هل من الضروري ... الخطيب يكلم خطيبته في الموبايل ؟؟

[الحرف العنيد]

بسم الله الرحمن الرحيم

السلام عليكم ورحمة الله وبركاته

سؤالي موجه للشباب أولاً وللبنات ثانياً ...

+ الشباب +

++ هل انته مع أو ضد انه الواحد يكلم خطيبته في الموبايل ؟؟

++ شو المواضيع اللي بتكلمها فيها ؟؟

++ اذا عرفت انه عندها موبايل قبل ماتخطبها شو بتكون ردة فعلك ؟؟

++ كم بالمية تعتقد ان نجاح زواجك يعتمد على هالمرحلة ؟؟


+ البنات +

++ لو طلب منج خطيبج تكلمينه بتوافقين ؟؟

++ هل تتوقعين تكونين جريئة أم لا ؟؟

++ اذا قالج بعد الزواج اللي كانت تكلمني هب غريبه عليها تكلم غيري ؟؟ شو بتكون ردة فعلج ؟؟

++ كم بالمية تتوقعين ان نجاح زواجج يعتمد على هالمرحلة ؟؟




نشوف آراءكم ...

وتقبلوا التحية

[الموناليزا]

السلام عليكم ورحمه الله وبركاته

اول شي .. اشكرك ع الموضوع خويه ..
....

++ لو طلب منج خطيبج تكلمينه بتوافقين ؟؟
جيه نحن وين ساكنين وبعدين دامها الا خطبه تراه ماصار من محارمها بعده الا اذا عقب الملجه هذا شي راجع لاهلها قبل كل شي


++ كم بالمية تتوقعين ان نجاح زواجج يعتمد على هالمرحلة ؟؟
اخي الكريم ...
الخطبه هي فتره لاختبار الاهل لزوج بنتهم مب انها هيه تختبره فتره لانه الاهل يسئلون عنه ويتخبرون عن اخلاقة ويضمنونه هل هو الانسان الجيد لبنتهم وانه بيقدر يحافظ عليها او لا هالموضوع مب نفس ما الاغلبيه فاهمينه انه فتره الخطبه تكون تعارف بين الخطيبين .. لا فتره الخطبه فنظري هيه أهميتها للأهل بالدرجه الاولى وانهم يطمنون على بناتهم ومن عقبه عاد يشوفون اذا زين او لا وراي البنت فيه اما عن انه متى بيكلمها وبيعرف شخصيتها هذا اعتقد من عقب الملجه لانها خلاص استوت حرمته وواجبه عليه انه يسأل عنها ومب شرط يكلمها حتى عن طريق الاهل يتخبر عنها خلاص توفي الحايه ..

شكرا للطرح لهذا الموضوع

دمت بالخير

[غرشوبة البدو]

بسم الله الرحمن الرحيم

السلام عليكم ورحمة الله وبركاته

وعليكم السلام ورحمة الله وبركاته

+ البنات +

++ لو طلب منج خطيبج تكلمينه بتوافقين ؟؟

الصراحه انا من نفسي مابرمسه ^ـ^ يوم بكون ع ذمته هذاك شي ثاني

منقووووووووووود عندناااا

++ هل تتوقعين تكونين جريئة أم لا ؟؟

لالالالا انا وااااااااايد استحي

++ اذا قالج بعد الزواج اللي كانت تكلمني هب غريبه عليها تكلم غيري ؟؟ شو بتكون ردة فعلج ؟؟

شوف هب شرط الي ترمس واحد تحبه او خطيبها تكون رمست الف واحد غيره,, وبعدين هو الي طلب هالشي,, وكلن يرا الناس بعين طبعه,, واصبووع ايدك هب وحده,,,

بس دامني مابرمسه يعني مابسمع هالرمسه العوووفه منه

++ كم بالمية تتوقعين ان نجاح زواجج يعتمد على هالمرحلة ؟؟


أن اي حب وأي زواج ناجح يتطلب أمور قد

لا تكون كثيرة ، ولكنها مهمة لنجاحه مهما أختلفت طرق الزواج او التعرف

ولعل أهمها النضج واحترام الآخر والثقة وتحمل المسئولية .....

ومتى ما توفرت مثل هذه العناصر كان الزواج ناجحا واستطاع الزوجين

التغلب على المشاكل التي قد يواجهونها في حياتهم ....

وماعندي نسبه معينه


ومشكووور اخويه ع الموضوع

والله يعطيك العافيه

ربي يحفظك

^ـــــ^

[مس كشخه]

+ البنات +

++ لو طلب منج خطيبج تكلمينه بتوافقين ؟؟

بقوله سمحلي,,,^_^

++ هل تتوقعين تكونين جريئة أم لا ؟؟

مستحييييييييييييييييييييييييييييييييييل انا وايد استحي ^_^

++ اذا قالج بعد الزواج اللي كانت تكلمني هب غريبه عليها تكلم غيري ؟؟ شو بتكون ردة فعلج ؟؟

عادي,,,لأني الي باخذه ان شاء الله ما بتكون بيني وبينه علاقه قبل الزواج ^_^


++ كم بالمية تتوقعين ان نجاح زواجج يعتمد على هالمرحلة
صبوووووووووووعك ايدينامب شرات بعض,,يعني مب كل حياة زوجيه تفشل شي بعضهم يكونون مستانسين ^_^

