سؤال خاص فقط للشباب ^_^

[بدوية طرررر]

سلام عليكم

شحالكم يا أخواني الاعضاء ؟؟


أخواني الاعضاء حبيت أطرح لكم هالموضوع الجاد للنقاش وارجوا منكم التفاعل لأنه الصرااااااحة يستاهل حد يتناقش فيه ...

المهم

شوفوا


شباب ترضون البنات اللي انتوا ترمسونهم تزوجونهم عقب ولا ترمسون البنية بهدف التسلية واللعب

وعقب تفرونهم شراات ما تفرون الوساخة وراكم ولا كوب شاي الكرك ..

في بعض الشباب يقولون والله انا البنية اللي ارمسها وكانت لي علاقة معها مستحيل اتزوجها لأنه أكيد رمست غيري ..

ليش انزين اتخلي البنية اتحبك وتتعلق فيك؟؟

وآخر شي تروح وتزوج وحدة غيرها يعني البنية عندك لعبة وتسلية؟؟ ما عندها أحاسيس؟؟؟

السموحه ..
يسلمووووو

منقوول

اختكم:

بدوية طرررر

[سنافي بس حافي]

أول شي الموضوع من شكله مب منقول هههههههههههه عن اللواته..

وبعدين الريال يوم يتعرف شرات ما تقولين..ما اضن انه هدفه للزواج..وإنما للتسليه وتضيع الوقت و .... ألخ

وبعدين لا تقولون الشباب والشباب ..يعني خليتو الشباب هم الوحوش..

ماشي فرق بين البنت والريال...


وسمعنا ان علاقات مثل هذه انتهت بالزواج ..ولكن نادره..لأن مثل هذه الأمور ما تحصلينها في مجتمع محافظ وخاصة الخليج..يمكن تلقين هالامور في الشام ولا مصر ولا غيره من هالبلاد..

وشرات ما قلتلج ..الزواج عندنا يتم بطريقة تقليدية ..عن طريق الأهل...

وإللي تخون أهلها بتخون ريلها ..والريال نفس الشي يخون أهله يوم يرمس وحده..


بالنهاية..العلاقات إللي مثل هذه خطأ في خطأ ..

والريال والبنت هم إللي يتحملون اخطاء افعالهم ..


ومشكورة على هالموضوع المتميز ..وإللي يهم شريحة كبيره من شباب وبنات الامارات..


والله يكتب إللي فيه الخير :)

[أل ديين الكعبي]

صح كلامك اخوي السنافي





وكل الناس حاطين على الشباب




هالناس ليش مايجوفون البنات الي يتحرشن فالشباب



وانا ما ارمس بنات على شان يكون هدفي الزواج




تسلمين ع الموضوع

[اللحظة الأخيرة]

سلمتي عالطرح اختيه

و مثل ماقالو اخوانيه... مستحيل ناخذها

ولا تحطون عالشباب... الحين البنات لو ماتباهن عقن بعمارهن ولا حقنك...

و السموووووووووحه

,
,
,

[بدوية طرررر]

مشكوورين ع الردوود

ولييش اكذب عليك والله انه منقووووول

وانا ما سبيت الرياال ولا شي

واصلا الرياال خووان شماا

وما فيهم حيله

وانا حبيت اسأل

وبس

مو اني كرها في الريال لالالالا

ترى ابووي واخوااني رياااال

واذا سبيت الرياال سبيت ابووي واخواني

وسلامتكم

ويسلموووو ع المرور الطيب

اختكم:

بدوية طرررر

[سنافي بس حافي]

بدوية طرررر


احسن دواج..شفتي الشباب كيف يوم يعصبون ..هههههههههههه


ادري والله ..وكلها سوالف :)

عزيزة وغالية وصعب أن اي شخص يفكر يطرح مثل هالمواضيع إلا اذا كانت عنده شخصية قوية..وجرأة .. الله يعطيج العافية :)

[في عيون البشر]

صح كلامك اخوي السنافي





وكل الناس حاطين على الشباب




هالناس ليش مايجوفون البنات الي يتحرشن فالشباب



وانا ما ارمس بنات على شان يكون هدفي الزواج




تسلمين ع الموضوع


الصراحه جوابك انت اللي طرررررررررر!!!!!!!!!

