=_اضحك وتخنق ضحكتي دموع_= نزف شماسي

[شماسي]

السلام عليكم والرحمه

ولاول مره وحصريا في الهير
انزل شي من خرابيطي اللي اكتبها

=_اضحك وتخنق ضحكتي دموع_=



اضحك وتخنق ضحكتي دموع
اضحك انا .. من حر مابي
اضحك وقلبي حيل مفجوع
من زود همي والمصابي
مدري علامه الحظ مقطوع
وليش النحاسه واقفه ببابي
اشكي وصوتي هوب مسموع
اشكي .. ولاحدن درابي
قلبي حزين والدمع مدفوع
والله العليم بما جرابي
العين ما تغضي بالهيوع
تالف ومتلوفه اعصابي
ازرع ولا ينبت لي زروع
حالي صعيبن وعايابي
كل ما اشعلت بدربيه شموع
يطفي الزمن شمعة شبابي
توني صغير السن موجوع
الله واكبر يالعجابي !!
دنيا وتبي الكل مخضوع
ويعيش في هم وعذابي
ما تعرف اني شخصن جزوع
ولكل شي ابغي جوابي
باجر ورانا يومن يروع
يوم الدفن تحت الترابي
ووراه يومن مابه رجوع
يومن فيه حساب وعقابي
انا تراني انسان قنوع
ارضى بما هو الحظ يابي
بس اشتكي من جرح مفروع
وسط الحشا سوى التهابي
واطلب من الله واخشع خشوع
والله كريم ووهابي




وسلامتكم
اختكم شماسي

[اشتقت للامارات]

صح لسانج ختيه

والابيات روعه

تقبلى تحياتى

[الولايات المتحده البدويه]

صح السااااااانج ختيا
والرب لا عدمج

[نفحة الهيل]

اشكي وصوتي هوب مسموع
اشكي .. ولاحدن درابي
قلبي حزين والدمع مدفوع
والله العليم بما جرابي
العين ما تغضي بالهيوع
تالف ومتلوفه اعصابي


صح لساااااااااانج يا الغاليه والله انه قصيدتج طرررررررر فديتج

ذكرتني..........!!



تحياتي لج ولا تحرمينا من كل جديدج

[صاحب الود]

:":


ابدااع

يا شمااسي انتي نورج نور علينا قبل لا تشرقي يا شمااسي

مبدعه في هذا الجزل


وياهلاا

[يـآس]

صح السان الشاعره شماسي

لج مستقبل ان شاء الله
ولاتخلينها اخر قصيده اهنيه .. نتريا ان جاد القلم ابشي :)

[الشاعرالحزين]

تسلمين اختي على هالكلمات
لج تحياتي
الحزين

[شماسي]

تسلموولي لا عدمتكم
ومشكورين على التشجيع
والرب حافظنكم من كل شر

[نصـــابه_طررر]

مدري علامه الحظ مقطوع
وليش النحاسه واقفه ببابي
اشكي وصوتي هوب مسموع
اشكي .. ولاحدن درابي
قلبي حزين والدمع مدفوع
والله العليم بما جرابي
العين ما تغضي بالهيوع
تالف ومتلوفه اعصابي
ازرع ولا ينبت لي زروع
حالي صعيبن وعايابي
كل ما اشعلت بدربيه شموع
يطفي الزمن شمعة شبابي
توني صغير السن موجوع
اهـ عمو شماسي ليش ليش تنبشين جرووح واحزاان جديمه ليش

[العقيد]

السلام عليكم ورحمة الله وبركاته

اضحك وقلبي حيل مفجوع
وليش النحاسه واقفه ببابي
قلبي حزين والدمع مدفوع
والله العليم بما جرابي
كل ما اشعلت بدربيه شموع
يطفي الزمن شمعة شبابي

ماشاء الله كلمة عذبة سهلة اللفظ قريبة المعنى

سلمت أختي الفاضلة وسلم شعورك الجميل

ننتظر جديدك وابداعك

مني أطيب الأماني

العقيد