فشل وتلاعب صاااااااااااااارخ...لبرنامج شاعر المليون

[سنافي بس حافي]

انا متأكد ان الكثير منكم ..شاهد الحلقة ..وانصدم بلي صار..

أن يترشح الهاملي.. مع أحترامي الشديد للشاعر...

والله أن هالشي يرفع الضغط... وانا ما قلت هالكلام إلا واتصلت على اكثر من واحد تابع الحلقة ..والكل قال أن فيها شي من التلاعب..أو حصل نوع من الضغط على اللجنة....أسباب ماحد يعرفها !!



والصراحه هالأسئلة محتايه أجوبه!؟؟


علي رفجة لتصل باجر على مدير البرنامج وعلى مدير قناة ابوظبي ..ااااااااخ يالقهر..

صالح المنصوري ما يترشح!!! والله شي مستوي في الدنيا ؟؟!!




لا وبعد بزيدكم من الشعر بيت ..يوم يا الشاعر السعودي..ما اذكر اي واحد... يا دور الحكام أنهم يعطون رايهم...بس اثنين إللي عطو رايهم...وقاطعهم المذيع الهاشمي..وقال لا خلاص ماشي وقت ..تفضل روح المجلس ...


ويوم ياكم الشاعر الهاملي... كل واحد خذ راحته بالكلام .. وناقص ان المذيع ياخذ رأي الجمهور في الشاعر....

صح أن الهاملي مني وفيني..وأماراتي... وافتخر فيه ...بس أنه توصل لهدرجه من التعامل والتفرقة .. لا ومليون لا ...

مع انه حصل على نسبة تصويت من الجمهور الحاضر لا تتعدى 65 او اقل بالميه..وغيره حصلوا على %90 !!.. .واعتقد ان البرنامج للجمهور وتصويتهم

انا لو بتم اكتب ...ما بخلص ..دخيلكم عطوني ماي.. احس ريجي نشف اففففففف
وانا بالنهاية اعبر عن رأيي... والله الكلام وايد ..بس شو نقول غير ..الله يسامح من كان السبب :(
وإللي عنده رأي يطرحه ..

[الموناليزا]

فاتتني والله عقب ماخلص البرنامج اتفيقت راعيه زاخر اتخبرنيه
وانا من متى اترياه بس ماعرف وقته

ان شاء الله اروم اطالعه وانفصفص الحلقه زين

بس متى تنعاد نبا الخبر من الاعضاء

بالتوفيق

[سنافي بس حافي]

فاتتني والله عقب ماخلص البرنامج اتفيقت راعيه زاخر اتخبرنيه
وانا من متى اترياه بس ماعرف وقته

ان شاء الله اروم اطالعه وانفصفص الحلقه زين

بس متى تنعاد نبا الخبر من الاعضاء

بالتوفيق


مشكورة اختي بونيتا على ردج ومشاركتج ... بالنسبه للحلقة .. تبدأ على الساعة عشر ...أما بالنسبه لإعادة الحلقة..ممكن تتصلين على تلفزيون ابوظبي ويعطونج كل الاوقات إللي راح يتم إعادة الحلقات فيها ..

واذا كانت عندج قناة الواحة... فقناة الواحة تعيده في اليوم اربع مرات ..


فصفصنا في الحلقة لين ارتفع ضغطنا :(


تسملين على ردج ... ومشكورة مره ثانيه :)

[يايه معاليكم]

سنافي


والله هب الا انته الي ضاربك قهر
الي في البيت كلهم مشتلين يبغون المنصوري

ولكن السالفه فيها إن ولا المنصوري صدق يستاهل
هو والعراقي

وبعدين وااضح من تصويت الجمهور ان المنصوري والعراقي احسن حد


والله فوووق رب العباد ما ينسى عباده ...

[نصـــابه_طررر]

انزين انته شحقه متحرقص
اف منك خخخخخخخخ
ياخي الله ماكتب له ان يشارك ويااهم
خلاص انا بسوي برنامج وعشان خاطر عميه ضفدعو بفوز ...ها مادري منو ربيعك
خخخ
اوج

[رواضـي]

سنافي والله صدق قهر عنبوووه المنصووري عنده القااء وشعره اوكيه وليش مايترشح
والله سخيفين صدق

الهااملي بصرااحه موب وااايد فالقااء والشعر بس المنصووري بصرااحه كان يخبل في شعره والقاااءه
بصرااحه هالجنه تافه وماتعرف تقيم الوااااحد للاسف يعني ..

