شو تسوي لو حصلت كل شي ضدك

[يتيمه من عقب زايد]

السلام عليكم ورحمه الله بركاته

شحااااااااااالكم يا جماعه


بصراحه والله هل الموضوع ما اعرفت وين احطه قلت بحطه هنيه عشان اريد اخواني وخواتي يشاركوني ينصحوني

والله كنت محتاره اريد اكتب عن شي مضايجني واباكم تواسوني فيه ما عرف وين احط في اي قسم قلت يمكن هنيه عشان اسمه

قسم القضايا وهذي هي قضيته مع الحياه وياريت والله تشاركوني في مشكلتي


والله متضايقه ومحتاره قلت لابد من الدخول المنتدى و اكتب عن ما في خاطري المكسور والمهموم والحزين عسى ان احصل

حد يشاركني والامل فيكم ياخواني وخواتي في منتدى الهير



ابسالكم سؤال ؟؟؟؟؟؟؟؟؟؟؟ او اكثر من سؤال ما اعرف كم سؤال المهم لي في خاطري بكتبه


شو تسوي لو صكت الدنيا أبوبها في ويهك؟؟


شو تسوي لو كل شي في الدنيا وقف ضدك؟؟


شو تسوي لو خانوك كل ربعك ؟؟


شو تسوي كنت تمشي مع جماعه وفجاه:c021: :c021: :c021: في نصف الطريق وخلوك بروحك؟؟



شوتسوي لو ما حصلت حد يفهمك؟؟


شو تسوي لو ضاقت الدنيا الوسيعه بك؟؟


شو تسوي لو الناس ابعدو عنك اعز ناسك؟؟


شو تسوي لو بكيت لا حصلت حد يمسح دمعتك؟؟


شو تسوي لو حزنت ولا حصلت حد يواسيك؟؟؟


شو تسوي لو تحس انك تيلس مع الناس بلا روح؟؟


شو تسوي لو راحو كل من تعرفهم ؟؟



شو تسوي لو يلومونك الناس هم ما يعرفون شي شو فيك؟؟؟؟


شو تسوي يوم تمر عليك ايام وشهور وانت شرات ما انت ما تغير شي حلو في حياتك؟؟؟؟

شو تسوي لو يتردى حظك؟؟؟؟

شو تسوي لو حاولت الناس دمرك؟؟؟

شو تسوي لو مرات عليك الحظات وانت محتاج حد يفهمك يواسيك يخفف عليك ما عندك حيله ؟؟؟؟؟


شو تسوي لو طلبو منك تضحك وتسولف وانت مهموم وحزين ؟؟؟


شو تسوي لو قررت تعيش وحيد؟؟


شو تسوي لو كرهت حياتك؟؟؟؟؟

شو تسوي لو تحس عمرك ضايع بهل الدنيا الكبيره ؟؟؟


شو تسوي لو تشمتو فيك العواذل ؟


آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآه والله


والله اني اكتب انا لا حاسه شو اكتب الكلام بروحه يطلع و في خاطري اجوبه منك ومشاركه وتفاعل مع موضوعي الحساس



وسمحولي لو طولت عليك بس والله ماحسيت بعمري يوم كنت انا اكتب



بس هذا الحقيقه....................


ارجوا منكم المشاركه والسموحه على الموضوع


بس ما اقول غير

الحمــــــــــــــــــــــــــــــــــــــــــــــ ـــــــــــــــــــــــد الــــــــــــــــــلـــــــــــــــــــــه

عـــــــــــــــــــــــــلى كــــــــــــــــــل شــــــــــــــــــــــــــــــــي

[MAFIA]

عليكم السلام




مشكوره يتيمه من عقب زايد


انا قريت الموضوع مرتين



وفي كل مره قريته تتردد معي مقوله رائعه وهي


قد يتحول كل شي ضدك ويبقى الله معك فكن مع الله يكن كل شي معك




:( ومن يتق الله يجعل له مخرجا ويرزقه من حيث لا يحتسب) : ( ومن يتق الله يجعل له من أمره يسرا )

وقوله صلى الله عليه وسلم : " احفظ الله تجده تجاهك " .

[يتيمه من عقب زايد]

قد يتحول كل شي ضدك ويبقى الله معك فكن مع الله يكن كل شي معك

مشكور اخوي والله على المرور الطيب والتفاعل الكريم

ونعم بالله وانا مع الله في كل لحظه

ومكشور والله على المرور الطيب

[يتيمه من عقب زايد]

ياخساره والله ياخساره


انا قلت اخواني خواتي بيشاركوني في موضوعي بتقوللي شي على الاقل لو بكلمه بسيطه

افاااااااااااااااااااااااااااااا والله خيبتوا ظني


كنت اظن وكنت اظن وخاااااااااااااااااااااااااااااااااااااب ظني

بس مشكووورين والله

[% القلب %]

هلااااااا والله الغلااااااااا...

