سؤال للبنات فقط؟؟؟؟

[ملسونه لكن مزيونه]

السلام عليكم :-

سؤال للبنات فقط؟؟؟؟


كثر الحديث عن العنوسة وأسبابها وتأخر سن الزواج للكثير من الفتياااااات

بسبب الدراسة ، أوظروف العمل ،أوغلاء المهور،
وفي ظل الأسباب والتغيرات التي
أثرت في مجتمعناالخليجي
ماهو رأي الاخوات
في تعدد الزوجات
؟؟؟؟؟؟؟؟؟؟
وهذا سؤالي لكل فتاة

هل تقبلين أن تكوني زوجة ثانية أولا ؟؟؟؟؟

وهل يمكن في ظل ضغط معين أن تقبلي .. كتأخر سن زواجك وقلة الفرص

يجعلك تقبلين أن تكوني زوجة ثانية أو ثالثة . ؟؟

أرجو أن أرى وجهات نظركم حول هذا الموضوع وبكل صراحة.

في انتظار الرد

[فوع الزعفران]

السلام عليكم ورحمه الله وبركاته ...

ملسونه لكن مزيونه ...

الله لا يبلينا بالعنوسه والخير وايد الحمدالله ^_^ وبالنسبه للسؤال اللي طرحتيه ((هل تقبلين أن تكوني زوجة ثانية أولا ؟؟؟؟؟))

انا اعرف نفسية حريم هالايام اذا وحده ريلها عرس عليها تمووت غصه لكن اذا كنت انا الزوجه الثانيه مستحيل اوافق لأني اعرف بأن حرمته الاولى مالها ذمب وانا ما ابغي اخرب عليهم سعادتهم لأن كل حرمه تعتبر ريلها جوهره غاليه وثمينه لها وبس (( واذا الحرامي سرق شي ثمين فأكيد صاحبه بيزعل )) وانا ما ابغي اكون سبه تعاستها ...

وبتم عانس ابرك لي فبيت اهلى بعيد عن المشاكل وعوار الراس ^_^ ..
والسموحه هذا مجرد وجهه رأي .. فــــــ الزعفران ـــــــوع ...

[فـــطـــامي]

انا مع ختيه فوع الزعفران .. اصلا لفظ عنوسه مب حلوو .. الله ما كتب الها انها تعرس نروح ونسميها عانس .. عيل في من الرياييل ما بعرسون يلين ما يصكون ال 30 ما شفت حد سماه عانس خخخخ

على قولت المصاروه .. ظل راجل ولا ظل حيطه .. والحرمه محد بينفعها الا عيالها .. هلها هب دايميين حقها .. يعني اذا تأخر نصيبها .. شوفيها .. عادي ترضى بالنصيب .. بس يعني مب اي حد دق الباب راحت ووافقت ..

بعده لقت عانس اهون عن مطلقه ..