مصافحتي الأخيره .. (( الوداعي))

[قصايد]

السلام عليكم ورحمة الله وبركاته



في البدايه وقبل ان اقول النهايه ...جئتكم اليوم لأقدم لكم حروف مبعثره قد تكون أخر حروفي هنا ...

لم اتمنى ان يأتي هذا اليوم وأودعكم يا أعزائي ولكن تمشي الرياح بما لا تشتهي السفن..

أود أن اشكر من عرّفني ودعاني لهذا المنتدى الرائع ولكن لن اذكر اسمه..فلك جزيل الشكر ..

قد اغيب عنكم لفتره طويله وان بقي فالعمر شيء ..فسوف ارجع اليكم اختا قادها الشوق لكم..

(( ولي طلبه ... اريد دعاكووو الطيب للعيوز ربي يشفيها ))



انا ذا اليوم با قول الوداعــــي **.** لناسن حبهم ف القلب سامي

اوادعهم لظرفـــن كان داعـــي **.** وابد لا كانت اسبابي خصامي

الا كم في وصلهم كنت ساعي **.** ولا جد صـار ورديت افكلامي

ولكن القــــدر ماله ارتجـــاعي **.** سلبني منهــــم والقلب دامي

انا ونــــيت مــــن زود التياعي **.** انوح الليل وعرباني نيامي

صفقت كفوفيه وقلت الوداعي **.** يالي من ريتهم ذقت الغرامي

ألا ذا الشوق زادنيه اندفاعي **.** لحرف اللي لهم ذا الجاش ظامي

تفند حرفهم هو صار راعــــي **.** لقيفانن ونال اعلى المقامي

فريدين الاصل نسل السباعي **.** حشامن والله هم اهل الكرامي

واختــم جيليه والقلب داعـــي **.** لكم يا احباب قلبي يالحشامي

وصلوا عالنبي سيد الشفاعي **.** عليه ازكى تحيه والسلامي



وسلمتــــوا ..

والسمـــوحه ع القصــــور في المنطـــوق

والسموحه يا خوان شما جاد الا ريتوا مني الزله..واشوفكوو على خير ان شاء الله

ختكوووو // قصـــــــــايــــد

[فتى الهير]

SIZE="3"]السلام عليكم ورحمه الله

في البدايه انا عضو يديد عندكم وابروحي تفاجئت الصراحة بالخبر المحزن علينا بان اختنا العزيزه قصايد بتغادرنا وعساها ترجعلنا بالسلامه ان شاء الله واقدم اكم عتذار جريح الحب ما يقدر يدش لظروف خاصة شوي بس من هول الخبر الصراحة خبرته والمسكين صدق تفاجا وعطاني هالكمن بيت وعساهن يعبرن عما في خاطره لكم ويشكركم على كل ما بذلتيه يا ختيه قصايد ويتمنالج التوفيق ويستسمح منج والسموحه[/SIZE]

بكت العيون من عقب الوداعي *** حزن شاعر على فراق الخليلي

الا وش ياك وش له هالوداعي *** ترانا خوان يا عز الصديقي

مضت الايام حلوه بتلاقي *** وعز الناس من عز الرفيقي

قصايد غادرتنا ويا التياعي *** الا من بعد اردود الجميلي

ترد عليك وتثنر بالجهاتي *** حروف الطيب والشكر الجزيلي

الا وحزن هالقلب بالفراقي *** الا وعوق قلبن يا خليلي

قصايد اخت بالعزه تراعي *** ولا قد من عدلها مصتصيبي

الف شكرا والف الشكر داعي *** وعذر الناس الكم محتوبي

وام الخير يعلها في سعادي *** وعسى رب الملا يشفيها وتطيبي

جريح الحب يقدم اعتذاري *** وترا هالقلب من الفراقى حزيني

والسموحه

[قصايد]

فتى الهيــــــر

تسلم يا خويه على ذا المرور لي اسعدني وشرفني ..وان شاء الله ان اذا الرب راد برجع لكوو

واشكرك يا خويه جزيل الشكر على كونك كنت حبل الوصل بينا وبين الاخ الكريم جريح الحب

رد عليه السلام وقله يسلم منطوووقك يالشاعر والله ان مجرد سلامه يسوى قوافي الشعر واكثر

لا هنتوا ولاعدمناكووو ...

لكوو مني اعذب وتحيه وتقدير

ختكووو / قصايد

[رواضـي]

واختــم جيليه والقلب داعـــي **.** لكم يا احباب قلبي يالحشامي

وصلوا عالنبي سيد الشفاعي **.** عليه ازكى تحيه والسلامي


فديتج قصاااااااايد خلج ع المنتدى يا ذوقي

فديتج انتي ما قصرتي فينااااااااااااااا

وربي يخليج ويحفظج عسى

فديتج انصدمت انج بطلعين غلاااااااااااي

فكري لا تطلعين

الله يقوم كل مسلم من المرض وتشفيهم انشاء اللله

آميــــــــــــــــــ اللهم ـــــــــــــــــــن


عااااااااااااااااااااااد لا تنسينااااااااااااا غلاااااااااااااااااااااااي

كنت انتي شاعرة الهير غلاااااااااااااااااااي

مشكوره

وربي يحفظج غناااااااااااتي

[رواضـي]