المفرووض احد يشتكي منهم .. موب حاله خساره والله

تحياااتي

[سنافي بس حافي]

سنافي


والله هب الا انته الي ضاربك قهر
الي في البيت كلهم مشتلين يبغون المنصوري

ولكن السالفه فيها إن ولا المنصوري صدق يستاهل
هو والعراقي

وبعدين وااضح من تصويت الجمهور ان المنصوري والعراقي احسن حد


والله فوووق رب العباد ما ينسى عباده ...


ما راح ازيد على كلامج ..غير الشكر والشكر والشكر... تسلمين ويسلمون اهلج ... شو نقول :( ..


الله ما ينسى عباده ...

تسملين مره ثانيه

[سنافي بس حافي]

انزين انته شحقه متحرقص
اف منك خخخخخخخخ
ياخي الله ماكتب له ان يشارك ويااهم
خلاص انا بسوي برنامج وعشان خاطر عميه ضفدعو بفوز ...ها مادري منو ربيعك
خخخ
اوج


اقول من بعد اذنكم شوي... عطني العصا.. انتي شو سالفتج هاه هههههههههههههههههههه


اسميج سالفه ... هيه انا زعلان وكيفييييييييييي... ونعم بالله ..بس الحق حق..ونحن ما شفنا هالعدل إللي يتحرطمون فيه ؟!!

ويا ويهج يالحيلزون.. كل شوي اوج اوج؟؟ دورت على معناها..وآخر شي اكتشفت انها افريقيه ههههههههه هااااه جي بتخلينا نشك فيج هههههههه

[سنافي بس حافي]

سنافي والله صدق قهر عنبوووه المنصووري عنده القااء وشعره اوكيه وليش مايترشح
والله سخيفين صدق

الهااملي بصرااحه موب وااايد فالقااء والشعر بس المنصووري بصرااحه كان يخبل في شعره والقاااءه
بصرااحه هالجنه تافه وماتعرف تقيم الوااااحد للاسف يعني ..

المفرووض احد يشتكي منهم .. موب حاله خساره والله

تحياااتي


مرحبا اختي رواضي... هيه والله قهر.. حتى لو لاحظتي ويه المنصوري...متغير ومنقهر من اللجنة؟؟؟ ما توقع ... واللجنة بعد حسيت انهم مب مرتاحين!! اشياء وايده ..

الهاملي يمكن قصيدته حلوه ...بس مهما يكون اللقاء يلعب دور..وثاني شي الجمهور عطا رايه ..بس للأسف ..شو نقول..

والله لو المنصوري نجح كنا بنشوف أشياء حلوه في المرات اليايه..

الله يوفق الهاملي...

وان شاء الله الرابح اماراتي.. ولا فخر :)

[اللحظة الأخيرة]

اممممممم صحيح ما كان عادل

بس تيك ات ايزي... فكل مكان الواسطات و الدنيا


تسلم عالطرح اخويه

و السمووووووووووحه


,
,
,

[سنافي بس حافي]

اممممممم صحيح ما كان عادل

بس تيك ات ايزي... فكل مكان الواسطات و الدنيا


تسلم عالطرح اخويه

و السمووووووووووحه


,
,
,


مشكور اخوي على مرورك ومشاركتك ..وشرات ما قلت ..تيك ات ايزي.. :)

الله يسلمك

تحياتي القلبية :)

[المجروح المداوي]

والله قلته


يا سنافي

شي غير طبيعي

في البرنامج


بس مادام الامارات فيها الواسطه انسى شي اسمه عدل


الله كريم

و عشان العصا امره المحنايه عليك بها جنها عيبها بن صويلح

ياريال تراه اكد انه اعزب


.....

[سنافي بس حافي]

المجروح المداوي
والله اني خايف على سمعة الامارات ... حتى لو ادش الحينه مواقع السعودية...

بتحصلهم يتمصخرون في شعراء الامارات... والسموحة على هالكلمة.. حتى الشيخ محمد بن راشد ما سلم منهم...

الكل يتحمل اخطاءه ..للأسف

تسلم اخوي على ملاحظاتك...

[ذرب المعاني]

الوقت طالب جييييييه

عندك واسطه بتمشي في مكان وكرتك فووووووووق .. لو حاكمينك اعدام تطلع منها .. لا ويعطونك تعويض بعد

خلها على الله يا ريال

[سنافي بس حافي]

تسلم على مرورك اخوي.. وشرفت المنتدى وهله :)


وكلامك ما عليه غبار