المهم أنا علقت على هالموضوع من قبل

و بالنهايه ترى كل شي قسمه و نصيب

في ناس هدفها اللعب من الناحيتين البنات و الشباب

و في ناس نيتهم صادقه و هدفهم الحلال

و مب غلط ان الانسان يصحح غلطته بالحلال اذا ما شاف من البنيه شي

بس الغلط انه يستمر بالحرام

تحياتي

في@عيون@البشر

[[ قلب مضنوني ]]

مشكورة اختيه على طرح الموضوع


وبالنسبة لنا يوم نرمس هن يعقن بعمارهن ومستحيل واحد ياخذ وحدة مرمسنها لانها مثل ما رمسته بترمس عشرين امثاله






والسمووووحه

[طرفشانه]

اوكيه انا معاكم في الكلام اللي تقولونه وميه ميه وما عليه غبار ودخاخين :)

بس منو البادي قبل البنت ولا الولد ؟؟...

اذا قلنا البنت بتكون ناقصه تربيه وما حشمت عمرها وهلها وشوهة سمعة العيله

واذا قلنا الولد , هوه ما خصر شي مهما سوا, رمس طلع فياها وبعدين خلاها

سار يدور على وحده غيرها , حس بتأنيب الضمير؟؟ .. ما قال هاي وحده من خواتي ومن بلادي

بستر عليها وما بفضحا عند العالم والناس ؟؟ .. يا اخي بنات الناس مب لعبه في يدينكم ,

ونتو لو سويتو ما سويتو محد بيرمس عليكم ما بيقولون فلان الفلاني رمس هالبنت عيب عليه

وفضحنا , صح وللا انا غلطانه ؟؟...

اللوم والغلط يطيح كله على راس البنت , اوكيه هيه غلطانه يوم رمست وطلعت بس بعد الشاب غلطان

يعني لا تتهمون البنت بس ثنينتم غلطانيين ,,,,,

[[ قلب مضنوني ]]

انزين ما قلنا شي الكل غلطان بس والله هيه يوم ما تبا الفضايح ليش ترمس نحن ما ضربناهن على يديهن وقلناهن كلمن الشباب وصح نحن ما نرضاها عخواتنا ... بس بنات هالزمن هن اللي يعقن بعمارهن والشباب ما يقولون لا ..............



والسموووحه

[طرفشانه]

ونتو ما صدقون وحده تربع وراكم رمستوها وطلعتو فيها , اذا هيه مب مربايه

انتو بسوون شراتا ؟؟... هذي يوم تربع ورا الشباب وما خلت واحد في حاله

بتمشون فياها وبترمسونها , الصراحه يوم انتو تعرفونهن عدل وهالايام الشباب ما يقترهم شي

يعرفون البنت الحشيمه من الصايعه من يشوفونها اول مره قالو هاي محترمه او غير محترمه

يعني ما شاءالله واضحه مثل الشمس , بطبها ولا بيي صوبها مره ,

كيف تنزلون من مستواكم لهل اشكال ؟؟...

[المجروحه]

صدقهم خواان شماا ماكذبووو

ألي ماسترت ع هلها لا تقوولن الغريب بيستر عليها

وتسلمين ع المووضووع

[سيف]

مثل ماقالو خوان شما

انا عن نفسي ان رمست وحده مب بهدف اني اخذها

الواحد ما يأمن على وحده بايعه عمرها كيف بيأمن فالمستقبل على عياله وامهم وحده رمستني واكيد رمسة غيري

والسمووحه

[بدوية طرررر]

مشكوورين ع المروور الطيب

واناااااااااا ما تووقعت ان عيال زاايد يسووون جي

يا حسااااااااااااااافه

ما دريت انكم عادي يووم تكلمون البنت بعدين تقولون والله هلها ما ربوهااااااااا

يا خسااره


اختكم:

بدوية طرررر

[سنافي بس حافي]

بأختصاااااااااااااااااااااااااااااااااااار



الريال إللي يرمس بنيه ..هذا انسان مب متربي


واعتقد هذا رد على كلام الاخت بدوية طر..