فديتج غلااااااااااااااااااي

أكيد أنتي بتردين لنا نحنا تعودنا ع قصايدج يا قصااااااااااايد

ربي يحفظج غلااااااااااااااااااي

[صاحب الود]

أمني رجعتك بعد الوداعي
................................... وتاري مرجعك من بعد عامي

ترا الاشواق والخافي يساعي
................................. يساعي وصلكم والشوق حامي

سلامي للعرب باع وذراعي
................................. وخاص الي بقربك بالسلامي

واهلك كلهم قرب وقطاعي
.................................. عسى المحفوظ يسعدهم مدامي

ابيح بكل حسي ولك أشاعي

................................... واداري خوفكم واربط خطامي

حزن قلبي على بعدك وضاعي
................................ وعن سفر العلاج حضر ولزامي

عسى المعبود يحفظكم ويراعي

................................... ويحفظ دارنا من شر طامي



السلام عليكم





قصاايد عسى رجعتك قريبه انشااء الله


حناا ندعي لج ولامج بسلامه




وانشاا الله ما تشووف شر



والسموحه على التتاخير




وياهلاا اخوووكم

[قصايد]

روااااااااضي ..

علني لا خلا من ذا المنطووووق العذب ولا خلا من هالتواجد الي يثلج الصدر

تسلمييين يا غناتي على كل حرفن كتبتييييييه ..وان شاء الله الأوضاع ترجع على ما كانت

وارجع لكوو يا غلايه ...

لا هنتي ولا عدمتج يالروووووض .. لج مني اعذب تحيه وسلام

ختج / قصــــــايــد

[رواضـي]

فـــديتـج قصاااااااااايـــد أنتي أسااااااااااس المنتـــــدى

لا هنتي لا تطلعيـــــن من المنتـــــــــــدى

[جريح الحب]

ختيه قصايد في البداية اسمحيلنا على القصور

قصايد اميره القوافي اخت عزيزه على قلوبنا سوف نفتقدها لفترة واكررها لفترة وان شاء الله ترجعولنا سالمين

والله يشفي الوالدة ويخليها لكم سالمة يارب ومنتدى الهير يا قصايد سوف ينتظر رجوعكم بشوق ^_^

والسموحة منج ختيه قصايد

اخوج الصغير

جريح الحب

[قصايد]

صاحب الود

صاحب القلب الطيب وصاحب الحروووف والبوح الراقي المعبر..

اعجز عن وصف وتعبير ما قرأة هنا من مشاعر نبيله وصادقه

صح الله لساااانك يالشااااعر ...واشكرك على ذا البوح الراقي

وانا اتمنى يا خويه اني اكووون فياكوو مره ثانيه

لك مني الشكر والتقدير .. ختك /قصـــــايـــد

[أصايل]

أصعب اللحظات واقساها على قلبي واثقلها هي تلك اللحظات التي تجبرني الى ما لا اطيق

لحظات الوداع،،

كم اقساها واشدها علي

لا اطيقها ولا اتحملها البتهـ

لكن ما عسانا ان نقول وهو امر محتم لا بدل منهـ

اليوم تمضين عزيزتي في طرقاتك مبتعده عنا


ولسان حالنا يقول


يا حادي العيس عرج كي اودعهم ××× يا حادي العيس في ترحالك الاجل

أشوق ولما يمض بي غير ليله ××× فكيف اذا خب المطي بها عشرا




قصايد اول من عرفت في هذا المنتدى واسعدني تآخيها

أميره هي بالفعل ،،

اليوم يضيق بنا الحال


علنا ان نلتقي في يوم لا يعلمهـ احد


دمعي بل عيناني

وقلمي نشف حبره

ما عساي القول



غدر الزمان بشملنا فتفرقا ××× والقلب ذاب من الجفا فتحرقا

والعين تدمع من فراق احبتي ××× هذا الفراق متى يكون الملتقى

يا هل ترى الايام تجمع شملنا ××× ونفوز منها بالمسره واللقا


ويضل السؤال يكرر نفسهـ......

[قصايد]

أصـــــايـــل


خويتيه وصاحبة اطيب قلب .. علني ما خلى من ذا المنطوووق والاحاسيس لي بالفعل تأثرت بها

الوداع والمفارق هو صعب عليه ولا قد تمنيته ولا قد حد تمناه ..ولكن هذا الاقدار

ختيه ... كلمااات معبره ولكن حضووورج وومرورج اشعرني بأن هناك من يحمل ذكراي معه

اشكرج يا ختيه جزيييل الشكر على ذا المرور والرد الرااااااااااااااااائع ..

لا خلينا منج ولا عدمنااااااج يا خويتيه ..

