما تتحرك ولا تظهر الا وياي..فلاتحاولين تغرينها بالطلعة وياج ترا ما بيفع (وتضحك)..
خلود:ها الي ناااقص..استوي روبووت تحت سيطرة حمدووووووه ام كشه..
الكل:ههههههههههههههههههههههههههههههههههههه..
حمده:وياوييهج..ازين عزميني انا بعد ولايعني خلاص تبغين رباعة يديده؟
اليازية:لا افااا عليج..عيل هالويك اند ان شاء الله تعالوا البيت بنسوي عزيمة عسب تعرفت على خلود وصارت ربيعتي اليديدة..
خلود:!!!
حمده:هههههههههههههههههههههههههههه يحليلها انصدمت البنية..زين جي..
اليازية:ههههههههههه خلاص ما بنسوي عزيمة..ولاتنصدم ويستوي بها شي بعد المهم تييوون كلكم وانتي بالذات ياخلود وربي اني حبيتج..
خلود:وانا بعد..
حمده:هيييييه قلبوووها فلم هندي بعد..ومشكلة يوم الاستهبال والعبط يجتمعون...
الكل:هههههههههههههههههههههههههه..
حمده:يلااا عيل سمحووولي..بسير الصف احين مابغي اتاخر..
اليازية:اوووه تطورت العزبة..حمدوووه الي كانت توقف فآخر الصف عسب التاخير صارت تراكض اول مايرن الجرس..عشانا وشفنا..
خلود:هههههههههههههههههههههههه..يحليلها..
حمده: (معصبة)هيه وانتي تضحكيييين بدال ما تدافعين عني ماهقيتها منج..
خلود:ماهقيتي شو؟
اليازية:ماهقت انه البراقع يفتننها..
الكل:ههههههههههههههههههههههههههههههههههههههههههههه ههههههه..

(في بيت سيف الخيلي..وفي حجرتها كانت تفكر بشيء عسب تفرق ميرا عن طحنون)
شوق:هذا حبي الاولي والاخير ومب وحدة شرات ميرا تفرقني عنه مالي غير اتصل في خدوي عسب هي الي تروم تساعدني..
شوق:الووووووووووو..
...:الوووووو هلا شواق..شحالج؟
شوق:بخير ربي يسلمج خدوي انتي اخبارج؟
خديجة:تمام توني رديت البيت كنت ويا أحمد يالسين نتغدى..
شوق:ازين خدوووي ابغي خدمة منج..
خديجة:امررررري يالغالية..
(وخبرتها السالفة)
خديجة:امممممممممم تدرين عندي فكرة بتخليه ينساها ويكره اليوم الي تعرف عليها..
شوق: (مستانسة)خبريني شو هي؟
خديجة:زين انج تعرفين شوي عن هاي البنية..انا بخلي أحمد يطرش واحد من ربعه ويعرف كل شي عنها وزود وبعطيه رقمها عسب ربيعه يتصل بها وهو عاد الي يتصرف..شو رايج؟
شوق:والله فكرة معقولة..المهم طحنون يمحي هالانسانة من حياته ويرد لي انا ويحبني..
خديجة:خلاص عيل لاتشلين هم يالغاليه..المهم كل الي تبينه بيصير..
شوق:مشكوووووووورة وربي ماعرف كيف ارد لج الجميل..
خديجة:يوم يصير كل الي تبينه ونحضر عرسكم..
شوق: (مستانسة)امييييييييين يارب..
خديجة:عيل عطيني رقمها احين وكل الي مكتوب فالورقة والباااقي هم بيطلعونه..
شوق:اخيرا بيستوي الي اتمناااه وبيننا الايام ياميرا..

[راعية التلي]

(في سيارة طحنون..كانت ميرا يالسة وياااه عايشين احلى لحظاتهم وهو فالسيارة بطل المسجل:اذا حكم البشر اني احبك..انا مالي على الاقدار حيلة..تولع قلبي العاشق بقلبك..وقلبي الحي في الدنيا دليله)
طحنون:اهداااااااء خاااااااص للحبيبة الغاليه ميرووووووووتي..
ميرا:فديتك يا اغلى انسان حبيته..
طحنون:ميرووو فديتج..ماعدت اتحمل فراااقج وربي ودي اكلم امي عنج عسب تخطبج لي..
ميرا: (مستحية)صدق طحنون..
طحنون:تدرين اني قد الرمسة وفهالسوالف ماعندي لف ولا دوران..أحبج مووت..
وفجأة..........
ترررررن تررررررن..
(تلفون ميرا يرن)
طحنون:شوف حبيبتي منو هذي؟
ميرا: (مستغربة)رقم غريب..اول مرة اشوفه عندي؟
طحنون:عطيني اياااه دامه غريب انا بتصرف..
ميرا:ازين تخيل طلعت وحدة من البنات متصلة على من تلفون اهلها..
طحنون:ازين انتي قووولي الووو وعقب عطيني التلفون..
ميرا:اوكي حبيبي..الوووووووووو..
(وعطته التلفون)
...: (صوت شبابي)الوووووووو..ميروووتي واخيرا رديتي علي ياحبيبتي فديتج والله من زماااان ما سمعت حسج وربي اني مشتاق لج موووت..ها متى بشوفج؟ان شاء الله اليوم عقب ما يظهرون اهلج..ماعدت اتحمل غيابج يا قلبي وربي احبـــج مووووت..لاتبتعدين عني انا ماقدر انساج دومج في خيالي وطيفج مايفارقني فديت روحج..
طحنون: (يطالع ميرا باحتقار وعيونه تدمع).........!!!!!!
ميرا: (تأشر له)شو فيك؟
طحنون: (يعطيها التلفون)تكلمي...
ميرا:منووو؟
طحنون: (معصب)اتكلمي اقولج..
ميرا:الووو..
...:هلا حبيبتي وين سرتي؟
ميرا: (منصدمة)منو انت؟
طحنون: (معصب)حطي على الاسبيكر..
ميرا:ان شاء الله..
...:ميروووووو انا محمد حبج الاولي والاخير..الي دومج تلعبين وياه فالفريج وفي الليل نتقابل فالسطوح..ويوم عطيتج البوكس الي فيه دبدوب احمر والورد الجوري يوم عيدميلادج..ماهقيتج تنسيني بسرعة..
ميرا: (تطالع طحنون)انت شو تقوول!!انا ماعرفك واول مرة اشوف رقمك استح ع ويهك ترمسني جي..
محمد:افااا ميرووووتي حبيبتي..يعني ما تدرين انه امايه بتيي باجر بتخطبج حقي وانا خبرتها عنج وقالت لي باجر بنسير عندهم..واخيرا ميرو بعيش وياج في بيت واحد ونييب عيالنا خلوف وامون ونوروه الي سميناهم يوم رمسنا بعض..
ميرا:الله يسامحك..انت شو تقول!!انا ماعرفك حرام عليك تسوي فيني جي..
طحنون: (عصب وسكر في ويه محمد)ميرووووووووووو!!
ميرا: (تصيح)والله ماعرفه يا طحنون وربي ماعرفه..اول مرة اشوف رقمه عندي..
طحنون: (تدمع عيونه)هيه صح امبين انه ماتعرفينه وهو ولد فريجكم وامه بتيي باجر تخطبج حقه..ليش سويتي فيني جي ياميرو..ليش عيشتيني في اوهااام وقصيتي عليه..حسبتج غير البنااات طلعت مثلهم واخس..
ميرا: (تمسك ايده بقوة)ارجوووووووووك لاتقول هالرمسة تدري اني ماحب حد غيرك وربي ماعرف من وين ياب هالانسان رقم تلفوني..هو يبغي يفرقني عنك..معقولة تصدق كلام واحد من اول مرة يكلمك..
طحنون: لا مب معقولة لو كان مازقرج ولا ياب طاري الماااضي ولا يزال يحبج..كنت صدقتج انتي انه هو ما يخصه فيج..كنت عرفت من اول مرة اذا مانطق اسمج ممكن اصدقج لكن دامه طراج على لسااانه خلاااص كل شي انكشف..انتي خيانة..خنتي محبتي وكل شي..وخنتي الريال بعد شو انتي ما تحسين ماعندج مشاعر تحبين اثنين في نفس الوقت..انا غلطان يوم حبيتج وليتني ماعرفت الحب..
ميرا: (تصيح)طحنووووون لا تقول جي انا مابغي افترق عنك والله احبك.............
طحنون:اسكتي..لاتطرين هالكلمة كرهتها وكرهت كل شي اول ماتنزلين البيت اقفلي على صفحتي وانسيني ولاتطريني على بااالج وانسي انه طحنون كان في حياتج..
ميرا: (تصيح)لاااااااااااااااااااا حرااااااام عليك والله..وربي اني مظلومة..
طحنون:كل بنية تقووووول جي وتمثل على حبيبها وكنت انا خايف يستوي بي هالموقف لكن للاسف صااار لا ويا اعز انساااااانة احبها وابغي ابني حياتي معاها..صدق بدر يوم قالي انه الحب مايبني الزواج..
ميرا: (تصيح ومصدومة من السالفة)والله مظلومة..

(تنزل من سيارة طحنون ووصلت البيت..ماكان في حد فالبيت الا اختها خلود..طلعت الحجرة وشافتها خلود ولحقتها)
خلود: (خايفة)ميروووو..بطلي الباااب شو فيج؟
ميرا: (تصيح)مابغي اشووووف حد..انا بموووووووووووت عمري خلاااص..
خلود: (خايفة)ميرووووووووو حبيبتي لاتخوفيني فتحي الباب ارجوووووووج عشان خاطري..لاتخليني اشوفج جي..
ميرا:سيري حجرتج خلود..مابغي اشووف حد ولا ارمس حد..
خلود:ارجووووووج ميروووو خبريني..مابغي امي تخاف عليج واااايد يكفي الي فيها مب ناقصة عوار راس هي..
(وتفتح الباب..الكحل تحدد على خدها وشعرها طايح على ويهها وكانت بتطيح من الصدمة الي تلقتها)
خلود: (تحضنها)ميرووووووووووووووووووو!!ردي علي شو فيج..ردي علي..يماااااااااااااااااااااااااااااااااا..
البشكارة: (خايفة)مس خلود شو فيه..اوووووه مس ميرا شو فيه؟
خلود:فالنتين سيري زقري ماما خله يجي من بيت خالة مريم بسرعة..
البشكارة:زين مس خلود..

(وصلهم عبدالله ولد مريم خالة خلود وكانت ام ميرا وابوها حاضرين..وفي المستشفى)

ام ميرا:وياحسبي الله على العدو والي خلاااه ميرووووتي ضناااي جي..
ام عبدالله: لا تقولين جي يا حنان..ان شاء الله بتظهر بالسلامة..
خلود: (تصيح وتحضن امها)يمااااااا..اول ما شفتها بهالحالة تمت يالسة في حضني وصوتها مخنوق..يمااا مابغي افقدها..
بوميرا: لا تقولين جي يابنتي..هي قويه وان شاء الله تطلع بالسلامة..
عبدالله:ازين عمي تبغي شي انا ساير احين..
ام عبدالله:اشحقه تسير احين ياولدي..اتريا ويانا..
عبدالله:سمحيلي يمااا..عندي شغلة مهمة بخلصها فالمكتب..
بوميرا:لاتسلم ياولدي..ومشكووور لانك وصلت والنعم فيك..
عبدالله:افااا عليك ياعمي..ترا ميرا اختي وكلكم هلي..يلااا وداعة الله..
الكل:ربي يحفظك..
عبدالله:ديري بالج على عمرج خلود..وادعي لاختج تراها محتاجة لدعائج..
خلود:ان شاء الله..
(وفي الطريج)
((لاتسالي قلبي عن الموعد الجاي..انسي خلاص اليوم لاتذكريني..حبج محيته من حياتي ودنياي..ولا عاد شي اليوم بينج وبيني))
تررررن تررررن..
طحنون: (متضايج)الووووووو..
بدر:هلا طحنون..وينك انت؟
طحنون:راد البيت..ليش في شي؟
بدر:الشباب فالقهوة يتريونا نيي..وانا اتصل فيك من الصبح ولا ترد علي..
طحنون:لا مابغي اسير القهوة..متضايج شوي..
بدر:افاا غاوي بوظبي متضايج وانا مب عنده ما يصير..
طحنون:اسمحلي يابدر..وربي تعبان وابغي ارد البيت..استسمح من الشباب وقلهم طحنون تعبان..
بدر:خلاص عيل على امرك..دير بالك وداعة الله..
طحنون:ربي يحفظك..(وتدمع عيونه)ليش سويتي فيني جي ياميرووو..ماتوقعتها منج انتي بالذات..كنا بنبني احلامنا وحبنا اساااسه..اثاريه بيبتدي كل شي منهدم..اخ ياقلبي..

(في المستشفى..كانت ميرا راقدة على الشبريه وخلود يالسة حذالها وامها تقرا القرآن عسب ترتاح وهي راقدة..وخالتها مريم تصلي المغرب)
ميرا: (تبطل عيونها وصوتها مخنوق)يمااا...
ام ميرا: (تمسك ايدها)انا هنيه يابنتي..امري..
ميرا:وينها خلود؟
خلود: (تحبها على راسها وتدمع عيونها)انا قريبة منج يا ميرووو..شحالج انتي؟
ميرا:تعباانة حيل وقلبي يعورني..
ام عبدالله: (اللهم داوي العليل..وافرج عنه الكرب واحفظه وارعااااه امين يارب)..
الكل:اميييييييين يارب..
ميرا: اهلين خالتي..شخبارج؟
ام عبدالله:انا بخير دامج بخير يابنتي..
ميرا:ابووووووووي..
بوميرا:عيوووووووووون ابووي..
ميرا:لاتتركني الله يخليك..
بوميرا: (يمسح على راسها ويحبها على خدها وتدمع عيونه)لاتخافين يا ضنااي..ما بخليج ابد وان شاء الله تطلعين بالسلامة..
(ويدش الدكتور)
الدكتور:لو سمحتوا ممكن تبعدوا عنا شوي لانكن بتدايأو المريدة..مرحبتين ميرا كيفك؟
ميرا:انت عاد ادرى بالحال..
الدكتور:بوميرا بعد ازنك ممكن دئيئة من وئتك؟
بوميرا:سمحووولي بظهر بشوف الدكتور شو يبغي مني؟
ام ميرا:طمني الله يخليك بوخلفان..
الدكتور:استاز سعيد..انا كم مرة ألت لك ما تخلي بنتك ميرا تمر بضغوطات ممكن تأسر على صحتها وانت تعرف انه حالتها المرضية ممكن يأسر على حياتها..وكثرة الضغوطات ممكن يزيد من حالة الربو الي عندها..فارجوك حاولوا تخلونها تتفادى متل هيك الحالات..
بوميرا: (متضايج)ان شاء الله يادكتور..

(في القهوة)
بدر:سلااااااام عليكم شباب..
الكل:عليكم السلام..
أحمد:هاه اشوووفك ياي بروحك من دون طحنون..وينه؟
بدر:يسلم عليكم ويقول اسمحوله تراااه تعبان ومتضايج..
أحمد:خير شو فيه؟
(ويدش محمد)
محمد:اكييييييد من الحب وسواااااالفه..
أحمد:اي حب انت الثاني واي خرابيط..ترا كل البنات نفس الشي تقولها احبج من صوب وغيرك يرمسها..
بدر:ازين لاتسولف عن البنات ورفجة مب ناقصين ناخذ اثمنهن بعد..
أحمد:هاه محمد بشر..(ويضحك)
محمد:اوووووووووه السالفة صاااارت مثل ما تبيها يالغالي..كل شي صار حسب المطلوب..
بدر: (مستغرب)شو السالفة؟واي مطلوب هذا؟
أحمد:يحليلك يابدر..في خبر كان انت تصدق وناسة يوم تعذب في الناااس..
بدر:شو قصدك؟
محمد:ترا ربيعة محمد عطتني رقم وحدة عسب استهبل عليها واحرق في اعصابها وصار الموضوع على خير..
بدر:ازين وشو المناسبة؟
أحمد:ربيعتي مقصه..اقردنها واظهر وياها وتخبرني كل شي عن ربيعاتها وعاد لو صادف انه وحدة فيهن عندها مشكلة تلجأ لي انا..
بدر:يعني ربيعتك ما تحشم البنات الي حولها وتفضحهن..
أحمد:هاااذي الحياااة يابدر..لو بقيت وفي وطيب الكل يستغلونك والزمن هذا زمن الغدر والنذالة والمصلحة ومحد يتعامل الا بهالطريقة..
بدر:الله يهديكم بس..

