هل من حق الزوج تفتيش موبايل زوجته::. والعكس صحيح

[يتيمه من عقب زايد]

لســــــــلام عليكمـــ


شحالكم

والله انا شفت هل الموضوع وعجبني واريد ان تقولون رايكم فيه بكل صراحه


أحيانا يساور الرجل بعض الشكوك أوحتى الفضول للاطلاع على هاتف زوجته..


او الاخ لاخته...


وسؤالى هنا...


هل من حق الزوج التفتيش والاطلاع على أرقام زوجته ومكالماتها ووقتها!!!!!!!!!


وكذلك هل من حق الزوجه تفتيش والاطلاع على ارقام زوجها ومكالمته؟؟؟؟؟؟؟



والسمــــــــوحهـ


منقوووول

[غرشوبة البدو]

بإختصار شديد ..

.. ليس من حقه ولا من حقها تفتيش ..

.. جهاز الآخر ..

.. وأصلا مالداعي من ذلكـ ..

.. أولاً في ديننا الحنيف التجسس حرام ..

.. تدري ليش ؟ ..

.. لأن الزوجه لو وجدت رقم غريب ..

.. سوف يبدأ الشكـ يتسرب إلى قلبها ..

.. والعكس صحيح بالنسبه للزوج ..

.. وكما هو معلوم فالشكـ معول هدم لأي بيت ..

.. سأذكر لكـ قصه حدثت وهي حقيقيه وواقعيه ..

.. وسمعتها بنفسي من صاحبة القصه ..

.. تقول أعتاد زوجها السفر وكانت عندما يُسافر ..

.. تتصل عليه وترسل له رسائل ..

.. أين أنت ؟ ..

.. وهل وصلت و و و ومن الكلام هذا ..

.. وفي مره من المرات فتحت جهاز زوجها وأخذت تقرأ ..

.. في رسائله ..

.. ووجدت رقما غريبا ..

.. كاتب له مجموعه من الرسائل ..

.. ياحبيبي بشّر وين انت الآن ؟ !! ..

.. ورساله فيها شوق وهيام ..

.. ورساله فيها متى ترجع من السفر اشتقت لكـ ..

.. ورساله لاوصلت اتصل علي ..

.. ورساله الحمدلله على سلامة الوصول ..

.. وكاد أن يجن عقلها ..

.. وأصبحت تغلي من الشكـ والقهر ..

.. وأخذت الأفكار تودي وتجيب فيها ..

.. وقررت مواجهة زوجها ..

.. فـ قوّمت الدنيا وقعدتها ..

.. وإنت خائن وإنت و إنت ..

.. وأنا وش قصرت فيه معاكـ ياخائن و و و ..

.. والزوج طبعاً وقف مذهولاً مايدري وش القصه !! ..

.. آخر شي طلبت منه الطلاق ..

.. فسألها هذا ليش كلّه ..

.. قالت تبي تضحك علي وتخبي علي كشفتك ..

.. وكشفت رسائل العشق والهيام اللي بجهازكـ ..

.. فما كان من الزوج إلا أن غرق بالضحكـ ..

.. وقال لها ياغبيه هذي الرسائل مو لي ..

.. أنا جهازي اشتريته مستعمل ..

.. هذي الرسائل للشخص صاحب الجهاز السابق ..

.. وإذا تبين تتأكدين اتصلي وأسألي ..

.. ولمّا تأكدت ندمت على مافعلته ..

.. الأساس في الموضوع أو الشاهد منه ..

.. كان فتحها لجهاز زوجها من وراءه ..

.. هي كانت في غنى عن هذا كله ..

.. لو كان الطرفان ابتعدا عن التلصص والتجسس على بعض ..

.. لأن الزوج ماأخذها إلا وهو واثق بأخلاقها ..

.. وهي كذلكـ ..

.. فكيف يسمحا لأنفسهما أن يهدما هذه الثقه ..

.. بتصرفات صبيانيه ومالها أساس ..

.. وطبعا هالكلام ينطبق أيضا على الأخوه وليس على الزوجين فقط ..

..

.. موضوعكـ اختيه رائع وشيّق ..

.. يعطيج العافيه ..