ماشي فرق بين البنيه والريال :)

[ابحقي خطيت]

صح انا استغرب من نقطه



لليش البنت ان رمست واحد ينقدون عليها والريال ان رمس شي عادي


ليش شو الفرق بين البنت والريال


يعني مثل ما الريال مستحيل ايفكر ياخذ وحده امرمسنها


فكيف تبووون البنت ترضا تاخذ وااااحد امرمس درزن قبلها ؟؟


كيف تبوونها اتعيش وياه وهي اتحس انه ممكن ايرمس غيرها


لا اتقولون انه الواحد ايودر هالسوالف عقب العرس


صدقوني مب كل حد يقدر ايودر هالاشيا بسرعه ..


صعب انه الواحد يترك شي اتعود عليه

فليش الكل ايحاسب البنت <<< ويتغاضى عن الريااااال

ما اقول غير

الله يستر ع البنات وايهدي الشباب

والسمــــوحه منكم

[ابو عذاااااب]

يا جماعه هاي سنه الحياه من استوت الدنيا وهيه جيه فيها الطالح وفيها الصالح

بس انا بقولكم شي الوحده يوم تتمشى وسوي اغرائات لشباب شو بيسوون؟؟

[شمـوخ]

انا داشه اشوف شو السالفه بس
الموضووع خاص للشباب ..لووول
:wink_4:

ودام اني دشيت لازم اعلق

احم

اول شي لا تضاربوون

وثانيا هذا الموضوع مافيه مجال للمناقشه لانه لو تكلمنا فيه مابنخلص كل واحد بيعقه ع الثاني ولكن لا باس انه نرمس فيه وكل واحد يعبر عن رايه

واختلاف الرأي لا يفسد للود قضيه :smile: >> وقامت تتفلسف لوول

باختصار الي ابا اقوله انه الاثنين غلطانين سوا البنت الي ماحشمت اهلهاا او الريال الي خاف ربه

والسموحه

وتسلمين ختيه ع الموضووع في انتظار اليديد..

[عـيون بـدويه]

انااا اشوف الغلط من البنت
والله الريال يوم بيعطي وحده رقمه
ما جبرهاااااا ترمسه وهي تقدر انها ما اترمسه
بس هي يوم تبا ما شي يردهااا
والبنت اللي جيه ما تستحي على ويهاا ولا عندهاا ادب
بعد الريال غلطان المفروض يفكر قبل ما يسوي جيه
يعني هو اكيد ما يرضا انه اخته اترمس واحد

و المثل يقول
اللي ما ترضاه لنفسك لا ترضاه لغيرك
والسموحه

[الولايات المتحده البدويه]

ول ول ول ثركم بتتعااافدوون وكل يبرقع الثاني الشباب ع البناااااااااااااات
حشــــــــــــــــــــــــــــــــــــــــــــــــ ــى
انا عن عمريه ما أمن بهالاشيااااء لنه مامن وراااها غير تعب الفووواااااااااااااااااد
وتنكيييييييييييييييييييييييس الروووس بين العرب
وكل حد يحشم عمره....
صح البنت ولا الريال عندهم احااااسيس لكن يحاااسبون ع احساااسهم والريال او البنت لي كان حبهم صااادق ماظن انه بيي وبيقول بين العرب فلانه سوت وفلانه سوت ... اثنيناااتهم المفرووض يحشمون ويعزووون بعظهوووو ...
وجااااااااااااان البنت تبااا شوريه امره تقطع وصااالهااا به لنه صح بيعزها بس ما بياااخذها بياخذ غييرها وبتي وحده مع الايام بتاخذ مكااانها...
والريال بالنهااايه بيعرس من جدا هله وصح ف البدايه بيذكر لي كان يحبهاا بس من اتييب له العيااال
ولا بيحتفل بالمسيكييينه اللي كانت تعشق ثراااه...
والسموووحه طولت عليييكم بس فخاااطريه اشيااا وايده
وتسلميين البدويه ع الموووظوووع
خويج البدويه

[في عيون البشر]

اخويه (مقدر أجاول)