انا مع اخوي مافيا( قد يتحول كل شي ضدك ويبقى الله معك فكن مع الله يكن كل شي معك )

وتوكلي ع الله،وربي يفرج عنج همومج،ولا يوريج مكروه ازيد عن اللي شفتيه...

واضحكي تضحكلج الدنيااااااا...

تحياتي لج،،

[يتيمه من عقب زايد]

القلب مشكور والله على المررو الطيب

والنصيحه الطيبه

توكلنا على الله ونعم بالله

ومشكورين والله

[مالك الحزين]

بجاوب على الأسئله


شو تسوي لو صكت الدنيا أبوبها في ويهك؟؟
برجع لله فهو قادر على كل شيء

شو تسوي لو كل شي في الدنيا وقف ضدك؟؟
بعمل على أن أجعل كل شيء معي وليس ضدي

شو تسوي لو خانوك كل ربعك ؟؟
بندم على نفسي اني عرفت هذيلا الربع

شو تسوي كنت تمشي مع جماعه وفجاه في نصف الطريق وخلوك بروحك؟؟

عادي بكمل طريقي روحي

شوتسوي لو ما حصلت حد يفهمك؟؟
بتم دور على الأنسان يلي بفهمني وأفهم ( لا حياة مع اليأس ولا اليأس مع الحياة)

شو تسوي لو ضاقت الدنيا الوسيعه بك؟؟
برجع لله وبكمل حياتي

شو تسوي لو الناس ابعدو عنك اعز ناسك؟؟
بحاول ارد أعز ناسي لي وأحذرهم من الناس يلي يحاولون يبعدوني عنهموبحاول أبعدهم عن هذيلا الناس

شو تسوي لو بكيت لا حصلت حد يمسح دمعتك؟؟
في هذا الشيء انا بتعود اني ابكي بدون حد يمسح دموعي

شو تسوي لو حزنت ولا حصلت حد يواسيك؟؟؟
بزيد حزني وبزيد الهم يلي فيني

شو تسوي لو تحس انك تيلس مع الناس بلا روح؟؟
بسير عنهم وبيلس روحي علشان ما اضايقهم او افشل عمري لو سألوني في شيء وانا ما اعرف عن شو يرمسون

شو تسوي لو راحو كل من تعرفهم ؟؟

بكمل حياتي فالحياة ما تنتهي بعد رحيل من نحب بل نسعى في تكملت الحياة ونامل ان نلقاهم في الجنة مع النبيين

شو تسوي لو يلومونك الناس هم ما يعرفون شي شو فيك؟؟؟؟
بعلمهم شو فيني وبعدين يحكمون

شو تسوي يوم تمر عليك ايام وشهور وانت شرات ما انت ما تغير شي حلو في حياتك؟؟؟؟
بحاول في الأيام والشهور التاليه اني اغير من حياتي

شو تسوي لو يتردى حظك؟؟؟؟
كل شيء يصيري من عند الله فقبله برحب صدر مهما كان هذا الشيء يضرني

شو تسوي لو حاولت الناس دمرك؟؟؟
بدافع عن نفسي

شو تسوي لو مرات عليك الحظات وانت محتاج حد يفهمك يواسيك يخفف عليك ما عندك حيله ؟؟؟؟؟
بيلس اسمع القرآن

شو تسوي لو طلبو منك تضحك وتسولف وانت مهموم وحزين ؟؟؟
بقولهم ما اقدر اني اضحك ولا اسولف

شو تسوي لو قررت تعيش وحيد؟؟
بسير في جزيره ما حد فيها وبيلس بفكر عن هذي الدنيا وشو سويت فيها

شو تسوي لو كرهت حياتك؟؟؟؟؟
بعرف شو سبب كرهي للحياة وحاول أخلي كل شيء في هذي الحياة يسعدني

شو تسوي لو تحس عمرك ضايع بهل الدنيا الكبيره ؟؟؟
برجع لله وببحث عن ذرة أمل او صديق يساعدني على أرجاع حياتي في هذي الدنيا الكبيره

شو تسوي لو تشمتو فيك العواذل ؟

برد لهم الصاع الصاعين

أن شاء الله اكون وفقت في الأجوبه

وتسلمين على الموضوع الرائع

ولا تحرمينا من يديدج

أخووووووووووووج

مالك الحزين

[silvester]

شو تسوي لو صكت الدنيا أبوبها في ويهك؟؟
ادور على باب غير هالأبواب
لازم الواحد ما ييأس

شو تسوي لو كل شي في الدنيا وقف ضدك؟؟
اوقف ضد اللي وقفوا ضدي واحاول اني ما اكون ضعيف جدامهم
لأنه الضعف يعني الخساره وانا ما اقبل هالشي

شو تسوي لو خانوك كل ربعك ؟؟
الربع يخونون ... بس الغلط بيكون مني انا اذا خانوني لازم تكون شخصيتي قوية

شو تسوي كنت تمشي مع جماعه وفجاه في نصف الطريق وخلوك بروحك؟؟
بيعرفون قيميتي لما بيخلوني
وانا اعرف دواهم