اختج
غرشوبة البدو
^ـــــ^

[يتيمه من عقب زايد]

غرشوبه البدو


ربي يعطيج الف عافيه على المرور الطيب والتفاعل الكريم

والله فرحت برودج الحلوه

تسلمين الغاليه

والله عندج حق فيما قلتيه ترى الشك يهدم البيوت

وشمووووورة غناتي على المررو الطيب

[جريح الحب]

وجود الثقة بين الازواج بيودي الى التوازن والرضى والقناعة بين الطرفين

وتفتيش موبايل كل منهم الاخر ليست بالضروره اذا كان الشخص مقتنع وواثق من الثاني

وسلمتي يا ختيه يتيمه وماقصرتي

[$ملك البداير$]

يزاااااج الله الف خير ختي يتيمة

موضوع حساس ويستاهل النقاش

اشكرج

دمتي بصحة وسلامة

ربي يحفظج

والسمووحة

[يتيمه من عقب زايد]

جريح الحب وملك البداير


مشكوورين على المرور الطيب والتفاعل الكريم

ربي يعطيكم العافيه

[% القلب %]

تسلميين الغلااااااا ع الطرح الحلوو...

لا طبعا مب من حق اي واحد فيهم يفتش تلفون الثااني،،اللهم اذا كان يشك فيه شك قووي..مب شك مرضي من حقهم عشان يطمنوون...


تحياتي لج

[يتيمه من عقب زايد]

القلب


شكرا


على

المرور

الطيب

[₪ لبيـــه ₪]

تسلمين الغاليه ع الموضوع الحلوو

بس من وجهت نظري مب لازم ألي يفتش في التلفوون يعني يشك

في نااس يشكوون من دوون سبب فتشو التلفوون ولا لا

عادي الريال يشووف تلفوون حرمته والحرمه بعد من حقها

والأنسان ألي وااثق من عمره مابيهتم بتلفوونه فتشووه ولا لا

لأنه يحيده مافيه شي

والسمووووووووووووووووووحه

^_^

[صاحب الذوق]

انا احس هالشي عادي فتش والا مافتش
ونفس مال قال الشاعر
مسموح فتش هاتفي **** دور عن الي مختبي
وتحياتي للجمـــــــيع
صاحب الذوووووق

[شليويح]

يقووووول المثل لا تسرق ولا تخاف

الامر ما بيعتبر تفتيش اذا كان الهاتف مافيه شي لان الحياة الزوجية اكبر من هذا تليفوني وهذا تليفونك الحال واحد

[يتيمه من عقب زايد]

شليويح


والله صدق ت يالشليويح الحياه الزوجيه اكبر من هذا

مشكور ولله على المرور الطيب




صاحب الذوق



بس حد منهم ما يرصى يفتش هاتفه وخاصه الريال انا ااتكلم من الواقع الي اشوفه ومشكككككككككور والله على المررو الطيب




لبيه

مشكورة فديتج والله على المرور الطيب وصدقتي في كل شي

[**الجنرال**]

بما ان الزوج و الزوجه داخلين حياه زوجيه مشتركه مابينهم اي سر ولا حد يخبي على حد

اشوف انه عادي انه الريال يفتش تلفون حرمتة والمراه كذلك من باب العلاقات المتبادلة


بس انا مابخليها تفتش تلفوني

لووووووووووووووووووووووووووووووووووووووووووووووووو ووووووووووول

مشكوره على الموضوع الغاليه .

[يتيمه من عقب زايد]

الجنرال مشككككككككككككككككور اخوي على المررو الطيب

[جنون الحب]

مب من حق الزوجه ولا الزوج تفتيش هاتف الثاني والتجسس ع الرسائل والمكالمات

لازم كل واحد منهم يكون واثق فثاني ويتاكد انه مستحيل يخونه فيوم

ومشكووووووووووره ع الموضوع

[يتيمه من عقب زايد]

جنون الحب اشكر كل الشكر على الرد على الموضوع


بس اذا الزوج او الزوجه اخذ وشاف كل واحد تيلفون الثاني هب لازم يكون شاك في شي بس من باب المطالعه



والله كل واحد منا يوم يشوف ربيعه اي وحده ويوم تيلفون ربيعتها كل واحد يطلب من لي عندي يشوف التيلفون الثاني

عشان يشوف المجسات واي شي فماباكم الزوج او الزوجه لازم بيكون عندهم فضول يشوفون التيلفون هب من باب الشك

والله ماافيه شي لو كل واحد شاف تيلون الثاني الناس تشوف تيلفونات بعض

بس انا لي يقهرني يوم اشوف واحد معرس حاط رمز حمايه ليش يعني بجذيه يخلي الزوجه تشك فيه انا شفت اكثر من حاله والله

واخر حاله للطلاق والسبب التيلفون ليش ما يخليني اشوف تيلفونه ليش رمز حمايه

السموحه منك