خل هالبنات بصوب

بس لو بترمس عن البنيه اللي أوهمها انه يحبها

و انت تعرف ان عاطفيه البنيه دايما هي اللي تسيطر عليها

ماشي حرمه بهالدنيا ما تتأثر بالرمسه الطيبه

هني تحط اللوم على منو؟؟؟؟؟

هالبنيه كانت أشرف من الشرف بس هو بحركاته و ملاحقته للبنيه

قدر انه يجذبها صوبه بصفه الحب

و عقب ما يشبع منها و ياخذ اللي يبغيه يقولها مع السلامه

و في من الشباب اللي عكس الرمسه هذي يحبها و يحافظ عليها و نيته الحلال

[ذرب المعاني]

وحده خانت اهلها ما بتخوني

[₪ لبيـــه ₪]

ياابنات أستهدن بالله

من أستوت الدنيا الريال غير والبنت غير

الريال ماشي يعيبه لو رمس عشر

والخلق مابتلومه بتقول ريال

بس البنت من ترمس واحد شرفها رااح

وماحد بنت عاطفيه ألي تعرف الحراام ومسويه قدر لهلها مابتغلط

وصدقم ألي خانت هلها بتخوون ألي رمسته ماظني بيكوون أغلي من هلها

والسمووووووووووووووووووحه

^_^

[رحــــــاله]

كذبو اخوان شماااااااا يالمجروحه :)

انا بقولج ليش ..الحين يوم اثنين يحبون بعظهم شو درا الولد ان البنت تلعب و شو درا الولد ان البنت تلعب !!
الشي إلي يدرونبه هم لثنين إنا إلي يسوونه غلط في غلط !!1 اثنينهم لا تتحيزين :)

ذرب المعاني ( وحده خانت هلها ما بتخوني ) انزين في هالحاله حتى انت بتكون خوان دامك رابعتها و كملت وياها !!!!





خخخخخخخخخخ

لو ما الولايات المتحده ادخلت جان كملت عليكم خخخخخ دومها امريكا تنقذنا خخخخخ

الموضوع فيه اختلاف في وجهات النظر .... :biggrin2: وها إلي خلاه حلووو خخخ

.....
تسلمين ع الموضوع خيتو ...

ربي يوفقج

[بدوي زاخر]

السلام عليــــــــــــــــــــــــكم


شحالكم عســــــــاكم بخيــــــــــر.... يا مرحباااااااااا...........



اما انا اقولكم شيء واحد البنت والريال نفس الشيء بس بقولكم كيــــــــــف


اول شيء البنت......... البنت اي حد يقدر يقص عليها بكلمتين


اول كلمه احبج وبعدين ايرهااا في الكلام كلمه كلمه وخاصتنا البنت اذا كانت صغيره


البنت بكلمتين حلوات بيقص عليهااا وهيه على نياتها بتصدق اماا انه بياخذ البنت هاي


كل شيء جايز بس اقدر اقولكم 90 بالميه من الرياييل الي يكلمون البنات في التيلفون


ما ياخذونهن ليش اول شيء...... يباها كتسليه او تقصير دوب ولا يقضي وياهااا وقته


وبعديــــــــن كيف تعرف اذا الشخص صادق ما بتعرفه الا بعد ما تعاشره يعني بتعاشره


وبعديــــــــن بتعرف اذا هو صادق ولا لا وشو الفايده اذا عاشرته وعرفت انه كان يقص عليك


وكان يالفه من عنده وانته على نياتك ما فيه الا حل واحد مثل قال انا اباج وبزوج واباج تشاركيني

حياتي انتي في دورج شيء واحد تقولينه وبــــس ؟؟؟؟؟





اذا هو صادق ؟!؟!؟!؟


تقوله بيتي وادله ولا الرمسه في التيلفون وشوفني واشوفك هذي مالها داعي


اذا هو صادق ويباها والله انه ايييهااا ولو عنده ضروف ويقولها انا بيي بعدين بس عندي ضروف شويه


تقوله تمام بترياك لكن رمسه ما اقدر عليها في التيلفون


صدقوني وايد بنات تلــــــــعوزن والسبه الجذب الي يالفونه الشباب


انا عن نفسي اقولكم جيييه وعن خبرتي في الحياه واما في الشباب عاااااااد


في شباب وايد حبوو من قلبهم بس منهم الي يباهاا كشريكة حياته ومنهم الي يباها كتسليه