شو تتوقعون بيصير؟
هل كل شي في شر ممكن يستمر وماينكشف؟

[راعية التلي]

الجزء السابع:

(يوم الاربعاء..الساعة 5 العصر..كانت راقدة ما همها شو صار للناس الي هدمت حياتهم..شوق في عالم ثاني)
تررررررررررررررن ترررررن..
شوق: (توها ناشة)اووف!!منو هذا بعد؟الوووووووووووو..
خديجة:هلا والله..شحالج يالعروس؟
شوق: منوووه؟
خديجة:ويا ويهج بعدج راقده!!يلاااا قووومي لبسي ثيابج..بمر عليج عسب نظهر ونتيلس فالمارينا ونحتفل فيج..
شوق:هاه!!شو السالفه؟
خديجة:يالخبله..احمدوووه فديته سواه الي تبينه..اتصل ربيعه على حبيبة ولد عمج وسوا لها مشاكل وتضاربوا..شو رايج بهالاخبار السارة..
شوق: (تبطل عيونها)صدق والله..يااااااااااااااااااااااااااااي واخيرا استوى الي ابيه ماصدق وربي وايد مستانسة تسلمين يا بعد عمري وربي ماعرف شو كنت بسوي من دونج..
خديجة:افااا عليج..عيل شو شغلتنا نحن..رباعة فالمدرسة بس..
شوق:ماتصدقين يا خدوووي اشكثر انا مستانسة..ولاتقولين حبيبته مرة ثانية تراها صارت من الماضي وعسب تعرف انه شوق بنت سيف الخيلي مب هينه..
خديجة:ازين ما قلتي بتظهرين وياي ولا لأ؟
شوق:اووووكي بسير برمس امايه وبردلج خبر..هالسالفة الي صارت لازم نحتفل بها ونطوي صفحتها..
خديجة:خلاص عيل بخليج احين ورديلي خبر..بااااي..
شوق:بباااااااي..(وفي خاطرها)هه فديتك ياطحنون..واخيرا بنرد لبعض وبنعيش في بيت واااحد..ياربي شو اشتقتلك موووت يا حبي الخالد..

(في بيت سعيد المزروعي..وفي حجرة ميرا كانت منسدحة على شبريتها وبعدها منصدمة من السالفة ومتألمة حيل..واختها كانت عدالها ويالسة تواسيها عقب ما خبرتها سالفة الاتصال وفراق طحنون)
ميرا: (تصيح)خلووووود..وربي احس عمري بموت خلاص ماعدت اتحمل هالعذاب الي عايشتنه تدرين اني مارمس غير طحنون الله يسامحه الي خرب بيننا وفرقنا وربي احبه يا خلود ماقدر انساه وماقدر انسى كلامه يوم قالي انسيني حسيته طعني في قلبي بسكين يألم..
خلود: (تحضنها)ميرووو..انتي ما تقدرين تغيرين شي..صار هالموضوع واصلا ماكان لازم يصير بس ابغي اعرف ها الي اسمه محمد كيف يعرفج انا اول مرة اسمع باسمه ماقد طريتي حد اسمه محمد..ميروووو خلاص لاتصيحين وربي قلبي يعورني اشوفج جي وماقدر اسوي شي..
ميرا:خلود..لو فارقت هالدنيا الله يخليج كلمي طحنون وقوليله:تراها بتم تحبك وماتقدر تنساااك..
خلود: (تصيح وتضمها لصدرها حيل)ميروووووو..يالخبله لا تقولين هالرمسة الله يطول بعمرج وان شاء الله تتجاوزين هالحالة الي انتي فيها..
ميرا:خلود..(صوتها مخنوق)ارجوج خليني ارتاح وارقد شوي..
خلود: (خايفة) اكيد تبين ترتاحين؟
ميرا: هيه خلود لا تخافين..برقد شوي انتي سيري كملي مذاكرتج وعقبها تعالي ارقدي عندي اليوم لاني صدق محتاجة حد ايلس وياااه ويتم حذالي..
خلود: ان شاء الله..تبين شي؟
ميرا:سلامتج يالغاليه..الا اله الا الله..
خلود:محمد رسول الله..(وفي خاطرها)انا لازم اتصرف ولا اخلي اختي تعاني جي..لازم اعرف منو هالانسان الي حطم حياة اختي وربي مابسامحه..
(ونزلت تدور على امها لقتها تدخن الصالة)
خلود: (تحبها على راسها)هلا امايه..شحالج؟شو قاعده تسوين؟
ام خلفان:هلا بنتي..لا فديتج ترا ام محمد ياية عندي ويا الحريم الي في بيتها بيتيلسن عندي..
خلود: (تبقق عيونها)ام محمد؟؟
ام خلفان:هيه ام محمد..اشعنى مستغربة؟؟لايكون ما تعرفينها بعد ترا ميرو وانتي كنتوا مترابين ويا عيالها محمد وحسين ووضحة..وتدرين يوم كنتوا صغار كنا نقول لمحمد:انت ريل ميرا ترا كان يهتم لها وااايد ويلعب وياها اكثر عن الثانيين وكنا دومنا متطمنين انه في يوم من الايام بيعتبر ميرو شرات وضحوي اخته..ههههه وربي ذكريات حلوة والعيال كبروا ماشاء الله عليهم..ولدهم حسين في استراليا يدرس ووضحة في الكلية..
خلود:ازين يما ووضحوي ليش ماستوت تيي بيتنا؟
ام خلفان:مادري والله يابنتي..الدنيا تدور والكل مشغول ومايخصه في الثاني..ليتكم تبقون صغار قريبين مننا يلاا عاد سيري الحجرة الحريم بيين وتلبسي يمكن ازقرج عسب تتيلسين وياهم..
خلود: انا اتيلس وياااهم!!جي عيوز؟؟
ام خلفان: (معصبة)انجلعي يامسوده الويه لاضربج بخيزرانةابوج الي تحطمج..
خلود: (خايفة وتشرد عنها)هه هاه..لالالالالالالالالا مابغي يايما..تسلمين مب ناقصة ضرابات انا
جمالي بيخترب بعدين منو بياخذني هههههههههه..


(في بيت حمد بن علي الخيلي..يزوي كانت سرحانة في بدر ويالسة تفكر شو تهديله ترا عيدميلاده عقب يومين وهي عالشبريه منسدحة)
مهاري:بوووووووووو!!
اليازية: (تصارخ)اميييييييييه..وياويهج خوفتيني لاتعيدينها مرة ثانية..
مهاري: (تيلس عدالها فالشبريه)هاه يالسرحااانة في شو تفكرين؟لايكون البدر ذابحنج؟
اليازية: (مستحية)جب جب..لاتتفلسفين عليه شوفي نفسج اول بعدين اتخبرج متى بتنجلعين من البيت وتفكينا من حشرتج وتسيرين بيت ريلج هاه؟
مهاري: (معصبة)لاوالله!!يعني تبين الفكة مني؟؟هئ هئ ماعليه انا زلعانة..
اليازية:طااااع هاااي اونها تسوي عمرها صغنطوطة..شوفي عمرج اول وعقب تدلعي مب علينا بعد على ريلج وتغمز لها..
مهاري: (مستحية)تقطعيني بهالرمسة ماروم ارد عليج المشكلة..ماعندي رمسة توصل مستوى هالكلام هههههههههههه..عالعموم اقولج انه اليوم خالتي مزنه ياية ويا شواق والعنود وطبعا دريولهم بدور الي هو ريلج المستقبلي..امحق اختيار..
اليازية: (تخوزها من رقبتها)الا هالانسااان لاتغلطين عليه..فديته ياربي يعني بشوفه اليوم..
مهاري:بس تحملي عن تفضحينه بنظراتج الملقوفة هههههههه تراه مايتحمل نظرات ملاقيف هههههههه..
اليازية: (وترفع حواجبها)زين يامهااااري براوييييج ولج حساب..
مهاري:اميييه جان ازيغ(وتضحك وتطلع من الحجرة)
اليازية:فديته ياربي ياي عنا عيل بخلص دروسي وبسير اتلبس اشتقت له..

(في حجرة طحنون..جو حجرته كانت رومنسية وكان هو منسدح عالشبريه ويالس يطالع الهدايا والمخده الي اهدته ميرا وكان كل ليلة عقب ما يسكر عنها يتم يحضن فيها ويرتاح قلبه ويتطمن لانه حبيبته بتكون له دووم..لكن هالمرة كل شي تغير وحياة طحنون صارت حزن وهم ماله حدود)
طحنون:اااااااااااه!!زمن مايرحم كبيره ولا صغيره..ماقدر انساج ياميرووو رغم الخيانة الي استوت ماتحمل هالشي في قلبي..يارب ارحمني وصبرني على همومي وتم يشل في خاطره:

اليوم ناوي عن حياتك ابتعد..واترك الافراح يا حبي الاكيد
واحتضن حزني واسافر للابد..وابقى في دنياي مع همي الوحيد
دام قلبك ما وفى بأغلى وعد..وقلبي يدمي وينزف بالمزيد
لاتجيني لو افارق هالجسد..خذ بقايا ذكرياتك ياعيد

(اليازية عقب ما خلصت كل شي..سارت حجرة امها وشافتها تتعدل)
اليازية:ياربي انا عالدلع كله..ماتحمل الصراحة..ام يزووووي تخبل وربي عساني مانحرم منج يا اغلى انسانة يابتني فهالدنيا(وتحضنها)..
ام بطي:فديت روحج ياربي..سيري اتعدلي احين خالتج مزنه ياية فالطريج ويا شواق والعنود وقولي حق خواتج بعد..
اليازية: (ترفع ايدها كسلام شرطي)حاضر ياسعادة النقيب..امر بعد..
ام بطي: (تضربها على راسها)ويا ويهج يالدبه..ههههههههه لامابغي غير سلامتج ويوم تظهرين لاتستوين هايدي وتناقزين فالممر ادريبج خبله..
اليازية:هق هق هق هق هق ان شاء الله امايه..بس عادي استوي سنووايت..
ام بطي: (معصبة)بتسيرين ولا افرج بالنعال..خوزي عن ويهي بسرعة..
اليازية: (خايفة)ان شاء الله..خلاص الا النعال اخترب كثر ما تفريه على ويهي هيهيهيهي..يلاا ازين بفارق..
ام بطي: (في خاطرها)ياعساني مافارقج ياقلبي الا يوم عرسج..

(وسارت يزوي تكشخت ونزلت للمطبخ عسب تسوي الشاي والبسكوت لهم..وهي فالمطبخ يالسة تغني:اموت انا في حبهم..وارخص انا عيوني لهم..ناس سكنوا قلبي انا..وانا سكنت بقلبهم،،وبدر كان ياي صوب حجرة طحنون جان يسمعها)
بدر:ياربي يعلني فدااااه هالصوووت الحلو..فديت راعية هالصوت يعلني ماخلى منها ياربي..
اليازية: (تصد ورا وتلقى بدر حاط ايده على قلبه ويطالعها)انـ..نـ...نت متى ييتوا؟ماسمعت الـ...جججر....س..
بدر: (مستحي)طبعا الي ماخذ عقلج يتهنى به ترااج ماتحسين بحد يوم تغنين فديت روحج شحالج غناتي؟
اليازية: (مستحية)بخير ربي يسلمك..موجنك واقف فالمكان الغلط ترا حجرة طحنون فوق مب هنيه عسب جي سيرله فوق..
بدر:تراني كنت سايرله بس مادري قلبي خفق اول ما سمع حسج وماقدرت اروح الا يوم اسمعج يا اغلى انسانة احبج وربي احبج..
اليازية: (مستحية وتهمس له)وانا بعد احبك..سير احين عن يشوفك حد..
بدر: فديت حرمتي انا..
اليازية: (مستحية)بـــــــــــــدوري..بس عاااد ماتحمل هالكلام خوووز عن ويهي بسرعة عسب ماضربك ههههههههه..
بدر:حلااااته يوم ايدج تلامس خدي مثل النسيم الدافي..تامريني بشي ياعمري؟
اليازية:سلامتك يالغالي..دير بالك على عمرك..
بدر: (يمسك ايدها)وانتي اكثر يابعد كلي..يلا وداعة الله..
اليازية: (مستحية)ربي يحفظك..
بدر:طحنوووووووووون!!بعدك راقد؟
طحنون: (متضايج وعيونه تدمع)لا مب راقد..بس منسدح عالشبريه..
بدر: (خايف)خير يا طحنون يالغالي..شوفيك؟عسى ما شر؟اول مرة اشوفك جي متضايج حيل وتدمع!!شوفيك خبرني..
طحنون: (ينش وييلس على طرف الشبريه)يابدر انت الوحيد الي مقرب لي واخبرك كل الي في خاطري..وربي ماعرف كيف ابتدي لك بالكلام..بس ماقدر اقول غير كرهت هالدنيا والي فيها..
بدر: (يلس عداله وربت على كتفه)قولي ياطحنون شو استوى؟
طحنون:ميرو حبيبتي..طلعت خاينة!!تصدق هالرمسة يابدر؟هاذيج الانسانة الي حبيتها من كل قلبي ووثقت فيها واهديت عمري عشانها وفي الاخير تخوني ليش جي يابدر يستوي بي(ويخبره السالفة)..
بدر:ياطحنون..يمكن تسرعت بالحكم على البنية..انا الصراحة كثر ما ترمسني عنها واشوف حياتك وياها كيف حلوة احس انها انسانة ماشاء الله عليه بنت عرب واصول واهلها عرفوا يربونها..يمكن اكون غلطان وانت الصح بس اقولك انها ما تتعوض هالانسانة فكر قبل لاتظلم حد وتاكد عسب ماتهدم حياتك بسوء تفاهم صار بينك وبينها..
طحنون:تدري يابدر اشكثر احترم رايك ودوم الجأ لك في ضيجتي لاني اعرفك انك اخوي ومابتخليني جي على طريق الشقى ابتدي حياتي..
بدر:فديتك ياخوي..يعلني ماذوق حزنك يلااا ازين قوووم خلنا نحاوطك شوي عسب ننسيك الضيجة ادري انه مب وقته بس ماتحمل اشوفك تنهار وانا متهني..قوووم بسك رقاد يالدب هههه..
طحنون:ليتني اروم اضحك وارسم البسمة على شفاتي بس ماقدر اقول غير الله يصبرني..
بدر:ازين انا بسير بخلص لي شغله وبردلك عقب نص ساعة..ابغيك متكشخ احلى كشخة وارجوك لاتردني فهالطلعة..
طحنون:ان شاء الله ياخوي..ربي يحفظك..

[راعية التلي]

(في بيت سعيد المزروعي..كانن الحريم متيمعات فالميلس يسولفن ودشت خلود عسب تضيفهم)
ام محمد:ماشاء الله..بسم الله عليها منو هاي يام خلفان..
ام خلفان:هاي بنتي خلود يام محمد..
ام محمد:الله يحفظها ياربي..شحالج يابنتي تعالي يلسي عدالي..
خلود:ان شاء الله خالوتي..بس خلني اعطيهم الشاي(وتيلس عدالها)وشحالج خالوتي وشخبار وضحوي..عساها بخير؟
ام محمد:والله الحمدلله يابنتي..مسكينة فديتها الدراسة والشغل متعبينها ماقلتيلي يابنتي اي صف احين؟
خلود:ثالث ثانوي خالوتي وان شاء الله بنتخرج هالسنة واخيرا بنفتك..
ام محمد:هونيها وتهون..وعقبال مانفرح فيج امين يارب..
خلود:لا اختي قبل عقب انا..
ام خلفان:يابنتي لاتقولين هالرمسة..كل شي بنصيبه ازين ياام محمد شخبار ولدج محمد؟
ام محمد:ويلي على هالولد معور قلبي وراسي..كل مايي البيت وانا اختج يعور راسي بشكاويه وتلفونه ما يسكت من اول ما يدش البيت..خرشه مادري على منو طالع..
خلود: (في خاطرها)اكيد طالع على حد من هله المخترشين..
ام محمد:هاه ام خلفان..شو قلتي عن سالفة محمد وميرا فكرتي بالموضوع..
خلود: (مستغربه)اي سالفة؟
ام خلفان:ترا ام محمد تبغي تخطب ميرا حق ولدها محمد..وربي ان العيال كبروا وبنفارقهم..
خلود: (خايفة)هاه!!اختي بيخطبونها؟
ام محمد:وليش جي متخوفة؟عسى ماشر؟
خلود: (مرتبكة)لا ماشي خالوتي..بس مو جنكم تسرعتوا شوي بالموضوع..
ام محمد:في سوالف العرس يابنتي لازم نستعيل عسب البنت ماحد ياخذها ونخسر كل شي وولدي محمد ماشاء الله عليه من زمان كان وده في ميرا وانا من يومين رمسته وقالي سوي الي يريحج..
خلود: (في خاطرها)معقوله!!لايكون هذا محمد الي اتصل في ميرو..بس من وين بيعرف رقمها؟اوهووو شو هالمشاكل الي تعور الراس..

(بيت حمد بن علي الخيلي..شوق في حجرة يزوي يالسين يسولفن)
شوق:تصدقين!انا اسعد انسانة في هالوجود..
اليازية: (مستانسة)ياربي شحلاتج وانتي جي مستانسة..عسى الله دوم اشوف البسمة وماتفارقج..ياترى شو السبب..
شوق: (مرتبكة)هاه!!لا بس احس بالراحة اليوم..اول ما طفت عدال حجرة اخوج وايد ارتحت..وربي احبه..ابغي اقوله احبك من اليوم الين باجر..
اليازية: (مستغربة)شواق!!قبل فترة كنتي منصدمة انه هو ردج وماوده يرمسج واحين شو هالثقة الي طلعت منج وهالراحة..
شوق:بعد ماشفتي شي يابنت الغالي..ومثل ما قلتي انه بيي يوم من الايام وبيقولي(احبج)واحس هاليوم قريب واااايد..
اليازية:ان شاء الله..
شوق: (تقرب من الدريشة وتشوف طحنون يالس يتمشى فالحوي)يااااي انا بنزل تحت..ابغي ارمس طحنون واقوله عن الي ف خاطري ماعدت اتحمل..