[رحــــــاله]

السلام عليكم ..
أولا ..مشكوووور ترابيشو على هالموضوع ..ال ممم إلي ممكن نختلف فيه ^ ^
الصراحة استغربت يوم شفت ردود الفعل .. :)

أنا بجاوب على الجزء إلي يخصنا ^^

+ البنات +


++ لو طلب منج خطيبج تكلمينه بتوافقين ؟؟
نعم ..بوافق.... لإنا في خاطري اعرف ابسرعه الانسان إلي برتبط فيه :)

++ هل تتوقعين تكونين جريئة أم لا ؟؟
مممم لا ما اتوقع هالشي ..لأنها بتكون مسألة و قت ..انسان غريب يكلمني في التلفون صعب اني أخذ و أعطي وياه بسهوله ..يعني يمكن ما اتكلم إلا بعد اسابيع من اول مكالمه ..

++ اذا قالج بعد الزواج اللي كانت تكلمني هب غريبه عليها تكلم غيري ؟؟ شو بتكون ردة فعلج ؟؟
هههه ..هذا اصلا إذا كلمته ..ماشي بقوله.. جنك خطبتني قبل لااترمسني .. بس يمكن يكون كلامه صحيح (إذا) رمست كل من طلب مني ارمسه ..اهنيه الموضوع يختلف ..الولد بيكون خاطبنها ومن حقه يعرفها قبل لا يملج عليها و يتورط إذا ما عيبته البنت و نفس الشي البنت ..المفروض يعرفون بعضهم أول شي ..و هالشي حلال و انا متأدكده من معلوماتي ^^

++ كم بالمية تتوقعين ان نجاح زواجج يعتمد على هالمرحلة ؟؟
خلنا انقول 50% ...لإنا أغلب هالأشياء ما تعتمد على التوقع ...بل : تعتمد على الناس نفسهم ..يعني ( الخطيب و خطيبته )


يمكن اتشوفون رائي مب في محله .بس هذا إلي في خاطري ^^..
..و أنا عن نفسي أتقبل الاختلاف في هالآراء ....لإنا هالأشياء ما اتصيير إلا بعد قناعه من الطرفين ..

:)

[ملسونه لكن مزيونه]

++ لو طلب منج خطيبج تكلمينه بتوافقين ؟؟ هيه يعني عسب افهمه عدل هو يفهني هذا زواج مسؤؤليه هب لعب وبصراحه بعد عسب اتعود عليه
واحبه لان ما احب اقعد ما اشخاص ما احبهم او مو متعود عليهم واسولف معاهم



++ هل تتوقعين تكونين جريئة أم لا ؟؟انا عن نفسي في حياتي العاديه جريئه عاد لا تفهموني غلط (اعتقد بكون جريئه)


++ اذا قالج بعد الزواج اللي كانت تكلمني هب غريبه عليها تكلم غيري ؟؟ شو بتكون ردة فعلج ؟امممم سوال صعب ؟؟؟اعتقد اني بتهاد وياه لان انا رمسته هو على اساس بيكون ريلي هوه ماله حق يقولي جذا بيكون وقح اذا قال جذا ما يتستاهل حد يعيش وياه
بعدين اهلي ما بيرضون علي


++ كم بالمية تتوقعين ان نجاح زواجج يعتمد على هالمرحلة ؟؟
80%لان مستحيل زواج او بيت ما فيه مشاكل ع حسب الريال وحرمته والتفاهم يلا بيكون بينهم

[المـــــ دلوعة ـــــزاريع]

++ لو طلب منج خطيبج تكلمينه بتوافقين ؟؟


لاا ما بوافق اكيد ما هما كان نحن النا عادات وتقاليد ما تسمح لنا نكلم حد ما نعرفه عدل


++ هل تتوقعين تكونين جريئة أم لا ؟؟

لا ما بكوون لااني استحي ((((((((( نادرا ))))))))))))



++ اذا قالج بعد الزواج اللي كانت تكلمني هب غريبه عليها تكلم غيري ؟؟ شو بتكون ردة فعلج

وانا بقوله نفس الكلام وبنرفز عليه وبقوله في هاي المرحله انت اللي طلبت مني اكلمك لأني عقب بتستوي زوجي
يعني كل واحد لازم يعرف شخصيت الثاني وانشالله بيتفهم وهو ريال عدل



كم بالمية تتوقعين ان نجاح زواجج يعتمد على هالمرحلة ؟؟

يمكن 80% اذا مافي غيره ولاسك بين الطرفين




والسموحه

[أل ديين الكعبي]

++ هل انته مع أو ضد انه الواحد يكلم خطيبته في الموبايل ؟؟
ضد
++ شو المواضيع اللي بتكلمها فيها ؟؟
ما افكر اتزوج لين ماخلص دراستي وشتغل
++ اذا عرفت انه عندها موبايل قبل ماتخطبها شو بتكون ردة فعلك ؟؟
لا تعليق
++ كم بالمية تعتقد ان نجاح زواجك يعتمد على هالمرحلة ؟؟
40%



وبصراحه الموضوع حلو


وحبيت اشكر الاخ ترابيشو على الموضوع