ويقضي وياها وقت او انها تنسيه الي كان يحبها قبل وخلته المهم


تراه حتى الشباب ينقص عليهم وانا اتكلم عن البنات الي عمارهن فوق 25 هذيلا بترمس الريال


وبتعطيه كل الي يباه بس اقدر اقولكم انه حـــب تغيـــــــــر؟!؟!؟!؟


تعرفون شو حب تغيــــر انا بقولكم كيف


حب تغيـــــــر يعني الوحده بتحبه وتلقى فيه الي تباه بس بتيها فتره بتحس انها خلاص ملت من هالشخص


يمكن من تصرفاته يمكن طبعه يمكن حتى من اتفه الاسباب


لكن عندي نصيحه لكم وحق كل الي يفكر انه يحب !!!!


حبوا الحب هب حرام ولا عيب شوابنا يا ما قبل عيبوا وحبوااا وكلكم تعرفون هالشيء


لكن صدقوني انا شوابنا يوم يحبون كانوا ياخذونها الي يحبونها يعني هذا اقدر اسميه حب


والي يبا يحب منكم قبل كل شيء يخلي قلبه قوي ويتوقع كل شيء يا فراااااااااق يا خيانه يا واخ اوخ اوخ.... ولا اخــــــــــر....


والحب تبون الصدق احلى حب بعد الزواج جان تبون تحبون


والي يغلط منكم هب عيب ولا حرام صدقوني الانسان هب معصوم عن الغلط لكن!!!


عيب على الواحد يمشي في نفس الغلط ويكرره لازم انه يصلح الغالط الي يغلطه


ولا تربطون راسكم بلا ويع ===========>>>>>>> وفهمــــوهااااا زيـــــــــن

شكلي طولت عليــــــــــــكم وايد هههههههه


وفي اخر كلامي اقولكم بالتوفيـــــــــج ان شـــاء الله


والسمــــوحـــه منكم



ومشكوووووووريــــــــــن على هالموضــــوع الحلوو


خويـــــــــــكم ((( بـــــــدوي زاخــــــــر )))

[طرفشانه]

صدقت يا بــــــــدوي زاخـــــــــر


الحب في زمن لول حب طاهر وعفيف ونهايته الزواج ويستمرون مع بعض

والحب الحين الصراحه بطـــــــــــره استوى

وقليل الي يستمرون مع بعض

[بدوي زاخر]

غريــــــــــبه ما اشوف الشباب يشاركونا في هالسؤال ؟؟؟

[اشتقت للامارات]

شكرا على طرحك للموضووع

دم الشباب مب واحد ولادم البنات واحد

الحرمه ينقص عليها من اغبى رجل ولاكن الحرمه تقدر اتقص على الشيطان

الحب الطاهر موجود وراح يضل موجود بس للى يحس ويعرف ويقيم ويعترف ان البنت مملكه احساس والصعب ان فى شباب يملكون شي اسمه (الحب) ولاكن للاسف مايقدرون ولاهم يوزنون هالكلمه لانها معنها كبير وصعب ع الانسان الضعيف انه يفهمها وسهله للانسان العاقل يفهمها ويقدرها لان معضم الشباب سهل ينطقون كلمه احبك ..

فى شباب نيتهم صافيه ويعتبرون البنت اخته قبل حبيبته ويكون صريح معاها من اول شي ويعترفلها بكل شي وهذا نسبتهم لاتتعدى 25%
وفى شباب يكلمون ويحبون وغرضهم النهايه السعيده(الزواج) ولاكن منهم من يختمها باحسن خاتمه ومنهم من يفوته باسباب قويه.
منها عدم موافقه اهل الشاب لزواجه من حبيبته وفيها سين وجيم ؟
ومنها من ينوى خطوبه البنت ولاكن يفوته لان اهلها وافقوا على واحد قبله والبنت ماتعرف.