(وتنزل للحوي وتلاقيه..لاول مرة شوق تستانس بهاللحظة وبتعرف هالمرة انه طحنون مابيردها وكره شي اسمه ميرا وبيبتدي حياته وياها)
شوق: (مستحية)هلا طحنون شحالك؟
طحنون: (يصد ويشوف ويه شوق ويتخيل ويه ميرا ويبتسم)هلا فيج..بخير ربي يسلمج انتي اخبارج؟
شوق:بخير دامك بخير يالغالي..تذكر يوم كنا فالمزرعة ويلست ارمسك وعقب سكرنا عالموضوع..لاني شوي كنت مترددة..بس اليوم ماعتقد اني اقدر اتحمل اكثر من هذا..طحنون..
طحنون:هلا شوق..قولي شو في خاطرج؟
شوق: (مستحية)طحنون..يا اعز مخلوق اغليه وحبك ساكن في حشاي..طحنون انت من اول يوم سافرتفيه بريطانيا مافقدت الامل ابد اني في يوم من الايام ممكن الاقيك مرة ثانية واقولك عن هالصمت والكتمان الي فيني..6سنين وانا كاتمه هالشي في قلبي واعتقد انه يا الوقت الي اقولك اياه طحنون انا.....
طحنون:انتي شو؟
شوق: (مستحية)انا احبك يا اغلى من سكن فؤادي ومافارق روحي..احبك..احبك..احبك..
طحنون: (غمض عيونه وتخيل انه هالكلمة طالعة من ميرا)!!!!!
شوق:طحنون شو فيك؟
طحنون:لا مافيني شي..(وفي خاطره)ياربي معقوله مافكرت في بنت عمي الي حبتني من 6 سنين..وربي انها عاشقتني وتحبني..
شوق: (متضايجة)اسفة لاني ضايجتك ماقصدت اسمحلي..
طحنون: (يمسك ايدها)الصراحة يابنت عمي ماعرف شو اقولج..بس يوم ذكرتيلي سالفة السفر والي قلت لج ايااه قبل سفري كانت صدق طالعة من قلبي..حتى يوم كنت فالغربة كنت افكر فيج وقبل لارد من بريطانيا بيوم تميت افكر وكنت متردد..خوفي لاترديني لا قلت لج.........
شوق: (مستحية)تقولي شو؟
طحنون:أحبج..(في خاطره)يااللـــــــــه لهالدرجة حبي لميرا رخيص وبسرعة ينسى..بس مافي غير هالحل..وليتني ماعرفت ميرا وحبيت بنت عمي عالاقل كانت تفكر فيني وتبادلني الشعور..
شوق:ياربي شحــــلاتها وهي طالعه منك..رووووووعة وربي انه اليوم اسعد يوم في حياتي يعلني ماخلى منك ياحبي الاول والاخير..
طحنون:ولايحرمني منج يالغاليه..اسمحلي عيل بظهر ويا بدر تامريني بشي؟
شوق:سلامة روحك ياعمري..
طحنون:تحملي على عمرج وان شاء الله اشوفج على خير..ربي يحفظج..
شوق:ويحفظك(ويوم راح عنها باست ايدها ونفخت البوسة له)أحبك ياروحي..

معقولة بيبتدي طحنون حياته وياشوق وينسى ميرا؟
وهل تسرع بالتصرف هذا؟
ياترى خلود بتعرف منو الي هدم حياة اختها؟

اتريوووووا البارت الياي ان شاء الله

[راعية التلي]

ولكم منــــــي احلى بااااااااارت حبايبي ان شاء الله يعجبكم

الجزء الثامن

(قبل يومين من عرس مهاري..الكل كان منشغل بتحضيراته وطبعا يزوي سارت ابوظبي مول عالعصر عسب تشتري هدية حق بدر وكانت ويا شواق)

اليازية: (مستانسة)ياربي شو اشتري له؟اقووولج شواق شو رايج فهالعطر توه نازل عندهم في باريس جاليري جربيه..
شوق: (تفكر بطحنون)؟؟؟؟
اليازية: (تدزها وهي معصبة)شوووووووووووق..دبوووه مب وقته هالرومنسية يلا قولي شو رايج فهالعطر؟
شوق:ههههههههههه سمحيلي يزووي..بس تعرفين الحب وعمايله ازين اقوولج شي..
اليازية:قووولي وفكينا..
شوق:شو رايج نسير محل أجمل ترا دهن العود والعطورات احلى عن هنيه..بعدين باريس جاليري اغلبية بضاعته يخص الحريم ها شو قلتي؟
اليازية:امممممم والله فكرة حلوة..يلااا ازين جدامي..
شوق:حشى مب بنت عم..ريلي ههههههههههههههههه..

(بيت حمد بن علي الخيلي)
ام بطي: (تدش حجرة مهاري)هلا بنتي..شحالج؟
مهاري:بخير ربي يسلمج يما..انتي طمنيني عنج شخبار الفحوصات؟
ام بطي:والله بخير..حمدلله انه كل شي الين احين مستقر..عطوني من هاذيج الادوية الي تلوع بالجبد..المهم يابنتي ماوصيج على ريلج ترا اهم شي عندج فالكون ومثل ماهو شاريج انتي لازم تشتريه بروحج وبقلبج وبكل شي فيج..ولاتنسين يامهاري اني مطمنة انه ولد اختي هزاع ما بيقصر فيج وبخليج معززة ومكرمة مثل ماخذاج من عندنا بيعيشج احلى عيشة وعسى الله دوم نفرح فيكم ونشوف عيالكم قبل لافارق هالدنيا..
مهاري: (تصيح وتحضن امها)يماااااا يالغاليه..الله يطولي بعمرج وان شاء الله تشوفين عيالي وتربيهم بعد..يمااا ماتدرين اشكثر بفرح يوم بتكونين عدالي فالكوشة ويا خالتي فديتج يايما ولا تخافين تراج عرفتي تربيني وانا اعرف هالشي واكيد هزاع ما بيقصر فيني..
ام بطي: (تصيح)الله يحفظج يابنتي..هاليومين ان شاء الله وبتروحين بيت ريلج عسى الله يخليج لي..
(حمدان ومكتوم يدشون حجرة مهاري ويشوفون امهم داخل حاضنه مهاري وتصيح)..
حمدان:اوووووووف من احين مسوين هالصياااح..خلوووه حق يوم الخميس مابقى غير يومين..صبروا خلوني اصيح وياكم..
مكتوم: (يضحك يحاول يغير الجو)حمداان يارزة الفيس..خلهم تدري عاد كيف الحريم ولا فلم هندي ههههههههههه..شحالج مهاري؟
ام بطي: (تضرب راس حمدان بمزح)يالهرم تدري انه مهاري الغاليه ومن فترة ما حضرت عرس حد فيكم وان شاء الله احضره..يلااا عاد مكتوم بتخلني اتريا وايد..
مكتوم: (مستحي)يمااااااااا ان شاء الله هالاسبوع بيوصلج كلام بيبرد قلبج وبترتاحين ومابتزنين فوق راسي..
مهاري:تسلم اخوي وربي ماعرف من دونكم كيف بكون..الله العالم اشكثر بشتاق لكم..
حمدان:يالسة في حجرتها وبقى يومين وتسوي هالخطاب كله..حشى مب عرس بتنسجنين..
ام بطي: (معصبة)حمدااااان يامسود الويه..عنلاته تقول هالرمسة ماعليه يالشيبه براويك تعال يلااا..
مكتوم:ويووووووو بيضربونه ههههههههههههههههه..
حمدان:خلاص يالغاليه سمحيلي(ويحبها على راسها)ولازعلج وعقبالي انا بعد ادعيلي يما ولاتنسين الحرمة من ذوقج اوكي..
ام بطي:لوااااااااااااااته تطلع في حالات بس..
الكل:هههههههههههههههههههههههههههههههههههه...

(فالمول..لقت يزوي الهدية المناسبة لبدر..بوكس ترسته ورد مجفف وحطت له دبدوب وسلسلة لسيارته ومعاه عطر وبطاقة مكتوب عليها (عسى عامك سعادة وحب..وان شاء الله تبقى لي يا اعز انسان أحبك)
اليازية: (مستانسة)يااااااااي..اليوم بتلاقى ويا بدر فالليل وبهديه له هالهدية وان شاء الله تعيبه..
شوق:شو نسيتي تحجزين الصالون عسب عرس مهاري..
اليازية:لاتخافين..بدر فديته بيدور لي على صالون وهو الي بيحجزه حقي..
شوق: (طفرانة)امحق..ونحن خواته مالت علينا يوم نطلب منه يودينا مكان يروح يقولي مب متفيج ومادري شوه..صدق مصالح..
اليازية:فديتج هاي مب مصالح..هذا حب يا قلبي..
شوق: (تسرح في طحنون)هيييييييييييه والله حلاته الحب اعيشه ويا حبي طحنون فديته..
اليازية:لحوووووووول وردت تسرح في حبيب القلب..ازين دام شي وقت خلنا نسير نشوف الفساتين ونسوي بروفا عسب نشوف اي شي ناقصه..مابقى من الوقت الا القليل..
شوق:هيه والله صدقتي..يلااا خلنا نسير..

(ومر هاليومين بسرعة البرق..الكل ليلة الخميس في فندق روتانا مستانسين ومتكشخين..الشباب في القاعة ويا المعرس هزاع يالسين يستقبلون الضيوف..في قاعة الحريم يزوي وشواق ودانة والعنود وام بطي وام هزاع يالسات يستقبلن الحريم ويضيفونهن طبعا يزوي وشواق كانن احلى ثنيتن فالعرس لانهن مسوين نفس تفصيل الفستان بس يزوي عاللون الازرق البحري وشواق الاخضر الناعم)
اليازية: (تتصل في خلود)الوووووووووووو!!
خلود:هلااااا يزوي..
اليازية:وينج خلووووووود..اترياج من الصبح وين وصلتي؟
خلود:سمحيلي يزوي بس الاهل شوي بيتاخرون بعدين انا توني طالعة من الصالون ويا اختي ولين مانرد البيت تعرفين عاد يبالنا ساعة ونص عالاقل..
اليازية:حشى مب اختي الي بتعرس..انتي الي بتعرسين هههههههههه عقبالج وانا طبعا اول الحاضرين..
خلود:ههههههههه فديتج والله..ان شاء الله مابنتاخر شو جو القاعة..
اليازية:جوها الله يسلمج حشرة ويهال وحالة وحريم وازعاااج وانتي من نفسج تسمعين احين..عالعموم ما بطول المهم لاتتاخرين تعالي قبل لاتيي اختي..
خلود:ان شاء الله..ديري بالج عن يحسدونج..
اليازية:لا تخافين..اليوم برد البيت وباجر عند باب بيتنا متروووووس خطاب عسبتي انا ههههههههههههههههه يلااا جلبي ويهج..
خلود:هههههههههههههههه الله يهديج ربي يحفظج..
اليازية:ويحفظج..

(في بيت سعيد المزروعي)
خلود:يلااا يما..شو قلتي..بتيين؟
ام خلفان:لا يابنتي..انتي سيري ويا ميرووو وان شاء الله تستانسون مناك يابنتي انا ماعرف اهل العروس ولا المعرس مب حلوة اسير جي..
ميرا:يمااا تراج بتيلسين ويانا..بعدين يزوي عزمتنا كلنا وقالت لو امكم ياية زيادة الخير بركة هاه شو قلتي؟
ام خلفان:لامابغي..خلاص انتن سيرن يلااا بسرعة ماشي وقت يمكن احين بتدش العروس يلااا انجلعن وطمنوني عليكن..
ميرا: (تحب امها على راسها)ان شاء الله يما..تامريني بشي؟
ام خلفان:لاسلامتكن وتغشن عدل يوم يدخلن الرياييل زين ماما..
خلود:الا انا ببطل غشوتي عسب يتخبلون عالميك اب مالي هيهيهيهيهيهيهيي..
ام خلفان: (معصبة)ياويلج بتبرا منج ولا بعرفج سمعتي!!ان وصلني خبر انج بطلتي الغشوة ما تلومين غير نفسج..
ميرا:ههههههههههه حشى..يمااا خفي علينا هالغيره..بعدين انا وياها شو خانتي؟طرطورة وربي بصمها كف على ويهها لو بطلت الغشوة(وتغمز حق خلود)
خلود: (اونها خايفة)هيه هيه خلاص انا بسمع الكلام ولا زعلج يالغاليه(وتحب امها على راسها)وداعة الله يما واي شي تبينه اتصلي..
ام خلفان:لا تتاخرن..ربي يحفظكن..

(وصلن العرس..اول مادشت ميرا القاعة حست بالخوف وانه شي بيستوي لها اليوم ماتتوقعه..المهم يزوي شافت خلود داشة وركضت عندها وحضنتها من الفرح وكانت وراها شواق)
اليازية: (تحضنها)فديييييييتج خدوووود..اخيرا ييتي عنبوووو شو هالتاخير..
ميرا:سمحيلنا يزوي بس تدرين عاد الاهل..
اليازية: (تغمز لخلود)الاهل هاه!!ازين ميرووو براويج انا..حشى مب جنه عرسنا جنه عرسج انتي..لاتخافين ترا الميك اب رووعة وحلو ومخلنج ملكة جمال ماشاء الله عليج والصراحة يستحق هالتاخير..
خلود: (معصبة)اشوووووفج تغازلين اختي ولا كاني انا الي ياية عشانج..ماعليه يزوووي انا زعلانة خلاص برد البيت مب حلوة تعبت عمري فالصالون عشانج واخر شي المدح كله في اختي..
اليازية:لافديتج لاتزعلين ما صدقت اشوووفج هنيه فالقاعة..وربي مستانسة وايد يلااا عاد فصخن العبي وتعالن حجزت لكن مكان جدام العروس عسب تشوفونها عدل..منو قدكم Vip..
خلود:وجاااااااان استانس ههههههههههههه..
الكل:ههههههههههههههه..
ميرا: (في خاطرها)ليش جي قلبي يدق بسرعة..احس انه بيصير شي انا مامتوقعتنه وان شاء الله يكون خير..

[راعية التلي]

(وانطفت ليتات القاعة وبطلوا ليت واحد يركز على زفة العروس مهاري..طبعا دشت بزفة (يامرحبا الساع يابوعيون وساع)حق راشد الماجد..كانت تجنن وحلوة وايد والكل كانوا يشوفونها وهي تمشي بخطواتها..طبعا يزوي وشواق ساعدوها برفع ذيل الفستان لانه ثقيل وكملت الدرب الين ماوصلت الكوشة ولفت تشوف الكل يطالعها..حست بشوي ارتباك لكن مر كل شي على خير..يلست وبدوا المصورات شغلهن بالتصوير وعقبها يزوي وشواق والبنات الي يعرفونها وربيعاتها طلعن عندها ويالسات يسلمن عليها..وعقبها يا وقت العشاء)

اليازية:هاه مهااااري شحالج؟
مهاري: (مستحية)هلا يزوي بخير بس الفستان ثقيل علي..
شواق:لااازم العروووس تعاني عسب جي يوم بعرس بلبس بنطلون وقميص وبروح ويا ريلي بدون عرس ولا اعاني جي ههههههههههههه..
مهاري:ويا ويهج هههههه..ازين يزوووي وينها امي؟
اليازية:اخبرج شي..امي من اول مادشيتي وهي يالسة تصيح من الفرح وخالوتي يالسة تهديها ان شاء الله يوم ترتاح بتيي عندج..
دانة:هلااااا مهاااري الغاليه تبين شي؟
مهاري: فديتج دانووووه..خلج انتي ويزوووي عدالي لاني صدق برتاح وانتن عدالي..
اليازية:اونها احييين تخاف..تراج منجلعة بيت ريلج اليوم اخيرا بنفتك منج(وتدمع عيونها)..
شوق:تدرين عاااااد اختج يزوووووي..دموووع زيادة عندها ولا متحسسه من شي هههههههههه..
مهاري:فديتج يزووووووي..تعالي قربي وربي بشتاقلج مووت اقوولج عقب شهرين تعالي عيشي وياي فالبيت عسب تونسيني..
دانة:هيه الدنيا فوووضى..
اليازية:وانتوا ليش زعلانين..خلاص دامها مب متضايجة عيل بعيش عندهم..
دانة:مشكلة رزة الفيس..
الكل:ههههههههههههههههههههههههههههههههه..
العنود:اقولكن بنااات..احين الرياييل داشين..بسرعة سيرن لبسن العبي قبل لايدشون..
شوق: (مستانسة)فديته طحنون داااش ياااي اكيد الكل بيتخبل عليه ويوم يعرفون انه بيخطبني شو بينقهروووون ههه..
اليازية:خلووود..احين الرياييل داشين عسب يتصورن ويا مهاري..وانا طبعا بيلس حذالج وبعرفج على كل واحد فيهم لاني صدق مستانسة عليهم..
خلود:الله يحفظهم لج يارب(في خاطرها)ان شاء الله مايتحقق الي في بالي..

(ويدش المعرس هزاع..ووراه ابوه وبوسلطان والشباب..طبعا البنات كانن متخبلين على طحنون لانه كان احلى واحد فيهم وكانت خدوده حمرا لانه اول مرة يدش قاعة الحريم من اخر عرس يسيرله)

اليازية:ازين خلود..طبعا هذا المعرس هزاع شو رايج فيه حليو صح هيهيهيهي..وهذا ابوه وهذا عمي سيف..وهاذيل اخواني مكتوم وحمدان وطحنون فديته..وفي الاخير عيال عمي سلطان ونهيان وبدر(في خاطرها)فديته شحلاته ياربي..
خلود: (في خاطرها)هذا طحنون؟ماشاء الله عليه يجنن(وتهمس لاختها)ميرووو شوفي منو هنيه..
ميرا: (كانت سرحانة بطحنون قبل لايدش ومالاحظت انه دش)؟؟؟
خلود:ميروووو هذووه طحنون واقف على يمين الكوشة شوفيه..
ميرا: (من شافته ادمعت عيونها وبغيت تصيح لكن يودت الدمعة عسب محد يحس انه مستوي شي)..

