أسبـــاب ظهــور البويات؟؟؟

[الزاجل]

مرحباااااااااااااااااااااااااااااااااااااااااااني


واشحاااااااااااااااااااااالكم جميعا عساكم ما تشكون باااااااس؟؟


السموحه عالعنوان >>بس بغيت الفت انتباهكم لهالموضوع المــــهم <<<في نظري




المهم ما بطول عليكم

بس بغيت اطرح عليكم موضوع للنقااااااااااش واتمنى من الكل التفاعل والمشاركه



شو رايكم في البنت _واسمحولي على الكلمه (( المستريله)) >> البويه


شو السبب لي يخلي البنت فجأه وبدون مقدمات تنقلب لولد؟؟؟



في رايكم هل هناك اسباب مقنعه اتخليها تتحول لولد (لدرجة انها تمسكن المدواخ في يدها) !!!!


تعتقدون الاهل يدرون بهالشي !!!




تعتقدون انهم يشجعونهن على هالشي !!!






في نظركم شو هي الاسباب؟

وكيف يمكننا ان نعالج هالكارثه اللي اتزيد يوم عن يوم؟



والسمووووحه


اختكم


الزاجل

[راعيها]

السلام عليكم ورحمة الله وبركاته

موضوع مهم اختي الكريمة ولا يحتاج لعناوين ملفتة

لان هذه الظاهرة تفاقمت وبدأت تكبر بشكل كبير وأصبح مجتعمنا الخليجي بشكل عام مهدد بهذا الغزو الفكري والإعلامي الذي يشنه علينا الغرب بالتعاون مع قنواتنا العربية ( للأسف )

في نظري ان قلة الوعي الديني وغياب الوالدين وأنعدام الامان في المنزل هو مايؤدي إلى هذا الجنوح الذي يخرج عن القيم الإسلامية والبشرية

ولاننسى دور الجامعة في زيادة هذه الظاهرة لان الجامعة تجمع خليط من الاعمار والعينات التي يفرزها المجتمع وهم مايسمى بـ الرفقة والاصدقاء

وايضاً من الاسباب مانسمع عنه في حديقة الممزر

يجب ان نتصدى لظاهرة الشذوذ قبل ان يصبح الوضع معقد ولا نفتح المجال امام دول تريد خللة الامن والمجتمع في الدولة وبالتحديد امريكا التي شنت حملة إعلامية بسبب قضية الشواذ التي حصلت مؤخراً

امريكا تدعم مثل هذه الامور وإذا لم نحلها فأن الوضع سيصبح أكثر خطورة

[الديوان الأحمر]

أشكرك غاليتي على إثارة هذا الموضوع فعلا أنه موضوع مهم


أوافق أخي الغالي ((راعيها)) الرئي في كل كلمة قالها

و أظيف على ما قاله قليل مما لدي ....

أن السبب ارئيسي الذي يجعل من فتاتنا اليوم تلجأ إلى هذا النوع من التغير
هو ((عدم الإقتناع بالأنوثة التي هباها الله لها ))فهي تضن أنها بهذه الطيرقة سوف تفلت من
وكر السيطرة التي تكون في الغالب مفروضة على الفتاة الخليجية .. سأوضح أكثر

هي تريد أقناع أهلها بأنها ليست أنثى بل هي ذكر فلا حاجة لهم أن
يحيطوها بسور الرقابة فبالتالي تفلت من هذا النوع من السيطرة ..و سبب ذلك
هو الشعور بالغيرة لمسألة امتلاك الشاب الحرية الأكثر من حرية الفتاة الخليجية


و هذا ما يخص رئيي الشخصي

و دمت غاليتي بود

[الموناليزا]

موضووع في غايه الاهميه ختيه الزاجل..ويبيله حل.....


شو رايكم في البنت _واسمحولي على الكلمه (( المستريله)) ]البويه

رايي فيها انها وحده ما تستحي ع ويهها ......هاذا اقل شي اقووله عنها....

شو السبب لي يخلي البنت فجأه وبدون مقدمات تنقلب لولد؟؟؟

ما دري بس يمكن ايكوون السبب هووه نقص عندها وتحاوول تملا هالنقص باشياء غلط.....ويمكن التقليد بعد....

