ضرب ف ضرب

[نصـــابه_طررر]

الســلام عليكــم ورحمة الله وبركاته..
جيف حالكم..عماميه وعماتيه
مممممممممم ماعرف شو اقول او من وين ابتدي ممم الموضوع جدا جدا خااص حق الشاب..الحين بيحرجن البنياات خخخ وبينقع البكس طااخ طراااااخ طيييخ هيهيهيه........المهم ماعلينا
اغلبية ربيعاتيه يشكون من خوانهم وطريقة معاملتهم لخواتهم والله ان ربيعتيه تقوليه ع ادناات شي اسويه ف البيت اخويه مايصدق ع طول يبدا ويكفخني ويمسح بيه الارض تقول مااقدر اطلع من غرفتيه والسبب هو وان ماطلعت ويلست وياهم يحدرون غرفتها ويبدون يدورون ع البطاقه او المبايل او...اي شي ثاني يعتقدون انها مطلعتنه بالدس عنهم...والثانيه تقوليه مره روح عنيه الباص ف ربيعتيه حبت تسوي فيه خير وصلتني لين البيت وحدرت البيت ورمست امايه ..امها تفهمت الموضوع لاكن اخوها اول ماوصل البيت والله والله انها تصيح وهي تخبرنيه وتراوينيه اثار الضرب ف ايدها تقوليه ماتفاهم ويايه ياب الخيزرانه وضربني بها وعقب مانكسرت ياب الواير مال الكنديشن وقطعااه ع ظهريه والله انيه صحت ماتوقعت انه شي نااس بـ القساوه هااي.. مافيهم رحمه ليــــــش هالاخوان ماعندهم ثقـــهه ف خواتهــــم؟؟(حتى اخويه العوود مره هددنيه ان سويت شي او سمع عنيه ادناات شي قال حق امايه والله لذبحها ف نص الحوي وادفنها هيهيهييههه ماعنده شغله يتحسبنيه عنزه خخخ) ؟؟؟ انتو تعرفون شو ممكن انها تسوي البنيه لو انها غايضت وعاندت تعرفون ربيعتيه شو تسوي كل ماتنظرب تطلع ويا واحد من الشباب تظن انهم بيساعدونها وبيخففون عنها للاسف ماتدري انهم اخس واخس يدورون عن البنيه الضعيفه اللي ماعندها حد يوقف وياها((بدال ماجحلها عمتها)) والثانيه تاخذ عشــر طعشر حبة بندول يعني تحاول تنتحر ..ماتدري ان مصيرها نار جهنم لو ماتت وهي منتحره.......... نصيــــحه لكل اخ,اب,زوج اخـــــر اسلوب تستخدمونه هو الضرب ..تفاهمو معاهن شوفوا شو اللي خلاهن يسون هاجه والله ماشي احسن من الكلمه الطيبه..الكلمه الطيبه اللي طالعه من القلب..واحنــــا بشر نخطي هب معصومين من الخطـأ..
اسمحوليــه طولت عليكم
بس والله لو الموضوع هب مهم بالنسبه ليه جاان ماتعنيت ورمست عنه..
اتريـــا ردودكم..


بنوتتكـــم الصغيرونه
نصــــااابـ(^ــ^)ــوو

[ملكة الحور]

الســلام عليكــم ورحمة الله وبركاته..
جيف حالكم..عماميه وعماتيه
مممممممممم ماعرف شو اقول او من وين ابتدي ممم الموضوع جدا جدا خااص حق الشاب..الحين بيحرجن البنياات خخخ وبينقع البكس طااخ طراااااخ طيييخ هيهيهيه........المهم ماعلينا

وعليكم السلام ورحمة الله وبركاته

^ ___ ^ من بدايتها ضرب وطراقات


اغلبية ربيعاتيه يشكون من خوانهم وطريقة معاملتهم لخواتهم والله ان ربيعتيه تقوليه ع ادناات شي اسويه ف البيت اخويه مايصدق ع طول يبدا ويكفخني ويمسح بيه الارض تقول مااقدر اطلع من غرفتيه والسبب هو وان ماطلعت ويلست وياهم يحدرون غرفتها ويبدون يدورون ع البطاقه او المبايل او...اي شي ثاني يعتقدون انها مطلعتنه بالدس عنهم...