(عالكوشة..كان حمدان مصدق عمره لانه شي بنات تمن يطالعونه..وكان بدر وطحنون يتهامسون)
بدر:وااااااو انا اول مرة ادش قاعة الحريم اسميه زحمة واللون الاسود مغطي ماشوف مزايين..
طحنون: (مستحي)وياويهك هذا وقته ههههههههههه..(ويوم لفت يسار لمح وحدة كانت رافعة غشوتها)ياترى منو هاي؟
ميرا: (في خاطرها)ياربي شو محلاااه..ااااه ياقلبي يتقطع وطحنون حبي جدامي وانا ماقدر حتى اقوله اني اشتقت له موووت..
طحنون: (يحاول يركز وفجأة يكتشف انها ميرا وكانت الدمووع مغطيه ويهها..اول ما شاف منظرها جي حس بضيجة)ياربي هاي ميرووو حبيـ...!!!شوهالرمسة ياطحنون هالانسانة نسيتها وصارت من الماضي..كيف انساها ياربي وطيفها يرافقني وين مارووح..فديتج والله(وتدمع عيونه)..
شوق:اقولج خلود تعرفين منو هذا الي على يمين الكوشة؟
خلود: (مرتبكة)امم لا!!
اليازية:الله يسلمج هذا طحنون اصغر اخواني واحلاهم طبعا..وهو يستوي ولد عم شواق الي بتكون حرمته فالمستقبل ان شاء الله..
شوق: (مستحية)ان شاء الله..
ميرا: (منصدمة من الي سمعته وماتحملت الرمسة)شوو!!
خلود: (تحاول تغير الموضوع)الله يهينهم يارب وعقبااالج يزوووي نحضر عرسج..
ميرا: (تعبت وبدا تأثير الربو يظهر عليها..وتسولف بصوت مخنوق)خلود اقولج خلنا نسير البيت حاسة عمري تعبانة حيل..
خلود: (خايفة)خير ميرووو شو فيج؟
اليازية:خير عسى ما شر؟
ميرا:سمحيلي يزوي بس انا تعبانة من اساسه بس عشااانج ييت لكن للاسف احين صدق التعب زاد فيني..المهم حضرنا عرس اختج وسلمي عالاهل من خلود السلام..
اليازية:يوصل ان شاء الله..خلود طمنوني اول ما توصلون وسلمي على خالوتي..
خلود:يبلغ اختي..يلاااا وداعة الله..
اليازية:ربي يحفظكن..
(يظهرن من القاعة وكانت ميرا مستندة على كتف خلود.. طحنون اول ماشافهن طالعين تم يزر بكندورة بدر)..
طحنون:اقووولك بدر انا بظهر احين..ساير شوي وبرد..
بدر:توالناس..شو استوى بك؟لايكووون لقيت لك غزالة مزيونة وبتلحقها..
طحنون:بتيي وياي ولا لأ؟
بدر:ازين بيي لحظة شوي(ويتلفت يمين يسار يدور على يزوي عسب يودعها ويشكرها عالهدية الغاوية..ويشوفها على يساره..اول ماشافها ابتسم لها وغمز وروح)
اليازية: (في خاطرها)فدييييييت هالغمزه وراعيه ياربي..

(اول ماظهر شاف ميرا مستندة على كتف خلود وكانت يالسة تكح من خاطر..طلعن السيارة وجان تفر ميرا الكلينيكس عالارض..اول ماوصل طحنون لمكان الباركنج وشاف الكلينكس لقاه منقط بلون احمر مثل لون الدم)

طحنون: (خايف)ياترى شوفيها ميرا؟
بدر:ايه طحنون وين ساير؟لهالدرجة المزيونة عذبت بك ههههههه..
طحنون:اقووولك بدر انا ساير الحق سيارة ميرووو..تدري انه هالكلينكس يخص ميرا..
بدر: (مستغرب)ميرووو!!احيدك نسيتها خلاص بالنسبة لك انسانة خاينة..بعدين شو سالفة هالكلينكس؟
طحنون:مادري يابدر احس عقلي مب وياي..كل همي الحقهم واعرف شو السالفة..ماقدر انساها..
بدر:ازين تبيني ايي وياك؟
طحنون:لا بدور..خلك انت هنيه عندهم فالعرس ولو امي ولا اي حد سأل عني قولهم سار مشوار وبيرد بسرعة..
بدر:ازين دير بالك على عمرك..ربي يحفظك..
طحنون:ان شاء الله ياخوي..

(وركب سيارته ولحقهم..وكان وايد مسرع وماحس بالعداد من اول ماظهر من العرس..كل تفكيره سالفة الكلينكس وميرا..يحس من داخله انه ظلمها بس عقله مب مقتنع بهالشي..وهو يفكر ماكان يحس حتى بالسيايير الي حوله..ويوم وصل اشارة شارع البطين صار لونها احمر وهو ماحس بها المهم يتم وراهم..وشي سيارة من الصوب الثاني لواحد سكران وكان مسرع وماشاف طحنون السيارة وفجــــــــــأة..............تصطدم في السيارة وتنجلب سيارة طحنون وتدعم فالاشارة)

(في قاعة الرياييل..تلفون بدر يرن)

...:الوووووو..سلام عليكم..
بدر:وعليكم السلام..منو وياي؟
...:وياك شرطة بوظبي..انت الاخ بدر؟
بدر: (خايف)هيه نعم انا بدر..خير في شي؟
...:اخوي بدر..ترا وصلنا خبر انه حد من اهلكم مستوي له حادث..اسمه طحنون حمد بن علي الخيلي وهو احين في مستشفى خليفة بن زايد وحالته الله يعلم بها..انت تعرفه؟
بدر: (ظهر من القاعة وكان خايف)هيه هذا ولد عمي..ازين متى استوى الحادث؟
...:من نص ساعة تقريبا..اخوي بدر اعتقد انه لازم تسيرله مناك بس ارجوك لاتوصل الخبر للاهل الين ما تستقر حالته..
بدر: (تدمع عيونه)ان شاء الله اخوي..ومشكور عالاتصال..

[راعية التلي]

الجزء التاسع

(الساعة 1 فالليل عقب ماخلصوا من العرس في بيت حمد بن علي الخيلي..كلهم يلسوا مناك يكملون السهرة..الرياييل فالخيمة الي مسوينه فالحوي..الحريم والبنات كانن فالصالة متيلسات يسولفن عن احداث العرس وفرحهم بهالليلة المميزة)
اليازية: (متضايجة)ياربي ماصدق انه مهاري طلعت من البيت وراحت..
دانة:لاوالله!!من اول مادشينا العرس وانتي تقولين لها واخيرا بتنجلعين ومادري شو واحين يعني حسيت بغيابها..
ام بطي: (تحضن يزوي)ادريبج يابنتي تحبين مهاري وكانت هي المقربة لج..واصلا يا دانوووه مهما صار انا اعرف انه يزوي بشتاقلها مثل مانحن بنشتاق..
حمدان:لحوووووووول..احين مهاري ماطارت ولاراحت مكان بعيد..هي اليوم سافرت شهر العسل عقبها بترد البلاد وبتجابلونها 24 ساعة..
دانة:ههههههههه يزووووي لوتشوفين هاذيج....................
تررررررن ترررررررررن (تلفون البيت يرن)..
ام بطي:قوووووووم جتومي رد عالتلفون..
مكتوم:جي ريسبشن البيت انا؟!!
حمدان:لحوووووول..خلاص انا برد يما..
ام بطي:يلااا ياولدي لحق عليه..
حمدان: (يرد عالتلفون)الوووووووو!!
بدر: (متضايج)سلام عليكم..
حمدان:عليكم السلام هلا بدور..شحالك؟
بدر:بخير ربي يسلمك..انت علومك؟
حمدان:بخير..وينك ياريال تعال عنا البيت الاهل متيلسين ونتريا طحنون لايكون وياك وانت تقص علينا..
بدر: (متضايج)طحنون!!شواقولك ياحمدان..
حمدان: (خايف)خير شوالسالفة بدور..خبرني لاتم ساكت..
بدر:حمدان..من ساعتين تقريبا استوى حادث..والشرطة اتصلوا فيني قالولي عن الحادث الي صار ووصفوني السيارة المدعومة وعرفت عقبها انها سيارة طحنون وهو احين مترقد فالمستشفى..الدكتور قالي انه حالته الين احين ماتحسنت بس مستقرة تقريبا..وانا كنت ابغي اخبركم من قبل بس خفت يأثر عليه اكثر مايأثر عليكم انتوا الخبر..حمدان خبرهم انت لاني الصراحة انا احين متيلس فمستشفى خليفة بن زايد وبخليك عسب اتطمن على طحنون..تامرني بشي؟
حمدان: (ادمعت عيونه ويالس يطالع امه)لاسلامتك بدر..وانا احين ياي ويامكتوم..
بدر:ربي يحفظك..وداعة الله..
حمدان:ويحفظك(وعقبها حط السماعة ويلس عالكرسي يطالع امه وعيونه تدمع)..
ام بطي: (خايفة)خير شو مستوي..رد عليه ياحمدان نظراتك لي مب طبيعية قول شي..
حمدان:.........!!
مكتوم:حمدان شو فيك رد على امايه..شوقالك بدر ياي الميلس ولاشوه؟
حمدان:.........
اليازية: (خايفة وحضنت اخوها)حمداااااان شو استوى لبدر وطحنون..طمني!!
حمدان: (مسك ايد امه وحبها على راسها)يما انا ادري انج مابتتحملين هالخبر بس لازم اقولج اياه..من ساعتين تقريبا استوى حادث..بدر الحمدلله مافيه شي لانه كانت ويانا فالعرس بس....
ام بطي: (تدمع عيونها)بس شووووووووه ياحمدان..!!
حمدان:طحنون سوا حادث صوب شارع البطين واحين هو مترقد في مستشفى خليفة بن زايد..وحالته من اول ماوصل المستشفى ماتحسنت بس قالي بدور انه مستقرة..
شواق: (منصدمة)شوووووووووووووو!!لاااااااا..
ام بطي: (تصيح ويمسكها مكتوم من الصدمة)ياضناااااااااي..لاااااااااا كيف صار لك هالشي..حسبي الله ونعم الوكيل..لاحول ولاقوة الا بالله وافديت قلبه انا..
اليازية: (تصيح)طحنوووووون لالالالالالالااااااا مب مصدقة لاااا..حمدان اكيد بدر يمزح ويانا بس جي يبغي يخوفنا..
حمدان:فديتج في هالاشياء ماشي سوالف ولامزح..انا احين بسير بشوفه بتخاويني مكتوم؟
ام بطي:انا بسير وياااكم..يزوي هاتي عباتي بسرعة..
اليازية:انا بعد ابغي اسير..تعالي شواق وياي..
شوق:لاانا مابسير..انتوا الاهم سيروا احين وانا بتريا هنيه طمنوني(وتصيح)..
مكتوم:يلاااا خلنا نسير..
الكل:يلااااااااااا..
(ظهروا من البيت ووصلوا المستشفى وتلاقوا ويا بدر الي كانت متيلس عدال حجرة العناية الفائقة يتريا الدكتور الين مايرد عليه الخبر عن حالة طحنون)
ام بطي: (تحضن بدر)ياولدي..الله يهديك ليش ماخبرتنا من اول..كنا انتظرنا وياك..
بدر:لافديتج خالوتي بس الشرطي قالي ماخبركم الين ماتستقر حالته وانا من اول اتريا الدكتور الين مايرد لي الخبر..
مكتوم: (يربت على كتف بدر)ازين بدر كيف صار الموضوع؟
بدر:الي اعرفه..انه طحنون كان في طريقه وشكله فالاشاره مانتبه لها ومن الصوب الثاني كانت شي سيارة راعيها سكران وكان مسرع فدعم في سيارة طحنون وصار الي صار..
ام بطي:وياحسبي الله على العدو والي سوا بك جي ياولدي..الله يحفظه ويصونه يارب..
بدر: (يطالع يزوي)يزوي ترا اخوج محتاج لدعائج مب ناقص عذاب من صياحج له..
اليازية:ادري يابدر بس والله غصبن عني..
(ويطلع الدكتور من الحجرة..ملامح ويهه ماكانت تطمن)
الدكتور:انتوا اهل المريض طحنون الخيلي؟
مكتوم:هيه نعم..انا اخوه العود بشر يادكتور ان شاء الله بخير؟
الدكتور: (يهز راسه على انه حالته ساءت)لاياخوي..المريض صابه ارتجاج فالمخ من الدعمة وانكسرت عظمة الركبة اليمنى واحدث فيها ثقب مما يدل ذلك على العضلات الداخليه للركبة تمزقت وهذا يدل على اصابته بالشلل..
اليازية:لاااااااااااااااااااااااااااااااااااااا(وت صيح)
ام بطي: (تحضن بنتها يزوي)لاحول ولاقوة الا بالله العلي العظيم..حسبي الله ونعم الوكيل..حسبي الله ونعم الوكيل..
حمدان: (تدمع عيونه)ياللــــــــــه صبره على بلوااااه امين يارب..مسكين ياخوي..
مكتوم:هذا حكمة ربنا مانقدر نقول شي..
الكل:ونعم بالله..
(عقب ماخلصوا من العملية الي استغرقت حوالي 4ساعات ونص لمعالجة الاصابات البليغة الي صارت لطحنون..وعقبها رقدوه فالحجرة جو المكان كان كئيب ام بطي يالسة تمسح براس طحنون وتقرا القرآن..والكل كان يترياه الي ماينش دقايق و........)
طحنون: (يفتح عيونه شوي شوي)يمااااا!!
ام بطي: (تمسك ايده)هلاياولدي انا هنيه عدالك..
طحنون:وينها يزوي؟
اليازية: (تمسح دموعها وتحضنه)انا هنيه ياخووووووووووي..والله كنت خايفة عليك..
طحنون:ازين امبين الخوف خنقتيني خوزي عني وياويهج هههههه..
حمدان:ذبحتي الريال..حشى مب اخوج ريلج..
الكل:هههههههههههههههههههههههه..
اليازية: (مستحية)اسمحلي ياخوي وربي ماعرف شو اسوي عسب اعبر لك عن خوفي عليك..
طحنون:ههه خلاص يكفي هالشي ياعمري انتي..
بدر:ماشاء الله اشوفك بديت تقرض وتغازل..ارحم عمرك ياولد العم..
طحنون:هههههه هلا بدور..انا مب قايل لك لاتخبر حد اني هنيه..
بدر:غصبن عني ياخوي..كلوني الين ماطلعوا مصاريني..
الكل:هههههههه...
مكتوم:حمدلله على سلامتك ياخوي..خبرني كيف صار الموضوع..
ام بطي:جتومي خليه مسكين فديته شكله تعبان ومب متفيج يتكلم.
طحنون:صدقتي يما احس عمري تعبان حيل(ويحاول يرفع ريله اليمين مايحس بها)يماااا..
ام بطي:عيووون يما..امر ياولدي..
طحنون: (متألم ومستغرب)شو مستوي لريلي..ليش ماروم احركها ولا احس بها؟
ام بطي:......!!
طحنون: (خايف)يمااا..مكتوم..حمدان..يزوي..بدور..ردوا علي شو مستويلي ليش ماحس بريلي؟
مكتوم:ياخوي هذا قدر ربنا..يوم استوى لك الحادث اثر عليك بشكل كبير لدرجة انه مزق عضلات ركبتك اليمين وهذا معناه........
طحنون: (خايف ويرتجف)معناااه شو؟تكلم...
ام بطي: (تحبه على راسه وتحضنه)هذا معناه انك مابتمشي مرة ثانية..صابك شلل ياولدي(وتصيح)..
طحنون: (ادمعت عيونه مب مصدق الي سمعه)شووووووه!!لااااا مستحيل..
اليازية:لاتقول مستحيل ياطحنون..هذا الي صار وهاذي حكمة من رب العالمين قول الحمدلله على كل حال لانه ماصار الاخطر..
طحنون: (بصوت مخنوق)يماااا..لاتهديني بروحي اناماقدر ابقى وحيد ماصدقت ارجع من الغربة واحين ببقى غريب ياللــــــه صبرني..
ام بطي:ياولدي منو قال اننا بنخليك..انت ضناي وروح ابوك الغالي مستحيل نتركك لو شوماصار..
طحنون:اااااه يارب ارحمني برحمتك..