انا اعرف انسان يحب وحده من المنتدى وهى تحبه وعرض عليها انه يخطبها والبنت وافقت ويوم سار شاور هله عليها فى البدايه ماوافقوا مب كلهم ولاكن الموافقه لم تاتى من عم الريال وبعدها بفتره البنت ياها واحد وهى قالتله انها بترفضه بس هو اصر عليها انها توافق عليه يمكن يطلع احسن عنه بس هى فى بالها انها بترفضه ورفظته عند اهلها وقالولها ليش قالتلهم ماريده للاسباب وهميه بس هو اصر عليها انها توافق عليه وبعد مده وافقت عليه بعد مارفضته 3مرات وقبل ملجتها باسبوع اهله الريال الى اعرفه وافقوا عليها ويوم قالها قالتله برفض الريال وهو مايعرف متى الملجه بس هى قالتله وهو اصر عليها انها ماتفصخ الخطوبه وتتوكل على الله والحمدالله البنت ملجو عليها وهى تحب الريال بس هو خلى حبيته اتحب ريلها وقال لختها بخلى اختج تكرهنى شرات ماحبتنى بس اتها قالتلها وزعلت البنت منه بس هو قالها انا لوماحبج جان مابخليج تكرهينى انتى على ذمه ريال وكل مايشوفا ع المسن يسئل عن اخبارهم ويدعيلهم بالخير وينصحها انها اتحط ريلها فى عيونها والحين البنت مصره على الريال انه يخطب ويملج عشان ترتاح وتطمن عليه وكل منهم وعد الثانى انهم يسمو عيالهم على اساميهم ...
والريال من بعد فضل الله خل اختها تنسى ولد خالها الى كانت اتحبه وخذ وحده غيرها واقنعها انها توافق على الريال الى يا يخطبها والحمدالله وافقت بعد محاولات يائسه من اهلها وهذا كله من فضل الله ثم الريال . والحمدالله البنتين مرتاحات مع هذا الشخص الى يعتبرنه اخوهن ويغلنه .
والريال بعد يعرف بنات بس مايلعب ولايضحك عليهن لانه عنده احساس وضمير ...

ياناس والله فى ناس تستاهل كل خير
ان كانو شباب ول بنات

وفى الزين وفيه الشين من الاثين

والسمووحه

[شح شح]

صدقت اخـــــــــــويه اشتقت للامارات

ماعندي تعليق :cry_1:

شح شح

[همس قلبي]

ربي يسلمكم على هالموضوع

انا بقول رايي

اصابع ايدك هب سوى

شرات مافي شباب يرمسون البنات حق لللعب وتسليه ومعتبر البنت خليله له

بعد شيء شباب يرمسون البنت وهو مقتنع 100% انه يحبها ويباها وبياخذها

بتقولون في هالزمن
بقولكم هيه نعن في هالزمن

وانا شفت بعينيه

اثنينه حبو بعض بكل صدق وعدها بالزواج وقامت ترفض كل اللي ايها لين ما يكون نفسه ويوم ياها اهلها رفضو
بسبب العنصريه وان الاهل ما تيوز حد بره العايله

الحين شو ذنب الاثنين كل واحد قلبه يتقطع على الثاني




اوكيه مب شرط ان يرمسها عالتلفون يمكن يكون عرفها عن طريق النت

مب معقوله ان الريال بييلس يرمس البنيه وما بيحبها
ويتعلق فيها
وبعدين الريال يوم بيحب يحب من الخاطر وما ينسى اللي بحبه

بس دامه هو ما يبها وما يبا ياخذها ليش من البدايه قلها الرمسه الحلوه وجذب عليها واوهمها بالحب
لو هو ما يبا يلعب ع البنت وبيقولها من البدايه

ليش يعذب بنت العرب وياه


تعرفون ابويه يخبرنيه عن سوالفهم الاوليه

اونه يوم يبون يغازلون ما يغازلون في فريجهم يسيرون فريج محد يعرفهم عسب ما ينقدون عليهم ويقولون ولد فلان يغازل

ويديه ربي يرحمه ماخذ يدووه عن قصه حبه

وهي توفت عقب العرس ب 8 سنوات بس يدي من زوود ما هو مخلص لها ما خذ وحده غيرها وتم مخلص لها طول عمره
معنه كان عمره ما يتعدى ال 25 وتم بليا زواج لين ما مات وهو عمره 70 يعني شفتو كيف الحب قبل

هب شرات الحين كل يوم يحب وحده ومب جنه قلب
جنه فندق كل يوم يحب وحده

ادري طولت بس اسمحوليه