":., صـــــاحبي,.:" قصيدة( يديده) من كلمات سنافي بس حافي...

[سنافي بس حافي]

السلام عليكم ..اشحالكم ...

حبيت أشارك بهالقصيده.. وان شاء الله تنال على رضاكم..

همنا أن قصايدنا ما تنقطع عنكم..ونحاول نشتهد ونكتب حتى يزخر هالمنتدى وخاصة هالقسم إللي يحمل أجمل المعاني واعذب الكلام ...

وإللي يحب الشعر إللي يحمل ألغاز في خباياه .. راح يحصل لغز في القصيدة .. وننتظر الأجوبة .. ما حبيت اصعب الجواب.. اتوقع انه واضح :)

أقول....



صاحبي لي ضرني ما نفعني=سبب بعاده عوق ومصايب

خلاص ما عدت ابيك دعني=دنياي دونك صارت غرايب

انا شريته وبرخيص بعني=ان كان معذور ٍ ماله سبايب

ادني يا صاحبي والله تدني=ما همني لو تفرض ضرايب

بيتك بنيته في وسط جفني=العين تسهر والنوايب نوايب

لا بيعها يا بو جرح شفني=سهمك غدى في القلب صايب

عايش وانا يا صاح مفني=بعدك يكسر ناطحات السحايب

ارجع مثل مـا كنت زبني= الدار من بعد غاليها خرايب

وان رحت انا قول خذني=ما عاد لي دون قربك طلايب

قـل وش تبي! :: طب مرني=مثلك بهالدنيا ما له معايب

ما طيع قلبي لي قلت سبني=بآخر العمر وان كنت شايب

ودي تقول اممممم عطني=اقلب الدنيا وخليها عجايب

اللغز ما حلُه غير ضني=تلقى جوابه بسايلات اللعايب

هو ما بين هذه و ذقني=وتلقاه عند كل ضايع وتايب

الشعر تـاه و اختل وزني=الله يعُود كل من كان غايب


وسوالم :)

[بدوي زاخر]

اللله اااااااااالله على هالبـــداع يا السنافي

يوم قلت لك اشهد انك سنااااافي شو اقول بعد

صح لساااانك يا خويه ولا هنت

[مروض الخيل العنيده]

صح لسانك واعتقد ان حل اللغز اللسان

[طرفشانه]

وانا بعد اقول السان

كنت بقوله بس سبقتني

الله عليك يالسنافي صح السانك

[الـمــيم]

.. سنافي بس حافي ..


اللغز مفـهوم والمـــضمون يعني = الاجــــابه واضـحه كلها تسايب
اللسان اللي على الخيرات يحني = وياعساي بقوليه ما اكون خايب

:)

يعطيك العافيه ..
لك خالص احترامي ..

مودتي ::الميم

[نصـــابه_طررر]

ودي تقول اممممم عطني..اقلب الدنيا وخليها عجايب

ياااااااااااي وناسه حتى عميه يعرف اممممم
عميه صح لسااااااااانك اللي ينقط عسل خخخخ اووج
عاااد لاتصدق ويهك

[صاحب الذوق]

صح لسانك يالسنافي والاجابه نفس ما قالو الربع اللسان

[رواضـي]

صح لسااااااااانك الشيخ لا هنت

مااقصرت وربي ذوووووووووووووووق

تحياتي

[الخيل]

سنافي بس حافي

السلام عليك يالسنافي

بذميته أني دشيت القصيدة هب عشان احل اللغز واخذ الجايزة ههههه

لا دشيت عشان اردد والكل يردد ورايه

صح لسانك مليار يالشاعر

وربي يوفقك ونشوفك متواجد بين قوافي الهير دايم الدوم

تقبل مروري

اختك

الخيــــــــل

[غرشوبة البدو]

السنــ،،،ـــافي

ماشالله عليك

وصح السااااااااانك يا الشااااعر

^ـ^اللغز حلوه عني^ـ^

والله يعطيك العافيه

والله لايحرمنااا من اشعارك الحلوه

ربي يحفظك

^ـــــ^

[سنافي بس حافي]

اللله اااااااااالله على هالبـــداع يا السنافي

يوم قلت لك اشهد انك سنااااافي شو اقول بعد

صح لساااانك يا خويه ولا هنت


وانا اشهد أنك كفيت ووفيت بالرد .. وصح بدنك :)

صدق لي قالوا (( أبدوي يرفع الراس)) وانت رفعت مكانتك فوق راسي..

ربي لا هان الجميع :)

[سنافي بس حافي]

صح لسانك واعتقد ان حل اللغز اللسان



صح بدنك يا اخوي... ونتشرف بحضور شعراء مثلك وشرواك :)


انا يمكن سهلت عليكم اللغز..بس مب لهذه الدرجة ...يمكن الكل جاوب شرات جوابك ..لكن الشاعر له جواب غير هالجواب

ودي تقول اممممم عطني..اقلب الدنيا وخليها عجايب

اللغز ما حلُه غير ضني..تلقى جوابه بسايلات اللعايب

هو ما بين هذه و ذقني..وتلقاه عند كل ضايع وتايب


اتشوف البيت الاول .. قلت فيه ودي تقول اممممم ( وهذه اممممم تعني البوسه ) والبوسه ما تطلع إلا من الشفايف ..

وانا كتبت البيت إللي عقبه وإللي فيه بسايلات اللعايب..بس عشان اضيع على القارئ الجواب..ولا ما راح يكون لغز ..