في رايكم هل هناك اسباب مقنعه اتخليها تتحول لولد (لدرجة انها تمسكن المدواخ في يدها) !!!!
ولا سبب مقنع فالدنيا ايخليها اتسوي هالشي......

تعتقدون الاهل يدرون بهالشي !!!
باعتقااادي هالبنت اكيد ماوراها حد...ايداريها ويسال عنها ويعرف اعلومها..يعني يمكن اهلها كل حد فصووب ومحد ايطالع عليها..يعني باختصاااااار>>>>>>فاجيلها راسها.....



تعتقدون انهم يشجعونهن على هالشي !!!
اكيد لا..وماحد يرضى على بنته هالشي ولو درابها بيذبحها......





في نظركم شو هي الاسباب؟

وكيف يمكننا ان نعالج هالكارثه اللي اتزيد يوم عن يوم؟

اممم ما دري شو الاسباب بس اكيد التقليد يلعب دوور خصوصا افزمنا هاذا.....
الحل.....انه الاهل يهتموون فبناتهم حراام يهملونها وعقب يندموون ترا الندم ما يفيد بشي.....



هاذا مجرد رايي..........واختلاف الراي لا يفسد للود قضيه.....
اختج بونيتا

[الزاجل]

سلمتوا على المرور والمناقشة


وبالفعل ضعف الوازع الديني ادى لانتشار هذيه الظاهره
بالاضافه الى كثرة السفر للخارج والتأثر بالثفاقات المختلفه التي تتعارض مع ديننا الاسلامي
ونتمنى من حكومتنا النظر في هذيه الظاهره ومحاولت معالجتها .


اختكم

الزاجل

[رمش العيون]

مشكوووووووورة الغاليه على الموضوووع ....

و انا اعتقد اول سبب هو ضعف الوازع الديني ..

ومادري ليش بالضبط هم جي يسون ..

و شئ اكيد اهل ما يدروون .. الا يمكن نسبه بسيطه ,, و كيف راضين عنهم مادري

[بنت ابوها]

قبل لا تقولون الاسباب انتو ماتعرفون ان :
1.ساعات تكون البنت عايشه بين اولاد (يعني البنت الوحيده) ف تاخذ طباعهم .
2.ساعات تكون يتيمه او من بنات القصر فياخذون طباع اللي يربونهم (من ضرب و حرمان).
3.في بعض الاهالي مايلبسون عيالهم عاري ف عشان جي تلبس لبس البويات اللي ايكم امستر فضفاض.
4.و في منهم من يعانون من الهرمونات الذكريه الزايده.
5.و منهم لانهم يشوفرن ان حريه البنت محدوده في الخروج و الدخول ف يصيرون جي عشان يظهرون و يظهرن ع راحتهم.
6.ومنهم بس لانهم شافوها موضه قالوا يلا نسوي مثلهم.

بس اذا اللى تقصدونه رغبتهم و ميولهم للبنات فهذا اتوقع اللي ذكرته في رقم خمسه بيكون طبيعي في رأيي
ف شو رايكم بردي؟

[بنت ابوها]

اقصد رقم 4

[بوح القــوافي ®]

السلام عليج الغناه

اشكرج عالموضوع لي تفشا واستوى وباااااء <<<<<<<< احم احم




شو السبب لي يخلي البنت فجأه وبدون مقدمات تنقلب لولد؟؟؟

اولا ..الرفقه السيئه .. والافكار لي مدخلينها الغرب في مخوخهن ..



في رايكم هل هناك اسباب مقنعه اتخليها تتحول لولد (لدرجة انها تمسكن المدواخ في يدها) !!!!

ماشي سبب مقنع ...بس الوازع الديني والبعد عن رب العالمين سبب من الاسباب
وثانيا لفت الانتياه ..انا احس البويات بعضهن مافيهن ثقه بانفسهن ..فبجيه يلفتن انتباه البنات ..ويكونن علاقات خاطئة...وبعضها محرمه...لان لو تلاحظون في المجتمعات الخارجيه شوي يصطلبن....والبعض منهن يتحجبن للاسف


بتستغربوون اقول للاسف

لانها للاسف ما قدرت هالنعمه ولا فاهمتنها ..ولا تعرف عواقب ترك الجحاب والاستهانه به

وشي وحده اعرفها الله يستر عليها

بعد ما استوت بوي ونحن انصدمنا قعدنا نقنعها انها بتكون فجهنم لان تشبه بالرجال
قالت انااا يوم كنت بنوته محد عبرني ولا حد تعرف علي
واحينه اناا بوي كل البنات يبني

يعني بعض البنات لي يعيبنهن هالاشكال
يحفزنهن ع هالغلط

الله يهديهن


تعتقدون الاهل يدرون بهالشي !!!