(يوم السبت فالمدرسة..يزوي كانت متضايجة ومتيلسة ويا حمدوه وخلود..شوق كانت تتمشى ويا خدوي)
حمدة:خير شو فيج يزوي..مب على طبيعتج هالهدوء والسكوت لايكووون خطبوج هههه..
اليازية: (تدمع عيونها)لامافيني شي..
خلود: (تزر على مريول حمدوه عسب تسكت شوي)شوفيج يزوي خبريني..
اليازية: (تحضن خلود وتصيح)اخوي طحنون يوم الخميس استوى له حادث صوب اشارة البطين وهو احين مترقد في مستشفى خليفة..
خلود: (مصدومة)ياللــــــــه..ان شاء الله خير..
اليازية:تمزقت عضلات ركبته وصابه الشلل..
حمدة: (ادمعت عيونها من سمعت الخبر)ياربي..والله اني اسفة ماكنت ادري(وتحضن يزوي)
خلود:فديتج يزوووووي..ان شاء الله يطلع بالسلامة..المهم لاتحسسونه انه هو صار مختلف عنكم عاملوه مثل ماكنتوا تعاملونه واكثر اهتمام لانه هو محتاج لكم وايد(في خاطرها)ياربي وانا اقول شو سالفة هذاك الحادث الي صار قريب من بيتنا اثاريه كان طحنون هو راعي السيارة المدعومة اخ لو عرفت ميرووو اسميها بتصيح من خاطر الله كريم..
اليازية: (تمسح دموعها)خلود الله يخليج مابغي حد يعرف غيرج انتي وحمدوووه..مب ناقصة حشرة البنات..
خلود:ان شاء الله يزوي..ازين وشواق شوكانت ردة فعلها؟
اليازية: (متضايجة)من عقب ماعرفت سالفة الشلل الي صابه ماصارت تسأل عنه وايد ولاتطمن عليه بعد مادري شو فيها تغيرت جي عليه مع انه محتاج لها اكثر من اي شخص لانه يحبها وكان يفكر انه هي اول انسانة بتكون عنده فالمستشفى تطمن عليه..
(والصوب الثاني كانت شواق ويا خدوي متيلسين يسولفن)
خديجة:هاه شواااق..شخبار القلب وياج؟عساه بخير؟
شوق: (معصبة)اوووف لاتطرينه..انا متضايجة من هالسالفة من اول ماستوى له الحادث ويوم عرفت سالفة الشلل الي صابه عفت كل شي ومادوي اسمع طاريه..تعرفين شوه انا مستحيل اعيش ويا انسان مشلول..كيف ببني حياتي معاه وهي من بدايتها مهدمة..
خديجة:حرام عليج..الحب انج تتعايشين وياه فالحلوة والمرة وتكونين معاه في اسوأ لحظاته..انتي ليش جي قاسية؟
شوق:خدووووي..انتي بعدج ماعشتي هالموقف..يوم تكونين في موقفي صدقيني بتقولين نفس الشي..
خديجة:عفانا الله..الله يحفظنا نحن الاثنين ازين شو بتسوين احين؟
شوق:بعيش حياتي مثل غيري ولاتبيني بعد اداوم فالمستشفى عشان سواد عيون طحنون..
خديجة:والله مادري كيف تفكرين انتي..عالعموم بخليج احين تامريني بشي؟
شوق:سلامتج وديري بالج على عمرج..
خديجة:يلاااا باااااي..
شوق:باااي..

(عقب رن الجرس والكل سار صفه وخلص الدوام..خلود ردت البيت وماكانت تعرف كيف بتوصل الخبر لميرا بس مهما صار لازم تعرف بهالشي..وفي حجرة ميرا)

خلود: (مرتبكة)هلا ميرا..شحالج؟
ميرا:بخير خدود..دشي شو فيج زايغة مب اول مرة بتدشين الحجرة لاتخافين ماشي اشباح هههههههه..
خلود: (تيلس على الشبريه قريبة من اختها الي كانت منسدحة ويالسة تقرأ مجلة)ميروو..بقولج شي اليوم سمعته فالمدرسة..
ميرا: (تهد كل شي وتعتدل فاليلسة وتجابل خلود)هلا خلود..هاه شو سمعتي؟
خلود: (تمسك ايد اختها)تذكرين الحادث الي صار يوم الخميس عدال بيتنا ويوم قلتي والله متفيجين هايل الشباب الي بايعين اعمارهم حق السرعة والريس؟
ميرا: (خايفة)هي...هيه هيه اذكره هالموضوع..شو يخصه في موضوعج انتي؟
خلود:اليوم شفت يزوي..وكان متضايجة حيل وتصيح و......
ميرا: (خايفة)خلود شو استوى لطحنون؟
خلود: (مستغربة)هاه!!!طحنون؟؟شودراج؟
ميرا: (ادمعت عيونها)خلووود والله احس انه مستوي شي حقه وربي من يومين وانا مب رايمة ارقد كله اتجلب فالشبريه واحس انه مستوي شي بس انا ماعرفه..خبريني شو صار..قولي..شومستوي؟
خلود: (متضايجة)ترا ذيج السيارة الي سوت الحادث يخص طحنون..وهو احين مترقد فالمستشفى..
ميرا: (تصيح وتحضن اختها)لاااااااااا..ماكنت اتوقع هالشي يصير..بس شو يابه عندنا ياربي حاسه اني انا السبب..خلوووود ابغي اشوفه اتصلي في يزوي في اي حد من هله والله ابغي ازوره واشوفه..
خلود:تخبلتي شووو؟هله ماتعرفينه وتبغين تسيرين عندهم..مب حلوة ميرووو..
ميرا: (تبوس ايد اختها وتترجاها)الله يخليييييج ويخلي امي وابوي سوي اي شي المهم انا ابغي اشوفه..والله حاسة عمري خلاص ماعدت اتحمل هالشي..واحين تقوليلي سالفة هالحادث وماتبيني اشوفه..حاولي خلود يالله عااااد..
خلود: (تحضن اختها وتهديها)ازين بحاول ميرو وان شاء الله خير..المهم انتي احين صلي لج ركعتين وادعيله..
ميرا:الله يحفظه يارب..

[راعية التلي]

(في المستشفى..كان طحنون مترقد ويحلم في ميرو ونظراتها فالعرس ودموعها الي كانت تغطي ويهها وسالفة الكلينكس وكان يناديها بصوت مخنوق ومنخفض..بدر كان مرافقه فالحجرة وقرب صوب طحنون)
بدر: (سمعه يهذي باسم ميرا)طحنون..!!
طحنون: (بصوت مخنوق)هاااه بدر..شوفيك؟
بدر:انت شو فيك؟يالس تهذي بميرا انت بعدك تذكرها وهي كانت السبب في كل هذا..ماكان في داعي انك تلاحقها..
طحنون: (متضايج)الله يسامحك بدر..هي ماتدري بالسالفة وانا الي بغيت الحقها لاني صدق ماقدرت انساها لو تدري اشكثر اتذكرها مع كل الي صار..بدر طلبتك ياخوي..
بدر:تم يالغالي..تفداك الروح لوتطلبها..
طحنون:تسلم ياخوي..ابغيك تاخذ رقم ميرا من تلفوني وتتصل بها وتقولها:ترا طحنون يسلم عليج ويقولج مابيشوفج مرة ثانية لانه خلاص حياته انتهت وصار انسان مشلول بس بعده يذكرج بالخير ومايقدر ينساج..
بدر: (ادمعت عيونه)بس......
طحنون: (يزخ ايد بدر)انت الامل الوحيد ياخوي..لاتردني..
بدر:ان شاء الله.مابيصير الا الي في خاطرك..
طحنون:تسلم ياخوي..وهاك التلفون خذ الرقم..

(اشتقت لك..واشتقت لذيج العيون..تناظر العين حبيبي تعال..حياتنا بعدك تراها ماتهون..وايامنا دونك تراها محال..ميرا يالسة في حجرتها وحاضنه صورة طحنون والدبدوب الي ياب لها اول مرة تقابلوا فيها وتفكر بحالته احين كيف وماهمها غير انها تشوفه وتسلم عليه وفجأة....)
ترررررن ترررررن
(تلفونها يرن)
ميرا:الووووووووو!!
...:الووو السلام عليكم..
ميرا:عليكم السلام..منو انت؟
...:الاخت ميرا؟
ميرا: (عصبت)لايكون انت محمد الي هدمت حياتي..حرام عليك بسببك حياتي انهدمت وتحولت لجحيم انا ماعرفك ليش تبغي تفرقني عن حبي..وبعد لك عين تتصل فيني مرة ثانية..والله الشيطان مابيفكر شراتك جي ياالظالم..ربي مابيخليك والله انا ماعرفك ولاعمري كلمتك وبعد تتصل وتقولي حبيبتي انت شوتبغي مني بالضبط..يكفي حبي مترقد فالمستشفى وانت تتسلى بتعذيب الناس حرام عليك فالي سويته..
...: (مستغرب)اختي والله انا مب محمد الي تطرينه احين..انا بدر ولد عم طحنون..
ميرا: (مستحية وخايفة)!!!اسمحلي ياخوي..بس تعرف عاد الي يتصلون ويتحرشون ويهدمون حياة الناس على حساب راحتهم..شخباره طحنون؟من وين خذيت رقمي؟
بدر:الله يسلمج..طحنون عطاني رقمج وقالي اوصلج هالامانة يقولج فيها:انه يسلم عليج ويقولج مابيشوفج مرة ثانية لانه خلاص حياته انتهت وصار انسان مشلول بس بعده يذكرج بالخير ومايقدر ينساج..
ميرا: (تصيح)ارجوك ياخوي..عطني رقم الغرفة الي مترقد فيها..ابغي اشوفه ماهمني شو استوى وكيف صار المهم اشوفه انا بعدني احبه وبتم احبه العمر كله..الله يخليك عطني رقم الحجرة وفي اي مستشفى هو؟
بدر: (في خاطره)ماشاء الله عليها..صدق بنت عرب واصول من كلامها ماصدق كل كلمة قالها طحنون عن خيانتها..خلاص اختي اندوج رقم الحجرة وفي مستشفى خليفة بن زايد مترقد بس المشكلة هله يمكن يزورونه اليوم..
ميرا:ارجووك ياخوي لو محد زاره اتصل فيني وانا بيييه على طووول..انت بس خبرني متى اوقات الزيارة وانا بحاول ايي..
بدر:ان شاء الله اختي..تامريني بشي؟
ميرا:سلم على وايد وقله تراها مابتنساك لوتدور الدنيا وظروفنا صارت اقوى من كل شي..وتسلم ياخوي عالامانة..
بدر:الله يسلمج..ربي يحفظج..
ميرا:ويحفظك ان شاء الله..

(في بيت حمد بن علي الخيلي..كانت يزوي يالسة فالصالة وامها في حجرتها تصلي المغرب..سارت يزوي واتصلت في شواق يمكن تيي عندها وتونسها..وتتصل على بيت شواق)
اليازية:الووووو..سلام عليكم..
ام سلطان:هلا بنتي وعليكم السلام..شحالج وشحال هلج؟
اليازية:هلا خالوتي شخبارج انتي..ربي يسلمج يالغاليه شواق موجودة ولا لأ؟
ام سلطان:هيه موجودة بس ربيعتها خدوي وياها فوق فالحجرة..تبيني اقولها شي؟
اليازية: (متضايجة)لاخالوتي..سلمي على عمي واشوفج على خير..
ام سلطان:يوصل يابنتي وانتي اكثر وطمنينا على طحنون..
اليازية:ان شاء الله خالوتي..وداعة الله..
ام سلطان:ربي يحفظج..
اليازية: (في خاطرها)ليش جي شواق اتغيرتي علي؟ليش ماصارت تيي عندي ولاحتى تطيق تشوفني؟؟
(يوم الثلاثاء..الساعة 9 فالليل طحنون تحسنت حالته ويالس يسولف ويا بدر عن ذكرياته ويا ميرو)
طحنون:اخ يابدر ماتدري اشكثر مشتاق لميرو ودي اكلمها واشوفها..
بدر: (فكر يتصل بها لانه مابيي حد اليوم ويفاجئ طحنون بزيارتها)ازين طحنون دقايق وبييك حد من الربع متصل فيني يبغيني في سالفة..
طحنون:اوكي اترياك عيل(ويوم ظهر بدر عن طحنون..غفت عيون طحنون وبدا يحلم بميرا)..
بدر: (برع الحجرة يتصل في ميرا)الوووووو!!
ميرا:الوووو..
بدر:الاخت ميرا؟
ميرا:هيه نعم..منو؟
بدر:بدر وياج..اقولج ترومين تيين احين لانه محد بيي عند طحنون اليوم والزيارة الين الساعة 11 ونص وبتنتهي..تصدقين طفربي كثر مايطريج هههه قلت خلني افاجئه بزيارتج يمكن يصخ شوي..
ميرا: (مستحية)تسلم ياخوي..ربع ساعة وبييكم اي شي بيستوي خبرني..
بدر:ان شاء الله اختي..والصراحة طحنون وايد بيستانس بشوفتج..
ميرا:وانا اكثر..
(سارت ميرو وتلبست ربع ساعة بالضبط وظهرت من البيت وسارت الخالديه تييب له باقة ورد وعقبها وصلت المستشفى وسارت صوب الحجرة..وردت تتصل في بدر)
بدر: (يهمس عسب طحنون ماينش من غفوته)هلا اختي ميرا..وصلتي؟
ميرا: (مرتبكة وخايفة)هيه وصلت وانا احين جدام الحجرة..بس خوفي حد موجود..
بدر:لا اختي لاتخافين..انتي دشي وانا بسير من الصوب الثاني وعقبها لوصار شي بتصل فيج..
ميرا:تسلم ياخوي والله ماعرف شو كنت بسوي لوماشفته هالاسبوع..الله يحفظك..
بدر:ويحفظج ياختي..يلااا حياااج..
(ميرا اول مادشت الحجرة كانت مرتبكة وخايفة..يوم شافت طحنون ادمعت عيونها من الفرحة..يوم قربت صوبه سمعته ينادي باسمها..ماتحملت ومسكت ايده دقايق ويبطل عيونه)
طحنون: (يحاول يركز وبصوت مخنوق)ااااااه..ميـــ...مرا!انتي هنيه ولا انا احلم؟
ميرا: (تدمع عيونها من الفرحة ومب رايمة تتحمل منظره وصاحت)هيه ياطحنون..انا ميرا وانت ماتحلم..ياربي ليش ايدينك باردة؟
طحنون:انا تعبااااان حيل ياميرا..بس من يوم شفتج استانست واااايد مع كل الزعل الي فيني الا اني من اشوف عيونج انسى كل شي..فديتـ.....
ميرا:خلاص لاتعب عمرك طحنون..يكفي اني شفتك والله ماتدري اشكثر عانيت ذيج الشهور الي فارقتك فيها ويوم شفتك فالعرس مارمت اتحمل وبكيت لاني صدق كنت جدامي وانا ضايجني انه ماقدرت ارمسك حتى..
طحنون:اخ ياميرو قلبي يعورني من شفتج ودموعج ويلي على منظرج يوم شفت ويهج وانتي تصيحين عذااااب فديت ايدينج الدافية..
ميرا:يعلني ماخلى منك..ماتدري اشكثر احبك يابعد عمري لو شو ماكنت او تكون بتم وياك العمر كله..
طحنون: (في خاطره)ياربي احس اني اتعلق بها اكثر واكثر بس عقلي بعده مب مقتنع ماقدر انسى الي سوته فيني..
ميرا:طحنون حبيبي..بتم اترياك العمر كله والين ما تطلع من المستشفى ونرد لبعض مرة ثانية..
طحنون:بس ياميرا..كيف ترضين تعيشين ويا انسان مشلول مايقدر يعيل نفسه وهله..!!
ميرا:طحنون هذا اختبار من رب العالمين وانا متاكده وواثقة دام فيك ارادة انك تعيش الحياة وترد نفس قبل واحسن بتحول المستحيل لحقيقة وانا بكون بقربك فهالوقت..حبيبي انا حبيتك لذاتك..لنفسك ولكل شي..وعاهدت نفسي اني اتم وياك لو تجرحني مليوووون مرة بعده فيني الامل اني اطلع مظلومة ونرد لبعض..
طحنون: (ادمعت عيونه من سمع كلامها)يعني بتمين وياي حتى وانا مشلول؟
ميرا:هيه ولو بتعيش العمر كله جي بتم معاك..وصدقني انا من حبيتك تعلمت الكثير واني ماتخلى عنك وعن اي شي يخصك..
طحنون:ياللـــــــــــــه..عطيتيني امل فالحياة ميرووو..فديتج والله..
ميرا:انا من باجر بشوف الدكتور وبحاول اشوف اذا ممكن يخليك تتعالجك من شللك هذا لانه فيني امل انك بترد طحنون الاولي الي كان يحبني ورقمني في ستاربكس ههههه تحيد..
طحنون:هههههههههههه..فديت الي دعمتني وشو بتاكلني من عصبيتها..
ميرا: (مستحية)بس عااااد هههههههههه..أحبك..
طحنون: (في خاطره)يالله وينها شوووق عني..وربي اني مستحي من ميرا الي جرحتها وغلطت في حقها..وبعدها متعلقة فيني فديتها ياربي شو قلبها كبير وتحبني..
ميرا:يلااا عيوني مابطول عليك..برد البيت لاني تاخرت صدق تحمل على عمرك واشوفك على خير ان شاء الله..شي في خاطرك؟
طحنون: (يحب ايد ميرا ويحطه على صدره)أحبج موت..
ميرا: (مستحية)وانا اموت فيك يا اغلى انسان مع السلامة..
طحنون:ربي يحفظج..

تتوقعون يردون حق بعض وينسى طحنون سالفة الخيانة؟
وياترى هل بدر بيعرف بحقيقة محمد والي سواه لميرو؟
شو تتوقعون بيصير؟

اتريووووووا البارت الياي ان شاء الله
__________________

[راعية التلي]

الجزء العاشر

(الساعة 8 ونص فالليل من يوم الاربعاء..الشباب متيلسين فالقهوة..بدر كان عندهم ويفكر في حبيبة القلب يزوووي..دش عليهم أحمد وهو معصب وحالته حالة....)