أما البيت الأخير فأنا قلت هو ما بين هذه( اقصد اليبهه) وذقني.. والذقن معروف ...

الجواب هو ( الشفايف)

واسمحلي على الإطاله :)

[سنافي بس حافي]

وانا بعد اقول السان

كنت بقوله بس سبقتني

الله عليك يالسنافي صح السانك



تسلمين على ردج اختي طرفشانه ...بس للأسف الجواب هو ( الشفايف) ..

والشرح راح تلقينه في ردي على الاخ مروض الخيل العنيده


مشكورة على ردج ومشاركتج :)

[سنافي بس حافي]

.. سنافي بس حافي ..


اللغز مفـهوم والمـــضمون يعني = الاجــــابه واضـحه كلها تسايب
اللسان اللي على الخيرات يحني = وياعساي بقوليه ما اكون خايب

:)

يعطيك العافيه ..
لك خالص احترامي ..

مودتي ::الميم


مشكورة اختي الشاعرة الميم على تواصلج .. وعلى ردج الأجمل..وراح يكون اجمل واجمل لو كان جوابج صح .لكن الجواب هو ( الشفايف) ...

وردج بهالابيات إن دل فإنما يدل على مدة تمكنج من الشعر..والله يديم هالتواصل...

تسلمين مره ثانيه .. والقصيدة تبقى قصيده ..لكن ردودكم هي إللي تسعدنا :)

الشرح بتلقينه بردي على اخوي مروض الخيل العنيدة ..والسموحة

[سنافي بس حافي]

ودي تقول اممممم عطني..اقلب الدنيا وخليها عجايب

ياااااااااااي وناسه حتى عميه يعرف اممممم
عميه صح لسااااااااانك اللي ينقط عسل خخخخ اووج
عاااد لاتصدق ويهك

هلا والله بالبنت الغالية..هلا بحفيدتي هههههههه خلاص خليتيني شايب..

وينج قطعتي.. تولهنا على ردودج إللي ترفع الضغط ههههههه


صح الله بدنج..ومشكورة على مرورج

استانس يوم اشوف ردودج :)

[سنافي بس حافي]

صح لسانك يالسنافي والاجابه نفس ما قالو الربع اللسان

صح بدنك يا صاحب الذوق...الربع ما يابوها ..بتغير رايك؟؟ هههههههه

تسلم على مرورك..والموضوع ما يكتمل إلا بتواصل شعرائنا وانت اكيد منهم..

الجواب ( الشفايف) وتلقى الشرح في ردي على الاخ مروض ..والسموحة منك

[سنافي بس حافي]

صح لسااااااااانك الشيخ لا هنت

مااقصرت وربي ذوووووووووووووووق

تحياتي


صح بدنج طويلة العمر.... وذوقج الاحلى ...

مشكورة اقولها من كل قلبي..على ردج وتواصلج ..

السموحة منج

[سنافي بس حافي]

سنافي بس حافي

السلام عليك يالسنافي

بذميته أني دشيت القصيدة هب عشان احل اللغز واخذ الجايزة ههههه

لا دشيت عشان اردد والكل يردد ورايه

صح لسانك مليار يالشاعر

وربي يوفقك ونشوفك متواجد بين قوافي الهير دايم الدوم

تقبل مروري

اختك

الخيــــــــل


وعليكم السلام ورحمة الله وبركاته..

الله شاهد أن في كل رد لج على مواضيعي ألقى كلام أحلى واحلى .. وصح بدنج ..وارسلج مليون شكر على تواصلج وردج الطيب...

ونحن اكيد متواصلين ما دام انكم متواصلين :)

أما بالنسبه للجايزه ههههه ما حبيت احط جايزه ..لأني الكل بيترك القصيده وبيدور على الحل :)

ونحن يشرفني حضورج ..وانا كل مره اعيد وأكرر أنج شاعرة وشاعرة وشاعرة ..

تسملين مره ثانيه على هذا الاطراء الجميل..

تحياتي لج

[سنافي بس حافي]

السنــ،،،ـــافي

ماشالله عليك

وصح السااااااااانك يا الشااااعر

^ـ^اللغز حلوه عني^ـ^

والله يعطيك العافيه

والله لايحرمنااا من اشعارك الحلوه

ربي يحفظك

^ـــــ^


صح بدنج..

وأشعاري ما راح تكون حلوه إلا بردودكم ... ما قولها مجاملة ...

ههههه ما شاء الله عليج من زود الاشغال إللي عندج ما تبغين تحلينه .. عطينا من الآخر وقولي انج ما عرفتي الجواب هههه


مشكورة على تواصلج ...

ربي يحفظكم جميع

[غرشوبة البدو]

تعرف اني كنت بكتب الشفايف

بعدين قلت بيضحكون عليه وبيقولون غلط خخ

وجان استحي اكتبها

[سنافي بس حافي]

غرشوبة البدو .. مب علينا هالكلام هههههههه ..اونه استحي اكتبها ؟؟ بس عذر حلو ..

بس تعرفين ..المستحى مالج خسرج 500 درهم...

هذه كانت قيمة الجائزة إللي حطيتها على اللغز هههههههههه

راحت عليك يا صاحبي :)

مشكورة على ردج

[غرشوبة البدو]

عادي هب مشكله مابا خمسميه خخخ

[سنافي بس حافي]

:) غرشوبة البدو..ما يستوي انتي إللي جاوبتي ..

500 راح توصلج على العيد ههههههه عاد اي عيد ..ما نعرف

مشكورة على مرورج