كــفاني

[عـيون بـدويه]

السلام عليكم ورحمة الله وبركاته
مشكوورين على فتح هالقسم

انا احب الشعر واحب اقرى
انا اكتب بس كتاباتي بسيطه
وهذي اول محاولاتي الشعريه

كفاني ما جا من كفـــــاني
بس يكفي ما اقدر اتحمل اللي جاني
كنت وسط قلبي وشرياني
وكنت عمري و وجداني
وكنت بلياه ما عيش ثواني
ولكن بعد هذا اليوم انساني
وعيش حياتك من دوني
و اختار لك صاحب ثاني

[اللحظة الأخيرة]

بداية موفقه اختيه

كلمات حلوة,, بس انتبهي للوزن

وان شالله نشوف ابداعاتج اليايه

السموووووووووحه

,
,
,

[عـيون بـدويه]

تسلم اخويه
ان شالله في المرات اليايه
اتشوف الاحسن
وتسلم ع مرورك الحلوو

[رواضـي]

كلمااات حلوووه وانشااء الله فالمراات الياايه الوزن يكوون زين

يسلمووووووووو

[عـيون بـدويه]

تسلمين اختيه رواضي
ان شالله اتشوفين الاحسن

[[ قلب مضنوني ]]

الكلماااات حلوة

بس مثل ماقال اخوويه عكس قانونه انتبهي للوزن



والسموووووحه

[الـمــيم]

http://www.dubaieyes.net/up/Folder-001/1167239271_123456.gif
.
•
.

•• لحن المفارق ••


اهم شي انج تحبين الشعر ..
ملاحظه صغيره بس ..

عندج قافيه الصدر والعجز وحده ..

يعني لو تخلينها ..

كفاني لي يجي منك كفاني
كفاني ما تحمل لي تزيـــده

ركزي ع الوزن اول ..
وعقب ابدي في القافيه ..

اقري اكثر .. وبحيل الله
توصلين للي تبينه ..

ارقب تقدمج يالغلا ..



مودتي..http://www.alhayar.com/vb/Atif_Style/alhayar/new.gif


.
•
.

http://www.dubaieyes.net/up/Folder-001/1167239298_Animation5.gif

[عـيون بـدويه]

تسلم اخويه مقدر اجامل
وان شالله بنتبه في المرات اليايه

(((((((((((((((((((((((((((((((((((((((

اخويه الميم تسلم
ان شالله اخويه بنوع في القافيه

[بنوتة راك]

تسلمين ع القصيده ^___^

[سعيد الكتبي]

لحن المفارق


اختي الفاضله

حتى تعرفين القصيد او الشعر أكثر يلزمج قرايه أكثر


ومش القصد إنج تقرين القصيده فقط ولكن عليج وانتي تقرين القصيد انج تشوفين كيف القصيده مركبه

من المعروف ان القصيده قافيه ووزن وموضوع هادف

انتي إبدي بالقافيه

والقافيه تعتمد عليها باللفظيه

يعني قافية ــاني مثال ( مكاني) تختلف في لفظها عن قافية ـوني مثال ( عيوني ) ولو أن كلتا الكلمتين او القافيتين تنتهيان بنفس آخر حرفين ولكن اللفظ في الشعر اهم وأثبت من الكتابه


اما الوزن

فهو نظام وعمود القصيده , أي انه بدون الوزن وبوجود القافيه والموضوع تسقط القصيده ولا تكون كامله

والوزن حاجه مايثبتها إلا بمعرفة بحور الشعر اولا ومن ثم وضع وأمثلتها

فعندج مثلا هذا البحر المسحوب ومثاله:

غنى الحمام وهيج القلب بغناه @@ وأدعى فؤادي مولع(ن) عاشق يرف


أو


ليتك معي يوم(ن) ترجيت الانفاس @@ أبرد الضيقه من الصدر بالعين


فأنتي لو تبدين تكتبين على هذا البحر لانه مو سهل ومو صعب في نفس الوقت وحلو انج تبدين كتابه على بحر وسط


وعلشان توزنين أكثر هاتي لحن حق هالوزن مثل لحن شلة عيضه بن طناف على قصيدة ليتك معي




والموضوع

هو هدف القصيده ومبتغاها وما تؤدي إليه القصيده

وعندج أنواع

هجاء , مدح , عتب , خيانه , غزل , حب .................. إلخ




واتمنى انج تستفيدين من اللي وضعته لج إختي وشكرا

[عـيون بـدويه]

تسلم اخويه سعيد الكتبي
كفيت ووفييت
اكيد استفد
انت قلتلي اشيااء انا ماكنت اعرفهاااا
ومشكووووووووووور وما قصرت

[][^(قرموشه)^][]

صح السانج
..
والى الأمام دوم أنشالله
..
تسلم يمناج وربي يعطيج العافيه