@على كيفي@ .. رد على قصيدة تهددني ل صاحب الذوق

[غرشوبة البدو]

السلام عليكم

رد بسيط على الشاعر صاحب الذوق وقصيدته ( تهددني ) ,

وانشالله تنال استحسانكم



عـلى كـــــيـفـي

على كيفي إذا برحل .. على كيفي بروح بعيد=متى ما دقّت براسي ابنسى من يعاندني

على كيفي مزاجيّه وكلامي ما يبا ترديد=وليمن قلت تنساني أباك بساع تنساني

أعاند من يعاندني وراسي بالعناد عنيد=وأراضي كل من جاني على كيفي يراضيني

واساند من يساندني ولو حمله عليه حْديد=وابكّي من تحداني واواسي من يواسيني

أنا غرشوبة وطبعي أحب الصعب والتعقيد=وارد الصاع بالصاعين للي ما يطاوعني

كلامي تحفظه وإن قلتلي زيدي ترى بازيد=ولا تحسب أنا بسكت إذا كان الحكي فيني


والسمووووووووووحه منكم

أختكم

غرشوووووووبة البدوووو

[صاحب الذوق]

صح لسانج يا غرشوبة البدو
كلمات جزله قويه ربي لاهانج عليهن
واتمنى ابداعج انه يزيد

وعسى الله يكوووووون فالعون كلكم على صاحب الذوووق
حرب استوت صواريخ ارض جو ههههههههههههههههه

كلامي تحفظه وإن قلتلي زيدي ترى بازيـد
ولا تحسب أنا بسكت إذا كان الحكـي فينـي

بس عندي ملاحظه بسيطه::
تبين رد والا ماتبين اذا تبين رد انا حاضر
بس انا ماعنيت حد فالقصيده
لكن اذا تبين رده على قصيدتج
ابشري وفالج طيب

[غرشوبة البدو]

صح بدنك الغالي

===>انت شاعر مميز ومتألق
وماشالله عليك شعرك فنان وماعليه كلام
ونحن بس حبينا نجاريك فالشعر^ـ^

نتريااا ردك ع القصيده :)
وفالك مايخيب الشيخ

وتسلم ع هالتواصل والرد المميز

ربي لاهانك

فحفظ الله

أختك
غرشوبة البدو
^ــــ^

[اللحظة الأخيرة]

صح لسانج اختيه

ربيه لا هانج و لاهان منطوقج

و نتريا ردك يا صاحب الذوق

و السمووووووووحه

,
,
,

[ليمونه الحلوه]

مجاراه جميله

صح السااانج

[سنافي بس حافي]

صح السانج يالشاعرة :)


الجواب بمستوى البدع من ناحية الجمال...


الله يعطيكم العافية :)

[صاحب الذوق]

ابشر يا عكس قانونه الرد جاهز

فالج طيب ياغرشوبه الرد وصل

استلمي

يسعدنــــي.... ويفرحني ....فراقج اعتبره العيد

وأصفق م الفرح وادمع دمــــــوع السعد تاخذني

على كيفج لبستي الباب وعلى كيفج تروحي بعيد

انـــــــا افـــــرح أذا شخصج يبي انـــــه يفارقنــي

أنا البــــــطران مــــــن قــــــدي اردد شلتي ترديد

وأسرح ف الشعر وأمرح وقافي لــــي يطاوعني

تحسبيني بحسبج شي وانتـــــي هاويه التجديد؟؟

لا والله مـــــا حفلج وفــــراقج مــــا يألـــــمـــني

انا قدري رفعته فوق فعــــالي الهام لي تمجيد

حشــــــــــيم واكره العذروب واكره لي يدنسنــي

[اللحظة الأخيرة]

تحسبيني بحسبج شي وانتـــــي هاويه التجديد؟؟

لا والله مـــــا حفلج وفــــراقج مــــا يألـــــمـــني

انا قدري رفعته فوق فعــــالي الهام لي تمجيد

حشــــــــــيم واكره العذروب واكره لي يدنسنــي


والله انه مافيك حييييييييييييله

طرررررررررررررررررررر

رد قوي و تستاهلين يا غرشوبه خخخخخ^_*

صح لسانك و لا هان منطوقك

و السمووووووووووووحه

,
,
,

[شح شح]

ياعينــــــــــــــــــــي عليكم

صح اللسانج غرشوبه

وصح اللسانك صاحب الذوق

شو رايكم تكتبون فيني قصيده " محد يكتب فيني "

غرشوبه انتي اتعرفيني يالله جهزي القلم وكتبي فيني

صاحب الذوق بعد انت هاي قصيده اجباريه عليكم

يوم الاحد تسليم القصيده تتكون من 5 بيوت عشان ماتعبكم بس انا استاهل معلقه

اووووو بعد بسوي تصويت عليهااا بخلي الاعضاء يحكمون وفي جايزه

يالله بالتووفيق اتري قصايدكم ياحلوين

شح شح

[الخيل]

مرحبا الساع بغرشوبة البدو وصاحب الذوق

شو الابداع الغاوي

صح لسانكم مليون وربي يديم هالتلاقي الممتع يا شعراء الهير

والسموحة لاني بدش عرض بالسالفة عسى وجودنا يكون بالخير يا ربي



هلا بطيورنا الحلوة ياللي هي تهوي التغريد على غصن الهوى الغالي وصوت الشوق يطربني

هلا بج يابدويتــــنا وهلا بحـــرفج مع التـجديد وصاحب ذوقنـــــا الغالي بــــكل ابداع يجذبنـــــي

ترى من هاجس اشعاره يـشل الهم بك ويعــــيد فرح الأيام بحــــــظوره وجو الشعر يســــــعدني


الخيـــــــــل

[الطبيب المداوي]

صح لسانج يا غرشوبه على القصيده

اسميك يا صاحب الذوق ما تقصر في الرد

تحسبيني بحسبج شي وانتـــــي هاويه التجديد؟؟

لا والله مـــــا حفلج وفــــراقج مــــا يألـــــمـــني

الي يدق الباب يسمع الجواب ولا شورايك يا صاحب الذوق في ذمتي انك ابدعت في ردك

[حمد القبيسي]

صح الله لسانك


والله عجب عندكم


وانا بعطيكم من الزين بس صرفواا علي اشوويه

خلني ارتااح

[][^(قرموشه)^][]

صح السانج
..
والى الأمام دوؤوم أنشالله
..
تسلم يمناج وربي يعطيج
العافيه