مشكله الشك منتشره في كل بيت وفي كل زمان ومكان ... وفي شئ اسمه مرض الشك ( شكله عند خوان ربيعج )

المهم الشاب الي عنده علاقات ومعاكسات اكيد 100 \ 100 بيشك في خواته , لانه يتوقع ان كل البنات مثل الي يكلمهن

والي يطلع معاهن .. وهذا تفكيره ضيق ومتخلف ..

وهؤلاء لازم يكون التصرف معاهم حازم من قبل الاهل إذا كانت البنت مظلومه , ويتوقف عند حده .

والبنت الي واثقه من نفسها ما عليها من حد ولا تخاف من تهديدهم ولازم تواجهم وتوقفهم عند حدهم ....



(حتى اخويه العوود مره هددنيه ان سويت شي او سمع عنيه ادناات شي قال حق امايه والله لذبحها ف نص الحوي وادفنها هيهيهييههه ماعنده شغله يتحسبنيه عنزه خخخ) ؟؟؟
الله يعينج على بلواج .... في اي عصر نحن عايشين ....



تعرفون ربيعتيه شو تسوي كل ماتنظرب تطلع ويا واحد من الشباب تظن انهم بيساعدونها وبيخففون عنها

تصرفها يدل على ضعف الوازع الديني ومراقبة الله , وهيه غلطانه وما بتضر غير نفسها ...



نصيــــحه لكل اخ,اب,زوج اخـــــر اسلوب تستخدمونه هو الضرب ..تفاهمو معاهن شوفوا شو اللي خلاهن يسون هاجه والله ماشي احسن من الكلمه الطيبه..الكلمه الطيبه اللي طالعه من القلب..واحنــــا بشر نخطي هب معصومين من الخطـأ..

حتى لو غلط الانسان فهو غير معصوم عن الغلط ,, ربما كان بسبب الجهل وقلة المسؤليه

فالتفاهم هو بداية حل المشكله وإذا لم ينفع تستخدم الطرق الثانيه من التهديد والضرب ( بدون ذبح ) ^ _ ^

ومن البدايه إذا تربت البنت والولد على الاخلاق والفضيله ومعرفة الحلال والحرام وحدود شرع الله

يكون افضل قبل ما تستوي المشاكل والجرائم ....

والسموحه منج ع القصور .

[MAFIA]

عليكم الـــــسلام




كل الشكر لج ختيه على هالموضوع


بصـراحـه الموضـوع حساس


وخصوصأ ان نحن في مجتمع قـد يهضم البعض في حق النسـاء




بالنسبه لموضوع ان هل يستوي ان الأخ يضرب اخته

انا اشـوف انه اكيد شي عادي


بـس مايكون هالضـرب للوجع بل للرجع


يعني مايستوي يضربها لانه يبي يعورها ويسبب لها آلم


المفروض انه يوم يضربها يكون له سبب مقنع فيكون ضربه تربيه لاترهيب


انا اشــوف ان هالأخ يمكن شـاف شي في اختـه ويحسه في نـظره انه شي يُـنقـص من إثبات وجوده فيحاول ان يعوضـه في الــبيت



الله يعينها ويصبرها وان شاء الله هالأشيء تختفي من مجتمعنا المجتمع الذي تربى على حفظ حقوق النسـاء متبعأ ذلك للدين الحنـيف

[نصـــابه_طررر]

مشكووووور عمو ملكة الحور
ومشكور عميه مافيا
ع مروركم الطيب ربي لاهانكم

[$ملك البداير$]

السلام عليكم والرحمة

اشكرج اختي نصابة على طرح هذا الموضوع

والله انصدمت من الي قريته

وحليلهن البنات مالهن ذنب

يمكن لانه الولد له علاقات ومغازلجي

عسب جيه يشك في خواته

وحليلج انتي بعد ههههههههه

اخووج هددج وقالج بيذبحج في نص الحووي الاخت عنزة وانا ما ادري

وانا لي اقدر اقوله انه الله يهدي شبابنا

ويصلح بالهم

شكرا عموه نصابة على طرح هذا الموضوع

بيض الله ويهج

والسمووحة

عمج ملك البداير

[رحــــــاله]

لا فديتج ماعاش إلي يدفنج و أنا حيه ...موضوعج واقعي جدا وياما اختربن بنات من الضرب !!.....