أحمد: (معصب)اووووووووووف شوهالحالة ماعدت اتحمل خلاص..
بدر:خير شو فيك احمد عسى ماشر؟
محمد: (يستهبل)اكييييييد الحرمة سوت بك شي مايتغير حالك الا يوم تتضاربون ههههههههه..
أحمد:هيه والله صدقت..اوووف شوهالانسانة ماتفهم انها لزقة مابغي ارمسها خلاص..
بدر:دامك ماتبغي ترمسها اشحقه متعب عمرك ومتعرف عليها..
أحمد:انا عبالي ربيعتي من البنات الي نعق رمسة حب وغزل وخرط وخلاص عقبها طااف نحصل مزايين غيرهن الا هاااي كملت وياها احين سنة ونص وهاي اطول علاقة تستمر وياي..
محمد:وااااايد عليك سنة ونص..شو توك عرست ههههههههههه؟
أحمد:اووووف حموود انا مب متفيج لك ازين..اقوووووولك عطني رقم البنية الي عطيتك اياه عسب تسوي لها مشاكل خاطري ارمسها يمكن تطلع احسن عن هالعقربة هههههههه..
بدر:انت شووو..ماعندك احساس ولاتحشم حد؟حشى توك متضايج من ربيعتك واحين تبغي ترمس بنية ثانية..صدق من قال صاحب بالين جذاب..
أحمد:بدوووووور..انت بعدك ماجربت هاللعبة الي نلعبها مع البنات..يومين نتعرف عليهن وعقب فترة نتعذر بالشغل والدراسة وهن عاااد مساكين مستويات مخلصات اونه ومادري شو..
بدر:بسك خلااااص..طفرت بي كثر ماتسولف لي عن البنات ياخي سوي شي ثاني يفيد حياتك واهلك حمدلله اني ماجربت لعبتكم ولا ودي اجربها خلني جي احسن..
محمد: (يعطي الرقم حق أحمد)هه يحليلك يابدر..
أحمد: (يتصل عالرقم ومحد يرد عليه)لحوووووول وينها بعد..اكيد يالسة تتغلى هههه علني فداها من احين ههههههه اقولك محمد انت متاكد انه معطني رقمها صح؟خوفي تطلع بشكارتكم السيلانية..
محمد:ليش يعني لهالدرجة اكرهك عسب اغلط برقمها واعطيك رقم بشكارتنا يكفي انها محجوزة حق ولد عمي صلوح هههههههه..
بدر: (معصب)انا اصلا غلطان يوم ييتكم هنيه..عنبووو داركم ياينكم عسب نتيلس ونطالع المباراة وانتوا عاااد يالسين تطفرون في خلق الله وتسون مشاكل بسير عنكم عيل..
أحمد: (يزخ ايد بدر ويطالع محمد)اقووولك نقلني رقمها مرة ثانية تراني اشلقيت من تلفونك هذا حشى مب ليت ليزر ههههههه ايلس بدووور عن الدلع بس نبغي نراويك المصخره عدل..
بدر:الله يهديكم بس..
محمد: (يطالع بدر)هاه احمدوووووه..مستعيد حق الترقيم هههههههههههه؟
أحمد: (يقلد صوت بنية)هيه يلااا عطني رقم رقم ماروم احفظ بسرعة..
بدر:هههههههههههههه اسميهم الشباب بيموتون عليك..
الكل:ههههههههههههههههه
محمد: (يعطي الرقم لأحمد وبدر حس انه هالرقم سامعنه ولاشايفنه في مكان..عقب يوم طلب بدر انه يعيد محمد الرقم عاده مرة ثانية وبطل تلفونه وشك انه احتمال هذا تلفون ميرو حبيبة طحنون)هاه بدوووور اشوف استانست عالرقم وبديت تحفظه ههههههه..
بدر: (في خاطره)ياللــــــــــــــه..معقووووووله!!!!!لامستحي ل تستوي السالفة وبدايتها محمد ربيع احمد..اقولك محمد من وين لك الرقم؟
محمد:تدري عاااااد انه مالي فهالسوالف الا حق المشاكل بس هههههههههههههههه بعدين ربيعة احمدووه ماقصرت عطته الرقم عسب تحل مشكلة وحدة من ربيعاتها..
أحمد:شفت يابدووووور انه الدنيا حلوة وااااايد اذا عرفت تعيش فيها..
بدر: (معصب وسار صوب أحمد وزخاه من رقبته)اسمع انت!!قوووووووول حق ربيعتك هاااي تحشم غيرها لانه مثل ماتسوي مشاكل لغيرها بيي يوم وبيستوي لها شي اخس..
محمد: (يحاول يهدي بدر)ازيييييين يابدر ليش انت معصب احين وقالب الدنيا فوق تحت على احمد؟ترانا مب خسرانين شي البنية مانعرفها وهي ماتعرفنا ومابيصير شي..
بدر:حتى لو ماتعرفونها ولاتعرفكم ياحمود بس اقولكم من احين لاعرفكم ولاتعرفوني الين ماتبطلون هالعادة الخايسة فيكم رغم اننا مترابين ويابعض وانتوا شرات اخواني الا اني مارضى على بنات الناس عسب مايصير لاهلي شي..وانتوا بعد لازم تفكرون قبل لاتسون شي عسب ماينقلب ضدكم في يوم من الايام يلا وداعة الله..

(في بيت حمد بن علي الخيلي..كانت يزوي يالسة فالصالة تطالع تلفزيون وامها ودانة فالمطبخ)
اليازية: (تركض الين المطبخ وتوقف على طرف الباب)يمااااااااا..دانووه!!شويالسين تسوون؟اللــــــــه شو هالحلويات الي تفتح النفس ياترى شو المناسبة؟
ام بطي:والله يابنتي شي بنيات ربيعات اختج دانوووه يايين يتيلسن وياها عسب يتناقشن على سالفة التخريج..
دانة:تدرين عااااد هاي اخر سنة وبنتخرج ولازم نعرف شو بنسوي وشو بنلبس وجي..
اليازية:حشــــى مب تخريج جامعة..تخريج سجن هههههههههههههههههههه..
ام بطي:يلااا انجلعي يا مسودة الويه بسم الله عليكم من السجن وبلاويه..
(مكتوم يدش وهو مستانس..يمر جدام دانة ويزوي ومايسلم كعادته سار على طول صوب امه وحبها على راسها)
اليازية:الشيخ مكتوم اشعنى ماسلمت علينا..ولايعني خلاااااااص من شاف احبابه نسى اصحابه؟
مكتوم: (يهمس حق امه)يمااااا ترى اليوم كلمت عمي راشد عسب يخطبلي بنته بس لاتصارخين ولاتزغرطين ع قولت المصاروة ههههههه الين ماتستوي الخطبة وان شاء الله باجر بنسير انا وياج نخطب بنتهم..
دانة: (تقرب صوب امها تبغي تعرف شو الموضوع)لحوووووووول شو السالفة..بشو تهذربون؟
ام بطي: (تدمع من الفرحة وتبوس راس مكتوم)والله انك ولد ابووووووووك الغالي الله يرحمه علني فدااااااك واخيرا افتكينا من الانتظار..
مكتوم:ههههههههههههههههه لازم نخليج تفرحين..يكفي بطي والريم واحين مهاري وان شاء الله................
اليازية: (تغمز حق اخوها مكتوم)اهاااااا..والله تطورت العزبة وصااااااارت مزرعة هههههههههههههه مبروووووووك مقدما..
دانة: (تشوف مكتوم مستحي من كلام يزوي وعرفت انه بيعرس)ترا كله واااااااحد المزرعة ولا العزبة اسمييييج خبله وياترى منو سعيدة الحظ هاي؟
مكتوم: (يضحك)حشــــــــى اشووووووف Cnn بيت الخيلي اشتغل عنبووو داركن شو حاطين انتوا في اذونكن تزويدات ماشاء الله عليكن هههههههههه بس الين احين ماصار النصيب يوم يصير اقلبوها موجز لأهم الانباء ههههههههه..
ام بطي:ان شاء الله يستوي النصيب منووو يقدر يرفض مكتوم الخيلي ولد الغالي..
اليازية:وجااااااان يصدق عمره هالخيلي..
مكتوم:غصبن عنج وشيخ الخيلية بعد..
الكل:هههههههههههههههههههههههههههههههه
دانة:ازييييين دامك هنيه ياخوي..الله يخليك سير كارفور ابغي بودرة شوكلت و.............
مكتوم:خيبه خيــــــــبه خيبه من احين تعاملوني جي وبعدها مايت الحرمة مايكفي انها بتقفل على قلبي بالطلبات الي بتطلبها..
اليازية:وبتقفل جيبك بعد ههههههههههههههه..الي يبا العرس يتحمل وكل شي يهون لجل عيون الحرمة..
مكتوم: (يعض ايد يزوي)ازيييييين انا اراويج يالدبووووووووه..
اليازية:اي اي اااااااااي..بس عاااااد خلاص انا اسفة وينك ياطحنون الي كل صبح كنت تعضني جي وتقولي صباح الورد والله فقدتك ياخوي..
دانة: (تدمع عيونها)الله يحفظه يارب..
مكتوم: (يحضن يزوي)وانا شو شغلتي يعني..ولاماسدج؟(في خاطره)هيييييييي والله فقدناك ياطحنون..

(اوعدني عني ماتغيب..تبقى هنا جنبي قريب..محتاج انا مثلك حبيب..يفهم عيوني وضحكتي..فيك انت حلمي من زمان..وانت الهوا وادفى حنان..تلقى مع روحي الامان..يا احلى بشر في دنيتي..طحنون كان منسدح عالشبريه وتوه حاطين له المغذي فالابرة المغروسه في ايده اليمين ويالس يفكر في ميرا والكلام الي قالت له وكم حسن لاول مرة انه غلط في حق انسانة وعدته تبقى العمر كله وياه رغم الاصابة الي حصلت له)
طحنون:اااااه ياميرو فديتج والله يا اغلى انسانة بس وينها عني شوق؟ليش فجأة ماستويت اسمع لها حس ولاخبر..وانا الي توقعتها تكون اول انسانة تركض لي من اول ماسمعت الخبر..
(وفجأة.........)
شوق:هلا طحنون..
طحنون:!!!!!!!!!!!!!!!!!!
شوق:حبي طحنون حمدلله على سلامتك..اسمحلي لاني ماييتك من اول مرة كنت ابغي الاهل كلهم يزورونك وعقب انا اييك عسب نروم نقعد ونرمس على راحتنا..
طحنون:هلا شو.....و.وق زين انج ذكرتيني والله..شحالج؟وشخبار دراستج؟
شوق:ماعلينا من الدراسة احين..طحنون انت بعدك تحبني؟
طحنون: (مستغرب من سؤال شوق)وليش تقولين هالرمسة احين؟
شوق:ماعرف من فترة وانا افكر فيك واقول في خاطري ياترى بعده يحبني ولا لأ؟صحيح اني قصرت في حقك يوم مازرتك وانا اعرف انك كنت تتوقعني اكون اول وحدة يوم الحادث بس تدري الظروف ما تسمح لنا تخلينا نشوف بعض عسب ماتستوي مشاكل..
طحنون:ادري ياشواق وانتي تفكرين اني متضايج ولا ماخذ بخاطري منج..بس اطمنج واقولج اني انا ماقدر اتضايج منج ابد..
شوق: (تمسك ايده)طحنون..صراحة انا...

[راعية التلي]

(ميرا كانت عند الدكتور تكلمه عن احتمال انه يرد طحنون لوضع المشي مرة ثانية ويقدر يتحرك ويوم خلصت وياه سارت صوب حجرة طحنون عسب تبشره بالخبر الي حصلته من الدكتور..وهي داشة الحجرة تشوف شوق زاخه ايد طحنون وبالصدفة سمعت الحوار الي صار بينهم)
طحنون:انتي شوو؟
شوق:انا من انولدت لهالدنيا عرفت انك بتكون نصيبي في يوم من الايام وصار هالموضوع وحبينا بعض وقررنا اننا نعيش في بيت واحد يجمعنا سقف واحد والعيال الي بنيبهم..بس من عقب هالحادث الصراحة كل احلامي وياااك تحطمت وانهارت ماعدت اتحمل اشوفك بهالوضع وانا اعرف انه مانقدر نعيش ويابعض وانت بهالحالة..طحنون قررت انا انسحب عن حياتك واعيش حياتي لاني ماقدر اعيش ويا علة مايقدر يعيل نفسه فكيف بيعيل العائلة الي بيبنيها..
طحنون: (ادمعت عيونه وهو مقهور هد ايد شوق)ياربــــي..الا انتي ماتوقعتها منج لهالدرجة عفتيني وماعدتي تبغين شوفتي اصلا منو قالج تيين هنيه دامج بتقولين هالرمسة اموت احسن لي ولا اسمع منج هالجرح الي طعن بقلبي طلعي برع ومابغي اشوفج مرة ثانية والله يسامحج يالظالمة..
شوق:...............(مالاحظت ميرو وطلعت)
ميرا: (خايفة)حبيبي طحنون..شوفيك؟
طحنون: (متضايج وصوته مخنوق)ميرووو اه لوتسمعين الي قالته بنت عمي شوق الي توقعتها تكون السند وقت حالتي هذي للاسف طلعت سم يذبحني..
ميرا: (تصيح وتمسك ايده وتحط راسها على كتفه)ارجووووووووك طحنون لاتم جي متضايج عشانها والله مايسوى عليك وماتهون عليه ياقلبي..
طحنون:ااااااه ياميروووووو..لو......
ميرا:لاتعب عمرك ولاتقول شي..كنت ناوية اقولك خبر بيفرحك لكن مب وقته احين..
طحنون:قولي ميروووو وماعليج من الوقت دام السالفة تفرحني لاتترين الله يخليج..
ميرا: (تمسح دموعها وتبوس ايد طحنون)ياعمري انت كلمت الدكتور اليوم عن حالتك وناقشته وقالي انه احتمال تتعافى من الشلل عن طريق العلاج الطبيعي او يمكن يركبون لك ريل اصطناعية بس شي امل بالعلاج الطبيعي لوتدري اشكثر فرحت لهالخبر..
طحنون: (تدمع عيونه من الفرحة)صدق حبيبي!!ياربي اشكثر فرحتيني والله..
ميرا:عسى الله مانحرم من فرحتك ياربي..
طحنون:دامج وياي مابتنحرمين منها ابد يا بعد هالدنيا كلها..

(في بيت أحمد..كانوا الشباب متيلسين فالخيمة والكل موجود ما عدا بدر)
محمد:هاه شووو..بدووووور ياي ولا لأ؟
أحمد:لا مب ياي شكله خلاص بيهدنا..
محمد:يابوووك ماعليك منه يتغلى علينا هههههههههههههه..
ترررررن ترررررن(تلفون أحمد يرن)
أحمد:اسكتوووووووووا!!اششششششششش هاي الحرمة..اسميني اليوم بطفر بها..الووووووو..
خديجة:هلا حبي..وينك؟
أحمد: (يحط على الاسبيكر)انا هنيه فالخيمة ويا الشباب..شو تبين؟
خديجة:حبيبي يعني انت مب فاضي اليوم..مع انك وعدتني اشوفك؟
أحمد:لافديت روحج(ويغمز للشباب)ترا اليوم منشغل بسوالف الدوام والله ارف تصدقين تضايجت اول ماعرفت اني مابشوفج وربي خفت لاتزعلين مني..
خديجة:لا عادي فديت قلبك..ازين عيل يوم تفضى اتصل بي..
أحمد:اقوووووولج حبي..عطيني رقم ربيعتج الي بغيتي تحلين مشكلتها..
خديجة: (معصبة)واشحقه تاخذه؟
أحمد:فدييييييييت روحج انتي تدرين اني احبج موووت بس ابغي اتاكد من شي(يسوي عمره معصب منها)خلااااص عيل مابغي منج دامج مب واثقة فيني..
خديجة:لاياعمري انا واثقة فيييييك وزووود..بس تدري عاد الغيره لكن دامك قلت لي هالرمسة عيل اندوووك رقمها(وتعطيه)
أحمد: (يطالع الشباب)شو رايكم فاللعبة؟
محمد:اسمييييييييييك لوووووتي وينفع وياك هاللواته بعد هههههههههههه..
أحمد: (يأشر لمحمد عسب يخفض صوته)ازين فديتج بخليج احين تبين شي؟
خديجة:سلاااااااامتك يابعد عمري والله باااااي..
أحمد:باي(في خاطره)اووووووووف هم وانزاااح عني..هاه شو رايكم فيني؟
حسن:الصراااااااحة تعرف كيف تقنع بهالاسلوب العصبي..وربي البنية خلاص شوي وبتبوس ريلك..
أحمد:هاي الدنيا ياحسووووون..ولاودي اعيش الا جي ههههههههه شو رايكم تاخذون رقمها وقردنوها على كيفكم تراني طفرت منها ماعادت تهمني(ويعطيهم رقم خدوي)وانا عاااد بشتغل بالرقم مزيونتي اليديدة ههههههههه..

