قصيدة بعنوان " الغياب" ياليت تعطوني رايكم فيها ...طبعاا من كلماتي المتواضعة

[سنافي بس حافي]

تحياتي للجميع ..وحبينا نشارك بهالقصيدة..عسا ان تنال على رضاكم.. :)




طول حبيبي في غيابه=ليتكم يا ناس تقفونه

انشدو عنَه وعن حاله=إن قدرتو لي تلفونه

الهجر يا صعبها حاله=اشكي الونات من دونه

قـد شبعنا من ترحاله=دونه الشوف من دونه

دمع عيني طال مسياله=فيه وحشني لدة عيونه

المها ما يصفط اقباله=لا وحتى الورد في لونه

إن رحــل فالكــل رحاله=وإن قعد تثبــت اركونه

السعد يا سعدها حاله=حين شوفه قلب تشفونه

ادعي الله تمر بسهاله=يا عساالله بسهل تلقونه

الصبر ما ضاع من فاله=والعمر وش كان قانونه

غيـــر ينيي باقي حذاله=طول عمري لو تردونه

وسوالم

[نصـــابه_طررر]

صصصصصصح لسانك عميه سنافي
عميه انته حافي ماعندك نعال انا بشترليك ولا اقولك خذ نعالي زين عميه
ترى ريوليه صغيره جي جي هالكبر بس

[غرشوبة البدو]

صح الساااااااااانك اخويه

وتسلم ع هالكلمااااااااااااااات الغاويه

والله يعطيك العافيه

والله لايحرمنا من يديدك

ربي يحفظك

^ـــــ^

[سنافي بس حافي]

نصـــابه_طررر

انا شو اسوي فيج ههههههههههههه خبريني انتي؟؟ تبغين رمي بالرصاص ولا شنق ههههههههههه

لا يا بنتي خلي نعالج (عز الله الشايفين) لج ..وبعدين انا ما اروم البس حيالله نعال.لازم افصل لانه ماشي قياسي!! ههههههه تخيلي انتي ع راحتج

وصح الله بدنج.. ومشكورة على التواصل

[سنافي بس حافي]

غرشوبة البدو


صح بدنج .. وما عليج زود ...

ونحن ما ننحرم من تواصلكم :)

تحياتي لج ..والله يعطيج العافية

[رواضـي]

صح لسان الشاااعر

[!! راح وخلاني وحيد !!]

تسلم اخويه ع القصيده الطرررررررررر وماعليها كلام

اشهد انك شاعر وماعلييك زووود
والى الأمام دايما

ولاتحرمنا من يديك..

[سنافي بس حافي]

رواضي

صح بدنج ..ومشكورة على مرورج :)

[سنافي بس حافي]

!! راح وخلاني وحيد !!


واشهد انه ردج ما عليه قصور

تسلمين على ردج ومرورج إللي اسعدني :)

ما ننحرم

[الخيل]

الحافي ابياتك عجبتني وهيضتني وقلت لك ،،،،،،،





أهلا هلا بمن هو شكى حاله والابيات مني تجيه موزونه

مسكين حافي الشعر م اصفاله حبه ولا هو مكن أركـــونه

ملعون اسم الحب واهواله يا أخوك لا من بانت ضــغونه

لا يشغلك بالمرثى أحواله درب العشق متــــشعبة فـــنونه

فيه القوي وكم فيه جهـاله والذوق لا من صغت مضمونه

الشاطر اللي بخــير يسعاله ولا ينقصد به شر ولعـــــــونه

محروز لي هو زايد خبـــــاله وكل الدخـــــاتر ما يـداوونه

يعله يلاقي حب يهناله ويصـون شـــوقه وتغفل عـــــيونه

ويعلا بقلــبه دوم منزاله والاشواق تروي اليوف بمزونه

والعذر من لي قدرهم شاله قلبــي وهذا الخــــــط يقرونه



والسموحة يا أخوك عالابيات المتواضعه


الخيـــــــــــــــــــــــــــل(( ها متى بتحاورني ))

[! حلو المزوحي !]

صح الله لسانك يا الشاعر

وبيض الله ويهك

بس عندي ملاحظه يا خويه

ليتك تعيد حسابك في الشطر الاول من البيت الاول

وصدقني القصيده خلاف بتكون احلا من كل الحلا

وصح الله لسانج يا الخيل ع الابيات الحلوه

وصح الله لسانكم والسموحه منكم

[سنافي بس حافي]

يعله يلاقي حب يهناله ويصـون شـــوقه وتغفل عـــــيونه


الخيل... صح السانج

تبغين الصراحة ما اعرف من وين أبدأ...

وانصدمت يوم شفت قصيدتج ..وحسيت فيها نوع من التحدي!! .. ونصيحتي لج

(( إللي ما يعرف يسبح لا يدخل بحر )))..






ههههههه لا تصدقين.. ترا امزح

وقصيدة بالجمال والاحساس .. المفروض تنحط في موضوع منفصل...واشكرج من كل قلبي لردج الوافي وإللي بصراحه يسعدني.. .. يا حافظ عليج .. عسا الله يحفظج عن كل حاسد وواشي..

أما متى بتحاورني..هههههه هذه ممكن ندارسها في وقت لاحق... تحدي جدام الكل .. لا والله قوية..

أنا إللي اتشرف واطلب منج المحاورة.. لأني متأكد إني راح استفيد منج ..اكثر من إللي راح تستفيدينه مني..

بس هذا ما يعني التنازل... وياليت تعذريني لو قصرت عليج بردي.. والكتابة بعمرها ما وفت للي يستاهلون

وانتي تستاهلين كل خير... الله يحفظج

[سنافي بس حافي]

! حلو المزوحي !


الله يسمح اذنوبك... مشكووووووووووور اخوي على ردك الطيب..

وترا انت ثاني واحد يقولي على الشطر الاول من البيت الاول...

اتمنى اذا لقيت اي شي في قصايدي ما تتردد .. ليت كل الناس مثلك ..

تسلم والله لا هانك

[سنافي بس حافي]

! حلو المزوحي !


الله يسمح اذنوبك... مشكووووووووووور اخوي على ردك الطيب..

وترا انت ثاني واحد يقولي على الشطر الاول من البيت الاول...

اتمنى اذا لقيت اي شي في قصايدي ما تتردد .. ليت كل الناس مثلك ..

تسلم والله لا هانك :)