" كلها زينه" من كلمات سنافي بس حافي

[سنافي بس حافي]

كلها زينه ويا زين البخت = ليتهــا مــا بين رمشي والعيــون


شوفها مثل الطفل يوم المهد = ضحكها ينعش عروقي والجفون


وصفهـــا وردة يـــوم اتفتحت = ريحها يجذب لي ماله شجون


حسنها مثل الفراشه لأستحت = خصرها ميال مهيوف الغصون


دمعها مزنه لي من اقطرت = صدرها مرتز مـــا يحتاي عون


خشمها مسلول منه انجرحت = عينهـــا ترمي باسهام وطعـــون


صوبها ادنيت و منها ارتبشت = قربها زلزل من ساسي ركون


لعنبوها مـــن مصيبه ابتلشت = خلتهـــا زينه و طلعت لي جنون!

[اللحظة الأخيرة]

صح لسانك ياخويه

كلماتك طررر

لا تحرمنا من اليديد

والسمووووووووحه


.
.
.

[رواضـي]

صح لساااااانك الشااعر لا هنت

[غــــــــلا زايـــــــــد]

حسنها مثل الفراشه لأستحـتخصرها ميال مهيوف الغصون
دمعها مزنه لي مـن اقطـرتصدرها مرتز ما يحتاي عـون


و الله حركات يالسنافي .. بس تراها طرررر و صح لسانك

[الخيل]

سنافي بس حافي

يكفيني أن استمتع بقراءة هذه الدرر النابعة من مشاعر شاعرنا المتألق

سنافي بس حافي

تسلمي يمينك يا اخويه وربي يخليلك هالمزيـــــــــونه

اختك

الخيــــــــــــــل

[سنافي بس حافي]

مشكورين على ردودكم... ولا هنتوا :)


عسا التواصل دايم :)

اخوكم

[نصـــابه_طررر]

خشمها مسلول منه انجرحت ... خخخ تعال بحط بدوايك وبحط لك ثلج ف الخريطه وحطه ع اليرح

عينها ترمي باسهام وطعون ... اعنبو هوب ادميه مكينه مال البيزات
خخخخخخ صح
صح صح صح لسانك وتستاهل 10% شطور عميه
انتبه انا قلت بس عشره هيه عن تتحسب بعد 100 بس يلااا بسك
خخخ
اوووج

[سنافي بس حافي]

نصـــابه_طررر
:bash: خذي خذي ...

انا اذا وقفت اكتب شعر ..صدقيني انتي السبب..
:cry: البنت هذه يابتلي احباط نفسي

[شمـوخ]

صح لسانك يالشاعر ولا هنت

قصيده طرر

في انتظاار ازود من صوبكـ

خويتكـ

[قائد الفيلق]

صح لساااااااااااانك على القصيده البطرانه

[سنافي بس حافي]

شموخ... صح بدنج.. ومشكورة على هالرد الاروع .. وان شاء الله اليديد ياي :)



متفيج ..دخييييييييييييييييييييييييييييييييييييل ردودك انا يا معذبني هههههههه

تسلم الغالي.. ما عليك زود ..

[الـمــيم]

.

.. سنافي بس حافي ..


جنون × جنون ..

جميله البنت :)
لوول ..

صح لسانك ..
الكثيررررر من العفويه
في قصيدك

يعطيك العافيه
ولا خلينا اليديد ..

ياخوك عذبتنا بالخط .. يبالنا مايكرسكوب عشان نشوفه :)

مودتي :: الميم

.

[سنافي بس حافي]

الـمــيم
صح بدنج.. ما عليج زود
يسعدني هالتواجد المتواصل من شاعرة بمثل مكانتج الراقية بين شعراء منتدى الهير..

لا الله ما شفتها ..بس هذه من نسج الخيال :)

يا خوج ألبسي نظاره ههههههه .. ولا يهمج في اليايات بكبر الخط..

ما ننحرم :)

و

[عيناويه وافتخر]

صح لساااااااااااانك على القصيده