(في بيت حمد بن علي الخيلي..ام بطي وام سلطان وحرمة راشد الي خطب بنته لمكتوم
والبنات يالسات فالصالة يرمسن والشباب فالحوي ويا مكتوم يباركون له)
ام سلطان:مبرووووك يام روضة..والله مكتوم عرف يختار..
ام بطي: (تزقر البشاكير عسب يضيفون)وشخبااارج يام رويض عساج مرتاحة؟
ام روضة:والله بخير دامج بخير يام مكتوم..عقبال ما نفرح بالبنيات ان شاء الله..
ام سلطان:امييين يارب..ازين ماقلت لي رويض كملت جامعتها ولا بعدها؟
ام روضة:الله يسلمج روضووو السنة الماضية تخرجت من جامعة زايد والحمدلله توظفت..
ام بطي:الله يحفظها يارب..وصدقيني يام رويض بحطها في عيوني وبعتبرها مثل بنتي..
ام روضه:تسلمين فديتج ادري انج بتهتمين بها وانا متاكدة انها يوم بتحتاج لكم بتحصلكن..
(في الصوب الثاني من الصالة..البنات كانن متيلسات)
اليازية:اختي رووضه بما اني اخت مكتوم ريلج..فاقولج من احين اي شي تبينه انا مستعده اسوي لج..
دانة:لايغرج رويض تراها ماتسوي الا عقب مذله ولا مصلحة..
الكل:ههههههههههه
روضه:لا انا اعرف يزوي انها مابتقصر في حقي ومابتذلني..
اليازية:اقووووولكم انهم يحبوني ماصدقتوني..
العنود:وجان تصدق عمرها هههههههههههههههه..
روضة:ازين دانة انتي احين في اي تخصص؟
دانة:الله يسلمج انا داشة تخصص اعلام وان شاء الله بتخرج هالسنة اكيد بتحضرين تخريجي..
اليازية:اقووولج رويض تراها ذالتنا على تخريجها ماخلت حد ماعزمته حتى راعي الدكان عزمته جنه هي الوحيدة الي بتتخرج..
الكل:ههههههههههههههههههههههههههههه
روضة:عيل عقبال مانشوفج متخرجة من الثانوية..
اليازية:يااااااااااارب..

(فالمستشفى..كان طحنون توه راد من اول جلسة له عالعلاج الطبيعي..بدر دش عنده وتيلس وياه ويبغي يخبره عن حقيقة مايعرفها طحنون)
بدر:هلا طحنون..شخبار جلستك الاولى؟
طحنون:اخ يابدر اسكت الله يخليك..شو معاناة بس كل شي يهون لجل قلبي فديتها..
بدر:طحنون في وايد اشياء استوت هالاسبوع وكانت مجهولة ماتعرف حقيقتها..
طحنون:مثل شو؟
بدر:تذكر عن سالفة الخيانة الي خبرتني عنها..انا كنت شاك في شي وهالاسبوع تاكدت منه..
طحنون:تاكدت من شو بدور؟
بدر:الله يسلمك..عرفت من بغى يفرق بينكم او بالاحرى من يتمنى يشوفكم متشتتين هالاربعاء يوم كنت يالس فالقهوة(وخبره كل السالفة)
طحنون: (منصدم)معقووووولة!!وليش يسوي فيني جي احمد؟
بدر:ترا احمد مايدري عن ميرو شي استوى كل شي صدفة وانا اكتشفت كل شي بروحي..
طحنون:اااااااخ يازمن..ربعي يخونون فيني والله دنيا..
بدر:ماعليك منهم احين..تراني نصحتك ياطحنون انك ما تتسرع بالحكم على البنية وربي بنت ماتتعوض حتى هي الي ساعدتك عسب تتقبل العلاج الطبيعي وايد تسرعت والله..
طحنون:خلا بدووور الي فات مات مانقدر نغير شي الله يسامح الي كان السبب
__________________

[راعية التلي]

الجزء الأخير

(في بيت سيف بن علي الخيلي..كانت شواق متيلسة عالشبريه ويالسة تدرس..وفجأة)
ترررررن تررررررن(تلفونها يرن)

شوق: (طفرااانة)اووووف..من فترة وانا اشوف هالرقم يتصل بي ياترى منو؟خلني ارد عليه يمكن تطلع وحدة من البنات اسولف وياها تونسني تراني فاضية ماسوي شي ولايعة جبدي من الدراسة..الوووووو!!
...: (صوب شبابي)الووووووو سلام عليكم..
شوق: (مستغربة)وعليكم السلام..منو ياي؟؟؟
...:الله يسلمج وياج أحمد..
شوق:أحمد منو؟ومن وين يبت رقمي؟
أحمد:ازين ليش معصبة بعدين من فترة انا احاول اتصل بج بس ماتردين عليه..
شوق:تراني مارد على اي رقم غريب بس لاني شفت الرقم وايد مس كولات منه قلت يمكن تطلع وحدة من ربيعاتي وانا مادري..
(وبدوا يتعرفون على بعض اكثر)

(في المستشفى..كمل طحنون اسبوع من بدا العلاج الطبيعي وبدا يتحسن يوم عن يوم بالمشي مع انه حس انه ماتقدم ولاتاخر..ردوه الحجرة وهله كانوا يتريونه)
اليازية: (تحضن طحنون)فديتك ياخوي وربي ولهت عليك..
طحنون:اشوووف الشوق ذابحني ههههههههههه..
ام بطي: (ترفعه ويامكتوم عسب ينسدح عالشبريه)هاه ياولدي شخبار العلاج اليوم؟
طحنون:يمااا فديت روحج لاتسألني عن شي يعذبني وربي اعاني..
مكتوم:بس اشوفك تحسنت..ان شاء الله خير بس..
اليازية:شخبار الممرضات اكييييد يدلعونك منو قدك الجيرلز حوليك مايكفي يوم كنت في بريطانيا ههههههههههههههههه..
طحنون: (يضحك)وياويهج دبوووتي صحيح انهن يدلعوني بس كثرج الصراحة ماوصلوا ههههههه..
دانة:الله الله منو قدج يمدحووون دلعج..
مكتوم:ايـــه انتوا!!اشوفكم استويتوا هازبيند ووايف ماناقص غير تقلبونها فلم بعد..
الكل:ههههههههههههههههههه..
ام بطي: (تحب راس مكتوم)ماباركت لاخوووك..
طحنون:مبرووووك..لايكون صلح عزبتنا وقلبها night club ههههههههه..
ام بطي:قلبها فايت كلب؟؟منو هذا بعد؟
مكتوم: (يضرب راس طحنون)ياخي فضحتنا لازم تخرب الوالدة بعد يكفي خواتك..
اليازية:لا عاااد نحن مايخصنا فهالسوالف ليش تتبلى علينا حرام عليك..
الكل:هههههههههههههههههه
ام بطي:فديت روحك اخوك خطب بنت عم راشد ربيع ابوك الروح بالروح تذكره؟
طحنون:هيييييي يما اذكره ماشاء الله ياخوي والله وعرفت تختار منا وفينا الريال وحسبت ابوي الله يرحمه..
مكتوم: (مستحي)تسلم يالغالي..عقبالك انت..
طحنون: (في خاطره)الله يسمع منك واخذ ميرووووتي الغاليه..
اليازية: (تدز مكتوم)شوفوا كيف استوى..طم طم طماطم ههههههههههههههه..
مكتوم: (يعضها)بسج عاااااد زوديتها..
اليازية:اي اي..زين جي طحنون من يوم ماترقدت فالمستشفى وهو مستلمني مايي يوم الا ويطبع علامة الجودة في ايدي هئ هئ هئ ..
طحنون: (يمسك ايد يزوي ويحبها)فديتج والله اشتقت للقرض والعض الي كنت اسويه لج(متضايج)شكلي مابقدر اعيد هالايام الحلوة..
دانة: (تحضنه وتحب راسه)لاتقول جي ياخوي "((وعسى ان تكرهوا شيئا وهو خير لكم))"اصبر فانه الله مع الصابرين..
ام بطي:ونعم بالله فيج الخير يابنتي تقولين له هالرمسة وتشجعينه..
مكتوم:لو ماكنا وياه وقت ظروفه ومرضه متى بنكون معاه هذا اخوي وحبيب الكل(ويحبه على راسه)..
طحنون: (ادمعت عيونه)الله يخليكم لي يارب..
الكل:اميييييييين..

(يوم السبت فالمدرسة..كانت يزوي وياخلود..وشواق ويا خدوي متيلسين كلهم في صوب)
اليازية: (تركض صوب خلود وتحضنها)فدييييتج والله ولهت عليج..
خلود:انا اكثر يالغاليه..شحالج؟
اليازية:بخير دامج بخير ياختي انتي شخبارج؟
خلود:بخير ربي يسلمج..هاه شو استعدادج للامتحانات؟
اليازية:والله الين احين ماشي الحال بقى اسبوعين وعقبها بنأجز شهر كامل لاتلفزيون لاطلعة ولا
وناسة ولا يلسة بنات اوووووووف من احين كئااابة..
خلود:ههههههههههههه احين انتي همج هالسوالف كلها اكثر عن الدراسة صدق انج حركات ترا كل شي بنروم نعوضه الا الدراسة ما تتعوض..
اليازية:لاتنسين هالاسبووووع تخريج اختي دانوه..ذلتني وقالت لي اعزمي كل الي يعرفونا وحتى الي مايعرفونا وكانه هي الوحيدة الي بتتخرج..
خلود:هههههههههه الله يوفقها انتي ليش مقهورة..ادعي لها وعقبالج انتي؟
اليازية:وياي ان شاء الله تخريجها يصادف يوم الخميس..
خلود:خلاص عيل بخبر ميرووووو وبردلج خبر لاستوى شي..
اليازية:فديتج لاتقفطينا ازين ترا دانوه بتزعل منكم وانتوا تحملوا هههههههه..
خلود:هههههههه تبينها من الله انتي..
اليازية:لا فديت قلبج اسولف(وتطالع شواق ويا خدوي يوم يسولفن)
خلود:ترمسين شواق؟
اليازية: (متضايجة)لامارمسها اصلا هي علاقتها بخدوي هاي نستها كل ربيعتها وحتى هلها..
خلود: (تحضنها)لاتتضايجين فديتج اذا هي نستج نحن ما ننساج لو شو ماصار خلي تفكيرج بدراستج احسن وهي الخسرانة دامها جي تعاملج..
اليازية:تسلمين والله..لولاج ماعرف شو كنت بسوي..
خلود:الله يسلمج الغاليه..
(الصوب الثاني..كانت شواق تفكر بأحمد الي كملت وياه اسبوعين وكيف خلا حياتها غير)
خدوي: (متضايجة)تدرين من فترة توصلني ارقااام غريبه على تلفوني وكلهم شباب يبون يتعرفون علي وانا مادري من وين لهم رقمي وكيف لقوه؟وكل ماتصل في احمدوووه مايرد عليه خوفي استوى له شي..
شوق:..........
خدوي: (تدز شواق)ارمسج حوووووه..وين وصلتي؟
شوق: (مستحية)هاه لا مافيني شي..بس تصدقين هالانسان الي عرفته وربي انه ملاك في كلامه وفي كل شي احس اني حبيته بس مادري اذا هو يبادلني الشعور ولا لأ؟
خدوي:ياللــــــه..اشوفج بديتي تعشقين مرة ثانية ياترى هالمرة بطيخة ولا ارعة؟
شوق:في سوق خضره يالسين ههههههههههه بطيخة ولا ارعة تصدقين هالاسبوع بسير اشوفه وبنتيلس فالكوفي بس انا خايفة بروحي شو رايج تيين ويانا؟
خدوي:اوكي هالاسبوع عيل بس اي كوفي بتتيلسون فيه؟
شوق:مادري الين هاك الوقت يصير خير..

(رن الجرس والكل سار صفه وخلص دوامهم..في بيت سيف بن علي الخيلي بدر كان متردد يكلم امه عن يزوي وانه يبغي يخطبها لانه ماعاد يتحمل هالفراق الي بينهم)
بدر: (يدش حجرة امه ويلقاها تقرا قرآن على السجادة متيلسة)هلا يما..
ام سلطان: (تسكر القرآن وتحب راس ولدها)هلا ولدي..شخبارك؟
بدر: (مرتبك)بخير ربي يسلمج انتي شحالج يما؟
ام سلطان:بخير دامك بخير ياولدي..هاه شو بغيت اشوفك يالس تتحرطم في مكانك شو في خاطرك؟
بدر: (مستحي)يما تدرين اني احين الحمدلله دراستي بقالها 3 شهور وبنخلص والوظيفة ممشين حالها وكل شي تمام بس احس انه ناقصني شي..
ام سلطان: (تفهم قصده بس تحاول تسحب كلامه اكثر)الحمدلله على كل حال بس شو ناقصنك ياولدي..
بدر: (مستحي)تدرين كل ريال شو ناقصنه عسب تكتمل حياته..
ام سلطان: (تبوس ايده وتمسح على راسه)فديتك ياولدي اعرف شو قصدك والله وكبرت واستويت ريال تروم تبتدا حياتك انت عاد اختار لك البنية الي في خاطرك ونحن بنخطبها لك..
بدر: (مرتبك)يمـــ..مـ..ـا ابغي بنت عمي اليازية..
ام سلطان: (تدمع عيونها من الفرحة)والله وعرفت تختااااار ياولدي خلاص ان شاء الله بكلم ابوك وامها وان شاء الله خير..
(يدش عليهم بوسلطان وتوه راد من الدوام)
بوسلطان:اخ الشغل هالكني وكاسر ظهري هلا بدووور اشوفك هنيه عند الماما شو تسوي؟
ام سلطان:بوسلطان بدر يبغي يخطب بنت عمه يزووووي..
بوسلطان: (مستانس ويحب راس ولده)صدق!!والله وعرفت تختار ماتصدق اشكثر فرحت بك ياولدي واخيرا حد من عيالنا تكرم وفكر بالعرس..
بدر:ههههههههههههههههههههههههه لومارمستهم يمكن يسوون انه شي عرس..
ام سلطان: (تضرب راسه)لاتقوووول جي يالهرم خلاص بتخق عليهم لانك بتعرس عقبالهم ان شاء الله..
الكل:امييييين..
بوسلطان:خلاص ياولدي بنسير بيتهم اليوم وبنرمس مكتوم وان شاء الله خير..
بدر: (مستانس)يعلني مانحرم منكم يا اغلى ناسي..
بوسلطان:اجلب ويهك يالخرطي اليوم بس هالرمسة تطلع وعقبها طاااااااف..
الكل:هههههههههههههههههههههههههههه

[راعية التلي]

(في المارينا مول..كانت شواق ويا خدوي يتريون أحمد عسب ياخذهم ويتيلسون فالكوفي)
شوق: (مرتبكة)اووووف انا خايفة وايد اول مرة بواعد انسان ما شفته بس وايد مستانسة احسه ماخذ كل مافيني فديته ياربي..
خدوي:عداااال شوي شوي علينا هههههههههههههههههههههه..
ترررررن ترررن(تلفون شواق يرن)
أحمد:هلا حبي..وينج انتي؟
شوق:فالمارينا فديت قلبك..شو سيارتك؟
أحمد:رنج عنابية رقمي رباعي انتي هاييج الي واقفة بروحها؟
شوق:لا فديتك وياي ربيعتي تشوفنا؟
أحمد:هيه اشوفكم..
(ويمر عدال شواق وخدوي..من شافت خدوي السيارة بغت تطيح من الصدمة..عرفت انه هالسيارة تخص أحمدوووه ربيعها ما غيره وانقهرت منهم هم الاثنين)
خديجة: (متضايجة وتصيح)يالقاسية..يالظالمة ياللي ما تحسين ماهقيتها منج انتي..
شوق: (مستغربه)شو فيج معصبة خدوي يلااا اطلعي السيارة..
خديجة: (تمسك ايد شوق وهي معصبة)تعرفين منو هذا؟هذا ربيعي احمد الي ساعدج عسب تفتكين من ميروووو واحين هاي يزاتي تتعرفين عليه لا وتتواعدون وانا وياكم بعد..
شوق: (معصبة)شووووووه!!كيف؟؟انا انا...........
خديجة: (تصفعها جدام احمد وتطالع احمد باحتقار)وانا الي افكر فيك واقول مسكين منشغل بدراسته وانا اترياك كل يوم عسب تتصل فيني..اثاريك كنت ترمسها هاي الظالمة الي خربت علاقة ناس واحين تاخذك..صدق انكم انذااال ما تفكرون في حد..
شوق: (تصيح)بس انا ماكنت ادري انه هو ربيعج صدقيني..
خديجة:خسارة اني عرفتج وربي خسارة..مسكينة هاذيج البنت الي عذبتيها مادري كيف تحملت هالقسوة وكله منج انتي مابغي اشوفج مرة ثانية لاعرفج ولاتعرفيني..وانت بييك يوووم وبتندم على الي سويته..
أحمد: (يضحك بنذالة)هه اصلا انتوا الثنتين مافرقت عندي اخسركن ولا ماخسركن..زين انكن عرفتن اعماركن وانكن بنات خنتوا ثقة اهلكم لجلنا..خدوي رقمج استوى على كل لسان وانتي ياشواق مصيرج شراتها(ويروح عنهن)
شوق: (تصيح)ااااااااااخ ليتني ماعرفته ولا صدقته..وليت الارض انشقت وبلعتني ولا يصير لي كل هذا لااااا(تحاول تزخ خدوي)..
خديجة: (معصبة)خووووووووزي عني..خلاص انسي اني ربيعتج الله العالم كيف بتكون حالتي من دونج وطبعا مع المشاكل الي بتستوي وكل هذا بسبب تصرفنا نحن الثنتين..ليتني ماساعدتج ولاظلمت هاذيج البنية..
شوق:خدوووووي لاااااااااااااااااااااااااااتهـديـ................ ..
خديجة:داااااااامج دليتي درب الهوى..خلج تعانييييين يا طيف وسرى..