ختج / قصـــــــايـــد

[الموناليزا]

°o.O قصايد O.o °

اسم دائماً ما يشدنا إليه بإسلوبه الرائع

°o.O عزيزتيO.o°

تمر للواحد ظروف تكون اقوى من حيلته فما نملكه سوى الدعاء لكم
وذكركم باقي دائما بقلوبنا قبل عقولنا

..
دنيا وحكمها عليــــنا امطاعـــــي .. مانملك الحـــــــــــيله لكم وقت الوداع
شليت من ذكري وهبيت ساعــــي .. ابغي وصلكم ولـــــــــــو بعد انقطاع
قصايد اليوم وذكرها في سماعي .. لوغاب شوفها انا لشعرها فـ استماع


تروحون وتردون بالسلامه ان شاء الله والله يشافيها ياربي ماتشوف شر ..

لج اعذب تحيه

[صاحب الود]

شكراا يا قصايد ولكي الاحترام وكل ما كتبته لكي لا يرقا لكي
بل مقصرين جداا



واقوووول :


سلامي يا موشح هب ذااعي
..................... هبوب الكوس ذعذاعه نسامي

سلامي به خزام وعود فاعي
..................... بطيب المسك نسماته تداامي

لكم في مهجتي طيب ً ولاعي
.................... نبع طيبه من النية كلامي

لك الحشمه نقدمه مطاعي
.................... رفيع المستوى نال احترامي

قصايد تنتقي معنى وساعي
.................. قصايد صعب نحملها ملامي

قصايد نرفع الراية خضاعي
..................... تراها عامره بكل الوسامي

ابيح بظرف ساعات الوداعي
................... حزن فرقا قصايد يا عماامي

[قصايد]

بــــونيــــــــتا ..

الاسم الذي طالما رأيته احسست بالراحه والفرح ... يسعدني هذا الحضوور والمرور المشرف

وكم اسعدتني هذه العبارات والحروووف الرااائعه .. سلمتي يا خويتيه ولا هنتي

ويسلم لي ذا المنطوووق العذب .. اشكرج يا ختيه وان شاء الله ارجع لكوو مره ثانيه

لا هنتي يالغلا ولا عدمنااااااااااج ... لج اعذب تحيه من ختج / قصـــــــايــــد

[قصايد]

صاحب الود ...

سلمت يالشااااعر ...ويسلم لنا ذا البوووح الراقي

اشكرك شيخي .. لا هنت ولا هان منطووووقك .. واسمحليه بكمن بيت


الا يا حي من ياني وذاعي **/** سلامن عذب كله احترامي

ارحبه عدد مالقاف طاعي **/** وعد ماغنى عالغصن الحمامي

وما عبدن لربه كان داعي **/** يشوف النور من بعد الظلامي

ظلامن حل من يوم الوداعي **/** لشخصن كان حبه فوق سامي

انا ذا اليوم بعقده اجتماعي **/** بــــين الروح وقلبن دوم ظامي

وبثبت بأن حرفك كالشعاعي **/** وكانه خير يهمل مـ الغمامي


والسمووحه على القصور في المنطوووق يالشاعر

لك التحيه والتقدير ... ختك /قصـــــايـــد

[ساكن زاخر]

أصعب اللحظات لفراقي ... خصفها من شخص غالي

قصايد ... استاذة الشعر
قصايد ... صاحبة الحضور المميز
قصايد ... أخت الجميع

قصايد .... قصايد

ما في شي اصعب من فراق الاخوه

اذا قدرتي لا تفارفقينا

واذا امر لازم

فلا حول ولا قوة الا بالله

ربي يحفظج

لا تخافين محد في هالمنتدى بينساج

لكن نحن طمننينا ... هل انت بتنسينى والا لا ؟

مع التحيه والاشواق وشكراً

سااااااااكن زاخر

[صاحب الذوق]

عسى الله يشافي مريضكم وصح لسانج على القصيده الحلوه تسيرين وتردين بالسلامه

[دموع الشوق]

تسلمين على القصيده الغاويه ولا هني
و
ربي يشافي يدتج وردكم لنا بالسلامة

بنفقدج حييييييييييييل

ما تقدرين تتواصلين ويانا ولو على فترات متقطعه

والسموحة

دموع الشوق

[قصايد]

ساكن زاخر .... صاحب الذوق .. دموع الشوق

اول بادي اريد اقول لكو اني هب قصايد انا ختها بس هي الحين تسلم عليكو وتشكركو على الرد الحلو

وتقول لكو انها هي عارفه جيف اتعبر عن لي فداخلها ..

وتطلبكو السموحه .. وانا بعد اطلبكو السموحه جاد الا ماعرفت جيف اوصل لكو الرمسه لي فخاطر قصايد ..

فداعة الله

[صاحب الود]

هلاا



والله ونورتي اختي ... مدري نسميج قصايد 2 احسن والله يرد ها باسلامه


وياااااااهلا

[! حلو المزوحي !]

صح الله لسانج يا قصايد

والشاهد الله انج شاعره واخت غاليه على المنتدى

ونحنا نرقب عودتج يا ختيه بشوق ولهفه

وعسى الوالده ما تشوف شر ياربي

ومنج العذر

حلو المزوحي

[نفحة الهيل]

صح لساااااااانج سا الغاليه ويعل تشافا امج وتردون بسلامه

ونرقب وصولج