شوتسوي لو ما حصلت حد يفهمك؟؟
بهتم فيه علشان ما اخسره

شو تسوي لو ضاقت الدنيا الوسيعه بك؟؟
اذهب الى من يذهب عني هذه الضيقه

شو تسوي لو الناس ابعدو عنك اعز ناسك؟؟
تصير وايد
بس ما فاليد حيله
بحاول ارجعه لو شو ما صار
بالذكاء .. وبالاسلوب الراقي

شو تسوي لو بكيت لا حصلت حد يمسح دمعتك؟؟
مب لازم يكون حد معاي يمسح دموعي
انا من النوع اللي ما يحب حد يشوف دموعه
مب من النوع اللي يبي الناس يعرفون بضيجتي ... بالعكس لازم الوحد يبتسم ويضحك وقت الضيجه


شو تسوي لو حزنت ولا حصلت حد يواسيك؟؟؟
احس بضيجه كبيره ... ولكن اتخطى هالمرحله

شو تسوي لو تحس انك تيلس مع الناس بلا روح؟؟
لو اعرف انهم بلا روح مب يالس وياهم من البدايه

شو تسوي لو راحو كل من تعرفهم ؟؟
هذي صعبه شوي .... بس كل شي وله حل


شو تسوي لو يلومونك الناس هم ما يعرفون شي شو فيك؟؟؟؟
اكتم ما فيني



شو تسوي لو يتردى حظك؟؟؟؟
كلها امور مكتوبه انها تصير .. ما اقول غير لا حول ولا قوة الا بالله .. واتوكل على الله

شو تسوي لو حاولت الناس دمرك؟؟؟
الله معاي بكل شي .. حتى ولو انقلبت كل الخلايق ضدي

شو تسوي لو مرات عليك الحظات وانت محتاج حد يفهمك يواسيك يخفف عليك ما عندك حيله ؟؟؟؟؟
الجأ الا من يفهمني ويواسيني

شو تسوي لو طلبو منك تضحك وتسولف وانت مهموم وحزين ؟؟؟
اضحك عادي ... لأنه الضيجه ما منها نفع

شو تسوي لو قررت تعيش وحيد؟؟
جربت الغربه ... وتعودت عليها

شو تسوي لو كرهت حياتك؟؟؟؟؟
مستحيل اكره حياتي .... لأنهلو كرهتها بتنغلق كل ابواب الحياه
كل شي له مخرج

شو تسوي لو تحس عمرك ضايع بهل الدنيا الكبيره ؟؟؟
لما اكون ضايع .... ايلس وافكر بخطواتي اللي تخطيتها اذا كانت صح وله غلط علشان ما اكرها واحس اني ضايع مره ثانيه

شو تسوي لو تشمتو فيك العواذل ؟
بسكت وما بسوي شي علشان يموت من القهر والغيضه


ومشكوره على الموضوع

[يتيمه من عقب زايد]

مشكوووووووووووووورين على المرور الطيب


والتعليق على الموضوع


ربي لا يحرمني منكم من نصايحكم


ومشكورين على كل كلمه قلتوها لي


ويزاكم الله الف خير والله يبعد عنكم هل لاشياء كلها

[رحــــــاله]

السلام عليكم ..

في حالتج أنا شي واحد أقدر اقولج اتسوينه ..انسي كل شي حواليج من الممكن إنه يذكرج بأحزانج ...و اتذكري الأشياء الحلوه و فكري فيها عدل..إلهي نفسج باي شي حتى لو خاطرج بعده حزين ...

النسيان نعمه و استغليها في هالشي و الله ما يظيع حد .. و الناس الطيبه في كل مكان ..مهما فقد الانسان ناس أعزاء على قلبه ..الدنيا ما بتوقف بعدهم بس الأهم إنا إنكمل و لا نيأس ..خليج دوم في الجو إلي يفرحج و اتكلمي ويا الناس إلي ترتاحين لهم ...


________________

يحفظج ربي ..و الله يفرج كرب المسلمين جميعاً......آميــــــن

أختج خـــــــانوم
:)

[نفحة الهيل]

بقولج شي


عسى ان تكرهوا شي وهو خير لكم


وشي ثاني

لبسي قناع وهذا القناع اسمه البسمه خليج دايما مبتسمه ولو انتي مضايقه صدقيني بتروح عنج الضيقه بتحسن براحه عجيبه

وشي بعد

تعوذي من ابليس

واذا محد عندج ربايع ولا حد تشتكيله ولا يساندج بوقت الشده طال عمرج انا موجوده وانا ختج وربيعتج ولا عليج من شي وانتي صدقيتي اذا بين اعضاء الهير انتي هب بروحج كلنا وياج وكلنا خوانج فديتج


ودامني رمست ابا اقولج شي


تقبليني ربيعتج وخويتج ؟؟

[أل ديين الكعبي]

يا هم لي رب كبير

[جنون الحب]

بتم اصيييييييييييييييييييييييييييييييييييييييييييييييي ح

تسلمين الغاليه ع الموضوع