(في بيت حمد بن علي الخيلي..بوسلطان ويا عياله متيلسين فالحوي ويا مكتوم وحمدان عسب يخطبون يزوي حق بدر..وفالصالة ام بطي وام سلطان يرمسن ويتناقشن بالموضوع)
ام سلطان:هاه فديتج شو قلتي يام بطي؟
ام بطي: (تطالع يزوي)الراي راي العروس تراها هي الي بتعرس مب نحن ولا شو يزوي؟
اليازية: (مستحية)..........................
دانة:خالوتي دام شفتي يزووووي صارت طم طم طمااااااطم ع قولتها ههههههههههههههه عيل بالبركة ان شاء الله..
ام بطي:اشوووفج انتي استويتي امها وانا بنتكم الصغيره..
دانة: (تضحك)لا يمااااا مب جي هههههههههههههههه خلاص اسمحيلي اسحب كلامي..
ام بطي:لاعااادي فديت روحج وان شاء الله متى تبون تستوي الملجة؟
ام سلطان:هاه بنتي يزوي شو قلتي متى تبين؟
اليازية: (مستحية)خالوتي تراني في فترة الامتحانات ليش ماتأجلون الموضوع شوي..
ام بطي:شو رايكم نخلي الموضوع بعد تخريج دانوووه وتخريج يزوي؟
ام سلطان:دام جي فكرتج يالغاليه خلاص عيل نأجل الموضوع الين تخريجهن عسب تستوي بدال الفرحة فرحتين مبروووووك يابنتي(وتحب يزوي على راسها)
اليازية: (مستحية)الله يبارك فيج خالوتي..
دانة:هههههههههههههههههههههه يالله يالله عالدلع مانروم عليه..وينه من زمااان ما شفناه ولا يعني يطلع في حالات..
الكل:ههههههههههههههههههههههههههههههههههههههه

(في بيت خدوي..كان منسدحة عالشبريه وتصيح وتتحسر على ذيج الليالي الي انتظرت فيه احمدوه واخرة الانتظار خيانة لا وويا ربيعتها الي ساعدتها فالشر)
خديجة: (متضايجة)اااااخ ياقلبي شو اسوي احس عمري خلاص بموت(وتطالع رقم ميرو)بس قبل لاموت خلني اتصل فهالانساانة المسكينة الي ظلمناها انا وشواق احس كل هذا عقاب من رب العالمين لاننا سوينا مشاكل لخلق الله(تتصل وترد عليها ميرو)الوووووووو..
ميرا:عليكم السلام..منو وياي؟
خديجة:وياج خدوي..ادري انج ما تعرفيني واول مرة تشوفين رقمي بس ودي اقولج اشياء صارت لج نحن لنا خص فيها وابغيج تسامحيني وتخبرين حبيبج عن الي بقولج اياه لاني احس بتانيب الضمير للي سويته حقج(وتخبرها السالفة)
ميرا: (منصدمة من الي سمعته)!!!!!!!!!!!!!!!!!!!!
خديجة:ادري انج انصدمتي من كل الي قلته بس صدقيني انا وشواق بنت عمه سوينا فيج كل هذا لانه شواق تحب ولد عمها ويوم عرفت بسالفتج حاولت تفرق بينكم وانا كنت مساعدتها وخليت ربيعي يطرش واحد عسب يسوي لج مشاكل..ارجووووووج سامحيني مابغي اموت وانا ظالمة انسانة مثلج..
ميرا:معقوووولة يستوي كل هذا وانا مادري!!!!ليش يعذبون فينا ونحن نحب بعض ماصدق انه كل هذا يطلع من شوق بنت عمه انا مابخبر طحنون عن الي سوته شوق فيني بس بقوله كل الي قلتي بدون ماذكر اسمها لاني مابغي اسوي مشاكل لها..
خديجة:اصلا المشاكل بتبتدي سواء قلتي له ولا لأ مثل ما يقولون(كما تدين تدان)وانا يوم ساعدتها تعرفت على ربيعي وانا اليوم اكتشفت هالشي يوم واعدته اااااااااااه كل شي خسرناه عسب جي بغيتج تسامحيني على الاقل ربي يمكن يرحمني ويرضى عني..
ميرا:الله بيسامحج وانا بعذرج مهما كنتي السبب مشكورة لانج بغيتي تساعدني وتسوين خير في حياتج لأول مرة المهم انتي ديري بالج على عمرج وعسى الله يعوضج بالاحسن ويعينج يارب..
خديجة:وربي انج بنت اصول مالقيت مثلج فالدنيا طيبة وقلبج كبير عسى يحفظج دنيا واخرة ويا الي تحبينه والله يسامح الي فرق بينكم(تصيح)..
ميرا:اميييييييين يارب(وتسكر عنها)ياللــــــــــــــه شو هالخبر الي فرحني وزووووود ليتني اروم اخبر طحنون حبيبي احين بس شكله راقد فديت روحه..

(فالقهوة..بدر ويا الربع متيلسين وتوه أحمد ياي من المارينا)
محمد: (يغمز حق احمد)هاه بشـــــــر؟؟استانست ولا شو؟
أحمد:ياااااااااخي لاستانست ولا شي ماكانت بروحها البنية يايبة وياها ربيعتها تعرف منو هي..حرمتي الاوليه هههههههههههههههههههههه كانت وياها ويلسوا يتضاربون عشاني اسميهن مقصة..
بدر:لاوالله!!واشحقه يتضاربون عليك؟لايكون فارس احلام العذارى هههههههههههههههه..
محمد:ههههههههههههههه عشنا وشفنا بدور يتمصخر على احمدوووه والله انك عجيب..
أحمد:ياااااااخي مب متفيج لكم احين اندوووووووكم رقمهن هن الثنتين وتصرفوا وياهن انا خلاص شكلي بسافر تايلاند اكمل اللعبة مناك ههههههههههه على الاقل اروم العب على كيفي دون ماحد يمنعني..
محمد: (ياخذ تلفون احمد ويطالع رقم شوق)اللــــــــــــه بدوووووووور طالع عالرقم الغاوي احسها بنت شيوووووخ ههههههههههههههههههههه..
بدر: (اول ماشاف الرقم عرف انه رقم شواق وانقهر وعصب وسار صوب أحمد)من وين لك هالرقم؟
أحمد:خووووووز عني خذيت هالرقم من ربيعتي يوم كنت فالخيمة ويا الشباب وماييت هاك اليوم من يومها وانا ارمسها واليوم واعدتها وكانت ويا ربيعتي واستوى الي استوى..
بدر: (معصب وادمعت عيونه)ماهقيتها منك يا احمد الله يسامحك(وظهر عنهم)
محمد:هذا اشبلاااااااه..لايكووون صاير محامي حق بنات الناااس ههههههههههههههه..
أحمد:كيفه والله خله يسوي الي يسويه مب خسرانين شي(ويزقر راعي القهوة)هات لي معسل فرولة يابو الشباب..

(رد بدر البيت وكان معصب وايد..كل همه يدش حجرة شوق ويذبحها ويطلع روحها..امه اول ماشافت حالته وهو ساير صوب حجرة شواق خافت ومشت وراه)
ام سلطان: (خايفة)شوفيك ياولدي ليش معصب جي؟وين رايح؟
بدر: (معصب)يماااااا الله يخليج ابعدي عن طريقي خلني اسير عند شواق هالليلة ما بتمر على خير..
ام سلطان:ياولدي قووولي شو صاير؟
بدر:خلني اتفاهم ويا اختي وأادبها ترا هاي نتيجة دلعج لها..
(ويدش حجرة شواق وكانت منسدحة عالشبريه ويوم شافت منظره حست بالخوف ونقزت من الشبريه)
بدر: (يلوي كتفها)تعاااااااالي يامسودة الويه فضحتينا جدام العرب..
شوق: (تصيح)ااااي شو تسوي؟تخبلت شو؟
بدر: (معصب)جــــــــب ولا كلمة قولي حق امايه وين كنتي اليوم؟
شوق:كنت...كنـ...ت كنت في بيت خدوي يالسين ندرس..
ام سلطان:هيه صح قالت لي اليوم انها سايرة بيت خدوي..
بدر:مسكينة يا امايه ما تدرين شو سوت بها هالخدوي الله يسلمج كانت بنتج فالمارينا ويا خدوي هاااي وكانن يسون حركات و...........(يعطيها كف)
ام سلطان: (تصيح)صدق شواق؟كنتي هناك؟قووووووولي؟
شوق: (تصيح)................................
ام سلطان:اااااااااااااااااه وهاي اخرة تربيتي فيج تسوي بهلج جي تخونين ثقتنا فيج وتجذبين علينا يامسودة الويه فضحتينا(وتشد شعرها)
شوق:اااااااااااااه يما سامحيني ادري اني غلطت بس الله يخليج سامحيني(وتبوس ايد امها)
بدر:ماعاااااااد ينفع السماح دامج خسرتي ثقتنا عيل اعتبري عمرج مو منا وفينا..
شوق:لااااااااااااااااااااااااااااااااااااااااااااا ااااااااااااااا..

(فالمستشفى..سارت ميرو ومالقت طحنون عالشبريه..خافت عليه وبغيت تسير عند الدكتور فتبطل الباب وفجأة.................)
ميرا: (منصدمة)طحنون!!!!!!!!!!!!!!!!!!!
طحنون: (كان واقف بدون الكرسي المتحرك وبدا يمشي خطوة خطوة الين ماوصل عندها وحضنها)هيه فديتج وانا ييتج بريولي بعد شو رايج بهالمفاجأة؟
ميرا: (تصيح من الفرحة)ماتدري اشكثر استاااااااااانست شحلاااااااااااتك وانت تمشي فديتك ياربي وااااااايد حلوة هالمفاجأة..
الدكتور:احم احم!!
طحنون: (مستحي)هلا دكتور شو رايك فيني احين؟
الدكتور:ماشاء الله بتنطح وتشأح اعبال مانشوفك عريس واأف عالكوووشة..
طحنون: (يطالع ميروو)الله يسمع منك وانت معزوووم بعد هههههههههههههههههه والله يادكتور ماتدري اشكثر استانست بعد ماكنت فاقد الامل اني امشي مرة ثانية..
دكتور:دي ارادة ربنا وكان دا امتحان منه ولاني ماكنتش اادر اساعدك الا من بعد تشجيع دي الانسانة الي وافت معاك وات محنتك الله يسهل عليكو..
ميرا: (تطالع طحنون وتحضنه)امييييييييين يارب..(وخبرته عن اتصال خدوي والمقلب الي صار والي كان السبب في فراقهم وعقبها انقهر وايد وندم لانه غلط في حقها)..
طحنون:فديـــــــتج والله صدقتي يوم قلت لي انج بتطلعين مظلووومة(يحبها على راسها)أحبج..

(في بيت حمد الخيلي..كانت دانة متجهزة حق التخريج ومستانسة في نفس الوقت الكل لابس وكاشخ عسب يروحون وياها التخريج)
حمدان:يلااااااا عاااااد بنتأخر مب ناقصين دانوووه تحتشر علينا..
دانة:يزووووووووووووي يلاااا عااااد..
اليازية:يلااااااااا نازلة وينج امايه؟
ام بطي: (تييب الدخون وتدخن دانوه)هاااا انا ييت..
اليازية:لحووووووووووووول بتعرس شو؟
ام بطي:انجلعي يالدبه هاي اختج ولازم نخلي هالليلة ليلة خير عسب تتذكر لحظاته ترا هالتخريج مب كل يوم ايي..
دانة: (تحضن امها وتحب راسها)فديييييتج يماااا علني مانحرم منج يلااا يزوووي شدي حيلج عسب الريل..
اليازية: (مستحية)وياويهـــج يلاا ازين خلنا ننجلع..

[راعية التلي]

(بدت الافراح تيي على عيال الخيلي..تخريج دانة وبعدها عرس مكتوم والكل كان مستانس فيها وتعالج طحنون من الشلل الي صابه..تزيد المحبة بين ميرو وطحنون وعند شواق تزيد المشاكل وتسوء حالتها وتحاول ترد حق طحنون مرة ثانية يوم عرفت انه تعالج من شلله وفي عرس مكتوم الي حضره طحنون..صدفة تلاقت شواق ويا طحنون في ممر القاعة قبل لاتدش عند الحريم)

شوق: (مستانسة)هلا حبيبي؟ولهت عليك..
طحنون: (معصب)نعم شو تبين؟
شوق:تعرف اني كنت غلطانة وماقصدت اقول هاذيج الرمسة تعرف اشكثر انا احبك..
طحنون: (مجبور ابرحل عنك مجبور..مجبور ابين لك خطاياك..كم قلت لك لاتعصي الشور..حب الذي حبك ويهواك..طبعك عديم فاقد شعور..غرك جمال وخير يكساك..بدور بك الايام بدور..وبتذكر محبة صادق وياك)
شوق: (تصيح)طحنووووون سامحني الله يخليك يكفي ما عانيته من هلي خلنا نجدد العلاقة ونعيش في بيت واحد..
طحنون: (حياتي من غيرج مثل الملك في عرشه مستريح..لاهمه تعب العبيد ولاجرح الحبيب)وداعة الله يا بنت العم وانسي اني ولد عمج(ويروح عنها)
شوق:لااااااااااااا يالله ليتني ماسويت كل هذا..ليتني مت ولاذوووق هالعذاااب ماينفع الندم لا فات الفووووت وانقطعت احبال الوصال..

(والكل فرح بعرس مكتوم..مهاري ردت من السفر وربت يابت ولد سمته طحنون..بالنسبة لنهيان تخرج من كلية الشارقة بامتياز وعرس على بنت خالته..اما أحمد ومحمد فاستوى لهم حادث وأحمد في غيبوبة واما محمد فطلع من الحادث بسلامة ومن عقبها سافر للعمرة وفي بيت حمد الخيلي..)

ام بطي:ياربي البيـــــــت صار جوه كئيب ويخنق..
طحنون:امايه وينج؟
ام بطي:هلا ولدي اقرب..
اليازية: (مستانسة)هلا والله بغااااااااااوي بوظبي؟؟وين كنت؟
طحنون: (مستحي)يما بغيتج في كلمة راااس..
ام بطي:امر ياولدي..
طحنون: (مستحي)اممممممممممممممممممم يزوي سكري اذونج..
اليازية:الله الله اشووووووووف السالفة جايدة!!!
طحنون: (يعضها)يلااااااااا عاد..
اليازية:اي اي خلاص ازين(وتسكر اذونها)
ام بطي:هاه ياولدي امر..
طحنون:يما ابغي اخطب..
ام بطي: (مستانسة)صدق والله فديتك ياربي ومنو سعيدة الحظ؟
طحنون:بنت سعيد المزروعي..
اليازية: (تطالع شفايف طحنون وعرفت عن منو يرمس)شوووووووووو!!
طحنون:بسم الله الرحمن الرحيم شو فيج؟
اليازية:بتخطب منوووو؟
طحنون:قلنا نسكر الاسبيكرات ونسينا نقول سكروا الكاميرااات ههههههههههههههه..
ام بطي:اي وحدة فيهن؟
طحنون:ميرا.....
اليازية: (منصدمة)اخت خلووووووووووود!!!!!!!
ام بطي:جي تعرفين بنتهم يزوي؟
اليازية:هيه هاي ربيعتي الروح بالروح الي يبتنا العرس ماشفتيها بس ماكانت ويا اختها ميرو(تحب اخوها)ياااااااااااااااي يعني خلود بتصير اختي وبنروم نتيلس ويا بعض..
طحنون: (مستحي)هاه يما شو قلتي؟
اليازية:يماااااااااااا وافقي تراهن بنات مايتعوضن وميرا ماشاء الله ماعليها قصور..
ام بطي: (تحب راس طحنون)تامر امر ياولدي..

(بدر عقب ما تخرج سار وخطب يزووووي..وعقبها عرس سلطان اخوه من مزروعية وبعدها يا دور طحنون وخطب ميرو..وسوا العرس في دبي وكانت ليلة العرس من الف ليلة وليلة ما تنسى ابد وبقت على كل لسان)

ميرا:فديـــــــــــــــتك يا اغلى انسااااان أحبك..
طحنون: (من عرفتك والحب محتويني..الشوق تاج راسي والوله بين ضلوعي..تمنيت عمرك تعيشه معاي..ونبقى في سجن محبتنا يا قلبي..غرتنا الدنيا وكلام عواذيلي..وتفارقنا ومعاك روحي..تصادف اننا تلاقينا يوم كنت اعيش همومي..وحاولت معاك اجدد وصالي..تصدق رغم الفراق الي ذابحني..بقيت اسير ذكرياتي..لاتحاول تنساني..لانك روح سكن فؤادي) أحبـــــــــــج يا قلب بيبقى لي العمر كله..


((ان شاء الله عيبتكم القصة..وعرفتوا معنى الحب الصادق وكيف نعيشه رغم الظروف القاهره))

[الخييلي]

مشكوووووووووره عاشقة الفتك


مع التحيه

[الخييلي]

هيه وقامو يكتبون قصص على هل بالخييل

لازم خخخخخخخخخخخخخخخخخ

مع التحيه

[العيون السود]

تسلمين يالغالية على القصة الروعـــة
وربي يعطيج العافية

[راعية التلي]

تسلمون على متابعتكم للقصة

هيه ينكتب فيهم هل بالخيل

[دلوعة السمحة]

يعطيج ألف عافيه

[بـــ((غرااام))ـــدوووي]

فديــتنا والله تسلمين ع القـــصـــه


ربي يعطيج العافيــه

[راعية التلي]

تسلمون على المرور

[الخييلي]

مشكوره على القصه يا عاشقة الفتك

والى الامام ولج ثلاث نجمات على برقعج خخخخخخخخخخخخخخخخخ

تحياتي

[راعية التلي]

خخخخخخخخخخخ حلــوة هاي ثلاث نجمات

[الخييلي]

*(*

تحياتي

[ولد المهيري!!]

يسلموووووو غناااتي ماقصرتي فديتج

[راعية التلي]

شكرا على المرور