بعض الاهل لاهين ما يعرفون حتى بنتهم اي صف ولا اي مرحله في حياتها
يعني اهمال الاهل له يد بالسالفه
وعدم متابعتهم لحركاتها
سبب من لسباب
وبعد لان بعضهن رابيات بين بيئه شبابيه

يعني الاخت كله عندها خوان ماشي بنت ..فمن كثر ما تيلس وياهم تتغير حركاتها..وحتى تفكيرها





تعتقدون انهم يشجعونهن على هالشي !!!


اكيد مافي في الدنيا والدين يشجعون عيالهم عالغلط
بس بعدهم عنهم
وعدم نصحهم لهن
وقلة التربيه الدينيه في راي سبب من لسباب




وكيف يمكننا ان نعالج هالكارثه اللي اتزيد يوم عن يوم؟


اولا

لهل لازم يتابعون عيالهم ..هب خلاص يبناهم والسلام
ثاني شي

لازم المجتمع يحتقر هالناس والكل ينصحهن ومحد بيتم ع هالغلط اكيد..بهداية الله

لكن بما ان في بنات مهتمات بهن اكيد ما بيتغيرن






السموحه عالاطاله والتفلسييييف والتنقيييييييع



وربي يهديهن قبل لا يوصلن لمرحله استحاله بعدها يردن عالدرب الصحيح









وداعة الله

[ريم الامارات]

السلام عليكم…
اشكر((الزاجل))على هاذا المو ضوع المهم..
وان اهم اسباب هاذي الضاهرة الابتعاد عن الصلاة …لان الصلاة هي عمود الدين
"وانَ الصَلاة تنهى عن الفحشاِء و المُنكر"..
و ابغي اذكر سبب مهم و هو عدم رقابة الاهل


ولا حول ولا قوة الا بالله

http://www.laaba.com/uploads/eadf1d3e02.jpg

[ما وطي الراس]

السلام عليكم ورحمة الله وبركاته
شيختي .. مشكوووره ع الموضوع ..
ولي مداخله ..
الغلط أول شي من الأهل .. التربيه ..
بالله عليج لو تربت على الدين .. بيستوي حالها جيه ..
وين مراقبة الأهل .. شفت إلا ظهور في بوظبي .. وين رقابة هلهم ..
تعرفين عمر بن الخطاب رضي الله عنه ..
مره في غزواته وكان يتفقد ..
ويوم خطف حذال واحد شافه يتلجع ومشيته هب مشية ريال((يدلع))..
جان يقوله :
مش عدل ..
قال : جيه مشيتي .. ما روم ..
فأمر عمر بن الخطاب -رضي الله عنه- .. بالقبض عليه ؟؟ .. فقاله : بتمشي عدل ؟ ..
قال : هاي مشيتي ... فزقر الجنود وقال ضربوه ...وبعد ما خلصوا من ضربه .... قال: مش ... قال : ما روم هاي مشيتي ..
فمره ثانية أمر الجنود بضربه .... فقال: مش... فقال : ماررررررررروم هاي مشيتي !!!!! ... فرد لمره الثالثه وقال ضربوه ضرب .... فقال: مش ... فمشا مشيت ريال ..
نحن أستوينا ما نقتدي بهم ..
::
الغلط الثاني .. منه من نفسه (( هذا الأول والأهم))
منوه أحي يتقي الله ..
منو من الريايل بيسر صوبها وبيقولها .. عيب يا بنت الناس إلي سوينه .. عيب .. اتق الله ..
أستوينا ما نرد المنكر .. وما نمر بالمعروف ..
الأنسان .. بيتحاسب .. ع كل شي .. فليتقن ربهن ..
::
وعندج الأعلام والعلمانيه و الغزو ..
::

علاجها التقوى .. لا طب نفسي .. ولا يحزنون ..