شوية توعيه ( لا تفي بالغرض ) ....التفاهم ( صعب جدا)...الحل ! ماشي مستحيل :)..الزمن يلعب دور ..

الله يهدي الناس و ينور عقولهم ^^

أختج العوده

[عاشقه نذله]

هذيلة الشباب الي تتكلمين عنهم هم يرمسون بنات
وما يبون خواتهم يطلعن مثل البنات الي يرمسوهن
هم ما يعرفون ان يودانتين دان دان
قصدي كما تدين تدان
مب كل شي اي بالعنف بالعكس العنف يخلي البنت تشرد والا تنحرف والا تنتحر
هم بالطريقة ما حلو المشكلة هم زادوها
الكلمة الحلوة احسن شي ولازم الريال يقعد فالبيت عند اهلة يسولف وياهم يشوف طلباتهم
مب طول اليوم حواطة ومغازل ويوم ايي البيت يستوي ريال
ولازم يثق فاهلة
بس بعد البنات لهن دوور كبير عشان اهلهن يثقون فيهن
من طريقة لبسهن من اختيارهن لصديقاتهن ومن اليلسة فحجرهن وهن قافلات الباب
انا اقول ان الطرفين مشتركين فهالمشكلة


يسلمووووو

[جنون الحب]

اذا شاف شي منها مب زين ويخرب سمعته وسمعة اهل البيت من حقه يضرب ولكن بحدود

مشكوووره ع الموضوع فديتج

يسلمووووو

[نصـــابه_طررر]

عميه ملك البداير
عموو Khanoom واااي جان استانس قالت ليه فديتج خخخ اووج حرررره
عمو عاقه نذله
عميه جنون الحب
اشكركم ع مروركم الطيب وتفاعلكم اللي جنه تفاعل كيميائي خخخخخخ
اووج

[اللحظة الأخيرة]

يالله,, صحيح فيه واااايد شباب جيه<<كلن يرى الناس بعين طبعه

الولد يوم يكون له سوابق تلقاه من داخل يحب اهله و يخاف عليهم شي أكيد.. بس يتعامل بالضرب لأنه الخوف عنده كبيييير<<طبعن اترفع من انيه اقول ريال,, اللي يضرب مب ريال فعينيه

بس كل شي لو انه غلط كبير في اسلوب للتفاهم,, و صح,, يمكن يخليها تسوي غلط أكبر من جيه

يعني هو السبب فأشيا وايده,, يمكن اتعقد بعد

بس الله يعينهم و يهدي اخوانهم

سلمتي اختيه عالموضوع المميز

و السموووووووووووحه

,
,
,

[الموناليزا]

هالفئه مب طبيعه اختي

لانه الضرب عمره مايحل مشاكل بالعكس ايزيد المشاكل

شي اسمه تفاهم بس تأكدي انه اللي يضرب خواته هذا مب ريال ,, الريال يقدر يغير بكلمته مب بقوته

وكلن يرى الناس بعين طبعه >> اللي يشك بهالاسلوب يتحرا الناس كلهم نفسه ,,

يعطيج العافيه ختيه ع الموضوع

.

[[ قلب مضنوني ]]

مب كل الشباب وااااااحد بس لا تلومونهم انتو ما تشوفون اللي نشوفه وترا اللي ما يغار عخواااته جلب


والسموووحة

[نصـــابه_طررر]

عمو poneeta تعرفين شكلنا بناكلهم لحم خنازير عشان مايشكون ويغارون خخخخخ
عميه مقدر اجمل اوكي بس بحكمه وعقلانيه هوب بالضرب بالعكس الضرب يخلي البنيه تعاند اكثر خخخخ
ثانكس ع مروركم الطيب