أسمحيلي طولت .. بس ما وفيت الموضوع حقه ..
ومشكووره طويلة العمر ع الطرح المميز

[بدويه مقلوعه]

والله الرااحه هالسالفه مالها حل غير عصااااااااااااااااااااااا محنااااااااااااااااااايه وظرب من الخاااااااااااااااااااااااااااطر من طرف الاهل

ومن المجتمع المفروووووووووووووض كلنا نطنز عليهن يوم نشووفهن ونحسسهن انه هالشي مب مرغووووب في المجتمع ...

لانه لا يفيد وياهن لا تثقيف ولا امحق طرق

ماااشي غير الشده لانها بصراااحه اللي فيهن لا زياادة هرمونات ولاشي ولاااا انهن يبن حريه .. ترانا نحن بنوووتات وشزينا وماطلبنا بالحريه هالكثر عيل ؟؟؟ شمعنى نحن ما اختربنا وهن هي ؟؟؟ اي حريه هاذي اللي يبنها ؟؟؟ ولا يبن الا فجاااج راااس وتقليد الغرب وهالافلام امممممممممممممممحق

المفروووووض كلنا نحاربهن
ولا ما بتمتحي هالظااهره


وتسلمين على هالموضووع لووووول وسمحيلي عاد

مقلووعه شسوي ؟

لوووووووووووول

[الزاجل]

قصدج مفلووعه خخخخخخخ

[بنت ابوها]

7. ترى في منهم بس سبورتيات لا تظلمونهم ولكل موضوع حدوده

[روح الهير]

هلا والله بالغالية الزاجل ........... أشكرج على طرح هالموضوع لانه مهم وااااااااااااااايد في أيامنا هذه........

أنا من رأيي الخاص أنه سبب ظهور البوووووويات سببه الاهل والبنت نفسها
لان الاهل على نياتهم يربون ويكبرون البنت وهم متأكدين وواثقين من أخلاقها
ما يدرون انها ممكن تتخلى عن مبادئها وأخلاقها يوم تظهر للمدرسة أو الكلية فهم
يستبعدون هالشي منها..... والبنت اتشوف اللي حواليها فتحب اتجرب واتصير مثلهم قوووو
ما تفكر في عواقب هالشي ........


المهم عسى الهداية للجميع ...... والله يستر عقب شو بيصير في مجتمعنا

[بدويه مقلوعه]

اعتقد من حقي اعقب على كلام شخص ... موضووع للنقاااش وكل واحد له وجهة راااي ...

بنت ابوووها ... كيف يعني سبوووورتيات ؟؟؟ يعني لابسات بناطلين وقمصان سبووورت نفس الشباااب ؟؟؟
وهاذا شي الدين والاخلاق والعادااات والتقاااليد يرضووووونه ؟؟؟
وبعدين السبوورتيه المفرووض في بيتها تكون سبووتريه هب جدام العرب .. هاذي هب من طباايع البدووووو طوولي بعمرج ..


كيف يعني سبوورتيات ؟؟؟ :confused:

شي عدل هاذا الحين ؟؟؟

مب شي

[عذبة المشاعر]

السلام عليكم ورحمة الله

مشكوره أختي على الموضوع

أنا ألي أعرفه حسب ما قالتلي ربيعتي وهي وحده من البويات يوم سألتها ليش تتشبهون بالريايل ردت والله نحن نبي نعيش و نجرب الحب وإذا كلمنا الشباب و الأهل كشفونا رقابنا بتنقص لها السبب أنجرب هالشعور مع البنات لا نتوهق ولا الأهل يشكون.............شورايكم على هالرد؟؟!!!!
والثانيه قالت لأني متربيه بين الشباب و كبرت وياهم
أنا بصراحه أحس أنه السبب غير مقنع لأنه الوحده ما تسوي جذه إلا إذا كانت شخصيتها ضعيفه.........

((لعن الله النساء المتشبهات بالرجال)))

[.. بـن سـاري ..]

ما عندهن سالفه ...........................

[الزاجل]

اشكر كل من مر على موضوعي وابدا رايه




بدويه فلووعه اقصد مقلوعه وانتي يا بنت ابوها

بلاكن طولي بعماركن تضاربن


صدق من قال (( اتفق العرب على ان لا يتفقوا ))


فديتكن صلن على النبي وما في داعي للضاريب

ولا اقول اتيارن بالشعر وخلونا نطمشششششششششششش

خخخخخخخخخخ

[الحر_العنيد]

السلام عليكم.....................

خواتي وأخواني الاعضاء

فيه شي غريب عندنا في الامارات وبااااااااااااادي ينتشر بكثره فحبيت اشوف هو بس عندنا والا في كل مكان



(((((((البنات المسترجلات)))))))) <<<<<<< البويات
لاتستغربون

والغريب انهن ينادن بعض باسماء ولاديه

يعني بالعربي مثلا عندنا بالثانويه وحدها اسمها

(عذبي\ نصور \ خيري \ .........)

لدرجة اننا ما نعرف اسمائهم الحقيقيه!!!!

أخخخخخخخخخخخخخخخخخخخخخخخخ

لاتستغربون هذا وانا ماعرف شي شفتهم<<<تمشي وعيونها في الارض

يعني اكيد انهم منتشرين

ياهل ترى عندكم يالاعضاء عيال مايعين؟؟؟؟؟

ياترى شنو السبب؟؟؟


لا وبعد الحين القصات قصات اولاد والشخصيه والعضلات

والنظرات تخوف و .......و.......
؟
بس ما نقول الا يالله بسترك

هذا بس عندنا في الامارات والله اعلم عن الدول الثانيه




(ياليت لو نناقش هذي المشكله ونرى مدى انتشارها في الدول والاسباب المؤديه الى ذلك)

والسموحه.................

[بوح القــوافي ®]

فديتج قلت من قبل ...


البنات هن لي عطن لهن اهميه عسب جيه منتشرات ولو محد يعبرهن الكل بيكره عمره وبيرد طبيعي


لو سمحتو حبيت انوه عن شي ...لان شي حد رامس وياي رسايل خاصه عن هالشي وانا اقول للكل..


انا فتواقيعي صح اكتب بوعناد ..بس انا هب بويه ...وهلي كلهم يسموني جيه لاني وايد ايلس ويا الشباب
ورباعتيه بعد يعرفني عدل ..واناا ما يخصني بهالبنات ...
عسبت جيه اسمي جيه في البطايق وسبيسي وكل مكان


يعني للعلم بس


واشكرج الغاليه عالموضوع خليتيني اظهر حرتيه


بس السموحه منج الموضوع منعاد



http://www.alhayar.com/vb/showthread.php?t=1226



وبس

[الحر_العنيد]

مشكوووره ع الرد الحلو............

[عبســـــــــــــي]

صرحه

موضوع قريته باحد المنتديات بس موضوع جامد
موضوع يرفع الضغط

(((((((((((((((الموضوع عن الشذوذ ))))))))))))))))))

صرحه هي السالفه موجود في كل ماكن حتا هنيه في الامارات تبان مثل عين الشمس

:eek:والمشكله اكبررررررر انها موجوده في المدارس وخاصه مدارس البنات :eek:
:eek:انا يوم قالولي انها موجوده حتا عند البنات انصدامت صدمه اعوذبالله منها :eek:

انتبهو حق خوتكم وخونكم لا يرحون في دااااااااااااااهيه
بعدين تقولون ياليت وياليت
اندوكم شفو بعيونكم

هاي في الكويت واسمها اثير واصله لبناني وعايش في الكويت
http://alndawi.com/alraiy/alraiy2.ram

خطأ في الرابط .. راعيها

وسلمتكم

[عيون بدووويه]

مثل ماقالت الاخت((ريم الامارات))
ويمكن هيه عايشه في وسط الاولاد
ويمكن اهلهاعودوهاعلى هذا الشى ...بقولكم سالفة بنيه صغيرونه عندنا في الفريج

السالفه سلمكم الله هيه:
ان بنيه عمرها 2 او 3سنين ودوم يلبسونها كندوره اولادولسانهاوحركاتهاخايسه وفوووووووق هذاكله عندها(( موبايل)) ويم يقولون لها لبسي لبس بنيه أتم اتصيح ماتبغي ولا بعد يزقروونها بأسم ولد......... يعني اهلهامافكرو فيها يوم بتكبر ..؟؟؟؟؟؟؟؟؟